Sept 13, 2009

Visit us at www.dawrpuiveng.com

Gupshup zawm dan - JOIN DAWRPUIYMANews tihhi 567678 ah thawn tur MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XIX Issue No 37

TUALCHHUNG D AMLO : Pu Jimmy  Lalramthanga s/o Pi Ruati New Market fapa Samuela Ramthianghlima kum 2 leh a chanve mi chu an In atangin a tla a, tunah Civil Hospital ICU ah enkawl mek a ni ™ Tv Lalrinawma (Lalroma) Branch Executive Committee Member s/o Dr C.Zarzoliana New Market, chu Civil Hospital ah damlohna avangin enkawl mek a ni ™ Kan Joint Editor Pu Ziakkima Pachuau pawh pum lam that lohna avangin in lamah enkawl mek a ni bawk ™ Taitesena Section Secretary Pu H. Lalchhanhima chu khawsik avangin in lamah a in enkawl mek bawk ™ Pi Ronguri w/o Pu VLT Muana Dawrpui South chu Kolkata ah damlohna a vangin 7 October (Thawhtanni) khan an kal ZIN : Kan YMA President  Pu Chhawnkima Pachuau pawh Delhi lamah a la thang mek LO HAW : Pu J.Thankima  Bara Bazar damlohna avanga phailam kal pawh 11 October (Zirtawpni) khan a lo haw ™ Pu Roengliana s/o Pu Israel Sangkhuma pawh Delhi an chenna lam atangin chakkhai la alo chho mek.  ZIN : Bhutan leh a chhevel-a Outreach nei turin Dawrpui K|P member 5-te chu Sept 22, 2009 hian an kal dawn. Kan veng tlangval Tv. Zothankima’n alo buaipui dawn a ni. An rual hian Nl. Lalremruati Khiangte (Maremi) YWAM pawh a tel dawn a ni.  KEIMAHNI : Dawrpui News Editorial Board member-te chanchinbu siam kawngah midangte ring mai lova, mahni ngei kal a, \anlak a ngai hle. Taimak chhuah lehzual ang u khai.

Dawrpui News

Kartin Chhuak Pathianni Sept 13, 2009

CENTRAL CO-ORDINATION COMMITT EE COMMITTEE |HUKHAWM September 9, 2009 (Nilaini) khan Central YMA Hall -ah CCC Meeting vawi 60-na neih a ni a, Central YMA President Pu J.H. Zoremthanga’n he meeting hi kaihhruaiin Pu Lalbiakzuala General Secretary- in report a, YMA khawih thil leh Sorkar khawih thil hetiang hian an rel :YMA GENERAL CONFERENCE AGENDA : Kumin YMA General Conference Darlawn a neih turah, hetiang hian Agenda chhawpchhuah nise, an ti.

YMA KHAWIH 1. Faina chungchangah chak zawka hma lak ni rawh se. 2. Mihring hriselna atana \halo chi Polythene Bag khap ni rawh se. 3. ILP neilo hnamdang dapchhuahna kawngah CYMA in hma la rawh se. 4. Kan inhmun/Lo ramte hnamdang (Non Tribal) hnenah hralh a nih tawh loh nan hmalak ni rawh se. 5. Mi dik leh rinawmte chawikanna tur leh ram leh khawtlangin hma a sawn zawk theihna turin, kut tlinglova sum lak \hat loh zia uar zawka zirtirna ram pumah neih ni rawh se.

SORKAR KHAWIH 1. Sikul zirlaiah Mizo Nun Zemawi tam zawka telh ni rawh se. 2. Mizorama Foreigner lo lutte khuahkhirhna dan sorkar-in a neih sa hi khauh takin kalpui rawh se.

Kumpuan : Kum 2010 atana Kumpuan rawtna hrang hrang zingah hengte hi Gen. Conference-ah chhawpchhuah nise, 1. Ruihhlo Do 2. Khawtlang nun siamthat 3. Ram leh hnam humhalh 4. Faina

YMA GENERAL CONFERENCE OCTOBER 20-2 2, 2009 20-22, INBUATSAIHNA Pu R. Lalngheta CYMA Fin. Secretary in hetiang hian Programme ruahman dan a bikin Oct 21, 2009 Rorel niah chuan Mizo inchei a inchei vek turin palai turte min hriattir a, Tin Item chi hrang hrang a tam thei angber neih a nih tur thu a sawi bawk, Tin khuallian atan Mizoram Chief Minister Pu Lalthanhawla beisei a ni. Tin, Conference thlengtu lam a\angin report ngaihthlak a ni bawka, YMA General Conference in buatsaihna pawh tluang taka kalpui mek a nih thu te, Pandal chu “Chalfilh Run” tiin July 18, 2009 a sa tanin tha 960 vel an sen tawh thute, an peih thawkhat tawh thu ngaihthalk a ni a, khawmpui diak lo neih an tum thu te leh Motor Parking ah pawh ruahmanna fel tak an neih thute, chhungkaw 600 chuangin mikhual/Palai an thlen theih an beisei thute, khawmpui boruak \ha tak kan neih theih nan VC te nen \angrualin JAC dinin ruihtheih thil nasa taka tih rem hna an thawh thu ngaihthlak a ni. palai a tam thei ang kal turin an sawm a ni.

VENG REGIST ER CHUNGCHANG REGISTER Mizoram Sorkarin veng Register buaipui tura CYMA a ngen angin he thil hi kan ram tana thil pawimawh a nih avangin veng Register hi a tul anga buaipui turin Sorkar thawhpui nise kan ti.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

Ruihhlo a hluar Tunlai hian kan ramah Aizawl khawpuiah, kan veng Dawrpui area-ah ngei mai hian Ruihhlo a hluar nasa hle a. Dawrpui veng hi tunhma a\anga mi chintin chitang fuankhawmna a ni a, nasa takin kan do a, kan bei a, a thim a var thlu lovin kan khawtlang hruaitute leh mi tlawmngai ten an lo sual nasa tawh a. Awmzia thui tak a nei reng a ni. Hmana Canteen Kual boruak kha tunah chuan a awm ta lo...! Mahse, khawvel a kal ngaiin a kal zel a, sualna chi hrang hrang a pung zel a, hmana Zu kan buaipui kha tunah chuan Damdawi chi hrang hrang damna tur kha Ruih nan kan lo hmang ta a. Kan thihpui mek a nih hi! He ruihhlo hian in chhungkua a khawihbuai em? kan tu kan faten harsatna an nei em ? A nei pawh neilo pawh kan zavaiin he ruihhlo hian min tibuai tih hi i pha lo ang u. A rem theih nan leh hemi laka buai mekte chhanchhuahna kawngah hian kan vaiin tih tur kan nei tih pawh hrethar ila, kan khawtlang hruaitute pawhin mutmawh hnarmawhah an neih a ngai. Ngawih mai mai hman a ni ta lo. Ruihhlo leh mi awm\ha duhlo te avangin Dawrpui a tawp mek. Tu mawh nge? Nang leh Kei kan ni e.

CHHIATNI FUND Kumin 2009 hian rin loh leh beisei loh takin vengchhungin chhiat kan tawk ngun ta hle mai a. Dawrpui vengchhung mi, Dawrpui thlanmuala phum hi mi 26 vel (hlamzuih telin) an awm a, ruangchhuak Kuang kan siam mi 5 vel an awm bawk. Hetiang hi kan dinmhmun a nih tak avangin BranchExecutive Committee chuan inthlahrung tak chungin “Chiatni Fund” hi intinah Rs. 100/- (cheng za) khawn leh mai nise tiin a rel ta a ni. Chhung tinte kan dinhmun hrerengin Section hruaituten an rawn khawn mek a, chhung tinten phal taka lo pe \heuh turin kan inngen a ni. Tunah hian kuang tur thingphel engemaw zat chu lei kan ngai mek bawk a ni. Sd/- Secretary, YMA Dawrpui Branch.

Pathianni

September 13, 2009

Pianni leh Thih thu RBD hnena report chungchang (Lalbiakzuala, Gen. Secretary, Central YMA hnen a\anga vantlang hriattur kan dawn a ni a, chhungkaw tinte ngaipawimawh tura ngen leh hriattir kan ni e, Ed.) Directorate of Economics & Statistics Deptt. Registration of Birth & Deaths Wing hnen atanga kan lehkha hmuh, Pianni leh thih thu RBD hnena report chungchang chu Ni 14.9.2009-a CCC Meeting chuan a ngaihtuah a. Mizoram RBD Rules chuan chhungtina mawhphurhtu/hotu apiang ten mahni inchhungkhura piang leh thi an awmin, mahni veng/ khua RBD hnena pian/thih a\anga ni 21 chhungin report ngei tur a ni a, in report lo chu dan anga hrem theih a ni ang. Hemi hunchhunga in report-te chu a thlawnin Certificate pek an ni ang. Huntiam chhunga piang/thi report lote chu ni 22 lian atanga thla 1 chhunga mahni veng/khua RBD phalnain Rs. 2/ - chawia register theih a ni a, thla 1 a\anga kum 1 huamchhung chu Addl. Chief Registrar hnenah phalna dil hmasak tur a ni. Kum 1 ral tawh chu Magistrate Ist Class hnenah phalna dil hmasak tur a ni. July 1985 hnu lama Damdawi ina piang/thite chu record vek a ni tawh a, in lama piang/thi registered tawh te record vek a nih tawh avangin Directorate of Economics & Statistics (RBD Section) -ah Certificate lam theih a ni. Vawikhat pian/thih thu report hi dam chhung daih a ni a, chhiattawh leh tihbo palh awm pawhin pianni/thihni/date og registration dik sawiin Certificate a lak chhuah theih bawk a ni. RBD in a pekchhuah chuah hi Dan in a oawm a nih avangin, mitinin pian/thih thu report hi ngaih pawimawh tur a ni.

NEW MARKET ENHO Ni 10 9 2009 (Ningani) zing kar khan Pu Lalrinliana Sailo, Minister i/c Trade & Commerce etc.. Pu John Rotluangliana Deputy Speakerleh Trade & Commerce Deptt. Director leh hotu dangte leh Dawrpui VC leh YMA OB-te nen New Market hmun chipchiar taka en ho a ni a. Hmalakna tur tam tak awm te zingah hengte hi tih tur hmsa atana ruahmante an ni. 1. Market bulhnaia awm te tan a thianghlim zawk theih nana thil zuarte thutna hmun siam rem. 2. Mipui awmna a thawl zawk theih nan pawn lama hawkers awmte building chhunga dah luh. 3. Market area chhunga kalkawng chhia siam that. 4. Market area tana bawlhhlawh paihna hmun siam belh. Heng bakah hian Market building hlui chhe lutuk tawh te sak \hatna tura ruahmanna siam te pawh hmachhawpa dah a ni bawk.

VC NEWS

I. Ni 11. 9. 2009 ( Zirtawpni) khan LAD lam houte nen veng chhunga step, pavement etc. repair/siam danglam ngaite enho a niin a hma theih anga hmalak tum a ni. II. Ration Card thar semchhuah mek a ni a. La la loten ni 14.9.2009 (Thawh\anni) zing dar 7:00-9:00 inkarah VC House Upper Bazar ah lam tur a ni. III. Gas Consumer Card transfer peih a ni tawh a. Ration Card sem zawh ve leh sem chhunzawm a ni ang a, mipuite inhriattir a ni ang.

3

Dawrpui

News

Kartin chhuak

MUP DAWRPUI UNIT ( 9.9.1989 - 9.9. 2009 ) (Dawrpui MUP-in Kum 20 a tling ta! ta!)) - Maj. P.C. Thansanga Senior Adviser MUP Dawrpui Unit. (Hmalakna leh hun hmandan) Dawrpui News chhuak hmasa chhunzawmnain Kum 20 chhungah khan MUP Dawrpui Unit Member-te hi hruaitute nen hian thawhhona \ha leh kan awm mai mai lo a ni, tih lan nan kum 20 kal ta a kan hmalakna leh hun hman dante sawi nawn leh hi a nuam a. Kum 13-na kha Ruai nen kan lawm a, Hqrs. hruaitute khan kan Unit chanchin kha ngaihnawm an ti hle a ni. NO. 1-NA : CHATUAN RAMAH - Kum 1989 - 2009 chhung hian kan member duh takte mi 108 laiin Chatuan Ramah min lo kalsan tawh a, lung an ti leng ngawt mai. Keini nung dama la awmte pawh hi kan la kal ve ang a, kan \hiante kha kan hmu ang. NO. 2-NA : MEMBER-TE SUNNA LEH RALNA - Kan member boral te reng reng chu a tirin Belpui leh Dekchi -in kan inral a, pawisa in kan inral leh a, Rs. 300/- a ni leh a, tunah chuan Rs. 5,000/- a ni ta.Tin, kan member boralte reng reng chu an ruang chungah Pangpar, MUP hmingin kan dah \hin a. Chu chu Pu K. Khualluna te nupa khan an tum \hin a, tunah chuan kan ti zui ta lo. NO.3-NA : DAMLO ENNA - MUP member damlo, mahni inlama khumbeta awmte chu Rs.200/- in kan en thin a. Damdawiin a awmte chu Rs.500/- leh Mizoram pawna refered- te chu Rs.1000/- a tanpui \hin an ni. No. 4-na : Home leh hmun \henkhat tlawh a ni (a) Kumtinin Krismas dawn apiangin Home hrang hrang tlawh \hin a ni a, member a thei a piangte insem darhin Rs. 2,000/- pek \hin an ni. TNT, Zuangtuiah |hutthleng 30 pek an ni tawh bawk. (b) Aizawl Civil Hospital Cabin Ward 16-ah Folding Table pein, Gargil Indona kha \anpui ngaite tan Rs. 5,000/kan pe ve a. Tin, CM Relief Fund atan \um 3 (a vaiin) Rs. 6,000/- kan chhunglut ve bawk. NO. 5-NA : THIL DANGAH - MUP Hqrs. building rawng man atan Rs. 10,000/- pek a ni a, Office Sana lian Rs. 1,500/man leisak a ni bawk. Tin, Dawrpui School Anganwadi naupangte tan Pipu leh Tawlhpahrit etc. pek a ni bawk. No. 6-na : MUP Dawr Luah Man - MUP Dawrpui Unit hian Dawr luah tur a nei ve neuh neuh a, luahman tlingkhawm hmasa ber a\angin YMA Dawrpui Branch, MHIP Dawrpui Branch leh VC hnenah Rs. 1,000/- \heuh kan pe. Hei hi a chhan chu khawtlang tana kan thawhhona ah MUP ten kan zui ve zolo em avang a ni. NO. 6-N : INTIHHLIM NAN KAN KAL \HIN - A hnuai ami ang hian hlim takin kan kal \hin :1. Lengpui Airport thlawhna \umhmun tlawh a ni a, thlawhna leihlawnah te thla kan la. 2. |amdilah kalin Lawnglengah kan chuang a, nuam (Column lehlamah zawm)

Pathianni

Sept 13, 2009

HRISELNA

B.P Sang - Dr. Thangchungnunga Aizawl khawpui chu BP Sang, pumpuina, cancer-te kan ngah ta hle mai a, kan fimkhur ve deuh a ngai ta a ni.Chaw te hi tui tih avanga ei teuh ai chuan puar tawk tawka ei a, ei zin deuh zing chhun zanaah te ei mai tur. Pumpui hi a fan thei a, i ei teuh teuh chuan a fan zel a, ip lianpui ang a ni ta mai a, i ei tlem chuan a sawng te ve hret hret a, puar tho si taksa tana tawk bawk si i ei thei dawn a ni. Tlangval apumpa dul kiar luah mai chu a mawi lo hlein, ei a thei hle tih a hriat a. Mahni kan in control zawh loh avanga BP sang te, Diabetes te, pumpuina te kan ngah ta em em mai anih hi. Dam rei deuh nan te lo insum ve teh. Blood Pressure sang hi a san dan a in anglo a, Chuvangin mahni normal BP hi hre theuh ila, eng tik ni-ah emaw i buai palh takin. Kan ei luat avanga kan tuar a nih chuan vui thei kan ni lo. Chuvangin i BP a sang chuan reiloteah i lung a ti chak lo ang a, i chuapin a tuar leh anga buaina hlir a ni mai. Chuvangin ei leh in te hi chin tawk nei ila, vawikhat BP a sang tawh chuan ‘kumkhua atan tiam tlat e’ tih nen a in ang reng. BP damdawi tha, kolkata-a an proof tawh phuihnam hi tam deuh (a hnah chang a tha) chhum teuh la, zing leh tlaiah glass no 1 in inziah la, litre 5 vel i siam chuan thla 1 lai a daih ang. I ei zawhah litre 5 vel tur chhum leh la chhum lo chat lovin in in mai rawh, a tha . A chhiat i hlauh chuan fridge-ahte dah la, anih loh leh Agriculture office kawt velah sawn preservative an zuar ve a, sawh khat te chu telh ve la, a tha mai thei. A thlum si kan product a ni bawk a damdawi in in lovin lo in ve teh a tha ania. kan ti hle. Forest te Sangha an lo man a, kan hlim hle. Hemi pah hian Tung Hriak khawl en a ni a, Chini herna khawl kan en bawk a, a tlawm bawk a, kan lei hlawm.Tichuan Khuangthli kawn bulah Pu S. Rokhuma Aieng farm kan tlawh nghal a, kan mit a tlai hle. 3. Rih dil kan tlawh \um phei chuan Aizawl atanga Champhai kan zai tluan zak a, Hla 80 kan saa, Bus chhungah thlarau nen kan zai a, kan lam hial hlawm a ni. Rih dil hi Burma rama awm a ni a, la hmu leh Burma ram la thleng ngai lo kan nih avangin kan hlim hle. Pumah te kan chuang a, Pu Zadingluaia te, Pu Challuta te leh Pu SH Lianhmingthanga te, Maj. P.C. Thansanga te phei chuan Rihlipui chu an hleuh nasa mai! Tichuan, dar 10-ah Burma ramah chaw kan ei ta a ni. Kan hawn kawngah Pu V. Lalliana Leilet leh Sangha dil zaupui maiah chuan a fate ruai lo siamsa chu puar takin kan ei a ni. (Karlehah chhunzawm a ni ang)

4

Dawrpui

News

Kartin chhuak

INFIAMNA - SKA Glen Johnson Position: Defender Dt.of Birth: 23/08/1984 International caps: 15 Club(s) : West Ham United, Millwall, Chelsea, Portsmouth Tun season thar Liverpool Boss Benitez a player lakluh fuh bera a ni awm e. Chelsea tana league tiltle vawi 2 ngawt lo la ve tawh England international Glen Johnson hi Reds tantu leh tan lem lo tu pawhin kan hre theuh awm e. Premier khelh chhoh mek a mi mit fukna leh player langsar tak rawn ni chho hi goal venhim lama a that ang bawk in attacking lamah pawh a chhe lo hle.Hei vang pawh hi ani ang england team boss Fabio Capello ngei pawhin squad zingah a hmaih ngai meuh lo. A football career chu tuna premier club zinga coach tha berte zinga chhiar ngam Harry Redknapp’an West Ham Hammer tan hian vawi 15 chiah khelin loan in Millwall lam a pan zawk a, Russian tycoon Roman Abramovich an kum 2003 a Chelsea a pumhmawm hnua player lakluh hmasakber a ni.Blues tana a game hmasaber ah hian a che tha hle a,thla thum a ral meuh chuan England team tana koh niin Denmark a hmachhawn.Blues tan hian Premier League leh League Cup chawiin kum 2006 khan Coach Jose Mourinho chuan Portsmouth ah loan in a kal tir. Portsmouth hian a kum leh atangin contract puitling an ziahpui nghal a Fratton Park ah hian a che tha hle.2008 FA Cup champion nih puiin first team tana pawimawh berte zinga chhiar theih a ni. Prenier League ah 14-na chauh ni mahse PFA Team of the Year for 2008-09 (right-back) atan thlan a ni pha hial. Nikum November 22 a Hull City lama a goal thun kha Goal of the Season atana thlen a ni nghe nghe. Johnson hi khelmual ah chauh lo pawh a thawk ropui hle.Kum 2007 khan naupang kum 4 - 16 inkar khawlai a tei mai mai sualna lama kawngzawh hmabak te tan ven nan 'Glen Johnson Soccer School' tih a din nghe nghe. A theihna leh thiamna te zep theih ni hek lo Premier league title lak tum em em Liverpool Boss Benitez chuan a squad tih chak nan lalutin a tisual lo hrih khawp mai. Liverpool player langsar berte zinga ngaih ani mek.

LAM I THAI ANG U !! Mizo Hnam Lam Intihsiak Art & Culture leh CYMA tangkawp ten Chief Minister Running Trophy chu neih a ni leh dawn a. Hemi hunah kan Branch pawh tel ve turin kan inbuatsaih mek a. YMA member lam zir \hin leh la zir lote Lam Zir Tur A NI. Sept 14, 2009 (Thawh\an) zan dar 8:00 a\angin Dawrpui School Hall-ah lam zir tur a ni. Member ten i ngaipawimawh theuh ang u. Member kal \ha lawmman a awm ang. Lawmman \ha tak buatsaih ah hian Pakhatna nih tumin \an ila ang u. Sd/- Secretary, DYMA

September 13, 2009

Pathianni

PRESBYTERIAN PATHIANNI Zing leh Chhun NPSS, Dawrpui Pastor Bial Inkhawm neih a ni ang. Hemi avang hian K|P |awng\ai Inkhawm a awm lovang. Zan Inkhawm Hruaitu Thupui Sawitu

: Upa Rokamlova : “Ramri Insawn tur a ni lo” : Upa Dr. C. Zarzoliana

SALVATION ARMY Sept 13, 2009 Hruaitu Thusawitu Hruaitu Zirlai

THIANGHLIMNA INKHAWM : Pu P.C. Lalchhandama : Pu Vanlalrova SUNDAY BIBLE SCHOOL : Nl. H. Lalhriatpuii : Zirlai 30 & 31

CHHANDAMNA INKHAWM Hruaitu Thusawitu

: Nl. Lalrindiki : Pu Lalhruaitluanga

SAY Fellowship

A hmun Hruaitu

: Maj. Sangzuala-te In : Tv. M.S. Dawngzuala

SAY THAWHTAN ZAN Sept 14, 2009 : Nl. Ellen Lalengzuali Hruaitu Sept 18, 2009 (Zirtawp) zan a Music & Art Show neih tur atan inbuatsaih nan hun hman a ni ang. Hemi pual hian zan chanve |awngtai neih a ni ang. ADMISSION NOTICE Aloha chuan nu leh pate ngenna avangin Aloha learning Centre (ALC), Bazar Bungkawn ah level-1 (class : SALVATION ARMY SALVATION ARMY III - V) te tan bik seat tlemte a hawng leh dawn a, admission hemi hmunah hian a tih theih e. Seat a tam loh avangin a hmasa te tan vanneihna a ni mai. Ken tur pawimawh : Birth certificate. Aloha Learning Centre Khawtinkhuma Building Top Floor. Ph : 9862576998/0389 2301870 Ngaihdan

 LUNGTILENG : Issue hmasa a Aitea thuziak khan Lung ava ti leng em! Dawrpui Thlanmual hlutna leh zahawmna hi ropui ka ti, tun aia humhalh leh zual tur a ni. Hemi rual hian ngenna ngaipawimawh lova Thlan thira HUNG zawng zawngte hian Mizo takin \hiat ngam se ka ti. - Dawrpui Tlangval  KHAWHARIN : Karhmasa khawhar in khan ngaihtuahna a ti thui fu. Ni e, \an ila tlang lehzual ang u. Hmanniah vengdang mitthi inah ka kal ve a, Hla bu an sem lova, pakhatin hlachang a hril tawp a, an zaithiam em em tho si a, kan veng hian kan ti ve ngam ang em le? Hla bu en chung pawha zai \ha duhlo - |hahnemngaia kan la tam sia...

Published by Y.M.A., Dawrpui Branch, Printed at G.S. Offset Printers, Treasury Square