2 August, 2009

Visit us at www.dawrpuiveng.com

Gupshup zawm dan - JOIN DAWRPUIYMANews tihhi 567678 ah thawn tur MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XIX Issue No 31

Dawrpui News

Kartin Chhuak

Pathianni August 2, 2009

TUALCHHUNG

DAWRPUI MULTIPURPOSE CENTRE CHUNGCHANG

DAMLO : Pu Lalsakawla Jail veng khawsik avangin Care Hospital ah karhmasa Inrinni khan a lut a, in lama enkawl zui turin a chhuak leh ta. Pu VL Ruala Jail veng chu lung lam that lohna avangin July 29 ( Nilaini ) khan Kolkata Birla Hospital panpui a ni a, July 30 (Ningani) khan zai a ni, thatlam a pan zel niin thu kan dawng. Pi Nu-i w/o LT Siama, New Market chu New Life Hospital a hun engemaw chen a awm hnu in, July 30 (Ningani) khan in lama enkawl zui turin a lo chhuak ta. Pi Lalrinsangi (Masangi) d/o Pi Zaithanchhungi Bara Bazar chu, 1st July (Inrinni) khan New Life Hospital (Chanmari) ah damlohna avangin a awm.

Dawrpui Multipurpose Demand Committee chu ni 30 July 2009 zan dar 7:30 khan Dawrpui School Hall ah neih a ni a, hetah hian Committee members leh Cell hrang hrang members te an kal kim hle a. Chairman Pu Chhawnkima Pachuau in a kaihruai a, Vice Chairman Pu V Lalliana’n tawngtai a Committee hlanna a neih hnuah Secretary hnen atanga report ngaihthlak a ni. Ni 19.02.2009 a Congress Legislative Party meeting a an minute te report a ni a. an minute chuan Dawrpui Multipurpose Centre chungchang chu hetiang hian a sawi : “ Aizawl Civil Hospital ram chhunga Dawrpui Multipurpose Centre siam tura rawtna awm thin chungchang kan ngaihtuah a. Rei tak sawihona kan neih hnu-ah, he thil hi Dawrpui khawtlang pual bik tur pawh ni lo, Civil Hospital ram laksak/sahthlak ngai chuang lova, mipui vantlang tana remchanna siam theihna tur a nih avangin tha kan ti tlang a. Civil Hospital ram chhungah hian, Dawrpui Multipurpose Centre chu dah nise kan ti a. Mahse, he thil hi tuma thik chi loh, Civil Hospital tan ngei pawha thil tul leh tangkai ni hial zawk thei a nih avanga remtih a ni a. Sawrkar ram/hmun dang leh a awmna veng dang tan entawn ve theih loh ni se kan ti. ‘ tih chu chhiarchhuah a ni a. Hemi hnu a bialtu MLA Pu Lalsawta leh Chief Minister Pu Lal Thanhawla te hmuh thu report ngaihthlak a ni bawk a. Hemi hmuna ruahhmanna Architecture drawing leh Detailed Estimate Rs.6,03,59,300.00 Tv.Chawngdingliana leh Nl.Elizabeth Zodingliani ten min siam sak a. He drawing leh detailed estimate te hi Bialtu MLA leh UD & PA Minister ah te theh luh tawh a nih thu report a ni bawk a. Committee chuan chak taka bawhzui nise tih a ni a He bawhzuina ah hian UD & PA Minister leh Health Minister a rang thei ang bera hmuh thuai nise tih a ni. A tul angin Bialtu MLA pawh hmuh leh nise a ti. Committee chuan kan ngenna anga tlawmngaia Architecture Drawing leh Detailed Estimate min siam sak tute Tv. Chawngdingliana leh Nl.Elizabeth Zodingliani te chungah lawmthu a sawi a,lawmthu sawina pawh pek ngei nise tih a rel. He Dawrpui Multipurpose Centre tur chungchang hi hmabak tih tur tam tak a la awm dawn chauh a, chuvang chuan veng mipuite pawh pheikhai rual taka kan tan tlan zel a pawimawh dawn hle mai. Tunah hian Demand Committee a kan hruaitute hmalakna azarah kan tum ram kan thleng tawh a tih theih a, hma latu kan hruaitute an fakawm takzet a ni.

RUANGCHHUAK : Pi Thangzuali kum 71chu July 26 (Pathianni) zan khan Heart Attack avangin CARE Hospital-ah a boral. A zan la la hian ama chenna Sihphir-ah YMA in Kuang siam saka puan a tuam bawkin thawn chhuah a ni.Amah hi Pi Thangliani w/o Dr. S.R. Zonunthara, Jail veng hringtu nu a ni. DAWRPUI MODEL SCHOOL

Dawrpui News a hnaruak kan rawn tarlan tak ang khan, Dawrpui Model Primary School a Mid-day Meal Cook turin Pi Lalrinkimi Dawrpui West leh Pi Lalthlamuani Medical Quarter te lak anni ta HNATLANG : Dawrpui thlanmual thar Mualpui ramah, 1st Aug (Inrinni) khan YMA hnatlang neih a ni a, he hnatlang ah hian member an thawk chhuak tha hle, karlehah kim changin tarlan kan rawn tum ang. SECTION PICNIC : Vanapa Section te chuan Aug 14, 2009 (Zirtawpni) khian Section Picnic neih an tum a, hemi chungchang hriattur kimchangchu karleh issue- ah tarlan a ni ang. Member kal tumte chu ruihtheih thil laka fihlim turin Section hruaituten an hriattir.

:

THLANMUAL THAR Dawrpui Thlanmual thar atana thawhlawm khawn mek zel a ni a, veng mipuiten kan ngai pawimawh tlang a, a lawmawm hle, kan veng tanrualna nasa takin a lang a, a lawmawm tak meuh meuh a ni. MHIP ten taima tak leh thahnemngai taka thawhlawm lakkhawm hautak tak mai felfai taka an buaipui hi a lawmawmin an chungah lawmthu kan sawi mawlh mawlh bawk a ni. Tin, chhungtin hnena chhungkaw dinhmun mil awm ni a thawhzat tur kan intuk chungchangah tihsual palh a awm nual ang tih kan ring a, thenkhat tana rip deuh pawha tuk an awm thei, tumah inthlahrung lovin mahni tlin tawk thawh mai turin kan ngen bawk a, tihsual palhah ngaihdam kan dil nghal e. Thlanmual Fund Raising Committee Power & ELectricity Department in kan veng chhung current an siam dawn avangin vawiin 2.8.2009 zing dar 10:00-5:00 current a awm mumal dawn lo.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

FIAMTHU Mizo te hi hnam inpawh tak leh innel tak, a huhova awmkhawm nuam ti mi leh fiamthu duhtak hnam kan ni tih chu sawi ngai lova kan hriat a ni. Innel chintawk leh infiamdan chin tawk erawh inzirtir kan ngai ta hial em? Dawrpui Veng hi Aizawl mai nilo, Zoram pum ang pawhin fiamthu sanna ber pawl a ni ngei ang. Kan sawisello, a tha e, amaherawhchu kan fiamthute hi kan ngaihtuah chiana kan fimkhur a tul tanin a lang. Miin kan fiamthu avangin, kohhran leh khawtlang thiltihnaah thleng pawhin an lo tel hreh phah em? Mihring hi kan rilru a inang vek lova, mi dangte tihlimtu emaw ka nih kan intih laiin, mi rilru tinatu ka ni em? tihte pawh ngaihtuah tel fo a tha. Kan fiamthu lutuk hian kan hmasawnna tur a dal em? kan fiamthu luatah mi fel tak leh talent nei tha tak takte pawhin an talent neih angte pawh an pho chhuak ngamlo fo lo maw? Ngaihtuah chhunzawm mai mai ila.

SIKKIM MANIPAL UNIVERSITY

Thlanmual thar Committee Member tharte Pu Zosangzuala Bazar Bungkawn Pu Rothuamliana New Market Pu Rosangliana (Masanga) Jail Veng Pu Lalhmingliana (Zofa) Dawrpui South Pu K.Liantuala Jail Veng Pu Rochungnunga Medical Quarter Pu V.Lalliana New Market Pu V.Lalawia Dawrpui West Pu VLT Muana Dawrpui South Pu Rosangliana (P&Sons) Pu Vanlalchungnunga Dawrpui South Pu Lalhlimpuia Khiangte Jail Veng Dr. Lalsangluaia Sailo Dawrpui West Pu Malsawmdawngliana (Nanoa) Dawrpui South Pi Baby Zosangzuali Bara Bazar Pi Tlangthankhumi Zion Street Pi Thangliani Bara Bazar Aug 6, 2009 (Ningani) zan dar 7:30 hian Dawrpui School ah Thlanmual thar committee neih tur a ni.

STUDENT DISCOUNT College Student te tan Yamaha Fz-16/FS Col lege ID Card kengin Rs. 3,000/- in 31st College August 2009 thleng Discount a ni e Thansanga & Sons Opp. Mil lenium Centre Millenium Phone : 0389-2316308

GLASS CORNER Home - Furniture Canteen Kual Imported Home Furniture, in chhung bungrua chi hrang hrang kan nei a. Centre Table design chi hrang hrang nei tam ber kan ni. Vengchhung mite duhsak bik an ni ang.

Sikkim Manipal University a lut duhte tan heng Course-te hi a zir theih :Bachelor Degree (10 + 2) BCA, BBA, B Sc.(IT), DIT, B Com. (IS) Master Degree MCA, MBA, M Sc.(IT), PGDIT, PGDCA, MSCCS, M Com. (IS) Recognised by : UGC, AIU, HRD, DEC. He University hi BSNL, Microsoft Company leh Multi National Company ten a thawhpui avangin naupangte tan hna hmuh a awl bik. Quality Edn. a kalpui avangin ISO9001:2000 pek kan ni. 10+2 ah 65% hmu tan 40% Fee Reimburement pek a ni. Mizoram sorkarin a recognised avangin scholarship zirlaiten an dawn ang hi SMU Zirlaite pawhin an dawng ne thei. July 2009 Session atan Admission hawn a ni ta. Experience Lecturer ten zirtirna an pe mek. Thiamna tak tak, chhawrtlak neih i duh chuan SMU-ah hian rawn zir ve mai rawh. A duh tan Hostel a awm nghal e. Hrechiang duh tan :9612082003 / 9436782033

August 2, 2009

Pathianni

Prop : (4 - 4)

Kap\hianga Ralte Dawrpui. Jail Veng Phone - 9436374670

Lawmthu Sawina July 19, 2009 (Pathianni)-a ka vahpa C. Lalzuala (Capt. Lalhleia (L) unaupa), Hnahthial boral chungchanga min buaipuitu leh min lainattu te chungah lawmthu kan sawi a. Dawrpui YMA-in kuang mawitak an rawn tum a, a ruang thawnchhuah a nih hma in Dawrpui khawtlang leh Hnahthial/ Thiltlang khawchhuak ten mawihnai takin min rawn \awiawm in puan leh pangpar tamtakin min rawn tuam mawi a. A pa, a nupui fanau, a unaute leh keini chhungkua chuan min buaipuitute leh min lainattu te zawng zawng chungah thinlung leh tih takzetin lawmthu kan sawi e.

In khawngaihna dawngtu, Lalkili leh a tu leh fate Don Bosco, Dawrpui South

3

Dawrpui

News

THISEN

Kartin chhuak

PEK

Pathianni

August 2, 2009

UAR

RAWH

N

unna chhanhim nan thisen pek a tangkai a, Pawisa neih kher a ngailo.

Thisen hi mi tupawhin kan mamawh. (Lei theih a ni lo)

Kum 18 chin, 45 Kgs tling chin tan thisen hi pek theih a ni.

Blood Bank hi mitin ta a ni a, Mamawhtu kan ni thei vek.

Thisen hi rang taka insiam leh mai thei a ni a, thisen pek hi a uihawm lohva, rangtakin a in luahkhat leh mai thei.

“Nun chhanhim nan thisen pek i uar ang u ”

Mass Education & Media Wing Directorate of Health Services Mizoram : Aizawl.

4

Dawrpui

News

Kartin chhuak

Thlanlaih leh Khawhar In riah

PRESBYTERIAN

by - Samsona Pa Kum sawm dawn zet kan buairukna leh kan YMA hruaitute lutihai em emtu chu a chunga kan thupui “Thlanlaih leh Khawhar in riah” hi a ni. A hminga Branch OB kan nih ve lai 1995 chho velte khan tlangval inriak tur hi kan insawm a, tlawmngai fal sawmchhuah pawh ngai chiah lo khatih hun lai khan 10 vel kan nei a. Khawi area-ah pawg Mitthi awm se, an riak tawp mai \hin. An lo hlu ngawt mai. Chumi hnu hun lo kal zelah harsatna kan tawk ta fo a, inriak tur inhmuh zawh loh chang a awm ta zeuh zeuh a, thenkhat ‘ka lo kal ang,’ tia nghahchhuah zawhloh an awm fo bawk. Nu leh pa kan in ngen fo a, mahni tu leh fate intir hram hram turin kan inchah a, Section tinah nu leh pate pawh kan kokhawm \hin a nih kha. Mahse kan dinhmun chuan ngai a awh hram a ni ber. Thlanlaih chungchang pawh hi tunhnai hian kan chhe ta hle tih hi zep chi pawh a ni lo. Kan chanchinbu hi mi vengin chhiar thin ta se, min hmusit ngawt maithei? Kan ziak ngun lulai em tawh a ni. Tunhma deuh a tlangval tlawmngai tlaivar chunga thlan lai leh \hinte kha an bo zo ta nge ni? Tlaivar chuang lo, thlanlai chuang lo, tlangval, Dawrpui ah hian kan va tam ta em! Thlan laih bik hi chu kan chhiatna ala rei lo deuhah pawh ngai ta ila, mahse tun kan dinhmunah hi chuan kan tlin ta meuh lo em ni? zing dar 8/9 vela “thlanlai tur han intirh belh teh u, kan tlem lutuk,” tihchang tam ta hle mai thin hi a hmutu leh hretu ka ni ve e. A khaipa leh ralreltu, a chhiat a thata mawhphurtu YMA a ni a. Kan hruaitute an rum ta fo mai hi kan hriatpui em aw? A chang chuan Branch Committee Member (nupui fanau nei) te an inriahchhawk zak zak thin kha. Tun thleng hian awmzia a awm lo a ni ber mai. A lehlamah chuan chhungkaw thenkhat hi chuan inriak hi neih loh an pawi tilo niin a lang a. Tin, kan in leh lo hian a zir em em ta lo bawk. Ka sawi tum tak ka luh hmain ka kalthui mah mah ta. Kan YMA Ex. Committee-in kan dinhmun zawng zawng hria a zirchiang a sutkianna ni tura an beisei Questionnaire result lo chhuak kha ka lo chhiar ve a. Dawrpui Vengchhung chhungkaw hrang hrangte hian eng ngemaw kan ngaihtuah a, mizo nun hi eng ngemaw nia kan hriat le? ka ti hial. Tute thai nge chu ka hre lo na a, chhungkua inrawn tlanga thai chu a tlem zawl kan nih ka ring a, chhungkaw nu leh pate emaw thai a nih ka ring deuh a. Chuti a nih chuan Kan sawi tak zawng zawnga mawhphurtu leh hmala turte chu nu leh pate an ni. Hah leh rim taka theihtawp chhuah a, kan YMA hruaitute ten hma an lak a, an hlawhchham dawn hialna hmunah hian NU leh PATE rawn che ve rawh se. Mite tih a mahni ngaihdan puanchhuah ngawt hi thil finthlak a ni lo. Mizo zia, Mizo Society etc. kan ti a, kan zo miau lo a nih chuan Thlanlai turin hlawhfa la mai ang aw... Inriak tur kan inhmu zo ngang lo anih chuan Inriah hi titawp tawh ang aw... chu chu kan tun dinhmun a ni. Rawn luhchilh ve ula, a harsatzia chu in hreve mai ang. Rawn chhunzawm ve teh u...!!!

Dawrpui Veng Pa Nihlawh (Haha....!!) Ka thlenpui Venus-i (D. Vengthar tleirawl) han felzia kha, a hmel lahin luak a tichhuak der si lo.....kha nau fel tak khan tu fa tak ti nihlawh zel ang maw?? - Ch.K.a, Armed Veng (Courtesy: Vanglaini- July 26, 09)

August 2, 2009

Pathianni

August 2, 2009

PATHIANNI

“FAMILY PLANNING PROGRAMME” : Rev C.Sangliana Director SMTC Thusawitu

KRISTIAN |HALAI PAWL July 26, 2009

Tawngtai Inkhawm

Half Yearly Meet a nih avangin KTP Tawngtai Inkhawm a awm lovang. THAWHTAN ZAN July 27, 2009 Hruaitu : Tv. Lalhmingmawia, C/m |antu : Nl. Malsawmdawngliani, Mikaela Gr. Thilpek : 1. Nl. Baby Lalnunpuii, Uriela Gr. lakhawmtute : 2. Nl. Vanlalruati, Uriela Gr. Faith Promise hlantu : Pi Chawngthansangi, Mikaela Gr. Half Yearly Meet review & Sharing (Damlo pual thilpek bawm hun a ni ang)

HRISELNA

RULH T RULHÛT - Dr. Thangchungnunga, MS(Ortho)

Kan sawi \hin a, sawi nawn leh fo a ngai \hin. Tunah chuan kan changkang ta a, kan naupan lai ang a chirh diak leh bawng ek a tuihawk khuap po po, thingtlang chengkeng berah pawh an awm ta lova. A lawmawm hle a ni. Rulhut hi chi tamtak a awm a, Mizo in rulhut kan tih bik (ascariasis) sei pui ang kha a awm ta lova, kan vannei hle. Mahse pin worm, hook worm, tape worm ang chite ho hi kan la nei reng a. Mawng mirh kan tih hi pin worm vang a ni a. Kan pum nuamlo \eng \ung, ril\am ang deuh, thil ei tui si lova kan awmna chhan tam ber leh thin thip (pumpui na/lawng) kan neih chhan tamtak leh ek dik theilo, a chang a mum hil hel, a chang leh tui deuh, ek kham theih loh tih ang chi te, a tawi zawng chuan pum nuamlo chi hrang tamtak hi heng rulhut mitlawng a hmuh theih loh ho vangte, santen benvawn (amoebiosis) vangte an ni ber a. Kan hriatsa ni mahse vawk bawl hi rulhut note awmkhawm (tape worm) a ni a, chhum hlum theih an ni lo. Chuvangin vawksa hi chu sa thianglo ber leh natna ti punlun tu, lung na, zunthlum, BP sang leh thisen dawt \halo te, cholesterol sang, lung(heart) ti chaklo tu a ni ber mai. “Vawk bawl sa ka ei hreh lo” tih te phei chu at vang mai mai a ni. Hook worm kan tih te pawh hi kan nei ta meuh lo, a chhan chu ken zung\ang kara lut \hin an ni a, pheikhawk kan bun tak deuh vek avang hian kan kai ta lova, kai tur pawh a awm ta meuhlo aniang e. Mi tamtak, an fate thla tin an fate rulhut hlo lo pe \hin an awm \hin hi a \ha lova. A \ha ber chu thla 6 danah chhungkua (chaw bel khat zen ho) in zan mut dawnah a ruala ei \hap mai tur. Kum 2 a\anga kum 90 inkar vawi khat ah mum khat a tawk a ni. Hetia i tih thlap thlap peih chuan pum nuamlo tamtak i pumpelh phah ngei ang. Entirnan: a lar pawl “No worm” te hi chungkua 10 in nih chuan 10 lei la, a ruala ei mai tur a ni. Hmanlaia fanghma, thingfanghma eiloh tur tih ang chi damdawi ang kha chu an siam tawh lova, tunlai a mi hi chuan engmah a haw tawh lo a ni. Nula kaw\halo hi mawilo hle mahse an kua a \ha lo ve thei tho ang hian puitling kum 60 i nih vang khan rulhut i pai theilo tihna a ni chuanglo, thla 6 dana chhungkuaa ei \hap \hap a him ber mai.

Published by Y.M.A., Dawrpui Branch, Printed at G.S. Offset Printers, Treasury Square