14 June, 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XVIII Issue No 24

TUALCHHUNG | HULH : Dawrpui West Welfare Committee-te hruaitu inthlan June 18, 2009 (Ningani) zana neih tura ruahman tawh chu engemaw rokhawlhna avangin a hun sawn a ni a, June 25 ah neih zawk tur a ni e. TUAKTHAR : David Rinsanga S/o James B. Ralte, Dawrpui West leh Lalhmingsangi, Kulikawnte chu June 11, 2009 (Ningani) khan an innei. RATION CARD : Nimin khan Dawrpui School-ah kan VC-te kaihhruainain Vengchhung Ration Card siam tharna neih a ni a, hei hi chhunzawm zel tura ruahman a ni a, vengchhung tlangau a in hriattir zel a ni ang. AFFILIATION : Aizawl East Zone Football Association chuan Kum 2009-2010 Season atan June 30,2009 thleng Club Affiliation leh Player Registration hun a hawng leh ta. Club thar tur tan Fee Rs.500, Renewal tan Rs.200, Security Deposit Rs.1,000 leh Player Registration Fee pakhat tan Rs.30 zel a ni ang. Player tan Passport size Photo leh Club tan player 18 aia tlem lo nih angai a, a tam lam chu bithliah a awm lo. RESULT CHHUAK : June 12, 2009 (Zirtawpni) khan BA 1st & 2nd Year Result a chhuak a, veng chhung mi pass thar zawng zawngte Dawrpui News Editorial Board chuan kan lawmpui e. PEM LEHKHA : Dawrpui veng a\anga pem chhuak tur reng rengin an awmna Section hruaitute hriatpuina la hmasain Branch YMA Secretary hnenah chhungkaw Voters ID Card zawng zawng leh Rs.5/kengin dil \hin tur a ni. Tin, Vengchhung mi In luah tur nei ten kan In luahtu turte hnenah an lo luh hma ngeiin Pem Lehkha an rawn nei tur a ni tih hriattir \hin ni se, hemi tello chuan luh mai theih a nih loh thu pawh hriattir ni bawk se. Dawrpui veng mipui zawng zawngte leh veng mi ram danga awm zawng zawngte YMA day chibai vek ule

Dawrpui News

Kartin Chhuak

Pathianni June 14, 2009

YMA DAY CHIBAI YMA day kan lo thleng leh dawn ta reng mai (Naktuk thawh\anni June 15), he hun ropui min hruai thlengtu Pathian hnenah lawmthu i sawi ang u. YMA hi June 3, 1935 khan Pi Zaii Bangla-ah Mission Sapho leh Kohhran hruaitu \henkhat kalkhawm ten YLA (Young Lushai Association) tiin an lo din an rel a. A hawnna ni atan June 15,1935 an ruat nghal bawk a. Pawl kalphung leh dan leh dun fel takin an zam nghal a, hruaitute insiam in chak takin Zoram tan hma an la a ni. Chanchin |ha Dak hun lai khan YLA hi sulsutu leh hnarkaitu ber a ni. Hun alo kal zel a, kum 1947 khan YLA chu YMA (Young Mizo Association tiin a hmang thlak alo ni a, vawiin thlengin alo pu hlen ta a ni. “YMA Chanchin” hi sawi tur a tam hle a, kan chanchinbu-ah a leng loah ngai mai ila. YMA hi a tul bul renga Kristiana nena in kawp tlat, hruaitu hmasate pawh Zosap Missioanry leh Kohhran rawngbawltu pawimawh an ni a. Heng avangte hi a ni maithei, pawl \hangduang leh ziktluak Pathian malsawm “Pawl” a ni. Hun a inher zel a, hmasawnna pawhin chak takin Zoram a tuam zel a, chungte vang chu nge ni? Branch chu sawiloh Central hruaitu nih chakna te alo piang zel a. Mi \henkhat chuan YMA hi “Archuktuilo”ah hial chhuah chang pawh an nei ta. Mahse hengte avang hian YMA hi Zoram tluanah vung takin ala kal zel zawk a ni. YMA Day kan lo thlen hian hian YMA Dawrpui Branch chuan Zoram tlangtin mual tina YMA member zawng zawng Chibai |ha ber a buk a. A bik takin kan member duhawm tak tak Zirna leh hnathawh avanga khawvel hmun hrang hranga awm mek te hnenah “Day Chibai a buk mawlh mawlh” a ni. He hun alo thlen hian rilru thar leh thinlung thar nen YMA-ah “inhlan thar” leh \heuh turin kan insawm a, kan in ngen a ni. YMA Dam Reng Rawh Se.

THLANMUAL THAR KAN NEI TA! Dawrpui Thlanmual thar tur chungchangah hmalakna chu chak taka kalpui mek zel a ni a. He chanchinbu-a kan chhuah tawh \hin ang khan hemi chungchanga mawhphurtuten hah leh rim takin hma an la zel a; An zarah tunah hian Thlanmual thar chu kan lo nei ta a ni. Tar lan tawh angin he thlanmual thar leina tur pawisa hi khawtlangin a neih mai loh avangin vengchhunga mi awmthei, Pathian malsawmna dawngte hnenah tlawmngai tura ngenin an sum leh pai tam tak chu khawtlang tan liau liau ui lova pe in, June 12, 2009 (Zirtawpni) chawhnu lam khan Dawrpui Thlanmual tur ram 65 Bigha chu Rs. Nuai 27 in lei fel alo ni ta. He thlanmual ram kan lei chungchangah hian hmala tura tlawmngai tura ngen Committee member-te inpekna a ropui a, an hah em em a, mahni hna pawimawh kalsanin khawtlang tan he thil ropui hi an lo thlen ta a ni. Mipuite mawhphurhna : Vengchhung mi \henkhat ten an sum leh pai khawtlang tana ui lova an hmanhawh tirna a zarah Thlanmual Thar kan lo nei ta a. Hemi pawisa khawtlang hminga kan bat \euh hi mipui leh chhungkaw tin ten kan rulh alo ngai ta a ni. Khawtlang pawl hrang hrang hruaitu Joint Committee chuan ruahhmanna a siam a. Chhungkaw tinten kan thawh theih ang tawk nia an hriat kum khat chhunga tlak tur min rawn tuk dawn a. A duh tan \um khata pek vek theih a ni ang a, \um hnih \um thum pek emaw thla tin a pek emaw pawhin a tih theih ang. Hei hi MHIP Dawrpui Branch ten thawhlawm ip siamin an bawhzui dawn a ni. Keimahni tan \heuh a nih hria a chhungkaw tin ten kan theih tawp chhuah a, min tuk ang ang chu tlak ve ngei tura hmala theuh tur leh inhuamna thui tak lo nei \heuh turin Khawtlang Joint Committee chuan min beisei tak zet a ni.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana David Lalhlimpuia Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

YMA DAY YMA Memberte tana ni pawimawh ber YMA Day chu Pathian hruainain kan lo thleng dawn ta reng mai. He hun hmang theia kan nunna min zuah saktu Pathian hnenah lawmthu i sawi ang u. Kristiante tan Christmas a hlu leh a pawimawh ang bawk hian YMA Day hi Memberte tan chuan kum khat chhunga kan ni pawimawh ber a ni tih hre thar leh ila. He ni hi midangte \anpuina ni atana kan hmang thei lo a nih pawhin harsatna thlenna ni atan chuan i hmang lo hram ang u. Khawtlang tana tha la thawh ngailo leh inhmang ngailote pawhin he ni lo thleng tur hi hmang \angkaiin harh tharna ni atan i hmang \heuh ang u. Kan tih theih erawh a inang vek thei lo, kan \angkai theihna zawn \heuhah tan lak thar nan hmang thei hram ila. YMA chu ‘|anpui ngaite \anpuitu’ a ni si a. YMA dam reng rawh se.

LAWMTHU SAWINA Thlanmual Thar leina sum pektlak mai a ngaih avangin vengchhung mi inphalte hnen atanga puk khawmin June ni 12, 2009 khan a man pek fel a ni ta hi a lawmawm hle mai. Veng mi engemawzat hnenah sum puk dilchawt an ni a, veng tan tia phal taka sum tam tak min hmantirtute chungah lawmthu sawisenloh kan ba a, an chungah kan lawm em em a ni. Heng sum kan pukkhawm hian a la daihlo tak hret avangin chawpchilh takin Pi Thangliani leh Pu Thansanga te dil belh leh an ni a, an nin kan dinhmunte hrethiamin huntiam bawh pelh ai chuan tia min hman belh tir leh avangin an chungah pawh kan lawm tak meuh meuh a ni. Ni 10.6.2009 khan Thlanmual thar chungchanga khawtlang Joint Committee pawimawh tak Pu Rosangliana (P&Sons) te In-ah neih a ni a, thingpui leh a hmeh tui taka committee kalte min hrai mai bakah zanriah tui tak min buatsaih sak avangin kan lawmin kan tlai hle a ni. Tin, Pu Rosangliana (P&Sons) te chhungin Rs. 1,00,000/-(Cheng nuaikhat) he thlanmual leina atan hian a thlawn liau liau-in an rawn thawh bawk a, veng tana an inphalna a ropuiin an fakawm a, an chhungkaw chungah kan lawmthu kan sawi mawlh mawlh e. Mi inphal tak tak vengin kan nei thin hi a hlu-in a ropui a ni. Rochungnunga Secretary, Thlanmual Thar Fund Raising Commiittee

Pathianni

June 14, 2009

Y.M.A. DAY YMA Day vawi 74-na Dawrpui Branch in kan lawm dan tur programme chu hetiang hi a ni. A hun : 15 June 09 (Thawhtanni) 8:00 PM A hmun : Dawrpui School Hall 1st Session Chairman - Pu Rosangliana(Masanga), Branch Vice President Hunserh - Pu Zosangzuala (Upa) Report - Pu Vanlalbika, Branch Secretary Day Thuchah - Pu Chhawnkima Pachuau, Branch President 2nd Session Announcer 1. Pu R.Zoliana 2. Nl. C.Laltlanmawii Items * Solo - Nl. Laldinpuii (Vanapa Section) * Duet - C.Lalrinpuii, Ruthy VLNiengmawii * Branch Y.M.A Sport Price Distribution (Buaipuiturin - Branch Secretary, Chairman & Secretary Sport Sub-Committee) * Female Voice - Nl. Zorinpuii leh a thiante * Branch Y.M.A Sport Price Distribution (Buaipuiturin - Branch Secretary, Chairman & Secretary Sport Sub-Committee) * Solo - Dr. Zothansanga * Special Item - Tv. Lalruata leh a thiante * Section Inchhiarna - Pu H.Dingluaia, Branch Treasurer * Lawmman Semna - Section Overall Champion Vote of Thanks - Pu V.R.Hmachhuana, Branch Assistant Secretary

LAM KAN THAI E Environment & Forest Department atanga sawmna kan hmuh angin kan Branch Y.M.A chuan State Guest House ah Mizo Hnam Lam -Cheraw leh Sarlamkai mawi takin kan han entir a. Central lam atanga Forest Department Official lo zin kan Mizo hnam lam kan entir theihna tur atana kawng min siam sak tu Mizoram Environment & Forest Department hotute chungah Branch chuan lawmthu a sawi tak meuh a ni. He programme hlawhtlin theih nan a thawk chhuak YMA Memberte chungah Branch chuan lawmthu a sawi a. Hemi a hlawhtlin theih nan a motor rawn thawh chhuak tu 1. Pu Thansanga (Hauva & Sons) 2. Pu Andrew Z John 3. Pu Vanthangpuia 4. Pu H.Dingluaia (Br. Treasurer) 5. Pu M.S.Dawngliana (Nanoa) te hnenah hian Branch chuan lawmthu a sawi tak meuh bawk e.

3

Dawrpui

News

Kartin chhuak

INCHEINA Vanhmingliana, Dawrpui Kan thawmhnaw te hi mantlawm leh nalh vak lo pawh nise, thianghlim, fai leh mar tha tak a nih phawt chuan a tha a ni mai. Thawhchhuah nei mang si lovina manto ber ber kan hakte hian, nalh tih aiin mite nuihzat kan hlawh duh mah zawk. Mitinin mahni duh dan dana inchei theihna right kan nei, mahse kan inhmeh vek lem lo. Pawnlam langthei aia chhungril lam chei that hi kan Pathian duh dan pawh a ni. Chuvangin kan Pathian thu chuan, “ In incheina chu pawn lam incheina, sam phiar te, rangkachak thi awrh te, silhfena inthuam te chu- nilovin, thinlunga mihring thuruk chu, rilru thuhnuairawlh leh nunnem, silhfen chhe thei lova inthuam ni zawk rawh se, chu chu Pathian mithmuhin a hlu em em a ni. “(1Petera 3:3,4) a ti a. Heta samphiar a tihte hi kan mizo nu samphiarte nen tehkhin chi a ni lo, samphiar kak te kha a mawi a, a zahawm bawk. A sawi tum tak zawk chu, Aigupta hmeichhia, lal ina chengte tih dan leh an lalnu ngei Cleopatra sam phiar dan (a film in en chuan), sîn te te a phiarchhuah vek ang te kha a ni Bible hian a sawi ni. Hetiang hi a lan sexy vanga ti an ni. Lunghlu, rangkachak leh silver-a kan taksa chei vak mai hi milem biaknaah kan Pathian thu chuan a ngai bawk. A chhan chu Amah Siamtu Pathian aia a thil siam mai mai in a, mihring chu a rilru a pawh pen tam zawk thin avangin. Eng anga tle, mawi leh nalh pawhin langthei lamah chuan inchei sa teh thin mah ila, thinlung thuruk, chhungrila takna tak tak a awm chuan si loh chuan sawt tehchiamna a nei chuang lovang. Chuzawng aia pawi ber mai chu- Pathian thu incheinaa hman hi a ni. Tle ve vur mahse rangkachak tak tak ni lo chu a hlu miah lo ang hian, Thlarau Thianghlim pawlna tello Kristian nun chu reiloteah a zia dik tak a chhuah leh thuai thin. Engkim Hretu leh Hmutu tan chuan hlutna leh mawina tak tak reng a nei lo. Kan thawmhnaw tur dik tak kan inbel hian kan inhmeh ber!

YMA DAY HNATLANG YMA Day denchhenin naktuk thawh\anni zingkar hian Branch hnatlang pawimawh tak koh a ni a, zing dar 6:00 ah \an tur a ni. Section tinte mahni Section Area \heuhah hnatlang neiin Bazar Bungkawnah in tawhkhawm tur a ni, hetah hian Refreshment tuihnai tak a awm ang. YMA Member zawng zawngte he hnatlanga thawk chhuak vek turin kan inngen tak meuh meuh a ni e. Zing chaw eikham a\angin Dawrpui School kawtah Branch Sports neih chhunzawm nghal tur a ni ang.

Pathianni

June 14, 2009

YMA Day Thunawi Central YMA chuan Naktuk YMA Day Vawi 74na denchhen hian damlo leh mi angang \anpui \hintu pawl pakua (9) hnenah “YMA Day Thilpek ” atan Rs. 52,000/(Singnga leh sanghnih) a sem chhuak. CYMA hian nikum lam khan hetiang atan tho hian Rs. 54,000/- a lo semchhuak tawh a ni. Hengte hnenah hian thilpek sumfai a hlan Gan Sabra - Zonuam, Zauthanga Memorial Camping Centre - Chawnpui, TB Hospital - Zemabawk, Guwahati Mizo Welfare, Kolkata Mizo Welfare Association, Silchar Branch YMA, Delhi Mizo Welfare Association, Vellore Mizo Association leh Mumbai Mizo Welfare. CYMA chuan thuchhuah siamin Zoram hmun hrang hrang Mizo awmte chibai a buk a ni.

BRANCH YMA DAY SPORTS Kum tina kan lo tih \hin YMA Day denchhena Sports kan neih mek chu a hmawr kan bawk dawn tak tak ta. Tun dinhmunah hian Chawngbawla Section chuan hma la hruai mekin, Taitesena Section ten an dawt a, Vanapa Section erawh hmung dawltu an la ni rih mek. Section tinte Champion thei \heuh an la ni a, chance ala awm e. Sports Item hi sawm lai la tih loh ala awm a, point engemawzat hmuh tur ala awm. Naktuk thawh\anni hian zing lam dar 10:00 a\angin Sport hi neih chhunzawm tur a ni a, Section tinte a hun taka \an anih theih nan kal \heuh i tum ang u. Tin, kan Sport Item \henkhat Football, Volleyball leh Basketball ah te leh All in All ah te vengchhung mi inphal ten Trophy mawi tak min tumsak a, an chungah kan lawm em em a, YMA Day zan Function lawmman semnaah hian Trophy min hlansak turin kan sawm a, an lo tel theih ngei pawh kan beisei. Kan intihsiakna tur Irtem la awm te: Volleyball (Mipa & Hmeichhia), Kawikah (Mix), Inbuk, Kalchhet, Shooting, Sairawkherh Perh, Dart throw, Chess, Three Leged Race, Obsticle Race. Tin, heng bakah hian YMA chhang naupangte tan infiamna chi hrang hrang hlimawm tak tak buatsaih a ni dawn bawk a, lawmman \ha tak tak siam a ni dawn. Veng chhung naupang zawng zawngte kal vek tur. Chhunah Sawhchiar tui tak kan pir ho bawk ang.

HRIATTIRNA Ni 18 June 2009 Zan dar 7 hian Dawrpui School ah Disaster Management and Rehabilitation Consultant hote demonstartion (workshop) neih tur a ni a, Team hrang hrang te tel theuh tura ngen anni

(Mualpui rama kan veng thlanmual thar L-R : Branch Secretary, Pi Rinawmi W/O tur man an inhlan fel ta) PuLalrintluanga (L)

4

Dawrpui

News

INFIAMNA

Kartin chhuak

June 14, 2009

Pathianni

S.K.A

LAUREN BLANC (France) Club(s) : Barcelona, Napoli & Man. United F.C Bordeaux : French Liga & Cup Champion 2009 Europe khawmualpuia eng league ah pawh club lian emaw club te pawh nise French ho tellohna an vang viau ang. Mahse heti khawpa player thawn chhuak hnem hi an domestic league standard erawh a sang em em lo a, mahse da hniam ngawt theih anni bik lo.French Liga (League) hi kum 6 chuang chu Lyon FC in an lo pumbilh hmiah tawh thin amahse tun season erawh a dang ta zaih mai.

PRESBYTERIAN June 14, 2009 PATHIANNI S.S.Tantu : Pi Chawnglami Bial III Chhun tantu Thusawotu

: Pi ZosangzualiBial VI : Pu C. Lalbuanga, Bial - I

Zan Thusawitu : Pu R. Lalramliana

K|P June 14, 2009

Thawh\an Zan

Hruaitu |antu Thilpek lakhawmtute

: : : :

Pu Zoremmawia, Com.Member Nl Lalrindiki, Gabriela Group Nl Lalhmangaihzuali Nl Lalngaihawmi. Uriela Group

Thusawi & Report

:

Pu R.Lalngaihawma,Uriela Group

TAWNGTAI INKHAWM A Hmun : Fellowship Hall Hrauitu : Tv Albert Lalngaihawma Uriela Group Tantu : Tv Lalhmangaihzuala Gabriela Group Thusawi tawi : Nl Zorinpuii. Com.Member. Kum 2 liam ta ah khanTEAM French hranghlui Lauren FRANCE Blanc chu experience engmah nei lo mahse Bordeaux chuan coach atan an la lut ve tlat!Chutih rualin Boar President Jean Louis Triand chuan world class player thar leina tur pawisa a awm oh thu a sawi zui!Football er tha tak te hi coach tha tak anni kher lo,Blanc hian a players nei ang ang te zir chiangin an chaklohna lai te hmuh tumin leh coach leh players te inkara thil fello awm lo turin hma la nasa hle.Season vawikhat a hman na ah Boardeaux chu UCL khelh phak thei tur khawpin a siam nghal a season 2-na ah Title 2 a lakpui der mai! Blanc a ropuina em em chu club hausa leh lian tak tak Marseille, Lyon, PSG etc..te tlukloh khawpa squad tha a siam thei hi a ni.League game hnuhnung 11 ah a team te chakpui vekin anmahni hnaihbertu Marseille lakah point 3 in an fal ani. A hlawhtlinna ah hian chhan tam tak a awm thei ngei ang a, AC Milan lamin an duh vak tawh loh Yoann Gourcuff hi chung zingah chuan a tel ngei ang. An game hnuhnung bera chakna goal thuntu anih bakah playmaker tha tak ah hrual chhovin Player of the Year atan hial thlan a ni. Gourcuff hian contract nghet kum 4 daih a ziak fel tawh nghe nghe. Players tin ten an hna an thawk tha hle hlawm a chutih rual a langsar zual leh chu Maruane Chamakh leh Alou Diarra hi anni a, Chamakh hian goal 13 a thun tling nghe nghe. Match pawimawh leh boruak sang taka chiai ve ngailo, cool taka a naute kaihruai thin Blanc hi player anih lai chuan hlawhtlinna tam tak a lo nei ve tawh thin a.France chu World Cup 1998 ah champion puiin a hnu kum 2 a ral hnu ah European Cup lakpui leh nghal in, Club lamah chuan Napoli leh Barcelona tana a khelh hnuin Manchester United ah a hun tawp lam a hmang ani.

SALVATION ARMY TAWNGTAI INKHAWM (13.06.09) Hruaitu Thusawitu

: Pi Lalremsiami CG : Pu C. Lalthlamuana CG

THIANGHLIMNA INKHAWM (14.06.09) Hruaitu Thusawitu

: Pu H.S. Laltanliana VS : Pu C. Darkunga CT

PUITLING SUNDAY BIBLE SCHOOL Hruaitu Zirlai Zirtur

: Pu C. Lalbiakmawia : 19-na leh 20-na : Thlarau do thin tisa thil te Thlarau rah te. CHHANDAMNA INKHAWM

Hruaitu Thusawitu

: Pi Thluaipuii : Maj. R. Lalbiakliana DS

Sunday Fellowship Dar 2:00PM A hmun : DC Quarters Hruaitu : Tv. S. Lalrengpuia, Games & Sports i/c Hun hlimawm tak hman a ni ang. THAWHTAN ZAN INKHAWM (15.06.09)

Hruaitu Thusawitu

: Nl. Lalthianghlimi, Asst. Drama i/c : Nl. R. Lalremtluangi YP CORPS HUNRUATNA

Hruaitu Tantu Spl. Item

: Pi Lalremtluangi CRS : Lalruattluanga Senior : Lalrinpuia Primary.

Published by Y.M.A., Dawrpui Branch, Printed at G.S. Offset Printers, Treasury Square