9 August, 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XIX Issue No 32

TUALCHHUNG Nl.Lalrindiki (Adiki) d/o Rosangzuala (L) Church Squere chu pum lam that loh na avangin Aug 31, 2009 (Thawhtanni) a damdawiin a awm pawh Aug 8, 2009 (Zirtawpni) khan in lama in enkawl turin a chhuak leh ta. Tv. Hmingthanzuala (Lalmi-a) s/o Lalfakzuala New Market chu, Aug 8, 2009 (Zirtawpni) a K|P ten Half Yearly Meet Pakhatna an nih lawmna Sihhmui a kal an haw lam chu Bus atangin a chesuala, damdawiin panpui nghal niin in lamah enkawl mek a ni. Pu Vanlalhruaia(VLA) s/ o Sailothanga Sailo Jail Veng tunlai hian a \ha lo zual deuh a, in lamah enkawl mek niin, \henrual leh chungkhat ten an menpui reng a ni. Pu V.L. Ruala Jail Veng Lung lam \hat lohna avanga Kolkata kal pawh pacemaker an lo vuahsak a, tluang takin alo thleng leh ta. Dr. Lalsangluaia Sailo chu tunah hian Vellore-ah enkawl mek a ni bawk. Damlo zawng zawngte an \hat chhuah leh ngei theih nan i \awng\ai pui ang u. LUSUN : Pi Lalhmachhuani w/o Pu Thanghmasaa Upper Bazar Nu, Pi Lianmawii (76)chu (76) Aug 3, 2009 (Thawh\anni) khan “Lungna” avangin Kolasib-a an chenna ah a boral. NAUTE : Pu Lalremtluanga s/ o Vanlalhuala, New Market-te chuan a pakhatna atan Aug 7, 2009 (Zirtawpni) khan fanu duhawm tak an nei ta. Naute leh a nu an \ha. Pu Lalnunzira s/o Zadingluaia Dawrpui West te chuan Aug 6, 2009 (Ningani) khan fapa duhawm tak an nei a, naute leh a nu an \ha. Hengte naute tharte neite hi kan lawmpui e. |HUKHAWM : Aug 6, (Ningani) khan Thlanmual thar Committee chu a vawi khatna atan an thukhawm. PUAN PE : Dr. Zonunthara te chhung chuan Puan engemawzat YMA hman atan min pe. DAMLO :

Dawrpui News

Kartin Chhuak

Pathianni August 9, 2009

DAWRPUI WEST IN KANG Ni 7th Augt.2009 (Zirtawpni) chhun dar 1:30 velah khan Pu Bualhranga In Dawrpui West a mi, Hotel Greenery Pu Suresh-a luah lai mek chu Cooking Gas Cylinder an thlak tur Cylinder washer that loh avangin a bula mei an chhem nen chuan a in man kai ta a, tichuan in chhung bungrua engmah pawh senghawi hman lovin a kang ral vek a, mihring nunna chan em chu an awm lo nain In neitu Pi Mazawni leh a unau nu chuan hliam an tuar a, ngaihtuahawm em em chu an ni lo. Hetia chhiat tawk an awm hian kangmei hi \helh mih tumin \henawm khawveng leh khawtlang a mi tlawmngaiten nasa taka an beih hnuah, Fire Brigade ten motor te pahnih leh medium vehicle pakhatin an rawn \helh a, Traffic police ten hma rawn la in, Assam Rifles te pawh an rawn thawk chhuak a, darkar khat hnu velah kangmei hi an \helh mit thei ta hram a ni.Vanneihthlak takin nasa takin ruah a sur a, hei hian \henawm a kang kai tur nasa takin a veng a. Hemi tlai vek hian YMA chuan hnatlang ko nghalin meikang hnawmhnawk vel hi motor in a theih chen chen paih fai nghal. Amaherawh chu a paihna tur motor rawn kal mai tura beisei chu Traffic S.P in a rem tih loh avangin kawnga bawlhlawh paihin rei tak kawng a hnawh ping a, tlawmngaia hnatlangte leh vengchhung pa ho Traffic S.P. chungah hian an lungawi lo hle a ni. Dawrpui veng MHIP te an che nghal a, vehbur te khawnin tlai thimhlim khan an mahmawh zual tur mutbu leh bungbel te chu an pe nghal. Hemi zan vek hian inchhung khawsakna tura an mahmawh, ei leh bar, bungbel, kawr hak tur te an pek bakah pawisa fai Rs.20,000 an hlan bawk. Salvation Army Nothern Division Headquarters in Rs.2,000 kangtuarte an hlan nghal a, Territorial Headquarters (CHAN) ten Rs.1,000 an rawn pe a, Bialtu MLA Pu Lalsawta’n kang tuarte Rs.2,000 a rawn pe a, hnatlang thingpui lum nan Rs.1,000 a rawn hlan bawk a. FXB in Rs.1,000 hnatlang thingpui in nan an rawn pe nghal bawk. Central YMA chuan Rs. 1,000 an hlan bawk.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

Tlawmngaihna Tunlai Mizo te hian tlawmngaihna kan ngaihdan leh kenkawh dan hi kan nunphung nen hian a bikin khawpuiah chuan her rem ngai tawh viauin ngaih dan te a tam tawh hle a. Ngaihtuah chian chuan tlawmngaihna kan hman dan hi khawtlangah a ni tam ber a (Community based) mimal nunah chuan mi tam takin tihlan ngaihna kan hre lo hle a, Mizo nunphung kan neih thin pangai bakah chuan tlawmngaih dan kan hre lo hle a, politics,hnamdang lakah leh vai ramah te chuan kan tlawmngai thiam lo hle niin a lang thin. Thlanlaih chu weeks days ah chuan kan tlem thei hle a, sunday ah chuan kan tam thei hle thung a. Hei hian a lantir chu mahni hna ah kan buai theuh tawh a, mahni hnaah rinawm a ngai si a. Kan tlawmngaihna hi a huhova kan awm khawm na ah chauh nilo, keimahni mimal nunah theuh lantir dan hi inzirtir tam kan ngai ta niin a lang. Hei hi tlawmngaihna kan chhawm nunna tha tak leh kan society thang zelah hian kan mamawh zel niin a lang. Tlawmngaihna hi nung zel tura kan duh chuan chhungkua leh mimal nun theuhva tlawmngaih dan kan sawi tama kan zir tam a ngai tawh hle a ni.

HRIATTIRNA Kan hotuten an lo rel tawh angin Aug 15, 2009 (Inrinni) khian Dawrpui West Welfare member-te hnatlang neih tur a ni a. Hnathawh tur hi |hutthleng siam leh a \ul lai apiang thenfai a ni ang. Hemi ni hian chhungkaw tin a\angin mi pakhat chu thawh ngei nise. Hmanraw ken turte - Chem, Tuboh, Thingzaina, Suahdur, Bawngtuthlawh etc. Heng atan hian thawhlawm pawh Rs. 17,150/- lai kan nei e. Sd/- Zadingluaia Secretary

August 9, 2009

Pathianni

HRISELNA

I hria em? - Dr Thangchungnunga 1. Tuisik No 5 aia tlemlo nitina in hian, Rilpui Cancer 45%, Hnute Cancer 45%, Phing (Bladder) Cancer 50% in a ti tlem thei. 2. Lung (Heart) in thisen a pump chhuah hi a sang zawngin ngil takin feet 30 a sang a pump chho thei. 3. Thisen sen (Red Blood Cell) hi ni 120 chhung a dam thei. 4. Hriatna thazam kut hmawr a\anga thluak thleng tura a kal chak lam hi 400km/hr a ni. 5. Kan taksa 70% hi tui a ni. 6. Mi hausa ber leh rethei berin Air Condition kan neih inang vek chu hnar hi a ni. Boruak vawt a ti lum a, boruak lum a ti vawt bawk a, bawlhhlawh a veng bawk. 7. Mihring taksa a natna leh a kaihhnawih hri chi hrang hrang englai pawha awm hi khawvel mihring zawng zawng aiin an tam. 8. Maimitchhing lovin i hahchhiau thei lo. 9. I ka chhungah khan englai pawhin USA leh Canada a mipui awm zat aia tam natna hrik a awm reng. 10. I hahchhiau lai tak hian i taksa a chawl vek a, i lungphu pawh. 11. I ke tih lum i duh chuan lukhum khum rawh. Kan taksa lumna 80% hi lu a\anga chhuak vek a ni. 12. Mihring leh Dolphin chauh hi nawmchen nana Sex hmang an ni. 13. Mihring ril sei zawng (Rilpui leh rilfang) hi feet 26 a ni. 14. Hritlang awm tirtu hi Virus chihrang 180 vel an ni. 15. Khawizu chauh hi englai maha chhe theilo a ni. Aigupta Lal Pharoa thlan a khawizu an dah pawh ala eitlak tih an laihchhuahin an hmu. 16. Nu nau paiin Zu a ruih chuan a naute pai lai pawh a lo rui ve hle zel a ni.

SECTION NEWS Vanapa Section huamchhung ZALEN CHANCHINBU latu zawng zawngte July, 2009 man pek a ngai leh dawn ta a. Zalen latu zawng zawngte lo inring lawk \euh turin kan ngen a che u. Kan tarlan tawh \hin ang khan hian Section Picnic neih tur a nih kha. Member zawng zawng kal vek turin kan inhriattir nawn leh a, a hnuaia mite hi kal turte chuan hriat ngei tur a ni e :A hmun : Hrangbana Resort, Tanhril A hun : Aug 14, 2009 (Zirtawpni) Chhuah hun : Zing dar 10:00 (Dawrpui School bul a\angin) 1. Picnic naah Ruihhlo kenluh leh ruih phal a ni lo. 2. Picnic-na hmunah buaina siamte chu kan motor kenah an haw ve lovang a, hawsan an ni ang. 3. Picnic-naa Rui leh Buaina siamte chu Section Committee hmasa berah koha zilh an ni ang.

3

Dawrpui

News

Kartin chhuak

VENG HRUAITU TE HMALAKNA Ni 1.08.2009 (inrinni) khan Dawrpui VC leh Demand Committee OB ten UD & PA Minister Pu Zodintluanga ama chenna inah an hmu a, vengchhung mahmawh hrang thlen a ni a, Dawrpui thlanmual thar leinaah sawrkar tanpuina dil a ni a, Dawrpui Multipurpose Centre siamna tur project min finance sak tura ngen a ni bawk a, a lo inhawng hle a UD & PA Director hnenah te lehkha te min ziah sakin Planning Board-ah te bawhzui turin thu min rawn a. Ni 3.8.2009 (Thawtanni) khan Planning Board Vice Chairman leh UD & PA Director te hmun leh nghal an ni a. Planning Vice Chairman chuan Multipurpose Centre chu plan-a thun ve ngei tha a tih thu a sawi a. UD & PA Director chuan Multipurpose Centre chu project dang Central lama an thawn, fel tawk lo thenkhat an rawn thawn kir leh te nen thawn thlak leh tur a ni ang tih a lo sawi a, Thlanmual lei tanpuina tur sum erawh chu tunah a awm mai loh tur thu a lo sawi a, amaherawh chu kawng dang dappui a tum thu a sawi a. Hetah hian veng thil pawimawh bawlhlawh paihdan turte sawi ho a ni bawk.

Pathianni

August 9, 2009

COMMITTEE KOHNA August 11, 2009 (Thawhlehni) zan dar 7:30 hian Dawrpui Branch YMA Executive Committee thutkhawm tur a ni a, thu pawimawh tak tak ngaihtuah tur a awm avangin Executive Member zawng zawngte ngaipawimawh tura hrittir kan ni e. Sd/Secretary YMA Dawrpui Branch

CURRENT AWM DAWN LO Vawiin hian Bara Bazar pheiah Electric hrui siam that a nih dawn avangin Current hun engemawchen a awm dawn lova, Veng mipuite kan in hriattir a ni e.

THLANMUAL THAR HNATLANG THLALAK THENKHATTE

LAWMTHU Kan nu Pi Thangzuali (71) chuan July 26, 2009 a min boral san chungchangah Dawrpui khawtlang chungah kan lawm em em a ni. A dam loh \an a\anga min boral san thlengin \henawm khawveng ten min \awiawmin min buaipui a, Sihphir lama a ruang phurh chhoh a nih dawnin YMA in a kuang mawi taka min siam sakin puanin min tuam a, MHIP ten mawi takin a kuang min cheisak vek a, Hnamro in pangpar mawi tak min hlan a, kohhranin thlamuanna thuchah nen min thlah diam bawk. Hei mai bakah hian mi engemawzatin a vuina hun min hmanpui bawk a. Heng zawng zawng hi a ropui kan tiin engtikahmah kan theihnghilh lovang. Min hmangaih leh min lainat avanga sum leh pai, tha leh zung in sen zawng zawngte kha keini chuan engtikawng mahin kan rul zo dawn lo. Mahse, hmangaihna a khat Pathian chuan malsawmna tam takin a vur ngei ang che u.

Serthlum leh Lakhuihthei hmun samfai lai

In khawngaihna dawngtu Dr. Zonunthar te chhung Jail Veng Thlanmual thara Thlam nuam tak awm chu

DAWRPUI VENG NU CHHUANAWM Pi J. Lalrinmawii w/o K. Hmingthanga, Jail Veng chu State Award to Meritorious and Outstanding Teacher2009 dawng tura thlan a ni a. He Award hi Aug 15, 2009 (India Independence Day) lawmna AR Ground-a neih turah Mizoram Chief Minister-in a hlan dawn a ni. He award hian Medal, Certificate leh tangka fai engemaw zat a keng tel ang. Pi J. Lalrinmawii hi kum 1984 khan Sakawrtuichhun Primary School-a thawk \anin, kum 25 a service tawhah hian School a tlai ngai lova, a school naupang rethei engemaw zat a enkawl puitling tawh a, a zirtir kawngah hian a tuiin a inpe zo hle a ni. Tunah hian Sakawrtuichhun Primary School I-ah Headmistress-in a awm mek a ni. Hetiang nu chhuanawm kan vengin kan nei hi kan chhuang hle a ni.

Teak kung 2000 chuang lai a awm a, heta a lan dan hian YMA Flag rawngin chhinchhiahna siam vek a ni.

4

Dawrpui

News

Kartin chhuak

August 9, 2009

Pathianni

HRIAT VE ATAN Law Florence Nightingale-i kha indonaa sipai natuarte hmangaih taka a enkawl bakah rante pawh a enkawl teuh thin a, zawhte te bakah satel leh laiking te pawh duat takin a khawi thin a. A duat ber chu chhimbuk pakhat Athena tia a koh, 1850-a Athens-a naupangten lunga an vawmhlum tur a chhanchhuah a ni a. Florence Nightingale-i thih hnu kum 90-ah chuan he chhimbuk, thingnawia hnawhthat hi Florence Nightingale Museum, London a rawn thleng ve ta a. Athena hi Florence Nightingale-i khan Crimean War-a sipai hliamte a enkawl lai pawh khan a pawnsen ipteahte a khung thin a. Nightingale-i thihhnu khan an in pakhat Lea Hurst an tih Derbyshire-ami chu nursing home-ah pek ani a. Mahse tun hnai khan enkawl a hautak em avangin khar ani a, chuta an la dahthat chhimbuk hnahkhat chu he Museumah hian an rawn pe ve ta a ni. Florence Nightingale-i kha 1820-ah sap Industrialist hausa deuh fa niin Italy-a a hmingchawina khuaah a lo piang a, Pathian kohna hria in nursing lamah a inpe a, heng hun lai hian nurse-te hi chu zu ruih ching leh KS ang reng deuhva ngaih thin an ni a. 1854 khan British sorkarin Crimea a indonaa sipaite enkawl turin Turkey-ah hospital hawng turin an sawm ani kha. Athen-a Olympic buatsaihtute chuan an khaw taxiho service tha lo lutuk chu an inkhelhna bul vela awm lo turin an ngen a. Air condition leh fai leh thar taxi-te chauh chu an inkhelhna velah leh Airport leh hotel velah tlan an phal dawn a. Taxi 14,300 in register te zingah 8500-te chauh chu service an phal dawn a. Hei hi Taxi drivers’ union-te chuan an duh lo hle a, strike a, road block siamte an tum ani. Greek taxi driver-te hi sualah leh ruk ruk ching ang lek lekte pawhin mi zin vei vakte zingah an lo thang tawh thin ani. Iran-a nupakhat chuan utawk a hring chhuak ani tiin Iran-a chanchinbu pakhat Etemaad chuan a chhuah a. He utawk hi a tui he nu pumchhunga alo awm palh atangin lo thang chho nia ngaih ani. Genetic test-te an neih chuan mihring pawh a taksa thenkhat chuan a ang ve hle a. A kut zungtang leh a leite chu mihring lei tiat leh mihring lei a ang ve hle a. He thil mak tak mai hi Iran ram chhim-chhak lam Iranshahr khuaa thleng ani a, he nu fa pahnih nei tawh hi tui bal deuhvah a chenna atanga he utawk tui hi lo pai palh nia ngaih ani. Khawvela thlawhna sorkar siam lo khawvel pawna thlawk thei SpaceShipOne siamtute chuan $ 10 million lawmman dang dawng leh turin vansangah thlawk luh turin an in buatsaih mek a. He thlawhna designer leh a pawlte chuan September ni 29 hian thlawh leh an tum a. Hei hi lawmman Ansari X an tih chuan, mi pathum emaw an tlukpui rihna vansanga kap chhuaka him taka lei rawn thleng leh thei chuan an dawng dawn ani. He team te hian June ni 21 khan an SpaceShipOne hian lei atanga vansang 62.2 km an han kap chhuak tawh anih kha. He SpaceShipOne hi Micheal Melvill-a pilot a ni a. Rutan-a leh a team-te senso zawng zawng kha Billionaire Paul Allen, Bill Gates nena Microsoft Corp. dintu khan a tum vek a ni.

LAWMTHU Thlanmual thar hnatlang neih ni a Motor rawn thawh chhuaktu zawng zawngte chungah Branch chuan lawmthu a sawi a, Member thawk chhuak zawng zawngte chungah lawmthu a sawi bawk e.

PRESBYTERIAN PATHIANNI

Aug 9, 2009

Sunday School

|antu

: Pi J. Lalengzami, B - V Chhun Inkhawm

|antu Thusawitu

: Pi Lalremruati, B - I : Pu Kapchungnunga, B - VII Zan Inkhawm

Thusawitu

: Upa Rokamlova

K|P July 9, 2009 A hmun Hruaitu |antu

|awngtai Inkhawm : Fellowship Hall : Nl. C. Lalmuanpuii, Uriela Group : Tv. David Lalremruata, Gabriela Gr.

Aug 10, 2009

Thawh\anni Zan

Hruaitu : Pu Lalbiakdika, Asst. Leader |antu : Tv. David Zothanchhunga, Uriela Gr. Thawhlawm : Tv. Benjamin Zalawma, Gabriela Gr. lakhawmtu turte : Tv. Vanlalruata, Gabriela Gr. Thusawi : Rev. Zothansanga, Director Family Guidance & Counselling Centre, Synod.

THIANGHLIMNA INKHAWM (09.08.09) Hruaitu Thusawitu

League of mercy Sunday : Major Rochhingi,CO : Major Lalduhsangi,THQ

PUITLING SUNDAY BIBLE SCHOOL Hruaitu

: Pi Lalrinthangi, HLSL CHHANDAMNA INKHAWM

Thusawitu

: Pu C.Lalbiakmawia Col. Sgt

SAY HUNRUATNA Sunday Fellowship : Pu C.Thangkima, CSM, O.F. In : 2:00 p.m. : Tv.Victor MS Dawngliana Literature i/c THAWHTAN ZAN INKHAWM (10.08.09)

A Hmun A hun Hruaitu

Hruaitu Thusawitu Thilpek hlantu Bible Reading

: Tv.Erick Vanlalngaihsaka : Pu Robert VL Thlamuana : Nl.K.Lalhmangaihzuali : Joseph VL Malsawma

Published by Y.M.A., Dawrpui Branch, Printed at G.S. Offset Printers, Treasury Square