Sept 13

Bungmual Weekly News Website:http://www.bungmualweekly.tk or http://www.bungmual.zogam.net E-mail : bungmual @ Yahoo.com

A publication of Young Paite Association, Bungmual Unit Vol - XXV

SUAH NO - 35

BUNGMUAL HELP LINE YPA President: 9862956814 YPA Secretary: 9862020445 V/A Secretary: 9862085913 BYC President: 9436429778



THU TUAMTUAM

Arrival:

= Pa Rev V Thangsuan leng kha 2 val vingveng Delhi a medical check up leh tute veh kawm a ava zinnung in zan in damtak in vangkhua hongtung hi. Nu Ngaizalun of Laiveng, leng Delhi apan suty zangdingin vangkhua ah om lel. = Tg Thongsonhau s/o (late) B Vungzathang SDC (Nl) leng Ningani paisa in Delhi apan vangkhua hongtung hi. Aman tunaichin in Punjab National Bank ah Asst Manager gelhching a, kalkhat veh zawhchiang in training ngalding hidanin gen uhi.

Dorcas seminar zou uh

EBCC Bethany in tualsung dorcas seminar-cum-fellowship apsai Sept 10 apan aneih uh zan nitak in zousiangta ua, hiai hun ah tamtak paikhawm uhi.

Koppih nei:

Tangval muanhuai Kamthianmuan Tonsing (Hsv) in Kiginni paisa in Tangnuam apan a damsung tulpih ding in Lia khat va pikhe hiau chih thu kiza hi. Nupa lawhching hong hih uh i deihsak hi.

Rickshaw in accident uh

Kalpaisa in Hausa veng a om Pa Kaizagin te innkuan Hausa veng suk a Rickshaw a kikhoh lai, Pa Lalzarlian inn paam a Uku bul ah lengkhia uhi. Pa Gin lawinu ahihleh akhut sung kisukha zek a, midangte aliam naak lua omlou uh chih thu kiza hi.

Theihkhelh khak ai

BWN kallui issue a Hondo Activa leithak Nu Lulun (Mahajon) of Siloam veng kichi kha pen midang a kisakkhak ziak hi a, Lia Lulun (Mahajon) of Silo-am veng zawk ding ahi chih thuchian zaw kingah hi. Tuaban ah, Lia Chiinpi in YATMAL zuannawnta kichi pen leng theihkhelh hi a, Imphal a thugen dia zin hizaw hi’n leng thuchian sem kingah hi.

PATHIANNI

Sept. 13, 2009

BUNGMUAL

Cheihchaih! Ngurthangvel hilou ka hi. Heutu chiat chiat smart deuh a om di hita mai! – Tg Khamlal LNV

EBC Bungmual in halhthakna khawmpi neiding Electric fee pia tawmlua! Bungmual, Sept 12: Evangelical Baptist Convention Church, Bungmual in a Biakinn uah September 16-20, 2009 sung Tualsung halhthakna khawmpi kichi program liantak neiding ua, hiai pen 2009 kum adia a tawpna leng himaithei hidanin saptuam makaite’n gen uhi. Ministerial Committee EBC/Bungmual apan thusuak kingahdan in, halhthakna khawmpi ah Evan. Upa T Khupzatun in Pathian thutak genna neiding a, Rev N Vungzasin Local Pastor in khawmpi honna nei in, amah mah in Sept 20 2009 nitak in khawmpi khakna neiding chi uhi. Khawmpi hunsung in Baptist Youth Fellowship makaih in laa a mipi kipolhkhawmna om ding ban ah, amaute apan mah in Pathian phatna laa ngaihkhiakna

om ding chi ua, H Mangtungnung, S Ginzalian leh S Sungzapau te’n khuangputna nna semding ua, bial upate’ panlakna ziak in a bial sung uapan khawmpi ah palai tamtak paikhawm ding in leng Sept 16, 2009: Nilaini Nitak dak 6 Hunkem: Mr G Khankham Pastor Asst Khawmpi honna: Rev N Vungzasin LP Phatna la: Lapite’ makaih in Thumkhawmna: Mipi Phatnala; BYF Thugenna: Evan Upa T Khupzatun Hunkhakna: Thugentu Sept 17 2009 nitak dak 6:00 pm Hunkem: Pastor N Vungzasin Phatna la: Lapite’ makaih in Thumkhawmna: Mipi Phatnala; BYF Thugenna: Evan Upa T Khupzatun

kinepthu gen uhi. Tualsung halthakna khawmpi tawh kisai a BWN in program angah anuai abang hi a, September 20, 2009 program ding ahihleh, BWN kalnawn issue ah hon kitaklang pan ding hi. Hunkhakna: Thugentu Sept 18 2009 nitak dak 6:00 pm Hunkem: Upa V Ginchinpau Phatna la: Lapite’ makaih in Thumkhawmna: Mipi Phatnala; BYF Thugenna: Evan Upa T Khupzatun Hunkhakna: Thugentu Sept 19, 2009 nitak dak 6:00 pm Hunkem: Upa V Songzathang Phatna la: Lapite’ makaih in Thumkhawmna: Mipi Phatnala; BYF Thugenna: Evan Upa T Khupzatun Hunkhakna: Thugentu

Editorial Board leh BYPA OB te meeting ding

BWN kum 25 chinna thupitak in lop hiding

Young Paite Association Bungmual Unit nuai a om Bungmual Weekly News in kum 25 a chinna uh Silver Jubilee kichi November 1 2009 chiang in YPA hall ah thupitak in zatsawm uhi. Sintawpni nitak in BYPA executive committee in BWN kum 25 chinna tawh kisai genkhawmna nei in, huai

ah hiai Ni poimawh pen zatding in thupukna la ua, News Board leh BYPA office bearer te’ khut ah alopna ding tawh kisai mawhpuakna pia in, a kipatna ding un Rs 5,000 leng sanctioned bawl uhi. Hibangkalah, Bungmual Weekly News vaisaipawl (editorial) board leh BYPA Office

bearer te’n Sept 13 2009 nitaklam dak 1 in President Pa K Thangdin Inn ah meeting poimawhtak nei ding ua, huai ah BWN silver jubilee vai leh Bungmual khawsung a Nungak leh tangval te’ adia hun thoveng kithuahkhawmna program bawlding dan kikum khawm ding uh hi’n kigen hi.

Hamphatna tang Sepaih sap 3 te kikta Tangval suanhuai Khamchinpau Tunglut (Lv), Tangval Tualding uh sonmung Tonsing (Zrv) leh Ppl Thanglianmang Hanghal-te’n

Vualphaloute tawh kisai a CCpur a NGO lian leh minthang mahmah People Advance in Social Service (PASS) kichi pawl in Sept 18 2009 chiang in Community hall ah vualphaloute adia a kitoudelh theihna ding uh thil tuamtuam hawmkheding uhi. Huai tawh kisai in eikhua apan in Kaigou s/o Siamkholian in wheel chair ngahdinga, Sianching w/o Siamkholian leh Thanthuam s/o Tongkhup te’n hearing Aid ngah ding uh hi’n kigen hi. Tuabang hamphatna ngahding te’n Sept 18 ni in Lamka community hall ava zot uh poimawh ding hi.

kalkhat suty vangkhua ah ahong zat nung un Shillong- Barapani a North East Police Academy (NEPA) zuan in kiknawnta uhi. Amau December nipi kalmasapen in training zouding uhi. Tg Ginsuanlian Llv Jamedar MR ahihleh, damlouhna khenkhat ziak in kik nawn nailou hi’n leng kigen hi.

THEIHSAKNA LEH CHIALNA Tuni September 13 2009 nitak biakna kikhop dak 6 in Chandel’ Heikakpokpi a Mission Blind School (Mitdet skul) apan mi 6 in Bungmual EBC vehna hongnei ding uhi. Amau lasakna leh thugenna neiding ua, huai hun ah saptuam mipi atamtheipen kikhawm chiat ding in i ki theisakin iki chial hi. Tuaban ah, hiai hun ah amaute panpih utleh kithuahpihna pe ut te kipahpih mahmah ding ua gintak hi a, tuabang i om leleng amaute kiang ah piaktheih ding ahi chih leng iki thei khawlsak hi. - Pastor N Vungzasin Local Pastor EBCC, Bungmual

Bungmual Weekly News in hun bangtanhiam Bungmual khawsung a electric fee pete’ dinmun a et vengveng nung in, customer 457 vel om a, huai lak ah regular tak a electric fee sung gige 200 vel om hi. Huchi ahihleh, illegal connection hunkhop om chih na hi a, tuaban ah, mi muanhuaipipi electric zangzang na pi a fee sung ngei mahmah lou hunkhop om chihna suak hi. Electric ginalou chi a i phunphun pen mipite’ hih khelh hilou in thudik mah hi a, ahihziak in eilam ah leng i mawhpuakna zouphot peuhmah le hang, i phun leleng hangsantak a phunngamhuai ahi chih BWN muhsuah dan hi a, electric fee ba leh a fee pengeilou te’ lak ah heutu muanhuai pipi a om ban ah, hiai in zaw electric fee baa ut hetken teh i chih mi bangzahhiam in leng a fee a na pe hetlou dan uh eive chih theih in om mawk hi.

Leaders conference om ding NEICORD saina in September 16 leh 17 sung in EBC Secretariat conference hall, New Lamka ah HIV tawh kisai kisinsakna om ding a, huai hun ah Rev Dr Sonna Langzakham, Principal GBC leh Dr Zamlienmang Gangte, Medical Officer, SHALOM Hospice, CCpur ten sinsakna peding uhi. Hiai hun ah eikhua apan makai tamtak telding uh chih thu kiza hi.

Inn bawl kisaan Tulai in Pa Thawnzapau in Zoar veng ah inn thak bawl in kisaan mahmah a, Pa H Thangzamuan in a inn kong a dawr (Upa Pausing Hauzel trade centre) tung pehna neilel a, Pa Lalzarlian Llv in leng a tenna inn bawlthak sawm in pan naktak in la a, Pa Lianpau Llv in leng building tunsawm in pan hahlak mahmah lel hi. Hibangkal ah, sa supply tu Pa K Thangkhandou & family leng colony apan Siloam veng a Pa Awnkap innlui ah a na ki move uhi.

Gari thak kibehlap nawn Nu Nemngaihkim Slv in tunaichin in Honda Activa khat leithak a, tuaban ah, Pa Haulianmang Hanghal Llv in leng Activa thak khat mah leikhia hi. Tg (LK?) Kamsuanmung Hsv in leng zan zek mahmah in Bike Diskover kichite a thak fingfeng khat Imphal ah va lei. Pa H Thangzamuan @ H Muan in leng a Shaktiman rong kapthak in a thak tawh kibang in om vervar ta hi.

Job card nasep khawlphot! Bungmual Village Authority malakna a Hausa veng a lamlian sialna pailel pen vuahzuk ziak in hun chiam omlou in nnasep khawlsak hiphot a, seppat nawn hun ding mipite kiang ah zaksak hinawn ding chih thu heutute apan kiza hi.

Pek 2 na BUNGMUAL WEEKLY NEWS



Billy Graham By- ZW

Ei

Northeast lam mite khristian kichi ngal a Billy Graham min za kha lou vaang ding hi. Ama ei khang a dia evangelist minthang pen ahi ding hi. A kum upa ta a, cancer zong vei a, hinanleh tuni tan in a khankhiatna Simlam USA gam North Carolina ah khosa nalai hi. Ama pen Baptist pastor ahivang in, interdenominational a thugen mi khat ahi. A Bible zil tung lai in a teenna gei ua Fundamental college khat ah na kai a, hinanleh tuazou sawt lou in a huaplian zaw deu Evangelical college Florida khopi ah na kisuan hi. Billy in doctrine thu gen lou a, Christian tamzaw in a pomthei "core content" teng khovel pumpi ah zin in a gen lele hi. Athugen dan Fundamental ten zau (liberal) seng asa ua, hinanleh mainstream Christian ten kochi (sectarian) seng asa zeel uhi. Etsahna din, Billy in, "God hates the sin, but loves the sinner" achi gige hi. Tami pen Fundamental pawl te'n sugar coated Gospel chi'n a dem uhi. Amau deidan in Pasian in khelna leh mikhialte himhim "tolerate" ngai lou a, meidil ah a hallum gige hi. Tuaziah in Billy pen zawlnei dih lou, meidil ngah din a hisap uhi. Vangam ticket pen Simlam USA a Fundamental te hawm ding hileh chu Billy Graham pen direct Meidul ding dan ahi. Bang teng hileh, a ticket hawm ding te thuthu hi mai lou di? Inn lam ah zong, nidang in Revival Church (Limpawl te'n) vangam "monopoly" nei dan in a kigen ua, pastor te leh sawltah te vel meidil lam zuan in a hisap uhi. Billy Graham pen American politics ah direct in kihel lou a, hinanleh American President tampi thumoptu (adviser) din mun ah ana ding hi. Ama'n nidang in democratic te na panpi gige a, hinanleh tunai a candidate zil in republican George Bush bang support thei zel hi. Billy Graham thugen Gospel pen midang atoh kikhe lou a, hinanleh ama TV tungtawng a Pasian thu gen masa pen ahi. Tuami TV program pen "Decision Hours" kichi hi. Billy in TV market technique zang in Gospel content a zuah hi. Billy minthan khiatna pen a thugen (message) sang in a thugen dan (medium) ahi zaw hi. 1964 kum in Prof. M. McLuhan in hichi'n ana gen hi, "The midium is the message". Billy in tami umdan a theisiam sih ei leh?

Kha teng alak man Rs 10/- chauh

THEIHSAKNA LEH NGETNA

Tutung Siamsinpawlpi General Hqtrs in i gam sung dinmun nouneltak a theihsuah sawm ahihziak in ‘the Ist siamsin human development survey” chih min vuah a survey hong kibawlpah ding ahihna ah ule nau, nungak tangval, nulepa leh siamsin member kuapeuh mah in surveyor te phatuamngaitak a kithuahpih chiatding in kon ngen in kon theisak hi. Sd/- Secretary Deptt of planning & Dev. SSPP Gen headquarters

Damlou hongtung ding Unaupa Khupthang s/o Khansong of Silo-am veng, tulel a Chennai a om damlouhna ziak in a sanggamte’n hon paipih ua, tuni ahihkei leh zingchiang in i khua hongtung ding chih thu kiza hi. Khupthang ahihleh, lasiam a ineihte ulak a khat Thawngsangmung sanggampa ahi hi.

Shija ah operation in om Nu Ngaikhodon w/o Upa N Thonzagin of Laiveng, a sinkha a suang om apaisa September 9 2009 nitak in operation in om a, hoihlam nawt in Sept 10 2009 in innlum hongtung nawnta hi. Ahong damsiangpah i deihsak hi.

VA in protection wall hihsak ding YPA Bungmual in Village Authority kiang ah YPA Hall nunglam a khoubaang mun protection/retaining wall bawlsak dia ngetna abawl uh Village Authority in pomsak in, tunung sawtlou in YPA office/ hall sak a lampi kichim sek pen nan hiding in kigen hi. Pu Thangthuam, Imphal a a unau nih te Guun lui a a sihlai ua, a luangte uh pua a, a zaanzaan a Imphal apan Singngat a a kipuak lai a, a laphuah hiai ahi. Amah suunna leh theih gige na in:

ZAANKIM ZIINGZIIN T. Thangthuam A vul niingniang sakmeel kulsiin a zaal diing toh Kap in ka zua' leena zuan veeng Tuun leh zua' vaangkhua tuangtung zong Houneem simthu mabang patdiing mai mo'ng A na lua e, lelliang ka thuak, aw ana e Zaanchiang maimit siinglou ziingziin zaalmang hiam aw Zaanchiang zaideih oihsiam te zong honneem omlou Ka luankhi muantuibang a phuul na e Pheiphung khailou tuanglam zotsiam vaimaang siamsil Sung a vual te aw hongneem aw Guabang hinglai ka hi hiam aw Meibang mit hiam taang in ka theilou e

Its a publication of YPA Bungmual Unit

Natna zawnkhiakna din siamna thak... - Simbuthut

Damlouhna leh natna tamtakte a hunlai a theihkhiak leh zawnkhiak a hih loh ziakin kikhel man chih leng awm thei hi. A diakin natna pianpih sapten "Gene" (chi) a chih uh dik loh ziaka natna piang thei te bang naupan lai apan theihkhiak pah a hih kei leh, etkawl theih nawn loh bang awm thei hi. Huchibang natna pianpihte a hunlai a zawnkhiak a hih theihna din, Britist Scientists ten siamna thak khat tunai in bawlkhe thak uhi. Hiai siamna thak pen a hih leh computer software hi a, hiai software in naupang te mai (face 3D in) lem la thei a, natna a vei uh leh vei loh suikhe thei hi. Hiai siamna thak nasep dan a hih mai lem (3D) in computer sungah lalut (scan) a, huai 3D lem pen points tamtak a khen zak in mi damthei dang mai tawh khaikhin a, natna a vei uh leh vei loh uh suikhe thei hi. Hiai software bawlkhetu Peter Hammand tulel a UCL Institute of Child Health a professor na sem lel in a gen dan in hiai software pen lawhching mah mah a, doctors tamtak ten zang ta ua, za a sim a sawmkua (90%) dik a hih dan gen hi. Hichibang a siamna tuam tuam zanga mite natna a suikhiak zung zung theih lai un, Zomite pen a ki vangtah hia Lamka District hospital a doctors kidaih loh thu khawng bang ki za mun mah mah hi. Hiai bang siamna zattheih ahihna din leh Zomite leng technology lama ziamna phattuam taka a zat theihna di un heutu lian makai ten pan hawn la le uh chih mipiten ki deih mah mah hi.

Saptuam Programme BUNGMUAL EBCC September 13, 2009 (Zing Biakna kikhop)

BETHANY EBCC September 13 (Nipi zing) BSI/CCpur branch te’n veh ding

Hunuk: Upa B Thuamzathang Thilpiak lantu: Upa T Goihkhojam Spl no: TBYF Nipi skul sinsakna: Sinsaktu Hunkhakna: Upa Ngaizalam

Hunkem: Vanlalawm Guite, Treasurer Speaker: Dr T K Muana, Secretary Report: Rev B Lalhnuna, President Rev T L Dousel, Asst Secy

Nitak Biakna kikhop Hunuk: B Jamsangchin Thialpiak (Ms) lantu: Upa L Pumkhanpau Spl no: TBYF Thugenna: Upa T Langzathang Vualzawlna: Pastor N Vungzasin Daniel thumna: Pitu- Mangdouthang Slv BCD: 6:30 am pitu- Chingnunhoih, 09:15 am- H Khupsuanlal

Nitak biakna program Missions motivation prog Program honna: Rev Dr Hs Chinsuanthang Hunkem: Upa Khaizatun Pantu: Mrs Dimkhanching Thilpiak lantu: TMC Bethany apan Phatna lapawl: Immanuel BYF Introduction & Report tomkim: 1. TMC Immanuel 2. TMC Bethany Phatna lapawl: 1. Bethany BYF 2. Veteran Choir, Dorcas veng Thutak genna: Upa N Vungzathang Hunkhakna: Upa H Khamkholam

Tuun aw maimit siing zaalmang pha na manhiam aw Vonthum ziingziin suul honghei veeng Gaalkhua pan siang maimit suan veeng Kammei taanglou zaan in mial e i siang Tuun leh zua aw dawngkot hong aw ngalliam nih geel Siang honzuan uh, dawngkot hong aw Zaankim zaalmang pan zuangthou in Siamsin von te' sakmeel lambang veel aw

MDC election tuhsawm Soi’sang leh a nungzuite Chairman: K. Thangdin

Zua aw, lung in ka mawl hiam aw geelngam la'ng e Taang in mabang khualman in maw Sanggah lelliang ngilhni om maw Miimbang thuum baanna diing ka khualna'n maw

Editor : K K Valte

Asst Editors : S. Paukhanmuan & Pauthianmuang

Cir. Manager : Kaizamang