16 August, 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XIX Issue No 33

TUALCHHUNG Reuben Liansanga s/o Lalchungnunga (L) (Pi Zirsangi tupa) leh Julie Lalrinnungi ITI veng te chu Aug 14, 2009 (Zirtawpni) khan an innei, nupa kawpchawi \ha tak an nih kan duhsak e. NAUTE THAR : Ramdinsangi d/ o Lalruali te chuan a pakhatna atan naute thar duhawm tak an nei ta. CAMP : Shalom bul tumin Aug13, 2009 (Ningani) tlaia riak lutin nimin khan Dawrpui Kohhran Junior KTP/ Senior Dept leh Sacrament Dept puala Camp neih a ni. Dawrpui KTP ten eirawngbawlin an buaipui a, HIV/AIDS chungchang leh thil tam tak, tleirawlte nun kaihhruaina lam hawi an zir a ni. LUSUN : Tv. Chawngthanzama (30) S/o Lalhmingliana, Vanapa Section chu Aug. 14, 2009 (Zirtawpni) a Vanapa Section Picnicna a kal chu vanduaithlak takin tlai lam dar 4:30 vel khan tuiah a chesual hlauh mai a, minute 15 hnu velah lachhuakin YMA memberten theih tawp chhuaha a nunna chhan tuma an beih hnuah an chhan thei ta lo a ni. He mi zan hian Member-ten tlaivar puiin, a tuk Inrinni khan Dawrpui thlanmualah vuiliam a ni. A chhanchin hi Issue lehah rawn tarlan a ni ang. Kar hmasa Issue-a naute thar kan rawn tarlan Pu Lalnunzira, Dawrpui West te fa pathumna chu Septicemia avangin Aug. 8, 2009 (Inrinni) tlai khan a boral. DAMLO : Pu F. Lalnunzira, Bara Bazar chu Aug. 12, 2009 (Nilaini) khan Mumbai-ah hlawhtling taka zai a ni. PUAN PE : Pu Lalramthanga te chhung chuan Branch YMA hnenah Puan leh sum fai engemawzat an pe. CHHIAT TAWK : Kan khawtlangah tunkar cho hian chhiat kan tawk zing malh malh hle a, YMA memberte pawh an hah hle a, hei hi kan tih tur a ni tih hria a, \an la sauh sauh turin kan inngen e. INNEI :

Dawrpui News

Kartin Chhuak Pathianni August 16, 2009

Mobile Phone leh Mizote - Rinrina PA Dawrpui News-a chhuah tur thu ziah ve hi ka chak \hin viau mai a. Ameherawhchu thiamna ten a tlin loh bakah, rilrua awm ve ang pawh sawi chhuak thiam lo leh ziak chhuak thiam lo khawpa \awngkam thiamlo ka nih avang zawkin tun \uma mi pawh hi ka huphurh teh a nia. Mite angin thuhmahruai han neih ve duahte pawh ka chak viau a.Mahse, thuhmahruai han nei ve tur khawp chuan ka thiamnain a tlin ngang lo a ni e. Ka thiam ang angin kan thupui hi kan hel nuai tawp mai ange. Information Technology hmasawnna hian Mizoram pawh a kal kan bik hauh lo mai tih chu kan hre vek awm e. Tunah chuan \huthmun a\angin khawvela thil chhuak thar leh chanchin tharlam tak tak kan hre zung zung thei ta. Hei pawh hi Technology hmasawnna vang bawk a ni. Mizote hi thil thar lawm hnam, kan tangkaipui tur leh kan mamawhna zawn pawh ngaihtuah hauh lo leh kan neihin a tlin leh tlin loh pawh dawn hauh lo, miin an nei ta maw tih avanga puk chawp pawha neih tum mi kan ni tlat. Mizoramah BSNL chuan hma hruaiin Mobile Phone a rawn chhuak a, he thil hian mizote hmasawnna leh thil \angkai nge a rawn puakchhuah anga, kan chhiatna tur tih pawh ngaihtuah chang lo lekin neih ve loh hlau tak maiin kan hmanhlel a nih kha. Tun thleng pawh hian Mobile Phone neih loh chu zahah te pawh kan la deuh tawh niin a lang ta. Chu mai piah lamah (A bikin \halaite zingah) thawhchhuah nei hauh si lovin a man tlawm chu kan la hmang zak lehta nghal a! Mizoramah a \angkaina leh kan chhiatpuina hi buk ta ila khawi lam nge uai rit zawk ang tih chu i thuthluknaah a innghat e. Mi \henkhat tan chuan he thil hi \angkai em em mai, a awmlo ang tih hlauhawm khawpa hmang \angkai kan awm. Sumdawnna kawngah te leh, sumdawnna mai nilo eizawnna kawnga hmang \angkai em em te pawh kan awm. A lehlamah a \angkaina lam ai maha intih changkan nan leh rual pawl nan mai chauha hmang engemawzat kan awm bawk. La reilo hle mahse Mobile Phone lo chhuah hma kha in thlir kir lawk teh ang! Ken chhuah theih loh chi Landline Phone kan hmang a, In khatah Connection pakhat bak chu kan mamawh lem lo. Kan hmang \angkai viau mai lah taka. Ka sawi tum zawk tak chu, khang hun lai khan Phone neilo chhungkua tam tak kan awm tih kan hre awm e. Kan neih loh chhan erawh ka hre hauh lova, mi hausa deuh neih chi a kan ngaih vang emaw, nitin eichawp zawng leh inhlawhfate tan chuan neih chi a ni lo emaw, a to si a kan nei zo ve lo kan tih vang te pawh a ni thei e. Mobile Phone a lo chhuak chiah a, a maka maka tamin kan nei ta. Ka \awng tu’n lo haw lo se, nitin eichawp zawng leh inhlawhfa chawp, BPL chhungkua leh Mu\ia takngial pawhin kan hum ta fer fur mai a nih hi. Landline Phone Connection hi sum tam tak sen a ngaih loh rualin a Box ala chhawm tel lehta nghal a. Mobile Connection ve thung erawh chu Sim Card man mai piah lamah Hand Set a lo ngai leh a, ka sawi tawh ang khan a man tlawm chu kan la hmang zak leh ta nghal a. Ka sawi tum tak chu Landline hun laia Phone nei theilo/nei zolo chhungkuaah khan Mobile Phone pahnih pathum te kan nei thei ta mai hi a mak ka ti a, chhiartute ngaihdan erawh ka hrelo. Hei hian hmasawnna lam ai mahin tlakchhiatna lamah min hruai lut ang tih pawh ka hlau hlel love. A man lah hi chhut chian chuan a to em em hlawm a, Top-up recharge lo ngai ve reng bawk nen. Thawh chhuah nei lem lo ho hian engtinnge maw an tih nun reng theih le tih ka ngaihtuah \hin. A bikin \halaiteah sualna a ti pung nasa em em tih kan hria. Rukruk a hluar phah a, inbumna a hluar phah em em bawk. Nu leh pa rilru tibuaitu leh tihah em emtu a ni bawk. Sex a ti hluar em em a, \halaiteah helam pang pawisaklohna nasa takin a hring chhuak tih hai rual a ni lo. A ruka KS an tam phah hle bawk a, Handset changkang leh Top-up neih theihna tur a nih chuan mahni thianghlimna pawh hralh duh kan awm ta. A \hat lohna chu sawi tur tam tak a awm thei ang, \awngkam thiam loh nen kan sawi seng lovang. A tawp berah chuan chhiartu kan khawtlang Nu leh PA te ka chah duh, kan fate hian Mobile Phone hi eng ang chiahin nge an hman tih kan chhut ngai em aw! Kan fate tan hian neih a \ul ber em? A fel phah nge a sual phah? min bum nan a hmang nge, enga tan nge a hman? Kan hriat lohin Top-up a thun thei reng em? tih te i ngaihtuah chiang ang u. He thu famkimlo tak hi mi thiam zawk leh ril zawk, kei aia \awngkam thiam zawkte cho chhuah nan kan ziak ve a ni e.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

Dawrpui veng hi Mizoram ah chuan mi khawsak dan inthlauhna ber veng pawh ti ila kan sawi sual nasa em em lo viau ang, mahse khawtlangah leh kohhranah chuan rual khai takin kan awm khawm a. YMA-ah chuan a lungrual takin kan thawk hova, kan thawhhona pawh a tha thawkhatin veng pawh hma kan laknaah te lungrual takin kan theih chen chenah kan tang ho thin a. Mi neinung deuh ten an sum leh pai, bungrua leh motor te veng tan an phal hle thin a, a bikin motor tel lo chuan tunlaiah chet a har ta viau a, thlan laih, thuthleng leh thingpui lumna bungbel phurhna te ah hian motor lo chuan kan che thei ta meuh lo. Hetah hian motor thil phur thei chi nei ten phal takin an rawn thawh chhuak thin. Thlan lai haw nan leh thuthleng phurh nan phei chuan kan thalai ten motor a awm loh chuan chet an tum ta mang lo hial a, heng te hi hre thiam in an motor te a thlawnin veng tana an rawn thawh te hi Dawrpui veng tan chuan a lawmawm hle a ni. Heng motor te hi hna an thawh tur tulte kalsana an rawn thawh thinna ah te hian an inpek na a ropui hle a ni. Kan mi neinung te hi chhiatni thatni ah chuan khawtlang puihna ngailo ber te an ni a, veng pawhin a buaipui ngai lovin an vua leh vang ten an buaipui thei em em a, thlan laih leh kuang siam chenin hlawhfa te ruai in harsa lo tein anmahni an inbuaipui thei hle tih hi kan hre tlang theuh awm e. Chhiatni thatni a khawtlang leh YMA te tel lova awm thei lo chu keini khawsak harsa zawk te kan ni tih hi a chiang hle a, chuvangin keini ho hi chu kan tha te leh kan hun te hi ui lovin khawtlang tan kan phal a ngai em em a ni. Mizo nun kalphung pangai a kan kal dial dial te hi keini khawsak harsa zawk te tan chuan thlah phal chi a ni reng reng lo tih hria ila. Thlan laih man, kuang man te pek a ngaih a, tuna khawtlangin man lova min tih sak theih zawng zawng te hi hlawhfa rawih a ngaih hun kan thlen chak leh chak loh chu tuna kan thawhho dan hian a hril tih hi hria ila, khawtlang tana thawhchhuak ngai lo ten tan i han la thar teh ang u.

August 15, 2009

Pathianni

HRISELNA

SWINE FLU - Dr. Thangchungnunga, MS (Ortho) Tunlai khawvel pumpuiin a buaipui leh hripui leng mek Swine Flu (H1N1) hi a lo a luakchhuakin kan in sawi \haih ang tih a hlauhawm a. Hlauh tur chu a ni teh meuh mai a, mahse a kaichhawn theih dan chu a lenna hmun a \anga lo haw te, hriatsa natna nei a\angtea kai chi a ni a. A natdan hi hritlang pangngai nen danglamna a nei lova. A danglamna ber chu Swine Flu lenna a\anga lo haw emaw an nih chauhin a ni. Mahni in-a awm reng hritlang tan a hlauhawm loh. Tin, Sunday hmasa a ka rawn ziah tawh ang khan hritlang inkaichhawnna tamber chu kuta thil khawih a ni a, inthawk khum a\anga inkaichhawn hi chu a tam lo hle. Tun dinhmun atana kan tih theih leh invenna awlsam ber chu- taksa hrisel \ha neih a, kut silfai ngun a ni. Engpawh thil danglam deuh hlek emaw, hritlang kai khawih hnu emaw kan khawih chuan kut sil ngei ngei tur a ni, chuvangin kut silfai deuh reng hi a venna \ha tak chu a ni mai. Mi hrisel \eng \ung tak i nih chuan he hri hi lo lut pawh nise i kai chuang lovang. A hrik kai a\anga ni 5 velah a langchhuak a, a lan hma leh i dam hma ang a, a lan hnu ni 7 chhung hi inkaichhawn hlauhawm lai a ni a. Thianghlimna kan zir tawh bawk a, kutsil fai a, thianghlim taka awm reng mai tur a ni. I sirah sang an tlu anga, i ding lamah sing an tlu bawk ang. Nimahsela, nang chu a hnaih lovang che...... (1-2)

Admission

The Alpha Skills Institute of ICFAI University, Mizoram invites applications for Spoken English (3 months) and Computer Course (6 months). Application forms will be available at the office during office hours from 1st September, 2009. Monthly fees wil be Rs. 300/ - per month. No admission fee. Courses will be started on 16th September, 2009. For details Contact: The Alpha Skills Institute of ICFAI University, Mizoram Building. Chaltlang Dawrkawn, Aizawl, Mizoram. Phones: 9612166708, 9862575100, 9856836080, 9862133075, 9612163906

Enge an sawi 1. Tih tur i hriat loh pawhin i tih loh tur tal hre rawh. - Thufing 2. Mahni ngaihdana ding nghet ngamte hi mi huaisen an ni a, mahni ngaihdan chauh dika ngai te erawh mi huaisen an ni chuang lo. - Thufing 3. Thawh tur hrelo mi \henkhat, vai dawrkai hnena Donation khawna nupui fanau chawm a, Bike \ha pui pui neite pawh hian Rel kawng lo chhuah hunah thawh tur an neih phah thei zawk ang. - Lal Thanhawla, CM

3

Dawrpui

News

Kartin chhuak

LAWMTHU Aug. 7, 2009 chhun dar 1:30 vel khan Gas kalsual avangin bungrua pawh chuh hman lovin kan In a kang phut mai a. Hemi chungchangah hian mimal leh pawl hrang hrang (VC, YMA, MHIP, Kohhran) leh khawtlang mipui ten min buaipui nasat zia kan hmuhin lawmawm kan tiin zahthlak kan ti bawk si a, lawm avang hian kan mittui pawh a tla hial a ni. Khawtlangah leh Pawl hrang hrangah pawh \angkaina nei miah lo, sum leh pai leh thawmhnaw, bungrua chi hrang hrang, ei leh bar tur chi hrang hrang te nena min rawn vur hi mimal leh pawl hrang hrangte hnenah Dawrpui News kaltlang hian lawmthu kan sawi tak meuh meuh a ni. Kan chhungkaw chunga in \hatna zawng zawngte hi kan rul seng hauh lovang, Pathianin a let tam takin malsawm che u rawh se. In khawngaihna dawngtu Surej Chhetri leh Judith Lalzawni te nupa Dawrpui West.

BRANCH EXECUTIVE COMMITTEE VAWI 7-NA Dawrpui Branch YMA Executive Committee Memberte chu Aug.13, 2009 (Ningani) zan khan an \hukhawm a, President-in kaihruaiin Member an kal \ha thawkhat hle. An thurel \henkhat Khawtlang mipuite hriat tur pawimawh zual lo tarlang ila. 1. Questionaire leh Suggestion Box-a Lehkha lutte sawiho a ni a, thlan laih leh khawhar In riah chungchanga veng mipuite ngaihdan tam zawk anga la kal zel chu Member ten an remti. Amaherawhchu hemi kawnga hma kan sawn theih nan Section Wise-a infuihtharna a hrang \heuh a neih ni se tih a ni. Suggestion Box-a thu lut tam zawk hi YMA Activities hrang hranga infuihtharna neih nise tih rawtna a ni deuh ber a, \henkhat erawh chu Executive Committee-a la sawi zui tura dah a ni. 2. Kumin YMA General Conference lo awm tur chungchang sawiho a ni a, hetah hian Branch hminga kal ve ngei ni se, kal dan tur leh thlen dan tur chu la ngaihtuah tura dah a ni. Tin, Kumpuan atan ‘Ruihhlo Do’ rawtna thehluh ni se tih a ni bawk.

LAWMTHU Ni 7.8.2009 chhawhnu a kan in Pu Surej Chhetri te luah chu vanduaithlak takin a kang palh hlauh mai a. In a kang tih hriat veleh veng mipui te pung khawmin mahni sa himna pawh ngaihtuah lovin kan in kang min thelh sak a, a bulhnai a in hnai te te awm te pawh an thawh na azarah a kang kai lova. Fire Brigade te rang taka an rawn thawk chhuakin kang min rawn thelh sak a. Police leh Assam Rifles te pawh rawn kalin nasa takin min rawn thelh pui a.Dawrpui VC te leh YMA te chungah bat kan ngah hle a, a tlai la la a kang bang te chu 407 tipper te hire in min paih sak nghal a, a tukah te hnatlang kovin a bak zawng min tih fai sak leh vek a. MHIP ten vehbur khawnin Pu Surej-a te chhung pawh an tuam hlawm nghal te hi a lawmawm hle ani. Heng bakah hian mimal tam takin min puh na te chungah lawmthu kan sawi mawlh mawlh e Bualhranga te chhung Dawrpui West

Pathianni

August 16, 2009

KAN THEN TAK TE

Thanzingi (1928 - 2009) Pi Thanzingi hi Pu Vaikhuma leh Pi Kawlchhuni te fa 8 zinga upa ber niin February ni 29,1928 khan Durtlangah a lo piang a, pianpui unau 7 a nei a. Pu Haudalla nen inneiin fa 8 an nei bawk. Pi Thanzingi hi Pathian thu ngaina mi a ni a, a phak tawkin rawngbawlna lamah pawh a inhmang nasa hle a ni. Mi taima, thawh hreh nei lo a ni a, a \hat deuh lai chuan a pasal sumdawnna pui turin puan a \hui \hin a ni. Pathian khawngaihna a zarah mi hrisel tak a ni a, kum 2007 khan Thyroid cancer a nei tih hriatchhuah a ni a.Vellore-ah enkawl a ni a, a rawn haw leh hnu in reitak chu tiang leh walker hmangin Biakin pawh a thleng leh thei nghe nghe a ni. Kumin (2009) tir lam a\ang kha chuan Biak in pawh a thleng thei ta lova, in lamah rei tak enkawl a ni leh a. July ni 4, 2009 zanah Internal Bleeding avanginn Grace Nursing Home-ah dahluh a ni a, hemi ni a\ang hian \hatchhuah lam aiin hniam lam a pan zel a. Ni 10.08.2009 zing dar 8:05 khan Lalpa hnenah a chawl ta a ni.

Phillip Lalthianghlima (1960 - 2009) Pu Phillipa hi Pu Osborne Sydney-a leh Pi Lalbuti te fa tlumber a ni a, kum 1960 khan Lumding (Assam)-ah alo piang a, an unau hi pathum an ni. Amah hi mi zaidam tia han sawi tur a ni lova, mahse a thinrim rei ngai lo. Mi rilru tlang tak a ni a, a ngaihdan lo thilah chuan mi luhlul taka ni. Naupang fel leh lehkha thiam thei tak niin St. John High School, Kolasib a\angin Matric a passed a. Pachhunga College a\angin BA (Eco) a zo a ni. Kum 1991 khan Alfrecia Vanlalchhuangi d/ o CR Dawla, Jail Veng nen inneiin fapa 3 leh fanu 2 a nei a ni. Secred Heard School, Lunglei-ah hunrei tak a thawk a, 2004 a\ang khan St. Lawrence School, Ramthar Vengah a thihni thleng hian a thawk a ni. Kum 2000-2002 chhunga Dawrpui VC term Secretary lo ni tawh a ni a, tunah hian Taitesena Section Committee member a ni mek bawk. Kohhran lamah pawh a theih ang anga inhmang ve \hinin St. Thomas Branch Catholic |halai Pawl, Ramhlun hruaitute pawh alo ni tawh \hin a ni. Kum 1996 a\ang khan BP Sang a nei ve a, a luhai tluk thut thut pawh a nei fo \hin. Aug 8, 2009 (Inrinni) zan, dar 9:00 vela \henawm te in a\anga a haw tur an in step-ah a tlu a, damdawi in pan pui vat a ni chungin chhan hman a ni ta lo a ni.

4

Dawrpui

News

Kartin chhuak

August 15, 2009

Pathianni

PRESBYTERIAN Aug 9, 2009 Luka Modric September 9, 1985 Position - Midfielder Squad No. - 14 Joined Spurs : - July, 2008 Club(s) : - Dinamo Zagreb, Zrinjski Mostar, Inter Zaprešic Football khawvela ram thangduang tak mai Croatia hian footballer tha tak tak lo hringchhuak tawh thinin Ram naupang te nimahse international football ah chuan hnuhma an nei lian hle.Heng zingah hian Tottenham midfielder Luka Modric hi hmaih phal chi hauh zawng a ni lo. Croatia club lian tak Dinamo Zagreb atangin July 2008 khan English football ah rawn inbarh lutin a langsar viau nghal a. Goal thun tam lo mahse a taima in ball a zawng nasa thin hle a, a mit a fingin passing a ropui hle bawk. Luka hian Tottenham tana a season hmasaberah vawi 43 khelin goal 5 a thun a, chung zingah chuan March thla a White Hartlane a Chelsea an lo hnehna goal kha a ropui hle.Tunlai football khawvela rawlthar midfielders tha ber te zinga ngaih hian striker te hnungah leh line/ wing ah khle thei ve ve in duhtawka a khawsa han hmuh hi chuan mit a la hle thin, Modric hian Euro 2008 a

|antu

PATHIANNI Sunday School : Pi Vanhliri, B-I Chhun Inkhawm

Baptisma Sacrament Buatsaihtu : Pastor R. Vanlalnghaka Zan Inkhawm Thusawitu

: Pastor R. Vanlalnghaka

K|P August 16, 2009 |awngtai Inkhawm A hmun : Fellowship Hall Hruaitu : Nl. Zodingliani, Uriela Group |antu : Tv. PC Malsawmtluanga, Mikaela Gr. Thusawi tawi : Nl. Lalthlangliani, Committee Member. August 17, 2009 Thawh\anni Zan Hruaitu : Tv. Lalremruata, Committee Member |antu : Nl. Malsawmdawngliani, Mikaela Gr. Thawhlawm :Nl. Vanlalzawni Uriela Group. lakhawmtu turte Nl. Annie Zomuanpuii Uriela Group.. Kumpuan Thupui : Rorelna dik hlutna leh thatna Sawitu : Nl Zirnunsangi. Committee Member

SALVATION ARMY SALVATION ARMY August 16,09 Hruaitu Thusawitu Croatiain quarter-final an luhtheihna tura player tangkai berte zingah ngaih a ni. Luka Modic hian 2002 khan kum 16 mi chauh niin Dinamo Zagreb zawmin intuaihriam nan loane in Bosnian club Zrinjski Mostar ah a khel phawt a season khat chiah hmang mahse Bosnian Player of the Year ah thlan a ni hial. Kum 2004 khan Croatia ah kir lehin Inter Zapresic ah loan vekin a kal leh a hetah pawh hian a che ropui hle. season khat chiah tho hmang mahse Croatian league ah 2-na a nihpui nghal.Kieve ah kir lehin kum 3 chhung khelin league title 3 leh Croatian Cup -2 a lakpui hnuah Premier League club hlun Tottenham Hotspurs a zawm ta ani.

THIANGHLIMNA INKHAWM

: Maj. Vanlalauvi DDWM : Pu K. Zohmingthanga SL

PUITLING SUNDAY BIBLE SCHOOL Hruaitu Zirlai

: Pi Lalrinthangi HLSL : 25-na “Kan Rinna siamtu Krista” CHHANDAMNA INKHAWM

Hruaitu Thusawitu

: Maj. Lalduhsangi : Pu Robert VL Thlamuana OSCS

SAY August 17,09 Hruaitu Thusawitu Solo

THAWHTAN ZAN INKHAWM

: Nl. Ellen Lalengzuali Secy. : Maj. Vanlalhuma CO : Tv. Lalthansanga

Published by Y.M.A., Dawrpui Branch, Printed at G.S. Offset Printers, Treasury Square