5 April,2009

Gupshup zawm dan - JOIN DAWRPUIYMANews tihhi 567678 ah thawn tur.

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XVIII Issue No 14

Dawrpui News

Kartin Chhuak

Pathianni April 05, 2009

TUALCHHUNG

MIZO NUN ZEMAWI CHHAWM NUN ZEL !

BORAL : Sarah Vanlalpeki (Naute) Pastor Vanlalnghaka fanu chu April 1, 2009 (Nialaini) zing khan Durtlang Hospital-ah a boral. DAMLO : Pi Ngaihawmi, Pu Zadingluaia nupui, Dawrpui West (Ch. Sect) chu CARE Hospital-ah zai (operation) a ni a, \hat lam a pan zel niin kan lo hria. Pi Thandawngi, Dr. Zothansanga nu, Bazar Bungkawn (Ch. Sect) chu Civil Hospital-ah hlawhtling taka zai a ni. Kan tarlan tawh ang khan phai lamah hun engemaw chen enkawl a nih hnuah lo haw lehin Civil Hospital-ah enkawl leh a ni ta a ni. Pu LO HAW : Lalramchhana (Rca) chu M.Th zir zoin alo haw ta. Result \ha tak a neih ngei kan beisei. Pu Rosangliana (Masanga) Branch Vice. President chu a fate hruaia zin pawh tluang takin a lo haw ta. LAWMAWM : Tunlai hian Dawrpui Vengchhungah Police-te an Duty \ha a, zan lam boruak \ha lo tur pawh a ziaawm hle a, an chungah khawtlang a lawm hle a ni. Amaherawhchu, thimhlim velah Zodin velah hian mi hnawksak erawh an la ngampa deuh hlek. Kan Police ten \an min laksak zel se kan duh hle. BENGCHHENG SU : School Naupang First Term Exam alo hnai leh ta a, naupang tam takin zing zanah uluk takin Lehkha an zir tluk tluk a. Boruak \ha an neih theih nan chhungkaw tin ten Bengchheng siam lo hram hram ang u. Kan chhungkuaah lehkha zir an awm lo a nih pawhin \henawmah an awm tih hriat a \ha, i bengchheng lo hram hram ang u. PASS THAR : Dawrpui MUP Unit chuan Millenium sira an building (Vantlang chawlhbuk) chu a hmun pass Land Lease an siamin an la chhuak fel ta. (Dawrpui News Editorial Board chuan a lawmpui e)

By - Vivita Pa Mizo nun zemawi chhawm nun zel kawngah tunlai hian Mizo ten \anlak tharna tur kan ngah hle a. Zoram pum huap chuan kan sawi ngam lovang a. A bikin kan khawtlang bik - Dawrpui mipuiten he thu hi ngun zawkin lo zir tlang ila, chhung inkhawmah i zirho teh ang u. A pawimawh a, a hlu a, a \angkai a ni. He kan Mizo Nun chhawm nun kawnga tun ang renga kal kal emaw tun aia kan chhia a nih vaih chuan a zak leh hrehawm ti turte chu Keimahni tho kan ni si a. Mitthi : Hmanlai Mizo nunah chuan khawtlangah Mitthi an awm chuan a hre hmasa a piang nu leh pa, \halai Mitthi in lamah an tlankhawm nghal a, tih tur \ul ang ang |hutthleng put khawm, in singsak etc. an buaipui nghal a, ram kal an awm chuan a ko turin Zualko an tlan nghal a, a thih hun a zirin khaw \henawmah Zualko an tlan nghal \hin bawk. Tin, Feh khama Mitthi an awmin tumah ramchhuak an awm ngailo mai nilo in, dawr hial pawh an khar vek thin. Zualko hi khaw \henawm hnaivaiah an in tir \hin a, tlangval tlawmngai tlaivar te khawvar rual velin an chhuak \hin. Kan tunlai khawvelah hian a chunga kan sawi nilo ang chiah hian kan kal ta mai em ni aw? tih turin kan awm ta. Khua alo lian a, mitin kan buai ta em em \heuh a, kan khawtlangah Mitthi an awmin Mike-a tlangau a inhriattir \hin a ni a. Eng hunah pawh mitthi an awmin tlangau a inhriattir \hin a ni a. Amaherawhchu, mitthi puana a hmuna kan kal nghal mai lo hian ngaihtuah a ti thui ta hle. zan laklawh muttui laia tlangau chu hriat loh palh awm thei a ni a. A hria pawh kal tum chuang lo, a hrelo pawh kal chuang lo, tih tur alo tam viau bawk si a, Mizo Nun Zemawi a ngaihawm vang vang \hin hle a ni. Tin, hmanlai angin Zualko tlan a ngai tawh lo tluk a ni a, telephone leh TV lamah awlsam te in kan ti ta mai a, a nihhlawhthlak em em rualin min tithatchhe ta em ni? a tih theih. |hutthleng putkhawm takngial pawh kan peih ta lo a, a dah fel leh thlengin |halaite kan thatchhe ta lutuk hi a pawi a ni. Motor a awm a, kan phurkhawm zung zung a, a awmlsam ngei mai. Mahse kan sawi tak ang khan Mitthi an awm a, \hut mai theihin inchhung peihfel a ni tawh a. |hutna tur a awm tlat lo, tlangval rual 4/ 5 in an put a, \hut theih mai tur motor kan nghak a, alo remchang mai lova, mipui an hawihai ta thin a ni. Vengdanga an chhungte an alo awm ve ngei a, Dawrpui min hmuh dan tur chu sawingam pawh a ni lo. |halaite In Pawimawh : Ka rilrua awm zawng zawng hi sawichhuah thiam ka chak a, chhungkaw tin ngaimawh tur leh an tihhlawhtlin nghal thei nan ziak thiam ka chak, ka tlin silo... Ka |halai puite u, a chunga hmanlai nun ka hriat tlemte ka ziak leh kan tunlai nun ka ziak khi in peih loh pawn lo chhiar chhuak hram hram teh u. Mizo kan la ni zel dawn, khawtlangah chhiattawk (mitthi) an la awm zel dawn, kan inbuaipui lothei bawk silo. Tumah mahni in chhiat kan tawk thei lo. Mi chhungkaw chhiat tawh a i awm dan ang khan in chhiattawh ve hunah mite awm ve ta se, mittui hul khawpin i hlim thei ang em? I thei hauh lovang. Chuvangin, tho la ding ta che, Mizo i nihna nun zemawi, hmanlai a\anga Mizo nih ti nuamtu kha rawn chhunzawm rawh le. Nula Tlangval mitthi ina kal ngailo i nih chuan ngaihzawng nei suh, nupui pasal nei suh, a zahthlak (ka sawi na lutuk em?) Chuvangin, kan vengah mitthi an awmin eng hunah pawh nise, tupawh ni rawh se, mitthi kha YMA VIP a nih kha. I hriat rual rualin mitthi in pan nghal la, tih tur awm ang angte buaipui nghal char char mai rawh. Chu chu a YMA a, a Mizo Nun Zemawi a, Mizo diktak nihna a ni. Nu leh Pate Ka sawm e : Kan nu leh pa zahawm tak tak te u, in fate hi kan tling tawk lo, mahse zirtirna \ha min pe ula, kan lo peih lo deuh a nih pawhin in fate kan nihna avangin min tir hreh lo ula, zan laklawh a ni emaw eng hunah pawh mitthi kan (Phek 2-na hnuai lamah zawm a ni)

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte (Aitea) Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana David Lalhlimpuia Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

Chhiat tawh Tunlai hian kan khawtlangin chhiat kan tawk ngun malh malh hle mai a, kan thu a ni miau silo. Kan duh emaw duh lo emaw khawtlangah Mitthi hi kan la awm zel dawn a, Mizo kan nih chuan kan la inbuaipui zel dawn bawk a ni. Mahse chhungkaw tinten \anlak erawh kan ngai hle mai! Kan lo tih tawh \hin zawng zawng Mitthi chhungte buaipui leh a \ul ang zawng zawng, thlan laih, khawhar In riah, khawhar in kal etc. hi tun ai hian \an la thar leh deuh teh ang u. Thlanlaih hi zing dar 7:00-ah chuan a hmun thlen ngei tawh nise, a hmanhmawh zual chu haw hma mai nise, a bak hi chu a zawh hun innghak tlang ila, a duhawm ngawt mai. Khawhar in kal hi a bikin \halai ten taimak chhuah leh zual ta ila, kal hma bawk ila. Zan danga kal tum lo, a zan thumna a kal tlur hi tih loh deuh a tha khawp mai. YMA zan thum chhung na na hi chu |halaite mawhphurhna liau liau a ni. Khawtlanga chhiattawh reng reng hi tute mah tih bik tur a ni lova, kan zavaia tih tur a ni e.

Section News TAITESENA SECTION Dt 28 March (Inrinni) zing kar khan Section hnatlang Upper Bazar kawngchhaka Damdawiin bang hnawm hnawk te thianfaiin hnatlang an nei.Hetah hian member engemaw zat an thawk chhuaka Member rawn thawk chhuak zawng zawng te chungah Section hruaitute an lawm hle

VANAPA SECTION Dt.28 March (Inrinni) zan dar 8:00 khan Section sumtuakna atan Dawrpui School tualah Zephyr Drama Club te sawmin show ropuitak an huaihawta hetah hian kan vengchhung zaithiam Lungmuana leh Laldinpuiii te an zaia chubakah lamthiam Kristian Dancing School leh Teen Skills te an lam bawk, he Show atang hian Rs.30765/- an hmu chhuaka ticket leisaktu veng mipuite chungah lawmthu an sawi tak meuh meuh a ni (Headline zawmna) neih chuan min tirchhuak rawh u, min turlui rawh u, YMA member kan ni a, kan tih tur a lawm, Mizo kan ni a, kan tih tur a lawm. Nangmahni hian min zirtir tawk lo \hin ve bawk a ni. Mizo Nun Zemawi chhawm nung zel tute zingah tel ve kan duh e. Dawrpui hi kan veng a ni. Tuman min thawhsah dawn silo.

April 05, 2009

Pathianni

Hriselna Huang

Naupang buaipuiawm - Dr. Thangchungnunga, MS (Ortho) Naupangter hi an inkhualtelem lai emaw an awm mai mai laite hian, naupang \henkhat danglam bikte chuan an taksa kua - hnar, beng, ka leh serhah te thil engemaw thun an ching \hin a. Damdawi Inah pawh hian kan hmu hnem thin hle. A \henin pawisa nawi (Coins) te an lo dawlh a. A tam ber chu hnarkua leh bengkua a chana mum lo thun hi an tam em em a ni. An thun laiin leng mahse, a lo inchiah huh a, a lo puam a, a tang nghet ta \hin a ni. Chutiang tho chuan bengah beng kuaahte pawh an thun \hin. Heng ang thil hi an tet laia zirtir an ngai a, an awmhlei vang mai mai a ni ber. Thil hmuam mai maite an ching em em a, paper pin dawlhte pawh kan hmu tawh a ni. CHuvangin nu leh pate kan fate i thlahthlam mai mai lovang u. Hetianga explore, thil dang ti \hinte hi tunlai sualna (Sex) chi hrang hrangah an fihlim lo hma bik.

CHIEF MINISTER KAWMNA Dt.3.4.2009(Zirtawpni) tlai dar 4:00 khan kan khawtlang hruaitu VC leh YMA O.B te chuan Chief Minister Pu Lalthanhawla chu a Office Chamber ah kawmna hun an nei a. hetah hian kan khawtlang in kan mamawh hrang hrang leh harsatna kan neihte thlen a niin, chung zingah chuan, tuna kan vengin kan mamawh kan buaipui mek thlanmual thar, hun rei tawh taka atanga lei dan tur kan lo buaipui tawh dante, leh YMA anga Thlanmual thar ngaihtuahtu Committee kan in din dante, he thlanmual lei nana veng mipuiin kan sum lamah tan kan lak dan tur te hrilhhriat a niin, chubakah sorkar atanga thlanmual leina tura puihna kan mamawh tur thute thlen a niin hrilhhriat a ni bawka ,chubakah Bazar New Market a Bazar Beat Police Bazar Building chungbera awm hi mipui vantlangten hei aia kan chhawr tangkai zawk theihnan Bazar Building hnuai Ground Floor ah sawn turin ngen a niin, a ni chuan he thil pawh hi ngaipawimawhin biak tur tulte kan hruaitute awm laiin be nghal in Bazar Building chunga Bazar Beat Post awm chu a hnuai Ground floor ah sawn turin tih nghal niin, tuna Apex Bank awmna hnuai room ruakah Bazar Beat Police chu an awm dawn ta a ni. Heng bakah hian thil hrang hrang vengchhung mamawh sawi pui a ni bawk.

Lawmthu Ka fanu Jenny Vanlalruati’n March 24, 09 a min boral san chungchangah vengchhung mipuite leh YMA hnenah lawmthu kan sawi tak meuh meuh a ni. A thih thu hriat veleh YMA ten a \ul ang zawng zawng min tihsak a, a vui ni thlengin min buaipui a, Dawrpui MHIP ten a kuang kan phu lova mawia min chei sak te, kan khawhar hlauva veng chhung mipui min lenpui tute, tlangval tlawmngai min riahpui tute leh min \awng\ai saktute chungah lawmthu kan sawi tak meuh meuh a ni. Kan chunga in \hatna zawng zawngah Pathianin a let tam takin malsawmnain vur che u rawh se.

In khawngaihna dawngtu Lalngheti

3

Dawrpui

News

Kartin chhuak

Pathianni

INFIAMNA

VC NEWS Dawrpui veng chhung mi tupawhin hnamdang ILP hmanga a chhawrte, VC hriatpuina a lak dawnin an vai chhawrte tir mai lovin a sponsor-tu ngeiin a buaipui tur a ni. 2. ILP hmanga Non-Mizo chhawrte chuan an ILP a an hnathawh tur tarlan ang ngeiin an chhawr tur a ni. 3. Hnamdang sumdawng sponsor-tu atana \an dawn chuan Sorkar a\angin Valid Trade License a nei ngei ngei tur a ni. 4. ILP hmanga hnamdang chhawrte chuan an hna an thawh zawh emaw, an chhawr tawh lo a nih chuan ILP sponsor Copy kha DC, Aizawl hnenah a pe let/surrender ngei ngei tur a ni. 5. A chunga tarlante hi DC, Aizawl a\anga ngenna kan hmuh leh Sorkar Guidelines for the Enforcement of the Inner Line Regulation, The Mizoram Gazette Extra Ordinary. Published by Authority 8th Sept.2006 hmang a tih chhuah a ni. 1.

Lawmthu Ka pasal Lalramthanga (Patea) an min boral san chungchangah Lawmthu sawina tur tam tak kan nei a, kan sawi thiam lova, kan sawi seng lovang. Hei hi mitin hnena kan lawmthu sawina a min lo pawmsak kan beisei. Hun engemaw chen Damdawi inah kan inenkawl a, Kohhran hoten min \awng\ai sak reng a, a remchang a piangin a hmunah min tlawh bawk a. Kan lawm em em a ni. Civil Hospital-ah ICU-ah hun reitak enkawl kan ni a, thenawm khawveng ten lainat takin min vil tlat a. Zan laklawh tak a boral ni mahse a hria a piang lo tlankhawm nghalin min buaipuina zawng zawng kha hlu kan ti em em a ni. Keini mite lawm lo ber mai hian in \hatna zawng zawngah hian lawmthu kan sawi a ni. A boral nia mipui khati zan min vuiliam saktute, YMA ten mahni ta anga engkim min buaipui zawng zawngte kha kan theihnghilh ngai tawh lovang. Vawiin thlenga kan khawhar hlaua min len puitu thenawm khawveng leh chhungkhat laina zawng zawngte in zavaia chungvah Lalpan a let tam takin vur che u rawh se. In khawngaihna dawngtu Ngurthanzami (Mami) Dawrpui Jail Veng.

HSLC PASS THARTE Kan veng chhung mi HSLC Passed kan dawn thar kare hmasa lama kan tarlan lohte: Lalrinkima S/o Lalkhumtira, Vanapa Sect. III Div. Christina Vanhmuni Pachuau D/o Roengliana V. Sect. II Div. Gary Lalmuankima S/o B. Dawngzuala (L), T Sect. II V. Lalnunthara S/o VL. Zarzokima, Ch. Sect. I Div Kar hmasa Issue-a kan tarlan Marina Lalremruati d/ o H.T Lalzidinga II Div. tih kha 1st Division tih zawk tur a ni a, tihsual palhah ngaihdam kan dil e. Tin, heng kan tarlan bak pass thar tarlan loh kan la awm a nih chuan inthlahrung lovin Editorial Board Memberte hnenah inhriattir tura ngen kan ni L-R : Branch Secretary, Pi Rinawmi W/O e. PuLalrintluanga (L)

April 05, 2009 SKA

Formula - 1 chu tan fel a ni ta! beisei ang erawh a ni hauh lo. Test Drive an neih atanga boruak siam tawh Brawn GP chuan 1st leh 2nd an an ni tlat! Honda company kan hria sum leh pai harsatna avangin infiamna hautak berah ngaih ah chuan tel ve ngam tawh lo in an chhuak a. Hei hi Bristish Engineer ropui Ross Brawn chuan ngai ngam lo in company lian hrang hrang a be kual a mahse eng teh ual a ni lo. A sum nei ang ang thehchhuak in a hming chawiin Brawn GP team a lo piang ve ta hlawl mai.Intlansiak an tan meuh chuan atomic scientist pawh lo ni thin Ross Brawn adriver te chetdan chu kan hre vek. Team lian ber te zinga ngaih ziah thin Ferarri chuan point 1 pawh an hmu zo lo! Mc Laren pawh FIA in an hrem a point an hmuh zawng zawng pawh an paihsak leh vek.Brawn hi F-1 ah mikhual ani hauh lo, Ferrari vanglai a Schumacher an title 5 (ferarri bik ah) a lak theihna chhan ah khan Brawn a thluak hi an hmang tangkai hle. Kum 2006 ah chhuahsanin Honda lam a pan ta ani.Team thar anni a company lian sponshorship pawh an la hmu tam lo, Honda hnuaiaan awm lai khan thawktu 700 zet an awm tunah chuan 430 chiah an awm tawh. Grand Prix tam tak la hmachhawn tur a awm a fiahna paltlang turin an la beuh fe chu a ngai ang. Women Tennis Association (WTA) : Williams unau-a a naupang zawk Serena William chu WTA player of the yaer ah thlan a ni. Serena hi hunrei tak inhliamna avangin inkhelh a chawlhsan a, top 20 ah hial pawh a lan phak tawh loh hnu ah a rawn in vawrh sang chak hle. Pa thinchhe ve tak Marat Safin-a nau Dinara Safina chu Newcomer of the year ah thlan a ni. Chinese nula Zhengchu comeback of the year atan an thlang bawk. World No 1 hlui Ana Ivanovics chu UNICEF kaltlanga hna a thawh that em avangin Humanitarian Award hlan a ni bawk.

Ngaihdan New Market Bazar Building thara Sangha zawrhna (Phailam sangha) an rawn zawrh tir/dah hi sawn vat vat ava tha ve, a bulah mihring chenna in engemaw zat a awma, an bengchhengin a rim achhe hle maia, hriselna atan a pawi theiin, thuneituten en fel vata sawn thuai thuai a tha hle mai. - Ngaimawha Upper Bazar hospital peng tuiluankawr(Drain) hi siam that vat a thain chhun leh zan englai pawhin a leak reng mai a rimchhiain a tenawm hle siamthat vat a tha hle mai - Thaduha Tunlai hian kan vengchhungah zu zuar standing an va tam ve.. Khawtlang hruaitu te leh kan police te hian en fel vat a va tha em.. - Zu ninga

4

Dawrpui

News

Kartin chhuak

Kan |hen tak te

Pathianni

April 05, 2009

PRESBYTERIAN April 5, 2009

PATHIANNI

Bial Inkhawmpui (Tv. Laldinthara) Laldinthara hi Dengthanzauva leh Lalthanpari te fa sawm zinga naupang ber niin Sept. 14, 1990 khan a lo piang a, Manipurah seilianin HSLC pawh Manipurah hian a pass a, Class-XII a zir tan dawn mek a ni. Kum 2007 khan Dinthar veng, Aizawl a\angin Dawrpui ah an lo pem chhovin, Pu Sanghnuna (L) Building, Bazar Bungkawn-ah an cheng mek a ni. A mah hi mi zakzum leh tawng tam lo tak a ni a, mi pawisawi ngai lo leh aia upate zah thiam tak a ni bawk. Tin, amah hi YMA lamah pawh a theih ang tawk tawkin a inhmang ve \hin a, kumin Chapchar Kut pawh khan YMA Dawrpui Branch aiawha Hnamlam entirtute zingah a tel ve a ni. A hriselna a \hat viau laiin hun engemaw ti lai khan pimpui Ulcer a nei a, Doctor ten damdawi an chawhte eiin, a dam ve leh mai zel a, mut pui tham em em in a na ngai lo. March 23, 2009 khan a pim nat thu a sawi \an a, amah leh a chhungte pawhin ngaih\hat lohna em em pawh an neih loh laiin, a pumna hi a dam hlei thei ta lova, March 27, 2009 (Zirtawpni) khan Presbyterian Hospital, Durtlangah Admit a ni a, Doctor ten ngun taka enin a tuk Inrinnia Endoscope leh Ultrasound te ti tura an buatsaih laiin, hemi ni hi chawlh a lo nih leh si avangin an ti ta lova, hemi zan hian a pumna chu a zual ta em em a, Doctor leh Nurse ten theihtawp an chhuah chung pawhin March 29 (Pathianni) zing lam dar 4:20 khan min lo kalsan ta ani.

10:00 AM Thusawitu : Upa Zionpara, Zarkawt Zaipawl : Dawrpui Kohhran 01:00 PM : Lalpa Zanriah Sacrament Buatsaihtu : Pastor R. Vanlalnghaka, Bialtu Zaipawl : Bial Zaipawl & Saron Veng Kohhran 07:00 PM Thusawitu : Upa Dr. Lalrimawia, Chairman Kalchhuak Zaipawl : Zarkawt Kohhran & Bial Zaipawl Good Friday hmanga Dilzau (Hortoki bul) leh Karbi Anglong-a zin tura hming pe zawng zawng zanin Pathianni zan inkhawm banah Biak In Compound-ah kim taka inhmuhkhawm turin an inhriattir a ni.

K|P April 6, 2009 - Thawh\an Zan (Evangelism Sub-Committee Programme) Hruaitu |antu Thilpek lakhawmtute

: Nl. Lalnunkungi, c/m : Nl. C.Lalrintluangi, Mikaela Group : Tv. Lalrintluanga, Uriela Group Tv. Lalhriatpuia, Uriela Group.

(Damlo pual thilpek bawm hun a ni ang)

SALVATION ARMY April 5, 2009 - Thianghlimna Inkhawm Hruaitu : Major Kalkhami Thuchah

: Pu K. Hmingthanga

Hruaitu

SUNDAY COMPANY : Pu. R. Vansanga

(C. Lalremruata) C. Lalremruata hi Vanpianga leh B. Ralveli te fa sawm zinga pasarih-na niin October 8, 1973 khan a lo piang a, mi harhvang \ha tak leh unaute huikhawm thiam tak a ni. Kum 1991 khan Mizoram Police (CID) hnuaiah Constable hna thawkin champhaiah a awm a, 2000 kum khan he hna hi a chawlhsan leh a ni. Kim 2003 khan Lalmuankimi nen inneiin fa pahnih C. Lalmuansangi leh Lalrinhlua te an nei a, 2005 kum khan tuna an chenna-ah hian an lo pem lut a, thingpui dawr siamin a boral theng hian hetah hian an khawsa a ni. Kum 2008, June thla a\ang khan a insawisel \ana, pumpui \halo leh thinlian ten a tlakbuak chhova, Damdawi Inahte lutin a in enkawl chhova, kumin kimtir lam a\ang khan thisensang leh mitliam a ni tih hmuhchhuah a ni leh a, he natna vang hian a pawn chhuak peih ta lo a, April 1, 2009 (Nilaini) zan dar 11:45 khan min lo kalsan ta a ni.

S.A.Y FELLOWSHIP A hmun Hruaitu April 6, 2009 Hruaitu Thusawitu Bible Reading Collection

: : : : : :

Pathianni Dar 2:00 PM Pu VL Zarzokima te In Dawrpui ‘S’ Tv. Ramthlengkima (Patea) -Thawhtan Zan Philip VL Rinpuia John LT Sanga Adviser F. Lalmuankimi Lallawmzuali Sailo

Gas Card `Upper Bazar VC House a Gas Card siam mek la tilo kan awm chuan VC Secretary Pu KL Zamvela Dawrpui South (Ph. No.9862383435) hnenah in report a siam theih reng a ni e

Published by Y.M.A., Dawrpui Branch, Printed at G.S. Offset Printers, Treasury Square