Gilead 15 November 2009

z

Volume No. VIII Issue No. 21

Hyderabad

Dt. 15 -November - 2009

(Pathianni)

THUTAK NENA MAHNI INVEI HMASAK -P.C. Lalnghinglova

Pathian hruainain HMCF Gospel Retreat hlawhtling tak kan nei thei a, a lawmawm hle. Retreat a kal te kan hlawk tlang hlein kan inhria a. Rokhawlhna avanga kal ve thei ta lo te pawhin keimahni nun kaltlangin kan retreat Thlarau Malsawmna an dawng ve ngei tur a ni tih a kal te khan i hria ila kan hlawhtling leh zual awm e. Piantharna nun hi engtia rawn lang chhuak tur nge ni ang le? Piantharna nun chu kan mihring puite vek nena kan inkungkaihna ah a rawn lang thin. Mihringte tan Pathian Thu nunpui tak tak tur chuan thilsiam dang, a biktakin mahni mihring puite hmangaihna leh duhsakna a langsar ber tur a ni awm e. Bible pawhin kan vengte, kan mihring puite hmangaih turin min zirtir nasa hle a ni. Piangthar nunah chuan ‘KA’ leh ‘KEIMAH’ theology thalo hi paihbo a awmin ‘LAL ISUA’ hi hmatheh leh dah ropuiber a ni thin. Pawl ho zinga ringtu nun pawh ‘KAN’ leh ‘KEIMAHNI’ rinna ah a innghah chuan pawl a siamtha a, pawl a tichaka, nun ho leh thawh ho a tinuam thin. Lal Isua chawimawitute hi he lei ah pawh nasa taka chawimawiin an awm thin. Chutiang bawkin mahni indahtlawma midang chawimawi nasa apiangte hi chawimawina dawng nasa ber berte an ni thin. Rinna a puitling tur chuan Thutak hi kan nunpui tur a ni. Pathianin duhthlan theihna; a chhia a tha hriatna, Finna minpek hi nguntakin hmang ila. Mahni duhthlanna ngeiin Lal Isua nge Setana kan duh zawk tih hi fim ker kawr leh ril takin i ngaihtuah nawn leh teh ang u. Ringtu nun chu sawichhiatna leh fakna karah, thli chhia leh tha karah pawh a danglam zung zung tur a ni lo. Fim tak leh tumruh, paukhauh takin a Kraws kawng zawhlai chu vui lovin a zawh tur a ni. Piangthar tir hian thahnem a ngai viau thin a, ringtute nunah danglamna leh hmasawnna lang nghal pawp pawp turin a duh thin. Hei hi a tul pawh a tul khawp mai, ringtu piangthar chuan rinna lama hmasawnna a duh ngawih ngawih tur a ni si a. Mahse, Zofa piangthar tir te zingah thahnem ngaihluatah mahni in en kana mahni ringtu puite nun enthlak tlat kan ching fo. Tamtak chu an thiante zaitui ve theilo lungkham luat avangin mahni pawhin hlimtaka zai theiloin an awm mai thin. Zofa piangthar tir chuan mahni inveina aia nasain hun reitak ngawi reng leh rinawmtaka rawng lo bawl thin Pastor leh Upa an rawn vei nghal duh khawp mai. Mahni theuha sual awm pawh hi buan tham tak zet a ni a, midang kan veilo tur a ni tihna ni lovin, midang kan veina let tamtakin mahni hi kan invei hmasa phawt tur a ni. Mizo ringtu nun ah chuan mahni a chaklohna tak tak aiin mi nun kan thlira an chaklohna ni a kan hriat te hian kan rinna nun a tichau zawk ve fo thin. Midang

siamthat tum lutuk hmain mahni zel hi insiamthat hmasak nachang hriat hi a tha ber zel a ni. Mahni tana kan Kraws hrawl tak putlai pawh pu zo thathum mang lovin kal pai chawn chawn chunga midang Kraws put lo zawnpui ve tlat tum thinna hian minhnuk chauin kan tumram thleng zo lovin min uai thlu leh mai thin. Mahni Bawmrang (Kraws) putlai theuh hi chiang leh felfai takin kan tumram ah (Destination) thlen phawt ila, tichuan kan thiante chhawk zangkhai turin mahni taksa penga phurrit awmsa tel miah lovin zangkhai takin kan thawk chhuak tha leh dawn nia. HMCF INKHAWM PROGRAMME Dt.15-November-2009(Pathianni), Tan Hun: 3:15 P.M. Hruaitu: Nl. C. Lalrozami Tantu: Nl.Jerusha H.Lalremruatfeli Bible Chhiar: 1.Tv.Zomuansanga, JNTU-Kukatpally 2.Nl.Vanlalruati, St.Ann’s College, Mehdipatnam Thawhlawm Lakhawmtu: 1.Tv.Beihrolua, A.V. College, 2.Nl.Vicky Lalramsangi, JNAFAU Sermon: Pu Samuel Lalnghatliana Ralte November thla Usher te: Tv.B.Vanlalnunzauva, Tv.David-a, Nl.Ngiarili. Zaihruaitu te: Tv.Lalchhuanawma, Tv.Benjamin V.L.Hriatpuia, Tv.Zarzosanga (UoH), Tv.Michael Lalrammawia, Nl.K.Lalhmingliani

Create PDF with PDF4U. If you wish to remove this line, please click here to purchase the full version

GILEAD-Volume No.VIII Issue No.21 Hyderabad, Dt. 15- Nov- 2009 (Pathianni) P-2

Editorial: Kan Retreat Speaker Rev.C.Vanlaldika hnen

atanga kan e-mail dawn hi lo ngaihtuah ve chhin teh u: “Hyderabad kan ngai hle a, Kan sawi reng mai che u. Camp chhung a in che vel kan observe khan kan lawm mai a ni lova, kan admire khawp mai che u. Nula Bengbeh double kan hmu lova, Hnarbeh leh Khabe-beh pawh kan hmu lo kha in fel awm hlawm hle mai, kan ti a ni. A ropui e, keep it up”. Kan phu lohva min fak der vang pawh nilovin HMCF inkhawm hi kan incheina ah pawh khawpui dang a mi te nena khaikhin pawh in a la pangngai viau in a hriat. Amaherawh chu a hmei a pa hian tumah hian chutiang kha tiang chuan Biak In-ah chuan inchei tur ti a ramri kham thei kan awm lo nachung hian a awmtawk leh uchuak chin chu kan thliar thiam fo a pawimawh khawp mai. Biak In pan a kan kal hian kan chuanna autoricksaw/bus driver emaw kan chuanpui hnamdang te hian Biak In-ah Pathian pawl turin kan kal dawn tih an ring ang nge hmundang ah intihlim turin kan kal dawn tih an ring zawk ang le? Nangmah lo in zawt ve chhin teh!? GILEAD BIBLE PUZZLE (15th-Nov-’09) Chhangtu Hming:……………………………………… Phone/e-mail:…………………………………………… Lawman 1-na Rs.50/-(1 ai a tam an awm in thumvawr a ni ang), Puzzle chhanna hi hemi copy chehthlak emaw mahni a plain paper a ziak chhuak in(table ang thlap in) emaw e-mail ([email protected]) in kan dawng thei e. Thehluh hun tawp: Dt.22.11.’09.(4pm) thleng. A hnuaia ah hian Bible a Amosa bu atangin mihring hming leh khua/hnam hming 10 dah a ni a, thai chhuak rawh le. J A S P A E D E N D

E

E

K

R

O

N

O

V

I

A

R

I

R

A

H

A

B

A

H

L

A

S

D

O

D

A

O

R

A

W

S

A

A

I

B

U

Z

I

Z

A

L

G

S

J

A

O

R

E

A

L

E

A

M

A

Z

I

A

L

E

U

M

T

I

R

I

E

K

M

L

N

U

H

L

A

W

N

G

R

A

I

R

A

E

N

A

Z

A

R

I

T

KAN CHHUNGKUA Pu Lalhruaitluanga Pachuau (Exe. Committee Member) tuna Golconda Artillery Centre-a awm mek chu a hnathawh na India Army-ah promotion hmu in ‘Lance Naik’ atangin ‘Naik’ ah a kaisang. Saheb Hruaia kan lawmpuiin a hnathar tluang taka a thawh zel theihnan duhsakna kan hlan e. Tv.K.C.Lalmuanpuia (Indian Airlines) chuan hman atanga a lo awh ruk em em leh uluk taka a thlithlai thin Bike(Discover) thar hlak tunkar liamta khan a lei thar. KC-a bike lei thar hi kan lawmpui em em mai bakah HMCF member zawng zawng ten 2 nd Passenger tur an awm thuai kan duhsak em em a ni. ZIRLAI EXAM: Jawaharlal Nehru Technological University(JNTU), Kukatpally a zirlai ten naktuk atangin Semester Exam an tan dawn. Nizam College zirlate pawn naktuk vek hian Semester Exam an tan dawn. Tin, kan thudawn danin St.Francis College leh College thenkhat te chuan Semester External Exam an zo tawh thung a ni. University of Hyderabad-a M.Phil, Post-Graduate leh Integrated Master Course zirlai te pawn End Semester Exam an nei mek. HMCF member exam nei zawng zawng ten exam tluang taka an zawh kan duhsak in kan tawngtai pui theuh dawnnia. Kan member Tv.J.H Zosiamliana(Cte-a) chuan a zirlai M.Sc (Horticulture), Acharya N G Ranga Agriculture University (ANGRAU) atanga tha taka zir zovin Certificate leh tul pawimawh te a tih fel hnu ah tunkar nilaini khan haw hlen tawh turin Mizoram lam min pan san ta. Kan ngai dawn hle mai. Kan member Tv H.Lallianzama leh Tv.C.Lalruatfela te telna Bhavan College Football Team chu Osmania University Inter-College Football Tournamen-ah an champion. Kan lawmpui e. Kan member hlui Tv.Joseph Lalnuntluanga, Aizawl Venglai chuan tunhnai khan Mizoram Health Dept. hnuai ah Scientific Officer(Drug Testing) a tling thar. Tv.Joseph-a hian kum 2005-07 khan University of Hyderabad-ah M.Sc (Chemistry) a zir zo a ni. A hlawhtlinna kan lawmpui in duhsakna kan hlan e. Kan hruaitu Pu P.C.Lalnghinglova(IAF) te chhungkua chuan kar leh lam khian thlasik chawlh remchang a la in Mizoram a haw chhuah an tum. Pu PC-a hian Aizawl ah makpa intuaitharna a nei phawt anga chumi hnu a hun rei tak an awmbo san tawh an lungkham ram Chhingchhip(Mualpui) lam panin chhungkua in an liam chho leh ang. Krismas leh Kumthar pawh Mizoram lam ah hman tlang nghal an tum niin kan thu dawnna chuan a sawi.

Published & Edited by Lalzarzoa for and on behalf of Hyderabad Mizo Christian Fellowship

Create PDF with PDF4U. If you wish to remove this line, please click here to purchase the full version