Gilead 10 May.2009

Volume No. VIII. Issue No. 04.

Hyderabad

Dt. 10. May. 2009

(Pathianni)

MIN DIL SAK THIN ENGLAI PAWH IN - Lalduhawma Mizo pa pakhat thuziah ka hriat reng chu, vawi khat chu zirlai a nih laiin Mizoram buai lai vel khan India sipaiin an man thut a buaina a inhnamhnawih veah leh alo tanpuitu nia an ngaih vang a ni. Jail-ah engemaw chen a tan hnuin a Court- a a kal hun alo thleng ta a, Court-ah chuan mi pakhat hian chupa chu buainaa a inhnamhnawih ve loh zia te, zirlai mai a nih thute Judge te chu a hrilhfiah sak a, Judge chuan chupa thusawi chu lo pawmin chu mizopa chuan thiam changin Jail atang chuan a chhuak ta a ni. Chupa chuan a sawi dan chuan thiam kan chang chiah chu Lal Isua in rorelna lothleng tura A pa hnena min dilsak tur hlutzia ka hrethiam ta e tiin a ziak a ni. . Kan Lal Isuan he khawvel a chhuahsan hma Chuvang chuan khawngaihna mak, mawi leh

khan a zirtirte leh Amah ringtute kha A kalsan hnuah an beidawntur zia te, an lungngaihtur zia te a hria a, an hotupa, anlo chhuan em em mai Misual ber anga khenbeh a an hnen ata a kalbo tur chu a zirtirte dinhmun tur a ngaihtuah a a khawngaih em em a. Chuvang chuan A pa hnenah a zirtirte leh A hnu zela Amah la ringturte tan nasa takin a ngensak ta ni.

“Ahmasa berah chuan Amah ringtute kha A pa ringtu te pawh anni tih A pa chu a’n hrilhfiah phawt a, Lal Isua ringtute chu Amah A pa ngeiin a rintir anni tih te, A pa thuzawmtu anni tihte, Lal Isua chu Pa hnen atanga chhuak a ni tih Amah ringtuten an hriat thute a sawi a”( Johana 17:6-8). “Chumi hnuah chuan ngenngawl takin he khawvel tana ngensak nilova Amah zuitute tana a ngensak thu a sawi a, khawvela A awm tawh dawnloh avangin anni ho chu lohum turte, pumkhat an nih nante a ngensak a ni. Khawvelin anni ho chu anla haw dawn a chuvang chuan Misual laka lo hum a lo tanpui thin turin A pa hnenah chuan A ngensak a ni. Lal Isua anga an lawm a kimna turte, thutaka an thianghlim ve theihna tur tein a dil bawk a ni.”(Johana 17:12-17) Tin, chang 24-ah chuan Lal Isuan Amah ringtute chu A awmnaa awmah a duh a A pa hnenah a ngensak a ni tih kan hmu bawk a ni Min dilsakna hi hmangaihna thlawn niin i hre ve em? Phu hliah hliah ni ta ila – ka phulo tih ka in hria, a awm ve rengah ngai ta ila – a awm ve reng na turin enge A tan thiltha ka tih thin ? Buddhist te angin kan dam chhunga kan thiltha tih hi kan sualna aia a buk a rih chuan vanram ka kai ang ti ve ta i la –ka tla nghal ang tih ka hria. Ka nun hi uluk takin enlet dawn ta ila, ka ngamlo.

duhawm a lo ni. Ka phu vang te, ka beisei vangte nilovin, ka hriat vangte ka that reng vangte ni hek lovin. A hmangaihna chuaitheilo avang chauhin kan tan minlo dilsak thin a lo ni. Englai pawh a mindilsak tu, min tanpuitu Lal Isua kan nei hi ava ropui em ! Chuvang chuan a ni miten “Tuin nge thiam loh mi chantir ang? Thia kha Krista Isua chu a ni si a; a ni, tho leh ta zawk a, Pathian ding lama awma min sawisaktu bawka kha a ni.” anlo tih theih thin ni.

INKHAWM PROGRAMME

Dt.17.May.2009 (Pathianni) Hruaitu: Pi.Chawngmawii Tantu:

Nl.Mimi Zosangpuii

Bible chhiartu:(1) Tv. KT Vawsa, Exo.34:21-24 (2) Nl.Rebecca Zodinpuii, Exo.34:25-28 Thawhlawm lakhawmtu: (1) Tv. Benjamin Lalnunsanga (2) Nl.Lalnunmawii Sailo(Kingfisher Airlines) Sermon: Pu.P.C. Lalnghinglova Special Item: Nl.Zothansangi,JNTU May thla chhunga Usher te: (1) Tv.Lalrosanga,JNTU (2) Tv.F.Lalhriattira, Sainikpuri (3) Nl.Sylvia Romawizuali, Masab Tank

Volume No. VIII. Issue No. 04.

Hyderabad

Dt. 10. May. 2009 (Pathianni)

P-2

KAN CHHUNGKUA

GILEAD enkawltute zirlai lamah exam kan neih avang leh damlohna te kan tawh avangin Pathianni vawithum zet chanchinbu kan rawn ti chhuak thei lova chhiar tute hnenah in mi ngaihdam kan dil e. Tunlaiin Nipui khawlum in min run mek zel a, inkhawm tura chhuah te pawh ni a sat thin em avangin a chakawm loh chang a awm thin. HMCF member tam zawk tih theih hial mahni In lamah chawlh hmangin an haw bon nen, inkhawm pawh kan thahnem lutuk lo thin niin a hriat. Chuvangin Member awm ang ang te inthlahdah lova Inkhawm lamah thahnem kan ngaih hram hram a tul khawp mai. Thenkhat tih anga kan inkhawm te kan bansan mai loh hian HMCF maicham a mei chu Pathian mit hmuh in a nung reng dawn a lo ni.

SUNNA

Dt.7.May.2009 (Ningani) khan Pu.V.Changsan IAS (Retd.) chu an chenna Council veng, Haflong, Assam ah chatuan ram min pan san ta. Pu Changsan-a hi IAS 1966 batch, AP cadre ni in 1997 a pension thlengin Manipur leh AP ah hnathawkin a lo awm tawh a ni. Pu.Changsan hian Hyderabad ah IAS hna a thawh laiin Mizo te tan hma nasa takin ala a, tunhma lam deuh phei chuan an mahni chenna quater ah te Mizo inkhawm te neih ani thin in Mizo khawtlang leh kohhran(HMA/HMCF) than len zelna tur a theihtawp chhuah a bul lo tan tu te zing ami a ni. Sawrkar hna atanga a pension hnu pawh in a phak tawkin khawtlang leh ram tan a thiamna te a hmang chhunzawm zel a, Haflong tlangdung a hnam tenau zawk Zohnahthlak Kuki unau te tan nasa takin hma a la chhunzawm a, Kuki Inpi Assam(KIA) ah pawh President a ni thin a ni. Politics ah zuang lutin North Cachar Hill Autonomous District Council ah pawh Congress ticket in Elected Member atan thlan tlin a ni. Kuki leh Dimasa te inkar a buaina chhuah tum pawh khan remna leh muanna a awm theihna tura hma la tute zinga a meizang hlap tu ber a ni. Pu Changsan hian a nupui leh a fate pali a kalsan ani. Kan hruaitu hmasa leh HMCF bul lo tantu Pu.V.Changsan kan chanta mai hi a hrilhhai thlak kan tiin a kalsan tak a nupui leh fanau te tan Pathian thlamuanna kan dil sak e.

Zanin dar 7 hian kan Chairman Pu.Zohmingthanga leh Pi.Sailothangi te nupa in Dt.17-15,’09 a IMA National Conference hmang turin SAIAC, Bangalore panin an chhuak dawn. Dr.Martin Chhangte in Hi-Tech City ah Flat(3 Bedroom) a lei thar a kan lawmpui e. Dt.8.May.’09 khan a hnathawhna ASI South Circle,Mysore atangin ‘Award of Exellence’ a dawng a chhuanawm kan tiin kan lawmpui em em a ni HMCF Exe.Committee member leh Naupang Sunday School zirtirtu Tv.Joseph K.Lalmuanpuia chuan ICFAI, Mizoram ah hnathar a hmu a, tunkar liamta khan Aizawl ah min haw san ta. Tv.Joseph-a hi HMA ah pawh Gen.Secretary tanglai ani a, kan hruaitu tangkai tak hi kan ui em em rualin a hnathawh leh zelna turah duhsakna kan hlan e. UPSC Civil Service,2008 result chhuak ah Zohnahthlak hming paruk a lang. Hyderabad atangin Kuki Tlangval P Gaulungmuon Singsit(William) a tling a, Rank-567 ani. HMCF member thin tuna MCS thawk mek Nl.Pinky Zosangpuii(Rank-776) pawh a tling bawk. Kan lawmpui e. Kan chanchinbu GILEAD hi email in a soft copy kan thawn chhuak thei reng, email a subscribe duh tan kan editor email: [email protected] ah in hriattir thei a ni e. Tin, GILEAD soft-copy hi a duh apiangte tan internet a chhiar theih turin www.pdfcoke.com ah dah luh a ni a, tunah hian abultan nan a copy thenkhat kan upload tawh a upload belh zel a ni ang. www.pdfcoke.com hawngla search atang khan Gilead tih han chhu chhinla a rawn lang mai ang. HMCF hmingin Bank Account hawn tum a ni a, a lo buapui turin Exe.Committee in Pu.Samuela Lalnghatliana leh Pu.PC Lalnghinglova te a ruat. Tin, HMCF hminga sum hman chhuah anih reng reng in bill thehlut tu ten bill/receipt pahnih Treasurer leh Fin.Secretary te copy tur siam zel tawh turin committee in thu a pass bawk. Vawiin hi khawvel pumah Nute Ni(Mother’s Day) a ni a, HMCF a Nu awm zawng zawng te hnenah duhsakna chibai kan buk vek a che u. Nu hmangaihna te, an hlutna leh an pawimawh na i hre thar leh vek ang u. HAPPY MOTHER’S DAY! “Kan inkhawm a kan zai hi a zawi ta lutuk, a thi lo chauh ani, chuvangin kan zavaiin i zai lawng lawng teh ang u” -Pu.Samuela, Secy.HMCF

Published & Edited by Lalzarzoa for and behalf of Hyderabad Mizo Christian Fellowship