Gilead 11 October 2009

Volume No. VIII Issue No. 17

Hyderabad

Dt. 11 -October - 2009 (Pathianni)

ISUA KAN HLIAH THIN EM?

-Upa Lalthankima(L) “Pathianin mi chapote a dodal a, inngaitlawmte erawh chu khawngaihna a pe si thin” (1 Pet. 5:5) Mahni hmasialna leh Pathian tihna hi a inkawpkai theilo ngawt mai.Tu pawh hnehna nuna nung duh chuan mahni mihring hlui nun chu a khengbet tur a ni a. A duhzawng a kalsan anga a, nitin a kraws puin Lal Isua a zui tur a ni. Mahni induhna, chapona leh intihveina bansan a ngai. Hei hi Lal Isua ngeiin min zirtir a ni (Luka 9:23,24). George Mac Donald-a chuan, “Mahni nihna hi Pathianin hlan leh atan min pek a ni a, kan tidanglam tur a ni lo vin kan hlamchhiah tur a ni. Kan nuna roreltu leh remruattu leh a bul tantu a nihna hi kan phatsan ang a,”Engtin nge ka tih ang aw!” tia ngaihtuah lovin, “Minunga chuan engnge min tihtir a tum ang aw” tia ngaihtuah zawk tur a ni,” a ti. Pathian thu kan sawi pawhin mahni intihlar tum rana thawh a awl a. Rawngbawlna engah pawh thangthat lak tum rana thawh a awl em em. Hetiang hi Charles Colsona chuan kal sualna (heresy) a vuah hial a ni. Missionay kan tirhte hian thangthat lak, hming lan deuh kher a tum theih khawp mai. Fak hlawh tumtu chu kan mihring hlui hi ani zel a. Chu tak mai chuan mahni thinlungah pawh Isua a hliah thin a. Kan . thusawi lo ngaithlatu mitah pawh Isua a hliah a. Chuvangin “Mahni” hi chu ral tur, khenbeh tur, hlamchhiah tur a ni. Tuna kan rawngbawl hnaa, kan thatho hle naah hian fak hlawh lo ila kan phur tho angem. Pastor pakhat hian a nupui leh a fanu hruaiin bial a fang a. An thlenina an riahna pindanah chuan khumlu lamah hian Isua lem an tar a. Khum mawng lam bang bulah chuan darthlalang lianpui a awm a. Isua lem an lu lama intar chu darthlalangah chuan a lang a, mu chunga hmuh theih tawk chiah a ni. An fanu zinga a lo harh chuan a hmu ta ngei a. Mahni thiante zinga hmun sang chan duh chuan a Pathian hmu turin hmun hniam chuh rawh se. Mahni chu hlan tur a ni. Inthawi nana hlan chu an hal ral thin a. Thlarau thianghlim mei chuan kan mihring hlui a halral i phal ang u. Source: www.buannel.com Vawin hian Kuki Worship Service(KWS), Hyderabad-te chuan an kum 10 tlin champha phak lawmna OM India Campus, Jeedimetla Village, Secunderabad-ah hmag dawn a HMCF ten duhsakna sangber kan hlan in kan lawmpui em em a ni.

GILEAD BIBLE PUZZLE (11TH-Oct-’09) Chhangtu Hming:………………………………. Phone/e-mail:…………………………………… Lawman 1-na Rs.50/-(1 ai a tam an awm in thumvawr a ni ang), Puzzle chhanna hi hemi copy chehthlak emaw mahni a plain paper a ziak chhuak in(table ang thlap in) emaw e-mail([email protected]) in kan dawng thei e. Thehluh hun tawp: Dt.18.10.’09.(4pm) thleng. A hnuaia ah hian Estheri Bu a Mihring hming lang zing a mi 12 dah a ni a, thai chhuak rawh le.

A

S

H

A

T

H

A

K

A

B

S

H

E

G

A

I

A

N

E

I

A

J

A

I

R

A

M

A

N

G

A

U

S

S

I

M

E

I

A

T

S

R

E

M

U

A

N

A

I

H

G

A

R

U

T

E

R

E

S

A

A

D

A

L

I

A

R

T

E

N

Z

E

T

H

A

R

A

A

S

A

A

H

A

D

A

S

I

S

E

R

M

O

H

A

R

B

O

N

A

L

27th September Puzzle Chhanna: 1.Pelega 2.Togarma 3.Askenaza 4.Madaia 5.Seba 6.Dedana 7.Kusa 8.Puta 9.Raama 10.Nimroda 11.Sela 12.Dikla. Lawman dawngtu: Nl. Vicky Lalramsangi, JNAFAU, Masab Tank.

Create PDF with PDF4U. If you wish to remove this line, please click here to purchase the full version

GILEAD-Volume No.VIII Issue No. 17 Hyderabad, Dt. 11- Oct- 2009 (Pathianni) P-2

Editorial: HMCF Committee in tun thla tawp a neih turin

Gospel Retreat programme a siam fel ta a, Speaker tur pawh biak fel a ni tawh a ni. Gospel Retreat kan neih tur chungchang ah hian mimal chauhv a tihhlawhtlin theih a ni lova, kan hruaitute chauh tih theih pawh a ni hek lo, kan zavaia kan tan tlan a ngai em em zawk a ni. Kan tih theih leh mawhphurhna a inang vek lovang, thenkhatin a kaihhruai leh huaihawt an tum ang a, a tam zawk erawh thu ngaithla tur in kan lo inbuatsaih a tul thung. Sum tam tak sengin retreat hi neih tur a ni a, member ten kan ngaihpawimawh a, tun atanga mimal tawngtaina lam ah pawh kan hriatreng a tul em em a ni. Mizo Kristiante hi camping/crusade boruak in min chiah hneh tawh lutuk vang nge, dik taka sawi chuan mitin deuh thaw hian eng ual ah kan ngai thin lo a ni. Camping tih thawm a rik tawh det det chuan “Ka lut dawn lo/ Ka mamawh lo/ Ka peih lo” tih hian a chhunzawm duh khawp mai. Tun tum chu Mizoram lam leh In lam a camping kan neih ang nilovin Gospel Retreat a ni dawn a, a hmun hma pawh Kristiante in tuaithar na tur bik liau liau a siam hmun ah neih a ni dawn a ni. Tin, kar tawp zirtawp ni chawhnu a tanga Pathianni thleng chauh neih tur a nih avangin mahni hna leh tul dang pawh in a tuar lutuk lo tur ah besei ila. Hetiang a ruahmanna siam a nih chhan pawh HMCF member tam zawk in kan hman tangkai theih nan tiin committee in duhsak takin a duang chhuak a, kan zavai hian a hlawhtlin leh a dawnsawn kawngah pawh mawhphurhna kan nei vek tih kan hrereng dawn nia. Khawvel hlimhlawp bawlna leh chatuan nunna neih phah na tur ni lo tul dang ah pawh kan hun kan seng fo thin thova, tun tum retreat ni thum chhung lek awh tur ah hian kan hun kan seng hreh dawn nge kan kal ve mai zawk dawn le? Krista tana hun sen hi hlawkna leh hlimna a ni zawk thin. HMCF INKHAWM PROGRAMME 18th October 2009, 3:30 P.M. Chairman: Dr. C. Dothanga Tantu: Nl. C. Lalremtluangi, St. Francis College Bible Chhiartute: 1. Nl. Vanlalruati (St.Ann's Coll), Exo 40:1-6 2.Tv.Lalchhuangliana (Te-a), V.V. College, Exo 40:7-11 Thawhlawm lakhawmtute: 1.Tv. Benjamin Lalsangzuala, Nacharam 2. Nl. Malsawmtluangi, St.Pious Degree & PG College. Sermon: Pi Sailothangi

KAN CHHUNGKUA HMCF Retreat 2009 Behbawm: HMCF Executive Committee chuan Retreat Secretary atan Tv.Malsawmdawngliana Lailung a ruat a, Manager atan Pu Samuel Lalnghatliana Ralte leh Pu Lalchungnunga te ruat. Security i/c: Pu PC Lalnghinglova(Leader) leh Exe.Committee member mipa zawng zawng ruat an ni. Chanvo leh mawhphurhna hrang hrang chelh tur te pawh ruat fel nghal an ni. Retreat a kal turte hian luh dawnni ah a hu hova kal theih nan bus ngaihtuah a ni ang. Retreat hlawhtling tak kan neih theih nan tawngtai thin ang u. Retreat inbuatsaih nan leh a tul a hman atan ‘Thawhlawm bawm’ siam a ni ang. A hun: 30th Oct1st Nov 2009 a ni e. HMCF Vice Chairman-Dr.C.Dothanga leh Financial Secretary-Pi Chawngmawii te nupa tul leh pawimawh avanga Mizoram lam ah an han thang bo vang vang hnu in tunkar thawhlehni khan damtakin Hyderabad an lo thleng leh tawh e. HMC Executive Committee in kan inkhawmna Biak In neitu te-Centenary Baptist Church, Secunderabad hnenah lawmthu sawi nan leh a tul apianga an lo hman atan Rs.10,000/- pek ve a rem ti. Pu F.Lalchhanhima, Lecturer, Lunglei Government College chu Academic Staff College, University of Hyderabad ah Refresher Course chhimin Hyderabad ah cham mek. A cham chhunga a tih turte tha taka a tih theih kan duhsak e. Kar hmasa a kan tarlan tawh Nl. Loisy, EFLU a zirlai chu nilaini khan Yoshoda Hospital, Secunderabad-ah a chuap a tui siak chhuah a ni. A dam that zel kan duhsak in kan tawngtai pui zel dawn nia. Pathianni hmasa Inkhawm ban khan HMA Office Bearer 2009-10 thar thlan a ni: President: Dr.C.Dothanga, Vice President: Pu Samuel Lalnghatliana Ralte, General Secretary: Tv.Lalzarzoa, Joint Secretary: Tv.K. Malsawmdawngliana, Cultural Secretary:Tv.Lalchhuanawma, Sports Secretary: Tv.H.Lallianzama, Information Secretary: Tv.Marvin Zodintluanga, Treasurer: Nl.Laldinpuii, Financial Secretary: Nl. K.Lalhmingliani. HMCF Constitution thar chu 2010 atanga hman tan tur a tih a ni. Tin, HMCF Logo neih tum a ni a, member tupawh a tui leh thiam apiang HMCF Logo design turin sawm leh ngen kan ni. Logo design hi HMCF Secretary Pu Samuela hnenah thehluh theih a ni. I thiamna leh talent hlu tak kha HMCF tan rawn theh chhuak ve rawh le!

Published & Edited by Lalzarzoa for and on behalf of Hyderabad Mizo Christian Fellowship

Create PDF with PDF4U. If you wish to remove this line, please click here to purchase the full version