Gilead 8 November 2009

Volume No. VIII Issue No. 20

Hyderabad

Dt. 8 -November - 2009 (Pathianni)

HMCF GOSPEL RETREAT THLIRLET NA -Malsawmdawngliana Lailung HMCF Executive Committee-in a rel angin memberte thlarau lama kan intuai thar leh theihna turin Gospel Retreat chu 30th October atanga 1st November 2009 thleng khan Canaan Retreat Centre, Gatkesar-ah kan nei a. A chhimtu te hi kan zavaiin mi 75 lai kan ni (Mipa-33, Hmeichhia-17, Lang -21, Naupang-4 leh mikhual 2). Speaker leh a thiante: Bangalore atangin Theologian mithiamrual kan chah a, Speaker-ah Rev.C.Vanlaldika, a ni hi Academy of Integrated Christian Studies(AICS), Aizawl-a Lecturer ni reng thin leh Serampore Theological College-a lo zirtir hrep tawh a ni a. Thiamna lamah chuan M.Th niin, tunah hian Doctor of Theology (D.Th) UTC Bangalore-a ti mek a ni. A thian Rev. H.Lalthlamuana hi SAIACS Bangalore a Lecturer ni lai a ni a. A specialist-na lam pawh spiritual Counseling lam a ni bawk, a ni pawh hi D.Th zir tur a inbuatsaih mek lai a ni. A pathumna Rev.C.Lalrochama hi M.Th UTC Bangalore-a zir mek a ni a. An pathum hian mithiam Pathian hmanlai vek a n ni. Hun hman dan tlangpui: Zing hma tak dar 6;30 a.m. atanga tawngtaina atang a tanin hma kan la chho a. Sermon laklawhah group a inthenin thu ngaihtuah tur te kan khel ho leh zawk chang pawh a awm bawk thin. Mass counseling hi Rev.H.Lalthlamuana’n min ho a. A duh a piang tan Pathian thu lam a in kawmna hun pawh siam bawk a ni. Tv. Lalduhawma(IMA) hlabu siam thatak chu tui takin kan sa ho a boruak pawh a nuam hle. Kaldanphung: Thupui- “I ram lo thleng rawh se” tih hman a ni a. Pathian thu an rawn sawi dan leh kalpuidan chu “emotional play” an hlauh avngin nitin a kan hman ang chi tur te an rawn sawi nasa ber a. Zirlai tan chuan lehkha taima taka kan zir hi kan rawngbawlna awm reng a ni tih thu te, kan zirchhan chu engpawh nise keimah ni tan mai niloin Pathian tan leh kan ram tan kan hman a tul zia te an sawi uar hle. Kan ram Kristian ram nisi rilru lo tlahniam ta em em te hi Pathian chakna ring a hneh theih ni in an sawi a. Taksa leh Thlarau hi then hran chi nilo in kan Kristianna chu kan nitin nunah theuh lang chhuak mai tur a nih zia an sawi bawk. Tunlai thalai te buaipui em em ruitheih thil te, incheina lam te pawh sawiho a ni zel a. Sual leh suallo chin ramri an rawn kham teh chiamlo a. Amaherawhchu khang kan in kan ei te khan Pathian a ti ropui em? tih mahni theuh in zawt a, nitin nun uluk turin min chah theuh bawk. Lum silo vawt silo a awm ai chuan pa tak mai a Pathian duhzawng a awm mai kha kan tih tur a nih zia te. Pathian thu kan chhiar hi

uluk leh zual turin min chah a. “Indigenous theology” Mizo te kan hnam zerang mil zawng a a thu te hrethiam thei turin kan ngaihtuah fo a tul zia an sawi chhuak bawk. Kan hlawkpui em?: Sumtamtak kan seng a kan hlawk pui theuh em?tih chu mahni theuh chhan torah dah tai la. Kan zirna hmunah te, hnathawhna hmunah te Pathian ram a lo thlen theihnan leh mite tan a malsawmna ni turin min chah theuh bawk a ni. HMCF INKHAWM PROGRAMME Kan inkhawm tan hun siamthat a ni a, vawiin atangin Pathianni tin tlai dar 3:15 p.m. ah tan tawh tur a ni. Hei hi HMCF member zawng zawng ten kan ngaipawimawh vek dawn nia. Gospel Retreat kan neih avangin Programme Sub-committee atangin kar leh inkhawm programme kan dawng lova chhiartu te hriatthiamna kan dil e. LOGO DESIGN THEIH HMCF Logo tur a duh apiang tan design theih a ni a, logo mawi tak kan neih theih nan member ten tlawmngai a design theuh turin kan in sawm in kan in hriattir nawn leh a ni e. Logo design hi Secretary Pu Samuel Lalnghatliana hnenah thehluh theih reng a ni. I thiamna leh talent hlu tak kha HMCF rawgbawlna atan mamawh a ni e. HMCF & HMA information leh news hre duh tan SMS in JOIN HYDLANDER tih hi 092195195 ah thawn ve rawh le!

Create PDF with PDF4U. If you wish to remove this line, please click here to purchase the full version

GILEAD-Volume No.VIII Issue No.20 Hyderabad, Dt. 8- Nov- 2009 (Pathianni)

Editorial: Tun tum Issue chu Gospel Retreat pual deuh liau

liauvin kan han buatsaih a, kar hmasa lamah kan chhuah theih loh avangin a phek pawh kan puntir ta deuh a ni. Retreat thlirletna ngaihnawm tak kan Joint Editor leh Retreat Secretary ni bawk Tv.Sawmtea’n a rawn ziak a, tin, Retreat feedback tha tak tak rawn thawn tute chungah lawmthu kan sawi mawlh mawlh e. Gospel retreat kan neih zawh tak chiah kha Mizo Kristian ten ‘a rau a thawk tha’ kan tih a zai leh lam hlimna lam kan tih chiam ang kha a ni lem lovin a lang. Mizoram leh hmun dang a camping/retreat kan neih thin dan ngaihtuah in tuntum a kan rawngbawltu-Speaker te thusawi leh min kaihhruai dan tlemin a dang deuh tiin a sawi theih awm e. Kawng leh lama ngaihtuah chuan an rawngbawlna ang hi Mizo Kristiante hian kan mamawh viau tho a ni. Hmun tam takah Kohhran leh khawtlang tangrual ten chhandamna camping/crusade kan nei fova, kan hlim em em thin rual hian a hut hut boruak a zawh rual a kalpeng leh mai thin kan tam zawk fo thin. Hei tak mai hian kan kalphung hi enthat a tul tawh zia min hriattir thei awm e. Pathian a Piantharna changa hlim hut hut hi a thalo kan tihna nilovin kan Pianthar rual chiah hian mahni pawh a kaldan tur thiam tur leh nitin nuna hman nghal theih tur zawnga Pathian thu inzirtir hi ka mamawh letling tawh zawk in a lang. Chulai tak chu’ taksa’ thil nilovin a ‘rau’ lai tak a ni ve tho tih hi kan hriatthiam a tul ve ta hle. Dik tak a sawi chuan Mizo Kristian te hian Pathian thu kan lak dan hi a sang thin leh lutuk a, mi zawng zawng thlarau chan a lo in chen vek lo nen, chumi khami chan ang kan chan ve loh avangin kan buai a kan in ringhlel leh mai thin a ni. Lal Isua hi mi sang tak tan Pathian a ni a, mi hniam leh chaklo ber tan pawh Pathian a ni tho a ni. A pawimawh ber chu Pathian leh keimah ni theuh inkar hi a fel tur a ni zawk dawn lawm ni? Keimahni ah Pathian a awm tlat chuan ‘Tunge min tibuai ang a, tu in nge min hruaibo thei ang le? Eng ang mi pawh niin khawi ah pawh awm ila kan nihna leh kan awmdan theuh ah hian a thaber leh a pawimawh ber ah Lal Isua kan dah chhhung chuan englai pawh in lawmna leh chakna thar kan dawng zel zawk dawn a lo ni. Nitin Lal Isua hi ngai ila, nitin Lal Isua hi pan ila kan tan hian a lo tha berin a inchhir awm lo ber zawk a ni. HMCF member zawng zawng te Gospel retreat-ah kan lut emaw kan lut ve lo pawh nise, kan nitin nun- kan tun hun zel ah hian ‘Pathian ram’ a lo thlen theih na turin hmun leh hun siam zel ila chu chu Pathian kan hnaihna thaber a ni.

P-2

KAN CHHUNGKUA North East Christian Fellowship(NECF) committee meeting nimin Inrinni khan Chairman Dr.C.Dothanga kaihhruaina in A.P Police Officers’ Mess, Masab Tank-ah neih a ni a. NECF Advance Christmas Programme neih tur a ruahmanna siam a ni. A hun: Dt.13rd. December. 2009 (Pathianni), A hmun: Wesley Degree College Gymnasium Hall, Secunderabad. NECF meeting ah hian HMCF atang leh Kuki Worship Service, Naga Christian Fellowship leh hmarchhak state hnam hrang hrang atanga aiawh te thahnem tak an tel a ni . Hun lo taka a Pa in leipiah lam ram min kalsan avanga Mizoram lama haw chhuak Tv.Saron Zomuana pawh tunkar liamta khan damtakin Hyderabad a rawn chhuk leh tawh e. Tv.Sarona leh a chhungte khawharna kan tuarpui em em a ni. Nikum a Osmania University buatsaih Singing Competition result kar hmasa khan puan fel a ni a. St.Pious X Degree College, Secunderabad aiawh a zai Mizo zirlaite pahnihna an ni. Heng kan memberte hi chhuanawm kan tiin kan lawmpui em em a ni. HMCF Sumvawngtu Pi Sailothangi khawsik avangin a damlova, a dam that zel kan duhsakin I tawngtai pui zel ang u. Nimin Inrinni khan Mahavir Hospital, Masab Tankah Pu H.Lalhrilmawia, Khatla, Aizawl chu a kal thlak(Kidney Transplant) a ni. Pu Hrila hi a unaupa Lalremsanga’n a kal a pe(donate) a ni. An dam that zel kan duhsak in kan tawngtai pui zel dawn nia. Loyala College senior ten nimin khan 1 st Semester Final Exam an zova naktuk thawhtanni atang in Junior College zirlai ten exam an nei tan ve thung ang. Result tha tak an neih kan duhsak em em a ni. Pu Lalhruaitluanga te fapa Reuben-a(Kum1) chu tunkar liam ta nilaini khan damloh na avangin Rainbow Hospital, Banjara Hills-ah admit a ni a, athat chak vak loh avangin tunah hian Army Hospital, Golconda lam ah remchan zawkna avangin an insuan phei leh tawh a ni. Reuben-a dam that zel nan kan tawngtaipui dawn nia. University of Hyderabad Post Graduate leh Integrated master course zirlaiten tunkar chho atang in End Semester exam an tan dawn. Tin, JNTU leh College thenkhat a zirlai te pawn exam an nei mek. Result tha tak an neih ngei kan duhsak em em a ni. Hyderabad-Secunderabad Twin city-ah pawh thlasik rim a nam tan ta. Pooja chawlh hmanga haw te an lo let mek a, chutih rualin Krismas chawlh hmanga mahni In lama haw tum ten ticket an buaipui hunlai alo ni leh ta reng mai.

Create PDF with PDF4U. If you wish to remove this line, please click here to purchase the full version

GILEAD - Volume No. VIII Issue No. 20

Hyderabad Dt. 8 - Nov- 2009 (Pathianni) P-3 T H L A L A K

B A W M

Create PDF with PDF4U. If you wish to remove this line, please click here to purchase the full version

GILEAD-Volume No.VIII Issue No.20 Hyderabad, Dt. 8- Nov- 2009 (Pathianni) GILEAD BIBLE PUZZLE (8th-Nov-’09)

Chhangtu Hming:……………………………………… Phone/e-mail:…………………………………………… Lawman 1-na Rs.50/-(1 ai a tam an awm in thumvawr a ni ang), Puzzle chhanna hi hemi copy chehthlak emaw mahni a plain paper a ziak chhuak in(table ang thlap in) emaw e-mail ([email protected]) in kan dawng thei e. Thehluh hun tawp: Dt.15.11.’09.(4pm) thleng. A hnuaia ah hian Tirhkohte Thiltih bu a Tirhkoh Paula zinna khua 10 dah a ni a, thai chhuak rawh le.

A

N

B

E

R

O

I

A

T

O

T

A

L

I

S

M

A

N

H

N

R

S

U

E

P

H

E

S

I

E

O

I

S

R

A

E

L

H

N

A

A

N

T

I

O

K

E

I

D

P

S

U

R

Y

A

L

U

R

I

O

E

P

A

P

H

O

S

I

A

L

S

A

M

O

T

H

R

A

K

I

R

U

A

T

H

E

N

I

F

T

D

E

R

B

M

I

L

E

T

I

18th Oct’09 Puzzle chhanna: 1.Arona tiang 2.Khawihli 3.Thisen 4.Vaihmite 5.Tho 6.Rial 7.Khau 8.Khawthim 9.Ranhri 10.Chungu Lawman dawngtu: Nl. Nelida Lalthafeli, Masab Tank 25th Oct ’09 Puzzle chhanna: 1.Buhchi 2.Kawngkazim 3.Dulibo 4.Antamchi 5.Dawidim 6.Mihausa 7.Insatu 8.Khawnvar 9.Ruai 10.Chi Lawmman dawngtu: Nl. Annie Zohmangaihi, JNTU #”Kan Retreat chu riah chilhin hun pumin hmanglo mah ila, a hlawkpui ber ber te zingah ka tel tho awm e. Zai leh lamah kan hlim bung bung kherlo a nih pawhin nun chhungril takna leh Krista a nun ze nghet chu tawmpui ve turin kan retreat khan min zirtir tih i hre nawn ang u”. Pu PC Lalnghinglova,Hakimpet #”Retreat chhunga kan thil hmuh te, kan hriat te leh kan ngaihthlak te kha a takin nun chhuahpui thei theuh ila chuan a va nuam in ava han hlawk dawn em! member tin ten tan ila thar sauh sauh ang u khai” - PuVannuntluanga Pachuau, Sainikpuri #”Pathian thu ngaihthlak a khat a, Bible chhiar leh tawngtai tam loh bawk nen nun ro takin kan awm hlawm laiin Gospel Retreat a rawn awm hi a tangkaipuiawm ka ti tak zet. Retreat a tang khan Pathian hnaih tur in keimah ni theuh kan pawimawh zia leh tumna tak tak nei a inthlahdah lova mahni a tan kan lak reng a pawimawh zia ka ka hriat chhuah phah a, kumtin a neih ziah atha in ka hria”- Tv.Christopher F.Lalthanliana, Secunderabad

P-4

HMCF GOSPEL RETREAT 2009 chungchanga kan ngaihdan leh thlirletna te Hydlander smsgupshup hmangin kan thawn chhuak a chuta tanga member te chhanna kan dawn te chu:# “Taksa, rilru leh thlarau damna a thar a kan chan theih nan leh rinna kawng a lo muhil leh khupzawi tawh te kaihthawha kan awm leh theih nan ti a Retreat kan neihna a ka lo lut kha vawiin thleng hian inchhirna leh a thatlohna sawi tur ka hre lo reng reng, a lut ho chu kan hlim tlang hle in ka hria, a hlawkpui berte zing ami ka ni hial awm e, amaherawh chu chung kan hlim leh lawmnate chu keimahni ah ni lovin LALPA ah ni zawk rawh se, ani chu chatuanin a danglam ve dawn silova”.– Tv.Muana, Banjara Hills. # “Pathian kaihhruaina in Gospel retreat tluang takin kan nei thei a, min hruaitu Lalpa fakin awm sela, kan programme hman dan hrim hrim a felfaiin a tha tawk a 'kha ti zawk khan lo ti ta ila tia han sawisel tur avang khawp mai'. Tin, kan Speaker te Pathian in a hmang a thalaiten kan tuipui zawngin thuchah an sawi thiam a, chumai bak ah kan vaia chanvo kan neih tlan theih topic hrang hrang hmanga group discussion kan hmang thin kha a hlawkthlak in a bengvar thlak hle a ni. Theihtawp chhuah a hlim taka Pathian kan han fak hote kha ava nuam em! Memberte pawn nuam kan ti tlangin kan hlawkpui tlang hle in ka hria. Khang kan thuchah ngaihthlak te leh kan thupui sawiho tak te hmang khan kan thinlungah a tharin Pathian ram tana kan rawngbawlna ah te, kan zirna ah te, kan hnathawhna ah te rilru thar min puttir tu leh hmasawnna rahbi thar min rah tir tu a lo nih theih ngei theih nan Lalpan malsawm rawh se”. -Tv.T.Lalremchhunga, Taj Banjara # “Retreat kha ka hlawkpui em em in ka inhria a. Thusawi ngaihthlak mai bakah group hrang hrang a kan inthen a, sawi ho na kan neih thin khan midang ngaihdan han hriatna hun min pe in ka hria a. Kan ngaihdante kan han sawi ho a, a chang chuan han inhnial deuh te awm mah se, a hlawkpuiawm hlein ka hria. Speaker thusawi ngawt ngawt ni lova a ngaithlatute dah pawimawh thiam tak a hun kan hmang te khan kha kan Retreat neih kha a danglam zia min ti hrechhuak a. Tin, mahni awmna hmun theuh ah rawng kan bawl thei a ni tih an sawi te khan rilru ah tum ruhna min pe ve in ka hria a, rinawmna leh dikna mahni nun theuh ah a pawimawh thu han ngaihthlak te kha a tangkai hle in ka hria. Chubakah Lal Isua'n tawngtai dan min zirtir anga kan tawngtai hian thinlung leh tih tak zetin, a thu ngaihtuah ran chung a sawi a hlawk bik zia kan Speaker in a sawi te kha hre reng thei ila a lawmawm hle ang”. -Nl.Laldinpuii(Di-i),University of Hyderabad

Published & Edited by Lalzarzoa for and on behalf of Hyderabad Mizo Christian Fellowship

Create PDF with PDF4U. If you wish to remove this line, please click here to purchase the full version