Gilead 20 Sept 2009 Issue

Volume No. VIII Issue No. 14

Hyderabad

Dt. 20 -September - 2009 (Pathianni)

SUM! -Malsawmdawngliana Lailung Kan naupanlai a kan economics zirna a kala hriatreng thin chu Adam Smith a thil sawi hote dik zet si, “Human wants are unlimited” tih kha a ni. Eden huan atanga nunbul kan tan atang a tun thleng mai a kanla buaipui chu “duhamna chinlem neilo” hi a ni. He mihring rilru a awm reng koham tak hian khua min hmuh tir theilo a, Lawilodawrpui-ah kan chenna hi kan chan tir zo ta a nih ber hi. Tunlai khawvel-a kan buaipui ber pakhat chu consumerism hi a ni. Kan thilthar siam chhuahte nalh thei ang berin kan chhawpchhuak a, rualawhna avangin mihringnun tluang tak pawh neihveloh hlauhna avangin thil thalo tak eirukna/hlemhletna ah min hnuklut ta a nih hi. Kalsan theih chu a ni hauhlo mai! khawvel hmasawnna . in a a ken tel leh mihringnunzia hmasang atang a tunthleng a la danglam ngailo in a a ken tel a ni. Hetihlai hian engtin nge kan awm tak ang? tih hi zawhna pawimawh tak a ni. Tirhkoh Paul-a chuan “Eng bawihah mah ka in phallo” a lo ti tawh a. He thu hi a tak a kan zawm ve a pawimawh khawp mai. Entirna ti hian tawite in pe ila: Mi pakhat khan Rs 10 a nei ta a, a pawisa khan a rilru chutivakin hmun a luahlo ang. A ai a tam cheng maktaduai fe nei ta se, a hman dan tur leh a dahthatna tur ngaihtuah reng rengin a rilru a hmanhlel tawh mai thei a, chutah chiah chuan sum bawihah a tlu lut ta tihna a nih chu. A tam leh tlem lam aimah pawh chuan engkim thununtheihna kan neih hi a ni.

Hetiang a sawi tur hi midang tamtak pawh an awm. Sum hi kan mamawh takzet mai, Pathian ang a enlo in kan mamawhphuhrukna kan thuhnuaiah hian dah tlat ila, a neih tam leh tlem pawh hian kan nunah ro a rel chiam ka beiseilo.

Harsatak nih phei chuan a harsa khawp ang, mahse Tirhkoh Paul-a hian rethei a awm dan te, hausa a awm dan te, tlai leh puar riltam a awmdan zawng zawngte a thiam a, a zirtirtu chu Lal Isua a nih thu a sawi bawk. Chuvang chuan Isua hi zirtirtu ah hmang thin ila, harsatna emaw awhna emaw kanlo neihin zawhna han zawt taima deuh ila; tun ai hi chuan hma kan sawn theuhin a rinawm.

Fak zai vawr rilru thianghlim chuan,

He khawvel-ah hian kan cham hlen dawnlo tih hi awih satliah mai nilo in ring tak tak ngam ila. Van ram a rote khawlkhawm theih a ni tih hi ring bawk ila kan nundan hi chu kan thlak deuh a rinawm. Khualzin leh cham mai kan ni tih kan hriatloh avang hian duhamna avangin khua kan hmulo leh fo thin. He khawvel-ah hian sum leh pai neih hi hlimna nise Hollywood a mi tamtak te, zaithiam tak tak te hian hlimna thuk tak an nei ngei ang. Guitarist turu Jimi Hendrix khan concert-na a mipui tamtak amah ngaisang em em tute hmaah a nun hlimloh zia a sawi chhuak a sin.

Naupan lai a fakna hla kan sak fo thin ah pawh chiang takin kan hmu thei awm e: “Khawvel sum tinreng leh lunghlu, Ka dil lo, nawmsakna nen; Rilru mawi leh thianghlimna chu, Ka dil zawk, chung zawng ai chuan. Lawmnaa khat rilru thianghlim, A mawi tuktin par aiin; A ning lo, tlaini lenin.” A tawp berah chuan sum tamtak neih hi hlimna ber a nilo a. Lal Isua neih hi engkimneih na a lo ni. Engkim neih i duh ve em? INKHAWM PROGRAMME 27th September 2009 (3:30PM)-Pathianni Chairman: Pu Lalhruaitluanga Pachuau Fellowship Programme : Johana Bial Bible Chhiartur: Exo 39: 14-18 leh Exo 29: 19-21 Bialtu: Tv. Malsawmdawngliana Lailung Astt. Leader : Tv.Lalnuntluanga leh Nl. Grace Zorinpuii

Create PDF with PDF4U. If you wish to remove this line, please click here to purchase the full version

GILEAD-Volume No. VIII Issue No. 14 Hyderabad, Dt. 20- Sept- 2009 (Pathianni) P-2 KAN CHHUNGKUA

Editorial: Tun tum Issue chu rahbi thar kan chuang kai in kan in hria. Kan beisei phak piah lamah chhiartute lam atangin Bible Puzzle chhangdik tan lawman siam rawtna kan dawn mai bak ah Lawman tur pawisa kan dawng bawk. Tin, Editorial Board Member pawn lam atangin Puzzle min rawn siam sak tu kan la nei cheu bawk, kan lawmna a va thuah hnih em. Chhiartu lam atang hian Puzzle mai bak ah thu leh hla chhuah tur te kan dawn lohna a rei ta hle mai. HMCF memberte kan thu mai mai rei deuhin kan hria, mahni talent theuh thawh khawm tha deuh turin kan in ngen nawn leh e. GILEAD BIBLE PUZZLE Chhangtu Hming:…………………………………………… Phone or e-mail:……………………………………………… Lawman 1-na Rs.50/-(1 ai a tam an awm in thumvawr a ni ang), Puzzle chhanna hi hemi copy chehthlak emaw mahni a plain paper a ziak chhuak in(table ang thlap in) emaw e-mail in kan dawng thei e. A hnuaia ah hian Manassea leh Ephraima thlahte hming 21 dah a ni a, thai chhuah tum rawh le.

M

R

E

P

H

A

R

H

U

K

B

J

K

J

E

A

D

A

E

L

I

G

O

B

E

R

I

A

B

M

A

S

B

S

B

M

E

Q

G

I

A

M

E

D

U

E

A

S

R

I

E

L

A

R

R

A

R

K

A

F

S

Z

A

H

E

A

A

E

I

E

Q

O

E

F

I

S

K

R

D

R

S

M

D

R

G

A

A

E

E

A

A

A

X

A

A

Z

N

X

M

Z

E

L

O

P

H

E

H

A

D

A

E

E

B

Q

S

U

T

H

E

L

A

T

R

E

S

E

P

H

A

N

U

N

Issue hmasa Puzzle chhanna: 1.Tisbe, 2.Elija, 3.Beliala, 4.Jezebeli, 5.Ahaba, 6.Ahija, 7.Nabotha, 8.Samari, 9.Grep, 10.Amor, 11.Israel, 12. Baasa.

Tv.Saron Zomuana (B.Com Student) pa Pu Malsawmtluanga Khiangte(MST Vala Khiangte) tunkar Nilaini(Dt.16.09.'09-) zing dar 3 khan Aizawl ah an thenawm tlangval kut tuarin lei piah lam ramah min kal san ta. Tv.Sarona pawh hemi ni vek hian Aizawl lam pan hian a haw chho nghal a ni. Khawhar chhungte kan tuarpui tak zet a ni. Dt.11.09.’09(Zirtawpni) khan kan member thin Tv. Roluahpuia (P.c Puia) Nu Care Hospital Aizawl ah kan chan ta. Puia Nu ruang hi Aizawl atangin Lunglei ah vui tur a lak phei a ni. Khawhar chhungte kan tuarpui tak zet a ni. Kan member Nl.Zorinpuii (Koti Women College) chu Osmania University hnuai ah M.Sc (Nutrition & Dietetics) Ist class ah pass a kan lawmpuiin chhuanawm kan ti hle. Inrinni khan a certificate te ti felin a nau nen Aizawl lam min pan san ta. An chanchin kan sawi hmaih theih loh leh kan chhuan em em kan hruaitute- Pu Lalchungnunga leh Pu Vannuntluanga Pachuau te chu South Central Railway Police Force ai awh in Football khel in Kolkata ah tunkar liam ta khan an han thang bo vang vang a, a khelh hrim hrim ah chuan an hneh viau lain point ah an telna team te hi an tlang zo ta lo a kan ui pui hle. Dam takin Hyderabad khawpui an rawn let leh tawh e. Pathianni liam ta khan HMA Best Student ’09 (Hmeichhia & Mipa) thlanna neih a ni. Member ten secret ballot in kan thlang a, chung kan thlan chhuah atanga mipa leh hmeichhia top 5 te chu HMA Committee in Selection Board Member a ruat ten uluk takin an lo thlifim leh dawn a ni. Nimin Inrinni khan University of Hyderabad Sports Complex-ah HMA Annual Sports ’09 a tawpna ber atan khelh leh a ni a, Indoor games, Volleyball leh Mipa Basketball final khelh a ni. Vanduai thlak takin Nl.Grace Zorinpuii(Masab tank) thil lei tura an kal a cycle chuanna bike in a su a, a ban dinglam ruh a pelh a tunah hian In lamah inenkawl mek. A dam that leh thuai kan duh sak e. Kan member thin Pi Hannah Lawmpuii(Chennai) d/o Rev.K Lung Muana te chuan nimin khan Aizawl Hospital-ah a pahnihna atan fanu an nei thar. Pi.Lawmpuii leh Pu.Hminga te kan lawmpui e. Kan chanchinbu Circulation Manager Tv.Malcolm Lalhmingliana pawh JNTU Basketball Team ah khel tur a thlan a ni. Hetiang a inkhelh thiam University team a tel phak kan nei hi Ed.Board ten kan chhuang in kan lawmpui em em a ni.

Published & Edited by Lalzarzoa for and on behalf of Hyderabad Mizo Christian Fellowship

Create PDF with PDF4U. If you wish to remove this line, please click here to purchase the full version