Gilead 13 September 2009

Volume No. VIII Issue No. 13

Hyderabad

Dt. 13 -September - 2009 (Pathianni)

FAKNA HLA: “WHY ME LORD?” ”Ngatinge kei hi Lalpa, engthil nge ka tih a, heng lawmna te hi chang theia ka awm tak mai, Lalpa i thatnate hmu thei tur leh nangmah hmangaih let ve thei tur che hian eng thil nge maw ka tih ve reng le?” Zan boruak chu zandang nena danglamna em em a awm lova, 1971 vela zaithiam mipui sang tamtak hmaa inlan thin an nih avangin hemi zan pawh hian mipui hmaa hlawhtling taka an zai zawh hnu chuan an thlenna hmuna hahchawl tura an awm lai chuan a zaipui a thiannu Connie Smith chuan Kris Kristofferson chu a tuka Pathian biak ina inkhawm pui atan a sawm ta a. Nupui a neih hnua vawikhatmah la inkhawm leh miahlo Kris Kristofferson tan chuan a thiannu sawmna chu hnawl a harsa ngei ang, mahse a thian fel em em mai leh Pathian tih mi tak Connie Smith i thu chu Kris Krostofferson chuan a hnial ngamlo a ni. A tuk khua alo var chuan a hma zana an lo insawm tawh ang ngeiin Connie Smith chuan a thianpa . Kris Kristofferson chu inkhawm turin a hruaichhuak ta a. Nashville khaw daifem Hendersonville biakin ah chuan an thiandun chuan an lut a, Jimmy Snow chuan inkhawm chu lo kaihruaiin Connie Smith leh Kris Kristofferson te thiandun pawh chu kil khatah an thu ve a. Hemi tum hian khawvela mahni duhthua lo khawsa ve tak Pathian lam ngaihsak miahlo Kris Kristofferson rilru chu ti sawnin a awm ta a ni. Inkhawmna a mitin maite chu thingthiin an tawngtai ta a, chutah inkhawm kaihruaitu Jimmy Snow tunah hian Pathian lak ata bo nia in hria leh a lam hawia inlamlet duh zawng zawngte tan sawmna a siam a. Jimmy Snow chuan tunah hian chhandam nih duh zawng chu a hma lamah lo penchhuak rawh ru tia sawmna a han siam belh leh chiah chuan, khawvelina zaithiam lar leh a ngaihsan ve tak Kris Kristofferson a rilruah chuan chung mipui hmelhriat ngailoh kara tel ve chu a tlawmngai hle a mahse chung mite zinga a tel ve chu a ngai ta tlat si a ni. Thuhriltu chuan ‘Isua Krista chu i lal leh chhandamtu atan i pawm em?’ tia a han zawh chuan khawvel mi ve tak leh Pathian thu lam ngaihsak manglo Kris Kristofferson chuan ‘Ka hrelo’ tih baka chhan dan tur a hrelo. Jimmy Snow chuan chhuata thingthi turin a hrilh a, atana a tawngtaisak lai chuan thilmak danglam tak mai chu Kris Kristofferson chungah chuan rawn thlengin khur zawih zawih chunga a awm lai chuan thawklehkhata amaha phurrit awmte leh a pikna zawng zawngte lak kiansakin a awm ta ani. Hetianga thlamuanna hi Kris Kristofferson tan chuan thilthar a ni a, atan chuan he khawvel alo pian tan tirh ata hengtiang thlamuanna hi a neih vawikhatna a ni.

A nun lo hman takte kha boralna ani tih pawh hrelo a, hun engemaw chen alo vah hnua hetianga thlamuana a chang hi Kris Kristofferson tan chuan thil mak a ni a, amak ti lutuk chuan pathian hnenah in lamleta tawngtaiin ”Ngatinge kei hi Lalpa, engthil nge ka tih a, heng lawmna te hi chang theia ka awm tak mai, Lalpa i thatnate hmu thei tur leh nangmah hmangaih let ve thei tur che hian eng thil nge maw ka tih ve reng le. Lalpa min tanpui rawh, ka bo rei lua e.. engkima min hretu Isu min tanpui la, tunah chuan nang chauh hi ani ka mamawh tih ka hre tawh. Isu min tanpui la, i hnenah ka inpumpek e. Kawngte a awm anih ngai chuan Lalpa min tir la, i hnen ata malsawmna ka dawn zozaite kha, rul ve che tur che ka duh a ni. I hnen lama pana ka lo letna kawnga ka thil tawn zozaite hi Lalpa mite hnena hrilh ka hrilh thei dahlo’ng maw. Lalpa min tanpui rawh, ka bo rei lua e., tunah chuan nang chauh hi ani ka mamawh tih ka hre tawh. Isu min tanpui la, i hnenah ka inpumpek e” tiin hla ropuitak ‘Why Me Lord?’ tih chu chawp leh chilhin a rawn phuahchhuak ta a ni. Khawvel lam hla lar tak tak ‘Help me make it through the night’, ‘For the Good time’ tihte lo phuahtu Kris Krostofferson hian Pathian hla tha tak tak engemaw zah pawh alo phuah tawh bawk a chung zinga ah chuan ‘One Day at a Time’ tihte pawh a tel nghe nghe a ni. Source:www.buannel.com INKHAWM PROGRAMME 20th September 2009 (3:30PM)-Pathianni Chairman: Tv. Malsawmdawngliana Lailun" Tantu: Tv.Lalrinsanga Hnamte,UoH Bible Chhiartu: Tv.VT Sawma, Exo.39:4-7, Nl.Priscilla Zotluangpuii,(St.Ann's College),Exo.39:8-13 Thawhlawm lakhawmtu: Nl. C. Lalrinmawii,JNTU & Tv. Andrew Zonunsanga, Sermon: Pu Zohmingthanga

Create PDF with PDF4U. If you wish to remove this line, please click here to purchase the full version

GILEAD-Volume No. VIII Issue No. 13 Hyderabad, Dt. 13- Sept- 2009 (Pathianni) P-2 KAN CHHUNGKUA

Editorial: HMCF Member tam zawk te hi lehkha zirlai

kan ni a, Hyderabad ah pawh hian a tam zawk hi chu zirna avanga awm kan ni. Kan awmna ram ah hi thlir ila sawrkar leh mipui mimir te awmdan pawh kan hmu in kan hriat ang hian a tha lam tam tak entawn tur a awm a, a tha lo lam chu sawi ngai lovah dah ta i la. Ngaihtuahna a lo awm thil pakhat chu engtik ah emaw chuan kan zirlai kan zawh hun hi a la rawn her chhuak ang a, mahni ram lam pan in emaw hmun dangah hnathawk in eizawnna hna kan la thawh a tul dawn a ni. Chung hun ah chuan eng ang mi nge kan la nih ve ang le? Kan ram in hma a sawn chak thei lova, kan ram hruaitu te leh sawrkar hnathawk te kan dem thu emaw an tih tur an thawh that tawk lohna te kan demin kan sawisel fo thin. HMCF member tam zawk te hi nakin ah chuan rorel na hna te, sawrkar/company kut ke ber te kan la ni ang, chung hunah chuan eng ang mi nge kan nih ve ang le? Eng dinhmun tha leh chanvo sang pawh chang/chelh ila, tuna kan rilru put ang thahnem ngaihna leh tha kan duhna hi kan chawinung zel thei angem le? Chatuan a danglam ve ngailo Lal Isua hi kan entawn lo ni fo se kawng bo a awm theih ngai lovang. GILEAD BIBLE PUZZLE A hnuaia ah hian Lalte.21 chhunga mihring leh thil hming lang 12 dah a ni a, thai chhuah tum rawh le. T

I

S

B

E

T

A

R

U

M

A

J

E

R

L

I

M

B

A

N

H

E

T

H

I

S

O

A

L

A

A

Z

O

E

J

S

R

A

H

B

B

E

L

I

A

L

A

S

L

O

A

B

E

L

S

I

G

A

S

T

A

E

S

A

M

A

R

I

A

H

L

L

I

S

R

A

E

L

R

A

A

I

G

U

P

T

P

A

L

O

A

H

I

J

A

H

U

S

U

E

Issue hmasa Puzzle chhanna: 1.Petera, 2.Andria, 3.Jakoba, 4.Johana, 5.Philipa, 6.Bartholomaia, 7.Thoma, 8.Matthaia, 9.Jakoba, 10.Thaddaia, 11.Simona, 12. Iskariota

Chawlhni hmasa zan khan HMCF Vice Chairman Dr.C.Dothanga pianpui unau Upa.C.Chhawnzauva, Saron veng, Aizawl leh Nl.Caryna VL Hmingmawii (St.Pious X Degree College) unaupa Tv.Joela, Kolasib te chuan lei piah lam ramah min kalsan ta. Khawhar chhungte kan tuar pui em em a ni. Pathian thlamuana i dil pui ang u. Pu.Dova leh Nl.Caryna te hi chhiat an tawh avang hian Mizoram ah an haw chhuak mek a ni. Tunlai hian HMCF member te hritlang khawsik avangin damlo kan awm neuh neuh a, damlohna tawk zawng zawng te an dam leh thuai theih nan Pathian hnen ah i tawngtaipui ang u. HMCF Executive Committee Member- Pu Lalchungnunga leh Pu Vannuntluanga Pachuau te chu an hnathawhna South Central Railway Police Force ai awh in Football khel tura thlan an ni a, ningani khan Kolkata lam panin an thawk chhuak, dam taka an lo haw leh thuai kan duhsak in an inkhelhna ah pawh an chak ngei kan beisei. HMCF Chairman Pu.Zohmingthanga chu Dt.10-15 Sept.’09 inkar hian rawngbawlna tul avangin a zin chhuak. Zirtawpni khan IIM Board Meeting, Dehrion-Sone ah an nei a, 12-15 Sept inkar hian Kolkata leh a chheh vel ah te rawgbawlna a nei leh dawn a ni. Dam taka Hyderabad a lo let leh kan duhsak e. HMA Sumtuak na turin T-Shirt siam a ni a, karhmasa inkhawm ban khan HMA President Dr.C.Dothanga’n a release a ni. T-Shirt hi Rs.300/man a ni a, la lei lo tan Tv.R.Lalruatfela, Sainikpuri hnenah ngaihven theih a ni. Kar hmasa Pathianni inkhawm ban khan HMCF tana mellung pawimawh ni kumkhua tawh turin General Body Meeting neih a ni a, hetah hian kan Chairman Pu Zohmingthanga’n HMCF Inkaihhruaina Dan(Constitution) siamthar chu member te pawmpui turin a pharh a, inkhawm zawng zawng ten tha kan ti tlang in lawm tak in kan pawmpui. Kan pawmpuina entirnan hian kan kut dinglam theuh phar chhuak in kan nemnghet a ni. St.Francis College, Begumpet zirlai ten tun Inrinni lo awm tur atanga kar leh Thawhtanni thleng awh tur Annual retreat an nei dawn a, College ah hian riak lutin retreat hi hman thin a ni. Retreat hlawhtling tak a an hman theih kan duhsak e. Kar hmasa Inrinni khan HMA Annual Sports 2009 chu neih tan a ni a, nimin khan Univ.of Hyderabad Ground ah chhunzawm a ni a, karleh Inrinni ah UoH ah vek hian neih chhunzawm tur a ni.

Published & Edited by Lalzarzoa for and behalf of Hyderabad Mizo Christian Fellowship

Create PDF with PDF4U. If you wish to remove this line, please click here to purchase the full version