7 June, 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XVIII Issue No 23

TUALCHHUNG LO

: Pu Zosangzuala VCP leh Pu Malthantluanga VC Vice President leh Pu Rothuamliana VC Treasurer phai lam zin pawh dam takin an lo haw leh ta e. TUAKTHAR : 4 June (Ningani) khan Taitesena Section Treasurer Vanlalhriati (Te-i) leh Lalhmingsanga Kolasib te chu Kolasib-ah an innei, Nl. Vanlalhriati hi Taitesena Section Office Bearer kum 10 bawr vel ni tawh a ni a, mi tlawmngai, khawtlang tana a hun leh tha a nulat chhung zawnga hmang \hintu a ni. Kan lawmpui rualin YMA chuan hetiang mi tlawmngai min pem san ta mai hi kan ui hle mai. PUAN PE : Kan \hen tak PU VL Ruata chhungte chuan Branch YMA-ah a tula hman atan Puan engemawzat min pe a, an chhungkaw chungah kan lawm e. YMA DAY THILPEK : Branch Committee in a lo rel tawh angin kumin YMA Day denchhen hian kan veng pawn hmun hrang hrang YMA hnenah Puan 10 (Sawm) theuh pek tum a ni a, a tam zawk chu pek chhuah tawh a ni. Kan pekna hmun turte chu: Sihhmui Branch, Sairang Branch, Sairang Dinthar Branch, Silchar Branch, Guwahati, Kolkata, Delhi, Mumbai leh Vellore te an ni. Kan pek tawhna te chu, Vellore, Guwahati leh Kolkata te an ni a, a dang la pek lohna hmunah hian veng chhung mite YMA Day hmaa zin tur kan awm chuan Branch hruaitute hnenah in hriattir ni thei se a lawmawm hle ang. HRIATTIRNA : NEREF hnuaia Loan dil turte leh thil danga YMA leh VC te hriatpuina mamawhte chuan mahni awmna Section hruaitute hriatpuina leh Family Ration Card an keng ngei tur a ni. FIMKHUR ANG : Fur pui kan thleng leh dawn mek, mi \henkhatin hei hi remchanga lain Septic Tank sah kan ching a, \henawm hnaite tan a rimchhiat bakah hriselna pawhin a tawrh theih thil a ni a, veng mipuite i fimkhur ang u. Ringtute tan chuan tih loha mawi a ni e. Tin, kan inchung atanga tui khawh thla ten midangte harsatna a siam em tih inenfiah fo ila. HAW

Dawrpui News

Kartin Chhuak

Pathianni June 07, 2009

DAWRPUI THLANMUAL THAR

D

awrpui vengin kan mamawh em em, hun engemawchen kalta a\anga kan lo buaipui tawh ‘Thlanmual thar’ chu kan nei dawn tak tak ta e. Thlanmual thar ngaihtuahtu Committee Member-te leh Fund Rising Committee-te inpekna leh \hahnemngaihna a fakawm hle. An ni hian theihtawp tak meuh chhuahin veng tan an tha leh zungte thawhin, an hun hlu takte sengin veng tana an inpeknaah an fakawm tak meuh meuh a ni. He kan thlanmual thar tur hi a leina tur sum hi khawtlangin neihsa pakhatmah a nei lova. Fund Rising Committee-te hmalaknain a leina tur sum hi veng chhunga neinung deuh Pathian malsawmna dawng mi 28-te hnenah Rs. 1,00,000/- (Nuai khat) \heuh 10% punga puk sak a rel a, hei hi kum khat chhunga rulh tur a ni. Heng mi sawmhnih pariatte hnen a\ang hian sum pawh puk fel a ni ta. Heng sum pukte hi Dawrpui khawtlang mipuiten kan rul leh dawn a, kum khat chhunga rulh leh tur a ni. Fund Rising Committee ten Ip siamin In tinah tunkar chhung hian an rawn sem dawn a, Chhung tinte kan theih ang tawk tawk, tlem lua leh tam lua awm lova lo thun \hin turin kan in ngen a ni. Ip hi thla tina collect \hin tura ruahman a ni. Thlanmual hi chhung tinten kan mamawh em em, kan mamawh hun erawh hriat theih mai si loh thil, a lova kan awm theih miah loh thil a ni a, a pawimawh em avangin tumah bang bik lova kan neih sum kan phal ang ang, kan remchan dan anga ui lova lo thawh \hin turin kan inngen tak meuh meuh a ni. Dawrpui Khawtlang mamawh tak Thlanmual thar leina tur sum min puk tirtu, veng tana an neih sumte ui hauh lova \hahnemngai taka min puk tirtute chu heng mite hi an ni. Pu BC Gohain, Pu C. Thangkima, Pu Thansanga (Hauva & Sons), Pu Darchhinga, Pu Van\huama, Pu Bualhranga, Pu J. Thanzuala, Pu J. Thankunga, Pu Rosangliana (P & Sons), Pi Zaithanchhungi, Pu PC. Lianhrima, Pu Sangliankhuma, Pu Rosangliana (Masanga), Pu R. Zomawia (Zotea), Pi Lalparmawii (Parpuii), Pu Andrew Z. John, Pu H. Dingluaia, Pi Thangliani, Pu Ro\huamliana, Pu Vanthangpuia, Pu Lalhmingliana (Zofa), Pu K. Liantuala, Pu Chhawnkima Pachuau, Pu V. Lalliana, Pu Malthantluanga, Dr. Lalsangluaia Sailo, Dr. R. Tlangkunga, Pu Lalthankima Hauhnar.

BAZAR BEAT POST SAWN DAWN TA 1 June ( Thawhtanni) khan New Market (Bazar) ah Home Minister Pu R.Lalzirliana leh Trade & Commerce Minister Pu Lalrinliana leh DGP Pu Lalrokhuma leh Aizawl S.P te leh Dawrpui VC leh Dawrpui Branch YMA Office Bearer ten Joint meeting annei a, he hunah hian hun rei tawh tak atanga Dawrpui VC leh YMA ten Bazar beat Post Bazar chhawng chung sang bera awm hi chhawng hnuai zawk( Ground Floor) a awm tura ngenna an lo siam tawh bawhzuina atan leh thutawp siam turin Committee ann nei a, hetah hian kan Branch President Pu Chhawnkima Pachuau chuan kum 2006 atang tawh khan Dawrpui VC leh YMA ten Joint meeting neiin Bazar Beat Post hi a hnuaia sawn turin lehkha sorkarah an thehlut tawh thu leh nikum khan DGP hnenah te lo thlen tawhin leh Chief Minister kalchhuakta Pu Zoramthanga pawhin a hmun ah a rawn en tawh bakah Aizawl SP leh DGP te chuan a hmunah ngei an rawn tlawh tawh thu leh kan tuna Chief Minister Pu Lalthanhawla hnenah pawh kan thlen tawhthu a sawi a, chubakah Security thu ah a hnuaia an awm chuan mipui tan pawh awlsam zawka dawr theih a nih thu a sawia , telephone an neih loh bakah Police pawh dahbelh turin leh heng bakah hian kan vengchhungah darkar 24 chhung police ten patrolling nei turin a ngen bawka, heng bakah hian thusawina hrang hrang ngaihthlak a nih hnuah thutawp siamin Trade & Commerce Minister chuan Bazar Beat Post chu a hnuai (Ground floor) Bazar building thar Apex Bank hnuai Ground level ah sawn a nih tur thu thutawp a siam ta a ni.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana David Lalhlimpuia Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

VC NEWS

Dawrpui vengchhungah Ration Card siam thar tur a ni a, a hmasa ber atan 8 June (Thawhtanni) zing dar 10:00 atangin Dawrpui South te VC house Upper Bazar ah mahni Ration Card hlui kengin in report tur, Ration Card la nei lo te chu MLA electoral roll No. ken tel tur, heng bakah hian veng chhung area hrang hrang te Ration Card siam hun tur chu tlangau a la inhriattir tur a ni e. Dawrpui Disaster Management team hrang hrang te hun rem chang hmasa berah awareness/Training neih tura in buatsaih tur a ni e.

LAWMTHU Dawrpui VC ten atula pianga hman turin Pu Roliana New Market te chhungkua in Computer min pe a, an chungah VC ten lawm thu kan sawi e Sd/KL Zamvela Secretary VC

Vanapa Section News May thla ZALEN man khawn a lo hun leh tawh a, Zalen min laksaktu zawng zawngte lo inring theuh tura hriattir in ni. ZALEN man khawntu zawng zawngte pawh ni10 June 2009 hma ngei a thehlut hman tura hriattir in ni nghal bawk e.

NGENNA Tunlai hian zan lam ah Bazar Sazawrhna thla velah, zu zuar leh zurui hmuh tur an tam thei em em a. Helai velah hian a bikin khawthimah hmeichhe tam tak tan phei chuan mipa tel lova kaltlang ngam lo an awm fo mai a, a thim em avangin zurui tak tak ten bihruk nan an hmang thin a. Helai kawng a zan lam a kal thin tan chuan kaltlang huphurh awm tak a ni. A theih hram chuan kan thuneitu lam ten Sazawrhna kawtah hian Street Light min dahsak thei hram se a lawm awm hle ang.

Lam Dawn Environment & Forest Dept. sawmnain State Guest House, Chaltlangah June 8, 2009 (Thawh\anni) zan dar 7:00 hian Dawrpui YMA Cultural Club chuan Cheraw leh Sarlamkai ropui takin an Show dawn. He hunah hian Central lam a\angin Dept. hotu lian te an lo kal dawn a ni.he hun pawimawh taka kan veng min rawn sawm hi kan vannei hle a ni.

Pathianni

June 07, 2009

Y.M.A. DAY Kum tina khel lova lo thleng \hin YMA Day, hun ropui leh hun hlu tak, YMA member tawh phawt tana hun nuam chu alo thleng leh dawn ta..! June 15, 2009 hi “YMA Day” a ni a, Zoram puma YMA member-te chuan kumkhat chhunga kan hun ngahhlelh ber pawl a ni awm e. Programme chu hrang hrangin mahni duh angin Branch hrang hrang ten kan hmang hlawm \hin a. Kumin pawh hian ropui leh nuam taka hman tumin an inpuahchah mek hlawm a ni. YMA Dawrpui Branch pawhin he hun hi ropui taka hman tumin a inbuatsaih mek a, hetiang hian ruahhmanna siam a ni : Hnatlang : June 15, 2009 (Thawh\anni) zing dar 6:00 a\angin Vengchhung tihfai hnatlang neih a ni ang a, Section tinin mahni area \heuah hnatlang hi an nei ang a, Bazar Bungkawnah intawhlhawm a ni ang. Sports : Chhun lamah Dawrpui School tualah Sport Item chi hrang hrang neih a ni ang a, Final ropui a ni nghal dawn a ni. I lam ang aw : YMA Day chhun hian Cultural Club lam ten lam an thai nasa dawn a, Hnamlam an entir ang a, a theih phei chuan Chai ropui pawh neih a ni ang. Social Meeting : Zan dar 8:00 (Inkhawm ban)-ah YMA Member Social Meeting - Dawrpui School Hall-ah neih a ni ang a, YMA member tawh phawt chu he hunah hian kal ngei ngei tura ngaih leh beisei an ni ang. Hemi hunah hian Sport lawmman sem a ni ang a, Infuih tharna hun hman a ni ang a, Zaithiam an zai bawk ang. Programme kimchang hetiang a ni :

THENKHATNA Chairman : Pu Rosangliana Vice President Hunserh : Pu Zosangzuala (Upa) Report : Pu Vanlalbika Secretary YMA Day thuchah: Pu Chhawnkima Pachuau President

THENHNIHNA Opening song : YMA Zaipawl Solo : Nl Laldinpuii (Vanapa Section) Duet : C.Lalrinpuii leh Ruthy Lawmman semna: Branch YMA Sports intihsiakna Female Voice : Nl Zorinpuii leh a thiante Lawmman semna : Branch YMA Sports intihsiakna Solo : Dr Zothansanga Special item : Tv Lalruata leh a thiante Section inchhiarna :Pu H.Dingluaia, Br.Treasurer Lawmman semna : Section Over all Champion Vote of Thanks : Pu VR Hmachhuana, Br. Asst Secretary Mawhphurna chelhtute : Announcer - Pu R.Zoliana leh Nl C.Laltlanmawii Seat arrangement - Vanapa Section Refreshment - Taitesena Section Thuthleng senghawi - Chawngbawla Section Ngaihtuah zui teh Naupang Lehkha thiam theilo ve tak mai hian a report Card a rawn hawn a, a pa pek pahin, “Ka pa, lehkha zirnaa ka harsatna hi inthlah chhawn thil nge kan chhungkaw boruak zir loh zawk?” a ti zet zet nia.

3

Dawrpui

News

Kartin chhuak

TANPUINA AN PE June 4, 2009 (Ningani) zana Raphael,s Gospel Ministry-in Gospel Concert an buatsaiha an sum hmuh ang angte chu Dawrpui Vengchhunga khawsak harsa zual, \anpui ngai nia an hriat, chhungkaw 20 (sawmhnih) hnenah |anpuina an hlan fel ta. Hei hi Dawrpui Kohhranin thupui a neih “Nang malsawmna ni ang che” Gen. 12:2 bawhzuina hmasa a ni. (Raphael,s Ministry hi Dawrpui vengchhung mi, \hahnemngaite rawngbawlna a ni a, Jail-ah te, Home-ah te leh Zoram hmun hrang hrangah rawngbawlna an kalpui mek a ni. An thiltih ropui tak hi mi tam tak tan malsawmna a nih ngei kan beisei.)

Branch Sport News Section hrang hrangte inelna kan neih mek chu June 15, 2009 (Thawhtanni) nileng hian neih chhunzawm a ni leh dawn. Sport Item 10 (Sawm) lai inelna tur ala awm a, Section Champion tur hriat ala har hle. A hmawr bawkna YMA Dayah hian Naupangte tan pawh infiamna hlimawm tak tak buatsaih tum a ni a, veng chhung naupang zawng zawngte kal vek tur a ni. Inelna tur Item hrang hrang la awmte hi issue lehah rawn tarlan a ni ang. Section tinte lo inbuatsaih tura hriattir kan ni e. Section hrang hrangte kum kalta lama kan Trophy lak zawng zawng June10, 2009 (Nilaini) ral hma ngeiin Sport Sub-Committee Chairman Pu Ziakkima Pachuau hnenah thehlut vek tura hriattir in ni e.

MUP HRIATTIRNA Kan Member pui Pu VL Ruata’n chatuan ram min lo pansan tak avangin MUP Member ten a hnuaia hun leh hmun ruatah hian ral tur a ni a, Member te a tam thei ang ber kal i tum ang u. A hmun : Pu V.L. Ruata In, New Market A hun : June 7, 2009 (Pathianni) 3:00 Pm Chairman : Pu V. Lalawia Hunserh : Rev. H. Zalawma

Sd/Zadingluaia General Secretary

June 07 2009

Pathianni

HRISELNA - Dr. Thangchungnunga

MIT (GALL BADDER) Mit hi kan zai a, lung awm paih te a ngai a, gallbladder nei lo hi an tam tawh mai a. A hnathawh ber chu storage (chhekin) a ni ber a, a \ula hman thut tur dah khawmna a ni. Bile (a chhunga tui) hi a tlangpuiin sawi mai ila, thau lampang leh mawm lampang control-tu a ni a. Chuvangin, englai pawhin puar lang lang tham hi a chhekkhawl a, nitin mamawh erawh chu a kal thla ve reng a. Entirnan, Vawksa thaute hi ei \euh ta la, bile (mit) a mamawh tam em em a, a ip-a awm zawng zawng kha a rawn bun chhuak a, buai lem lo in kan awm theih phah a ni. Engemaw avanga Mit paih (zai) alo nih hian nilenga tlemte te-a a luangchhuak bak chhekkhawl sa a nei lova, chuvang chuan Mit paih tawh chuan sa leh thau mawm te, thil rim na lutuk te, an ei ve hian a chiah raltu tur mit a store sa a. Bun huk tur a neih loh avangin pumte a nuam lo el ul a, ekte a tidik lo thei a, a chang phei chuan thau niawm tak tak te an e chhuak \hin. Chuvang chuan Mit nei ve tawh lo ho hi chu fimkhur deuh a ngai a. Ei tur pawh thlan fimkhur a ngai ve a ni. A awmzia chu Mit nei tawh lo tan mi ei ang zawng zawng ei ve \euh \euh theih a ni lo tih hriat a \ha. Chaw ei hrim hrim hi kan in-control thiam a \ul hle. Ei tam hi chakna a ni lova, kuttum tia lenglawng hi ei reng la, i pumpui pawh alo te ve hret hret ang a, puar ve em em tho in kuttum tia chauh hi a ei kumkhua theih a ni. Chaw hi ka ei tam ngai lova, ka puar ve tho a, ram vah te, hnathawh hah te, tluk loh ka nei bik lo. Chuvangin, pumpui lianpui nei lovin

Hriattirna ICFAI University Mizoram : ADMISSION open for full time ACEDAMIC year 2009, PROGRAMS Offered : BBA BBA, BCA BCA, BHTM BHTM, & MBA Prospectus Available at ICFAI University Mizoram Chaltlang Darkawn, Phone :

2344917 /2306409 / 9862596226

pumpui tih tet i tum ve \an ang u.

Airtel Hriattirna June 9, 2009 (T ha whlehni) zing dar 10:00 a tang hian Air tel Compan y (Tha haw atang Airtel Company chuan Bazar Bungka wnah R w a nei da e-P dawn Pre-P e-Paid Bungkawnah Road Show oad Sho wn a, Pr aid Non Stop Booking a tih theih ang. Ken ng aite : ngaite

Passpor e T hlalak pakha assportt siz size pakhat. t. Voter ID/Dri ving License Xer ID/Driving Xero ox. Rs. 75/-

Nokia Handset SIM Card chhawm chi pawh a book theih nghal ang.

4

Dawrpui

News

INFIAMNA

Kartin chhuak

S.K.A

June

Pathianni

07,

2009

PRESBYTERIAN

INDIA FOOTBALL LEAGUE : FOOTBALL BAZAR

English Premier League leh Europe ram hrang hrang league buaipui reng reng in hun kan hmang thin. Kan chenna ram India ah pawh Football League changtlung tak ONGC sponsored I.League pawh khelh zawh a ni a, Tunlai hi transfer bazar lai niin club tam tak te an insingsa nasa hle.Players langsar tak tak te pawh an khelhna club an sawn ve nual a, Mizo footballer te pawh a langsar zingah an tel ve zel. Tunhnai a Indian striker lar East Bengal a khel mek Sunil Chhetri chuan Bengal chhuahsanin Goa club lian Dempo SC a zawm. Mizo footballer zinga kawngsialtu pawimawh taka ngaih S Malsawmtluanga pawh a khelhna Mohun Bagan chhuahsanin club thar thangduang tak Chirag United ah a lut.Mama rual hian Rahul Kumar pawhin Mama hnungzuiin Chirag Utd. lam ah a insawn ve bawk. Hetih lai hian Chirag United player thenkhat te pawh an chhuak ve tho mai, Subair Muritala chuan Mahindra lam a zawm a, Ayeni Bidemi Daniel pawh I.league a rawn inhlang kai Shillong club Lajong FC lamah a kal.Churchill Utd atangin Snebasis Chakroborty pawh East Bengal lamah a inziak lut. Indian Football sawi apianga lo lang thin Mohun Bagan tana khel mek Baichung pawh a club khelhna chhuahsan a tum mek thu sawiin a la chhuak fel chiah lo a ni. Hmanni lawka National Championship U-21 Final a Mizoram hnehtu Punjab tana khel mizo tlangval Lalchhuanmawia (Lengpui) pawh JCT Acedemy atangin Senior Team ah contract puitling a ziak fel dawn. Hei mai hi a ni lo, He championship a Mizoram team player thenkhat te chu club lian tak tak, (Dempo,East Bengal,Mohun Bagan, Churchill,Mahindra.etc..) scout te chuan an enthla mek bawk. I.League lo awm tura inhlangkai Pune FC striker Jeje Lalpekhlua pawh contract awmze nei deuh ziah pui anih thu dawn a ni. FC Pune hian India team tan pawha ropui tak a Goal lo veng thin Paul Subrata chu a khelh mekna East Bengal atangin an la. Paul hian 2007 khan I.league Best G.K atan thlan a ni. Mizoram team tlak fel tawhna Santosh Trophy khelh mek ah vawi -1 lo champion ve tawh kan thenawm Manipur chuan champion lai leh champion leh ngei tum Punjab chu 2-1 in an hneh EUROPE : Real Madrid chuan Coach thar annei leh ta! Villareal coach Manuel Pellegrine chu coach atan an lallut fel der mai.President anih hmasak laia ‘team Galactico’ dintu Florentini Perez hian Adviser atan Zidane ala lut a, Sporting Dir.hlui Valdano chu Zidane nen a thawk dun turin a la lut bawk. Abu Dhabi Company hausa tawntaw in an lei tak Man City chu an thawm a na hem hem dawn hle mai.A hmasaber atan Villa star Barry an la lut a, target dang te chu: Carlos Teves, John Terry, Buffon, Ribery leh a dang pawh an tam. Player leh Coach ni chunga Champions League NoMawi dawng thei Ancelloti chu Chelsea coach atan ruat fel a ni a, Milan lama a nau thenkhat Seedorf leh Alex.Pato te pawh Blues lama kal ve tur a ngaih anni.Ancelotti hian Portsmouth tana khel mek Glen Johnson a duh thu a sawi lang nghal. Kum 2006 Nipui Bazar hunlaia Chelsea in an lak luh Michael Ballack chuan kum 2010 thleng contract thar a ziak fel.Ballack hian Blues tan game 100 khel tawhin goal 20 a thun tawh . Europe khawmualpuia club lianbera inchhal Real Madrid chuan Coach thar annei leh ta! Hlawhtling taka Villareal lo enkawl tu Manuel Pellegrine chu tunkar khan coach atan an lallut fel der mai.

June 7, 2009

PATHIANNI

GOSPEL CRUSADE

Zirtawpni zan a\ang khan Rev. C. Chanchinmawia, Bawngkawn Speaker-a hmangin Gospel Crusade neih a ni. Vawiin nileng hian hnun hman ala ni ang. Hei hi Kohhran mipuite tan a nih bakah a bik takin Kohhran mi, phai lama lehkha zirte, chawlh hmang mekte puala tih a ni.

K|P June 8, 2009

Thawh\an Zan

Hruaitu : Pu R. Zoliana, c/m |antu : Nl.Lalrindiki, Gabriela Group. Thilpek lakhawmtute : Nl. Lalhmangaihzuali, Uriela Group Nl. Lalrawngbawli, Uriela Group Thusawi & Report

: Pu R. Lalngaihawma, Missioanry

(Damlo pual thilpek bawm hun a ni ang)

TAWNGTAI INKHAWM A hmun Hruaitu Tantu

: Fellowship Hall : Nl. Zotinkimi, Mikaela Group : Nl. Ellen Malsawmzuali, Uriela Group

SALVATION ARMY THIANGHLIMNA INKHAWM (31.05.09)

Penticost Sunday Hruaitu Thusawitu

: Maj. Rochhungi CO : Maj. Vanlalhuma CO

PUITLING SUNDAY BIBLE SCHOOL Hruaitu

: Tv. S. Lalrengpuia CHHANDAMNA INKHAWM

Hruaitu Thusawitu

: Nl. R. Lalremtluangi : Pu Robert VL Thlamuana OSCS

SAY HUNRUATNA THAWHTAN ZAN INKHAWM (01.06.09) Hruaitu Zirlai Zirtirtu Bible Chhiar Thawhlawm Solo

: Tv. Joseph Lalremmawia : Human Trafficking : Maj. Vanlalnungi : Nl Janice Lalchungnungi : Tv. Lianhmingthanga : Nl. Nancy Lalramhluni

Published by Y.M.A., Dawrpui Branch, Printed at G.S. Offset Printers, Treasury Square