22 Nov, 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu tanpui ngaite tanpuitu a ni” Vol : XIX Issue No 46

Dawrpui News

TUALCHHUNG DAMLO : Pi Ramthangi w/o R. Lalbiakdika, Medical Qtr. chu a Cancer natna check-up turin Nov 19, 2009 (Ningani) khan Guwahti panpui a ni. Tv. R. Lalhmingmawia s/ o R. Lianbanglova, Zion Street chu Malaria natna avangin Vaivenga Hospital (CARE) -ah enkawl mek a ni. Nl. Lucy Ngaihbanglovi d/o John Rotluangliana, New Market (V. Sect) chu Nov 17, 2009 (Thawhlehni) khan a Rilphir zai a ni a, Vaivenga Hospital-ah enkawl mek a ni. Pi Lalthangthuii w/o H. Thanmawia, Church Sqr. chu Vaivenga Hospital-ah hun rei vak lo enkawl a nih hnuah in lamah enkawl zui a ni. Amah hi kan YMA Treasurer Pu H. Dingluaia nu a ni. Pu Lalthansanga leh Pi Thanmawii, Zion Street-te chu Checkup-in Guwahati-ah an kal a, tluang takin an lo let leh ta. An unau pa Pu Lalthansiama pawh Nov 20, 2009 khan Check up turin a kal ve leh thung. ZIN : Pastor R. Vanlalnghaka chu Refresher Course training nei turin Nov 20, 2009 khan Delhi lam panin a kal a, ni 30 thleng an training ang. Tv. Nelson Lalthanpuia, Bazar Bungkawn (Ch. Sect) chu Leprosy Zaipawl rawngbawlna a telin India ram hmun hrang hrang tlawh a hun rei tak zaia rawngbawlna an neih hnuah Nov18, 2009 (Nilaini) khan dam leh tluang takin an lo haw leh ta.

P ASS THAR : Nl. Lucy Ngaihbanglovi d/o John Rotluangliana, New Market chuan B.Sc. Nursing Ist Div.-ah a pass a, kan lawmpui em em a ni. JOINT COMMIT EE : Nov. 23, OMMITEE

2009 (Thawh\anni) zan hian Dawrpui VC chuan Khawtlang thil pawimawh hrang hrang relho turin YMA, MUP leh MHIP OB-te Joint Committee a ko a, member-te ngaipawimawh tura beisei an ni.

Kartin Chhuak

Pathianni

November 22, 2009

Central Coordination Committee Vawi 61-na Nov 11, 2009 (Nilaini) khan YMA Central Coordination Committee chu Central YMA Hall, Aizawl-ah neih a ni a. Member an kal \ha hle a, member 140 zet kalin kan Branch aiawhin Pu Lalrammuana a tel a ni. 64th YMA General Conference report ngaihthlak a ni a, thurel tam tak zingah hengte hi kan han tarlang e: YMA khawih :1. Faina chungchangah chak zawka hma lak ni rawh se 2. Mihring hriselna atana \ha lo chi Polythene Bag kan hman tlem zawk nan uar zawkin inzirtir nise tih a ni. 3. ILP nei lo hnam dang dap chhuahna kawngah Central YMA in hma la tura pass a ni. 4. Kan in hmun/lo ram te hnam dang (Non-Tribal) hnenah hralh a nih tawh loh nan hmalak ni rawh se, tih chu lungrual taka pawm a ni. 5. Mi dik leh rinawmte chawikanna tur leh ram leh khawtlangin hma sawnna turin kuttling lova sum lak \hat lohzia uar zawka zirtirna ram pumah neih ni rawh se, tih a ni. Sawrkar Khawih : 1. Sikul zirlaiah Mizo nun zemawi tam zawka telh ni rawh se. 2. “Mizorama Foreigner lo lutte khuahkhirhna dan sorkar-in a neih sa hi khauh takin kalpui rawh se,” tih chu CEC bawhzui atan dah a ni. Hengte bakah hian YMA Danpui-a siam \hat ngai laite siam \hat a ni bawk. Kum 2009 - 2010 kumpuan rawtna hrang hrang lut a\angin “Khawtlang Nun Siam\hat” tih pawm a ni a. Kumpuan Kaihhruaina lo duang turin heng mite hi ruat an ni : Convener : Pu C. Zoramliana, Vice. President Secretary : Pu R.L. |anpuia, CEC Members : Pu J.H. Zoremthanga, CEC Pu K. Sapdanga, CEC Pu H. Vanlalrawna, CEC Dr. K. Rokhawla, CEC

Dawrpui Khawtlang dinhmun Dawrpui Khawtlang dinhmun hi kan sawifo \hin a, \henkhat thengathawngah a lut lo mai thei? Mahse, sawifo a ngai si a nih hi. Hengte hi lo zirbing ve teh u, engtin nge kan tih ang? 1. Nov 14, 2009 (Inrinni) khan VC leh YMA Ex. Committee member leh Section OB ten nilengin Dawrpui vengchhunga Dawrkai an dawr bak a Varandah vela dawhkan leh thil zawrh dahchhuakte ti tawh lova, mipui tana hmunawl tam zawk kian ve tura ngenin nilengin an fangkual a. A tirah chuan an han ti ve mai a, reilote hnuah a ngaite bawkin an tizui leh mai a. Hah man a awm lo hle. Hemi chungchang hi kan VC ten an bawhzui zel dawn niin kan lo hria. 2. Sualna a pung nasa a, kan vengah rukruk leh ruihhlo zuar leh hmang \hin te an huangtau hle a. Veng mipui nun a ral\i ta lek lek mai! Kan YMA leh VC ten theihtawp an chhuah mek a, mipui ten kan theihna chin chinah i thlawp tlat zel ang u. Tunlai hian YMA lamin zan lam Duty a ruahman a, kartin Thawhlehni zan leh Zirtawp ni zan Duty hun a ruat a, hminghmerh in mahni Duty hun pawh an ruat a. Mahni Duty hun nana chu ngaipawimawh tlang ang u. Tin, Nov 21, 2009 Inrinni khan VC huaihawtin khawtlang nun siam\hat chungchangah kan vengchhung YMA, MUP, MHIP Leader KTP&SAY, FXB, SHALOM, VOLCOMH etc. Joint Commitee an nei a ni.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

LAL PIANG CHIBAI BUK Kan ti nek nek Krismas kan lo hnaih leh ta hle mai! He hun lawmawm, mitin ngahfak, mitin hlimna hun hi rilru leh thinlung taka hmang turin in buatsaih ang u. Kumin hi kan veng vanduai kum a ni hawt mai a; Kan chenpui, kan laina, kan chhungte mi 35 zet kan \hen kum a ni a, \henkhat ten mittui nen an hmang dawn tih pawh hriatpui ila. A tawk chin pawh i hre thiam ang u. Hlim leh lawm taka Krismas kan hman theih nan kan vengah Ruihhlo chi hrang hrang DO kawngah chhungkaw tin ten \an la ila, thil \ul lo leh pawimawh lo, Krismas nena inkaihhnawih lo Halpuah hal lo tur pawhin infuih ang u. A bikin tunlaiah kan veng hmun hrang hrangah sualna a nasa a, tin, he hunpui denchhena sual rawngbawl tum an pung tih pawh hria ila, Lal piang chibai buk turin mahni \heuh inbuatsaih ang aw...!!

Ngaihdan ABC kawng phei-zawl zau lai Biak In Compoundah hian Motor dah a tam lutuk a, \henkhat phei chuan a chhiate an siam a, Workshop emaw an ti ta mai em ni? Mipui tan kalna pawh a awm ta meuh lo e. Thuneitu lam hian min han bawhzui sak teh u a...!! - A bula chenga Inrinni hmasa khan VC leh YMA hruaitu ten mahni dawr/building bakah thil zawrh hungchhuak \hinte tih tawh lo tur leh mipui tana kian ve turin an ngen kual a, a tirah chuan an zawm mai a, a tuk mai a\angin a ngai bawk a ni leh mai a. Heti em em a in zahlohna hi Na ka ti... kan hruaitute khan han bawhzui leh thuai teh u.Pls. - YMA hruaitu kalvea Kan Branch YMA Chanchinbu “Dawrpui News” in Mizoram pumah YMA Chanchinbu Intihsiakna a lawmman 4-na (Palina) lai kan lo dawng leh ta hi ava lawmawm em! Kan hruaitute leh Editorial Board Member-te inpekna ka fak a, ka chhuang che u a ni. |ang zel ang che u, lawmman 1-na (pakhatna) hlat lo e. - YMA Member Pu Dr. Tc, i inpekna leh i taimakna hi ka fak a, nangmah avangin Dawrpui News hi a hlu a, a zahawm - Sama Pa a, ava \angkai em...

Pathianni

November 22, 2009

Lawmthu Sawina Nov 5, 2009 (Ningani) a Dawrpui MUP Unit ten Chalfilh Tlanga Intihhlimna an neih tuma an lo haw lam, Beraw Lui bula zunzung tura kham awih taka tla liam ta kan Nu, Lalthanzami chungchangah lawmthu sawina tur tam tak kan nei a. A kalpui MUP member ten thlabar leh chiai tak chunga \awng\aina nena tan an lo la te, hemi an hriat veleha Beraw Lui kama cheng Section YMA member ten hruaizen rawn thawhchhuahpui a, zan thimtak karah leh hmun awih bawk si a harsa tak chunga kawngpui an rawn thlen chhoh puite, an kalpui Driver-te ngei pawhin a rang thei ang berin amah zawng in an liamthla nghal a. Zemabawk a hemi thu lo hria a lo hmuak tute leh Hospital thlenga rawn zuitu te, Casualty kawta Dawrpui Khawtlang VC, MUP, YMA, MHIP leh lainattu hmun hrang hrang a\anga lo kal zawng zawng te leh kan Doctor leh Nurse ten a \ul ang zawng zawnga hma an lo la nghal char charte kha keini chhungkaw tan chuan theihnghilh chi a ni lova, heng zawng zawngah hian a nunna min chhanchuah saktu Pathian hnenah leh in zavaia chungah lawmthu kan sawi tak meuh a ni e. Tunah hian a ruh \henkhat tliak deuh tih loh chu a \ha chho zel a ni.

Lalrinpuii te Unau leh a tu leh fate Bara Bazar, Dawrpui.

Lawmthu Sawina Kan pa duhtak Lalniliana Sailo SI of Police Nov 16, 2009 zinga min boral san chungchangah lawmthu sawina tur tam tak kan nei a, mimal tin hnenah kan sawi theih loh avangin hei hi kan lawmthu sawina a min lo pawmsak hram turin kan ngen a che u. A damloh chhung zawngin alo dam leh theih nan amah enkawltu Doctor leh Nurse ten theihtawp min chhuahsak a, kan thenawm a bikin Police Qtr.-a kan chenpui, \henawmten chhun zan zawmin min vil chawt reng a, kan thla a muang a, kan lawm em em a ni. Guwahati panpui a ni a, hmangaih leh lainat takin enkawl mahse a nunnain a tlin ta lo a ni. Guwahti-a Mizo awm ten min rawn kanin min chhawmdawl nasa em em a, a boral hre hmasa a piang lo tlankhawmin Mizoram House-ah a ruang la pheiin Kuang mawi tak min siam sak a. Kohhran hrang hrang ami te lo tlankhawmin Rev. Lalrimawia, Field Secretary, Assam Mission Field-in thlamuanna thuchah leh \awng\aina hmanga min thlahte kha kan theihnghilh ngai tawh lovang. Dawrpui khawtlang kan ti buai hle a, lam a hlat em avangin ruang kalpui chhung a rei a, dawhthei takin min nghak a, chu a chhapah kan u Churachanpur ami hrethiam taka hun rei tak min lo ngahpui thei te kha kan lawm tak zet a ni. MHIP ten kuang mawi takin min chei sak a, YMA ten kan tih tur awm miah lova neitu chan an chan avang te, Kohhran hote leh mimal ten nasa taka min \awng\ai sak rengna te, vawiin thlenga \henawm khawveng, \henrual \ha ten kan khawhar hlaua min lenpui reng te hi kan lawm e, tih mai loh chu kan sawi thiam lo a ni. Kan lawm e . In khawngaihna dawngtute,

Rosy Lalrammawii leh a fate Thana Tlang (Jail Veng)

3

Dawrpui

News

Kartin chhuak

Pathianni

November 22, 2009

KAN |HEN TAK

HRISELNA

DIALYSIS - Dr. Thangchungnunga, MS (Ortho) Dialysis tih hi mizo \awngin a awm lo va, chuvangin kal(kidney) \huahfaina a ni ber mai a.He thil hi a \angkaiin nunna pawh a chhan hnem ta hle.Kal a \ha lo kan tih hian thisena bawlhhlawh leh paih tur ho kha paih thei lovin a luang tlang ringawt a. Tui te, bawlhhlawh te, a paih chhuak tur a ni a.Mahse, taksa a bikin liver (thin) \ha lo te, amah kal hrim hrim \ha lo te leh natna dang dang vangin a khawl hi a tawp hmak thin a ni.chutiang a lo nih chuan, zun a insiam ta lova, zun aiah taksa pumah a kal kual a, an vung ta bur thin a ni. Taksa a bawlhhlawh awm te paihchhuah loh a lo nih chuan reilote ah unconcious (engmahhrelo) in an awm ta mai a ni.Hemi, kal (kidney) thawk theilo hi Dialysis khawl hian a thawh sak ta a. Thisen zawng zawng hi khawl ah a kal kual a, a inthlifim-a, kal pawh zawi zawiin a lo \ha ve leh a, an dam ve leh mai \hin.Mahse kal (kidney) kha engtinmah thawk thei tawh lova chhia a lo nih chuan, kal thlak a nih loh leh nunin a tlin loh hun a awm thin a, kal \ha lo tam tak Dialysis vanga dam leh hi an tam em em tih hriat tur.Tunah chuan kan Hospital a changkang ta hlawm a, heng khawl \ha te hi kan nei ta a, nunna tam tak chhan a ni ta reng a ni.Dialysis tih laia a bawlhhlawh paih chhuah han hmuh chuan rapthlak khawpin a bal a ni. Heng zawng zawng piah lamah hian Dialysis ngailo turin, zuk leh hmuam, zu in te sim a, tui leh thingpuisen hang a tam thei ang ber in tum tur.Tichuan, i lo hrisel ang a, Dyalisis khawl hi i mamawh lo mai ang. (Hriselna Huang taima leh tlawmngaia min ziak sak \hintu Pu Tca chungah lawmthu kan sawi nawn leh a, a spelling tih dik loh palh kan nei leh \hin erawhchu pawi kan ti a, hriatthiamna kan ngen e. Tin, MS Ortho. tih turah MD kan lo tih palh leh \hin a, ngaihdam kan dil bawk. Ed )

Hriattirna Millenium Centre Building hmar thlang lam (Jail Veng pan chhohna kawng te sirah) compound chhung hmun awl laiah hian Building bang nghengin mi tu tih hriat lohin Tuizem chhia (Water Tanky) a hung a. He Tuizem hi Millenium Centre Authority Staff te chuan a neitu awm an zawn chhuah theih loh avangin he Tuizem hi Dawrpui vengchhung mi ta a nih chuan Nov 25, 2009 hma ngeia Millenium Compound chhung a\anga lasawn tura ngen a ni. (He thu hi R. Lalnunpuia, Manager, Millennium Centre Authority hnen a\anga chhuah tura ngenna kan dawn a ni e. Ed)

KAN LAWM E

Pu Lalrintluanga hriatrengna atana a nupui fanauten Khuang Stand YMA an pek chu a ke a sei deuh avanga hunrei tak siam duh a kan awm laiin Pi Lalrimawii te chhung chuan a man awm lovin min tih sak a, kan lawm em em a ni. Pi Rosy Lalrammawii te chhung Thana Tlang chuan YMA ten a \ula hman atan Puan \hahnem tak min pe a, an chungah lawmthu kan sawi bawk e.

Pu Lalniliana Sailo

(1966 - 2009) Pu Lalniliana Sailo hi thlahtu lamah chuan Pawibawiha Sailo Lal thlah kal zel niin, Buhban Lal, Lalchia Sailo (L) leh Thangliani Sailo (L) te fatlum ber a ni. Kolosib nula Rosy Lalrammawii d/o Lalrochhunga ASI (L) nen inneiin fanu pathum an nei. Kum 1956-ah an chhungkuain Churachandpur, Manipur-ah pemin, 1966 khan a lo piang a, pianpui unaute 6 a nei. Zirna Vairengte High School atanga Matric zir zovin, Kolkata-ah PU (Arts) a zo va. Chumi hnuah kum 1988, April ni 13 khan Mizoram Police Constable a zawm a. Departmental exam-ah tlingin kum 1991, September ni 5 khan ASI-ah kaisantir a ni a, a hnathawhnaah hian Pathian khawngaihna leh tanpuina, hotute duhsakna a dawng nasa a. Ni 19, September 2000 khan Departmental exam bei leh in tuna a chelh lai SI hna ah hian kaisantir a ni leh ta a ni. He hna a chelh chhung hian Mizoram hmun hrang hrang ah dah a ni a. March 2009 khan Darlawn Police Station-ah OC dah a niin a boral thleng hian a thawk zui ta a ni. Pi Ni-a hi an hlawh la turin ni October 30, 2009 khan Aizawl ah a rawn kal a. Nov. 4, 2009 khan a lu a na vak mai a, a luak bawk a. Darlawn damdawi inah dah luh a ni a. Aizawl -ah lakthlak a niin,. Vaivenga Memorial Hospital -ah dahluh a ni a. Hmun pui zawk pan pui tula hriatna avangin thlawhna in ni 10.11.2009 zing dar 9 AM khan Guwahati panpui a ni a. ICU-ah dah nghal a ni a. Hemi zan la la hian ICU atang chuan ICCU ah sawn leh a ni a. A lu chhunga thi put chu tih reh mai theih a nih loh avangin a lo chau hret hret a, Nov 16, 2009 (Tawh\anni) zing dar hnih rik dawn chuan a natna tuar lovin chatuan ram a lo pan ta a ni. A ruang hi Guwahati a\anga Motor-a phur chhoin Nov 17, 2009 zing dar 7:40 -ah an chenna Police Qtr. thlenpui a ni.

COMMITEE KOHNA A hnuai hmun leh hun tarlan ang hian Dawrpui Miltipurpose Centre Demnad Commitee pawimawh tak koh a ni a. Member zawng zawng leh Cell tin Member ten kohna hran siam a nih dawn loh avangin hei hi kohna a ngaih tur a ni e. A hmun : Dawrpui School Hall A hun : Nov. 26, 2009 (Ningani) zan dar 7:00 Sd/- Secretary, DMCDC, Dawrpui. Lalhmingsangi d/o Darneihthanga, Dawrpui, Aizawl tih i lehkha tur pawimawh tak pekna tur che an hriat loh avangin, Dawrpui a i awm a nih chuan YMA Secretary, Pu Vanlalbika hnenah lam thuai rawh

4

Dawrpui

INFIAMNA

News

Kartin chhuak

Pathianni

November 22, 2009

SK - A

JOHN MICHAEL NCHEKWUBE OBINNA Height: 6' 2" Weight : 86 kg Clubs : Lyn Oslo. Nationality: Nigerian Dt.O.B:- 22 April 1987. Jos, Nigeria English Premier league a hmahruai mek Chelsea kan thlur bing deuh,\henkhat tan a ninawm mai thei mahse, team balance \ha leh khawng ber a ngaih mek hi hmaih palh an hlauhawm tlat. A bik takin an mihang kawl ho hi belhchian an chak awm. Kum 2006 a football transfer boruak siam tu ber a ngaih he Nigerian rawlthar la tur hian FC Chelsea chuan Man.United hnenah £12 million leh Lyn hnenah £4 million, a belh khawmin £16 million.ngawt sengin an la lut a ni.Chelsea in Premier league title an lak hnua player an seng-luh hmasakber pawl niin kum 22 chauh ni mahse a pian a \ha in sa \ha tak, tual \awng takin ‘khal tak’ goal thun lamah chuan beisei vak chi pawh a ni lo.Mahse team dang player te goal khung tur erawh a chhaih buai ve viau, he Nigerian hi an tawn tlang a ngai tlat \hin. Football khawvelin a hmelhriat hmasakna ber chu African Cup of Nation - 2005 August ah khan Ram tana senior team-a a game hmasaber a khel a ni. Kum 2005 ah veka neih FIFA U-20 World Youth Championship khan Nigeria chu final thlen puiin Argentina lakah an vanduai hlauh a ni. Mikel hian silver boot (2nd-na) a dawng nghe nghe.Hemi hma hian FC Chelsea training ground ah enchhin (trial) a lo ni tawh a. Hetih hun laia Coach José Mourinho duhzawng tak niin, mihang, tharum ngah ngaisangtu Mourinho chuan a hnu lawkah a lalut nghe nghe.Chelsea team tana a trial khan Chelsea player ho pawhin a thiam zia leh a quality \hatzia an sawi. Ram tana a khelhpui thin Salomon Kalou nen an inkawp chho chu tawrhlelh awm tak anni.Training na lamah a che \ha \hin bawk a first team ah pawh hmun pawimawh chang chho zelin 2007 FA Cup Final-a an chakna ah pawh khan a thawh hlawk hle.Hemi kum vek hian Chelsea Young Player of the Year atan thlan a ni. 2007/08 season-a lo thlen meuh chuan midfiled phuarkhawmtu ber a ni chho ta hial a, Madrid duhloh Chelsea in an chhawr \angkai em em Makelele hmun a rawn luah khat hneh hle.Mahse a nunkawng a tluang vek lem lo.Avram Grant a hnuai-a a game hmasaberah hnawhchhuah ani Carling Cup semi-final ah Everton an hmachhawn \umin red card a hmu leh bawk. Hetih lai hian African Cup of Nation Ghana-a neih ah erawh Nigerian player rinrawl ber a ni tho. Kum 2008 Carling Cup Final ah pawh khan mit la berte zinga mi a ni. Essien inhliam bawk nen Obi Mikel chu Chelsea innghahna ber te zinga mi niin season liam ta pawh khan Chelsea sponsored tu zinga company lawk pawl tak Etihad Airways Chelsea Player of the Month (December) atan thlan a ni. Mikel hian harsatna pakhat a neih chu goal thun a ni. Midfielder te hi goal thun tura beisei reng tur chu anni hauh lo, mahse a khat mai tawk chuan an thun ve \hin. Stamford Bridge-a a season hmasaberah goal 2 thunin chu pawh FA Cup a ni. Team-mate (Lampard,Drogba,Anelka.etc.) ten an awl hneh \hin viau. A hna pui ber erawh goal thun tur lo ven a ni.

PRESBYTERIAN Pathianni

NOV 22, 2009

SUNDAY SCHOOL S. S. Tantu

: Pi VL Rammawii, B-I Chhun Inkhawm

Tantu Thusawitu

: Pi Zohmingliani Bial - 1V : Tv Lalhunmawia III BD ATC Zan Inkhawm

Thusawitu

: Upa R. Englaia

K|P Tawng\ai Inkhawm : Fellowship Hall : Nl. PC Laltlanthangi, Mikael Group. : Tv Lalliantluanga Gabriel Group : Tv.. Lalchhandama, Com. Member

A hmun Hruaitu |antu Thusawi tawi

Nov. 23, 2009 Thawh\anni Zan Hruaitu : Nl. Lalnunkungi, Com.Member |antu : Tv. HC Ramnunmawia, Gabriel Group Thawhlawm : 1) Nl. Lalmuanpuii., Uriela Gr. khawntute : 2) Nl. C Zarzoliani, Uriela Gr Thusawi : Pu Zoremmawia Com. Member

SALVATION ARMY Nov 22, 2009 THIANGHLIMNA INKHAWM Hruaitu Thusawitu

: Maj. Kalkhami : Maj. PC Thansanga CHHANDAMNA INKHAWM

Hruaitu Thusawitu

: Nl. H Lalhriatpuii : Pu Vanlalrova

Nov. 23, 2009

SAY THAWHTAN ZAN

Hruaitu Thawhlawm hlantu Bible Reading Thusawitu

: Nl. Lalthanmawii : Nl .Nancy Lalramhluni : Tv. Larry Lalrinsanga : Tv. Victor M S Dawngliana

Bengchheng Loang u Tunlai hian Zirlai hrang hrang Final Exam lai a ni a, chhungkaw tin leh mimal tinte midang tana Bengchheng siam lo turin kan inngen e. Mite tana ninawm khawp bengchheng siam hi Air Pollution a ni hrim hrim a, dan pawhin a phal loh a ni.

Published by Y.M.A., Dawrpui Branch, Printed at G.S. Offset Printers, Treasury Square