Bma Aw 22 Nov 2009

BMA AW An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007

Vol. XV Issue No.34 Bangalore Mizo Association Pathianni Tin Chhuak Chanchinbu Date: 22nd November 2009 Phek Khatna

TUALCHHUNG && Kan member zirlai thenkhat chuan I Semester exam an nei mek. && Kan Senior member Pi V. Chhawnkimi chu a nau Pi Lalthangliani chuan Thawhlehni khan an khua S. Vanlaiphai ah a boralsan a. Hemi ni chawhnu dar 3pm ah Kothanur-a an chennaah Thlanthut hun hman a ni. && Rev. H. Lalhmingmawia (Treasurer, BMCF), UTC a M.Th (Counselling) zir mek pawh a zirna lam thil avangin Mizoram lamah a zin. Tum anga a awm theih chuan ni 28 hian lo chhuk leh a tum. && Lawmthu kan sawi e. Tunkara kan khawtlanga buaina kan han tawh kawngah, a huhoa thawhchhuah a \ulna kawngah leh thil dang dangah, member te \hahnem ngaihna leh tlawmngaihna avangin Bangalore Mizo khawtlang hruaitute chuan inchungah lawmthu kan sawi tak meuh meuh a ni. && In an rawk: Nizan khan Pu Zohminga te In chu misualin an rawk a. An thil neih \ha tak takte an la nual a ni. Pu Zohminga nupui Pi Liza damdawiina a awm lai a ni a, Inah hian tumah an awmlo a ni. I \awng\aipui ang u. BMCF INKHAWM PROGRAMME

29th November 2009 Hruaitu: Rev. C. Lalmuankima Tantu: Nl. C. Zonunmawii Thawhlawm: Pi Lalrengpuii Special Number: St. Joseph College Mizo Zirlaite Camping Pual Special Programme

Changvawn: Rom 2:6 ‘Pathian chuan mitin an thil tih ang zelin a relsak ang.’

Article

INTHLAHRUNNA - Pu Josiah Lalchhanhima Ralte Mihringte hi inthlahrung deuh leh deuh lo kan awm ni ngei tur a ni, “Ani hi chu mi inthlahrung chi a nia.” te kan ti thin. Sapho te, vaiho te nena han in tehkhin ralah phei chuan Mizote hi inthlahrung tak hnam kan ni te pawhin a lang. Inthlahrunna hi ze mawi tak anga lan changte pawh a awm thei. Mi inthlahrung mize kaihhnawih theih \henkhatte chu: Hawihhawmna, ze zawi, inngaihtlawmna, mi ngilnei, mi pawi sawi lo, etc, te a ni thei awm e. A mize lehlam ni awm taka lang te chu: Mi ti phawr phawr, mi chapo, chuhhelh, zaktheilo, dawhtheilo, etc. Heng te hi nungchang mawilo leh zahpuiawm ah kan ngai a, a dikna lai pawh a awm. Amaherawhchu, han bihchian deuh chuan inthlahrunna hi thil \ha, mize \ha a ni thei em tih chu zawhna lian tak a ni thung. Engvangin nge mi a inthlahrun? Eng hunah nge a inthlahrun \hin? Han ngaihtuah ve mah teh! Sawi tur tam tak awm thei karah pahnih khat chauh i han tarlang teh ang; Pakhatnaah chuan miin thil a tihsualin inthlahrunna lian tak a nei \hin. Hei hi inthiamlohna leh zahna nen a inlaichin tlat a ni. Zu ngawlvei piangthar pawh, a pianthar hnu a zu a in leh chuan Biakin pawh thleng ngam lo khawpin a inthlahrung mai \hin. Kohhranho zinga va chen chu sawi loh, fianrial a Bible chhiar leh \awng\ai thlengin a inthlahrung thin. Hei ngat hi chu Setana pawh hian hmanraw pawimawh takah a hmang tih kan ramah hian a lang reng. Piangthar da leh kan tih ang te an tam em em na chhan chu, a bulthumah chuan inthlahrunna dik lo hmang in Setana’n a phuar tlat vang a ni. Setana hi dawt a mi puh/hek ching, dawt hmanga inti milian a ni. Kan pianthar hian nausen pianghlim ang deuh kan nihna lai a awm a, thil zir \an ang lek kan ni. |awngte, kalte, hlauhawm leh awm lo te, nundan \ha te kan zir \an a ni. Nausen \hanglian lai ang bawkin thil tihsual palh (tihluih deuhte) pawh a awm ngei ang chu, mahse kan \han ti \huanawptu ber mai chu, min kaihruaitu leh chhawmdawl tu ber tur, min zirtirtu Thlarau Thianghlim leh rinna a lo puitling tawhte (famkim tawh tihna ni lovin) hnaih ngam/duh lohna kan nei tlat mai \hin hi a ni. Kan nausen puite bulah bawk kan va inkhualtelem leh mai \hin. Hei hi keini mizote chuan hriain i inveng tlat ang u! Thil kan lo tihsual palhin Kristaa kan nihna thar hi a bo lo, amaherawhchu inchhira sim a, a hnen lam kan pan a, Pathian Zaidam leh Ngilnei, Khawngaihna ngah tak hnena ngaihdam dil hi chu kan dam chhunga kan tih tur niin a lang (tihdanglama, taksa thar nen a kaihthawh kan nih hma loh zawng kan famkim dawn si lova!). Kan pianthar hma pawh a min ngaihdam chak zek zek tawh Lalpa chuan, kan pianthar hnu lek phei chuan a fa inchhira inlamlet te chu a va ngaidam nasa dawn tehlul em! (…phek hnihnaah chhunzawm)

Vol. XV Issue No.34 Bangalore Mizo Association

Editor Mâdawnga Hauhnâr Joint Editors Samuel Lalrozâma Hmar Sawmteii Khawlhring Contributors Hminga Pachuau C. Zairemsiama Circulation Managers Isaac Beingachha B. Lalthakimi BMA AW lak man: Thla khat Thla thum Thla ruk Thla sawmpahnih

-

Rs.20 Rs.50 Rs.90 Rs.180

E-mail: [email protected] Website: www.bangaloremizo.info I mobile-ah khan JOIN BloreMizo tih type la, 567678 ah thawn rawh. Bangalore Mizote tana Hriattirna leh thutharte ilo dawng thin dawn nia.

Editorial

Miten min chhiar… Tunlai chu exam nei an awm neuh neuh lai ni mahse, khawtlangah harsatna leh tanpui ngaite an awmin tlawmngai takin khawtlang hruaituten tih tur an tih te kan han ti sang sang mai a. Hmun hla tak taka awm, zan lamah phei chuan veivahna insenso ngai taka awm ni mah ila, tihtur awm leh tanpui ngai tanpui kawngah sawisel tur awm miah loin kan han ti thei zel hi a ropui hle mai. Awle, Mizote hi kan in nelin kan nun a zalen ru viau a. Hetih kawngah hian hnamdang zinga kan awmdan leh khawsak dan te hi fimkhur a, Zoram lama kan khawsak leh awmdan ang mai a awm hi chin loh tur a ni. Hnamdangte nel dan chin tawk hi hriat a tha hle. Zan lamah te khawlaia chhuah tam loh te hi a tha. Tin, eng hnam pawh, an hnam nun leh zia tilangtu chu ‘hmeichhia’ an ni a. Hnam zahawmna te, rinawmna te mawina te hi an keng tel vek a ni. Kan hmeichhiate, in awmdan leh khawsak danin Mizote mawina leh thatna a tilang a ni, tih i hre reng ang u.

Pathianni Tin Chhuak Chanchinbu

Date: 22nd November 2009

Phek Hnihna

(…article chhunzawmna) Chuvangin, kan inthlahrunna kal pel in, kan \hatna tur tih hria in, Pathian leh a Kohhranho (biakin tihna a ni kher lo) i hnaih hram hram ang u. A puitling zawkte pawh in Kristaa nausen, naupang zawkte hi an tluk palhin dem lovin, inthlahrung lova kan bula an awm theih nan \an i la hram hram ang u khai! A pahnihnaah chuan inthlahrunna hi mahni inrintawk lohna, mahni nihna hriatchian lohna, mahni inhmuhhniamna avangin a awm thei. Hetiang zawng a han thlir chuan Kristaa nunthar la nei lo te hi chu inthlahrung dik dek awm an ni a (an inthlahrung lem hlei lova), a zaktheilo lo, a pawr pawr ah te chuan an la \ang zawk ni tein a lang thin, an zahpuiawm reuh viau! Piangthar tawh pawh, Kristaa a nihna leh chanvo la hrechiang lote chu inthlahrung takin, dawihzep takin, hlauhnain an nun an la hmang \hin. Pathianin hlauhna thlarau min pe lova, Kristaah chuan ropui taka ngamtu, chi thlan, lal puithiamho, hnam thianghlim, Pathian mite kan ni asin! A nihna takah chuan inthlahrunna nei miah lo anga lang, pawr deuh deuh, chapo deuh, zaktheilo deuh te hi, an chhungril han bih chian chuan mahni insit tak, hlauhna hlir a khat, mi dawihzep, mi khawngaihthlak tak tak te an ni duh khawp. An mize tak leh nihna chhuan tur leh belhchian tur awm bau lo chu miin an hria ang tih hlauin an inhrosak khalh a, hmaikawr phenah an biru \hin. A lehlamah chuan mi inring tawk, Kristaa an nihna leh chanvo hria, an chaklohna leh theih zawng pawh chiang taka hria, nun hlau chuang si lote hi i lo bih chiang ve ngai em? An bula awm a nuam a ni. Competition a awm lo, an nihna chawisang turin midang an rahbeh kher a ngailo, an ‘aw’ chu aw niin an ‘aih’ chu aih a ni mai, hmaikawr phenah an biru lo, an chak lohna zep an tum lova, \anpui an ngaihna an pha hek lo va, hawihawm takin midang an hmachhawn thei \hin; an huaisen a ni. A tawi zawngin an nihna leh dinhmunah an chiang a ni. Huaisenna hi hlauh neih loh lam a ni lova, hlauhna karah pawh thil dik leh \ha chu tihngamna hi huaisen dik chu a ni. Mahni nih loh anga lan tum/duh tlatna hi chapona a ni a, Pathianin a dodal! Tuna kan dinhmun hi a nih ang anga kan pawm ngam loh chuan hma a sawn theih loh. Zofate i in bihchiang ang u! Chapona hi chi hnih a awm a: nihna dik tak aia inhmuh/insawi len leh nihna dik tak aia inhmuh/insawi tet. A khawi zawk ah hian nge i tel ve le? Mi inthlahrung kan tihte hi Pathianin an nihna a sawi aia inhmu hniam an ni mai lo maw? A tawp berah chuan heng zawhna kumhlunte hi mitinin kan chhan theih theuh a pawimawh: Tunge i nih? Khawi atanga lo chhuak nge i nih? Khawiah nge i kal dawn? Enge i damchhan? Lalpa’n malsawm \heuh che u rawh se! ------------------------------------------------------------------------------------

Paul Harrison Award dawngtu Dr. Biakmawia Chongthu MBBS (Mad), M.Top. Paed, (Liv.), DTCH (Liv.), DCH, RCP & S (Ireland), DTM & H (Liv.), DDG (Cantab) CMC Vellore hian an College atanga lo zir chhuak tawhte chawimawina a pek thin zinga an ngaihsan ber mai Pual Harrison Award an tih, mi rethei leh chanhai zawkte tana hna ropui tak thawk Doctor an chawimawina chu tun kumah chuan Dr. Biakmawia Chongthu (Kan member tlangval Francis Malsawmkima Pa, tin ka Pa-te a paternal uncle) hnenah an hlana, a ropuiin Mizo fate tan chawimawi a phuin kan lawmpui tak zet zet ani.

Vol. XV Issue No.34 Bangalore Mizo Association Pathianni Tin Chhuak Chanchinbu Date: 22nd November 2009 Phek Thumna

A lehlamah erawh chuan

Tun November in 16 khan CMC, Vellore-ah he lawmman an semna inkhawm ropui tak mai, CMC College Graduation day-ah ka zuk telpui ve theih avangin Pathian hnenah pawh lawmthu ka sawi a. Dr. Biakmawia Chongthu, a vah leh a tute chuan Ka Pu Bawih ti a kan koh duat em em, kan Pu fel tak leh kan chhuan tak maiin Mizo hming hetiang tak maia a chawimawi hi ropui kan tiin, Pathian tana khawvel hausakna, ropuina leh sum leh pai a lo hnawl zawng zawng te kan han chhut pui hian he chawimawina hi a phu hle in kan hre bawk ani.

Dr. Biakmawia Chongthu hian kum 1964 khan CMC-ah Doctor zirturin Presbyterian kohhran tirhin a kal a, a zirzawh veleh a tirtute beiseina ti hlawhtling in a pension kum 2005 thleng khan rinawm takin Mizoram leh Kohhran tan a thawk ani. Kum 1981 khan University of Liverpool-ah zirzoin Mizote zinga Paediatrician (naupang Doctor) qualified hmasa ber ani nghe nghe ani. Great Britain damdawiin ropui tak tak, damdawi thiamna sang ber ber zirna hmunah pawh thawk tura sawmna vawi tam hnawl-in Missionary Doctor a nihna hre reng a, Mizoram Presbyterian Damdawiin-a mi rethei, chanhai leh mamawhte tana a inpekna hi khawvel ram a tlawh tawh chinah leh, a zirchhuahna College (Alma Matter) CMC chuan an hriatpuiin an ngaisang hle ani tih an tarlan nan he chawimawina Paul Harrison Award hi an hlan ani. CMC medical student te leh an Doctor-te mi hrilh dan chuan “Chhungi, for us as CMCians, this Award is the most valued and the most honored” he an statement hian Ka pu Bawiha lawmman dawn hi a ropui zia a hril chiang hlein ka hria a ni. Dr. Biakmawia Chongthu hi Durtlang Presbyterian Hospital-a Director anih lai khan he damdawiin hi nasa takin a thanga, khum-te, laboratory service-te, community outreach activities te leh nursing school te hial a lo ding ta a. A retire hnu hian Bethesda Hospital and Research Centre, Bawngkawn South venga mi khum 60 awmna khi din-in tunah hian Mizoram chhunga doctor thiam tak tak te bakah ram pawna a doctor thian tha te nen thawk hovin, Mizoram mipui te leh Pathian tan thahnem ngai takin tunah hian rawng a bawl mek zel ani. Pathian leh kan ram tan tiin thil pawimawh pathum a nunah a inkawp tlat awmte chu “teaching, preaching and healing” hi ani a, thangthar te tan amah-ah hian zirtur kan ngahin entawn tlak tak ani tih hi ka han tar lang duh ani. Mit ngeia a chawimawina dawn hmu ve tu tan chuan ha hip-a sawi tur a awmin, tawngkam thiam tak nih a chakawm hle ani. Tin, an Graduation khual lianah hian Sri Dinesh Trivedi, Hon’ble minister of State for Health and family Welfare, Government of India, kha an sawm a. A ni hi mi lehkha thiam, Harvard University graduate, …

khawvel hmun hrang hrangah pawh India ram aiawha thusawi tura an sawm fo thin a ni a. Inkhawmpui zawh-ah kan han inchibai nak nak lai chuan kan Khual lian chuan Dr. Chongthu, “you are the jewel of the ceremony” tiin chibai a han buk hial ani. CMC Vellore hian Dr. Biakmawia Chongthu hi an chawimawi thiamin an ngaihlu thiam hle a, an programme huam chhung in November 14-16, 2009 CMC hmuna an cham chhung hian thu pawh function hrang hrangah an sawi tir a; zirlai te leh Faculty members ho pawhin an ngai hluin an chhuang hle ani. He a lawmman dawn hi a nupui Pi Hawilohpari, a fapate pahnih Frederick Malsawmzuala leh Francis Malsawmkima leh keiin kan zuk tawiawm ve thei a, a manhla kan ti hle ani.

Dr. Hrangthan Chhungi Secretary, Commission on Tribal and Adivasi National Council of Churches in India (NCCI) #5, UTC Faculty Qtrs. 15 (11 Old No.) Harris Road, Benson Town Bangalore – 560 046

LAWMTHU SAWINA Kan fapa, Zorammawia’n harsatna a tawhna kawngah, Bangalore Mizo Association hruaitute leh khawtlang mipui ten theih tawp chhuahin in lo buaipui a, in chungah kan lawm tak zet a. In hun hlu tak leh tha leh zung in lo senna zawng zawngte avangin thlamuangin kan awm phah a, heng zawng zawngah hian Pathianin a letin mal a sawm ang che u tih kan ring. Inzavaia chungah lawmthu kan sawi e.

.

In hmangaihna dawngtu, Lalsanga te chhung, Saiha, Mizoram.

Vol XV Issue No.34

Bangalore Mizo Association

Pathianni Tin Chhuak Chanchinbu

LAWRKHAWM ## Shroud of Turin (Isua an tuamna puan) a thu inziak: Vatican hmuna an mithiam hmeichhe pakhat chuan Shroud of Turin ah ‘Jesus Nazarene’ tih inziak a hmuh thu leh thi tura a chungthu rel a nihna a hmu tih thu a sawi. Barabara Frale chuan puana thu inziak fiah vaklo, computer hmanga a zir chiannaah a hmuh thu a sawi a, he thu inziak hi a lawng ringawt chuan a hmuh theihloh thu leh uluk taka zira hmuh theih a nih thu a lehkhabu ziahah chuan a sawi a. Frale chuan he thu inziak - Greek, Latin leh Aramaic tawng inchawhpawlh nuai mai chu hetih hun laia Ziaktu ina chhinchhiahnaa atana an ziah chu puanah chuan a lang tlang ta zel mai niin a ngaihthu a sawi. He Shroud of Turin an tih hi Isua lem ni awm tak lanna puan a ni a. Isua a thih khan hemi puan hian an tuam a nih an ring a ni. A lem pawh hi Isua lem kan hmuh thin nen hian a inang hle nghe nghe.

Date: 22nd November 2009 Phek Li na

PG FOR GIRLS #118, 1st Floor, 13th Main Road, 29th Cross 4th Block, Jayanagar, Bangalore – 560011.

Hmeichhe tan hostel nuam leh felfai tak siam a ni e. Tin, Bangalore-a lo zin tan pawh man tlawm takin thlen theih a ni. Contact: +91 95350 96101 Flight Ticket Book sa hralh duh a ni e! Ni 18 January 2009 a Kolkata atanga Aizawl flight ticket book tawh sa chu rokhawlhna avangin tihral duh a ni a. A lei duh in awm a nih chuan a hnuaia mobile number-ah hian November thla chhung ngei hian min lo contact dawn nia. A hma lama lo book lawk a nih avangin, tunlai aiin a let deuh thawin aman a tlawm zawk a ni. Contact:

+91 95382 30761 +91League 90351 83859 English Premier point dinhmun: ## 2012: Mayan ho rinna leh an serh leh sang hun rei tak lo zir tawh Jenkins chuan ‘Maya hnamte hi van lam thil che vel hian a aikaih ve hrim hrim a, chiang tak chuan he an thil sawi lawk hian inzawmna chu 2012 ah hian a nei a, mahse kum sang tam kalta ah pawh khan astronomers te chuan an sawi lawk thei ngei tur a ni. Chu’ng hun lai pawh chuan Ni hian a awmna chu a sawn zauh zauh reng a lawm, chuvangin Thlasik kawng kan tih nen hian engemaw hunah chuan in tawh hun an nei ngei tur chu a ni’ a ti. ‘An ngaihdanah chuan Ni hi Vanlam (cosmic) Pa angah an ngai a, Thlasik kawng kan tih hi Vanlam Nu angah an ngai a ni. Hei hian an ngaihdanah thawnthu mak tak a nei hrim hrim a. Chuvangin, an ni pahnih han in tawk dun tur chu thil ropui tak tur a ni reng reng a ni.’ Jenkins chuan a ti. Chuvangin, Maya ho rindanah chuan ‘2012 ah khawvel a tawp dawn lova, hun thar a lo in her dawn a ni’. BMA Office Bearers 2009-2010: President : Pi Lalrinpuii General Secretary : Mâdawnga Hauhnâr Treasurer : Blessy Sailo Secretary i/c Games & Sports : Joel Murray Secretary i/c Academic & Human Resources : Alan Lalhriatpuia

(as on 22nd November 2009) Position 1 2 3 4 5 6 7 8 9 10

Club Chelsea Manchester United Arsenal Aston Villa Tottenham Manchester City Liverpool Sunderland Burnley Stoke City

Played GD 13 +25 13 +14 12 +21 13 +8 12 +6 12 +7 13 +9 13 +2 13 -10 12 -3

Point 33 28 25 22 22 21 20 20 17 16

-------------------------------------------------------------@ Thaibawih tihna a ni hlei nem, chhungkaw tangrual tihna a lawm. – Pu Nunmawia @ Machhan, ka lung a leng e. – Pi Mami @ Khami ni khan Pi President nen Police Jeep Hoysala ah kan chuang kual vel ngei a lawm. A hlimawm vak miah lo(h). – Nl. Thate-i Vice President Asst.Gen. Secretary Assistant Treasurer Secretary i/c Cultural

: Pu Josiah Lalchhanhima Ralte : Pu Paul Lalchhanhima : Thaarie Hnamte : Samuel Lalrozama Hmar