19 April, 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XVIII Issue No 16

TUALCHHUNG : Pu Lalramchhana (RC-A) leh Pi Vannunneihi te chuan fanu thar duhawm tak neiin a hmingah Lalremruati tih an sa ani. NAUT E NAUTE

THAR

Pu Lalchhuanawma, Taitesena Section te chuan an fa pathumna atan Fanu duhawm tak an nei.

DAMLO : Lalrinkima Pachuau S/o Ziakkima Pachuau Taitesena Section chu April 11, 2009 (Inrinni) khan thawkna dawt vung avangin Civil Hospital-ah Admit a ni a, tunkar Thawhlehni khan dam takin a lo chhuak a, In lamah enkawl mek a ni. Pi Parmawii M/o Vanlalhriati (Te-i) chu April 13, 2009 (Thawh\anni) khan Care Hospitalah Admit a ni a, a ni pawh dam takin a lo chhuak leh ta bawk. (Damlo te an \hatchhuah leh thuai theih nan veng mipuiten i \awng\ai pui ang u) LO HAW : Kan News Editor Pu Kapchhunga Pachuau, Good Friday hmanga Karbi lama zin pawh dam takin a lo haw leh ta. CYMA chanchinbu : Central YMA chanchinbu la duh chuan mahni awmna Section hruaitute hnenah inhriattir tur a ni e. Pem lehkha : Pem lehkha la tur reng reng chuan mahni awmna Section hruaitute hnen a\angin hriatpuina lehkha lak hmasak phawt tur a ni. Branch Secretary hnenah Section hriatpuina lehkha bakah Voters ID Card leh a form man (Rs. 5) kengin Pem lehkha an lachhuak thei ang. Bungraw thar : Chhiat ni \hat ni a kan mamawh em em leh kan indaih loh \hin Tea tray leh Ketli thar engemawzat Branch chuan a lei thar. Joint Meeting : April 17, 2009 (Zirtawpni) khan Branch YMA Office Bearer, VC Memberte leh Aizawl SP te chuan New Marketah Joint Meeting an nei a, Veng tana thil pawimawh tak tak an sawiho niin kan lo hria.

Dawrpui News

Kartin Chhuak

Pathianni April 19, 2009

DAWRPUI VENG I. DAWRPUI VENG LO INTAN DAN: Dawrpui veng hi a hming ang mai hian, Dawrkai Hmunpui leh Chawhmeh zawrhna Hmunpui (New Market) awmna a ni. Aizawl khawpuia Veng laili tak a ni. Aizawl khawpui tia kan han hriat tak lo intanna hmun chu tuna Dawrpui Veng hi a ni. Mizorama Tan In (Jail) hmasaber awmna hmun a ni a, Lamsuaka leh Chala an khaihlumna hmun a ni bawk . British hovin Mizoram awp an tum a, Kulh an siam hmasakber, Aizawl Fort dinna Veng a ni. Dawrpui Veng hi Aizawl khawpui lo intandan a ni nghal a, tunhmain he Aizawl tlangah hian an lo awm tawh thin a, kum 1835 vellai khan Lal Savung’an a lo thut tawh a, kum 1957 vel lai khan Thanrum’an khua a lo siam tawh bawk a, mahse, Tanhril lamah a chhuksan leh nghal a. Heng hunlai pawh hian Aizawl tih hming hi an lo vuah tawh awma ani. Mahse, an pemchhuahsan leh thin avangin Aizawl khua tiha sawi tur a awm lo. Dawrpui Veng Aizawl Fort lo din tak atan leh Bawrhsap lo awm taka lo intan a ni. Sawrkar mi leh an chekkawite leh Sipai te awmna a nih avangin Civil mi an tlem a, Sawrkar Veng ruihin an lo ngai thin a ni. Zawi zawin Civil mi an lo pung ve zel a, Bawrhsapin Bazar hmun atana a han siam takah khan an lo pung chho ta em em a ni. Kum 1890 khan tuna Assam Rifle hmunah hian Sipai te chuan Buk an sa a,an awm tan ta a, February ni 15 chuan Aizawl Fort sakna tur chu tihngheh a niin, ni 25 an sa tan ta a, Aizawl Fort hmun tak chu Baza Tlang kan tih, AR Ground chung, Gate pui Hmar lam tlang pawng hi a ni. Heta tang hian Dawrpui Veng, Sumdawnna hmunpui leh kan Aizawl khawpui hi a lo intan chho ta a ni. Dawrpui tih hming a lo put chhoh takna hi chu 1910 Bazar neih kum hnu lam atang khan a ni. Dawrkai awmna hmun thil zawrhna leh hralhna hmun anih avangin Vai hovin Bara Bazar an ti thin a,Mizo tawngin Dawrpui kan lo ti chho ta zel a ni. II. HUN HMASA A DAWRPUI VENG HRANG HMING T E : TE Tuna Dawrpui Veng hian, Lal ban hma leh VC neih hma chuan heng Dawrpui Vengthar, Zarkawt, Chanmari, Chhinga Veng, Saron Veng, Tuikual Veng, Dinthar Veng etc.. te hi a huam vek thin a.Mizoram ah Lal ban a lo nih atang khan, Village Council neiin Veng hrang hrang ah an lo inhlawm hrang ta a ni. III. DAWRPUI VENG CHHUNGA VENG HMING HRANG HRANG LO INTAN DAN : 1. Bungkawn : Indopui vellai khan Pu R Buchhawnan Bung a phun a, vawiin thleng hian ala awm a, Dawrpui Bungkawn (Bazar Bungkawn) kan lo ti hlen ta a ni. Tunah hian Sawrkar in Bungkawn atanga Chhim lama kawngpui phei zel hi Nehru Road tiin a vuah ta a ni. 2. Zaiawn ((Z Zion) Street: Pu Thangruaia fanu Manpuii, Nula Zaithiam leh ngaihnobei tak a awm a, helai vengah hian an zai ho reng reng thin a. An zai lo hre thin Pu Liana chuan, “he lai Veng hi zaiawn veng anih hi” a ti thin a. Hun a lo kal zel a, Zaiawn Veng (Zion Street) an lo tu ta a ni. 3. Jail Veng : Jail hmasaber awmna a ni a, Ran Tan In (Jail) awmna hmasaber Veng a ni bawk a, chu vangin Jail Veng tih a lo ni ta reng a ni. 4. Pi Pu Tlang : Tuna Hospital quarter tlang, Dr Biakkima te awmna bawr hi a ni a tunah chuan Hospital quarter Veng ani ta ber a ni. 5. Canteen Kual : 1st Assam Rifle Canteen awmna Veng anih avangin Canteen Kual tih a lo ni ta a ni. 6. New Market : Bazar pui awmna Veng hi Bazar hmun atana 1965 ah tih thar anih avangin, henglai bawr vel hi New Market Veng anga sawi a ni ta ani. 7. Dawrpui West : 1989 khan, YMA in Dawrpui Veng tlak lam Bungkawn leh Hospital liam hi Dawrpui West tiin a vuah ta a ni. 8. Church Square : Kum 2000 khan Dawrpui Presbyterian Kohhran chuan hming phuahin Dawrpui Pastor Quarter atanga Dawrpui School thleng hi Church Square tiin an vuah.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana David Lalhlimpuia Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

Thil engkim mai hi a awmlohna hmuna a awm chuan thil tenawm a ni. Dawrpui veng hi kan sawi fo tawh ang khan Mizoram mai nilo India ram hmun hrang hrang atang pawh a an tlawhpawh ber veng kan nih kha. Hetiang a nih avang hian faina kawngah pawh kan hnufual deuh em ni chu aw a tih theih. Bazar hmunte a lo ni a, nitin mai hian mi chi hrang hrang kan kal khawm a, fai taka veng enkawl hi chu thil hautak tak zawng a ni ngei mai le. Amaherawhchu veng thianghlimna kawngah hian a veng neitu mipuite hian kan zir a ngai khawp mai. Kan vengchhungah veng dang miten dawr an rawh nei thleh thluah a, bawlhhlawh pawh an nei fo thin reng a, a paihna tur hmunte kan inhrilh hriat a pawimawh khawp mai. Bawlhhlawh paihna hmun lova paih thinte pawh an awm thin ngei tih pawh kan hria a, kan V/C lamte pawhin an ngaipawimawh thin reng a, heng a paihna tur ni lova paihte zingah hian kan vengchhung mi ngei hi kan tel ve em tih i inen hmasa ila, kan lo paih ve thin a nih chuan sim/paih tawh loh tum tlang ila, tichuan midang paih tur pawh kan khap ngam mai dawn a, ‘Hei hi bawlhhlawh paihna hmun a ni lova, paih tawh suh ang che’ tiin, a paihna tur hmun dikte kan hrilh ngam tawh ang. Veng a tawp chuan a titawptute kha tute pawh ni tehreng se a tuar tur leh a zak tur chu keimah ni tho kan ni si a.Khaw dang atangte, State dang atangte leh ram dang atangtein mi chi hrang hrang an lo fuankhawm thin a, kan veng a lo tawp viau chuan puh tur dang vak an awm lo, kan veng hi chu kan kova innghat a ni ve tlat a ni. Bawlhlawh paih Motor pawh hi kan veng bikah hi chuan tun aia zing zawk hian tlan kual thei se, nikhatah vawihnih talte hi tlan thei hram sela chuan a ziaawm thei deuh ngei ang. Kan khawtlang hruaitute pawh hian hetianga tithei tur hian hma lak chhunzawm zel sela a va tha dawn em. Veng thianghlim leh fai ber chu kan ni thei hauh lovang a, mahse a zualpui mit tikham thei chin ang hi chu tihbo theih nise a duhawm hle mai.

VC NEWS Ruahtui a lo tla \an ta a, mitinin mahni In leh a vel a tui tlin theihna chi reng reng, tui tling theilo tura siam emaw, tui tlingah khawnvartui emaw leih a, Thosi piang theilo tura enkawl \heuh turin veng mipuite kan in hriattir e. In sa laite pawhin inchung tui tlingte thosi piang theilo tura enkawl \heuh turin kan ngen bawk a che u. Tin, tuizem emaw bur chi reng reng chu a chhin siam \heuh ni se. Hetiang tui tling a\anga thosi lo piang hian thosi a ti pungin Malaria leh thosi a\anga natna inkai chhawn theih chi a tam phah \hin a ni. Veng mipuite kan lo him zawk nan mitinin hei hi ngai pawimawhin i zawm \heuh ang u.

Pathianni

April 19, 2009

Hriselna Huang

Liver (Thin) - Dr Thangchungnunga, MS (Ortho) Thin (Liver) hi kan taksaah chuan a pawimawh berte zinga mi a ni, thluak leh thin hi an \hat loh a hlauhawm em em a ni. Kan thil ei ka-a lut kan lem reng reng hi thin hian a lo \het darh a, a hmanna tur awm thei ang chi chu an thawn chhuak zar zar \hin. Zu i lo in a nih chuan taksa tana pawilo thei ang ber turin an chan darh a, a chemical chain kha an siam danglam vek a, a tawpah chuan mihring tana hlauhawm lo thei ang berin Ethyl Alcohol-ah a siam a, thisenah a kual vel ta \hin a ni. Mit (Eye) chhung tuia a luh hian a chhuak ve leh zung zung thei lova, chuvangin zu in reng reng chu an mit a vai hmasa ber \hin. Thisenah hi chuan darkar 8 vel bak an awm lova, zunah hian darkar 24 lai an chambang thei a, mitmu tuiah phei chuan darkar 48 lai Alcohol hi a awm thei a ni. Chutiang tho chuan kan ei leh in zawng zawng hi a \hetdarh a, Vitamin, Minerals, Protein, Fats, Carbohydrate leh thil dang dang taksa mamawh chi reng reng thliar hrangtu a ni. Duat em em a ngai a, thin hian ngeih loh deuh deuh a nei a, Zu te, damdawi chi hrang hrang, a mawl zawngin nachhawkna hote hi rei tak ei chuan a chhiatpui ve a. Chuvangin kan thluak tih lohah chuan nunna hnar ber a ni. Zu, zuk leh hmuam, sahdah leh khaini te hian a Cell an tichhe hma bik a, heng ho hi tih loh a \ha.

SECTION NEWS CHAWNGBAWLA SECTION Ni 16.04.2009 (Ningani) zan khan Chawngbawla Section te chuan an Section huam chhungah Pheikhawk nawta inhlawhna an nei a. Member 21 thawkchhuakin Section huam chhunga chhungkaw 62 te hnen atangin cheng 5300 lai an hlawhchhuak thei a. Heta kan hnatlangna ah hian inhrilh lawkna pawh awm lova,an pheikhawkte nawhtira, phal taka sum leh paia min tanpuitu te chhungkua zawng zawng chungah lawmthu kan sawi tak meuh a ni. Section sum te hi hman tangkai theih ang ber tura ruahman a ni. Tin, thahnemngai taka member rawn thawk chhuak zawng zawngte chungah Chawngbawla Section hruaitu ten lawmthu an sawi bawk ani. Secretary Chawngbawla Section VANAPA SECTION Vanapa Section huamchhunga Zalen Chanchinbu la tute, a man khawn a lo hun leh dawn tawh avangin lo inring tura hriattir kan ni a, Section hruaituten a rang lamin an rawn khawn ang. Secretary Vanapa Section TAIT ESENA SECTION TAITESENA Taitesena Section huamchhungah Zalen Chanchinbu (Sunday chhuak) Section sum tuak nan semchhuah tum a ni a, Section huamchhunga chhung tinte tlawmngaia lo la vek tura ngen kan ni. A lak man hi thla khatah Rs. 30/- chauh a ni e. Secretary, Taitesena Section

3

Dawrpui

News

Kartin chhuak

PASS THAR TE CLASS - XII PASS THARTE 1.Freddy Lalruatdika s/o Romuana, III Div. (T.Section) 2. Laldintluanga s/o V. Lalrema, I Div.(T.Section) 3. Lalrinchhana s/o Major R Lalbiakliana, III Div.(Ch.Sec) 4. Larry Lalrinsanga s/o F. Lalrinliana, III Div.(T.Section) Pass thar zawng zawngte Dawrpui Branch YMA chuan kan lawmpui tak zet zet che u a, in kal zelna turah duhsakna sang ber kan hlan a che u, la hlawhtling lo te pawh theih tawpa bei zel tur in kan ngen che u. Tuna Pass thar te kan tarlan bakah hian la tarlan loh te chuan, Editor Phone No.9856889073 ah emaw Section hruaitu te hnenah SMS emaw Phone in hriattir tur a ni e.

CENTRAL YMA SPORT Central YMA in a buatsaih Branch hrang hrangte inelna chu tluang taka kalpui zel a ni a, April 14, 2009 (Thawh\anni) khan kan Branch leh Chaltlang Branchte chuan Durtlang Field-ah Cricket Second Round an khel a, Toastah kan Branch chakin vuak hmasak an thlang a, kan Branch chuan over 20-ah run 137 an vaw chhuak thei a, Lalhmangaiha (Amatea) chu a tawp thleng damin run 101 lai a vawk chhuak a ni. a team mate te hian an bat reipui hlei thei lova, a ni lo hi chu run siam hnem an awm lo. Chaltlang lamin bat ve lehin, rin aiin run an siam chak a, kan Branch lam hian mi 5 vawm hlum hmanin Wicket 5 in kan chak zo ta lo a ni. Kum dang angin Practice-na hun kan nei lo chu kan tuar ta deuh niin a lang. Kan Players te hi an chhe hauh lova, Tournament a awm dawn tih kan hriat hian kar khat chauh Practice-na hun a awm tawh a, heti chung hian kan naute hian an khel chhe lo hle. Hmalam hunah beiseina sang tak kan nei a, inthlahdah lova \ang sauh sauh turin kan duhsak. Athletics lamah pawh heng- 100 Metre Race (Women), Long Jump (Men), Jevelin throw (Men) ah te kan tel bawk a, vanduaithlak takin 100 Metre Race (Men) ah tel kan tum viau laiin engemaw harsatna avangin kan tel thei ta lova, pawi kan ti hle. 100 Metre hmeichhia-ah Lalhmangaihtluangi chuan Semi Final a thleng a, final erawh a thleng zo ta lo. Tin, Monty Malsawmzuali chuan Final thlengin nimin khan Final chu an tlan leh a , a result kan hre hman ta lo a, a champion ngei kan beisei. Kan branch aiawh a Long Jump a zuang PC Rozamliana chu 6-na a ni bawk. Hmeichhe Volleyball-ah kan la dam a, First Round chu April 14, 2009 (Thawh\anni) zing khan khelh tura ruahman a ni a, amaherawhchu kan nulate khelh tur Tuikual North nulate an lo lan tak loh avangin Walk Over-in chaka puan kan ni. April 22, 2009 (Nilaini) zing dar 10:00 hian Electric veng Branch nen Second Round, Zarkawt Basketball Court-ah an khel dawn a, veng mipuite a tam thei ang ber \awiawm turin kan inngen e. Central YMA Tournament neih zawh tun thla tawp lam hian Branch Sport pawh neih tum a ni a, hemi chungchang hi Sport Sub-Committee ten an la rel fel dawn a ni. Kumin hian Sport Item pawh a chikim thei ang bera neih tum a ni a, Section tinte lo inpuahchah tura hriattir kan ni e.

Pathianni

INFIAMNA

April 19, 2009

- SKA

Talent nei tha, ball thiam tak, dead ball ah pawh footballer pangai chunglama dah, english winger beiseiawm berte zinga chhiar hmaih theih hauh loh David Bentley hi Premier thlir thin tam zawk chuan kan hre theuh awm e. Tunhnai ah harsatna hrang hrangin tlakbuak mahse tunkum tira Arsenal khelmual Emirates a Spur in 4-4 a Gunners an draw-na goal, yard 40 atanga a thun erawh Spurs fans te tan theihnghilh a har viau ang. Tleirawl te anih laiin Arsenal Youth team atangin a rawn par vul chhuak a, mahse senior team a hmun tam zawk a chan theih nan Norwich lamah hunrei tak loan in a khel a, Arsenal lamah kir tawh lo in kum 2006 khan Blackburn Rovers ah lutin, he team tan hian a khel tha hle. England National Team atan pawh koh hial ani nghe nghe. English winger chhuak thar zinga David Beckham luah lan tura hual leh enthlak a nih laiin nikum nipui transfer hunlai khan pound maktaduai 15 ngawtin Tottenham Hotspur chuan an lalut. A hun hmasa lamah a khel chhe hran lo. Mahse mimal harsatna hrang hrang in a tlakbuak chho a, a teammate Aaron Lennon a rawn khel ropui chho bawk nen beisei a pha ta lo a ni. Spurs forward coach Les Ferdinand chuan Bentley chungchang sawiin dressing room boruak siam nuamtu anih thu leh tunah harsatna hrang hrang in tlakbuak mahse ropui taka khelmual ah a rawn let leh ngei tur thu a sawi. Bentley a bialnu Kimberley Mills hi English Footballer star bialnu/nupui WAGS (wife and girlfriends) dang anglo takin media lamah a in theh thil ve ngai lo hle a, Victoria, Coleen..etc te nundan chu “phuahchawp a khat” tiin British Television pakhatah a lo sawi chhuak tawh ani. Bentley hian motorcar chak a ngaina hle a, tunah pawh hian BMW 6 Series a khalh thin.

MOBILE

PHONE

Summer Discount Nokia Handset model chikim Company atanga leina Rate-in englai pawhin lei tur a awm reng. Hei bakah hian a Accessories-ah 20% Discount a ni a, Handset Repairing-ah 30% discount a ni bawk. Contact : CELL CARE Upper Bazar Opp. City Bus Stand Phone : 9612367789 L-R : Branch Secretary, Pi Rinawmi W/O PuLalrintluanga (L)

4

Dawrpui

News

Kartin chhuak

Pathianni

PRESBYTERIAN

DAN LEH HRAI Zawhna : Police leh Excise te hian engemaw rin hlelh thu ah Warrant tel lovin mi an check thei em ? Chhanna : Warrant tel lova check tur che chuan thil engemaw i tih sual a an rin kha warrant tel lo a Dan in check a phal chi a ni tur a ni. Entirnan : Zu chungchang lo sawi dawn i la, Mizo Liquoir Total Prohibition Act, 1995 Sec. 50 (1) chuan Police Excise Officer S.I ai a hniam lo te chuan Information (hriattirna) an dawn atang leh anmahni in hriatna chiang tak (personal knowledge) neiin Zu (liqouir) siamna, hmanrua leh hmun te chu chhunah emaw zanah emaw an check (dap) theiin kawngkhar hial pawh an ti chhe thiang a. Chumi bakah chumi chu Sec. 50 (1)(C) in a phal angin an taksa an dapin an man thei. Sec. 51 of MLTP Act in a sawi angin khing Sec.50 (1) a tarlan te tan khian Warrant a ngai ve lo a ni. Chutichuan Dan in a sawi angin thil thenkhat chu rinhlelh thu ah Warrant tello pawhin a dap (check) theih kan ni a, dan tlangpuiin ‘ Cognizable offence’ kan tih ang chi ah hian Warrant tello in Police Officer ten an man thei. (Constable hi Officer an ni ve lo e.) Zawhna : Misual Police hmaa inpuang te hi engtin nge court ah thiam an chan theih ? Chhanna : Police hmaa misual an in puanna hi evidence(fiahna)a ngaih a ni lo.(Vide sec 25 of Indian evidence act).Judicial Magistrate 1st.class hmaa an inpuan na chauh hi evidence tling a ni a, chu chu confessional statement an ti.Mizoram ah chuan separation of judiciary kan neih loh avangin Guwahati High Court chuan State of Mizoram vrs Lalrinawma 2000(1)GLT 616 hmangin Executive Magistrate1st class-in inpuanna achhinchhiah(confessional statement record) chu a pawmpui a ni. Mizoram a kan tihsual ziah thin chu 2nd.class Magistrate te confessional statement kan rocord tir thin hi a ni.2nd. Class Magistrate in confesasional statement a record dawn chuan sawrkar in special power a pe tur a ni.(vide Nika Ram vrs state of H.P.(1972) 2SCC80).Special power sawrkar in a pe lo a nih chuan Supreme Court in confessional statement record a kha evidence ah a ngai lo.Tichuan Cr.P.C.sec.164 hmangin Magistrate chuan misuala puh, a inpuanna chu a record anga,chu chu evidence ah hman theih a ni. Criminal Court ah chuan Police hmaa mi an inpuan in emaw case i/o khan evidence nei tha tawk a a inhriat chuan chargesheet court ah a thehlut a,court chuan thubuai ngaihtuah(trial)tlak a ni em tih a lo rel hmasa ber thin.Chutianga thubuai ngaihtuah(trial) tlak a ni e tih nan chuan misual-a puh police hmaa a inpuan na kha an hmang thin.Tichuan a thubuai kha ngaihtuah tlak a ni e tih nan an hmang a,thubuai ngaihtuahna ah chuan Police hmaa a lo inpuan tawh na hi a hmantlak loh a nih chu. (India Constitution ah hian ‘Freedom of speech’ kan nei a ‘Freedom after speech’ erawh kan nei lo)

April 19 , 2009

April 19, 2009

PATHIANNI

Sunday Sikul

|antu

: Pu V. Lalliana, Bial-VII - na

|antu Thusawitu

Chawhnu Inkhawm : Nl Lalthlangliani, Bial-VIII- na : Pi Lalrinkimi, Bial-V na

Thusawitu

Zan Inkhawm : Upa R. Zodingliana

K|P

April 19, 2009

Tawngtai Inkhawm

A hmun Hruaitu

: Fellowship Hall : Nl C. Laldinliani

Tantu

: Tv John Lalruatsanga, Uriela Gr.

Treasurer, Uriela Gr.

April 20, 2009 Hruaitu |antu Thilpek lakhawmtute

Thawh\an Zan

: Nl. Zorinpuii. Committee Member : Nl.Sainghingliani, Uriela Gr. : Nl. Mary Vansangpuii, Gabriela Gr. Nl. Vanlalruati,Gabriela Gr

Kumpuan thupui

:’ Rorelna dik awmzia’.

Sawitu

: Nl Rualzamawii, Mikaela Gr. (Damlo pual thilpek bawm hun a ni ang)

SALVATION ARMY April 19, 2009 Hruaitu Thusawitu

THIANGHLIMNA INKHAWM

(Literature Sunday) : Pi Lalengmawii HLS : Maj. Vanlalhuma CO SUNDAY BIBLE SCHOOL

Hruaitu

: Pi Rodingliani HLT CHHANDAMNA INKHAWM

Hruaitu Thusawitu

: Maj. Lalduhsangi : Maj. Sangzuala

SAY HUNRUATNA THAWHTAN ZAN INKHAWM (20.4.09) Hruaitu Thusawitu

: Victor MS Dawngliana Lit. i/c : Ellen Lalengzuali SAY Secy

Published by Y.M.A., Dawrpui Branch, Printed at G.S. Offset Printers, Treasury Square