18 Oct, 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XIX Issue No 4 Dawrpui News

TUALCHHUNG BORAL : Pu Sanglura s/o Pu Vanlallawma (L) New Market (V. Sect.)chu Oct.16, 2009 (Zirtawpni) zing 12:30 khan TB natna avangin a boral a, hemi ni vek hian vuiliam a ni. Pu Liansiama kum78 Zarkawt Babutlang, Pi Lalhmingmawii (Teii) w/o Pu Zarzokima Dawrpui South ‘Pa’ chu October 8 (Ningani) khan awmlaiin a boral. LO HAW : Pi B. Dawngtluangi W/o Pu P.C.Zohmingthanga, Leader, Chawngbawla Section pawh Office thil tul avanga Chandigarh a training chu tluang takin a lo haw leh ta. Pu Malthantluanga (VC) te nupa Foreign lama chhungkaw pawimawh a an zin pawh tluang takin an lo haw leh ta. TEA URN : Tea Urn pahnih a neitu hriat loh chu Pu P.C.Zohmingthanga, Chawngbawla Section Leader in tunah a kawl mek a. A neitu chuan a ranglama ngaihven tur a ni e. DAMLO : Pi Hmingliani (Hotel Ritz) pawh in lama enkawl mek a ni a. Pu David Remruata Remruata, Secretary, Chawngbawla Section pawh Check-up in Vellore ah a thang mek. Nl. Lalmuanipuii Lalmuanipuii, Medical Qtr. pawh thawhlehni khan Aizawl Civil Hospital ah rilphir zai a ni a, that lam a pan zel. Pi Chawnglian\huami w/o C. Lalsawivela, Jail Veng Vellore lama in check-up pawh tluang takin alo haw ta bawk. Pi |huamkungi w/o Ch. Aikima chu tun ni hnih khat hian a \ha lo leh deuh a, thisen Unit 2 pek leh a ni. Pu Sailothanga Sailo Sailo, Jail Veng chu tunlai hian a pawnchhuak peih meuh lo. (Kan vengchhung a damlo te an dam thuai theih nan i tawngtaipui zel ang u. Ed.)

Kartin Chhuak Pathianni

October 18, 2009

YMA Gen. Conference Vawi 64-na. Dawrlawn-ah October 20 - 22, 2009 chhung hian YMA General Conference vawi 64-na chu Darlawn ah neih a ni dawn ta! Kumin Conference-ah hian Central YMA hruaitu 2009 - 2011 chhung thlan kum a ni a. YMA dan bu Bung V chang 26- na in a tarlan angin hruaitu atana Nomination neih a ni a, mi 16 ten Nomination an file a ni He YMA Gen. Conference atan hian inbuatsaihna peihfel a ni tawh a, a thlengtu tur Darlawn khua pawhin Palai a tam thei ang kal turin an sawm a, kawng tinrenga an inhuam thu an chhuah a, a duh tan Inkulh pawh a theih an tih angin Dawrpui Branch palaite chu inkulh an tum mek a ni. Hetih rual hian CYMA pawhin palaite chu - Mutbu, zan riak buhfai leh thosilen keng ngei turin a chah a. Palaite chu Branch hriatpui ngei leh a thunun theih, ruihtheih thil leh mipat hmeichhiat laka inthiarfihlim tur leh lirthei khalh fimkhur turin a chah a ni.

KHAWIAH NGE DARLAWN A AWM ?? A hmasa berin Darlawn chu Aizawl District- a awm, Tipaimukh tlangdung an tih Tuirial leh Tuivawl inkar Tlangdung pheia khaw lian ber a ni. Aizawl a\angin Tuirial lamah kan phei ang a, chuta tang chuan Seling Zero point kan thleng ang. He hmun hi Aizawl atang chuan KM 45 vel a ni a, chuta tang chuan Home Guard Training Centre lian ber tur an ruahman mek te pawh en \ha hman lo lekin i tlan zar zar anga, Mualmam khua chu i rawn pel phei ang, Tuirini ruamah i lut thla anga, Tuirial nena a infinna bul lawkah Tuirini chu i kan ang. Chuta \ang chuan ruh zawng zawnga lian ber Khawruhlian khua chu chho deuh euh euh in i pan chho zar zar ang, i han thleng ang a, chuta \ang chuan i kal leh zar zar anga Lailak khua i va hmu ang. Mahse kawng chu Chhura ko thlak ang thawthangin veilamah a her leh thut anga, Khanpui kawnah in her chhuak chho ang a, Khanpui a\ang chuan i kal zelna lam tur i han thlir ang a, chhak lawkah chuan a vawh em avanga BRTF hovin Simla tia an vuah an Camp hlui i han hmu ang a, Chalfilh tlang chuan Chapo hmel takin hnuaichhiah takin a lo chungtlak ang che ang a, mahse a panga Kawlhawk tuak enge maw zat in kawp khawm thlawk kual dual dualte chuan i mit a la ang, chumi zawhah Pehlawn i lo thleng ang a, Pehlawn a\anga dumde ruang chen lekah chuan E.Phaileng in a lo zawm nghal ang che; chuta tang chuan Kepran panin KM 5 lai i chho leh ang. Chuta \ang chuan Mizoram BRTF kawng zawng zawng zinga a sang lai ber Kepran i chho leh ang, an khawlaiah chuan Zo siktui thiang dik taka lo inkhawh tur tur anga i duh tawkin i in thei angKepran i pel chiah anga Sawleng ram alo ni nghal ang a. Khaile, tunah chuan Darlawn khawpui chu a lo lang eng ta ut mai le, a khaw tawntirh chu Kawnpui a ni a, a chhakah Police veng leh Hospital veng a awm a, a chhak leh zelte nen chuan Chhim veng tih a ni a. Mahse hlapuah thiam Patea’n ‘Mahse min nghahna ram pan zel ang,’ a tih ang maiin an lo nghahna che, mikhual hmuahna kawn veng thlengin i kal zel anga, tichuan i thlenna tur chu i pan tawh ang. Fur leh \halin inthen nan favang an hmang ang hian Darlawn hi zo leh phai inrina hmun a ni a, Zova awm chi zawng zawng a awm a, phaia awm chi pawh a awm teh bawk, In 700 awmna khua a ni a, H/S 1. M/S 3 leh P/S 5 a awma, sawrkar hnathawk 200 chuang an awm bawk, UPC Biakin 1, SA Corps 2, Presbyterian Kohhran 3 leh Lalchhungkaw Sub Hqrs awmna a ni a, Sakawlh tlem nen, Sik leh sa thuah Aizawl nen intluk tawk vela ngaih a ni, Ralte hnam 36% vel an awm a, Hmar 24% vel, Paihte 16% vel leh midang 24% vel an awm bawk. Hmel \hat lam thuah chuan “Mizo kan ni kan hmel a tha, kan tum a sang bawk si,” tih hla sa ngam ngat pawh hlui tam fe chu an awm ve ngei ang! A.. kalla i chiang vek mai ang.......!! A tello chu lenlai chan kan ti mai dawn a ni.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

Neituin Hmahruaise Tunhnaia Dawrpui Thlanmual Committee pawimawh leh zahawm takin “Dawrpui Thlanmuala Inphum leh Thlan siam tawhte reng rengin a hungna (Thir) \hiah vek nise,” tia a rel hi a \ha hle a. Zawm hlawh ngei ni bawk se. A lawmawm ngat ang. Kan sawi fo \hin a, thlanmuala thlan siam tawh ten thira hung a, a chhip kan ti zum leh nghal hi chu chetvel a tiharsa tak zet a. Tin, \ul pawh a \ul ber lemin a lang lo. A bula thlan laih a tiharsa a, a vur leh thlengin harsatna lian tak a siam a ni. Dawrpui Thlanmual hi vengdang 4-in min \awm mek a, a hming putu leh a neitu Dawrpui Veng mite hian thira hungna kan siam thluah a, a \hen chuan inte ang lek lekin kan sa hial a. Hei hi ngun taka ngaihtuah a, tlawma la lova \hiat hmasatu nih hi kan mawhphurhnaah i ngai ang u. HMahruaitu nih hi a hlu a, a zahawm bawk.Min \awmpuitute zui nuamah “neituin hmahruai” ang u hmiang.

Ngaihdan Tunlaia ruahsur changa inchung a\anga tui far tluah tluah \hin hi tunhma a\anga sawi leh ngenna siam fo tawh a ni a. Ngatinge kan zawm hreh em em le? A harsa viau em ni aw? Zawmtu nih hram tum turin hetiang mi ho hi Dawrpui News kal tlangin ka ngen e. - Valpuia Pu Gas sem chungchanga harsatna awm fo mai hi kan VC ten \an han la teh se. Ka sawi hreh hle naa kan VC hmasa te hunlaiin khan hetiang anga harsatna hi kan nei khat khawp mai. Chuvangin, an ngaihdan lo nilo hram se, Gas sem reng rengin Tlangau kutah mai dah loin, VC member-te hian buaipui ngei teh se. - Hriati Nu Kan YMA hruaitute in hah \auh \auh hle mai maw? Mitthi kan nei ngun malh malh si a, in inpekna a ropui ka ti a, chhunzawm zel teh u. Hetih rual hian in enletna tur erawh in nei ve tho zel a nia. Member ten kan hruaitute hnung hi i zui zel ang u... - YMA Member-a YMA ten Ruihhlo Do puang leh se, tia Kohhran Inkhawmpui thurel kha lo dawn zui ve teh...

Pathianni

October 18, 2009

KA NGAIHDAN CHAWHCHAWRAWI ... Tunlai hian kan vengchhungah ruihtheihthil a hluar hle ni a thudawn a ni a. Krismas te a hnai leh tan ta bawk a, tan kan lak thar leh a ngai a ni. Kan vengchhung a lo thianghlim zawk theih nan theih tawp kan chhuah tlan a ngai a ni. Kan khawtlang hruaitute hi mi buai tak tak vek an nih avangin kan in tawiawm tlan a ngai a. YMA member tin te kan in pek a ngai leh zual hle mai. Thil tha tih tur kan hriat hi tih nachang kan hriat leh si loh a, hruaitute kuta kan dah vek chuan a fello thei bawk a. Chuvangin khawtlang hruaitute rawn chung zelin thahnem ngaitakin ruihhlo do turin tan i la thar teh ang u. Tin, hruaitute kutah mawhphurhna kan pe a, kan tawiawm tha leh thin si lo hi chu memberte kan in en let a tul khawp mai. Chhiattawh nikhua nise Branch O.B te chet chhuah hma a thuthleng put/bungraw lakkhawm etc. nachang kan hre lo thin te hi a YMA em le? Mitih fel sa a YMA hi enge i ngaih ve dan? Tlangval thalai nisi thlanlaihna a lang ngai reng reng lo kan nih chuan kan in enlet a tha khawp mai. Kan veng pa zingah thlanlaihna a thalaite ho peih riau an awm hi erawh chu ka sawi hmaih phal lo. Mithi lumen ngai kan neih a tlaivar ngeihlo tlat thalai i ni em? Tunge ngeih (ngaih ?) vanga tlaivar thin? Khawhar in a lang ngai reng reng lo chhungkua kan ni em le? Hman loh chhuanlama khawharin a lang ngailo i nih chuan, tunge hman vanga khawharin kal thin le? Hmanlo chung chung a kan chet chhuah thin hian midangte tan malsawmna kan lo ni reng a lawm le. Mi kan chunga tha tur kan duh ang bawk hian mi chungah kan tha em le? Kum tirah YMA huang chhungah chuan chanvo hrang hrang kan in siam thin a. Kan chanvo neih te hlen chhuak thin tur chuan kan in chhung lum kan chhuahsan ngaih chang a tam mai. Tui taka kan mulai pawh mut chhuak lo ang mai a thawhchhuah ngaih chang a tam mai. Kan chanvo theuh te hlen chhuak tur hian YMA zeril TLAWMNGAIHNA hi kan neih a ngai.

CYMA Hruaitu Nominee-te

Central YMA hruaitu thlan kum a ni a, Branch hrang hrang a\angin a duhin Nominate an siam a, chung mite chu hengte hi an ni a. Kan Branch aiawha vote nei tur ten thinlung thianghlim takin thlang ngei se. A tling leh \hate hi hruaitu atan chuan an \ha ber e. 1.C. Chuaukunga Mission Vengthlang 2. C. Zoramliana Tuikual North 3. D. Lalrintluanga Bethlehem 4. J. Lalsailova Mission Veng North 5. Lalbiakzuala Khatla 6. Lalchungnunga Ramhlun North 7. Lalchhanhima Pautu Ramhlun South 8. Lallianzuala Dawrpui Vengthar 9. Lalrochuanga Pachuau Zarkawt 10. Lianzuala Electric Veng 11. R. Lalngheta Hlimen 12. RL. Rindika Bungkawn 13. RS. Lalrinsanga Tanhril 14. T. Sangkunga Dinthar 15. Vanlalrema Rokhum Zemabawk 16. Vanlalruata Tuikual South.

3

Dawrpui

News

Kartin chhuak

HRIATTIRNA LEH NGENNA 1. THLAN HUNG TAWH LOH TUR : Tun atang chuan thlanmuala in phum turte reng reng chuan thlan hungna siam tawh loh tur a ni a, chhinchhiahna felfai tak siam zawk tur a ni. 2. THLAN HUNG TAWHTE TAN : Thlan hungna awm hian tun hma atang leh tun hun leh hun lo la kal zel tur atan, harsatna tam tak min siam mek in min siam belh zel dawna, heng avangte hian : a) Thlan hungna thir/thing zum hian thlan laitu kan thalaite in tih palhna alo thlen fo tawh thina, heng bakah hian thlan vur turte tan a bula thlan in hung a awm hian chetlakna a tibuai thin. b) Thlan hungna hian ruang vuiturte tan harsatna a thlen nasa em em a, kuang pawh zawn hleih theih loh leh kal hleih theih lovin kal kawng a dip thin. c) Thlan laiturte tan, tan a bula thlan in hung a awm hian chetlak a ti remchang lovin, hun tam tak min paih phah tir thin. d) Thlan pala hnimbuk zamte hian mi awm tha duhlo te tan remchanna a siamsak thin a, Drugs/Zu addict te leh zan vak thinte tan riahna hmun leh thilsual tihna atan an hmang thin. Heng te avang hian kan ngenna hi zawm hram i tum ang u. Sd/- Secretary Dawrpui Thlanmual Committee

MODERN ENGLISH SCHOOL AIZAWL ADMISSION NOTICE Modern English School -ah kum 2010 atana Nursery a lut thar duh tan October 20, 2009 atangin Admission tih theih a ni. English medium a ni a, chhunchaw pek anni bawk. Nursery lut thar duh tan admission fee a awm lo. Principal Modern English School Dawrpui, Aizawl

Darlawn MPF -in YMA Ngen Oct. 20-22 chhunga neih tur YMA Gen. Conference thlengtu tur Darlawn khuaa MPF Local Forum chuan Central YMA hruaitu tur thlannaah YMA Palaite chu “YMA taka” inthlanna kalpui turin an ngen. Darlawn Local Forum-te hian Inthlanna thianghlim tak a awm theih nan nominate-te a\anga Conference kalna beisei lo tur leh sum leh therhhlo hmanga campaign an awm a nih pawhin chung mite chu thlang lo ngam tur leh vote thlak tur dik takte chauhin vote thlak turin an ngen a ni. Hetiang deuh hian CYMA hruaitute leh Nominee-te pawh MPF Headquarters hruaitute chuan Synod Conference Centre-ah inthlan chungchangah Meeting an lo neih pui tawh bawk a ni. YMA inthlan kum a pianga Campaign lo tura inngen tak fo mai hi a zahthlak ngawt mai!!

Pathianni

October 18, 2009

JOHN LT MAWIA DRUG STORE CUM CLINIC Thisen Zuk Ek Khak leh a dangte Lipid Profile, Liver Functions, Kidney Function test, S Typhi Test, Widal, Malaria PF/PD (ICT/ Slide) H.Pylori (Pumpui Lawng Hrik enna,etc.) BP Check TT Injection, Hepatitis B Vaccine, Anti Rabies Vaccine,etc.. WholeSale

&

Retail

Dealer Upper Bazar, Dawrpui, Hospital Road. Phone 0389-2314177 (4-3) 09436140345

Lawmthu Sawina Kan pa duhtak, Upa Kawlkhuma (East Lungdar) in ni 9.10.2009 (Zirtawpni) zinga min boralsan tak chungchangah, thil tul zawng zawng kan ngaihtuahbuai ngai miah lova, khawvar hma atanga min buaipui tute leh thinlung taka min tuarpui a, khawchhe hnuaia min awmpuitu zawng zawng chungah, keini a nupui leh a fate hian lawmthu sawi thiam tawk har kan tiin, kan thinlung chhungril atanga lawmna leh thlamuanna in zara kan dawnte hi sawi chhuak thiam lo mah ila, he kan lawmthu sawina tling lo tak hi veng chhung mipuiten min lo pawmsak turin kan ngen takmeuh a ni. Nangmahni zarah mawitak leh ropui takin kan vui liam thei ta a ni si a. In khawngaihna dawngtu, Dr.K.Lalbiakzuala leh a chhungte

Hriattirna Branch Executive Committee chuan Conferenceah hian kal ve ngei nise a tih angin, tun kar chhung khan Branch Office Bearer- te hnenah hming pek luh hun a siam a, vawiin Pathianni thleng hming ala pek theih a ni. YMA General Conference a kal tur zawng zawngte chu vawiin Oct 18, 2009 (Pathianni) tlai dar 3:30 ah Dawrpui Sikul ah in hmuhkhawm tur a ni. Conference a kal turte chuan Mutbu, Thosilen leh Torch light ken tur a ni a, Conference kal hun hi Oct. 20, 2009 (Thawhlehni) zing dar 10 : 00 ah Mizo Hnamro Chawisang Pawl Bld, Jail Veng a\anga chhuah tur a ni ang. Chawngbawla Section ten Emergency Light leh Silpoulin. Taitesena Section ten Tea Urn leh Vanapa Section ten Gas Stove, Bel leh No ken tur a ni. Heng ken turte hi Thawh\anni zanah lakkhawm tur a ni. Kan Branch hi hmun khat ah kan thleng khawm dawna, thlenna tur pawh ruahman fel vek a ni tawh bawk. Atam thei ang ber kal tum ila, Motor ngaihtuah ran angaih dawn avangin hun tiam chhung ngeiin hming pek luh i tum ang u. Sd/- Secretary, YMA Dawrpui Branch

4

Dawrpui

News

INFIAMNA

Kartin chhuak

Pathianni

SKA

PRESBYTERIAN

Robin Van Persie Kum 2003 a Arsenal Boss Wegner ‘an GBP maktaduai 3 lai senga a lalkluh khan Gunners fans tam tak chu an lungawi vak lo. tawnhriat nei tam lo, discipline chhe bawk si, a chipui Denis Bergkemp te meuh han thlak tur chuan an ring ngam tlat lo. Mahse rawlthar enkawl leh chher thiam avanga hming tha em em Arsene Wegner ‘an hun reilote chhungin England mai pawh ni lo, khawvel pum ang pawh a striker hriam leh hlawuhawm ber te zinga chhiar tel theih hial khawpa tha in a chhuah tlat. Dutch naupang tih tak ah, naupan tet atangin football a ngaina in a tui hle a, thiam pawh a thiam. A talent neih thatzia hmuiin Dutch club lian ve pawl tak Feyenoord chuan chher tlakah ngaiin Youth Acedamy ah an la lut a, mumal zawkin ei leh in thlengin an han hrual chho chu hma a sawn hle..Kum 18 a tlin meuh chuan Feyenoord senior team tan a inlan der tawh.Hlawhtlinna hrang hrang tawk chho mahse harsatna in a kiamsan bik hauh lo. Training na ah a teamate te nen han intihbuai rap rap chang a nei fo mai a,2003 UEFA Super Cup a Rael Madrid an hmachhawn tum phei chuan phuanthuah telin an thawn haw nghe nghe. Heng mualphona hrang hrang hian a thiamna a ti dang chuang lo ani chek ang Europe club lian tak pahnih German club Werder Bremen leh Liga lam Sevilla te chuan lakluh tumin an han dawr a. Mahse rin loh deuh maiin English club ropui Arsenal chuan 2004 khan an la lut ta daih a ni. Van Persie hian Gunners tana a khelh hmasak na ber ah an hmelma hlun Man United chu 2004 August a FA Community Shield an inchuh tum kha niin second half ah lutin a team hi 3-1 in a chakpui nghe nghe. Arsenal ah hian 1st team erawh a chang nghal mai lo. Wegner ‘an experience ngah zawk Bergkemp kaihza vengtu atan a la hmang hrih a ni. 2006/07 a h Dennis Bergkemp;an football a chawlhsan takah chuan khelhna hmun pawh a chang hnem ve ta hle, hetih hunlai a Thiery Henry nen an inkawp chho zet zawng an tawrh hlelhawm khawp mai. Mahse UEFA Champions League final ah Barcelona an hnehloh tum khan bench ah a thu tluan parh a ni.Vanduaithlak takin 2007 january khan Man United nen an inkhelh tumin hliam na tak mai a tuar a, mahse he season ah pawh hian goal 10 lai chu a thun tho.Season liam ta 2008/09 kha chu kan hre nual awm e, a che ropui hle EPL ah assist hnem ber nihna changin goal pawh 20 lai a thun. Ram tan pawh hnuhma a hnutchhiah ve nual tawh. A khelh hmasak ber na chu kum 2005 World Cup qualifying a Romania an hmachhawn tum kha a ni. A goal hmasa ber chu hemi hnu ni 4 na chiah ah Finland an hmachhawn tum in a ni. Netherland national team ah pawh hian an player pawimawh ber te zinga chhiar tel mek a ni. Footballer tam tak ang lo takin car chak tak tak a kawl ve ruih lem lo. Ama sawi dan ang takin ‘In nuam tak kan nei a, nupui hmelhtha tak leh fapa duhawm tak ka nei bawk a, car 4/5 ka mamawh ve lo ‘ a ti.

October 18, 2009

Oct 18, 2009

PATHIANNI Music Festival

Zing Inkhawm : Hruaitu : Pastor R. Vanlalnghaka Thusawitu : Upa C. Thansiama, Chanmari West Zaipawl : Upa Bial II & V Solo : Pu PC Lianhmingthanga Mouth Organ : Upa Lalbiaktluanga Chhun Inkhawm Hruaitu : Upa Dr. C. Zarzoliana Thusawitu : Upa Zothanmawia, Khatla Zaipawl : 1. Upa Bial VII & VIII : 2. Children For Christ : 3. Dawrpui Bial Zaipawl Solo : Pi Vanlalzapi Quartet : Mizo Vocal Band Zan Inkhawm : Hruaitu : Upa Rokamlova Thusawitu : Upa Zothanmawia, Khatla Zaipawl : Upa Bial I & VI Solo : Dr. Zothansanga : Nl. Zoramchhani, Ramhlun ‘N’ Male Voice : KTP Dawrpui Branch Instrumental Music : Tv. Lalhmingmawia leh a \hiante.

K|P Oct 19, 2009

Thawh\anni Zan

“Literature Nite”

Hruaitu |antu Thawhlawm lakhawmtute Thusawi tawi Thusawi Spl. Item

: Tv. F. Lalremruata, C/M : Nl. Kimlianmawii, Gabriela Gr. : Nl. Cindy Lalrammawii, Uriela Group. Nl. Lucy Ngaihbanglovi, UrielaGroup.. : Synod Book room a\angin : Rev. Thangzauva, Editor, SLP&B : 1. Nl. Lalruathlui 2. Dr. Zothansanga

(Damlo Pual Thilpek Bawm hun a ni ang)

SALVATION ARMY Oct 18, 2009 Hruaitu Thusawitu

THIANGHLIMNAINKHAWM : Tv.David Lawmzuala : Pu. Robert VL Thlamuana

CHHANDAMNA INKHAWM

Hruaitu Thusawitu

: Nl.Judy Lalfakzuali : Pu.F. Lalrinliana

Oct 19, 2009 Hruaitu Thusawitu Thawhlawm Bible Reading

SAY THAWHTAN ZAN : Tv.Lalrinnunga : Major Saitluanga DYS : Nl.V.Lalzamliani : Tv.KL Khuma

Published by Y.M.A., Dawrpui Branch, Printed at G.S. Offset Printers, Treasury Square