11 October, 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XIX Issue No 40

TUALCHHUNG LAWMTHU :

Pu Vanlalchungnunga leh Pu Rosangliana (P&Sons) te chuan Branch YMA-ah khawhar ina hman tur Bass Guiter man to tak Pu Rosangzuala (L) Church Square hriatrengnan an pe, an chungah Branch YMA a lawm hle TRAINING : 6th-7th October khan Pu Vanlalbika Branch Secretary chu ATI New Capital Complex-ah Disaster management training-ah a tel ve. THLANLAI : Tuirial lui a tuitla chhinga venga mi ruang leh 5th October a chhinga veng a leimin in, In a hnawl tak a boral ruangte kan Branch YMA chuan Chhinga veng YMA-te puiin thlan kan laihpui a, heta tlawmngaia thawkchhuak YMA member-te chungah Branch a lawm hle LAWMTHU : Pi H. Lalsangzuali Jail veng te chhung chuan YMA hnenah a tula hman atan sum engemawzat an hlan. DAMLO : Pu R.Rokhuma Dawrpui ‘West chu a mit zai a ni a, Civil Hospital ah engemawchen a awm hnu in October 2 (Zirtawpni) khan in lama inenkawl turin a lo chhuak Pu David Remruata Chawngbawla Section Secretary chu, Vellore-ah taksa lam in check up turin a thang mek BORAL : Vanrammawii kum 51 Pu Israel Rokhum Taitesena Section a mi ‘u’ chu October 4 (Pathianni) khan Brain tumor natna in Aibawkah a boral, thenawm khawveng ten an tawiawm tha hle.

RUANG THAWN CHHUAK : Upa Kawlkhuma f/ o Dr. K.Biakzuala Babutlang chu October 8 (Zitawpni) zing dar 1:30 khan a boral, YMA in kuang tumsakin a ruang hi East Lungdarah thawnchhuah a ni

Dawrpui News

Kartin Chhuak Pathianni October 11, 2009

DAWRPUI BRANCH YMA RISING DAY VAWI - 22 NA

D

awrpui Branch YMA chuan kan YMA din kum - 22 (Sawmhnih pahnihna) chu 3th October (Inrinni) khan kan hmang, kumin chu kan Branch YMA Rising day ni tak hi 4th October (Pathianni) a nih avangin hman a remchang lova, chuvang chuan a hun taka kan hman theih tak loh avangin a hma ni (Inrinni) hian hman a ni ta a ni. Branch YMA Executive Committee in a lo rel tawh angin, 3th October (Inrinni) zing dar 6:30 khan, mahni Section huamchhung theuhah Section hruaitute kaihhruaina hnuaiah khawlai thenfai hnatlang hi neih a ni a, Vanapa Section chuan Dawrpui Sikul ah innghak khawmin he hnatlang hi an tan a, chutiang bawkin Taitesena Section pawhin Mizo Hnamro Chawisang Pawl Building kawt atangin bul an tan bawka, Chawngbawla Section chuan Vanapa Hall kawt atangin an tan, hnatlang ah hian Section tin atangin member te an thawk chhuak tha hle a, mahni Section atang theuh a hnawmhnawk te Bazar Bungkawn ah hnuhkhawm/Lakkhawm a nih hnu ah Motor in paih a ni, heng bakah hian hnawmhnawk ritsak deuh hnuh khawm theih lohte chu a hmun ah, Motor veka lakhawmin paih nghal a ni bawk, he hnatlang ah hian kan vaiin Member 150 vel kan thawk chhuak thei a, zing dar 10 ah he hnatlang hi kan tin thei chauh a ni. Hemi ni vek hian kan Branch YMA din cham denchhen tho hian Aizawl Civil Hospital ah Thuthleng sei 5 (Panga) pek a ni bawk.

DISASTER MANAGEMENT TRAINING October 6th-7th 2009 khan New Capital Complex ATI Office, Training hall ah Community Based Disaster Management For NGO’S leader Training neih a ni a, he Training ah hian kan Branch atangin kan Branch YMA Secretary Pu Vanlalbika a tel. He Training ah hian chhiatrupna lo thleng thei laka inven dan leh a lo thlen hnu a veng mipui ten hma kan lo lak dan tur training hi an nei a ni, veng mipui ten kan hriat tur tlangpuite tarlang ila Disaster chu mipui, Vantlang, khawtlang leh chhungkaw khawsak phung pangngai nasa taka ti khaihlak tu leh ti balhhlahtu, buaina leh tawrhna namenlo tak mai lo thlenna a ni a. Thil hlauhawm, chhiatna rawn thlen thei tu lo thawk thutin nunphung panngai leh intunnuna ti khaihlak avanga mihring nunna leh in leh lo te chan vak lohna tura hmalak ngaihtir thin tu hi a ni tiin a sawi theih bawk. A tawi zawngin Mizo te chuan Chhiatrupna emaw rikrum thil tiin kan sawi mai thin. Heng chhiatna leh buai harsatna lo thlen tirtu (Hazards) te chu khuarel chhiatna (Natural Hazard/ Disaster) leh Mihringte thlen chawp chhiatna (Man-Made Hazard/Disaster) hrang hrang te avang a ni thei. Kan ramah chuan Chhiatna tawk an awm chuan a thei thei kan che chhuak vat thin a. Hetiang hun a lo thlena chhanchhuahna hna kan thawh dan erawh hi chu kan bihchian deuh a tha awm e. Hmun thenkhatah chuan kan hel nuai deuh niin a langa. Hliamtuar la chhan tlak ngawih ngawih pawh kan ti chau zual thei a, bungrua la hmantlak tur ngei pawh hmantlak lovah kan chhuah thei. Chuvangin chhanchhuahna hna kan thawhnaah awmze nei taka tih hram hram a tha. A tawng ring ring thu hi a fing ber lem lo fova, Val upa leh Khawtlang hruaituten rang taka an remruat na hi zawm thin nise, Tlawmngaia lo thawk chhuak ta chu han in hauh leh rih kha a rem tawh chiah si lova, a nawlpuia tih chi loh thilte pawh tam tak a awm thin, a chang phei chuan tlawmngaia lo inthiar fihlim a tul tumte pawh thil awm thei a ni. Hetiang hunah hian ngaihdan hrang hrang a tam tawh thin a, chuvangin ngaihdan fing leh remhriate ngaihchan thiam a pawimawh hle. Chhanchhuah hna thawk tuten harsatna an tawh fo thin chu hna pawh thawk ve chuang lemlo, hmuhnawm thlira lo thlirtu mipui pungkhawm tam lutuk thin hi a ni, Hna thawk ve thei pawh ni lo, nunau, hmeichhia leh naupangte pawh hi kan hawkdak lutuk deuh a, hnathawktu dipdaltu leh hnawksak kan tam thin hi sim a hun tak zet a ni. Chak tak leh awmze nei zawka chhanchhuah hna thawk tur chuan dipdaltu an awm tur a ni lo. A pawnga puia kan in chim luih luih hian inhliam belhte a ( Phek hnihna-ah zawm)

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

YMA CHU ......!! YMA hi a dintirh kum 1935 lai vel kha chuan YLA tih thin a ni a. Hun a kal zel a, YMA tih hming a thlak a lo nita a ni. YMA chu tanpui ngaite tanpuitu a ni a. YMA chuan thleibik nei lovin mitê leh milian ang khatin a en a. Tanpui ngaite tanpuitu a nih angin mite harsatna tawh a tanpui var tu pawl a ni. Pathianin mihring te min din chhan leh he khawvel a min dah chhan chu midangte tan a malsawmna nitur leh midangte tanpui turin, a ramzauh hna thawk turin a ni a. Chu hna ropui tak thawktur chuan kan Missionary hmasaten Pathian rawn chungin YMA hi an lo din ta a ni. Chuvangin YMA hi a ropui a, Pathian duhdan tihlawhtlingtu pawl lian tak a ni. I ngaihtuah ve ngai em? He pawl hi nang leh keia awmna, kan thawhhona a ni a. YMA a thahnemngaitaka kan tel hian Pathian rawngbawl kan lo ni reng mai bakah, kan veng tan malsawmna kan lo ni reng bawk a ni. I YMA ngai em le?

VC NEWS Vengchhunga Garbage Trailer lak sawn alo nih tak avangin leh Department-in Bawlhhlawh paih tur Contract a pekte tih tawp a nih tak avangin bawlhhlawh paihnaah vengchhung mipui ten harsatna kan tawh mek chu Dawrpui VC chuan pawi a ti tak zet a. Sawrkar lam hotute hnenah pawh thlen a ni tawh a bawhzui mek a ni bawk a ni. Hemi chungchangah hian VC chuan theihtawp a chhuah mek a, mipuite dawhtheihna a ngen bawk a ni.

Pathianni

October 11, 2009

( Headline chhunzawmna ) hlauhawm a, chubakah hna a kal chak thei lo. ENGTINNGE KAN TIHTAK ANGLE ? Chhiatna thlen hma, thlen lai, thlen hnu a tih tur leh tih loh tur te kan inhrilh vek seng lova, heng a hnuaia mite hi chu ngai pawimawh ila. 1. In sak dawnin mithiam te rawn hmasa la, hmanraw tlawm ringawt um lovin a tha ngei hman tum ang che. 2. In inchhungah bungraw rit, mi delh na thei chi asangah dah lola, ilo dah a nih chuan lirnghingin a rawn sawi tlak chuan a delh palh hlauh ang che. 3. Lir a lo nghinin chiai mai lola, khum hnuai emaw, dawhkan hnuai ah emaw awm la. Nghet takin dawhkan/Khum ban chu dawm ang che. 4. Lir a lo nghin laiin tukverh darthlalang bulah awm lola, thil rit rawn tlak mai thei tur che bulah awm lovang che. 5. Electric hrui chat leh zam mumallo i hmuh chuan P&E Deptt. ah hriattir vat la, mahni a khawih loh tur. 6. Eirawngbawlna Gas chu i hman zawh rual rualin a regulator ah Off ziahla, chawhmeh kan nana i tel (oil) chhuan a alh palh a nih pawhin rang takin a regulator ah off zel ang che. 7. Gas cylinder dahna chu phui lutuk tur a ni lova, a rim a lo chhuak a nih chuan a bul hnai kawngkhar leh tukverhte hawng la, nawalh emaw thilkang thei chi reng reng hman loh tur 8. Chaw, chawhmeh etc. Gas a i chhuan laiin chhuahbo san suh. i lenchhuah dawn reng rengin in Gas chu i off fel em tih finfiah rawh. 9. Chhiattawhna hmunah chhanchhuahna hna i thawhin ngaihtuahna fim tak hmangla, hliam, nunna chhan theih an awm em tih ngaihtuahin an nunna chhan tum hram ang che. 10. Chhiatna lo thleng chungchangah thu diklo thehdarh hi a pawi thei em em a, thil hrechiang silova hre ber ang mai a thu belhchian dawllo chu thehdarh loh a rin loh bawk tur. 11. I inah tuidawn tha tak siam la, tuiluankawr mumal takin siam bawkla, tuiluankawr mumallo avang hian lei min a siam 12. Kangmei chhuahna bul hnaiah i awm a nih chuan ngaihtuahna fim tak hman tum la, chiai suh. Bungrua aiin nunna a hlu zawk a ni tih hriain mihring chhan ngai an awm em tih ngaihtuah ang che. 13. Chhiatna eng chi pawh hi lo thleng thei thut thei reng a nih anih avangin in chhungkua ah fimkhur a tul dante inhrilh hria ula, in himna turin ruahmanna siam ang che. 14. Harsatna i lo tawhin, tanpuitu i mamawh thei a, heng Telephone No. nang leh i chhungten hria ula, Police station - 100, Fire Service - 101, Civil Hospital (Casualty) - 102 ( Heng bakah hian chhiatrupna lo thleng thei tur lakah leh a in ven dan tur rawn tarlan tum thin a ni ang )

D A W R P U I W E S T H N AT L A N G

MUP NEWS

September 28 (Thawhtanni) khan Dawrpui West Welfare kawngpui dung leh kawngko samfai leh kawngchhuat khuar hnawhmam leh phiahfai hnatlang neih a ni, A thenin thuthleng nawh mam leh rawng hnawih ab thawk a, mi 50 chuang zet an thawk chhuak, tunlai hian tan an la thar hle. An Welfare thuthlengte hi veng chhiat thatah hmang tangkaiin kan pawt kual mek a, tunah hian a kawltu leh a dahna inte tan buaithlakna chen a awm avangin a dahna tur an haihchham deuh tlat mai.

October 7 (Nilaini) khan Dawrpui MUP unit ten Sahuan leh Mizoram University kan tlawha, sahuana an hotu ten min duhsak em em a, Pu Ramthanga leh Pu Liankima Lailung te an ni a, Sahuan kan en laiin Motor min hruaiturin tum thum lai an rawn tira, an chungah kan lawm em em a ni, chhunchawlah theitui tui tak te min sem a, Upa te min duat a kan va lawm tak em! University-ah Upa R.Zodingliana’n thingpui leh a hmeh min lo khilaia, ril a tam tawha an chungah kan lawm tak meuh a ni. Kan ei teuh mai Upa te min va ti lawm em! Tin Cassette siam a ni a, a duh chuan Pu V.Lalliana leh Pu B.Darchhinga, Pu Zadingluaia hnenah Rs.15 in a lei theih

3

Dawrpui

News

Kartin chhuak

HRIATTIRNA LEH NGENNA

1. THLAN HUNG TAWH LOH TUR : Tun atang chuan thlanmuala in phum turte reng reng chuan thlan hungna siam tawh loh tur a ni a, chhinchhiahna felfai tak siam zawk tur a ni. 2. THLAN HUNG TAWHTE TAN : Thlan hungna awm hian tun hma atang leh tun hun leh hun lo la kal zel tur atan, harsatna tam tak min siam mek in min siam belh zel dawna, heng avangte hian : a) Thlan hungna thir/thing zum hian thlan laitu kan thalaite in tih palhna alo thlen fo tawh thina, heng bakah hian thlan vur turte tan a bula thlan in hung a awm hian chetlakna a tibuai thin. b) Thlan hungna hian ruang vuiturte tan harsatna a thlen nasa em em a, kuang pawh zawn hleih theih loh leh kal hleih theih lovin kal kawng a dip thin. c) Thlan laiturte tan, tan a bula thlan in hung a awm hian chetlak a ti remchang lovin, hun tam tak min paih phah tir thin. d) Thlan pala hnimbuk zamte hian mi awm tha duhlo te tan remchanna a siamsak thin a, Drugs/Zu addict te leh zan vak thinte tan riahna hmun leh thilsual tihna atan an hmang thin. Heng te avang hian kan ngenna hi zawm hram i tum ang u. Secretary Dawrpui Thlanmual Committee LAWMTHU SAWINA Ni 25/9/2009 leh ni 5/10/2009 a Chhinga Vengin Motor Accident leh Leimin avanga chhiat kan tawh chungchangah Dawrpui Veng V/C leh YMA leh mipuiten min lainat a tha leh zung bakah sum tamtak senga min buaipuina zawng zawngah Chhinga Veng khawtlang chuan thinlung takin lawmthu kan sawi a. Mimal tin hnenah lawmthu kan sawi theih loh avangin Chanchinbua kan lawmthu sawi hi min pawm sak turin kan ngen a che u. VC leh Branch YMA Chhinga Veng

Pathianni

October 11, 2009

LAWMTHU Kan fapa, P.C.Lalchhandama (Bawiha) ni 19.9.2009 (Nilaini) a chatuan rama min hawsan thuah, column thuitakin Dawrpui News ah a chanchin chhuah a ni tawh a. Mahse kan lawmthu han ziah loh chu kan thinlung a dam thei lova, kan lawm em em a ni tih kan han sawi nawn leh a ni e. PakhatnaDawrpui YMA Branch hruaitute leh Memberte kan chenna hmun leh ramah kan fapa ruangdai, zankhua a min tlaivarpui a Lalpa in hanfak leh nundan zemawi tak nen hun in han hmangte, a tuk a a thlan thuk leh mawi taka min laihsak avangte khan kan va lawm em. Tin, Kan fapa Bawiha puala, Bible a nupui hnena inhlan te kha kan va lawm em!! Tlangval inriak nise, YMA ze mawi tak nen an va fakawm em aw.. PahnihnaMHIP Dawrpui Branch hruaitute chungah kan va lawm em. Kuang mawitaka min han cheisak a, invuini a thlirtu leh hmutu apiang khan mawi an ti a ni. Vengdang atanga MHIP hruaitu lokalte chuan entawntlak innihzia a hmu a, kan va lawm em. Kan chhungkaw tan hian in va hluin kan va lawm tak em. PathumnaMizo Hnamro Chawisang Pawl hruaitute chungah kan va lawm em. Mipuitan a tul a pianga hman tur bungrua phal taka min hmantir avangte, YMA hun tawp hnu pawh a tangkai taka thenrual thate nen kan inkawmna kan neih theihna tura thutna nuam tak mai min hmantir avang te khan kan lawm a zual a ni. PalinaDawrpui News Editor leh a thawhpuite chungah kan lawm a. Kan fapa Bawiha chanchin chhuah nan Column min lo tihsak a, min lo chhuahsak avangin lawmthu kan sawi a. Tichuan hetianga kan sawichhuah loh pawh lawmthu sawitur a tam a, chung zawng zawngah pawh chuan lawmthu kan sawi nghal bawk e. Lalpan malsawm zel che u rawh se. Major P.C.Thansanga te chhung Dawrpui Jail veng

DAWRPUI BRANCH Y.M.A CULTURAL CLUB

LAWMTHU SAWINA Hun engemawchen kalta a Pu Vanlalchungnunga (Laichaia) leh Pu Rosangliana (P&Sons) ten Pu Rosangzuala (Bhaga) hriatreng nana Bass Guitar min pek chu hun rei tak chhung \angkai taka kan hman hnuin a lo hlui deuh tawh avangin an ni pahnih bawk hian tunlaia Company \ha ber chi Ibanez Gio Bass Guitar thar \ha tak min pe leh a, an ni pahnih YMA tana an inpeknaah hian thinlung takin Branch chuan lawmthu kan sawi tak meuh meuh a ni. Sd/Secretary, Dawrpui Branch YMA

Dawrpui Branch YMA Cultural Club pawh kan intuaithar tan leh mek a. Kumin chhung ngei hian Art & Culture ah affiliation tih hman tum a ni a. YMA member te’n tan ila thar ang u. Ni 8.10.2009 (Ningani) zan dar 7:00 atangin Dawrpui School Hall ah lam hi zir tan leh a ni a, Member te an kal tha thawkhat hle a ni. Ni 13.10.2009 (Thawhlehni) zan dar 7:00 P.M ah a hmun ngaiah hian lam zir leh tur a ni a. Lam zirna a kal thinte leh lam lam a tui mite i thawk chhuak leh theuh ang u. Tin, in tawiawm hi i ching thar bawk teh ang u. Nu leh Pa te paw’n kan thalaite lamzir turin i tir chhuak thin ang u. Hnam lam hi kan hnam rohlu a ni a. Keini thangtharte hian he kan hnam ro hlu hi chhawmnung zel turin tan ila tlang ang u. Secretary Dawrpui Br. YMA Cultural Club

4

Dawrpui

News

Kartin chhuak

JOHN LT MAWIA DRUG STORE CUM CLINIC Thisen Zuk Ek Khak leh a dangte Lipid Profile, Liver Functions, Kidney Function test, S Typhi Test, Widal, Malaria PF/PD (ICT/ Slide) H.Pylori (Pumpui Lawng Hrik enna,etc.) BP Check TT Injection, Hepatitis B Vaccine, Anti Rabies Vaccine,etc.. WholeSale

&

Retail

Dealer Upper Bazar, Dawrpui, Hospital Road. Phone 0389-2314177 (4-2) 09436140345

LAWMTHU SAWINA Ka u H.lalrawngbawla September 29 (Thawhlehni) a boralnaah kuang siam leh a chenna in Venglai, Kolasib-a thawnna kawng engkima min lo buaipuina avangin inchungah lawmthu kan hrilh a che u. Khawtlang hruaitute leh Kohhrante chungah keinin kan rulh zawh loh tur duhsakna, tanpuinate leh tawngtaina kan dawnte hi Pathianin a leta rul a, malsawm tur che in tawngtaina hmangin inchungah lawmthu kan sawi e. Civil Hospital-a kan awm tantirh atanga a boral thlenga theih tawp chhuaha min buaiputu doctor-te leh nursete chungah lawmthu kan sawi bawk a. Tin, Hnamro Chawisang Pawl, MHIP Dawrpui Branch, thenawm khawveng leh a bik takin Pu Liankima leh Pu K.Liantuala Jail Veng, Dawrpui te chungah lawmthu kan sawi bawk e. In kal leh zelna turah Pathianin malsawm che u rawh se.

October 11, 2009

Pathianni

PRESBYTERIAN October 11, 2009 |antu

PATHIANNI Sunday School

: Pu Chawnghuliana, B-V Chhun Inkhawm

Tantu : Pu Vanlalhuala B-VIII Thusawitu : Pu H.Thanmawia B-VII Zan Inkhawm Tantu : Dr. Lalsangluaia B-III

K|P October 11, 2009 |awngtai Inkhawm A hmun : Fellowship Hall Hruaitu : Nl. Cindy Lianthuampuii, Mikaela Group |antu : Tv. Lalruatfela, Gabriela Gr. October 12, 2009 Thawh\anni Zan Hruaitu : Tv.Lalthanhawla, Treasurer |antu : Nl. Malsawmtluangi, Uriela Gr. Thawhlawm : Tv.Lalchungnunga, Mikaela Group. lakhawmtute Tv.Lalchhuanliana Mikaela Group.. Thusawi : Tv. Jimmy Lalthianghlima, Asst. Secretary Thupui : Rorelna dik - Thalaite mawhphurhna

SALVATION SALVATIONARMY ARMY

In khawngaihna dawngtu, H.Lalsangzuali Jail Veng, Dawrpui, Aizawl.

KUMIN CHU DARLAWN LAMAH AW! YMA General Conference 2009 chu Oct., 2022, 2009 chhung hian Darlawn ah neih a ni dawn a. Central YMA chuan Member a tam thei ang ber kal turin min sawm a ni. Hemi atan hian kan Branch Committee chuan member a tam thei ang ber kal ve ngei nise tiin a rel a. Kan Branch a\anga kal tum te chu Branch O.B te hnenah tunkar chhungin hriattir ngei tur a ni e. Kan Branch hi hmun khatah kan thleng khawm dawn a, thlenna tur pawh ruahman fel vek tawh a ni bawk. Member atam thei ang ber kal tum ila, hun tiam chhung ngeia inpek ngei tum bawk ila, motor ngaihtuah ran a ngaih dawn avangin. Hun tiam hnua inpekin awmzia a nei lovang. Ruitheihthila fihlim lo tan hming pek buai a ngai lovang. Kal tur ten mutbu leh thosilen ken ngei ni se.

Programme hi kan dawn loh avangin kan chhuah lo a ni. Kan hriat \heuh angin kumin hi Central YMA hruaitu turte thlan kum a ni a, tun \umah hian Nomination mi 16 ten an file a, heng a\ang hian mi 6 kan thlang chhuak dawn a ni. Central YMA hruaitu tur atana Nominate-te chu: 1.C. Chuaukunga Mission Vengthlang 2. C. Zoramliana Tuikual North 3. D. Lalrintluanga Bethlehem 4. J. Lalsailova Mission Veng North 5. Lalbiakzuala Khatla 6. Lalchungnunga Ramhlun North 7. Lalchhanhima Pautu Ramhlun South 8. Lallianzuala Dawrpui Vengthar 9. Lalrochuanga Pachuau Zarkawt 10. Lianzuala Electric Veng 11. R. Lalngheta Hlimen 12. RL. Rindika Bungkawn 13. RS. Lalrinsanga Tanhril 14. T. Sangkunga Dinthar 15. Vanlalrema Rokhum Zemabawk 16. Vanlalruata Tuikual South.

Published by Y.M.A., Dawrpui Branch, Printed at G.S. Offset Printers, Treasury Square