10 May, 2009

Gupshup zawm dan - JOIN DAWRPUIYMANews tihhi 567678-ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XVIII Issue No 19

TUALCHHUNG TUAKTHAR : May 7 (Ningani) khan Lalnunsanga s/o Zadingluaia leh Lalnilomi d/o C.S Vanhnuna Dawrpui West an innei May 8 (Zirtawpni) khan Lalfakawma s/o Lalmawia Dawrpui West leh Zothanpuii d/o VL Zuala New Market an innei bawk LAWMTHU : Pu Lalngaihawma New Market chuan News chhutna a hman tur Computer keyboard min pe a a chungah Dawrpui News Editorial Board te kan lawm hle DAMLO : Pi Ngursailovi w/o Pu James Thanmawia chu nimin khan New life hospital ah zai a ni Pi Dawngi m/o Dr Zothansanga Dawrpui South chu Civil Hospital ICU ah a awm meka a tha chak vak lo niin thu kan dawng Pi Zuimawii M/o C. Lalbuanga chu in Check-up in Guwahati-ah a thang mek. Pu R. Lianbangova Mumbai lamah check-up a kal pawh May 8 2009 (Zirtawpni) khan dam takin a lo haw bawk. CHHUANAWM : Tv.Robert Lalremruata s/o Sangliankhuma Upper Bazar chu Yamaha Bike Dealer thla hmasa khan New Delhi ah award chi 2. 1) Outstanding Achivement 2) Excellence in Sales a dawng tawha, tunah hian India rampum a “ Star Dealer Award” dawng tura thlan leh a ni. Naktukah N.Delhi a pan dawn ZIN : Pu Malthantluanga V.C Vice President chu phailamah a zin mek tunkar nilaini hian arawn haw leh dawn niin thu kan lo dawng DAWR RAWK : Pu H. Dingluaia, Branch Treasurer Dawr Cell Care Upper Bazar ami chu May 6, 2009 (Nilaini) zan khan mi tu tih hriat loh ten an rawk a, Dawr bungrua engemawzat an la a, tunah hian a titu tak hriat ala ni lova, Forensic lam ten an chhui mek niin thu kan lo dawng.

Dawrpui News

Kartin Chhuak

Pathianni May 10, 2009

Vantlang Inkhawm Khawtlang hruaitu hrang hrang VC, YMA MUP leh MHIP Joint Meeting chuan tun kar May 14, 2009 (Ningani) zan hian Vantlang Inkhawm pawimawh tak a kova, hetah hian veng chhung mipuite a tam thei ang ber kal tura hriattir kan ni. HE vantlang Inkhawm koh chhan hi, khawvel \ang zelah veng mipuite pawh kan lo pung chho ve zel a, mipui kan tam na na na chuan mamawh pawh a lo pung chho zel a nih hi. Tuna kan hman lai mek kan thlanmual hi veng \henawm Saron veng, Chhinga veng, Armed veng leh Tuithiang ten min \awm mek a. Tunah hian hmun awl inphumna tur tih tham a awm tawh lova, hemi a nih avang hian kan khawtlang hruaitute chuan thlanmual thar tur ngaihtuah ran a ngai a ni tih hriain, kan veng bil ta tur thlanmual thar hmun hranah neih \hain a hria a, hemi chungchang ngaihtuah tur hian khawtlang hruaitute chuan mahni maia ngaihtuah chu \ha ti lovin, veng mipui kalkhawm ten i ngaihtuah ho ang u, tiin Vantlang Inkhawm a ko ta a ni. A pawimawh em avang hian hemi zan na na na hi chuan chhung tin ten Porgramme dang siam lovin, chhung tin a\angin a tlem berah mi pakhat tal kal ngei turin min ngen tak meuh meuh a ni. Programme chu hetiang hi a ni e. Chairman : Pu Zosangzuala (VCP) Hunserh : Maj. Vanlalhuma, Bazar Corp CO Sawi hawnna : Pu Chhawnkima Pachuau, President YMA Report : Pu Rochungnunga Sawihona : A duh apiang tan.

YMA DAY SPORTS YMA Branch Executive Committee chuan a lo rel tawh angin Sport SubCommittee kaihhruainain kumin 2009 YMA Day Sports chu May 15, 2009 (Zirtawpni) zan hian neih \an a ni dawn ta. Kum dang ang lo takin kumin hian Sport Item pawh a tam thei ang ber buatsaih tum a ni. Tunkar zirtawpni zan hian a hawnna neih a ni anga, Pu Chhawnkima Pachuau, Branch YMA President in a hawng dawn a ni. He Sport hi YMA Day June 15 ah kharna leh Item \henkhat Final neih a ni ang. Kumin a Sport kan neih tur Item te hi Major Games leh Minor Games a \hen a ni a, point system a kalpui tur a ni. Major Games-ah hian pakhatnain point 10, pahnihnain point 7 leh pathumnain point 5 te a keng dawn a, Minor Games-ah hian pakhatnain point 5, pahnihnain point 3 leh pathumnain point 2 a keng dawn bawk a ni. Item hrang hrang kan intihsiakna turte leh Incharge turte lo tarlang ila. Major Games : May 16 & 23 2009 (Inrinni) Football (Men & YMA chhang) : Incharge : Lalrinsanga Pachuau Referee : Pu R. Zoliana, Tv. Lalremliana, Pu Lalbiakdika, Tv. Lalsangbera, Pu Ziakkima Pachuau leh Tv. Lalhmangaihzuala. Tug of War (Men & Women) : Incharge : Sports sub-committee Basketball (Men) : Refree : Tv. Lalruatfela, Tv. Henry Lallawmsang, Tv. Hmangzidinga, Tv. Freddy a. Volley Ball (Men & Women) : Refree : Tv. Lalchhandama, Tv. Lalremliana, Pu R. Zoliana, Pu Ziakkima Pachuau. Attendance : Incharge : Sport Sub- Committee (Phek 2-naah zawm)

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SK-A) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

BRANCH YMA OFFICE BEARER IN BIALTU MINIST ER KAWMNA MINISTER 28 April (Thawhlehni) tlai khan Branch YMA Office Bearer te chuan Bialtu Minister Pu Lalsawta chu a Office Chamber ah kawmna hun tha tak mai an nei a, hetah hian khawtlang thil pawimawh hrang hrang sawipui a niin heng bakah hian veng mipui ten kan hriattur tlangpui kan han tarlang ange. 1. YMA SILVER JUBILLEE : Dawrpui Branch YMA hi 1988 October thla ah kan ding tan ve a, kum 2013 hian a kum 25 na (Silver Jubillee) kan lo thleng dawn ta der mai a, heta tan hian Upper Bazar a YMA Building chu Jubille Building a tana hawn hman turin sak that nise tih sawi ho a ni a, hetah hian Bialtu pawh a in hawng hlea ‘Estimate te rawn siam ula’ tiin thu an dah a ni 2. YMA DAWR : Kan Branch in tangkai taka kan hman mek kan YMA dawr New Market leh Zion Street a mi chu sak that nise tiin sawi ho a ni leha, hetah pawh hian ‘kumin chhung atan chuan pakhat tal sakhman kan tum dawnnia’ a ti bawk a ni 3. WAITING SHED SAK : Dawrpui thlanmual hi kum 1910 atanga hman tan a nih thute veng tam takin kan intawm thute sawipui a nih bakah thlanmual waiting shed sak belh kan mamawh zia thu sawipui a ni bawka hetah hian a ni chuan tunah mai chuan fund hman tur a awm mai lova ‘fund awm veleh bawhzui atan’ a tih a ni May 2009 chhung hian Section hruaitu ten In tinah Dawrpui News man Rs. 100/leh CYMA Chanchinbu Rs. 70/70/-an rawn khawn dawn a. Chhungkaw tinte an rawn khawn huna lo pe hram hram turin kan inngen a ni.

( Admission Open till 20th May’09) Nu leh Pa duh tak, Heng zawhnate hi han chhang teh ? * I hmangaih, i fa kha a rilru chakse i ti em? * Thil chikna a tla chham em? * Mahni inrintawkna a nei tha tawk em? * A careless i ti maw? P & SONS IN * Mathematics subject a hlau em? An zirlai pangngai tibuai si lova heng zawng zawng chhanna hi a awm asin!!! Chu chu ALOHA hi a ni. Saturday-ah chauh class kal thin a ni ang. Contact : 2301870 / 9862357002 / 9862771734

May 10, 2009

Pathianni

Hriselna Huang

Sa ei Dr. Thangchungnunga MBBS MS (Ortho) Mizote hi rin dan leh ngaihdan nei ve tlat, mithiam zawkte sawi pawh ngaihsak lova advice klo pe ve chiam chiamte, kawng bula In sak phei chu ninawm khawpin, thil hria leh sak dan hria sawi tur nei an tam hle. Ninawm khawpin kan \awng peih a, kan hriat chian mahni hna leh kan hriat zawng sawi \ha peih si lo, mahni thil hriat loh zia pawh hre pha lo. Entir nan : khup a na a, tui chhia a lo tling a, paih a ngai a, kan paih a. |henawmpa in ‘Hetiang a \ha lo, thling a ro duh’ te an lo ti a. Thling awmna pawh hre ngawt lo khan damlo tana kal leh pawh chakawm lo khawpin an lo sawi \haih a. A chhiat tawpah an lo kal leh tho a, a dam har tawh \hin. Chuvangin common sense kan hriat hi \henawm khawveng te tan hman \angkai tum ila, zira hriat chi chu a zirte kuta dah mai te pawh hi thiam ila. Khawtlang rorel thlengin kan sawiselin kan sawipui chiam \hin. Thil reng reng hi a \ha zawnga hman kan tum a ngai a ni. Sa ei tih hi, kan ei nasa deuh niin a lang. Ruhseh kan ngah ta lutuk te hi, mit leh kala lungte awm titamtu a ni bawk. Sa ei tura duan hi chu kan ni deuh niin a lang kan ha leh bawng ha hi a inang e mai. Chuvangin, ruh na, lung na, kala lungte awm , thin dawt \halo laka awl te a invenna chu, sa a tlem thei ang bera ei emaw ei loh a \ha, ruhseh nei tan chuan. Hei pawh hi mi \henkhat chuan ‘Arsa a haw lo’ an lo ti leh a, Ruhseh nei chuan Sa, a ke nei chi reng reng chu a haw vek tih hriat tura ni. (Phek khatna zawmna)

Minor Games : May 15, 16 & 23 2009 1. Tombola : Announcer : Pu Lalremruata (V.Sec) A hertu tur : Tv. Jonathan F.Zomawia (Ch. Sec) Point Scorer : Pu R. Zoliana (Ch. Sec) 2. Dolchuh : Incharge : Pu Vanlalhriata (Gola) (Ch. Sec) 3. Chinese Checker : Incharge : Pu Ziakkima Pachuau 4. Draught Board : Incharge : Pu Lalbiakdika (V.Sec) 5. Chess : Incharge : Tv. Lalrinawma 6. L.T.P : Incharge : Nelson Lalthanpuia 7. Inbuk : Incharge : Sport sub-committee 8. Carrom Board : Incharge : Jonathan F. Zomawia 9. Dart Throw : Incharge : Sports sub- committee 10. Arm Wrestling : Incharge : Tv. Lalsangbera (T. Sec) 11. Race (100 metre & Relay) : Incharge : Sport Subcommittee 12. Kalchhet Relay : Incharge : Sports Sub-committee 13. Obsticle Race : Incharge : Sports sub- committee 14. Three Legged Race : Incharge : Sport Sub-committee 15. Kawikah : Incharge : Sport Sub-Committee 16. Shooting : Incharge : Sport Sub-committee 17. Sairawkherh perh : Incharge : Sport Sub-Committee Heng bakah hian YMA Day niah a \ul dan azirin Sport Item hi tih belh ala ni dawn a ni. Heng intihsiakna reng rengah hian thu tawp chu Sport Sub-Committee-in a siam zel anga, sawi buai theih a ni lovang. He Sport hi a hlawhtlin theih ngeina turin Section tin hruaitute leh Memberte \hahnemngai taka \anla turin kan inngen a ni e.

3

Dawrpui

News

Kartin chhuak

Pathianni

SECTION NEWS

CHHIAT KAN TAWK - Mama pa Kumin 2009 chu Dawrpui Khawtlangin chhiat kan tawk ngun ta hle mai, kan kum chhiat kum te pawh a ni ang tih a hlauhawm. Hetih lai hian tumahin mahniin chhiat tawhna kan hmachhawn thei lova, midangte \anpui ngai vek kan ni. YMA te hian kan VIP te chu chhiat tawk, \anpui ngaite hi an ni tih theihnghilh lovin \an ila lehzual teh ang u. Khawtlangah chhiat tawk kan awmin, chhung tinte kan in enfiah a pawimawh hle. Eng kawngin nge ka \angkai ve theih anga, mite tan malsawmna ka nih ve theih ang? tih ngaihtuah chungin kan hun i hmang ang u. Midang ka mamawh lo, ti ni awm taka awm \halai kan tam ta hle mai. Khawhar In len : Khawhar In len hi tun aia taima lehzual a \an kan lak a ngai. A zan hnihna a \halai leng awm manglo te hi kan inenfiah a \ha hle. A tawp zana Ina lenglo khawp kan awm leh si hi zawng YMA Memberte tih tur ni chiahin a lang lo. Kan YMA zan thum chhung na na na hi chu i ngai pawimawh hram ang u. Memberte mawhphurhna liau liau a ni e. Mitthi lumen : YMA Member heti zat awmna vengah \halai tlaivar kan tlem lutuk \hin hi inenfiah a ngai hle. Ngaihbel theih deuh tur hian khawhar chhungte azirin kan tamin kan tlem \hin niin a hriat theih. YMA chuan milian leh mite a thliar tur a ni lova, \anpui ngaite chu kan \anpui mai tur a ni. Mitthi lumen zana YMA hruaitute hmel (Tlaivar) hmuh tur an awm loh hian a hrilhhai thlak duh hle. Kan zai hruaitu ten tlaivar zaka zai an hruai \hin te hi a lawmawm \hin hle. Thingpui sem : Kan nulate pawh hian \an lakna tur an ngah hle mai. Hun dangah chuan thingpui sem turah harsatna a awm loh laiin, lumen tuka nula thingpui sem tur kan inhmu zo manglo fo mai hi \an lak thar leh a \ul hle mai. Thlan laih : Dawrpui vengah hian |halai thlan lai rual kan tam ang huin, thlan lai kan tlem \hin lutuk hi enge a chhan ni ang? Hna thawhin a zir loh avanga lai lo chu kan awm ngei ang. Amaherawhchu, laih tum lo hrim hrim hi kan tam hle. Tuna lai \hin tlem te pawh hian an hman bik vang ni hauh lovin, mahni hna \ulte kalsana lai \hin te an ni tho. Hna thawhin a zir loh chhuanlam avanga lai lo ho hi Holiday-ah pawh an hmel hmuh tur a vang tho mai. Dawrpui veng hi tu ta mah a ni lova, a chhunga chengte ta a ni. Dawrpui veng dam reng rawh se.

Hei hi Aizawl-a Helicopter lo \um hmasa ber a ni a, a \umna hmun hi tuna Lammual ni mek hi a ni.

May 10 , 2009

TAITESENA SECTION A hnuaia hun leh hmun ruatah ah hian Section sumtuakna atan Section area ah pheikhawk nawh hnatlang neih tur a ni a, member te atam thei ber kal tur a ni e. A hun

:

Innghahkhawmna tur

:

12 May (Thawhlehni) 7:30 PM Hnamro Building kawt

CHAWNGBAWLA SECTION Chawngbawla Section chuan 5 May (Thawhlehni) zan khan Pu R.Lianchhawna Dawrpui West te in ah Section Committee an nei a, hetah hian thil pawimawh hrang hrang rel niin veng mipui ten an hriat tur tlangpui kan han tarlang e. An Section ah YMA chhang din a niin heng a hnuaia mite hi kum 2009 chhunga YMA chhang hruaitu tura an ruatte chu an ni. Convener : Tv. Michael Zomuansanga Asst Secretary Chawngbawla Section Ast Convener :Tv.C.Lallawmzuala. Section Com.member Leader : Lalrempuia s/o Zomawii Asst Leader : Malsawmdawngzuala s/o M.S Dawngliana Secretary : Jonathan Lalruatfela s/o R.Zothantluanga Asst Secy : Lalthantluanga s/o Lalromawia (Zofa) YMA chhang hruaitute hian 9 May (Inrinni) khan Committee member an ruata karlehah chanchin kimchang tarlan tum a ni LAWMTHU :Pu Malthantluanga V.C Vice President chuan Section a matric pass tharte hnena hlan tur Certificate man tlawm takin min print sak bakah, TV.Lalrinsanga (Asanga) an Certificate min design sak bawk avangin an chungah an lawm hle

VANAPA SECTION A hnuaia hun leh hmun ruatah ah hian Vanapa Section Committee pawimawh tak neih tur a ni a,Section Committee member ten i ngaipawimawh ang u A hun

: 12 May (Thawhlehni) 7:30 PM

A hmun

: YMA Committee Room Dawrpui School

Hei hi kum 1890 Aizawl, kan veng a nih hi

4

Dawrpui

News

INFIAMNA

Kartin chhuak

Pathianni

PRESBYTERIAN

- SKA

John O’ Shea (The Unsung Hero) 30th April 1981 Clubs : Ferry Back FC Antwerp Man.United. Football Club tha tak tehna hi kawng hrang hrang a awm thin. Thenkhat chuan striker emaw midfileder tha neih hi club tha ah an in ngai mai thin. Mahse hei hi thudik tluantling zawng a ni hauh lo. Tunlai a club ropui leh tha sawi apiang a lo lang thin Man United hi anni. Players tha tak tak an nei, Rooney, Ronaldo,Vidic,Teves,Giggs etc..Mahse heng player ho hlawhtlin theihna tur a thawkrim leh langsar lutuk hran lo a awm, a hming chu John O’Shea a ni.Defender tha a nih chu hai rual loh a ni, Attacking lamah pawh khawi kipah awm thei hial a mawi a ni. CLUB LAMAH : Kum 17 anih in Irish club tenau pakhat Ferry Bank ah football league pangai tak hmachhawn turin bul a tan ve a, he club ah hian a khel chhe hran lo a ni ang Man.United scout te chuan chhinchhiah karin United Youth Academy lamah an seng lut nghal thuai a. English F A danah kum 18 an tlin hmain contract puitling ziah pui theih anni lo, chuvangin intuai hriam deuh turin Division hniam zawk a Bournemouth lamah loan in a chhuak a. A che tha chho viau hle.United nena inthlunzawmna nghet tak nei Belgium club FC Antwerp ah reilote a khel leh zawk a. United Boss Sir Alex chuan Khelmual ah a puitling tawk tawh a ngaiin 19 Oct 1999 khan Manchester senior team tan a game hmasa ber a khel ve ta chiah a ni. Game zawng zawng ah hian khelh that vek theih ani lo, han chet chhiat chang te pawh a awm ve thin, united fans thenkhat te sawisel pawh a kai chho ve zauh zauh. Mahse a Pu Sir Alex chuan hetiah a sawi “O Shea te ang player kan nei hi chu club vannei ber kanni. Eng position ah pawh dah i la a khel tha em em vek mai, striker pawh ni se goal a khung fo in ka ring tlat” zu ti a. United tana match vawi 300 chuang khel tawh hian eng position ah pawh a khel thei ang tih tur hial khawpin football hi a hrechiang. : FIFA Under - 17 European championship 1998 khan Ireland chu champion puiin Irish mipuite pawh a chungah hian beiseina an nei sang hle. Senior team tan a khelh hmasak ber chu 2001 khan Croatia an hamchhawn tumin a ni a, a khel chhe lem lo hle.Irissh Player of the Year ah pawi vawi tam nominees a lo ni tawh thin a, international ah hian beisei ang em em in che tha lo mahse club lamah erawh a hlawhtling tih loh rual a ni lo. OShea zinkawng hi a bumboh ve hle.Khawvel club ropui leh hausa Man Utd angah te chuan engtik lai pawhin starting 11 ah a awm reng theih loh mahse heng avang hian a rilru vawi khat mah a hual phah ngai lo a, chona thar hmachhawk hi a chakber te zinga mi a ni. O Shea hian goal pawimawh tak tak a lo thun tawh thin chung zingah chuan 2007 a an hmelma hlun Arsenal nen boruak sang tak hnuaiah an in khelh tum khan an chakna goal a thun a ni.Nikum season liam ta a United in Premier league, Champions Leagueleh Carling Cup an lak theihna chhan ah khan a sir lung pawimawh tak a ni chiang khawp mai.

May 10 , 2009

Pathianni

May10, 2009 |antu

Sunday School : Pi Lalhmingthangi, B- III

|antu Thusawitu

Chhun Inkhawm : Pi Ngurthanzami, B- V : Pu H.Malsawma Zan Inkhawm : Upa Dr.R.Lalzauva

Thusawitu

KRISTIAN |HALAI PAWL May 10, 2009 INKHAWM A hmun Hruaitu Tantu

: : :

May 4, 2009

T A W N G T A I Fellowship hall Nl Lalthansangi A/SecyMikaela Gr. Nl Nancy Zonunthari Gabriela Gr. THAWH|ANNI ZAN

Evangelism Programme : Nl J.Lalrinzami C/m : Nl Lalfakzuali, Uriela Gr. : Nl. Vanlalchhuanawmi, Gabriela Gr. : Nl. Lalbiakliani,Gabriela Gr : Nl Vanlalhruaii, Mikaela Gr. Tv. Chawngdingliana Gabriela Gr Nl.R.Lalsangpuii Uriela Gr

Hruaitu |antu Thilpek lakhawmtute Duhzawng hlathlan

SALVATION ARMY

RAM TAN

May 3, 2009

THIANGHLIMNA INKHAWM Hruaitu Thusawitu

(Nute Ni) : Maj Rochhungi, CO : Capt. Teresa Everet, IHQ

CHHANDAMNA INKHAWM (Installation of Divisional leaders) Hruaitu Zaipawl Band

: Lt. Col. Lalngaihawmi : Bazar Corps SAY : Chaltlang Corps

May 4, 2009 Hruaitu

SAY THAWHTAN ZAN : Tv. Victor MS Dawngliana : Literature Incharge (Literature Nite hman tur a ni)

Published by Y.M.A., Dawrpui Branch, Printed at G.S. Offset Printers, Treasury Square