Sept 27, 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XIX Issue No 39

TUALCHHUNG DAMLO : Pi Ramthangi w/  o Pu R.Lalbiakdika Medical quarter chu Cancer natna avangin chemo an la mek a in lamah enkawl mek a ni ™ Tv.Lalthanmawia (LTA) s/ o Vanthuama Zion Street chu Care Hospital- ah en kawl mek a ni ™ Tv.Lalrinawma (Tea) s/o Lalbiaktluanga chu Care Hospitalah en kawl mek a ni ™ Pi Hmingliani w/o BC Gohain chu Chemo la mekin inlamah enkawl mek a ni. ™ Pi Rosy w/o Rosangliana (P & Sons) chu Shillong-ah Spinal Code zai a ni a, an la in enkawl mek. ™ Pi Lalliani (P & Sons) chu tunlai hian a \ha vak lova, oxgygen nen enkawl mek a ni. ™ Pu J. Damhuala, Jail veng phai lama a Kawng zai a nih hnuah in lamah enkawl mek a ni. ™ Pi Challian\huami w/o C. Lalsawivela Jail Veng chu Velloreah check-up mek a ni. (Hengte hi a tharlam deuh an ni a, heng bakah hian vengchhungin damlo kan ngah hle a, an dam leh thuai kan beisei e)  PUAN PE : Tun hnaia khawhar chhungte - Maj. P.C. Thansanga, Pu V.L.T. Muana leh Pu Rosanglianate chhung chuan a \ul a hman atan YMA hnenah Puan \hanem tak an pe a, an chungah kan lawm em em a ni.  CYMA LEH MPF : Sept. 24, 2009 (Ningani) khan Mizoram People Forum hruaitute chuan Central YMA hruatute leh hruaitu atana chuh tumte Synod Conference Centre-ah an kawm a.  KEIMAHNI : Tun \um Issue hi Mitthi chanchin kan ngah deuh a, chhiar tuten min hriatthiam kan beisei. Tv. Lalliana chanchin karleh ah rawn chhuah kan tum ang.

Dawrpui News

Kartin Chhuak Pathianni Sept 27, 2009

YMA HRUAITUTEN DAN HNUAIA MIZOT E HIMNA CHUNGCHANG AN MIZOTE ZIRHO Central YMA chuan Aizawl khawpui chhung Branch YMA te tan Legal Awareness Seminar Central YMA Hall Tuikhuahtlangah Sept 24, 2009 (Ningani) khan a buatsaih. He hunah hian Pu L.H. Lianhrima Advocate chu Resource person atan hman a ni a, Pu Lalsawma Pachuau Asst Drugs Controller, Director of Health Services chuan ei leh in thianghlim neih theihna atana thil pawimawh chi hrang hrang a sawi bawk He Seminar thupui sawitu L.H Lianhrima chuan, “Hnam humhalh ngai Mizote, danin min humhalh dan,” tih a sawi a. Mizoramah hnamdang pasala neih chungchang te, Central sorkarin inneih pawlh chungchanga hriattirna a chhuah chi hrang hrangte a sawi a ni. Hnamdang (Non Tribal) ten Mizoram chhungah ram an neih ve theih loh thu sawiin, L.H. Lianhrima chuan “Mizoram a hmun lo ram nghet nei theite chu Zofate chauh kan ni a, hnamdangte tana buatsaih a ni ve lo tih hria a, kan ramah hian hnamdang min chimral theitu kan lakluh loh a him ber a ni,” a ti. Mizote hnam hungtu dan chi hrang hranga awm chung pawha Mizote zingah mi rinawm lo leh hlemhle te an awm \hin thu leh dan bawhchhia an tam thu a sawi a, Khasi te chuan dan dang vak an neih bik loh thu leh hnam anga an \anrualna chu pawimawh leh entawntlaka a hriat thu a sawi bawk Mizoram a Foreigner chungchang sawiin Nepalese te, Burma leh Chakma Foreigner te chu Mizo zingah an awm ve ngawt avanga pawi an sawi loh thu sawiin, reilote Mizorama an awm chhunga nupui tur Mizo nulate zinga an lo awm hman ziah leh lainattu an lo awm hman ziah erawh chu Foreigner te hnawh chhuah kawngah Zofate tan \anrual tihartu leh thawhhona tichhetu nia a ngaih thu a sawi. Nepalese, Hindu, Muslim etc. te chuan “Mizo sa ka phun” an ti \hin chu dan mit atanga thlir chuan awmzia a neih loh thu a sawi a. “Mizo hmeichhiaten hnamdang pasala an nei ngam a nih chuan an fate pawh an pasalte hnam an chhawmtir ngam tur a ni,” a ti bawk. He Seminar ah hian kalkhawmte atangin zawhna leh chhanna hun hman a ni a. YMA Branch hrang hrang a\angin member engemaw zat an kalkhawm a ni, Legal awareness Seminar hi R.Thanga, Chairman Legal Committee in a kaihruai a, Central YMA President JH Zoremthanga’n a telpui bawk

Bawlhhlawh Paih dan tidanglam dawn Pu Zodintluanga, UD &PA Minister chuan Carbage Trailer dahna veng VCte kokhawmin tun aia bawlhhlawh paih dan felfai zawk a sawipui a. Tuna Carbage Trailer enkawl dan hi felfai tawk lo leh \ha tawk loin an hria a. October 2009 a\ang chuan heng Carbage Trailer-te hi lakbo a ni ang a, tunhma ang khan bawlhlawhte chu Motor-in a khawnkual leh dawn a ni. He inhmuhkhawmah hian Dawrpui VCP Pu Zosangzuala pawh telin kan vengin Bawlhhlawh kan buaipui zia leh harsatna tam tak kan tawh thu chiang takin a sawi a. Fai inelna pawh Dawrpui Khawtlang tan chuan awmzia a neih ve loh thute a sawi lang a ni.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

KAN THEN TAK

PI RONGURI (1946 - 2009) Chhungkaw Lam: Pi Ronguri hi Pu Rokhuma Ralte Siakeng (Thangruma & Sons) leh Pi Lalbiaki Hmar (Asst. Matron Rtd.) te fa upa ber ni turin July 4, 1946 khan Aizawl Civil Hospital-ah a lo piang a. An unau hi 6 an ni. May 27, 1965-ah Pu VLT Muana nen inneiin fanu pathum leh fapa pakhat an nei. Zirna leh Hnathawhna Lam: Dawrpui Schoolah Primary leh Middle a zo a, 1968-ah HSLC a zova, hemi kum atang hian School of Nursing, Ganesh Das Hospital, Shillong-ah kum 4 chhung General Nursing & Midwifery a zir chhunzawm a ni. Kum 1971-ah Assam Nursing Services-ah lutin, Silchar Medical College-ah Staff Nurse hna a thawk tan a.1972-a khan Aizawl Civil Hospital-ah transfer a ni a. 1980 atangin Public Health Sister niin Civil Surgeon’s Office Lunglei-ah a thawk leh a. Hemi kum vek hian District Chief Medical & Health Officer’s Office (DCM&HO) Aizawl-ah a awm lehin, June-August 1985-ah PHN Tutor General Nursing & Midwifery Training School, Aizawlah deputation-in a kal a. Chumi hnuah Public Health Nursing Officer-ah kaisangin DCM & HO Office Aizawl-ah a thawk leh a, Mizo hmeichhe zinga hetiang thawk hmasa ber a ni. 1998-99 khan Asst. Nursing Superintendent DHS ah transfer niin 2004 khan Nursing Superintendent ah kaisang leh in Civil Hospital Lunglei ah a va awm leh a. 2005 atanga a pension (July 31, 2008) thlengin Civil Hospital Aizawl-ah Nursing Superintendent hna a thawk a ni. Kohhran leh Khawtlang Lam: A boral hian Puitling S.S. Zirtirtu a ni a. Kohhran Hmeichhe Committee Member a ni mek bawk. Dawrpui MHIP Committee Member tanglai a nih bakah MHIP Dawrpui South Group Leader a ni mek bawk. A nat dan tlangpui: Kum 1996-ah a chhul paihsak a ni a, damdawi ei reng tura tih a nih laiin kum 2 lai chu a ei tawh lo. Taksa sa vur, vawt leh thlur hi a nei thin a, a nun a ti nuam lo fo thin. Kumin-ah hian insawiselna a nei ve ta

Pathianni

September 27, 2009

Lawmthu Sawina Kan nau Lal\huamliana, ni 6.9.2009 (Nilaini) a a boral leh a ruang buaipui chungchangah Dawrpui Branch YMA leh Dawrpui Presbyterian Kohhran hnenah rilru inhawng leh veng danga a ruang lak ani chunga inphal taka min dawnsawnna zawng zawngah lawmthu kan sawi e. Lal\huamliana chenna in in a zir loh avang leh a mah chauh a khawsa anih avangin Zarkawt lamah a ruang lak a ni a. Chutih laiin Dawrpui Thlanmual a nu an lo phum tawhna hmun ngeia phum a duh thu a lo sawi lan tawh avangin Dawrpui Thlanmual ngeia phum ni se kan duh hle a, Dawrpui YMA ten Zarkawt Venga a ruang lak a ni chunga tlawmngai taka a nu lo phum tawhna bula thlan min laihsak avangin leh a vur leh thleng pawh a tlangval tlawmngai ten tuk\huan pawh ei hman lova min lo nghah avangin an chungah kan lawm em em a ni. Dawrpui Presbyterian Kohhran pawhin a vui chungchang thu ah rilru inhawng leh rilru zau tak puin min dawngsawng a, Kohhran committee member pawhin an mahni veng chhunga ruang lak ang chiahin an ngaihvenin an ngaihsak a. Lumen zanah pawh a ruang awmna Zarkawt Veng lamah rei tak rawn men puiin Veng danga lak anihna lang miah lovin an ngaihsak a. Kohhran hote pawhin Lumen zan leh a vuini ah te pawh min sun puiin min \awiawm a. Heng mai bak ah hian a damloh tirh lam a\ang daih tawh khan kohhran ho ten lenchilh \hinin thlarau nun kaihhruaina lamah pawh nasa takin hma an lo la tih kan lo hria a heng zawng zawng ah hian lawmthu kan sawi tak meuh a ni. Hetiang a Pathian hmangaihna Dawrpui YMA leh Kohhran ho te kaltlanga |huamliana thihna-a lo lang hi keini chhungkua chuan kan rul seng dawn lo a, Pathian in a let tam takin rul che u sela tih hi kan \awng\aina leh kan duhna a ni e. In khawngaihna dawng tu te, Lalrengpuia leh a naute, Zarkawt zeuh zeuh a, a beng leh Sinus leh awmna te avangin CMRI (Kolkata) ah kumin February thla khan a in check-up a, tha takin a lo haw a ni. August thla atang khan a chhuak peih ta meuh lova, August 25 atang phei kha chuan a chau zual ta hle a, “Ka thi thei mai anga” tiin \awng\ai sak te a duh fo thin. August 29 zanah CARE Hospital-ah dahluh a ni a, Doctor ten a natna hi Thyriod niin an hria a, theihtawpa an enkawl chung pawha that lam a pan theih loh avangin ama beisei angin CMRI (Kolkata) ah an refer a, Sept 8, ‘09-ah Kolkata panin investigation te an tih hnuah a Kal (Kidney) in hna a thawk lo tih hmuhchhuah a ni a. ICU-ah dahluh nghal a niin Heart Attack a nei zui leh ta zel a, hemi atang hian nikhaw hre lovin a awm zui ta a ni. Doctor ten theih tawp chhuahin Dylysis leh Oxygen te an pe reng a, Ventilator hmangin an thawktir reng bawk a. MRI (Brain), CT Scan leh X-Ray te tih a ni a, heta \ang hian a chuap-ah Lymphnodes (Thal Be) thahnem tak hmuh a ni a. A taksa peng hrang hrang hnathawk tha thei lovin a siam a, Doctor te pawn hetiang natna hi natna vang tak leh enkawl buaithlak tak a nih thu an sawi nghe nghe. Darkar tinin zual lam a pan tak zel avangin Doctor leh Nurse ten theihtawp an chhuah chungin Sept 19, zan 10:50 khan Lungaihna leh natna awm tawh lohna ramah min lo kalsan ta a ni.

3

Dawrpui

News

Kartin chhuak

KAN |HEN TAK

Pathianni

Sept 27 , 2009

HRISELNA

RUHSEH - Dr. Thangchungnunga, M.D

Pu P.C. Lalchhandama ( 1958 - 2009 ) Pu P.C. Lalchhandama hi Major PC Thansanga leh Maj.Kalkhami te fa upa ber niin, an fa hming koh a ni a, January 13, 1958 khan Palsang khuaah a pianga, Feb12, 1981 ah K.Rozuali Electric veng nen Thingsulthliah ah inneiin, unau 4 a nei a heng bakah hian an nausen laiin pahnih an boral bawk a ni. An nupa hian fa nei lo mahse an unau fate tan nu leh pa chan an chang \hin. Hnathawh : A pa Maj PC Thansanga hi hmun hrang hrangah an rawngbawlna avanga sawn kual an nih \hin avangin School pawh hmun hran hranah a kal lawra, 1975 khan Matric a pass a, Hrangbana College ah PUC a zirchhunzawm a,1981 khan SAD ah LDC in thawka 1989 khan UDC kaisangin Deptt hrang hrangah te a awm kual hnu in 2008 khan Private Secretary to Deputy Speaker Mizoram Lagislative Assembly ah hian Deputation a dah a ni a, hei hi a tawp thlenga a hna chelh a ni. Rawngbawlna : Bazar Corps ah Band Secretary a ni a, Central Division band dintu leh India Eastern Territorial Staff Band dintute zing a mi a ni. Tunah hian IET Bandmaster niin Territorial ACSAL Asst. Executive Secretary a ni a, Bazar Coprs ah Rover Scout Asst Leader a ni mek. Central Div Band ah Secretary a ni tawh a, Bazar Corps Building Board Secretary a ni a, Aizawl North I Branch Bible Society Committee member a ni. Bazar Corps YC Secretary hnuhnung ber leh SAY Secretary hmasa ber a, heng bakah hian Mizo Hnamro Chawisang Pawl General Secretary alo ni tawh a. Tin, Dawrpui Adventure Club President a ni mek bawk A boral dan : Pa in chengvawng tak niin hriselna lam ngai pawimawh mi tak a ni a, in sawiselna pawh a nei ngai meuh lo. Sept 18, 2009 (Zirtawpni) khan Office te pawh kalin zan lamah SAY buatsaih Music & Art Show, Vanapa Hall ah ala tel a, a tuk Sept 19, 2009 ( Inrinni) zing dar 3:00 khan a thin a nat thut thu a sawi a, dar 7:00 velah Doctor inentir turin an nupa in an kala, Doctor an nghah mek laiin nikhaw hrelovin a tlu ta a, Dr Rosangzuala hoin Casualty ah zawn chhoh niin damdawiin thawktuten theihtawp chhuahin an lo buaipuia, mahse, zing dar 9:00 khan chhan theih loin chatuan rammawi chu a lo pan ta a ni. Ninawm hle : Sorkar leh VC dan dinglai zah lova mahni ran vulh khuahkhirh tawk lo leh \henawm tana ninawm leh bengchheng Jail Veng lam chuan kan la tawng reng mai, ninawm khawp mai... - |henawm Neia

Kan sawi a kan sawi nawn leh fo a ngai dawn a ni. Ruh seh leh Saitika ngaih pawlh tlat kan la tam khawp mai. Ruhseh hi chu nasa vak lovin kan nei deuh vek a, a bikin ruhseh dik tak ( Rheumatoid Arthritis) hi hriat a \ha. Hetiang nei hi chu an mal leh chawnahte a lo duk tlek a, ni 2 ni 3-ah a reh leh a, a insawn leh a. Hei hi ruhseh i nei tih test-na thisen test ai pawha chiang a ni. Ruhseh pumthlak Mizopain an ti a hetiang i neih chuan zan mutte hian ana \hem \hum a, zing thawhah phei chuan a pum khawng ti tih a ni ber. A bikin kut zung \ang hi a khawng \hum \hin. Han nuai nawk nawk chuan a reh ve leh mai a. An han tho a, lei rah a lo har leh a, pen hnih thum velah chuan a pangngai leh mai a, chhunah chuan mi angin hna an thawk ve thei a, a tlai telh telh a, ana telh telh a, mut hunah phei chuan na deuhin an mu \hin. Kan ruhseh test-na, thisen an en \hin hian negative (awmlo) an ti \hin a. Mizote hi chu zawng thisen Rhesus Monkey Blood kai kan ni a, kan test-na hman hi sap ho leh vai ( Eurosian) Rhesus Monkey Blood nei ve lo tana siam a ni a. Chu vangin ruhseh test-naah hian negative kan ni deuh zel \hin. Chuvangin, i mal duk thlek thlek leh zing thawh a i kutzung\ang khawng deuh \hum kha a test-na dik tak chu a ni mai. Mizote hi chu thisen test- naah hi chuan Sero Negative Type kan ni tih hriat tur. Pi Sonia Gandhi lokal pawh khan ama thisen milpui mihring a rawn hruaisa a nih kha. Tin, ruseh hrim hrim, ruhseh tenau, ruhseh naute, (Juvenile rheumatoid arthritis) hi kan nei deuh vek a. A tam ber chu kum 2 an nih vel a\angin a lang a. An sikul bangte hi “Ka khup/mal a na,” tiin an \ap \hin a. Zan mut tirh lamahte a chhuak duh a. Mahse a tukah dawt sawi ang hlauhin duhtawkin an tlankual leh thei si a ni. Ruhseh hian damdawi chu a ngah mai a, sawi sen a ni lovang. Mahse a tizualtu deuh hi ei tlem ila. Heng - Bawngsa, Vawksa, Kelsa, Uisa leh Zawng\ah, Bekang leh Thingthupui tih ho hi ei tlem i zir ang u. I fapa / fanu zan mut dawnah a ke na a tih chuan han nuai sak nawk nawk la, emaw nachhawkna (Paracetamol) phel lek han pe la a reh ve leh mai, a ei reng tur chu a ni lo. Ruhseh neih vanga rilru tih hah pawh a sawt lo. Hun pui in\hen apiangin - Fur leh |hal, |hal leh Thlasik inthlak lai te hi a zual duh hun a ni \hin. Ni asa val val a, i khup alo nat chuan a tukah ruah a sur dawn ti la a sual lem lovang. |hal leh Fur in\hen fel dawn lai hian hetiang hian an awm \hin. Tin, chhunah pawh dawr emaw khawiah emaw \hut reng anih chuan thawh leh a har em em a, a khawng hma \hin.

MITHI THING CHUNGCHANG Veng chhungah mithi an awm reng rengin mithi thing aiah chhungkaw tin hnen atangin cheng 10 khawn thin a ni a, a khawn hun tak sawi theih anih loh avangin veng chhung chhungkaw tin te mithi kan neih reng reng in kan leng chhuak dawn anih pawhin innghak tur te hnenah cheng 10 i dah hram hram thin ang u.

4

Dawrpui

INFIAMNA

News

Kartin chhuak

September 27, 2009

Pathianni

- SKA

CARLOS TEVES DOB - 5-02-1984 Argentina tana goal thunzat - 8 Debut - Vs Paraguay ( 06-06-04) Clubs - Boca Junior, Corinthians West Ham Utd, Man Utd, Man. City Manchester khawpui i luh chuan sumdawnna hmunpuia Carlos Teves a thlalak lianpui intar i hmu ngei ang. Hei hi Manchester khawpawn a inkulh United tar lovin an hmelma kumhlun leh Manchester original club inti ngat City ho tar a ni. Football khawvel-a a zinkawng hi a hautak hle.Argentina national team coach ni mek Diego Maradona pawhin “kum zabi 21 chhunga argentine zawlnei” tih hial khawpa a vuah Carlos Teves hi a naupanglai nun a hrehawm ve thin hle. He Eastland striker hi Buenos Aires,Ciudadela district Fuerto Apache ah piangin, thla 10 mi lek anihin tuiso in tlakbuak palh a, tun thlengin se (scar) a neih phah. He ser hi doctor thiam tak te pawhin siamthat tumin an lo thlem thin tawh. Mahse amah Teves hian a phal tlat lo.He thil hi harsatna hrang hrang a lo paltlang tawh hriat reng nan a tireh phal lo. Tunlai football khawvela stiker kawlhrang leh hlauhawm berte zinga langpha tura a thawhrimzia hi ani fakawm chu. Naupang te anih lai atangin footballin a rualpui te zinga pawh a langsar hma hle.Kum 13 mi chauh anih Argentina club ropui Boca Junior chuan a talent thatzia hriain an hnuaia mumal zawka training nei turin an la lut a. Kum 4 chhung in Boca Junior Youth level ah goal 70 lai a thun hman ani.Kum 2001 a lo herchhuah meuh chuan South America club tha ten an khelh thin Copa Libertados ah a vawikhat nan senior team tan khel ve in, he championship ah hian vawi 7 khelin goal 5 lai a thun hman. Hei hian a football zinkawng a her danglam hle. Argentina mai ni lo Brazil lamah pawh a tla na hle ni tur a ni, Brazilian club ropui Corinthians ah 2004 khan lutin he club a a khawsak lai hian a mimal nun leh football zinkawng ah harsatna hrang hrang a tawk leh nasa hle. A tan chuan America ram chu a ni tur ani. Europe club hausa leh lian te dawrna zawng zawng hnawlin English Premier league a club talbuai tak ( hetih hunlai hian) West Ham United chu a zawm tlat mai. English football a luh chilh tirh hian beisei a pha lo hle, a harsatna ti zual turin team Coach Alan Pardew nen an inhmuthiam lo hle bawk. Fans leh Board atanga pressure a tam em avangin Pardew hi Alan Curbishley chuan a rawn thlak a. West Ham chu division hniam lama tla mai thei dinhmun atanga hmun him chuangkai tura an beihna ah Carlos Teves hi tuma sawibuai theih loh khawpa chiangin a thawhhlawk hle. Season match tawp ber, Hammer tana pawimawh lutuk ah champion Man United khelmual ah ngei West Ham chakna goal, an himna leh he inkhel a goal awmchhun ni bawk chu a thun a ni. Club lian tak tak ten an rim leh nasa viau a, a khelh chakna ber Manchester United chuan changin contract puitling ziah pui lovin loan in an la phawt a. United tan hian a khel tha hle. Premier league (2), Carling Cup leh Champions league ah te champ puiin Red Devil fans te rilru ah pawh a tla na hle. Mahse United hian amah Teves a beisei laiin contract puitluing an ziah pui duh loh avangin pawisa lama buaina nei miah lo, Manchester City chuan an lal lut hmiah mai a ni. Teves hian England a khawsak hi nuam a tiin an ei leh in te pawh a fak hle thin a, football star dang ang tho in Car chak a ngaina ve hle. Tunah hian a nupui Vanessa leh a fanu Florenia te nen Manchester ah an khawsa mek a ni.

PRESBYTERIAN Pathianni

Sept 27, 2009

Sunday School : Pu Thangtluanga, Bial-VII

|antu

Chawhnu Inkhawm

Hruaitu Thusawitu

: Upa Rokamlova : Rev. H.Zothansanga, Director, Family Guidance & Counselling Zan Inkhawm

Hruaitu Thupsawitu

: Upa Lalbiaktluanga : Rev. H.Zothansanga, Director, Family Guidance & Counselling

K|P Sept 27, 2009 A hmun Hruaitu |antu Thusawi tawi

|awng\ai Inkhawm : Fellowship Hall : Nl. R.Lalsangpuii, Uriela Gr. : Tv. David Lalremruata, Gabriela Gr. : Pu PC Nunkimchanga,Com.Member.

SALVATION ARMY Sept 27, 2009

Thianghlimna Inkhawm

(Pu PC Lalchhandama, Band Master hriatrengna Inkhawm neih tur ani) Hruaitu Thusawitu

Items Thuchah Hruaitu Thuchah

: Pu Lalmuankima,Band Master : (1) Chhungkaw aiawh (2) Pu John Rotluangliana (Dy. Speaker) (3) Pu C. Darkunga C.T (Corps aiawh) :

Aizawl Bazar Corps Band SAY Zaipawl Territorial Staff Band : Major Vanlalhuma CO Chhandamna Inkhawm : Pi Thluaipuii : Pu Lalsangkima

MUP Hriattirna Hun lo taka kan member pui Pi Ronguri’n chatuan ram min pansan tak avangin a hnuaia hun leh hmun ruatah hian ral tur a ni a. Member ten ngai pawimawh in a tam theih ang ber kal turin kan in ngen e. A hmun : A hun : Chairman : Thuchah tawi :

Pu V.L.T Muna In, Dawrpui South. Ni 27.09.2009 (tlai dar 3:00) Pu B. Darchhinga Rev. H. Lalzara

Published by Y.M.A., Dawrpui Branch, Printed at G.S. Offset Printers, Treasury Square