Gilead 27 Sept 2009

Volume No. VIII Issue No. 15

Hyderabad

Dt. 27 -September - 2009 (Pathianni)

THEI KUNG ATA ZIRTUR -H.Z Siama Seva Bharat Mission Theite kung leh hnimhlingnei danglamna hi I ngaihtuah ve tawh ngai em? Hnimhlingnei chu aram neitu duhdan ang lo takin hling neiin a rawn thang chhuak a, theite kung erawh chuan a theih ang tawkah rah duhawm tak a chhuah ve thung a, a huan neitu tan chuan hnimhlingnei chu a dem awm ngawt ta ve ang. mai nge maw a nih le!? Matthaia 3:7 ah Engvanga hlingneia rawn chhuak ta chuan Baptistu Johana kam chhuak.., ‘ Rul thlahte u, thinur lo thleng tur hi tlansan turin tuin nge zilh che u. Chutichuan sim hming pu tlakin rah rawh u.”tia zilhna kan hmu a, engtin nge rah tura beisei an nih? Chu theite kung chuan rah duhawm tak achhuah theih avang ngawt chuan hnimhlingnei chuan rah eitheih a chhuah ve turah kan beisei thei ang em? Heti zawng hian I ngaituah teh ang. Hnim hlingnei hian ‘tui ka hmu tamtawk lo, theite kung hian ka nisa dawn tur ang min dawntir theilo’ ti ta se thiam kan chantir thei ang em? Chu a chhuanlam chu . tihhlawhtlin sak nita se, Hling aiah theite rah eitlak a chhhuah theih kan ring em? Biblein ‘Tuihna pakhat ata tui tui leh tui tuilo a chhuak thei em ni?’ a tih te, ‘Thing chu arahah a hriat ani’ atih te, ‘Theipui kungah lenhling an lo ngai em ni’ atihte hi engtia dawnsawn chi nge ni ang?, Kan nuna kan chhuanlam tamtak chu ‘mite ang thil kan neih ve loh avang te, an dinhmun luah ang kan luah ve loh avangte, chhungkaw khawsak dinhmun avangte, an hlawh chhuah ang kan hlawh ve loh avangte niin kan hria a, …ve ila chuan …. kan ti thin. Mahse hnimhlingnei leh theite kunga mawhpuh tur dik tak chu a chi ah ani. Hnimhlingnei chi chuan hnim hlingnei a to chhuahpui a, theite kung chuan theite ato chhuahpui mai chauh ani. Chuvangin theipui kungah lenhling an lo ngai lo a, theipui hutah theipui tak leh tui a beisei theih loh. Kan thiamlohna leh kan sualna tehi kan bengper a, midangah te, thildangah te chhuanlam tur kan dap kual thin. Hnimhlingnei chuan chhuanlam tam tak dap dul reng mah se, Hnimhlingnei a nihna avang chuan hling a chhuah pui reng ang a, keini suala awm reng te hian that tum thin mah ila, kan nihna (sual) avang hian sualna chuan rah a chhuah reng tho ang. Chu hnimhlingnei siamthat theihna awm chhun chu a chi ah a awm. Keini suala piang hi Kristaa

piantharnaa kan in thlak angai ani. Chutichuan tupawh ‘Krista a awm apiang chu thil siamthar a lo ni a, thil hlui te chu an ral ta, ngaiteh a lo thar ta’,tih kan lo ni tawh ang. Tirhkoh Paula chuan chhuan tur tamtak zingah, ‘ka chaklohna te hi ka chhuang tawh zawk ang. Ka nung hi (hnimhlingnei chia to chhuak ni tawh loin) keima tana nung ka ni lova, Krista tana nung (theite chi thar a thlak danglam zawk)ka ni zawk e. Chumi avang chuan ka tan khawvel hi khenbehin a awm a(chu hnimhlingnei chi chu a thi tawh a,) kei khawvel tan khenbehin (hnimhlingnei chhuah thei tawhlo) ka awm a ni’ lo ti thei ta ani. INKHAWM PROGRAMME Dt. October- 2009 (3:30PM)-Pathianni Chairman: Nl.PC Lalchhanhimi (Seva Bharat Mission) Tantu: Sawn Vaiphei,UoH Bible Chhiartu: Tv. Lalnunfima, Medhipatnam, Exo 39:22-26 leh Nl. Lalawmpuii,Masab Tank, Exo 39:27-31 Thawhlawm lakhawmtu: Nl. T. Lalvenhimpuii, St.Pious-X Degree&PG Women College leh Tv. Lalduhawma, Banjara Hills Bible Study: Tv.KC Lalmuanpuia October thla chhungaUshers tur te: Nl.Annie Zohmangaihi,(JNTU), Tv. Lalmalsawmkima Sailo, (JNTU,SPA), Nl. Rebecca Ramhmachhuani, (JNTU). Zai hruaitu tur te: Tv.Lalduhawma (IMA), Tv. KC Lalmuanpuia, Tv. Vanlalnghaka (JNTU), Nl. C. Lalrozami. 4th-

Create PDF with PDF4U. If you wish to remove this line, please click here to purchase the full version

GILEAD-Volume No. VIII Issue No. 15 Hyderabad, Dt. 27- Sept- 2009 (Pathianni) P-2

Editorial: Tunlai a thumal pakhat an sawi lar em em chu ‘change‘ tih hi a ni awm e. He thu hian kawng hrang hrang in awmzia a nei ril thei khawp ang. Thlirna tlang dang atangin ’inthlak danglam(change)’ hi ngaihtuah chuan kan mamawh na leh kan tan a tangkaina a dang ve daih thei thung a ni. A bikin ringtute tan hian ‘thlakthleng nun’ hi a tha ber lo fo mai thei. Ringtute hi midangte lakah kan danglam tur a ni tiin an sawi fo thin a, chu kan danglamna chu ‘kan danglam ve ngai loh na’ hi a ni thin. Kan thlarau nun leh mahni tan pawh a hlawkna awm chuang silo a nuam/a tha/a changkang tih vang ngawt emaw midangten rual pawllo ah min ngai bik ang tih hlauh vang ngawta nun kan thlak danglam thin a nih chuan insiamthat kan mamawh thin a ni. Pathian ringtute kan nih avangin kan dinna chu ‘Krista Lungpui nghet’ a ni reng tur a ni zawk dawn lawm ni? Kan hma ah khan mi tam takin sawichhiat leh hreawm pawh huamin Krista an lo dinngheh pui tawh thin a ni tih hi rilru ah hrereng thin ila, keini hian eng chen ah hian nge Krista tan kan danglam ve zawk dawn le? Jeremia 17:14-15 a kan hmuh ang in Lebanon tlanga vur chuan a tlang chip a kian san ngailo, kumkhua in a awm reng zawk a ni. Keini pawh in rinawm leh nghet tak a Krista tan a nun kan hman hi a tul a ni. GILEAD BIBLE PUZZLE Chhangtu Hming:…………………………………………… Phone or e-mail:……………………………………………… Lawman 1-na Rs.50/-(1 ai a tam an awm in thumvawr a ni ang), Puzzle chhanna hi hemi copy chehthlak emaw mahni a plain paper a ziak chhuak in(table ang thlap in) emaw e-mail([email protected]) in kan dawng thei e. Thehluh hun tawp: Dt.4.Oct.’09.(4pm) A hnuaia ah hian Nova thlahte hming 12 dah a ni a, thai chhuah tum rawh le:

T O G A R M A D A L

U S E H A O S E B A

P U T A A S K D E N

E M A U M A E A N I

L S E L A I N N J M

E H D I K L A A A R

G E K A H A Z I M O

A M U N A K A Z I D

L A S A H S I E N A

A M A D A I A L A R

KAN CHHUNGKUA Tun Zirtawpni chhun dar 12:35p.m vel khan Tv.Lalremruata, Sainikpuri chu a rilphir puak vangin Apollo Hospital, Karkhana-ah hlawhtling takin an zai, a dam that zel kan duhsakin a that zel theih nan tawngtai pui zel ang u. HMCF Exe.Committee member Pu.Lalvuana te chhungkua(Air Force Station, Hakimpet) chuan tunkar chho khan veivah a lo awlsam zawk nan leh chhungkaw member te vahchhuah nikhua a an lo him zawk nan tiin car(WagonR) an lei thar. Kan lawmpui em em a ni. Nimin inrinni khan HYD’EA te buatsaihin Gymkhana Sports Ground, Secunderabad-ah North East Sports Meet neih a ni a, hetah hian Mizo infiammi te pawh HMA hmingin tel ve a ni a, an khelh tawh chin ah hnehna an la chang zel a, kan lawmpuiin duhsakna kan hlan e. Kar leh zirtawpni (2 nd Oct) hian YMCA, Naryanguda-ah HMA DAY hman tur a ni a, programme hlimawm tak hma bakah zanriah kilho nghal tur a ni. Tin, Solo(Mipa&Hmeichhia), Debate leh Arm Wrestling competition te awm bawk dawn a ni. Tunlai hi Puja chawlh hman hun lai a ni a, HMCF member thenkhat mahni In lam leh hmundang a zinchhuak an awm nual. Chawlh hmang a haw mek te dam taka an lo let leh thuai kan duhsak e. Kan member pathum- Tv.H.Vanlalhruaia (Taitea), Nl.Hmingthanzuali leh Nl.C.Lalrozami, University of Hyderabad- a mi te thuziak awmna lehkhabu‘Resistane Against Colonialism: Life and Times of Veer Surrendra Sai’ tih chu Shivalik Prakashan, Delhi in a publish ta. He lehkhabu hi Rs.995/- man niin thuziak tha tak tak a awm a, hetianga zirlai chhuanawm kan member te zing a kan nei hi chhuanawm kan tiin kan lawmpui em em a ni. Tv.Lalromawia(Ph.D Scholar),UoH chu zirtawpni tlai khan Pi.Rosangzuali damlo buaipui turin CMC Vellore ah kal. Damlo hi Nl.K.Lalhmingliani (Mapuii) leh Tv.Romawia (Mama) te ni(aunt) a ni. A dam that thuai kan duhsakin tawngtai pui thin ang u.

-------------------------------------------------------

Thil Tangkai HMCF/HMA programmes leh chanchinthar rang tak a hriat theihna leh chanchin kan in hriat pawh tawn zung zung theih nana siam Hydlander smsgroup hi la join lo tan join theuh turin kan in sawm e. Join thar duh tan Join Hydlander tih thumal pahnih hi sms in 567678 ah emaw 09219592195 ah thawn mai tur a ni. News/information thawnna no.chu9849583282 a ni.

Published & Edited by Lalzarzoa for and on behalf of Hyderabad Mizo Christian Fellowship

Create PDF with PDF4U. If you wish to remove this line, please click here to purchase the full version