Sept. 27, 2009

Bungmual Weekly News Website:http://www.bungmualweekly.tk or http://www.bungmual.zogam.net E-mail : bungmual @ Yahoo.com

A publication of Young Paite Association, Bungmual Unit Vol - XXV

SUAH NO - 37

BUNGMUAL HELP LINE YPA President: 9862956814 YPA Secretary: 9862020445 V/A Secretary: 9862085913 BYC President: 9436429778



THU TUAMTUAM

Arrival: Pa M Jamkhomang Llv leh a innkuante Kolkata a Evan Munsong & family leh Albert & family te vehdia zin damtak in vangkhua hongtung nawnta hi. Amau hong tunnawn tawh kiton in JC Park ah a Pa Mang aw ging zak in om nawn panta. Nuam himai. Departure: Pa L Pumkhanpau leh a tanu Dimsianlun te’n Guwahati a company hongthak L Nangmuansang MBA kiang pha dingin Sintawpni in zin ua, sepnawnni vel in hong tungkik ding uh chihthu kiza hi. Unaupa Nangmuansang in ahihleh, Kolkata a ITC Company ah dinmun lianpi nei in lawh tamtak sangmah leh, amah chauh a company khat hongkhe thei ding dinmun a a om ziak in a sepna tawpsan in, Guwahati munpi a nei in company khat hongkhia a, tunung chiang in hiai company pen naktak a keklet hiding in thusuak kingah hi. Gari leithak Pa H Thangdoulian Hsv in tunaichin in Yamaha RX 100 khat ana leithak chih thu kiza. Tukum sung chauh in i khua uah gari 60/70 bang a kibehlap zoudia gintak ahi. Computer tuahtouta 3rd (Naga Hills) Assam Rifles te’n Bungmual Village Authority tungtawn a computer set 2 honpiak uh hun bangtanhiam BYC office ah koih ahihnung in, VA Chairman Pu H Thuamkhanmang tenna inn ah tuahtouh hita chih thu kiza hi. Moukhakna om Nilaini paisa in Pa Hauzachin Clv in Pearsonmun a pasal neiding a sanggamnu khakna nei a, huai ah mipi tamtak paikhawm hi.

PATHIANNI

Sept. 27, 2009

Innkim hahsiang dia theihsakna YPA Bungmual in Khristianna leh siangthouna kichi ngai poimawh mahmah a, huai ziak in October 2 2009 (Gandhi Jayanti/Cleanliness Day) ma ngei in kuapeuh in innkim, innkiang khousiang in, nulla guamte hahsiang thou chiat ding in ikingen hi. Khristian ngen ihi a, sianthouna leng i ngaih poimawh ding ahi.

-Infor. & Pub. Deptt. Young Paite Association, Bungmual Unit

Bungtui na join ta hia? Bungmual khawsung banah, Lamka/Imphal a thiltung tuamtuamte suahkhiakna bungtui Aw kichi na join khata hia? Thuthak leh theihtuak mite ma deuh a na theihnop leh na mobile ah join bungtuiaw chih type inla, 567673434 ah khak le chin lam tuamtuam ah na vakna na ngah ding hi.

ding hi. Kuapeuh in nonna kithuahpih siausiau uh hon kingen hi. Tuaban ah, phamsate phawkthakna ding in obituary page leng kikoih ding a, kuapeuh in i sanggam, nulepa, u le nau honna om nawnlouhsante phawkthakna ding in a lemlak uleh thugelh nop i neihte hon pekhawm siausiau ding in ka hon ngen uhi. Ngaihtuahna daan a apaitheih leh suun hun leh nitak hun in program zat hiding a, suun hun in bel heutu tuamtuam te apan thugenna ngaihkhiak hiding a, nitak hun bel kipolhlimna hun a neih hiding a, khawsung a laa siam leh talent

tuamtuam neite hiai hun ading a ana kigingsa a om ding in leng iki ngen in iki zasak ngal hi. Committee in hiai program ading in Rs 1 lakh budget kiguang a, khawsung a om mi muandiakte taise mailou ding in iki ngen hi. Pathian in Bungmual khua hon vualzawl mahmah chih i thei a, tuk-thei, taithei garite kibehlap zungzung in, building te nei zou zungzung in i om ta ua, huai ziak in hizahta a vualzawlna i dong pe’n Bungmual Weekly News in khatvei hon kikoppih utsam ahihna ah, muan a om te ading in kipahhuai mahmah suakzaw ding hi.

Electric fee hong pia un! Electric fee piak hunnawnta. Tuaban ah, department deihna bang in tampi baa khate’n anen nen in part payment bawltheih hi. Kha khat na bat leh a nawnchiang in naktak in hong kibehlap touzel a, na piak siang tawmtawm leh zangkhai na hilel hi.



-Momoi, Clv

BUNGMUAL

BWN SILVER JUBILEE LOP NANG KISAKKHOLHNA THUPI MAHMAH TA YPA nuai a om Bungmual Weekly News kum 25 chinna November 14 2009 chiang a thupitak a lopsawmna tawh kisai in tulai in committee te kisaan mahmah ta uhi. Hiai hun ah sum le pai haksa mahleh kum 25 chinna phawk gigena dingin Souvenir/Magazine khat bawlkhiak sawm hi a, khawsung apan leh state dang apan article bangzahhiam honglutta hi. Magazine cover sponsore ding leng muh hita a, tuaban ah, khawsung a dawr om teng leng magazine ah advertise sak hiding a, huai ding in dawr neiteng kiang ah leng hong ki daak

Nalhlou khollou kei ve maw....

-T Vumzapau Electric I/c Bungmual Youth Club

Parachute khelhtheih Baptist Youth Fellowship/Bungmual EBCC in parachute hoih mahmah khat anei a, mimal/pawlpi a zang utpeuhmah in chiklai peuh in zat theihding hi. Ni khat khelhman Rs 150 hiding a, Chiinlalveng Laiveng kiang ah va khelhtheih zeldingin kikoih hi. Tuaban ah, year plan sukbuchin na in zingchiang Sept 28 nitak dak 5:30 in Biakinn ah Local Pastor makaih in BYF committee, group leader te leh lapawl a telte’n joint fellowship neiding hi. Hiai hun ah a kisaipihteng telkim chiat ding in iki ngen in iki theisak hi.

- M Kamsuanmung Secretary/ BYF Bungmual

KIPAHTHU GENNA Ppl N Suanlian Slv in Lametna mun centre ading street lamp hon piak ziak in Lametna mun staff leh inmate om teng in a tung ah kipahthu ka gen ua, Toupa’n tampi pethei zel ding in vualzawl leh ka chi uhi.

- Lametna mun staff & Inmates

Koppih nei New Lane tangval suanhuai Chinzakhual Khuptong in damsung tulpihding in Kiginni paisa in Lia Jenny of Aizawl ana neikhe hiau chih thu kiza hi. Jenny ahihleh Malaysia khawpi Kuala Lumpur a nurse sem hidan in leng kigen hi.

Inntuan ta Ppl Gersom in leng Zoar veng a a innlam zousiangta in, azi leh ta tawh inn tuanta uh chih thu kiza hi. Beltabuh neek nuam i chi ai.

Kel mahajon omta Muanhuaitak apan thutut kingahdan in, tulai in Tg Khamson LV in singtanglam ah kel tampi pi vala sek in, wholesale in Lamka ah pekhe zel chih thu kiza hi. Hibang a gan/kel tawh kisai a business bawlthei i khawsung a i om tak man in iki pahpih mahmah hi.

Typhoid kikapna om Sept 23 2009 zingkal in Village Authority Secretary Pu H Mangchinkhup tenna inn ah typhoid kapna om a, huai ah khawsung mi tamtak va kikap sak nainai uhi. Mumbai pansan NGO khat in kha 2 vel paisa apan Lamka area ah typhoid kapna nasatak nei ua, i khawkim leh kiang te uh tamtak zouta ua, eikhua leng sept 23 in hong pha ua, mi tamtak in phattuampih ding in kilang hi. Kikap man mi khat tung ah Rs 100 la ua, private clinic ah bel Rs 600 khawng hidanin gen uhi. Hibangkalah, District Immunisation Office ah Typhoid damdawi naupang kum 2 tunglam ading Sept 28, 2009 apan kikap theihding a, kapna khat ah Rs.80/- pia in kuapeuh kikap theih gige ta ding hi’n thutut kingah hi.

Innlam kisaan mahmah Tulai in Pa Nangzalian Lnv, Pa L Kapliankhup Hsv, Pa Khamson Llv leh Pa Khatgin Slv te inn lam kisaan mahmah lel uhi.

Lusunna om Apaisa September 23 2009 (Nilaini) nitak dak 8 vel in Ppl Nangzakhual s/o Pa Chinzalang, New Lane in thupina gam honna zotsan. Lusunna tuak innkuante BWN in naktak in ki suunpih hi.

Calendar latna nei Sept. 26, zingkal dak 7:00 in Colony a om Amazing Grace te'n 2009 Calendar a bawl uh Pathian kianga latna Pa N. Nengzasuan-te inn ah nei uhi. Hiai Calendar latna bel Rev. Dr. B. Luaichingthang in nei hi.

Pek 2 na BUNGMUAL WEEKLY NEWS



Kha teng alak man Rs 10/- chauh

Primary teacher 364 kila ding Autonomous District Council/CCpur nuaia semding Primary teacher 364(payscale Rs. 4,000-6,000) kila ding a,huai dingin Oct 11,2009 in written test om ding hi. Candidate hithei dingin under-graduate/PUC/ Class XII passed ngai a,Employment Exchange tungtawn in Oct 9,2009 tan in apply theih ding a, attested bawlsa passport lemlak 2 leng submit ngai ding hi. Oct 10 in written test ading Admit Card lak ngai ding hi. Huai hun ah exam fee sun ngai ding a, general category-te adin Rs. 200 leh ST/SC candidate-te adin Rs. 100 sun ngai ding hi. Interview/Viva voce om hun ding puan hinailou lai a, Form leh

detail information bel Employment Exchange ahihkeileh District Council office ah kantheih ding hi. Hiai tawh kisai thudang khat kizadan in, Automonous District Council/CCpur nuaia semding Primary teacher 364 kilathak dek a, 2008 a District Employment Exachange te’ sponsored bawlsa, ADC/CCpur office a list kitakkhe sateng in athak a apply ngailou in setdet ding a, apply khanailou himhim te’n Employment Exchange tungtawn in apply theih hiding in Henglianthang Thanglet, Chief Executive Officer/ ADC apan thutut kingah hi.

Zomi Namni Sports & Cultural exhibition omding Zomi Namni kum 62 chinna Feb.20, 2010 in lopna om ding a, huai ding tawh kisai in Games & Sports Deptt te’ saina in Manipur State Level & Sub-Divisional level Sports om ding hi. Football tournament ah entry fee Rs.5,000/- hiding a, cash award Winner te’n Rs.1,00,000/- 1st Runner up te’n Rs.50,000/- kipahman ngahding ua, Numei te’ kimawl nang leng item tuamtuam omding hi. Cultural Exhibition ah Cultural Dance Original ah 1st in Rs.5,000/, 2nd Rs.3,000 leh 3rd Rs.2,000/- hiding a, Cultural Dance Modified kidemna ah 1st in Rs.5,000/, 2nd in Rs.3,000 leh 3rd in Rs.2,000/- hiding hi. Huaiban ah Zomi Namni Sub-Committee a Games & Sports Deptt ah Secy in H.Mangchinkhup, member te- T.Kammuanlal; B.Dongzalian; H.Kapneithang; Khupminthang leh Nengchinlam guang ua, resource & mobilization deptt ah Secy in S.Kamsuanlun, Member te- N.Suanlian; T.Lalpu; T.Biakmuan leh Thangminlun hiding uhi. Zomi Traditional Dresses & Cultural Documentation Deptt ah Secy in K.Vungzamawi, member ding in Dalsianpau, Siamzading, Thathang Hangshing leh Suanmoi Guite guang uhi.

Haichii tang ngettheih

OFFER ! OFFER Tata Indicom Mobile 1. Handset Bundle Officer(HBO): # Pay Rs. 1,100/- only and get Rs. 999/- full talktime + Handset + SIM+ 3 months validity. # Pay Rs. 1,600/- only and get Rs. 1,000/- full talktime + Colour Handset +SIM + 3 months validity. Note: After 90 days recharge with Re 1 only for 90 days 2. Pay per Call(PPC): # Each local call, no matter how long you talk, it cost only Re 1/and STD @ Rs. 3/- per 10 minute 3. Photon, Walky Talky ect. etc. available. Please Contact: M/s Electro-Systems Tedim Road,Lamka.

THEIHSAKNA Tata Indicom authorized outlet akipan hilou khawlak khonga kizuak handset leh SIM na lei aleh offer omte khat leng na enjoy kei ding a, huaibanah na SIM a Electronic Seriel Number(ESN) leh na mobile handset a MEID a kituah kei leh chiklai peuh in na SIM block a om thei gige ahi chih theihchiat poimawh hi.

Directorate of Horticulture/ Imphal apan tuni’n CCpur Dist a hawmkhiat ding winter vegitable seed tamlou Dist Horticulture office hongtung a, deihte’n tunia pan in Dist Horticulture Officer/ CCpur kiang ah ngetna piaklut theih ta hi. Phalbi haichii tang (seed) hongtung te’ ahihleh Manggaan/pea, cauliflower (paakbawk), cabbage (ankamlum) Onion( phulun) leh Capsisum seed hi’n thusuak kingah hi.

M/s Electro-Systems Tedim Road, Lamka. (Bungmual khua adia Tata Indicom agent Petu dawr, Leipi bul ah leng thuchian ngah theihding a, ama kiang ah leng ngahtheih ngal ding hi)

Dorcas khawmpi pailel

2nd Div. ah keniam uh

EBC Lamka north division nuai a dorca pawlte’n Lamka tung EBC Biakinn ah kumsim khawmpi 2 veina leh Nu taktak seminar kichi nei ua, thugentu in Rev L Khamkholun Gen Secy EBC pang hi. Zan in program pan ua, tunitak in zousiang ding uhi. Khawmpi uap ding in eikhua apan in dorca pawlte kuansuk nainai ua, nam bang namtui thei zezen in smart chekchok geuh uhi. Khawmpi hon phattuampih uh i deihsak hi. Division Dorcas committee te’ lak ah eikhua apan in Nu Nemchhung, Nu Vungzangai Bethany leh Nu Haubiakching te telkha uhi.

Eiveng ai-oh a CDSA saina a Lamka Public Ground a 1st Division League ah club 9 laka kihel BYC a hatlou penpen tung a om zou hamham in, match 9 vei a kimawlna uah khat zou in 2 draw ua, 2nd division ah kesuk dup uh hidan in kigen hi. Pan hoihtak a honlak thak uh mipite'n deihthu taklang uh.

Seh bang

Its a publication of YPA Bungmual Unit

kua te'n BANG GEN  Khamboi adia Agatha Sangma ahihlouh tawp a DC nu beihsak ka sawm uh ahi. Ppl PK Muan Zrv  BWN silver jubilee leh Lia leh tang meet kithuah di abang a… -Tg J K Siam Clv  I dam dia, Jubilee hun in chu laa khat bek i hong sa kha mawh di hia? – Tg Thongsangmung Slv  A sawmta vanglak eile i tel ut voi. December nana sawm kei di ua.. -Lia Sesen Pune  U Sen, BWN silver jub program azaw numei-naupang hong kidaihlah dah du e.. -Tg Kapish Siam Hsv  BWN khawmpi chiang a laam alam nawn di himai- -Tg V Malsawm Nl  Thangvan saang ah meipi kailou in vuah a zuthei thou voi. -Lia Petu Mahajon LV  Kuaman le na hon phawk kei uh, A poisekei! -Lia G Muanching Clv  Tungleng vasate’n bukna ding nei ua, ka bike in le nungakte bukna penuam saam eive. -Tg KS Mung Hsv  Tulai zaw 10 phaleng le ki daih zou mahmah lou ding ka hi. Tg B C Nangpoo Llv  Job card road a zawh hunhun ua gari service ngal ding ka chi hive aw. -Ppl Thriamuan Lv  I hong papi leh i lungsim bang piching mahmah a thei mawk hi veng o. -Ppl C lian slv  BWN Silver Jubilee ading in nungak-tangvalte’n na haa uh ana tat hiam un. – Pa Zara Lv  Khaw gaal a nungak hel a om ka hi. Hon pawng miss call call kei un. – Tg Lalal Llv  Love, Nupa kal, Pathian thu, tate kep ding dan... a deih zahzah uh BWN te pe dia mansa gige ka hi. -Lia Kimboih Parte, Slv

Saptuam Programme BUNGMUAL EBCC September 27, 2009 (Nipini zing) Hun-uk: Upa T Jamzathang Thilpiak lantu: Upa N Tualzathang Phatna la : TBYF Nipi skul sinsakna: SinsaktuHunkhakna: Upa S Thangvum Nitak Biakna kikhop Hun-uk: Pastor N Vungzasin BSI thilpiak lantu: Upa T Thangkhanzam Phatna la : TBYF Thugenna: Upa BKh Khankhup Vualzawlna: Upa H L Tawngzachin Daniel thumna: Pitu- Upa T Chinzagin

Baptist Children Department 6:30 am pitu- Niangsuanvung 09:15 am- T Benjamin BETHANY EBCC September 27 (Nipi zing) Nipi Skul pitu : Superintendent Sinsaktu : Upa Dr. N. Tualkhankham Nitak biakna program Hunkem : Upa T Sumzamang Relief thilpiak lantu: Upa H Pumzapau Phatna lapawl: BYF Thugenna : Pastor V Khamlang Vualzawlna: Pastor

ARTICLE PIAK THEIH LAI

hawm a

Bungmual Weekly News kum 25 chin lopna hongtung ding Nov. 1, 2009 a neih ding tawh kisai in Souvenir suahkhiak kisawm a, huai a ding in kuapeuh laigelh lunglutte'n hard leh soft copy in Oct. 15, 2009 tan BWN tungtawn in article piaklut theihgige hi. Vengsung thu, kibawlhoihna ding leh mite hanthawn thei ding lam article-te deihtuam bik ahi hi. Thugelh petute'n passport khat leh mahni mimal tanchin tomkim tawh hon thuah ding inleng ka hon ngen uhi. Huai banah, chiamnuih(Jokes) leh thupil leng a honpe thei a om a leh kipahpih ahi ding hi.

ching lou eiteng lii liaiii....... Chairman: K. Thangdin

Editor : K K Valte

Asst Editors : S. Paukhanmuan & Pauthianmuang

Cir. Manager : Kaizamang