Issue : 4th October 2009

BAPTIST TODAY

Estd. 2001

Postal Regd. No. N.E. - 385 (MZ) 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456

V o l u m e I X. I s s u e N o . 37. B C M W e e k l y

News

October 4 - 10, 2009.

P h ê k Khatn a

KRISTIAN NUN HI A AWL A NI Nula pakhat Camping chhuak chanchin tihian an sawi ka hria a. Camp-ah khân a lût a, hlim takin a chhuak ve a ni. Chawlhkâr hnih hnuah chuan Tlangvâl pakhat nên an intâwk a. Tlangvâl chuan “ Camping-ah te i lo lut ve a, i piangthar an ti a, a dik em?” tiin a han zâwt siah mai a. Nula chuan “....a....piangthar tih lêmah....” a ti nawi ta mai mai a ni awm e. Beirual thla kan zo va, Kohhran engemaw zât chuan Camping te kan buatsaih leh hlawm a. Piangthar lo tên piantharna an chang a, mi tamtak rinna kawnga chak lo leh hnungtawlh tawh te pawhin chakna kan lo chang thar leh ta a, a lawmawm hle mai. Camp chhuak tharte chu a chunga nula kan sawi ang ni lo tûrah in ngai ila. Kristian nun hlawhtling neih theih dân engnge ni ber ang tih lo sawi zui dâwn teh ang. Kristian nun awl zia: Zofa ten kan hriat fuh loh pawi tak mai nia ka hriat chu Kristian nun hi har hle turah kan ngai a, a har viau niin kan hre \hin hi a ni. Hei vang hi ni berin a lang. |halai, nu leh pa tam tak te rinna kawngah kan hlawhtlin theih lohna chhan chu. Revival & Evangelism Committee member ka ni a, Evangelist Team Speaker te kan interview châng a awm \hin a. “Engvangin nge Zofate hi rinna kawngah kan hnungtawlh leh fo thin?” tih te kan zawt \hin a. Ka beisei angin min chhâng lêm lo fo. Kristian nun hi a har lo, a awl lutuk, a nuam bawk si. Amaherawhchu “engtin nge ?” tih hi i zawhna a ni mai thei. Kristian nun formula: High School kan kal \an tirh hian Mathematics hi har kan ti \hin a. Algebra te a lo awm bawk nên khân. Amaherawhchu, tihdân kalhmang(formula) nei kha a lo ni a. A formula kan han hriat chuan a lo awl êm êm mai kha a lo ni a. Chutiang bawkin Kristian nun pawh hian formula a lo nei ve reng mai a lo ni a. Formula zawng zawng a awl ber, naupangte pawhin an thiam vek, mi zawng zawngin an tih theih vek a awm. He formula hi i nunpui chuan a tâwk reng mai dâwn a ni. Chungte chu tihian lo tarlang ila:(1) I Bible kha a ni (Mt. 4:1-4; Sam 119:105f): Zofate hi kan vannei hle mai, tûn thleng hian mahni tawnga Bible chhiar tur nei lo an la awm \euh laiin keini chuan Bible pumpui kum 50 zet kan lo kawl ta reng mai. Tlu leh mualphova i awm loh nân, rinna kawnga i \han zêl theih nân, nitin Bible chhiar \hin ang che. Camp chhuak hlim tân Rom lehkhathawn, Galatia leh Hebrai bu te chhiar tam phawt tûr a ni. Nitin - zing leh tlai-ah Bible chhiar ziah la. Thuthlung hlui bu leh Thuthlung thar ami chhiar ngei ngei ang che. Hei hi nitin i tih zêl chuan nuam i ti anga, i hlim bawk ang.

(2) |awng\ai rawh(Rom 12:13): |awng\ai hi a pawimawh em em a ni. Nitin vawi khat emaw, vawi hnih emaw \awng\aina hun (Fianrial) nei ziah ang che. Fianrial tih vângin hmun dang a va kal kher tihna a ni lo. I theih a, a remchân chuan a \ha a, amaherawhchu, i pindanah, i khum bulah, i lehkha zirna dawhkânah..etc. Lalpa hnênah i \awng\ai thei a ni. |awng\ai ziah rawh. In chhûngkaw tân \awng\ai la, i \hian \hate tân te, in pastor tân te, Missionary te tân pawh \awng\ai \hin ang che. |awng\ai thlahdah hi Kristian, Piangthar tir te hnungtawlhna bul pakhat a ni. Chuvângin nitin hun engemawchen \awng\ai nân hmang ngei ngei ang che. Hei hi i nitin nun phungah i nei dâwn nia. (3) Kohhran ho zingah tel tam rawh: Zu inna hmun te, i kristian nun ti chak lo theitu awm apiang chu hlat la, tlân san rawh. Kohhran hote zingah tel tam ang che. I beisei leh duh angin an lo lâwm hiam hiam lo che pawh a ni mai thei. Pawi ti suh, inkhâwm la, inpâwlhona ah te, zing \awng\ai-ah te tel tam tum la, chûng hmunah chuan sâwtna i neih ngei theih nân \awng\aiin inbuatsaih rawh. A theih phawt chuan inkhâwm apiangin tel ve zêl tum phawt mai ang che. (4) Thawhlâwm thawh rawh: Thawhlâwm hi a pawimawh ve khawp mai. I lo thawh \ha hle tawh a nih pawhin hma sâwn tum la, i lo ti \ha vak lo a nih palh chuan \an la nghâl ang che. I pawisa bag nên i piangthar tûr a ni. Thawhlawm kan pêkna tûr chhan hrang hrang a awm. Lawmthusawina, Pathian chibai bûkna, ramthim rawngbâwlna, Biak in sakna, Sawma pakhat, etc..etc. Heng zawg zawng te hi ngaihtuah la, petu Pathian hi a hnêna pe vetu i nihin i hrechiang zêl dâwn a ni. (5) Pâwr takin awm la, A thuhretu ni rawh: “Pâwr takin” tih vângin chapo tûr tihna a ni lo. Tûnah chuan Setana fa, Setana ta ni \hin kha - Pathian fa, Vân khua leh tui, Mithianghlim, thiam chang i ni tawh a. Hlim tak leh thlamuang takin awm la. Piangthar i nihna kha lantir zêl ang che. Lal Isua zahpui lo la, a thuhretu nih zêl tum rawh. “Lal Isua hi i Lal leh Chhandamtu ah i pawm ve tawh em” ? “Isua hian kei hi min lo hmangaih a, nangpawh a hmangaih che a sin” tiin midangte hnênah puang thîn rawh. A nih loh leh i hnathawhna, zirna leh awmna hmun apiangah, i lo danglam ta a ni tih miten an lo hriat theih nân nung \an rawh le. Awle, Kan sawi vek sêng lo vang. Tûna kan târlan te mai pawh hi nunpui la, i hlim reng maiin ka ring. Kristian nun hi a lo har lo e.. - Rev. Lalbiaksanga

1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456

V o l u m e I X. I s s u e N o . 37. B C M W e e k l y N e w s Website

October 4 - 10, 2009.

Phêk Hnihna

CHHUNGKAW THU HLA

http://www.mizobaptist.org

Telephone 0372-2342678 0372-2342161 0372-2342157 Email [email protected] [email protected]

Circulation Manager: H. Lianchhûngi 2322297 (R) Address: Baptist Today Sêrkâwn, Lunglei P.O.Zotlâng- 796691, Mizoram A man Thla khatah Rs. 5/Kum khatah Rs.60/-

Thusawi Ropuite Thlemna hi tawn tirh chuan Samsona Sakeibakneiin a rum \haih ang mai a ni a, hneh hnua kan thawh leh chuan Khawizu, a bawma chhar ang lek a ni.. -Bunyan Tuarna leh nawmna hi eng leh thim angin a inchhâwk a, chumi a\anga a hlâwkna tel thiam leh, fing taka thil \ha lo a\anga thil tha paw chhuak thiam apiang chuan nun dân a thiam a ni mai. - Bryant Sermon tha ber sawitu chu, maichama thuhriltu a nih vang maia thurhil ni lo va, amaha sermon awm sa hriltu hi a ni.

-William Feather “Pawisain engkim a tithei” tia ngaitute chuan, an thiltih engkim hi pawisa avângin an ti a ni ngei ang..

- Lord Holifax Edited by Rev. B. Lalramhluna and Published by Communications Department, BCM; Printed at BPP, Sêrkâwn,Lunglei. 8050/c

BEIRUAL FOLLOW-UP Beirual thuzir kan zo a, Kohhran hrang hrang ten Camping leh Crusade kan neih chho mek a, BCM Revival Team te pawh an fehchhuak deuh vek a, Kohhran ten hlimna ropui tak kan chang chho mek a, a lawmawm hle. Tuna Camp/Crusade nei mek, kan hriat theih te lo tarlang ila:# Chawngte L Kohhran chuan Speaker-ah Tv. Pc Vanlalrova hmangin October 2-4, 2009 chhûng hian “Hawh u, Lalpa hnênah i kir leh ang u”(Hosea 6:1)tih thupui-a hmangin Crusade an nei mek a, zanin hian an \iak ang. # Ramhlun ‘S’ Kohhran chuan September 19 a\ang khan Gospel Revival Team te nên Camping chhâwng thumna neiin Crusadein an chhunzawm mêk. #Lungmawi Kohhran (Chhipphir Bial) chuan Ebenezer Ministry (Speaker-Pi Vanlalmawii) te hmangin Camping chhâwng thumna tunkâr thawh\an zan a\ang khan an buatsaih a, Kohhran an hlim hle. # Cherhlun Pastor Bial chuan

October ni 1-4 chhûng hian Bial Inkhawmpui, BCM Cherhlun-ah an nei mêk a, Speaker-ah Rev.Dr.K.Lalrinthanga, Ramchhung Mission Directror an hmang. #Sêrkâwn Kohhran chuan Camping chhawnghnihna tunkar thawhlehni khân an buatsaih leh a, Speaker-ah Rev. Tc Vanlalmalsawma, Lungchem Bialtu an hmang. Zanin thleng Crusade-in an chhunzawm ang. #Venglai Kohhran chuan Camp Chhawng li-na tunkâr thawh\an a\ang khân an nei a, Riangvaite |hian Team (Speaker Upa Dochhunga) ten rawng an bâwl a, Crusade neih chhunzawm mek a ni bawk.

TRAINING BUATSAIH Relief & Development hmalâkna-in September 22-23, 2009 khân R&D Training Centre-ah Thingtlang lo nei mite pualin Seasonal Crop cultivation and IMO Preparation Training Programme an hmang a. He training-ah hian Thingtlâng khaw pakua a\angin mi 25 an lo kal a ni.

CALENDAR I \awng\ai ang u

NEICC Nî October 18

ABC Inkhâwmpui October 23 - 25

Khawvel Sunday School Nî November 1

BWA Hmeichhe |awng\ai Nî November 2

Service Dept Committee November 25 - 26

Pastoral Committee November 27

ADVERTISEMENT Hêngte hi Baptist Higher Secondary School, Serkawn-ah mamawh a ni. Pathian rawngbâwlnaa ngai tân a hnuaia hming ziak hnênah October 8, 2009 thleng dîlna theh luh theih a ni e. Name of Posts ComputerTech-2 Mathematics - 1

Qualification MCA/BE(Comp.Sc) M.Sc(Maths)

Salary Rs. 12,500(Fixed) Rs. 11,175(Fixed)

Dîltu chuan attested Marksheets (HSLC chin chunglam ) leh mahni lawina Kohhran lehkha thil tel tûr a ni. Interview hun leh \ûl dang chu inhriattîr leh a ni ang. Ph: 9436147408

Sd/-H. Sangchema AGS i/c Education BCM Hqrs. Office, Serkawn

Rualbanlo Te Nî November 29

M&E Committee December 2 - 3

Bible Sunday December 6

ADVERTISEMENT Ramchhûng Mission-a thawk tûr Missionary - Evangelist Nurse (Contract) pakhat mamawh a ni a. Pathian rawngbâwlna-a ngaia dil duh chuan a hnuaia hming ziak hnênah October 26, 2009 ral hmain dilna -plain paper-a ziakin thehluh theih a ni. Dilna-ah chuan mahni lawina Kohhran lehkha leh Education Certificate - Attested Copy thil tel tûr a ni. Hlawh chu BCM Pay Rules in a sawi angin pêk a ni ang. Qualification Interview

: G.N.M or its equivalents. : 28.10.2009 (10:30AM) Sd/- Rev. Dr.K.Lalrinthanga Director, Ramchhûng Mission

Sunday School Exam Ni December 6

Central Committee December 9 - 10

1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456

V o l u m e I X. I s s u e N o . 37. B C M W e e k l y N e w s

October 4 - 10, 2009.

PhêkThumna

Editorial:

KORKU NAUPANG SUPPORT CHUNGCHANG RORELNA LEH PATHIAN RAM Bial Inkhâwmpui thla kan lo thleng ve leh ta reng mai. Bial Rorêlna leh Area Baptist Kohhran Rorêlna te hi October thla hian kan zo hlawm dâwn a ni. Kohhran rawngbâwlna leh Pathian ram zau zêlna atân Kohhran Rorel inkhawm hian hmun pawimawh ber a luah tlat avângin hêng kan inkhâwmpuia rorel kan neih \hin hi an pawimawh êm êm a ni. Rorêlna-Kohhran hruaitute kutah: Kan Mohhran inrelbâwl dân kalphungin chiang taka a târlan chu Pathian ram rorêlna atâna Kohhran hruaitute mawhphurhna a ni. Tualchhûng, Bial, ABC leh Assembly thlengin Rorêlnaa tel tûr palai nih dân te mumal takin kan dânah a awm vek a ni. Bial Inkhawmpui te, ABC Inkhawmpui te leh Assembly thlengin a tel tûra ruat te leh mawhphurhna nei te chuan kan ngaihpawimawh \ûl a, chhuanlam tûr zawnga kal loh mai mai te tum lo i la. Kan Pathian thu chuan “Kohhran upa Rorêl \ha te chu a lehhniha chawimawh tlâka ngaih ni rawh se” a ti a nih kha. (I Tim 5:17) Rawngbâwlpui tên inkhawmpui Rorêl an neih laia mahni ina lo awm mai mai te hi a Pathian Thu lêm lo. Amaherawhchu Inkhawmpui zawng zawngah Upa leh rawngbâwltu zawng zawng te tel vek theih a ni lo va, Tualchhunga lo awm pâwl te kan awm a ngai a, chutih laiin kal lo deuh reng pawla \ang fo mai te chu hruaitu pangngai nihphung ni pha lem lo an ni tlangpui. Thlarau Thianghlim leh keini’n: Jerusalema Kohhran hruaitu rorel hmasak ber thu pass ah chuan, “Thlarau Thianghlim leh keini’n...” tiin an sawi ngam kha a ni a. (TT 15:28) Kohhran hotuten Rorêlna kan neih hian, “Thlarau Thianghlim leh keini’n” ti ngam ve ngei tûra kan thu rêl tûrte hi kan ngaihtuah a, Pathian kan râwn a \ha khawp mai. Ram pumpui huap atân a tha ber angem tih ngaihtuah chang lo va, mahni tualchhûng, bial tâna duhthusam tihtlûk tuma, nawr vak mai te pawh hi a awm thei fo mai. Chutih laiin rorêlna tha leh fel chuan Kohhran te hmasâwnna leh hlimtlânna a thlen a, Pathian ram a ti sâwt \hin a ni. Kohhran hote kan inkhawmpui leh dâwn ta a, Rorêlna pawh kan nei leh \heuh dâwn. Pathian ram thil a nih hria ila, a \awng ring leh sawi uar thiam apiang te thu pawh hi a \ha ber a lo ni chuang lo fo tih hriain, “Thlarau Thianghlim leh keini’n” kan tih \heuh theih tûrin Rorêlna kalpui i tum ang u. - Biaka

Korku (MP & MS) Field a Boy’s Christian Hostel hi BCM hian kum 26 vêl kan lo enkawl tawh a. Kumtin naupang 40 enkawlin pâwl 1 a\anga pawl 12 thleng zirlaite enkawl an ni. Kan naupang enkawlte hi a tam zâwk chu ringlo mi an nia a. Kan ringtu fate leh native workers fate pawh enkawl mêk an ni. He hostel hmang hian Pathian khawngaihna avângin naupang engemawzât an piangthar tawh a, an chhûngte nêna Lal Isua ringte pawh Lalpan min pe a, kan lâwm tak zet a ni. Tûna Native workers a kan chhawr mêkte zingah hian kan hostel a\anga piangthar an awm nual bawk. Zirna mumal nei lo, kan hostel a kan enkawl tâk avânga sawrkar hna thawk mêk pawh an awm ta nual mai. Tûnah hian Kan hostel naupang lo ni tawh \hin, Pathian thu zirchhuak an awm a. hetiangin, M Div.- 2, B.Min.-1, D. Miss.- 8, Tin, pakhatin D.Miss a zir mêk a, B.Th zir zawm tûra beisei a ni. Tûn thlenga BCM Missionaryte’n ringthar kan neih zawng zawng aiin hêng kan hostel naupang lo ni tawh \hinte’n ringthar an siam hi an tam zâwk tawh a. Tûnah hian Kan hostel rawngbâwlna rah kan seng \an chauh niin a lang. Leadership training leh Church Administration training pêk chhoh zêl an ni a. Nakin lawkah chuan BCM tel lovin helai ramah hian anmahni intum chawpin rawng an bawl thei mai dâwnin a lang \an ve ta, Lalpa chu fakin awm rawh se! Support/Chawm dan: Korku Naupangte châwm tûra sum kan mamawh zât hi Annual Budget ah kan târlang nain a income lamah hian a zâtve deuh thaw hi supporters te hnên a\anga hmuh beisei a ni \hin. Nakum atân Budget ah Rs. 2,20,000/- dah a ni a, supporters te a\anga sum kan beisei zât chu Rs, 1,00,000/- vêl a ni. Tûnah hian Kohhran leh FOD Bial inkhâwmpui kan lo hnaih leh ta hle mai a. Kan hriat chian leh zual theih nân kan rawn târlang leh a ni e. Support dâwna hriat tûr: Naupang pakhat senso hi thlakhatah Rs. 500/- (kum 2010 a\angin) anga chhût a ni a, Kum tin thla 11 chhûng enkawl an ni. Chuvângin naupang pakhat châwmtute chuan Rs. 500 X

(thla)11 atan Rs.5500/- a châwm a ngai dâwn ta a ni. Naupang a mala châwm lova support duhte chuan hetiang ang kher lovin an theih ang angin an support thei bawk a ni. Korku naupang châwmna hi Field ah thawn mai lovin Headquarter-ah theh luh tûr a ni. Headquarters chuan Head hran neiin an lo dawng a, a hlawmin field ah an lo thawn mai \hin a ni. Helaia sikul session chu June-April a ni a, Financial year hi April-March niin Châwmtu te lamah erawh chuan Bial huap comtt-te’n Oct.-Sept. an pe a, Kohhran \henkhat-in Jan - Dec. angin chawmna/supportna an thehlût bawk a. Tihsual palh leh hriatsual palh a awm loh nân ka sawi tel duh chu-support/ sponsor dân chu inang lo pawh nise, Headquarters leh Field lamah hian financial year mila report siam \hin a ni. Chuvângin kan chhût dânah kum khat kan tih hi a in ang lo thei a ni. Tin, tûn thlenga min duhsaktute hnêna lâwmthu sawina leh report kan thawn thei lo hi pawi kan ti hle a, a theih hram chuan sum chu Headquarters ah theh lût mah ula, Field Director- ah Supporttu hming, Support dân leh Address te pawh chiang taka ziakin lo thawn thei ula, kan hostel report leh lâwmthu sawina te pawh kan lo thawn ve thei dawn che u a ni. Lalpa’n awmpui che u in hruai zel che u rawh se! Sd/Rev. Israel Lalremtluanga Field Director Korku Field, Dharni

1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456

V o l u m e I X.

I s s u e N o . 37.

BCM Weekly

News

October 4 - 10, 2009.

P h ê k Lina

NILSON FANINI - ROPUINA RAMAH FURTHER STUDIES Pastoral Ministry Department chuan 2010-2011 Academic session-a \an tûrin Minister/Pastor thawk laite zîng a\angin deputation-a M.Th. zir tûr - Academic Programme leh Training Programme atân pakhat ve ve tirh a tum a. Dîl duhte chuan October 14, 2009 aia tlai lovah a hnuaia hming ziak hnênah hian dîlna theh luh tûr a ni. Dîltute tâna hriat tûr pawimawhte1) Dîltu chuan BD aggregate marks-ah 60% (B grade) aia hniam lo emaw, a zir tum branch-a paper 3-ah 60% aia hniam lo \heuh emaw a hmu tûr a ni. 2) Training programme-a zir dîltu chu 2000 emaw a hma lama BD passed a ni tûr a ni. 3) Academic programme-a zir dîltute tân October 15, 2009.1:00 Pm-ah General English leh Scripture Knowledge-ah Written Test neih tûr a ni ang. A hmun Hqrs Office. 4) Dîltu zawng zawngten October 16, 2009.1:00Pm-ah Personal Interview neih tûr a ni ang. A hmun - Committee Room, Hqrs. Office building. 5) Dîlnaah chuan mahni zir tum discipline sawi chian tûr a ni a, B.D. Certificate leh Marks sheet photo copy thil tel tûr a ni. 6) Zir tumna college a\angin mahni-a Application form inngaihtuah tûr a ni. .........

PASTOR HNA DIL THEIH BCM hnuaia thawk tûrin Pro-Pastor 8 lâk a ni dâwn a, dîl duhte tân dîl theih a ni. Dîl thei chin leh dîltute tâna hriat tûr pawimawhte a hnuaia mi ang hi a niDîl thei chinte :1) Theological Degree- B.D chin chung lam nei a ni tûr a ni.. 2) Rinna leh mihring nihnaa puitling, kum 25 chin chung lam a ni tûr a ni. Hriat tûr pawimawhte : 1) Dîlna chu plain paper-ah Mizo \awng emaw, English-in emaw ziak tûr a ni. 2) Dîlnaah chuan hêngte hi thil tel tûr a ni:· Mahni lawina Kohhran lehkha · Theological degree marks transcript & Certificate · *Medical fitness certificate & Birth certificate November 10, 2009 aia tlai lovah a hnuaia hming ziak hnênah hian dîlna theh luh tûr a ni. November 27, 2009, 10:00Am-ah Pastoral Committee hmaah Personal interview neih tûr a ni ang. Kohna hran siam a ni lo vang. * Medical fitness Certificate hi November 21, 2008-a Pastoral Committee-in a rêl angin, kumin a\ang chuan hrisêlna tichiang thei ngei tûr neih tûr a ni. Christian Hospital Serkawn a\angin Medical examination kal tlang tûr a ni a, exam tûr chin pawh Doctor-te nên ruat fel a ni. X-ray, blood test, etc. atan Rs. 700.00 vêl sên a ngai ang. Awmna hlat avânga Application theh luh ruala Medical certificate theh luh harsatte chuan November 26, 2009 thlengin (medical certificate hi) theh luh theih a ni ang.

Sd/- Rev. C. Ngûrhnêma Co-ordinator Pastoral Ministry Departments.

Kâr kal ta Inrinni -September 19, 2009 khân Dallas, Texas, United States-ah 1995 a\anga 2000 thleng Baptist World Alliance President lo ni tawh, Nilson do Amaral Fanini chuan ropuina ramah min kal san ta. A chhûngte tlawhin United States-ah hian a zin a. A thlen hnu reilo te-ah pneumonia natna avângin Damdawinah dah a ni a, kârkhat emaw lekah a boral ta mai a ni. BWA president atâna thlan a nih hma pawh hian Vice President a ni a, BWA General Council member te, Evangelism and Education Executive Committee member te leh mawhphurhna pawimawh tak tak a lo chelh tawh a ni. Brazilian Baptist Convention President vawi 14 ngawt a lo ni tawh bawk. Nilson Fanini hi a thih hian Kum 77 a upa a ni. Nilson Fanini hian kum 54 chhûngin kohhran pathum a lo enkawl tawh a. 1964 a\anga 2005 thlenga a kohhran enkawl - First Baptist Church of Niteroi chu member 740 a\angin 7,000 laiin an pung a ni. Kum 2005 khan Baptist kohhran pakhat Niteroi-ah a din leh a, member 600 lai tûnah hian an tling leh tawh a ni. BWA president nilai David Coffey chuan “Dr. Nilson Fanini-an min awm loh san ta thut mai tih ka han hriat chuan rilru hreawm tak chungin a nupui leh fate hnênah kan lo tawngtaipui tlat dâwn a ni tih ka hrilh nghal a. Mimal tak pawhin ka rawngbâwlna-a min fuihtu leh \hian \ha tak a ni a, international huapa BWA rawngbawlnaah hian he pastor leh evangelist ropui tak hian a thawh hlâwk tak zet a ni,” a ti. General Secretary Neville Callam pawhin zah takin a chungchâng thu ti hian a sawi a: “Kan President kal ta hi pastor inpe tak leh \anpui ngaite lainatna thûk tak nei mi a ni. Thlaraubo te lainatna tak tak nei mi, evangelist ropui a ni” tiin. Dr. Fanini hi Chanchin |ha hrilin khawvêl huapin a zin nasa êm êm a, a rilru-a lian ber chu mi tam takin Isua Krista chhandamna thu hi an lo hriat theihna tûrin Kristian zawng zawng te hian kan mawhphurhna, he chhandamna Chanchin |ha hril hi a takin nunpui thei ila, tih hi a ni. Fanini hian a nupui Helga (53) leh a fapa te 2 - Otto leh Roberto leh a fanu Margareth te a kal san a ni. An tan i \awng\ai sak \hin ang u. Asian Baptist Federation Conference 1995 khan Turaah a lo kal a, a thusawi ka la hriat reng chu “Evangelist ka ni a, BWA president-a min thlang hi Pathianin Baptist kohhran te hi Chanchin |ha hril uar leh zual tûrin min duh a nih ka ring” a tih kha a ni. Zan tin mual inkhawma a thu a sawina-ah Lal Isua ring tura a sawmna siam chu chhângin mi tam tak an awmna hmun a\angin an lo pên chhuak \hin. Brazila ka kal \umhnihna March, 2000 khân a kohhran pawh ka zuk hmuhpui ve nghe nghe a. Tura-a a lo kal khân thlate pawh kan la dûn nghe nghe a ni. Amah hriatrengna inkhawm hi Inrinni, Sept. 26-khân Texas (US) –a Gethsemane Baptist Chuch –ah neih a ni a, chumi hnuah Brazil lamah Niteroi khawpuia Memorial Baptist Church –ah thlahna inkhawm neihpui leh a ni. Hetiang taka pastor \ha leh rawngbâwltu hmingthang, Pathian pasal\ha, thlaraubo vei mi, Baptist kohhran hruaitu ropui Dr. Nilson Fanini-an min lo awm loh san ta hi khawvêl pumpui-a Kristian te tân chânna nasa tak a ni. “In hotu, Pathian thu lo hrilhtu che u chu hereng ula, an awm dâna thil chhuak chu ngaihtuahin an rin dân zir rawh u” (Hebrai 13:7) -Rev. Dr. K. Lalrinthanga