Issue: September 2009

Loisi September 2009

1

Kum 18 LOISI September 2009 Editor Joint Editor Editorial Board

Advisory Board Cir. Manager

Asst. Cir. Manager

: Zos^ngi - 2324042(O)/9436370319(M) email: [email protected] : F.Zanguri 9436157412/2324276 : Upa C.Remmawii 9436157990/2325033 Dr.Chawngthanpari 9436157875 Pi LH Sangziki 9436150846 Rbt. H.Lianchhungi9436370532 : Upa Sangthanzuala Ralte 9436370912 Upa C.Sangliana 9436147165 : B.Singp^ri BCM Office, Serkawn P.O. Zotl^ng - 796691 Phone- 2342696(O)/2342776(R) : Pi H.Lalkimi 9436353308/2322993

* A chhunga thute hi a ziaktu ngaihdan a ni a. Editorial Board ngaihdan a ni vek lo.

A Chhunga Thu Awmte 1. 2. 3. 4. 5. 6. 7. 8. 9. 10. 11. 12. 13.

14. 15. 16.

Editorial........................................................................................... 1 Sermon: Rinna a fak kan hlawh ve nan ........................................... 2 Kristian chhungkua: Pa mawhphurhna............................................ 5 Testimony Huang: Pathian laka ka thil dil, ka nuna lo thlendan tlangpui ............................................................................. 8 Engvanginnge.................................................................................. 9 Household Tips ............................................................................. 10 Eirel............................................................................................... 11 Beautycare..................................................................................... 12 Hriselna Huang: Menopause (Hmeichhiate thi hul) ...................... 13 Thih hnu awmdan mawi ................................................................ 14 Missionary Huang: Thlawhhma ti ti lenglam ................................ 16 Chhawmdawlna In report tlangpui (Feb-June ‘09)........................ 18 Report: 1. Bungtlang ‘N’ Pastor Bial BKHP Report.................. 21 2. Bial pawn fehchhuah report tlangpui ........................ 22 3. MBKHP Hruaitu tlawh report ................................... 24 Ringtute inbihchianna tur .............................................................. 26 Profile............................................................................................ 31 Nangni leh Keini ........................................................................... 30

Loisi September 2009

2

Editorial:

Enge Ka Tih Ve Ang ? Tunlai mithiamte’n an buaipui em em chu khawvel lum zel (Global warming) hi a ni. Heng avang hian kan khawvel boruak hi a chhe zel a. Tin, khawvel ram changkang zawk te’n hmasawnna kawnga ke an pen zelnaah hian chhan hrang hrang avangin boruak tibawlhhlawhtu nasa takin an tichhuak a. USA hi boruak tibawlhlawhtu pakhat greenhouse gas pe chhuak nasa ber a ni tih a ni. Scientist, he lam pang zirtute chuan khawvel boruak bawlhhlawh hian ram tin a thleng pha vek a, ram hausate’n Industries avang te, motor tam tak avangte leh thildangte avanga boruak tibawlhhlawhtu an pek chhuahte hi khawvel pakhata chengho kan nih avangin kan tuar tlang vek niin an sawi. Pathian thu chuan, “Lal Isua ringtute hi tam tak ni mah ila, Krista-ah chuan pum khat kan ni a, a mal malin inpeng tawn theuh kan ni,” tiin Rom 12:5-ah min hrilh a. Inpeng tawn theuh kan nih avangin kan thiltih te, a tha emaw, a chhia emaw hian ringtu midangte-ah nghawng a nei zel a ni. Chuvangin, mimal tinte hian kan pawimawhzia kan inchhut ngun a tul hle mai. Kan taksaa kut zungte hmawr pawh a nat chuan kan taksa peng dang pawhin a tuar thin ang hian, kan thiltihte hian ringtu dangte nun a khawih thin. Chuvangin, midangte nuna a tha zawnga nghawng nei turin ‘Enge ka tih ve ang? Enge ka tih theih?’ tiin ngaihtuah ila. Mi hausa tak mai Milton J.Patrie chu mite tanpui nana a sum leh pai ui lova pe thin a ni a. A thih chuan chanchinbu headline-ah te chuan, “He millionaire hi a thih hnuah pawh a la thilphal zel,” tiin an ziak kiau kuau a. A ro tam tam khawm tur chuan a hnathawktu mi rinawm tak tak te, a thiante leh an chanchin a chhiar atanga tanpui ngaite mi 451 te hming a dah a ni. Keini mi tam takte hi chuan sum kan ngah ve kher lovang. Mahse tih theih kan nei a ni. Thlarau thilpek hrang hrang kawltirte kan ni a, chung chu a tak taka kan hman chhuah a ngai a ni. Kristiante nundan tur Pathian thua kan hmuh chu midangte

Loisi September 2009

3

hmangaiha inlainat tawn tur te, tawngtai fan fan tur te, chhawmdawl ngaite chhawmdawla tanpui hna thawk tur te, thilpeka thilphal tur te kan ni. Kan velah hian kan hun te, kan fuihna te, sum leh paia kan puihte, thiana min mamawh te, kan tawngtaipui ngaite an tam a ni. Chung mite tan chuan kan inphal ve dawn em? Thufingte 11:24, 25-ah chuan, “Sem darh chu pun lehzualna a ni a, mamawh tawka liam kawmpui chu tlakranna a ni. Mi thilphal nunna chu tih thauvin a awm a, tui leih thintu chuan mahni pawh a inleih a ni,” a ti. Mite tana inphal chu Lalpa’n mal a sawm thin a, thilkawm erawh chu tlakranna a ni. Ringtute hi a tha zawnga kan intihchak tawn hian Krista taksa chu a lo thanglian thin a ni. Kei hian mite tan ‘ENGE KA TIH VE ANG?’ tih hi hre nawn theuh ila, a takin i thawh chhuahpui theuh ang u. - Zosangi ___________________________________________________

Sermon:

Rinna a fak kan hlawh ve nan (Heb 1:1&2) - Upa Chalhmingthanga BCM Chaltlang, Aizawl. Bible-in ‘Rinna’ min hrilhfiah sak dan chuan, “Thil beiseite awm ngeia hriatna, thil hmuh lohte hriatfiahna,” tiin min hrilh a. A awmzia chu- Lalpa’n thil lo thleng tur a sawi kha an rin avangin thil an ti a, a hlawhtlinna an chan thin avangin, Upa-ho khan fak an hlawh ta thin a ni. Entirnan: 1. Rinna a fak hlawh Nova: Lalpa’n a fak chhan ber chu, a hrilh ang taka ‘LAWNG’ a tuk vang khan a ni. Tui let avanga thihna lakah chuan Nova leh a chhungte chu an him ta si a, Lalpa thu awih manhla zia chu hrilh nawn a ngai hauh lovang le! Keini ve hi? Lal Isua’n, ka lo kal leh ngei dawn a, mitin an thiltih ang zelin ‘Ro’ ka rel sak dawn a ni, tih ringtute

Loisi September 2009

4

chuan an chhungkaw him nan Chatuan Lawng chu an tuk mek zel a. Ring lote erawh chuan, khawvel hau-sakna leh a ropuina te, a mawina leh a nawm saknate chu umin an tlan zel a, tui letin thihna rapthlak tak a rawn thlen ta ang khan, Lal Isua lo kal lehna thiltih theihna ropui tak chuan, manganna nasa tak leh thihna rapthlak tak chuan a rawn nangching ve dawn a, (he mi hun pawi tur zia ka sawi thiam lo hi a va pawi tak em!) Hun harsa tak karah awm thin mah ila, rinna avanga Lalpa fak kan hlawh ve na turin, kan entawn atan Nova hi min pe a nih hi. 2. Rinna a fak hlawh Mosia kha: Lalna leh thuneihna te, lei ropuina leh chawimawina te neih ai chuan, nakina Lalpa’n ropui-na leh chawimawina a pek tur kha a duh zawk avangin, Pharoa Fanu-a Fapa-a awm a duh loh avangin, rinna avangin Aigupta Lal In ropui tak chu a chhuahsan phal. (2) Aigupta ram rote ai chuan Krista an hmuhsitna chu ‘Sum ropui zawka a ruat avangin, Aigupta SUM BAWM Lal In chu rinnain a chhuahsan daih! (3) Mosia chuan khawvel aia rinnaa Krista a thlan zawk avang khan, Hmeldanglamna tlanga ropui zinga rawn inlar vein, Lal Isua’n khawvel chhan-damna hna a thawh tlei tlak dan tur roreltute zingah a tel phak daih mai a nih kha. Keini ve hi? “Boralna kawngka chu a zauva a lut pawh an tam,” Lal Isuan a tih angin, lalna leh thuneihna te, a hausakna leh a ropuinate, a mawina leh a nawmsakna te umin boralna lamtluangah kan tleh dul dul mai zawng a ni tak hi le...? Inchhir sawt tawh loh hun kan tawlh thleng mek a nih hi! Khawvel mite’n chhiatna rapthlak tak boralna an tawhna laka kan him theihna turin rinnaa fak hlawh Mosia hi entawn atan a va tha em! 3. Rinna a fak hlawh Abrama kha: Tih ropuia chi ropui taka siam a duh avangin, Lalpa’n an ram atangin a ko chhuak ta a. Tar tak an nih tawh hnua an fa neih chhun Isaaka chu halral thil hlana hlan turin a ti leh si! “Thi tawh hnu pawh a

Loisi September 2009

5

kai tho thei” tih Abrama chuan a rin avangin, rinnain Moria tlang thlengin Lalpa hnung chu a zui thleng ta a nih kha. Abrama ang hian, kan thil neih kan RO hlu berte hi kan Lalpa ram a lo zauva, a hming hi a ropui zual zelna tur hian kan chan (hloh) ngam ve em aw? Lalpa tan thil ropui tak ti ve tur chuan chan ngam (hloh ngam) neih hi a ngai si thin zawng a nih hi. (1) Nova chuan an chhung-kaw him nan khawmual lei charah rinnain LAWNG a tuk ngam a. (2) Thlalera vakvai turin Mosia pawh khan rinnain khawvel a chhuahsan ngam a. (3) Abrama pawh khan rinnain a fapa a chan (hloh) ngam a. Engpawh chan huama rinnaa Lalpa hnung zui ngam hi kan tan hian a lo tha ber zel mai zawng a nih hi. Chan huama Lalpa hnung zui hi channa a lo ni tak tak lo ve, malsawmna tam tak dawnna hnar a lo ni reng zawk mai e. Kan hmaa mi huai kalta te chuan, (a) Rinnain ramte an la a, (b) Sakeibaknei khate an ti chip a, (c) Rinna avangin chak lohna a ta chak taka siamin an awm a, (d) Indo-naah chuan mi hrat khaw-kheng an lo ni a, (e) Hnam dang indo pawlte an tlan chhiat tir a, etc. tiin min hrilh a. (Chhandam ni-a lungawina nen chuan a inang lo hle mai) Khingte khi Lalpa’n rinna kawnga Fak hlawh ve na tura min pekte an ni a, enge kan nihpui hlawm ang le aw...? Rinnaah chuan kan awm leh awm loh mahni ngei inchhina in enfiah turin min ti a nih kha. Rin in malsawmnate kan chang, Rinna naupang takin. Pathianin Krista zarah chuan, min pek a tiam a ni. Lalpa’n malsawm rawh se, AMEN.

Testimony Huang:

Loisi September 2009

6

Pathian laka ka thil dil, ka nuna lo thlen dan tlangpui - Lalpianruali Kikawn Unit, BKHP 1) Chakna ka dil a, ka lo chak theih nan, chaklo dinhmun min paltlang tir. 2) Duhsakna ka dil a, Pathian chuan remchang chiah min siam sak a. 3) Finna ka dil a, ka lo fin theih nan, chinfel tur thil khirh min hmachhawn tir a. 4) Hausakna ka dil a, ka lo hausak theih nan, thluak leh thahrui min pe a. 5) Hmangaihna ka dil a, ka finfiah theih nan hmangaih tur nungchang khirh pui pui a rawn hruai a. 6) Hriselna ka dil a, ka hrisel theih nan, ka nun ka vawn uluk tul zia min hriattir a. 7) Huaisenna ka dil a, ka huaisen theih nan thil hlauhawm pui pui min hmachhawn tir. Chuvangin ka duh leh ka thil dilte min lo pek loh hian ka tawngtaina chu chhanin a awm a ni tih min lo hriattir thin a ni. Tawngtaina chuan engkim a ti thei a ni, chuvangin kan tawngtainate hi kan chhut ngunin enge kan dil tih hi keimahni pawh hian kan in X-ray fo tur a lo ni reng mai a. Tin, kan Pathian hian kan dil leh a hnena kan thlen apiangte hi kan dil angin min chhang kher lo, avang chu keimahni tana tha tur te, tha lo turte a hai loh avangin a tawktein min lo chhang thin mai a lo ni. Kan mamawhte hre reng thintu kan Pathian chuan amah kan hnaih theihna tur chuan kan tan hian tih duh loh leh tih theih loh a neih loh avangin harsa takin awm mah ila, kan harsatna phena amahin malsawmna min pek theih nan ti hian a lawm min lo tih fo thin chu. Chuvangin tawngtai fan fan rawh u min tih angin tawngtai ila, Lalpa chuan engkim a hre si a.

Kristian Chhungkua:

Loisi September 2009

7

KRISTIAN CHHUNGKUA Kristian Chhungkua-a Pa mawhphurhna - Lalrinliani Ramhlun South, Aizawl.

Chhungkuaa pa mawhphurhna hi a lianin a pawimawh em em a. Clyde M.Naramdre-a chuan, “Pa-in a dam chhunga a tih tur ropui ber chu Kristian chhungkua din hi a ni,” a ti. Thuthlung Hlui-ah ngawt pawh ‘Pa’ tih hi vawi sangkhat aia tam sawi lan a ni a, pa tha leh tha lo chanchin a lang dun a ni. W.M.Ryburn-a chuan, Pathianin pa a vuah chhan chu a aiawha chhungkaw enkawltu atan a duh vang niin a sawi. Pathian chu PA tiin kan kova, naupangte chuan Pa Pathian an hmuh theih loh avangin leia an pate an ngaihhlut dan atangin vana Pathian hlutna leh zahawmna a hrethiam thin niin a sawi bawk. Thuthlung tharin thuneihna indawt leh chhawng a sawi dan chu: “Hmeichhe lu chu Mipa a ni a, mipa lu chu Krista a ni, Krista lu chu Pathian a ni,” tih a ni (IKor 11:3). Fate’n nu leh pa an zah anga, nuin pa thuneihna a zah anga, pa chuan a aia lu zawk Krista thuneihna zah takin a nupui fanaute a enkawl bawk ang. Chhungkua-a pa thuneihna chu Pathian duhzawng nen a inmil zel tur a ni, chuti a nih loh chuan pa chuan a dinhmun a luah zo lo a ni ang. Chhungkuaa Pa din-hmun chu: Chhungkuaa pa dinhmun chu ka Pathian hmuh theih a ni a, chhung-kuaa Pathian aiawha Pathian pawhin chhungkua a pa ber hmangin chhung-kua a enkawl kan ti thei ang a. Inchhungkhur vawngtu, vengtu leh enkawltu leh chhungkaw mamawh la luttu a ni. Sakhaw lamah puithiam chanvo a chang a, zirtirnaah zirtirtu, damlo enkawlnaah Doctor anga mawhphurtu a ni. An chhungkaw chhiat leh

Loisi September 2009

8

that mawh a phur a, pawn lam thlengin, Pathian hnen thlengin a phur a ni. Miin fa sual an hmuh chuan, “Tu fa nge?” an ti a, fa tha an hmuh pawhin, “Tu fa nge?” an ti tho. Pathianin chhungkaw pa ber hmangin chhungkua mal a sawm thin. “I fate chu vaw mah la a thi dawn si lo. Tiangin i vua anga, tichuan Seol ata a nun i chhanchhuak ang. Beiseina a la awm laiin i fapa chu thunun la, boral mai turah ngai suh” (Thufingte 19:18 & 23:13, 14). Heng thute hian a tul ang zir zela thunun tur a ni tih min kawhhmuh a ni. Joshua’n, “Kei leh ka chhungte erawh hi zawngin Lalpa rawng a nia kan bawl dawn ni” a ti a. (Joshua 24:15). Chhungkua nunho leh inkawm: Chhungkua nun-ho leh inkawm ngeihna atan pa-in mawh a phur a, nuin a tanpui bawk tur a ni. America rama chanchinbu pakhat chuan chhungkua dinhmun hetiang hian a ziak, “Inngaihsakna hmun, in-humhimna hmun, enna hmun, hnam ropui dinna lairil ber pawl ropui dinna lungphum, hmangaihna nen a chaw kilhona, Pathian bia a Biakin a kal ho dial dialte chenna, hlim taka nuih hona hmun, choka a nu hlim taka a zaina hmun, naupangho tuallaia hlim taka an infiamna hmun, hnehna lawma, an au rualna hmun, hmun pawimawh tak a ni” a ti a. Chhungkua a hlimna leh inuap lumna avangin Pa-thian hnenah lawmthu sawi thin ila. Chhungkua a Krista a lo chen a, lalna rawn chan phei chuan vanram tem lawkna a ni ngawt mai. A lehlamah chhungkaw hlim lo leh lungrual lo, Isua chen lohna leh a lal lohna chhungkua chu hremhmun tem lawkna a ni ve thung. Kan Mizo nun phungah chhungkua kan awmho tlem a, thenrual kan pawl tam lutuk leh khawlaia kan leng tam lutuk hi kan sim a tul hle a ni. Chhungkua a inkawmngeih a, a chhia a tha sawi ho tlan theih leh nitina chhungkaw

Loisi September 2009

9

mai-chama Pathian biak ho hi tih makmawhah nei ila. Mahni chhungkua theuhah tan i la teh ang u. Tin, sum leh pai lak luh thuah te a hman thiam danah te pawh chhungkaw pain tan a lak a ngai a. Chhung-kaw nun hlimna thuruk hi nundanah a innghat a, sum leh pai hi hmanrua chauh a ni. Pa chu thlahtu- Taksa leh Thlarau: Pa chu thlahtu bul a ni a, amah avangin fate an lo awm a ni a. Chutiangin pa chu thlarau lamah pawh thlahtu tur a ni a. Pa tam tak chuan chhungkaw ei leh bar dapna kawngah an mawhphurhna, fate pa an nihna an hre hle tawh a, mahse nungchang leh thlarau lamah thlahtu tha nih a pawimawhzia erawh hi chu infuih kan la ngai deuh niin a lang. Nu leh pa hnena thurawn: 1. Pathian thu hmangin zirtir thin rawh. (Deutero-nomy 6:4-9). 2. Thildik leh diklo hrilh rawh. (ILalte 1:6). 3. Pathian thil thlawn pek angin en rawh. (Sam 123:3). 4. Pathian tihna kawngah hruai rawh. (Thufingte 22:6). 5. Tiamkam awm lovin hmangaih rawh. (Luka 15:11-32), Tithinur suh (Ephesi 6:4). 6. I nun danah zah kaiin awm rawh (ITimothea 3:4). 7. Thunun tlat rawh (Thufingte 29:17). 8. An taksa mamawh phuhruk sak rawh. (I Timo-thea 5:8). 9. I rinna chu an hnenah hlan rawh. (II Timothea 1:5).

Loisi September 2009

10

Engvangin nge? Engvanginnge ‘Thisen sang natna’ kan lo vei? Engtinnge kan inven ang? 1. Thisen sang awmtir theitute: (1) Thau lutuk: Mi thau takte hian thisen sang an nei duh hle. Mi thiamte chhut danin mi thau lutuk hmun thuma thena hmun hnih hian thisen sang natna an nei a. A bik takin thalai lam kawng bawr (waist) vela thau nei tamte hian an vei duh. (2) Chi ei tam: Chi-ah hian thisen tisang thei sodium a tel avangin chi ei tam hian thisen a ti sang thei. Japanese hote khian chi an ei tam a, thisen sang natna vei an tam. (3) Zu in: Zu hian thisen a tisang thei. Tlem te in pawhin a ti sang thei a, regular taka in thin phei chuan thisen sang an nei deuh reng thin. (4) Zial zuk: Zial/Mei zuk hian nasa takin thisen sang a siam. (5) Oral Contraceptive Pills: Rai theih lohna damdawi ei hian thisen a tisang thei. (6) Thau ei tam: A bik takin sa thau ei tam hian a tisang. (7) Inthlahchhawn: Chhungkuaah hian thisen sang hi inthlahchhawn theih ni awmin a sawi a. A chhan ni awma lang chu chhungkua chu kan ei leh in leh nunphung a lo inang tlang a, chuvangin pakhatin a vei chuan midang tan pawh vei a awl thin. (8) Kum upa: Kum a lo upat hian kan BP a lo sang ve hret hret zel a. Hei hi mihring nunphung ve reng a ni a. Kan nitin hnathawh leh nunphung a tih khaihlak loh chuan a tha-ah ngaih mai tur a ni. (9) Rilru hah, hlawhtlinna, phawklekna, zauthauna te hian a tisang thei bawk. 2. A inven dan: Thisen sang natna laka inven dan tur leh a vei tawhte tan pawh a zual zel tur laka venna thenkhat lo tarlang ila:-

Loisi September 2009

11

(1) Taksa rihna pangngai vawn tlat tur a ni a. Thau lutuk tur lakah invengin, thau tan pawh intih cher tum tur a ni. (2) Chi al ei tam loh tur. (3) Zu in loh tur. (4) Meizial zuk loh tur. (5) Taksa sawizawi uar tur. (6) Sa thau leh sahriak lam aiin thlai hriak ei tur.

Household Tips 1. I thawmhnaw dahkhawmna (closet) chu lehkha emaw rizai chilhna puan an hman thin emaw phah chhuak vek la, i thawmhnawte chu a tichhe thei tur lakah venhim a ni ang. 2. I thuamhnawte chu rimtui tura i duh chuan rimtui (perfume) bur ruak a chhin hawngin dah ang che. 3. Thuamhnaw dahna a rimtui theihna tur chuan thawmhnaw fai tha tak dah nise. A chang changin kawngkhar khar phui loh nise, boruak lut theia dah ve thin a tha. 4. I wardrope/bawm a hnawng a nih chuan chalk (blackboard a ziakna) hi tlawn 10 vel tawn khawm la, i bawm chhungah chuan khai ang che. Tin, a rim a tui loh chuan baking soda hi hawng la, a bur chuan i hung dawn nia. 5. I thuamhnaw bawm chu a khat tawkin tifel thin la, a ruala tumkhata thleh fel vek emaw, rem fel vek emaw a buaithlak a nih pawhin a tahtawlin remfel mai a tha.

Loisi September 2009

12

Eirel:

1. Tumbu Chutney Mamawhte: 1. Tumbu - 5 2. Alu - Pum lian 2 3. Chana chiah puam - Tlem 4. Bahkhawr - Tel 1 (Chansawm) 5. Sawhthing - Bung tawi te 6. Limbu - 1 7. Purun sen - 2 (Chan sawm) 8. Garam Masala - Thirfian te 2 9. Aieng - Thirfian te 2 10. Tel hel - Thirfian te 3 11. Chhawhchhi den - Thirfian lian 3 A siamdan: 1. Tumbu kheh no la, alu nen chhum hmin hmasa ang che. 2. Tumbu hminsa chu dengsawm la, alu chan la, thildang zawng chu pawlh la, chawk vak la, limbu tui sawr ang che.

2. Sangha kan dan (Sangha Curry Siam Dan) Mamawhte: 1. Sangha Kg. khat 2. Aieng thirfian khat 3. Chi a al tawk 4. Purun sen pum 3/4 chan sawm tur 5. Purun var mal 10/12 chan sawm tur 6. Sawhthing tlem chan sawm tur 7. Jeera dip thirfiante khat 8. Hmarcha dip thirfiante chanve 9. Tel fry nan pava khat 10. Tomato pum 2/3 11. Dhania hnah tlem

Loisi September 2009

13

A siamdan: 1. Sangha chan sa chu silfai vek hnuah aienga hmeh pawlh hnuah thirbel-ah tel sa taka chhuan a, (fry) kan ro phawt tur a ni. 2. Sangha kanna telah khan purun sen chan dip kha thlak la, chumi hnuah a lo uk deuhah a dang purun var, sawhthing, jeera, dhania leh hmarcha dip te chu a ruala telh nghal tur a ni. 3. Chu mi hnuah Tomato chan sawm chu telh tur, chi leh aieng te telh nghal tur a ni. Chawhpawlh hnuah Tomato leh mosola thlak zawng zawng kha a lo hmin deuh chuan tui leih tur a ni, tui chu a tui duh tam leh tam lohin leih tlem a leih tam theih a ni. 4. A tui chu a so bawrh bawrh hnuah Sangha kan ro sa chu thlak a, a so leh bawrh bawrh hnuah suan theih a ni, suan hma hretin dhania hnah kha chan sawm a, thlaka suan nghal tur a ni. Tichuan, Sangha tui neia kan chu ei theihin peih a lo ni ta.

Beauticare 1. Beans te, peas te, carrot te, parbawr, bekang, nuts leh artui te hi sam tan chaw tha tak a ni. Vitamin B tamna te hian sam tla tur a veng a, sam thang tha turin a pui bawk. 2. I sam a tla thin em? Sa thau leh red meat ei loh a tha. 3. Sam, tin leh ha tan serthlum te, mai leh carrot te hi chaw tha a ni. 4. I perfume (rimtui) rim nam rei tura i duh chuan i banrekah leh i nghawngah phuh (spray) ang che. 5. I sam thang tha tura i duh chuan sahriak (oil) lum thih la, massage (nuai) la, chumi hnuah towel lumin tuam la, i su dawn nia. 6. Lu phut tih rehna awlsam tak pakhat chu chi dip fiante khat lu-ah phul ila, nuai nuai ila, chumi hnuah chuan Shampooa sukfai leh tur a ni.

Loisi September 2009

14

Hriselna Huang:

Menopause (Hmeichhiate thi hul) -Dr. Laldinsangi, Medical Officer TB Control Society Civil Hospital, Lunglei Dan tlangpuiin hmeichhiate hi kum 45-50 inkar vel an nih atang hian thi a hul tan a, kum 47 velah hian a tam zawk chu an thi a hul thin. A then chuan kum 50 thlengte pawhin thi an nei a, hrisel vangte leh ei leh in that vangte pawh a ni thei a. Kum 40 hmate pawha hul an awm ve bawk a ni. Mahse thi neih rei lutuk hi chhan dang vangte pawh a ni thei a, entirnan chhul cancer intan turte pawh a ni thei ve tho bawk. Thi lo huldan tlangpui chu:1) A thenah chuan a hul deuh thut a. 2) A thenah chuan regular taka thi nei tho siin thla tinin a tlem chho tial tial a. (3) A thenah chuan a thla bi kha a lo regular ta lo tial tial a, chuan thla 12 chhung zet thi nei lova a awm chhoh chuan thi hul (menopause) a lo tih theih ta a ni. Thi a lo hula hmeichhia te’n harsatna an tawh tlangpuite chu:1) Sahal (Hot flushes) 2) Thlan tla nasa 3) Zan mut theih loh (insomnia) 4) Rilru lam tih buaina 5) Cancer nih hlauhna 6) Hlim lohna leh nguina (Depression) 7) Thil ngaihtuah that theih lohna. A bik takin sahal leh thlan tla nasa hi chu 85% vel laiin an nei a ni. Heng harsatna ti tlem tur hian Calcium leh Vitamin (a bikin A, C & E) te ei tur a ni. Chu mai bakah taksa insawizawi a tangkai hle bawk. Thla 12 chhung zet thi a hul tawh hnua thi a lo awm leh hian ngaihthah lovin Doctor pan vat tur a ni.

Loisi September 2009

15

Thih Hnu Awmdan Mawi - F.Lalawmpuii Electric Veng, Lunglei. Tunhma deuhva Thangkura Drama Party-te’n Drama an siam pakhatah “Thih hnu awmdan mawi” tih an telh a, kha thil nuihzat thlak deuh khan tun hnuah hian ngaihtuahna tam tak min neihtir thin. A hun lai kha chuan fiamthu a nih angin ka lo nuihpui mai mai thin a. Tun hnua ka’n ngaihtuah chian hian ringtute hian thih hnu awm dan mawi kan hriat loh leh kan zawm peih loh avanga rinna kawnga kan thang thei lo te, kan da leh fo te hi thil pawi tak a niin ka hria. Amah Thangkura tih dan takin mitthi tawh chu a ngawi reng tur a ni a, engmah a sawi ve tawh tur a ni lo. Miin a ruang chungah tapin, “Ka pi, ka nu, ka ni, ka u, lo tho leh rawh,” pawh ti sela, thawh tumin a che tur a ni lo. Miin pangpar mawi tak tak leh puan tha tak takte rawn pe mah sela, “A va mawi em!” pawh a ti tur a ni lo. Miin a kuang chungah thu sawiin a thatna leh fak a hlawhna hrang hrangte sawi mah sela, hre awmin a awm tur a ni lo. Khawimaw laiah thenkhatin an huatna emaw, a that lohna lai leh a thil tihsual te lo sawi ru deuh mah sela, engmah a haw tur a ni lo. A ruang an sawngbawl dan leh a vui programme an hman danah te a duh zawng ni lovin lungawi lohna a nei a nih pawhin engmah a sawi tur a ni lo. Chhungkhat laina leh thian tha te’n thlemin, thil tha tinreng pek tiama tho leh tura an tih lawm lawm pawhin a ngawihsan reng tur a ni. Heng mitthi awm dan tur kan han tarlan hrang hrangte hi thil ni sa; zawm loh pawh tum ila, kan thih tawh miau chuan zawm loh theih loh a ni kan ti ngei ang. kan ringtu nunah heti hian ka ngaihtuah a:Galatia 2:20-ah chuan, “Krista hnenah khenbehin ka awm ta; nimahsela ka nung a ni, keimah erawh chu ka ni tawh lo, Krista chu keimahah a nung zawk a ni,” tih kan hmu a. He Bible changah hian piangthar tawhte chu Krista hnena khenbeh kan nih tawh thu kan hmu a. Keimahni (kan mihring

Loisi September 2009

16

hlui) chu kan thi tawh a, Krista kha keimahniah a nun tawh zawk avangin kan chet chhuah dan te, kan tawng chhuah dan te, kan thil tih engkim kha a nung zawk Krista thu thu a nih a ngai ta a ni. Kan mihring hlui thi tawh khan thih hnu awm dan mawi a hriat lohva a zawm loh thin avangin engemaw hlekah a tho leh ur ur a, Krista hmel a hliah ta thin a. Khawvel thil tam tak, sum leh pai te, damchhung ropui-na lem te, nawmsakna chi hrang hrangte umin mitthi tawh a nih theihnghilh thakin a che fo thin a, mawi leh mawi lo pawh dawn lovin a che leh buan buan thin a ni. Tin, miin kan chanchin tha lo deuhva an sawi te, kan thiamna renga thiam loh min chantir tein ngawih harsa kan ti a, thi tawh kan nihna theihnghilhin thiam thu kan sawi a, kan ang leh bawrh bawrh mai thin a nih hi. Kawng tam takin sawi tur a awm ang. Thinrim chang te, mangan ni a lo thlen tein Krista zawk kha che thei lova siamin kan mihring hlui thi tawh khan thawh leha rorel phet a tum thin a ni. Chuvangin ringtute hian thih hnu awm dan mawi hi kan hriat a, kan zawm pawh a tul tak zet a ni. Tirhkoh Paula chuan, “Nitin ka thi thin” a ti a. Keini pawh hian nitin, darkar tin kan mihring hlui thihtir zelin, keimahnia nung tawh Krista khan thuneihna pumhlum a chan theih nana hmun kan ken zel a pawimawh a ni. Chutiang ni thei tura tan kan lak zel chuan keimahni chakna ni lovin, keimahnia nung Krista chaknain ringtu tha, ringtu hmasawn kan ni ang a, ka da leh, ka tlu leh tih a awm lovang.

Loisi September 2009

17

Missionary Huang:

Thlawhhma Ti Ti Lenglam - Evan. CT Lalruatthanga, Missionary BCM, Home Mission, Parva Area He khawvelah hian hlimna leh lawmna zawngin van ruai mah ila, beidawnna mai lo chu beisei tur zuk awm lova! Mite’n an zawng a, an beidawng a, nunna hial an lo hlauh phah thin reng zu nia! A tawpah chuan engkim mai hi engmah lo a lo chang thin. Kan lo piang a, kan seilian a, kan tar a, a tawpah thihna chu beiseiawm leh beisei chhun tur ni mai awm a ni thin. Kan nung a, kan che a, kan hunte chu buaina hlira hmang khat thiam te’n hma an sawn a, hlawhtlinna tlangah an chuangin thawn-thu ropui leh tha, hriat reng tlak an hnutchhiah thin a ni. Lalpa’n duh tak leh hmangaih taka a siam zingah mihringte hi a thu awih lotuah kan tang a, chhandamna siam sak ngai kan ni. Mi zawng zawngin chu chhandamna chu kan neih theih nan a thlawnin pek kan ni leh nghal. Chuti chung pawhin chu chhandamna chu tam takin kan la hnawl fo hi ‘A MAK’ thlawt a ni. ‘Chhandamna’ mak tak mai avang chuan a hmu leh hre chiang, neitute’n la hre lote hnena hril an chak a; lu chhum ban chhum huamin theihtawp an chhuah thin. Mizoram Baptist Kohhran pawh a hmutu leh hre chianga neitu kan nih vang ni maw ‘Missionary Kohhran’ tih kan ni ve hial hi chapo pui loh paw’n chhuan ngawih ngawih tlak a ni. Chhandamna mak tak mai avang chuan Lalpa’n khawngaih rawngbawl hna beitham tak kan kovah a nghat ve hi ropui ka ti em em a. Chu mai ni lovin, hma-ngaih taka a zawn chhuah ram ngei maia amah la hre lotute hnena min

Loisi September 2009

18

thawhtir hi chhuanawm ka va ti em! Chu chauh pawh a la ni lo, MBKHP te bang lova min tawngtai saktu kan neih avang ringawt pawh hian a thlamuan thlak hliah hliah thin. Lalpa’n hmeithai dar tangka tlemte thlaktu a pawmsak ang khan MBKHP te dilna a ngaithla dawn tih kan hre si a. A ni taka, chhung tinah hotu pakhat an awm, chhung tin rorel vawnga enkawltu chu chhungpuinu; MBKHP te hi BCM chhungpuinu in ni ka’n ti teh ang. Mahni inchhungkhur enkawla vawnfel hna thawk turin mawhphurhna lian tak kan nei tih hre thar leh teh ang. Rampawn, foreign thlengin Lalpa’n kan kovah khaw-ngaih rawngbawl hna a dah hi a van lawmawm em! A hming chu fakin awm mawlh rawh se. Chuti’n kan ngaih-tuahna siam thar leh ila (Isaia 40:31) Lal rawngbawl hna anih chuan ramchhung, ram pawn, foreign pawh nise, thinlung hmun khat, ang khat renga kan vei leh thawh a tul a ni. Mahni hmun theuh zelah Lalpa ropuina tur chauh ni zel se. Kan thawnthute thang leh thar zelte’n an la rawn chhiar ngei ang. Lalpa’n ropuina te, chawimawina te, hmingthan-na te, fakna te chang lova kan chan khalh mai te hlauhawm ka ti ve thin. Pathianin fel taka rorela, Lal Isua Krista avanga chhandama kan awmna- Thihna hneha a thawhlehna te, a thawhlehna avanga kan thih hnuah pawh kaihthawha kan awm leh tur te, a hnena kan han cheng/awm ve mai turte hi a va’n ropui tak em! He khawvel famkim lohna ramah hi chuan ram chhung leh ram pawn, foreign tite’n sawi thin mah ila, nakinah van Jerusalem thar kan thlen hunah chuan Amah, Awma, Lalpa chu bang lovin kan fak tawh ang a, lawmman hlu tak pekin kan awm bawk ang. Lal Isua Krista avanga kan dawn, a thupek ropui leh lawmawm, khawngaih raw-ngbawlna Lalpa’n kan kova a nghah hi hmelma pa Setana tih mualphova a awm a, Lalpa ram zauh zel turin kan puanven sawichhing ila, hmasawn zel

Loisi September 2009

19

turin pheilai i vawr ang u. Tichuan, kan ram ZORAM hi ‘Lalpa Ram’ a lo nih theih nan theih tawp chhuahin kan Pathian au ila, kan tawngtaina-te Lalpa’n a chhang dawn si a. “Hun lawmawmah ka ngaithla che a, Chhandamna niah ka tanpui che” a ti si a.

Chhawmdawlna In Report Tlangpui (February - June 2009) 1. Enkawl lai neih dan: Jan-June 2009 chhung hian mi 39 (M-29, F-10) admit thar an ni a. Kum hmasa lama awm sa te nen, mi 56 (M-42, F-14) enkawl an ni. Tin, course zo tawh awm chhunzawm mi 12 (M-10, F-2) an awm bawk a, an vaiin mi 68 (M-52, F-16) an awm a. Awm rei peih lova chhuak ta (drop-out) mi 22 (M-21, F-1) an awm a. Thla 6 course zo mi 52 (M-19, F-6) awmin, heng zinga 17 (M-14, F3) te release an ni a, mi 8 (M-5, F-3) an la awm zui bawk. Tin, mi 21 (M-12, F-9) te chuan enkawl chhunzawm mek an ni. Report siam lai (22nd July, ‘09) dinhmun: Mipa-21, Hmeichhia-15 + Naupang-1, Total=37. 2. Thawktu lam: Tv David, Farm veng, Lunglei chu Cook thar atan Pathianin min pe a, kan lawm hle. Cook hna hi a hahthlak hle a, mi 40-50 vel ei tur siam a, khaw lum hnuaia mei sa tawng reng leh inthlahdah theih miah loh a ni a. An hriselna pawhin a tuar duh hle a. Tv Lalnunmawia (Mamawitea), Lunglei Chanmari, kum 3 zet he lai hmuna lo awm tawh chu Helper atan lak a ni a. Carpentry Workshop lam enkawlpui turin ruat a ni. An pahnih tan bik pawh tawngtaipuina kan ngen sak a ni. Tunah hian thawktu awmchilh- 12, lang-5, part time-1, Total=18 kan awm mek. Tin, kan thawhpui Tv Lalrindika Sailo chu ‘International

Loisi September 2009

20

Day against Drug Abuse & Allicit trafficking Day’, 26th June 2009-a Saikuti Hall-a hmannaah ‘Ngawlvei dam leh entawntlak’ Chawimawina a dawng ve a, kan lawmpui hle. 3. Insak thar mamawhna: Tuna Office/Medical room/Detox. Room atana kan hman mek In te hi a chhe tawh hle a. Tin, Detox. Room kan tih, patient-te admit an nih hlim, an suffer (withdrawal period) hun laia kan dahna hmun hi a hrehawmin duhthu a sam lo hle a. He mi hmunah hian building thar (office/medical room/detox/hall) te khung leng thei tur sak nise tiin Board Committee chuan a rel a. Hei hi ruahman anga kan sak theih chuan Detox room tha tak, Medical room nena inkalpawh nghal thei leh Detox.-a awmte pawh thawktu te’n an riahpui theih turin ruahman a ni a. Tin, mipa leh hmeichhe tan Detox. room hran ruahman a ni bawk ang. Tin, Detox. room hi a tul chuan Sick Room-ah pawh hman nghal theih turin ruahman tum a ni. Tin, Meeting hall ang deuh hi kan mamawh hle a, kan Biak In hi Fellowship/Zaikhawm etc. atan kan ring nghal vek thin a. He in sak thar turah hian Hall kan mamawh tawk lek pawh tel thei turin ruahman a ni. Tin, Office, Counselors room & Admit turte check-na room turte a huam tel dawn a ni. Hetianga in sak han tum ve tak ringawtah chuan BKHP leh Kohhran member zawng zawngte kan tan tlan a ngai hle dawn a, kan han inngen lawk a ni. 4. PHE (Sewerage & Sanitation Circle) atangin ‘Community Sanitary Complex’ sakna tur min pe a, Biak In bulah hian Zunin/Ekin tha tak sak mek a ni. 5. Sangha Dil-te kan neih thin pawh mipa hovin nisa hnuaia silpaulin zarin an laih belh a. Cement lungbang tha taka siamin sangha dil tha tak 30ft x 15ft a zau kan nei ta. 6. Tun kum chhung hian hnatlang rawn nei leh min tlawhtu engemaw zat kan nei a, Zohnuai Unit, Bethel Unit Haulawng, Lawngtlai ‘E’ Bial, Tawipui Bial, Hnahthial ‘N’ Bial,

Loisi September 2009

21

Khawhri Unit, HATIM leh mimal tam tak min rawn tlawhtu, hnatlang rawn thawk leh thilpek min petute chungah lawmthu kan sawi a ni. 7. Kumin chhunga thilpek kan dawnte: 1) Theiriat Bial BKHP: Rs. 5000/- (hmeichhe Volleyball court laihna). 2) Bethel Unit, Haulawng: Buhfai, Hmunphiah leh Thlai. 3) Lawngtlai ‘E’ Bial: Dekchi 2. 4) Tawipui Bial BKHP: Bangla Blanket-6. 5) Hnahthial ‘N’ Bial: Rs. 4,090/-, Dekchi, Buhfai, etc. 6) Hnahthial Electric Unit: Filter 7) Khawhri Unit BKHP: Buhfai, Thing, Hmarcha. 8) HATIM, Lunglei: Rs. 500/-. 9) Upa C.Sangliana, Chanmari: Rs. 2,000/- (Sangha dil siamna). 10) Upa C.Rotluanga, Buarpui: Rs. 500/-. 11) Laltanpuii, Sethlun: Rs. 500/-. 12) Pu T.Sainghinglova te nupa, Theiriat: Ar-3 (Good Friday sa). 13) Deputy Commissioner, Lunglei: Rs. 1,000/- (Republic Day lawmna). 14) Darzo Unit BKHP: Rs. 500/-. 15) Vairengte Town Church BKHP: Rs. 200/-. 16) Thorang Bial BKHP: Rs. 300/-, (Mai, Maipawl, Hmarcha). 17) Zawlnuam Vengpui Unit: Rs. 200/18) Lalnunsiami, N.Khawlek: Rs. 200/19) Romawii, Kawlchaw ‘W’: Rs. 100/20) Kawlchaw ‘W’ Unit BKHP: Rs. 500/21) Haulawng Lalveng Unit: Rs. 1,000/- (Buhfai, Thlai). 22) Lianchhawni, Ramthar veng: Chini 4kgs. 23) Lalmalsawmi, Lawngtlai: Rs. 200/-.

Loisi September 2009

22

Report:

1. Bungtlang North Bial BKHP Leadership Training Report - C.Lalmawii, Secretary, Bungtlang ‘N’ Pastor Bial BKHP Bungtlang ‘N’ Pastor Bial hi Pangzawl Pastor Bial atangin kan in dang a, Dt. 5.4.2009 Pathianni khan Rev. C.Ngurhnema, Co-ordinator-in a hawng a, Bungtlang ‘N’ Pastor Bial-ah hian BKHP Unit pali (4) kan awm a, member 288 vel kan ni. MBKHP Target kan Bial-in kan chan hi Rs. 6,380/- a ni. Dt. 24.May.2009 Pathianni hmangin (lang-in) Bial BKHP Programme siam a ni a, BCM Keitum-ah nghah a ni a, member-te kan innel a, kan inhmelhriat nana buatsaih a ni a, Member 108 kan kal a, Bial TKP OB te leh Kohhran Bial hruaitute’n min hmanpui a, Bial kan inpumkhatin kan intawiawm tha hle a, kan lawmin kan hlim tlang hle a ni. BKHP Zaipawl leh Group Zai ngaihnawm takte kan ngaithla a, Speaker atan Bialtu Pastor Rev. K.Lalzarliana hman a ni a, Thupui atan ‘Pathian ram’ (Matthaia 6:10) hman a ni a, Bialtu Pastor hian thahnem a ngaiin Bial tan theihtawp a chhuah a, a chungah kan lawm hle a ni. A dawngtu BCM Keitum hi an inpekna a thukin an phur hle a, member 34 vel an ni a, BKHP member chu 8 an ni a, tlai lamah chawhlui min buatsaih a, kan lawmin kan hlim tlang hle a ni. Hemi ni hian member lawmluh Pastor-in a nei a, tunah chuan BCM Keitum hi Member 50 vel an ni tawh a ni. BCM Keitum chungah pawh Bial BKHP-te kan lawm hle a ni. Bungtlang ‘N’ Pastor Bial BKHP hruaitute hi Adhoc-a ruat a ni a, chung Bial BKHP hruaitute chu hengte hi an ni:President : Pi F.Zathiangi

Loisi September 2009

Vice President Secrtary Asst. Secretary Treasurer Fin. Secretary Senior Adviser

: : : : : :

23

Pi Lungmuani Pi C.Lalmawii Pi Zonunsangi Pi K.Lalduhawmi Pi Malsawmi Upa H.Lawmzuala Upa K.Laltawka

Report:

2. Bial Pawn Fehchhuah Report Tlangpui - Suiteii, Secretary, BKHP BCM Kikawn, Bazarveng, Lunglei. Rawngbawlpui duhtak te, Tho leh Lal Isua Krista hmingin MBKHP member zawng zawngte chibai ka buk a che u. Awle, BCM Kikawn Unit BKHP-te chuan ‘Kumin 2009 hian Bial pawn fehchhuah neih nise’ tiin Project-ah dah a ni a. Pathian hruainain kan tihhlawhtlin dante Loisi chanchinbu-ah tarlan ve thain kan hria a, kan han tarlang ve a, ngun taka min lo chhiar sak turin ka ngen che u a ni. Programme hetiang hi a ni: A hun : Dt. 20-22 June, 2009 A hmun : BCM Bethlehem, Thenzawl Thupui : ‘Lalpa hmantlak’ II Timothea 2:21 BCM Bus hire-in Dt. 20/6/09 (Inrinni) Dar 10:30am-ah kal chhuakin member 36 kan ni a, Kohhran hruaitute’n tawngtainain min thlah a. Lamthuamthum, Haulawng Upa C.Lalkhawchhana inah thingpui in-in kan chawl a, Pi Zonunmawii te’n thingpui min buatsaih sak a, kan hlawm hle a, ruahte a sur a, boruak a nuam hle a, tlai dar 4:00pm-ah BCM Bethlehem Thenzawl kan thleng a, BKHP te’n thingpui nen min lo hmuak a kan lawm em em a, thlenna tur min ruatsakah kan kal sang sang a, a hlimawm hle a ni. Zan Dar 7:00pm-ah vantlang inkhawm neih a ni.

Loisi September 2009

24

Chairman : Pi F.Chalmawii Thuchah sawitu : Pi C.Thangkimi Thupui : Lalpa hmantlak inpeknaah Zaipawl : BCM Kikawn BKHP Pathianni vantlang inkhawm Dt. 21/6/09 dar 10:00am Chairman : Pi Lalchhuanawmi Sailo Bethlehem, Thenzawl Thuchah sawitu : Upa C.Lalmuankima Sr. Adv. BCM Kikawn Thupui : Lalpa hman tlak rinawmnaah Zaipawl : BCM, Kikawn Unit BKHP Short Skit : Buhfaitham rawngbawlna Group zai : BCM, Kikawn BKHP Chawhnu Dar 1:00pm-ah inpawlhona neih a ni a, hetah hian Unit report pek a ni a, heng bakah hian thu leh hla-a inpawlhona a ni a, kan kal thain kan hlim tlang hle a, banah Samari House-ah Bethel Programme hmangin kan kal ta a ni. Zan Dar 7:00pm : Vantlang Inkhawm Chairman : Pi V.Biaklawmi Thuchah sawitu : Pi Suiteii Thupui : Hmantlakte lawmman Zaipawl : Kikawn BKHP Recitation : Pi F.Lalmuanveli Thlen zan inkhawm ban te, Pathianni zan inkhawm banah te inpawlhona thu leh hlain kan nei thei zel a, kan programme hrang hrangah hian Kohhran hruaitu leh thalai lam te’n min tawiawm tha a, boruak nung tha tak leh hlimawm tak tak kan nei thei zel a, vannei kan intiin kan lawm em em a ni. Tichuan, Dt. 22/6/09 (Thawhtan) zing dar 6:51am-ah Bialtu Pastor Lianruaia’n tawngtaina min neihsak hnuin Lunglei panin kan lo hawng a, Pathian fakna hla sa chungin Dar 12:00Noon-ah BCM Kikawn Biak In-ah Kohhrante’n min lo hmuahna kan thleng a. Lawmthu sawi tawngtai Upa-in min neihsak a, hlim takin thingpuite kan in hnuah mahni inah kan haw darh ta a ni. Lalpa chu fakin awm rawh se.

Loisi September 2009

25

Report:

3. MBKHP Hruaitu Tlawh Report - K.Lalsawmliani, Secy. BKHP Zemabawk Pastor Bial Bial hming : Zemabawk Pastor Bial Din kum : March 2008 Member awm zat : Din kumah-250, kum 2009-255 Bialtu Pastor : Pastor C.Zatawna A hun : 23rd-24th May, 2009 Kum 2009-2010 Zemabawk Pastor Bial BKHP OB: President : Pi Lawmzuali, BCM Zemabawk Vice President : Pi J.Lalrimawii, BCM Thuampui Secretary : Pi K.Lalsawmliani, BCM Zemabawk Asst. Secretary : Pi PC Lalchhanliani, BCM Thuampui Treasurer : Pi H.Lalengzami, BCM Zemabawk Fin. Secretary : Pi F.Sanghnuni, BCM Zuangtui Sr. Adviser : Upa H.Sangawia, BCM Zemabawk Upa VL Peka, BCM Zuangtui A hmasain Mizoram-a BKHP member zawng zawngte chibai ka buk a che u. Pathian hruaina a zarah Zemabawk Bial BKHP-te chu tluang takin kan kal ve zel a, Zemabawk Bial hi kum 2008 March thla tawp lam khan a lo piang a, a hma chuan Aizawl North Bial niin, mahse heta tang hian Bial hnih a lo piang a, Zemabawk leh Bawngkawn Bial te. Kan Bial chhungah hian Unit panga kan awm a, chungte chu- Zemabawk Unit, Thuampui Unit, Zuangtui Unit, Muanna Unit leh Zemabawk South te an ni. MBKHP hruaitute min rawn tlawh dawn tih kan hriatin kan lawm hle a, amaherawhchu kan huphurh hle bawk a, veng kar inhlat tak takte kan nih avangin BCM Zemabawkah thlen nise kan ti a kan ngen angin BCM Zemabawk Kohhran-in hneh takin min dawl a, Kohhran member tinte

Loisi September 2009

26

leh Bial Zaipawl leh KNP, BMP te chungah kan lawm em em a ni. Headquarter atangin mi pali- Pi F.Zanguri, Vice President MBKHP, Lunglei, Pi LH Sangziki, Treasurer MBKHP, Lunglei, Pi Lianhmingthangi, Exe. Committee Member, MBKHP, Aizawl leh Pi S.Lalthanpari, Exe. Committee Member MBKHP, Aizawl-te lo kalin, hun min rawn hmanpui a. Sermon vawi thum ngaihthlak a ni a, Pathianni chawhnuah inpawlhona neih a ni a, khua a that loh avang leh veng kar a inhlat deuh avangin duh angin inkhawm kan tam thei lova, pawi kan ti hle a ni. Bial thar, naupang tak kan nih avangin kan hruaitute’n min hrethiam em em a, hmasawnna tur kan neih tam takte min hrilh a. A bikin, Loisi chanchinbu chungchangah phei chuan member tam takin lak thar an tum nghal a, tun aia copy tam lak ngei kan tum a ni. Sermon thupui ‘A chhe lai siamthatu’ tih chu then hrana sawi a ni a, kan hlawk hle a ni. Pathianni chawhnu fellowship-ah Chhawmdawlna In report te, Loisi chanchinbu chungchangte leh Paper Present ‘Kristian Chhungkua-a Nu mawhphurhna’ tih ngaihthlaka sawi zau a ni bawk a, kan hlawkpui hle a ni. BKHP-te hi khawtlang leh Kohhran, chhungkua leh mimalah te a chhe lai siamthatu kan nih theih dan min hrilhte hi a taka hman nghal kan tum a ni. Pathianni zanah kham lo leh ui takin kan inthlah a ni. An hun hlu tak senga mahni chhungkua leh hna tul kalsana min rawn tlawhtute chungah kan lawm tak meuh meuh a ni. BKHP Member zawng zawngte a chhe lai siamthatu ni a, midangte tana malsawmna nih theuh i tum ang u. A chhiatu zawng zawngte Pathianin awmpuiin veng zel che u rawh se.

Loisi September 2009

27

Ringtute Inbihchianna Tur - Lalhmangaihzuala Renthlei BCM Rotlang ‘E’

“Engpawh ni sela, in awmdan chu Krista chanchin tha nen inmawi zel phawt rawh se” (Phil. 1:27). Heng sava chi thum- Mu, Arawn leh Choak atangte hian kan ringtu nun i han bih chiang ve teh ang hmiang. Lei tha hmuna tlate pawh a awm mial mahna le. 1. Mu (Eagle): A hmasa berin, Mu atang hian enge zir tur kan neih i han zir ho phawt teh ang u. A pianhmang leh a mizia chuMu chu thla neia thlawk kual thin a nih kan hria a, mit tha tak leh fiah tak mai a nei a, van sang taka a thlawh kual vel laite pawhin lei lama a ei theih tur chi, a chaw duh zawng chu chiang takin a hmu thei a. Tin, rilru huaisen tak nei a ni bawk. Amah chauhvin van sangah a thlawk kual thin a, rannung tenawm tak leh hlauhawm tak Rul te hi a chaw atana a man duh zawng a ni tlat! Tin, thlipui tleh hi a hlau ve ngai lova, chu thlipui tleh laite chuan chung lamah invawrh chhoin, nuam tiawm zawk hmel puin a kang vel thin a. A lo upat a, a lo tar deuh hnu chuan a fukna ngaiah fu rengin a hmul zawng zawng a pet thla vek thin a, (a hmul pakhat pawh thlak pawh na an ti) tichuan ni 40 chhung thlipui leh ruahpui a tawrh hnu chuan a hmulte chu a lo chawr lehin a vanglai hun chu a lo intan tha leh thin a ni. “Lalpa nghaktute erawh chuan an chakna chu an siamtha leh ang a, Mupuite angin thlain an thlawk chho vang a, hah lovin an tlan ang a, chau lovin kein an kal ang” (Isaia 40:31). Ringtute hian Mu chanchin atang hian zir tur kan va ngah awm em. He khawvelah hian rinnain kan thlawk kual

Loisi September 2009

28

reng a, hetia khawvela kan thlawh kual reng laite hian Mu anga mit fiah tha tak kan neih a pawimawh a ni. Kan hma lama thil lo thleng turte hi rinna mita fiah taka kan thlir thiam a ngai a. Mu chuan a chaw duh zawng chu rannung hlauhawm leh tenawm tak Rulte a man thin ang hian ringtute pawhin Lalpa tana kan mi man duh zawngte chu misual ngawih ngawih nia kan hria, ruk hmang leh ruih chingte, tualthah hmang leh nawh-chizuar tenawm tak takte leh hlauhawm pui puite hi an ni ve em le? Thlarau bo (mihring) man tura kohte kan ni a, a man nuam nuam chauh man kan tum reng ringawt chuan man tur kan hmu lo thuai ang a, hmun hrehawm leh pilril zawkah man tura kan thawhchhuah a tul ta, rinna kawngah leh thlarau lam nunah pawh kan thanlen a, hma kan sawn zel theihna turin. Tin, thlemna thlipui lo thleng apiang, in hneh tir zel em ni kan tum? Mupui ang hian kan hnuaichhiah ngam zawk dawn lawm ni? He thlemna thlipui kan tawn tur lo thleng thinte hi fiaha kan awm zelna a ni tih i hre reng thin ang u. “Thlemna tuar hram hramtute chu an eng a thawl e, fiaha an awm hnuin nunna Lal lukhum, Lalpa’n amah hmangaihtute hnena a tiam chu a hmu dawn si a” (Jakoba 1:12). Kan do zawh loh Lalpa’n thlemna kan tuar a phal lo (IKor 10:13). Chutih a hnekin a tlan chhuah lehna kawng min kawhhmuh leh zawk thin a ni. Mu chuan a thla/hmul pakhat pawh thlak pawh na a tih laiin, siamthara a awm leh theih nan a tuar a, a hmul zawng zawng a pawt thla/phawi vek ngam a sin! Mahni chauhva thlemna thlipui leh lungngaihna tuifawn karahte pawh din ngam zel hi ringtute tan kan zir tur a ni. Mupuiin thlipui a lo thlen dawnin, “Hawh u, i tuar tlang teh ang u,” tiin a thiante a sawm khawm ngai lo. Mahni chauh pawhin, hlau miah lovin a tuar a, hnehtu a ni nge nge thin. Ringtu dawizep leh

Loisi September 2009

29

thatchhia, hrehawm pawh tuar ngam lo chu siam tharin a awm ngai lovang. “Lalpa beisei zawng zawngte u, chak takin awm ula, in thinlung chu inti huai rawh se” (Sam 31:24). 2. Arawn (Peacock): Arawn atang pawh hian inenfiahna tur chu kan hmuin ka ring a. Arawn chu sava mawi tak leh sava inchhuang thei tak, fuih-pawrh nuam zet mai a ni. Fak a lawm em em a, mite tana ennawm ni tura a chang/thla tih parh hawrh hawrh bak enge thiam dang a neih le? A mawina leh a lam thiamnate avanga miin an fak thinna te hi a induh phahin, a inchhuang em em thin a ni. Chang parh harh harha han lam ha ha mai chu a chaw tui ber a ni thin. Tichuan, Arawn hian kan tunlai ringtu nun hi a entir viau ta ve ang. Pathian aia incheina chhuang zawk, hmel thatna leh pian mawina te, lam thiamna te pawh chhuanga chapo pui tlat ringtu, Pathian biak ina pawnlang zeta kal peih ve em em si thinte ringtu nun chu a entir a. Lam rawng-bawl bak chu eng dang mah tih tum si lo, zaikhawmna huangah chauh ringtu tha anga awm leh mai thin; Arawn a chang ti parh harh harha a lam reng laia a hnung lam pang atanga thlir chuan a tai/mawng a langsar hle a ni tih inngaihtuahna chang hre miah lo khawpa lam nuamti ang mai hian ringtu tha ber ang zia zanga inchei peih hawrh, lam parh haw haw thin, hnung lam atanga thlir chuan (chhung-ril lamah) hmuh tlak leh mang si loh ringtute hian Zoram khawvel hi kan luah khat tawh a ni deuh ber mai awm e. “Incheinate chu pawn lam incheina, samphiar te, rangkachak thi awrh te, silhfena inthuamte chu ni lovin, thinlunga mihring thuruk chu, rilru thuhnuai-rawlh leh nunnem, silhfen chhe thei lova inthuam ni zawk rawh se,

Loisi September 2009

30

chu chu Pathian mit hmuhin a hlu em em a ni” (I Petera 3:3&4). “Hmeichhiain mipa thawmhnaw an inbel tur a ni lova, Mipain hmeichhe silhfen an inbel tur a ni hek lo. Chutiang ti apiang chu Lalpa in Pathian ngaihin mi tenawm an ni” (Deut. 22:5). “Pathian chu Thlarau a ni a, a chibai buktu ten thlarau leh tih tak zetin chibai an buk tur a ni.” (John 4:24). “Ngai teh, chhungril lamahte hian takna i duh thin a” (Sam 51:6) 3. Choak (Craw): Choak leh kan tunlai ringtu nun dan hi i han bih chiang leh teh ang. Choak chu sava dum, sava nunrawng leh ei tur/chaw pawh duh tui lo zet mai a ni ve a. Mahni fate (a note) hial pawh ei duh khawpa sava tenawm a ni. Sa ruang awmna hmunah te hian hmuh tur an awm zel thin. Choak ang maia ringtu tenawm leh nunrawng, Thlarau Thianghlim hriak thih loh leh pawmpui loha rawngbawl, Kristian kan ramah hian eng zat tak awm ang i maw! Ak... Ak.... ti duar duar a, Pathian thu anga nung duh miah si lo angte pawh. Mahnia thlarau thianghlim hnathawh sawi chhuah tur pawh hre uk si lova, thiante dawn zara a changtupa ang hrima lo inngai ve leh ringawt thin; Phungpuinu-in Tumchhingi thi awrh leh a ngun bun chhing chhengte chu ama inbel emaw a ti a, phur takin a lampui nghawng nghawng mai a, mahsela, a hnu lawkah a han hriat chhuah leh meuh chuan a thinrim ta a, a insawh tau chiam a, a tum bur reng leh si angte hi kan tam viau ta ve ang. Mahni fate ngei ngei pawh kawng dik kawh hmuha zirtirna chang hre lo leh enkawla, kaihruai tha peih lo ringtu nu leh pa pawh kan tam ta fu awm e. Choak chuan a

Loisi September 2009

31

note pawh a ei duh zel mai ang hian tunlai nu leh pate pawh hian kan fate chu hremhmun lamah kan tir liam mek zel a ni thei. Kan fate vanram chanchin kan hrilh a, chuta kal ngei tura kan hneh leh si loh chuan Setana leh a tihkohte’n hremhmun chan-chin an zirtir ang a, chuta kal ngei tur chuan an thlemthlu ngei dawn a ni. “Naupang chu a kalna tur awm kawngah chuan zirtir ula, a upat hun pawhin a thlah lovang” tia kan Pathian thuin min lo hrilhte hian nakinah chuan Pa hmaah thiam loh min la chantir ngei ang. “Tin, nangni pate u, infate tithinur suh ula, Lalpa thununnaah leh zilhhauna chuan enkawl zawk rawh u” (Ephesi 6:4). “In fate thahnem ngai takin in zirtir ang a, in ina in thut laite, kawnga in kal laite, in mut laite, in thawh huntein in sawi tur a ni.” (Deut. 6:7). Engkim ti thei kan Pathian themthiam zia leh a hmangaihna inkungkaihna nasat dante pawh hi kan chhut ngun ngai em le? Engmah hi awmze nei lo leh chhan leh vang awm lovin a siam si lova. Ama hnen kan lo hnaih a, amah kan pan a, chakna thar kan lo neih leh theih thinna turin engkim mai hi entir leh zirtir nei vekin a duang fel thlap mai a ni. Sam ziaktu pawhin, “Lalpa rorelnate chu a tak a, a fel vel vek a a ni... (Sam 19:9) a lo ti bawk a. Kristian kal fimkhur rawh.

Loisi September 2009

32

Profile Profile Hmeichhe Theologian Profile : M.Lalthanzuali 1. Hming 2. Pa hming : Lianchia (L) 3. Pasal hming : Lalhuliana Chhangte 4. Pian kum : 31st Oct. 1958 : Lungleng 5. Pianna khua 6. Tuna awmna : Zohnuai 7. Fa neih zat : 2 (Hmeichhia-1, Mipa-1) 8. Kohhran : BCM Zohnuai 9. Bial : Zotlang 10. Zir chhuah : B.Th. (1983), B.D. (1987) 11. Zirna hmun : Eastern Theological College, Jorhat, ATC Aizawl, UTC Bangalore. 12. Edn. Qualification : HSLC : BCM Archivist 13. Hnathawh mek 14. Hnathawh tawh : 1) Asst. Pastor (2) Sunday Sikul Instructress 3) Literature Reader (4) Organiser, MBKHP 15. Kohhrana nihna chelh mek : 1) Rawngbawltu (2) Sunday Sikul Zirtirtu 16. Kohhrana nihna chelh tawhte : 1) Sunday Sikul Senior B Zirtirtu 2) Fin. Secretary, Unit BKHP 17. Hmeichhiate rawngbawlna Pathian thu atanga ka hmuh/thlir dan leh hmasawn zelna tura ka ngaih pawimawhte: Matt. 19:26-ah Pathian nen chuan engkim tih theih a nih thu kan hmuh angin, keini pawh hian mahni in en lova Pathian nena tih theih kan neih hriat reng a tul hle. BKHP thuvawn hi i nunpui ang u, i hmang ang u, kei ve te chu tih bansanin tih tura ruat ang tipuitlingtu nih hi kan nih dan tur a ni. Mahni in ngaih hniam lutukna hian midang tan malsawmna a thlen lo fo. Kan felna, tlinna chu Krista-ah a nih kha, amah nen chuan engkim kan hmachhawn ngam tur a ni. Hmeichhe Rawngbawltu Profile 1. Hming : K.Zapari 2. Pa hming : Zabuka (L)

Loisi September 2009

33

3. 4. 5. 6. 7. 8. 9. 10. 11. 12.

Pian kum : 12th Feb. 1949 Pianna khua : Thingkah Tuna awmna : Lawngtlai Vengpui Kohhran : BCM, Immanuel Bial : Lawngtlai E Rawngbawltu nih kum : 1996 Thlanna hmun : BCM Immanuel Edn. Qualification : Matriculate Hnathawh tawh : Sumdawn Kohhrana nihna chelh mek: 1) Rawngbawltu 2) M&E Vice Chairman, Lawngtlai E Bial 13. Kohhrana nihna chelh tawhte: 1) Lawngtlai Bial BKHP Fin. Secretary 14. Khawtlanga nihna chelh mek: 1) Treasurer, Formal Counsellor Association 15. Khawtlanga nihna chelh tawhte: 1) Secretary MHIP, Sub-Hqrs. Lawngtlai, MDC

Kum 2009-2011 Chhunga MBKHP Hruaitute President Vice President Organiser Asst. Secretary Treasurer Fin. Secretary Senior Adviser

Office Bearers : Upa C.Remmawii, Chanmari : Pi F.Zanguri, Venghlun : Pi B.Singpari, Serkawn : Dr. Chawngthanpari, Serkawn : Pi LH Sangziki, Venglai : Rbt. H.Lianchhungi, Chanmari : Upa Sangthanzuala Ralte, Rahsiveng Upa C.Sangliana, Chanmari

Loisi September 2009

34

EXECUTIVE COMMITTEE MEMBER 1. Pi B.Nongheli 2. Pi R.Lalrotluangi 3. Pi Zosangi 4. Pi H.Lalkimi 5. Pi T.Lalthanveli 6. Pi Saprengpuii 7. Pi Chuaubuangi 8. Pi K.Zopari 9. Pi Lalrochami 10. Pi Lalmalsawmi Sailo 11. Nl J.Lalrimawii 12. Rbt. K.Zapari 13. Pi Darkungi 14. Pi Lianhmingthangi 15. Pi S.Lalthanpari

BKHP Dinchhan: Baptist Kohhran Hmeichhe Pawl dinchhan chu Pathian ram a lo zau zel theihna tura Kohhran, khawtlang leh chhungkuaa Pathian rawngbawl hi a ni.

A thiltum: 1. 2. 3. 4. 5. 6.

Pathian thu hriatna leh rinna kawnga hmasawnna. Kristian chhungkaw din. Pathian thua fate kaihhruai. Chanchin Tha hrilhna kawnga theihtawp chhuah. Assembly-in Buhfai tham hi enkawl tura ruat anga enkawl. A tul ang apianga Kohhran leh khawtlang tana thawh.