Executive Comtt Minute August 2009

BAPTIST CHURCH OF MIZORAM ASSEMBLY EXECUTIVE COMMITTEE MEETING A HUN A HMUN

: AUGUST 26 & 27, 2009 : SAVIDGE & LORRAIN MEMORIAL HALL

A. THILTIH HMASAKTE: 1. DEVOTIONS: Rev.T.C.Laltlawmlova, BCM President-in meeting a kaihruai a. Memberte chibai bukna leh duhsakna a hlan a. Pathian thu, Tirhkohte Thiltih 6:5,8,15 leh 7:54 chhiarin rinna leh Thlarau Thianghlima khat mi kan nih a pawimawh thu a sawi a. Kristian Hla Bu No. 304 -na, “Thlarau Thianghlim Nunna Ber,” tih dingin kan sa a, tawngtai rual neih a ni. 2. MINUTE SECRETARY RUAT: Minute Secretary atan Nomination Committee aiawhin Administrative Working Committee chuan Upa P.C. Rochungnunga leh Pu K.M.S. Dawngliana te a rawt thu General Secretary in a sawi a, member ten pawmpui a ni. 3. PALAI HMING LAMNA: General Secretary-in palaite hming a lam a; member 195-ah 153 kal a ni. (Palai hming list hi a hranin dah a ni) B REPORTS: 1. General Secretary Report: BCM General Secretary, Rev. Dr. K. Thanzauva’n April- July, 2009 chhunga BCM hmalakna peng hrang hrang leh Assembly thurel bawhzui dan ziakin a sem a. A tlangpui thuin a sawifiah a, member ten zawh fiah ngaite zawtin inhrilhfiah a ni 2. AGS i/c Mission & Evangelism Report: Rev.F.Sangvela AGS i/c M&E in Mission lama BCM rawngbawlna report a pe a, ziakin sem a ni bawk. Report atanga zawhnate inhrilhfiah a ni. 3. AGS i/c Service Department Report: Rev.H. Sangchema AGS i/c Service chu a farnu thihna avangin a tel thei lo va, a aiawhin General Secretary in Service Department report a pe a, ziakin sem a ni bawk. Hrilhfiah ngaite inhrilhfiah a ni. 4. Bru Baptist Church Report: Rev. Lalzuitluanga, Executive Secretary, BBC in report a pe a, ziakin sem a ni bawk. A tlangpuiin hetiang a ni. May 20, 2009-ah BBC hawn a ni a. Tunah hian member 12,250 awmin Tualchhung kohhran 75, Pastor Bial 9 leh Area 3-ah then a ni a. Kum 2009-2010 chhunga BBC Target Rs. 2,900,000.00 a ni. C. 1

AGENDA : CENTRAL COMMITTEE THUTE.

1.1 Vathuampui Bial hawn chungchang: Assembly in Bru Baptist Church a lo din tak avangin Assembly chuan Parva Bial leh Nghalimlui Bialte siamrem tha a ti a. Bial siamrem hi Pastoral Committee aiawhin Administrative Working Committee

chu a tul anga hma la turin a ti a. Administrative Working Committee chuan Vathuampui Bial hi June 14, 2009 khan Rev.C. Lalremmawia hovin a hawng ta a. He Bial chhunga Kohhran awmte pawh hetiang a ni tih report kan dawng: Kohhran Member 1. Vathuampui 436 2. Hermon, Vathuampui 169 3. Mautlang 249 4. Chamdur Vengpui 200 5. Chamdur tlang 103 Total: 1157 1.2 BCM Choir Hong Kong-a tirh thu: He thu hi Service Department Committee thu te, 3.2. BCM Zaipawl, Asia Pacific Baptist Youth Conference-a tirh thu nen ngaihtuah kawp a ni. Asia Pacific Baptist Youth Conference, Hong Kong-a kumin December 27-30, 2009 a neih turah BCM Choir tirh nise tih thu Central Committee chuan a rawn thlen a ni. Sawiho a ni a. An rawn thlen ang hian Hong Kong-a Zaipawl intirh remtih a ni a. Assembly sum atangin Rs. 400,000.00 aia tam lo sanctioned ni se, Finance Committee-in lo ngaihtuah rawh se, tih a ni. Zaipawlte hian a tul anga anmahni intuak pawh phalsak an ni bawk. 1.3 Hauruang Bial then chungchang: Pastoral Committee chuan Central Committee kaltlangin Hauruang Pastor Bial then thu a rawn thlen a, hetiangin: Hauruang Bial Vaisam Bial Hauruang - member 288 Vaisam- member 228 Immanuel - member 358 Chithar - member 166 Runtung - member 84 Thangpui - member 44 --------------------------------Thangte (Fellowship) 17 Total : Member 730 ----------------------------------Total : Member 455 Hauruang Bialah Bialtu Pastor Hauruangah a awm ang a, Vaisam Bialah Bialtu Pastor Vaisam-ah a awm ang. Tin, Vaisam Bial hi Lunglei South ABC-ah an awm ang a, Hauruang Bial chu Lunglei North ABC-ah an awm chhunzawm ang. Sawiho a ni a; an rawn thlen ang hian Hauruang Bial atanga Vaisam bial(thar) siam hi remtih a ni. Minute chhiar a ni a, pawm a nih hnuah Upa H. Thangkhuma a tawngtai a, tlai dar 4:15-ah Rorel ni khatna tin a ni.

Rorel ni 2-na (27.8. 2009) Chairman-in Sam No. 33:16-22 a chhiar a, Kristian Hlabu No. 293-na dingin kan sa a, Rev. B. Thangchina a tawngtai. 2 2.1

MISSION & EVANGELISM COMMITTEE THUTE Temporary post 2 hawn dilna: AGS i/c M&E in Agenda a sawifiah a. Putlungasih High School chu Mizoram sawrkarin Adhoc Grant-in-Aide dinhmunah a hlangkai a. Hetianga sawrkar atanga hlawh la tur chuan thawktute hi hmun danga kan lo tih tawh angin Temporary post tala an awm a tul avangin he school-a Contract basis-a thawk mek 2, zirtirtu 1 leh IV Grade 1 te Temporary post-a hlankai ni se tih thu Assembly aiawha AEC in pawmpui turin a rawn thlen a ni. Sawiho a ni a; an rawn thlen ang hian Temporary post 2 hawn hi remtih a ni a. Assembly-ah report nise tih a ni.

3 3.1

SERVICE DEPARTMENT COMMITTEE THUTE Education Director Post hnawhkhah thu: General Secretary-in agenda a sawifiah a. Education Director post hi Constitution-a awm sa, la hnawhkhah loh a ni a. Tunah hian BCM Education Department hi zau zawk leh awmze nei zawka kalpui tum mek a ni a. Hetianga hma kan lak dawn chuan/hian Education Director post hi hnawhkhah nise, tih Education Department Committee rawtna chu Service Department Committee-in a rawn thlen a ni. Sawiho a ni a; an rawn thlen ang hian Education Director post hnawhkhah hi rem tih a ni a; Assembly-ah thlen nise tih a ni.

3.2. Pension-a kal tur (Report): BHSS Principal, Upa Zaithangliana Pachuau chu March 1, 2010-ah pension a hun thu Service Department Committee chuan a rawn report a. Hei hi 2009 Assembly-a report hmaih palh anih avangin AEC-ah an rawn report a ni. Asssembly-ah report tur a ni. 3.3. Pension-a kal tur (Report): Medical & Health Department hnuaia thawk, Pi Rualchhingzuali, Sister chu April 1, 2010-ah pension tur a ni tih Service Department Committee chuan a rawn thlen a; Assembly-ah thlen nise tih a ni. 3.4. Tonic Solfa/Staff Notation Hla bu siam thu: Assembly 2008 in a rel angin Christian Music Committee chuan Staff Notation leh Tonic Solfa awm kawp Hla bu a buatsaih mek thu Communication Director leh General Secretary hnen atangin ngaihthlak a ni a. He Hla Buah hian hla 355 bakah Thu inchhang leh Choruses te telh a nih thu kan ngaithla. 3.5. Constitution chhut leh up-date thu: BCM Constitution leh Rules hman lai hi kum 2002-a chhut a ni a. Tunah hian a copy lei tur a awm tawh lo va, chhut that

dawn chuan Amendment leh Hrilhfiahna eng emaw zat a awm tawh a. Tin, a chhung thu inrem dan pawh en nuam deuh zawka leh Rules hi up-date a chhut that leh nise tih thu Service Department Committee chuan a rawn thlen a ni. Sawiho a ni a; an rawn thlen ang hian Assembly-ah thlen nise tih a ni. 4.

BIAL LEH ABC THUTE:

4.1 BCM Pastor bial hrang hrangte hian Bial inkhawmpui hi a rual tlanga neih dan ngaihtuah nise.(Lungchem Bial): Lungchem Bial atangin an thehluh chhan ngaihthlak a ni a. BCM Pastor Bial hrang hrangte a rual tlanga inkhawmpui neih hi a remchan zawkna tam tak awmin a lang a; a hun atan pawh March thla tawp lam hi ni thei se, tih thu a ni. Pastor Bial Inkhawmpui chungchang hi Constitution leh Rules-ah ziak a ni a; tuna a lo luh dan hi Amendment tur ang anih loh avangin ngaihtuah theih a ni lo. 4.2. Baptist Kohhran mi ni lo, kan Kohhrana lawi vete membership zawhfiahna (Zotlang Pastor Bial): Zotlang Pastor Bial atangin Baptist Kohhran mi ni lo, Kohhran pawl dang mi Baptist Kohhrana lawite membership chungchang engtia dawnsawn tur nge tih thu Hrilhfiah turin AEC-ah an rawn thlen a ni. Sawiho a ni a, Hei hi chu Tualchhung Kohhranin Constitution leh Rules kalh lovin tha an tih angin kalpui mai nise, tih a ni. FINANCE REPORT: General Secretary in kum 2008-2009 chhunga BCM Finance report a pe a. report-ah hian Bial tin Target pek dan, Budgetary Control, Audited Statement (Chartered Accountant) leh Internal Auditors report bakah kum kal mek 2009- 2010 Financial Year-a April- July, 2009 thleng Bial tin target pek tawh zat leh budgetary control pawh pharh a ni a; ziakin sem a ni. Finance report hi ngun taka sawiho a ni a; siamthat ngai leh hrilhfiah ngaite inhrilhfiah a ni a; pawm a ni. Minute chhiar a ni a; kan rel ang a ni tih ban pharin pawm a ni a. Rev. C. Zatawna a tawngtai a; tlai dar 4:00 ah Committee meeting tin a ni.

(REV. T.C. LALTLAWMLOVA) President,

(REV. DR. K. THANZAUVA) General Secretary,

UPA P.C. ROCHUNGNUNGA & K.M.S. DAWNGLIANA Minute Secretaries