Issue: 15th November 2009

BAPTIST TODAY

Estd. 2001

Postal Regd. No. N.E. - 385 (MZ) 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456

V o l u m e I X.

I s s u e N o . 43.

BCM Weekly

News

November 15 - 21, 2009. P h ê k Khatn a

HAN THLIR TEH U, ROMEI ZAM KARAH Kum 2007 April vêl khân Leng khua a\angin Pu V.L. Hmangaiha’n min rawn phone a. “Han thlîr teh u, romei zâm kârah” tih hla phuah dân i ziak chu ka lo chhiar a, i chhui nasa hle tih ka hriatin lâwmawm ka ti hle a, mahse i hre fuh lo deuh a ni. Ka lo zin hunah kan inkâwm ang, a ti a. Kan inah amah ngei lo kalin rei tâwk kan inkâwm ta a. He phla phuah laia a hretu ngei Pi Zasângi thusawi lo ziaktu Pu Kâwlkhûma ziak leh amah Pu V.L. Hmangaiha ziak phêk 4 lai min pe a. Chûng thuziak hrilhfiah pah chuan thu tam tak min hrilh bawk a. Chu lam chu sawi thui lo mai ila – 1. Pu Kâwlkhûma thu ziak. “Han thlîr teh u, romei zâm kârah khian” He hla hi Pu Saihnûna Fânai, Leng khaw lal-in kum 1932 kum tîr lama a phuah a ni a. A thu leh a thlûk hi sak a nuam a, khawhar nu leh pate tân vân lamah rilru a hruaiin khawhar lênpuinaah pawh sak hlawh ber pâwl a ni âwm e. He hla lo pian dân hi sawi dân hrang a tam hle a. A phuah laia sak lâr pui tûra a sâwmte zînga telve Pi Zasângi, (tûna kum 85 mi) in hetiang hian a sawi: “Pu Chhunthanga Khawlhring chuan a nupui Lawngthluaii a sûn a, a tuar thiam lo hle mai a. Zan khat chu a mumangah phûl zau nuam tak maiah a nupui chu mi pariat lai nên, kawrvâr hain an lo kal \hat \hat mai a, ka lo en reng a, ka bul an lo thlen chuan biak ka tum lai takin an hnunglamah an lêt leh ta daih mai a” tiin. Kan lalpa (Saihnûna) chu hla-ah min siamsak teh, a ti a. Liantâwna leh a nupui Chhunkhûmi nên, naupangah chuan kei Zasângi chu a sakpui tûra sâwm kan ni a. Kan lalpa chu chair-ah a \hu a, Liantâwna te nupa leh Chhunthanga leh kei chu chhuatah \hutthleng hniamah kan \hu a; kan lalpa chu a han rûm vang vang \hîn a. Hla a lo chhuak thei vak lo va, Chhunthanga lah chuan “kan lêng dial dial lungrual takin” tih chauh lo chu sawi tûr a hre lo va, a lo \ap leh kawrh kawrh ringawt \hîn si a. Nakinah chuan kan lalpa han rûm vang vang chuan “Lalnunnêma” tiin a han chham chhuak leh ta a. “Kan lêng dial dial tih” an tih kha keini chuan “an lêng dial dial” kan tih hi a rem zâwk a ni, a ti a. Hei chu a bul a ni lo, a thunawnah i hmang zâwk ang u, a ti ta a. A bul tûr chu a han zawng leh a, a han rûm leh vang vang \hîn a, rei fe hnuah chuan “Min ngai lovin an lêng ram thianghlimah, kîr an rêl lo an kal zêl e. Lei hi hnuchhawn ram a lo ni, Pâr lai tlaini an liam lung a lêng e” tih chu a han chham chhuak leh ta a. E, hei pawh hi a bul a la ni lo, a châng hnihna tûr a ni e, a ti leh ta a. A bul tûr zawng chuan a han rûm leh vang vang a. “Han thlîr teh u, romei zâm kârah khian, An lênna Zion tlângah chuan, Tual an lêng e, lungrual takin. An ngai lo ve, chûl hnu he lei ram hi” an han ti leh ta a. E,

hei chu a bulah a remchâng ta e, a ti a. Hla hi châng hnih mai chu hla a tling lo ve, châng thumna i zawng leh ang, a ti leh a. A han rûm leh vang vang a “A hun lo thleng tûr chu ka nghâkhlel e; Lâwmna pialrâl min hruai kai ang, Aw, \hen lovin lungduhte nên Chatuan pâr tlanin Lalber kan awi ang” a han ti leh ta a, a \ha kan ti a, kan hlim hle mai a. A thlûk a zo va, kan panga chuan kan han sa dal dal mai a, kan sa lâr ta nghâl a ni, Pi Zosângi chuan a ti. [Tûnah (31.7.1998) hian Pi Zasângi chu a la dam a, han sawi vêl pawh nuam a ti hle a ni.] He hla hi a phuahtu thuah sawi dân hrang hrang a awm nual a, “Liantâwna phuah a ni tih te, Chhunthanga phuah a ni e, tih te a awm a. Liantâwna hi chu hla phuah mi a ni lo va, zaithiam aw vung tak nei a ni. Pu Saihnûna hian a hla phuah thar sa lârtu atân a nupui Chhunkhûmi nên a sâwm \hîn an ni e. Chhunthanga mumang neitu hi a phuahtu nia an sawi ve avângin 1973 lai vêl khân East Lungdar High School zirtîrtu Pu Liantluanga chuan “He hla hi i phuah a ni em?” tiin Tahan (Burma) a awm chu a han zâwt a. Chuta Pu Chhunthanga chhânnaah chuan “He hla hi ka phuah a ni lo va, mahse he hla hi ka hla a ni e” tiin a rawn chhâng a. He lehkha thawn Pu Chhunthanga kut ziak ngei hi Pu Saihnûna tupa, tûna Republic Vênga chêng Pu F. Ronguauva chuan a la kawl \ha reng a ni. He hla phuah laia awm ve ngei Pi Zasângi sawi dân hi Leng khuaa nu leh pate hriat dân tlângpui pawh a ni. Pu Saihnûna phuah ngei a ni. [Pu Kawlkhûma hi Primary zirtîrtu, Leng khuaa kum tam tak awm, pension hnua E. Lungdâr-a awm ta a ni]. 2. Pu V.L. Hmangaiha ziak. Pu Chhunthanga nupui Pi Lawngthluaii hi ni 4.10.1931 ah a thi a, a tuar thiam lo hle a. A \hian bîkte chu Pu Liantâwna leh Pu Thangnunnêma te an ni a (hei hi vântlâng hriat dân pawh a ni). Pu Chhunthanga in riak tlangvâlte pawh an \în zo tawh a, a \hianpa bîk Thangnunnêma chauh hi a riak tawh a. Chumi hun lai chuan Chhunthanga hian mang a nei ta a, a \ap a \ap a, zîngah Thangnunnêma chuan “Engati nge nizân khân i \ah i \ah mai?” a ti a. Chhunthanga chuan an nu leh mi pariat kawrvâr ha a hmuh vânga lunglênga \ap a nih thu a sawi a. (Phuah a nih dân chu a chunga ziak nên a inang). He hla châng hnihna “Pâr lai tlai ni an liam” tih hi “a liam” tia sa an awm \hîn a. Hei hi an \henrual liam zêlte sawina a ni a. “an liam” tih hi sak dân tûr dik tak a ni. Liantâwna phuah a ni, tih te hi a dik thei lo. Liantâwna chu a \hianpa Thangnunnêma te nên zu leh sa chêna tâl mai mai an ni, tih hi Leng mipuite hriat dân a ni e. Upa Ch. Siamhrânga

1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456

V o l u m e I X.

I s s u e N o . 43.

BCM Weekly News

November 15 - 21, 2009.

CHHUNGKAW THU HLA Website www.mizobaptist.org Telephone 0372-2342678 0372-2342161 0372-2342157

Email: [email protected] [email protected]

Circulation Manager: H. Lianchhûngi 2322297 (R)

Address: Baptist Today Sêrkâwn, Lunglei P.O.Zotlâng- 796691, Mizoram

A man Thla khatah Rs. 5/Kum khatah Rs.60/-

Thusawi Ropuite Ropuina hi chaknaah a innghat lo va, chakna hman dânah a innghat zâwk. Henry Ward Beecher Inhnialnaa chak \hînte hian \hian an nei tlêm duh hle. Anon Mihring rilru hi TV ang a ni; engmah a lan loh chuan a ri tizawi rawh. Anthony Robbins Pathianin kan tuar nasatzia angin min rêlsak lo, kan hmangaihna lantîr ang zêlin min rêlsak zâwk ang. Ringtu an rinna avânga tân ina tuarte hian hmangaihna an tilang thei. Pathian an hmangaih tlat theih bâkah an mihringpuite an la hmangaih reng thei a ni. Russia ringtu Edited by Rev. B. Lalramhluna and Published by Communications Department, BCM; Printed at BPP, Sêrkâwn,Lunglei. 8050/c

BCM Sum Dinhmun April – October 2009 chhûnga Headquarters-a pawisa luh dân – Target Lunglei: target 74,093,450.00, pek 49,191,408.00, 66.39% Aizawl: target 24,292,540.00, pek 18,522,129.00, 76.25% Lawngtlai: target 13,759,700.00, pek 9,074,940.00, 65.95% Total: target 112,145,690.00, pek 76,788,477.00, 68.47% Missionary Supporter Lli, Az, Lti: target 5,400,000.00, pek 5,030,584.00, 93.16% MBKHP: target 120,000.00 MTKP: target 120,000.00 Mis total: target 5,640,000.00, pek 5,030,584.00, 89.19% Special Appeal Lunglei: target 2,624,000.00, pek 1,851,257.00, 70.55% Aizawl: target 1,397,000.00, pek 656,004.00, 46.96% Lawngtlai: target 779,000.00, pek 446,724.00, 57.35% MBKHP: target 100,000.00 MTKP: target 100,000.00 Appeal total: target 5,000,000.00, pek 2,953,985.00, 59.03% Grand Total: target 122,785,690.00, pek 84,773,046.00, 69.04% [Kum chanve sum dinhmun târlannaah khân tihsual palh a awm a, hetiang tûr zâwk hi a ni – 1. Pangzawl Bial: target 1,402,000.00, pek 854,893.00, 60.98% 2. Chawngte Circle: target 345,100.00, pek 129,242.00, 37.45% 3. Tuichawng Circle: target 314,700.00, pek 152,824.00, 48.56%]

Australia-ah Rawngbâwlna AGS i/c Mission & Evangelism, Rev. F. Sângvêla chu Singapore-ah Asia Pacific Baptist Federation buatsaih “The Living Water Conference”-a a tel hnuah Australia-ah Kohhran tlawhin leh rawngbâwlna neiin hun a hmang a. Melbourne leh Adelaide ah te ni engemaw zât rawngbâwlna a neih hnuin November 11 – 15 chhûng hian Brisbane-ah rawngbâwlna a nei leh mêk bawk.

Lay Leadership November 5 – 8 hmang hian Chawngte leh a chhehvêl Kohhrante pualin Lay Leadership Training Chawngte-ah buatsaih a ni a. Rev. C. Lalbiaksânga leh Rev. R. Zolâwma leh Rev. R. Lalnunzira leh Rev. Rodinmawia Ralte ten zirtîrna hun an hmang.

Field-ah Biak In Hawng

Phêk Hnihna

CALENDAR I \awng\ai ang u

RCM Committee November 20

RPM Committee November 21

Service Dept Committee November 25 - 26

Pastoral Committee November 27

Rualbanlo Te Nî November 29

M&E Committee December 2 - 3

Bible Sunday December 6

Sunday School Exam Ni December 6

November 21, Inrinni hian Arunachal East Field, Basar Biak In chu hawn a ni dâwn a. Field Director Rev. R. Lalthangliana’n a hawng ang a, tin, BCM Kanaan (Aizâwl) Zaipâwl ten hun an hmanpui ang. Biak in \ha tak an neih theih avânga Pathian hnêna lâwmthu sawi tûrin leh programme tluang taka hman a nih theih nâna Pathian hnêna dîl tûrin Central Committee December 9 - 10 Field Director-in Kohhranhote min sâwm a ni.

Zonunmawi Beihpui M|KP hmalâknain Zonunmawi beihpui chu programme tluang takin a kal zêl a. November 12, Ningani khân Bûngtlâng South Pastor Bial Mission Buh Thar Hlan Nî buatsahin Bûngtlâng South-ah Zonunmawi beihpui hun hman a ni leh December 20 a. M|KP hruaitute engemaw zâtin hun an hmanpui.

M|KP 2010 M|KP Inkhâwmpui 2010 chu Joint YMA Vaivakâwn Field, Aizâwlah neih a ni dâwn a, a hun chu March 18 – 21, 2010 tûr a ni. Speaker chu Rev. Dr. K. Thanzauva a ni ang a, thupui atân Krista Thuhretu Rinawm tih thlan a ni. |KP member leh zaipâwl te a tam thei ang ber tel tûrin kan insâwm a ni. Rev. R. Lalrintluanga Organiser, M|KP.

Krismas & Kumthar Chawlh December 22 January 4

1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456

V o l u m e I X. I s s u e N o . 43. B C M W e e k l y N e w s

November 15 - 21, 2009. P h ê k T h u m n a

Hriattîrna Pathian hruainain Bial leh ABC Rorêl kan zo tawh hlawm a. Bial leh ABC aiawha Headquarters-a committee member tûrte a hma lama rawn report tûrin kan ngên a che u. Headquartersa committee te hi a changtu secretary hrang hrang an ni a. Chuvângin lehkha pakhatah ziak tlar dul lovin, a changtu secretary zêl address-in committee hrang chu lehkha hranah zêl ziak ni se a lâwmawm hle ang. General Secretary Baptist Church of Mizoram.

TUARPUINA Kan rawngbâwlpuite, Rev. C. Chhuntluanga chu a pa duhtak Pu H. Pahlîra’n a kalsan a, tin, Pu C. Lalmuankima (BHSS-a thawk) chu a nu duhtak Pi Chuauzâmi’n a kalsan bawk a. Khawhar chhûngte kan tuarpui êm êm a, Lalpan a thlamuanin a awmpui zêl kan beisei. General Secretary & Staff Baptist Church Office.

Hriattîrna M|KP Inkhâwmpui 2010 Aizâwla neih tûrah Bial Zaipâwl leh Tualchhûng Kohhran/Unit |KP Zaipâwl hla neih tumte chuan November 2009 ral hmain a hnuaia hming ziak hnênah hian ziakin in-report tûr a ni e. Rev. R. Lalrintluanga Organiser; M|KP.

MISSIONARY HNA RUAK Mizoram Baptist Kohhran, hnuaia thawk turin a Evangelist Teacher, (English zirtirtu) hna (Substantive) pahnih – (1) MEC Zero, Arunachal Pradesh leh (2) Yakhili Academy, Tripura a thawk tur mamawh a ni a. Mi piangthar, Pathian rawngbawl tura Kohna hria, ruih theih thil, zuk leh hmuam a fihlim tan dil theih a ni. Dilna-ah chuan Tualchhung Kohhran lehkha, HSLC chin chunglam Educational Certificate & Mark Sheet (Xerox Copy) leh Medical Fitness Certificate thil tel tur a ni a, dilna ah particulars chiang taka tarlangin November 19, 2009, dar 10:00AM thleng a hnuaia hming ziak hnenah hian theh luh theih a ni. English leh Scripture ah te Written Test neih tur a ni. Qualifications : B.A (Hons) or above Pay Scale : 4750-125-7000 Written Test : 19.Nov.2009 (10:30 AM) Interview : 21.Nov.2009 ( 11:00 AM) A hmun : BCM Committee Hall. Rev. F. Sangvela AGS i/c Mission & Evangelism; BCM.

Ngenna Leh Hriattîrna 1. Bial leh ABC aiawh Headquarters Committee hrang hrang member in rawn report hian \henkhat chuan Bial/ABC hming chauh in ziak lang a, lehkha thawn chhuah kan duh changin a buaithlâk deuh \hîn a. An awmna Kohhran leh khaw hming rawn ziak tel tûrin kan ngên a che u. 2. BCM hian Associate General Secretary pahnih kan nei a, i/c Mission & Evangelism leh i/c Service Departments an ni a. Bial leh Kohhran lehkha kan hmuh \henkhatah chuan To the Associate General Secretary, BCM Hq Serkawn tih a ni \hîn a, tu zâwk nge tih kan hre mai thei lo va. AGS i/c M&E tih emaw AGS i/c Service Dept tih emaw chiang takin ziak nise a lâwmawm hle ang. 3. Bial leh Tualchhûng Kohhran \henkhat chuan To the Associate General Secretary i/c Administration tiin in rawn ziak a, BCM hian AGS i/c Adminsitration kan nei tawh lo va. Adminsitrative Committee chu General Secretary enkawlna hnuai a ni a, Adminsitration lam hawi chu General Secretary address in thawn \hin tûr a ni. L.H. Liandinga Office Superintendent; BCM.

(OCI Singapore) hmuh theih. Tuifinriat kamah an siam a, a sân zâwng chu Meter 169 a ni. A vir sâng telh telh a, lei a\anga in sâng tak tak te kha chhuk thlîr ngai khawpin he Flyer hi a sâng a ni. Hemi wheel kual chhûngah hian Flyer 24 a awm a ni, Flyer tinah mi an chuang a, kan kual chhuah veleh kan chhuk hun a lo thleng a, midang an lût thar zêl a. Tin, OCI pawhin khawpui fanna a ruahman a, Bus lian pahnih hire in Vivo City an tih hmunah kan kal a. Hei hi Shopping mall (bazaar) lianpui a ni a, a chhûngah dâwr a tam hle a, kal zawh peih chî pawh a ni lo. A chhûng ai mah chuan a chung zâwl a nuam hle. Tlâng siam chawp phûl nuam takin a khuh a, thing tam tak an phun bawk a, tui, lake tenau, pâwn lang dai theih mai a awm bawk, naupang tam tak tuiah an infiam a, chhûngkuaa tlawh an tam, a nuam hle, an chei mawi bawk a, bazaar chung a ni tih pawh hriat har tak a ni. Mite hian an ram nawmna tûr hian \an an va la nasa bîk âwm êm! A chêngte pawh hi an va \angrualin an va enkawl \ha êm! tih min ngaihtuahtîr. Singapore hi khawvêl khawpui fai bera sawi a ni. A mi chêngte pawh an invawng \ha hle a, sawrkâr thu, leh pâwl (organization) thu an ngai pawimawh a. Dân ang thlapin an khawsa a, an entawn tlâk hle. Nawrh emaw, bandh tih ang reng vêl te hi khap tlat a ni. Anmahni sawi dânin, hna thawktu tute emaw lungawi lovin an lungawi lohna lan chhuahtîrna (demonstration) kawng zawh, strike ang chi te lo nei duh se, sawrkârah phalna an la hmasa tûr a ni, thuneitu in a phal a ni pawhin room pakhatah midang hriat darh loh tûrin darkâr 1 emaw a aia tam pawh a ni thei, phalna an pe ang a, chumi piah lam chu an ti thei lo, an ti a ni. Chuvângin, lungawilohna entîr ang chî hi a awm lo, an ti. Thil dang sawi tûr pawh a awm \euh mai. Amaherawhchu, a pawimawh tak mai chu mitin hi anmahni mawhphurhna an hria (an responsible) a, an rintlâk a, mi bum an tum lo bawk a, an taima in an ram zîmte hi tihhmasâwn zêl an tum a. Mihring an hawihawm êm êm bawk a ni. Mei zu chu an awm ve tho vang, amaherawhchu, mipui punkhâwmna hmun emaw, bazaar hmunah emaw, inkhawmna hmunah rêng rêng langsâr takin an zu ngai lo. Singapore hi ka vawi thum kalna a ni a, tûn \um hi kan fan zau ber \um a ni. Ram leh mipui changkâng han hmuh hian Mizoram tân rual awh a na duh \hîn hle. Ram hruaitute pawh hian ram nawmna tûra \an lâk leh beih hi a va pawimawh êm! Mipuite pawh hian Siangapore mite anga hotute leh rorêltute kan zah thiam a pawimawh hle. Kan ram leh mipui te hian hma kan sâwn zêl theihna tûrin hnam leh mihring changkâng takte hnên a\ang hian thil mawi kan zir a, mawi lo kan bansan a, thil \ha kan zir zêl a \ûl hle a ni. R.L.Hnûni

1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456

V o l u m e I X.

I s s u e N o . 43.

BCM Weekly News

November 15 - 21, 2009.

P h ê k Lina

OVERSEAS COUNCIL INTERNATIONAL MEETING: REPORT SINGAPORE 21 - 25, September 2009 OCI hi engnge ni ? Overseas Council International (OCI) hi International Organization lian tak a ni a, khawvêl ram hrang hranga theological college/seminary tam tak OCI hian a enkawl a, sum leh pai pawhin a \anpui hlawm a ni. India ramah pawh theological college hrang hrang hi member an awm a, a tam ber chu Asia Theological Association (ATA) hnuai ami an ni, membership nei engemaw zât an awm a, Senate of Serampore College hnuai ami pawh engemaw zât OCI member an awm. OCI hriat \antirh dân: OCI Headquarters hi Indianpolis, USA, a ni, kum 2003 khân Rev. Dr. K.Thanzauvan GS a nih laiin USA-ah BWA meeting a kal khân OCI hi a va zawng chhuak a, an Office-ah lêngin, khatih laia an President nên inkawmna te an nei a, BCM nên thawhho a duh thu leh AICS kal tlanga thawhho (partnership) a duh thu a thlen tawh a. Amaherawhchu, leadership a lehlam lehlamah inthlâk nên hmalâk chhunzawmna a awm lo va. Kum 2007 khân Dr. Asish Krispal OCI Asia Director a lo zin hlauh va, AICS-ah hunte a rawn hmang a, thawhho kan duh thu te kan lo thlen leh a. Pathian remruat a ni ang chu an Institute neih hmasak berah nikum 2008 khân Dr. Scott Cunningham, Coordinator OCI, USA a\angin OCI Institute-a tel ve tûra sâwmna ka dawng ta a. November 2 2008 khân UBS, Pune-ah neih a ni a, ka kal ve a, Insitute thupui chu “Excelence in Leadership Development” tih a ni, a hlâwk thlâk hle a, Institute neih leh huna min sâwm ve zêl tawh tûrin ka ngên a, kuminah pawh OCI meetingah min sâwm ve leh ta a ni. Theological college Principal/President leh lecturers te tân zirna an buatsaih a ni ber a, chu chu The Institute for Exellence in Christian Leadership Development tih a ni a, a lam tawiin The Institute tih a ni. AICS erawh chu full member kan la ni ve lo va, invitee min sâwm angin (invitee) angin kan la tel rih a ni. Singapore OCI Institute 21 - 25, 2009 Kumin atân OCI Institute for Exellence in Christian Leadership Development September ni 21 - 25, 2009 khân Metropolitan YMCA Guest House Singapore-ah neih a ni. Asia rama theological college/seminary a\angin mi pahnih zêl kan kal a, AICS a\angin Rev. Dr. K.Thanzauva, nên Board of Theological Education President a nihna angin an sâwm bawk a, kan kal a. Asia rama theological College 18 aiawh Principal/ President/Dean 83 rual kan kal khâwm a ni. Singapore Institute thupui chu Nurturing Spirituality in Theological Seminary (Theological Seminary-a Thlarau nun châwm lenna) tih a ni. He thupui hi kawng hrang hrangin \hen a ni a, Thupui sawitu (Resource persons) 4 an awm a, Bible Study, Dr. Gordon T.Smith, Canada mi chu thusawitu ber a ni a, Dr. Ajit Fernando Columbo Theological Seminary, National Director, Sri Lanka chu Bible Study leh Devotion hruaitu a ni, an sawi \ha \hîn hle. Dr. Scott Cunningham Dean of Leadership Development, OCI International Organizer-in thupui hawnna leh hrilhfiahna leh Thalrau lam nun tihhmasâwnna an thlan nachhante a sawi a. Paper buatsaihtute pawhin an ti \ha hle. Paper present zawhah sawihona kan nei nghâl \hîn. Tin, Group 12-ah min \hen a, chawhnu lam apiangin mahni Group \heuhvah kan sawiho \hîn a. Mahni college \heuh chanchin te sawiin kan tih dân te in hrilh tawnna hun a ni a,

inzirtawnna hun \ha tak a ni. Tin, Group discussion hun hi \awng\aihona hun pawimawh tak a ni bawk. OCI thiltum: OCI hian theological college/seminary hi Pathian rawngbâwltute chherchhuahna a nih avângin a ngai pawimawh êm êm a, hruaitu \ha chherchhuah ngei a nih theih nân Pathian thuzirna hmunah hian hruaitu \ha leh hlawhtling, entawntlâk chherchhuak tûra \anpui hi a tum a ni a. Chutiang a nih theih nân Principal te leh zirtîrtu dangte tihchakna tûrin The Institute hi a buatsaih \hîn a, kum tin he Institute for Execellence in Leadership Development hi buatsaihin Thupui hran hran an nei \hîn. Hruaitu \ha (Ledership development) leh thlarau nun hmasâwnna hi a inkungkaih tlat avângin kuminah pawh Nurturing Spirituality in Theological Seminary (Theological college-a Thlarau lam nun châwm lenna) tih thupui hi an thlang a ni. Hriatna thiamna leh finna te kan zir uar hle a, amaherawhchu rawngbâwltute training pêkna hmun berah hian thlarau lam nun hi thlahthlam a ni fo \hîn a. Theological seminary hi ‘seminary’ (zirna hmun) nge ‘cemetry’ (thlanmual) tihte sawirîk fo a ni. India ramah chauh hian a lo ni lo va, khawvêl ramdangah pawh an harsatna a lo ni ve tho va, chuvângin, Thlarau lam nun tihhmasâwnna hi a pawimawh hle rêng a ni. Pathian thu zirna hmun tam zâwkah hian zirna lam uar lutuk avângin thlarau lam nun hlamchhiah a ni fo \hîn a, zirna a pawimawh rualin Pathian nêna inlaichînna vawn nun reng a pawimawh a, college tinah thlarau lam nun châwmna hi tihhmasâwn ni rawh se, tih hi kan sawi uar ber a ni. Hei hi AICS-ah pawh a tîr te a\anga kan sawi uar leh tih mêk a ni a, nasa takin min fuih chak thar hle. Experience dangte : Singapore khawpui: Singapore kan thlen tûk tak kha Pathian ni zîng a ni. Kan \hiante Shalom Bible College, Kohima-a an Principal (Sanio) leh Director (Meeru)-te nên kan thleng rual a. Anni hian Pi Wong-i, AICS leh North East India-a college hrang hrangah Pi Chani nêna Music zirtîra lo kal tawh \hîn kha hruai chhuak tûrin an lo phone a. Pi Wong-i hian an Biak Ina inkhâwm tûrin kan pathumin min rawn hruai a. Anglican kohhran, Biak In lian leh ropui tak mai St Andrews Church a ni a, inkhâwm pawh a nuam hle, Holy Communion te kan kîl ve nghe nghe. Inkhâwm bânah Biak in ropui tak mai chu min fan pui a, a hnuai pawh inkhâwmna tham lian tak a ni. A inah min hruai a, chaw te min eipui hnuah khawpuia min fanpui a. Botanical Gardenah te min kalpuiin, a chhûngah Orchid Garden, Naubân pangpâr mawi tak tak huan bîkte kan fang a. |halai rual lêng vêl an tam hle. Chu bâkah Pathian ni hi inneih nî atân an hmang a, nula tlangvâl rual tuak tam tak parh mawi taka mai a incheiin thla te an lo laiin chhûngte \hiante nên thla an lo la hlawm a, mahni bûk \heuh mawi tak tak cheimawi an siam chhûngah registration te an ti a, an hmuhnawm hle. He Naubân pangpâr huan chhûngah hian Cool House a awm a, tuite an tiluang huau huau bawk a, he in chhûng hi a vâwt raih mai a, a mawiin a nuam hle. Tlai lamah Singapore Flyer-ah min lâwnpui leh a, hei hi khawvêlah a lian ber an ti a, India rama kan Giant Wheel ang deuh hi a ni, mahse, Glass chhûng nei vek a ni a, zawi te te in a lîr a, a chhîp sâng ber a\ang chuan Indonesia ram pawh a (phêk 3-naah chhunzawm)