Sept 20, 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XIX Issue No 38

TUALCHHUNG DAMLO : Pi Ronguri W/o  Pu VLT Muana, Dawrpui South chu Kolkata-ah enkawl mek a ni a, hma a sawn vak lo niin kan lo hria. Pi Ronguri hi Chawngbawla Section Secretary Pu David VL Remruata nu a ni. ™ Pu H. Lalchhanhima, Taitesena Section Secretary chu pum lam \hat lohna avangin In lamah enkawl mek a ni. LUSUN : Tv Joshua B/o  Michael Rawnliana, Dawrpui West chu Sept.13, 2009 (Pathianni) zan dar 11:30 khan a boral a, a tuk thawh\anni khan Dawrpui thlanmualah vuiliam a ni. ZIN : Kan Branch Finance  Secretary Pu Lalrammuana te chhungkua chu Guwahati ah an zin mek a, tluang taka an lo haw leh kan beisei. INSAWN : Vanapa Section  Leader Pu Lianzama Pachuau chu a hnathawhna Lungmuat a\angin Dawrpui Sikul, Aizawl-ah sawn a ni a, tun kar lo awm tur a\ang hi chuan a awmna turah hian hna a zawm tawh ang. CAMP : Pu Kapchhunga  Pachuau,kan News Editor chu Presbyterian Kohhran Sacramen Department naupangte Camping neih puiin Agape Camping Centre, Durtlangah a thang mek. RANVULH : Sorkar thu  chhuak chuan kan ran vulh Ui, Ar, etc. khuahkhirh turin min ngen a, chuvangin veng chhung mipuite kan ran vulh \henawm khawvengte leh veng chhung mipuite tana hnawksak lo tura khuahkhirh vek turin kan inngen e. NEWS : News hmu lo kan  awm zauh zauh niin a hriat a, a semtute tun aia \an la thar turin kan inngen nawn leh e. In tin daih tur leh thleng tura buatsaih a nihna hre rengin a semtute \an i la ang u.

Dawrpui News

Kartin Chhuak Pathianni Sept 20, 2009

DAWRPUI KHAWTLANGIN HMA A SAWN ZEL !

Meimit lovin Dawrpui Khawtlang chu Pathian hruaina in a kal zel a. Mimal in leh lo a phuisui zel a, mithar an lo lut a, engemaw avanga vengchhung chhuahsan (pem) an awm ve reng karah vawiin ah hian Dawrpui khawtlang chuan hmasawnna a hmu thar zel a ni. Dawrpui Khawtlang tana tha leh zung seng a, a kul a taia tang mi tamtak an awm a, heng zingah hian Pawl hrang hrang hruaitute chu a khaipa an ni lo thei lo a ni. Chung hruaitute hnung kan dawlna a zarah chuan hmasawnna leh lungrualna hi alo piang zel a ni. Chutih karah tun aia tanlak leh zual erawhchu kan la mamawh a ni. Tichuan, chu hmasawnna chu enge ni le ? Sawi tur tam tak awm zingah hengte hi ilo thlir bik teh ang Vil lage Council Hnathawh : Kan khawtlang nu leh pa hnathawh inhuam ten nasa Village takin veng/khua hmasawnnan hah leh rim takin hma an la a, hna an thawk a, Vengchhung inkalpawhna Step ilo repair te, eng tha lo siam that te, Zun in etc. siam te, vengchhung muanna leh himna atan nasa takin an thawk a ni. VC hi Political Party siam nimahse, khawtlang ta an ni a, khawtlang mipui in kan mamawh leh tula kan hman/ kan chhawr atana inpe an nih avang hian tun aia nasa pawhin kan la tangkaipui thei tih hria ila. A lehlamah khawtlang hmasawnna leh therhlo ilo ah khawtlang hre hmasa zel sela, politicalise lo zawnga kan kal zel hi a duhawm hle ang. MHIP : Kan khawtlang tana thawhhlawk tak pakhat leh chu kan Nuho (MHIP, Dawrpui Branch) te hi an ni leh a. Vengchhung mi harsa an ngaihsakna te, dammawh hritlan ilo a an inpuih tel telna leh thihna thu a an tha thawh hi a nasa khawp mai. Vengchhungin Mitthi kan neih reng rengin Kuang chei etc. an chang chawt a, mawihnai takin kan inthlah liam \hin. Anmahni an inpumkhatna hian vengchhung min ti pumkhat em em a ni. Tunah hian mi tamtak tana malsawmna ni turin Sorkar tanpuina a zarah Puanthui zirna an buatsaih meka. He MHIP hmalakna a zarah eizawnna pangngai (puanthui) nei ta hi mi tamtak an chhuak tawh a, an zirthiamna mai piah lamah stipend an pe a, puanthui khawlte pawh an pe thin a ni. Building an neih chu midang luahhawh tirin mi thenkhat ten eizawnan an hmang mek bawk. An ni bik(MHIP Day) leh Krismas ilo a an thil sem thinte hian Khawtlang hmasawnna chu a keng tel em em a ni. MUP : Kan vengah hian kum Upa lamte an parvul ti ila, kan sawi uar lutuk lovang chu maw ! Mizoram Upa Pawl, Dawrpui Unit hian Khawtlang min muan a, mintithlamuang em em a ni. An kum a upa tih ngawt chi an ni lova, thalai tam tak aiin an in-fit zawk emaw tih mai tur a ni. An dawr atangin mi tam takin ei an zawng mek a, an sum hmuhte khawtlang leh an anmahni in awmtlei nan an hmang a, tar emaw kan tihte hi Reiek tlangah an lawn a, Tam dil-ah an kal a, Beraw tlangah an hirha thei a ni. Heng zawng zawng hi khawtlang hmasawnna rah a ni lo thei lo. MUP-te zarzo a, nun hlim taka hmangtu kan nu leh pa, pi leh pute hi i lawmpui ang u. Y.M.A. : Kan khawtlang min khaitu leh min muantu pawimawh tak chu YMA Dawrpui Branch-te hi an ni leh a. Vengchhungin harsatna a tawh in an pawimawh hmasa ber a, Mitthi an awma kan koh hmasak chu YMA an ni. Tanpui ngaite tute emaw an lo tlulut a, anmahni lo bawisawmtu hmasa chu YMA an ni. YMA tel lo hian Khawtlang hi a kal thei lo a ni ber. Kan tu kan fate an him theih nan a thim a var thlu loin Ruihhlo an do a, a rem duak a, khawtlang kan muang siai siai ta thin a ni. Kan sawi seng lo, Dawrpui khawtlang hmasawnna leh muanna hi tute emaw siam nilo in kan zavaia siam a nih hi mipui ten hre thar ila; Tan ila thar zel ang u.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

September 20, 2009

Pathianni

JOINT MEETING THUCHHUAK Hun engemaw chen kal ta a\anga kan veng chhunga Dawr hrang hrang leh Motor kawng sira dahte venghim tura Duty \hin JC Security & Labour Supply Agency te Duty dan chungchangah mit ti kham zawng leh sawiselna eng eng emaw a awm zauh zauh tak avangin an chungchang hi Dawrpui veng pawl hrang hrang Joint Meeting chuan a ngaihtuah a, ngun taka an ngaihtuahin he an Duty hi chhunzawm zel tawh lo tura thuthlukna siam a ni. September thla a\anga Duty tawh lo tura hriattir nghal an ni bawk.

VENGFAI INELNA YMA a kan chanvote kha Kum tir lam khan YMA huangchhungah Memberte chanvo hrang hrang kan inruat a, kumtir lam kha chuan kan han phur viau a, kum chanve a lo liam meuh chuan kan ngai pawimawh ta lo deuh niin a lang. Engpawh nise, kan dam a nih chuan member tinte mahni chanvo \heuh ngai pawimawh thar leh ila. |ha famkim leh fel famkim kan awm hauh lova, infuih thar ngai reng kan ni vek mai, kan mawhphurhna \heuhte midang tih atana dah mai lova \an la lehzual turin kan inngen nawn leh e. Kan kova innghat kan mawhphurhna \heuhte hi hlen chhuak ila, ringtu kan nihna nen pawh a inmawiin a inhmeh a ni. |anpui ngaite \anpuitu kan nihna te hlen chhuak zelin hmathar i la ang u.

NGENNA LEH HRIATTIRNA Aizawl khawpui lunlai deuh deuh hmun 20 ah sorkarin bawlhhlawh paihna (Garbage Trailer) a dah meka, heta bawlhhlawh te hi Contractor in zan tin an paih thina (Pathianni tiam lohvin) Amaherawh chu, zing leh chhun ah te mi tam takin bawlhhlawh an paih in chhun lamah chuan paih loh niawm takin a khat leh vek thin a, mipui vantlang hmuhah a mawi lovin khawpui a ti tawp hle a ni. Chuvangin, Garbage trailer a bawlhhlawh paih thin zawng zawng ten tlai dar 4 atang chauhva bawlhhlawh paih tawh thin tura ngen leh hriattir in ni e, zan lamah Contractor ten an la fai leh ang a, chhun lama bawlhhlawh khat ther thur leh rimchhia kan pumpelh theih nan. Tin, bawlhhlawh paih thin ten Trailer bul, lei ah dah mai lovin trailer chhungah ngei paih thin tura ngen leh hriattir kan ni bawk e. ( Hei hi UD & PA Department atanga ngenna kan hmuh angin vengchhung mipuiten lo zawm theuh tura ngen kan ni e) Sd/Secretary Dawrpui Branch YMA

Kumin October 2nd ( Zirtawpni ) 2009 Mahatma Gandhi piancham denchhenin Urban Development & Poverty Allevation Department chuan FAINA HAPTA a hmang leh dawn a, a hun chhung atan 2nd - 9th October 2009 nise tih a ni a. Hemi hun chhung hian Aizawl khawpui chhunga veng fai inelna neih nise tih a ni. Lawmman hi pakhatna atanga Pathumna thlengin siam tum a ni bawk, i vengchhung te fai taka lo enkawl turin kan ngen a che u He thu hi UD & PA Department atanga lehkha kan hmuh a ni a, vengfai ni turin veng mipuite kan in leh a velte vawngfai theuh turin kan in ngen in kan inhriattir a ni e. Sd/Secretary YMA Dawrpui Branch.

MUP HRIATTIRNA Kan member pui Joshua’n chatuan ram min lo pansan tak avangin, MUP member ten a hnuaia hun leh hmun ruatah hian ral tur a ni a, member atam thei ang ber tel tura hriattir kan ni e. A hmun : Michael Rawna in Cotton Mills Dawrpui West A hun : 20.9.2009 (Chawlhni) tlai dar 3:00 Chairman Thuchah

: Pu Zadingluaia : Pu V.Lalawia

(International Abacus & Mental Arithmetic Training)

ALOHA Mizoram chuan heng ALOHA Learning Center hrang hrangah te hian Admission a hawng leh ta e, Khawi School-a kal te tan pawh heng Center-ah te hian a kal theih vek a ni. ALOHA LEARNING CENTRE(Bazar Bungkawn), GENESIS SCHOOL ( Bethlehem ), BAMBATINI (Durtlang), ROSE BUD (Ramhlun Venglai), JMS (Mission Veng), NEUHOF (Chanmari), SAVIOUR HIGH SCHOOL (Upper Khatla),

NEW AGE ACADEMY (Vaivakawn). ,

Admission ti duh tan ALOHA Office, Bazar Bungkawnah Office hun chhungin a tih theih e. Seat a tam hran lova, tih vat chi a ni ang. CONTACT – 2301870 /9862576998

3

Dawrpui

News

Kartin chhuak

MUP DAWRPUI UNIT ( 9.9.1989 - 9.9. 2009 ) (Dawrpui MUP-in Kum 20 a tling ta! ta!)) - Maj. P.C. Thansanga Senior Adviser MUP Dawrpui Unit. (Karhmasa chhunzawmna)

Pathianni

Sept 20, 2009

HRISELNA

Pum Na/Pum Nuamlo - Dr. Thangchungnunga M.S (Ortho)

7) CHANGSIL : Misionary te lo chhuahna, Tlawnglui kam, tunah chuan sorkarin IB Building adaha chutah chuan MUP Headquarter Editor Pu Thanseia chuan Missionary te hian lawngah Sairang luh an tum hlea mahse, Changsil kai, Tlawnglui pialtlepin a dang sia, helaiah hian Missionary te chuan puanin an kaiha ati, kan hotuten ei leh bar tuitak nen mittui tla chungin hun hman ania, hetianga hmun leh ram tlawhthei leh hun kan han hmang thin hi Pathian min hruaina a ni e. Tichuan anniversary kum 13 na kan hmangang khan tunah chuan kum 20 na anniversary ah hian engmah tihkhawmna awmlo mahse, kum 20 chhunga Lalpan min hruaina avnga kan hun hman tawhte mawitakin ka rawn ziak a ni e.

Tunlai hian mi reng reng mai hi pum nuamlo \euh neih deuh vek mai kan ni ta mai hi chhut chiang ve deuh teh ang, nuam a ram a awmlo, taksa dam thlap pawh awmlo, natna chhan tur thil engmah ti bawk silo hi enge a chhan? A chhanna hmasa ber chu, khawpui changkang hria ti ila a dik ber ang. Kan changkanna hian natna min siam hnem ta lutuk a ni. Australia hnam mawlho (Aborigines) ho chuan ‘Mihringte hian Development hi an hrethiamlo a ni - Bawng vulh thau, ran talhna lam pana kal dum dum ang an ni’ an ti. Chuvang chuan ramhnuaia an Original anga awm khu an duh tlat a ni. A dikna chen chu a awm a. Kan changkanna hian natna chu min siam belh teh meuh mai. Kan ei \euh a, kan \hu nileng a, Dawrpui a\anga Treasury/Khatla kal tur pawhin Motor zel kan duh a, kan taksa ruhrel leh tihrawl hi a a nih tur anga che vek tura duan a ni a. Mahse, kan changkan avangin Computer hmaah nilengin kan \hu a, tihrawl \henkhat a che miahlo a, a \hen an \ang \euh a, dar kham, kawng kham kan sawi reng a, kuhva leh eng ilo kan ei ve reng mai a. Hun awmze neilovin thil kan ei reng a, kut silfai kan uar lova, natna hrik kan eitel a, kuhva kan han ei ngat phei hi chu eng anga bal nge pawh hriatloh bang, ban, \hutthleng engkim maiah kut kan han tat a, hei hian Santen benvawn hrang hrang - Giardiasis, Ameobiasis leh a dang tamtak kan eitel \hin a. Chu chuan pum nuamlo \iuh \euh a siam a, ek a dik thei lova. Tui kan in tam peih si lova, Mit(Gall Bladder) a lungte, Kal (Kidney) a lungte awm nen a rei deuh va, thau a lo chhah a, Cholesterol a lo sang a, BP a lo sang a, Diabetes a lo hnai a, Heart Attack a lo lang leh \an a, a chhia lam hlir kan khawlkhawm ta \un mai a ni. A invenna ber chu Excercise lak \hat a, kut leh eitur silfai \hat leh ei leh in chintawk leh awmze neia ei tum a in zir ve a ngai ta a ni. Sap an kan chak bawk a, Sap tihdan hi ching ve tak tak tawh ang u.

TRAINING

VC NEWS

4) BAIRABI, REL, ELECTRIC PROJECT : Kan tlawh leh ta a Rel hmu lo, Power Project hmu ngailo kannih avangin khawlum, nisa, hnuaiah kan hlim emaw thova Pu J. Challuta chu rel a inthlakin rellu ah alo chuanga an phur ta daih maia a bota emaw kan ti hial a ni. 5) BERAWTLANG SCIENCE CENTRE : Khawvel pum upate ni ania sawhchiar nen kan thawka, chawei hunserh neih hmain since centre chu kan tlawha kan nui ropui hle mai Ruber lianpui chhungah 40 dawnlai an luta, Pu Lalliana hovin chawngmawii leh Hrangchhuana te Indi leh Arsi chanchin sawi nuam an ti hle. Tichuan hunserh banna hla kan sak lai chuan kan zai tuia Pu J.Challuta pawh a pharve diai diai nia kan hlim tlang hle kan la ngai dawn mange khuareiah 6) REIEK TLANGSANGAH : A hlim awm thin mange a hmuh nawm bawka, kan haw lam chuan khawpui paltlangin Durtlanga thlan ropui kan tlawh kha.

September 15 ( Thawhlehni ) 2009 a NLUP Based Line Survey training, Horticulture Conference Hall-a neihah kan Branch YMA aiawhin heng mite hi an kal. 1) Tv. Joseph Lalmalsawma ( Comt.Member Vanapa Section ) 2) Tv. Ramherliana ( Treasurer Vanapa Section) 3) Pu Lalnunmawia ( Secretary Vanapa Section) 4) Tv. Lalrinawma ( Comt Member Taitesena Section ) 5) Nl. Vanlalpeki ( Treasurer Taitesena Section ) 6) Tv. Michael Zomuansanga ( Asst. Secretary Chawngbawla Section)

Ration Card siam thar la lachhuak lote tan VC Secretary Pu KL. Zamvela In Dawrpui South ah lam theih a ni e. Ration Vard hlui leh Rs.10/- ken ngei tur a ni e. Tin, Gas Consumer Card thlak ngai pawh peih fel a ni tawh a, remchang hmasa berah VC House Upper Bazar a\angin sem chhuah leh a ni ang. A hun tur chu tlangau a in hriattir a ni ang. Sd/Secretary Dawrpui VC

4

Dawrpui

News

Kartin chhuak

September 20, 2009

Pathianni

KAN |HEN TAK PRESBYTERIAN

Tv. Lalthuamliana Lalthuamliana hi Pu Vanlalmuana (L) leh Pi Lalrosiami (L) te fapa neih chhun niin 24.11.1968-ah a lo piang a. A nau, Vanlalrohlupuii, w/o B. Lalenghhina, Ramthar Veng, Aizawl bak unau pianpui dang a nei lo. A pa hian 1979 kum tawpah a boralsan a, a nu hian kum 1991 khan a boralsan ve leh a ni. A nu-in a boralsan hnu hin a pu fanu Lalrinkimi (RKi) - a naupan tet atanga Thuamliana nu hnena khawsa - leh a nau Zaikhuma te nen Dawrpui-ah kum engemaw zat an awm a. He mi hnu hian RK-i te unau an indan hnu-ah Thuamliana te unau hi Zarkawt Venga a nu u, Pi Rothuami (L) te hnenah an khawsa zui a. Rei vak lo hnuah Dawrpuia anmahni in lamah awm lehin a hun tawp thlengin hetah hian a cheng zui ta a ni. Thuamliana hi zirna lamah a tluan vak loh vangin a thleng sang lo hie a. Infiamna lam, a bik takinfootball lamah hian a tui hie thung a, veng aiawh pawhin vawi duai lo a khel ve a ni. A phak tawk tawkin khawtlang thiltih leh thlanlaih nikhuaah te tel ve thinin chhhiatni thatni-ah a theih ang angin a inhmang ve thin a ni. Thenraal kawm thiam tak ni mah suh se thian ngaina tak a nih avangin thenrual a khawm hnem thei hie thin a. Mi khawngaih thei tak a ni a, mi baihyai leh chhumchhe zawk ten an bel ve fo thinani. Gospel Camping-ah vawi engemaw zat lut tawhin rawngbawltute pawh a lo zui ve nual tawh a. Khawvel hipna leh thlemna a do zawh loh vangin amah ngei pawhin a duh angin Lai Isua a zui hlei thei lo thin a. Nimahsela a thlarau nun chak loh lai ber pawhin a thinking chhungril bera Thlarau Thianghlimin a lo tuh tawh Chanchin Tha thutak chu a mit tak tak ngai lova, a phak tawk tawkin a khawvel nun hawisan tura chhuahna remchang a melh ve reng thin. Tichuan a hun tawp lamah hian mi thahnemngai leh Kohhranhote hmalakna leh tawngtaina avangin thlamuang taka a Chhandamtu Lai Isua tawk thei turin Pathianin a nun a buatsaih leh ta a ni. A hun hnuhnung: Thuamliana hian a nun a uluk tawk loh avangin kum engemaw kalta a tang khan a hriselna a tha vak lo a. A farnu, Rohlupuii te hnenah a nawmsam loh changin a awm thinin, damdawiin lamah pawh enkawl a ni thin a ni. Mi inthlahrung leh tlawmngai ve rak a nih avangin a theih loh tawpah lo chuan a unaute pawh a pan ngai meuh lo. A thin {liver) that loh avangin a chau hret hret zel a. Han that lailawk chang nei mahse a tha chhuak tak tak thei lova. Tun thla tir lam khan a chauh deuh a mahni in buaipui hlei thei lova a awm avangin a nautr in lamah hian a awm thla leh a. A chauh zual deuh avangin ni 12.9.2009 khan Aizawl Civil Hospital-ah dah luh a ni a. Doctor leh nurse ten theihtawp chhuaha an enkawl chung pawhin that lam a pan thei lo a. Ni 16.9.2009 chawhnu dar 2:00 khan LALPA hnena chawl hlen turin minlo hawsantaani.

Â

TUIFAR MAWLH HI : Fur lai a ni a, inchung a\anga tuifar a tam hle a, khawlai kalte leh \henawm khawveng tana ninawm a tam hle mai a, he Dawrpui News-ah ngei in chhuah ngun ta hle a, awmzia a awm lo hle mai. Heng mite ho hi \henawm khawveng hmangaih theilo ka ti tawp... - Farninga

PATHIANNI Sunday School : Pi Sangthuami, Bial-VII Chawhnu Inkhawm : Upa R. Englaia : Pu R. Lianbanglova, Bial - VII : “Lei man leh chhiah pek” : Pu Bualhranga

20. 09. 09 |antu Hruaitu |antu Thupui Sawitu

Zan Inkhawm Hruaitu Thupui Sawitu

: Upa R. Zodingliana : “Ram venhim leh siam \hat” : Dr. Lalbiakkima

K|P 20. 9. 09 |awng\ai Inkhawm A hmun : Fellowship Hall Hruaitu : Nl. Lalhmangaihzuali, Gabriela Gr. |antu : Tv. Hmingthantluanga, Uriela Gr. Thuchah : Nl. J. Lalrinzami, Committee Member. (Damlo pual thilpek bawm hun a ni ang.)

SALVATION ARMY

Sept 20, 2009 Hruaitu Thusawitu Hruaitu Thusawtu Sept 21, 2009 Hruaitu Thilpek hlantu Thusawitu

THIANGHLIMNA INKHAWM : Maj Kalkhami : Pu K.Hmingthanga ZAN : Pu Remchhunga : Maj Sangzuala

SAY THAWHTAN ZAN : Tv Lalsangbera : Nl Lalthianghlimi ZAN : Tv Nelson Lalthanpuia

NLUP BASED LINE SURVEY September 5 ( Inrinni) 2009 a Central YMA Executive Committee in NLUP survey neih chungchangah sorkar thawhpui nise a ti a, Mizoram pum, mahni veng/ khua theuh ah YMA ten NLUP Based line Survey nei theuh turin a hriattir. Central YMA thuchhuak ang hian, kan Branch YMA pawh in kan veng huamchhungah NLUP based line Survey neih nise a ti a, mahni Section huamchhung theuh ah, Section hruaituten he NLUP survey an rawn neih turah hian veng mipuite pawhin, mahni chhungkaw dinhmun diktak lo hrilh turin kan in ngen a ni e.

Published by Y.M.A., Dawrpui Branch, Printed at G.S. Offset Printers, Treasury Square