Gilead 4 October 2009(print Version)

Volume No. VIII Issue No. 16

Hyderabad

Dt. 4 -October - 2009 (Pathianni)

DANGLAMNA

-B.Sanga Ralte University of Hyderabad Changthlan: “LALPA chuan heti hian a ti; Mihring rinchhana, mihring ban chakna ringa, LALPA hawisanna thinlung neitu chu Anchhe dawngin awm rawh se. Thlalera hnimbuk to rire ang an ni a, thil tha chhuak tur reng a hmu lo vang. Thlaler ram ro, chi leilung, tuma luah lovah chuan a cheng zawk ang. LALPA ringtu, a rinchhan LALPA ni erawh chu a eng a thawl e. Tui kianga thingphujn, lui kama zungka, Khawlum lo thleng pawh hlau lo, A hnahte hring reng si, Khawkhen kum pawh pawisa lo, Rah chhuah thulh chuang si lo ang hi a ni ang.” Jeremia 17:5-8

A chunga kan hmuh Pathian thu in min hrilh ang hian nun pahnih in ang miah silo pahnihmihring chakna ringawt hmanga ke pen tum thin leh Lalpa ringtu danglamnna kan hmu a. Hetah hian tehkhinna tha tak “TO LEH HUN ?” a rawn hmang a ni. Pathian thu kan tarlan a thu hmasa lam a kan hmuh ang hian nun pakhat zawk chu Mihring chakna ring a, mahni duh dana awm ve tawp, Lalpa . tihna pawhna neilo te chu thlalera hnimbuk to nen a tehkhina. To tih chuan, awmhmun atanga mahni theih dan dan a nun khaw chhuah tum lam a kawk a. Mahse, Bible a kan hmuh angin a awmna thlaler ram ro, tui leh hnawng pawh awmloh na anih avangin, thil tha reng reng a hmuh ngai loh tur thu chiang takin min hrilh a, ni a ni lo tlang san in a em vuai leh mai thin. Pakhat zawk vet hung chu tuiluang kiang a thing phun a ni. Thil kan phun dawn chuan a tona hmasa atangin kan la chhuak a, leitha hmunah kan phun sawn thin. Tin, kan enkawl chhunzawm a tui leh a mamawh tur thil tangkai te kan pe bawk thin. Ringtute hi thiamchan tirtu ring zawka rinna chu kan felna a ruatsak kan ni tawh( Rom 4 : 2-5 ) tih hi kan hrereng tur a ni. Jeremia 17: 8 a kan hmuh ang in, kan rinchhan Lalpa chuan a fapa Krista Isua ah min phun a. Amah chu kan zungkaihna, kan tana tuinunglui, a hna kang ve ngai lo chu a ni. Kan nitin nunna chawtha min pe tu a nih bawk avangin HARSATNA leh MANGANNA lo thleng pawh kan tawk ve dawn lo a ni chuang lo. Amah kan neih avangin a tawrhdan erawh ringlo mite aiin kan thiam thin a ni. Kan thlamuanna kulhbingsang a ni a, a nghing ve dan si lo. Engpawh tawk ila AMAH avangin kan lawm zel ang tih hi ringtu kam chhuak tur a ni dawn lawm ni?

GILEAD BIBLE PUZZLE(4TH-Oct-’09) Chhangtu Hming:………………………………. Phone/e-mail:…………………………………… Lawman 1-na Rs.50/-(1 ai a tam an awm in thumvawr a ni ang), Puzzle chhanna hi hemi copy chehthlak emaw mahni a plain paper a ziak chhuak in(table ang thlap in) emaw e-mail([email protected]) in kan dawng thei e. Thehluh hun tawp: Dt.11.10.’09.(4pm) thleng. A hnuaia ah Tirkoh Paulan Krista hmangaihna ata min then thei angem ni? a tih te zing a 10 dah a ni a thai chhuak rawh le.

V

A

N

T

I

R

H

K

O

H

A

S

A

R

U

A

K

N

A

L

K

A

T

L

A

L

N

A

T

E

H

U

N

S

A

N

N

A

S

M

A

L

A

W

M

P

U

I

T

H

N

G

I

L

N

E

I

N

H

L

D

U

T

H

U

K

N

A

I

E

A

L

A

I

N

H

E

L

H

T

I

S

M

E

N

A

K

O

N

N

H

R

E

H

A

W

M

N

A

A

INKHAWM PROGRAMME Dt. October- 2009 (3:30PM)-Pathianni Chairman: Pu Lalvuana Tantu: Nl.C.Lalremtluangi, St.Francis College Bible Chhiartu: Tv. Lalrinawma Vanchhawng,Loyala College leh Nl. Lalhruaipuii, St.Ann College, Thawhlawm lakhawmtu: Tv.Lalhlimpuia, JNTU & Nl.Lalbiakdiki, St.Ann College Sermon: Pu Vannuntluanga Pachuau 11 th-

Create PDF with PDF4U. If you wish to remove this line, please click here to purchase the full version

GILEAD-Volume No.VIII Issue No. 16 Hyderabad, Dt. 4- Oct- 2009 (Pathianni)

Editorial: Pathian hi a awm nge, awm lo? Tih zawhna hi i

ngaihtuah ve thin mai thei. Mi tam tak chuan Pathian a awm lo tiin Pathian ring lo (atheist) mi tam tak khawvel ah hian an awm reng a ni. Mahni thil tawn atangin he ngaihdan hi chhang dawn ila mimal thu hla ah chhiar tu ten min lo ngaihsak lo hram dawn nia. Tumkhat chu India chhim lam khawpui lian tak pakhat lam panin rel ah ka chuang a, ka kal hun a hmanhmawh thlak deuh avangin chawp leh chilh takin a ticket ka la a, confirm hman lovin rel-ah chuan ka lut ve rawih a. Zankhua a tlan tur kan nih avangin mutna tur ka mamawh nen Train Ticket Examiner(TTE) hmuh apiang hnen ah khawngaih ka lo dil thin a, “I ticket hi waiting list ah pawh a number hi a hnung lutuk a kan confirm thei lo” tih bak chhanna ka dawng thei silo, mangan thlak ve duh tak a ni. Beidawng ang reng takin ka tawngtai thin a, seat ka hmu thei chuang silo. Zan a tlai zel mi an mu thup tawh bawk si, a tawp nan ka tawngtai ang a seat ka hmu chuang lo anih chuan “Pathian hi a lo awm tak tak lo aniang” tiin thutlukna ka siam ta a. “Awma Ka ni” ti tu PATHIAN chu a lo awm chiang khawp mai! Ka tawngtai hnu reilo te ah ka dilbuai ngai tawh lovin TTE chuan midang seat a ka lo thu chu min kovin seat min siam rem sak ta nghal a. He ka thil tawn atang hian PATHIAN awm zia hi ka ringhlel thei tawh lo. “Khawvel ah Pathian in hmun tinreng a awh kim, Amah a hnai reng fo thlarau chaklo te tan” SAWMNA October 11,2009 (2 PM-7:30 PM), Pathianni leh hian Kuki Worship Service(KWS) te chuan an kum sawm tlin lawmnan ‘Thanksgiving Service cum celebration’ hmang dawn a he an programme hman pui tur hian HMCF member te pawh sawm kan ni. Kal thei tur te chuan HMCF Secretary Pu Samuel-a hnenah in report tur a ni. Venue: OM India Campus, Jeedimetla Village, Medchal Road Secunderabad Theme: “Come, let us reason together” Isaiah 1:18. Speaker: Rev. Dino L. Touthang, Executive Director, EFICOR KWS programme hman tur ah hian light refreshement tuihnai tak leh dinner a awm ang.

P-2

KAN CHHUNGKUA HMCF Retreat 2009 neih dan tur hetiang hian ruahmanna siam a ni ta: A hun: 30th October - 1st November, 2009 A hmun:Kanan Retreat Centre, Gatkesar. Speaker: Rev.Vanlaldika,UTC, Bangalore Kan Speaker Rev.Vanlaldika hi BCM pastor niin bial hrang hrang ah te rawngbawl in a awm hnu ah tunah hian UTC Bangalore-ah M.Th a zir leh mek a ni, tin, thusawi thiam tak a ni bawk. Amah tawiawm tur hian UTC Bangalore-a Pathian thu zirlai tho Rev.Lalrochama leh Rev.Lalthlamuana te an rawn kal tel dawn a ni. Retreat hlawhtling taka kan neih theih nan bang lovin in tawngtai thin ang u. HMCF NPS Leader Nl.V.Sawmveli(Nunui) chu tunkar nilaini(7 th Oct,’09) hian XXXV All India Sociological Conference, 10-12.October.2009 chhunga University Of Kashmir, Srinagar a neih tur a paper present turin kal dawn a tluang tak a tihtur te tha taka a tih theih nan duhsakna kan hlan e. Tunkar thawhlehni khan Pi Rebecca Lalbeiseiawmi w/o Pu Lalvuana, Hakimpet unaupa Pu Ngurliana fapa Hruaia (Kum 2) chu Rangvamual-ah vanduai thlak takin motorin a chil hlum. Khawhar chhungte kan tuar pui em em a ni. Kan member Nl.Loisy, English and Foreign Language University(EFLU) a zirlai chu a dam tha lova tunlai hian Yoshoda Hospital, Secunderabad ah medical check up nei mek, a dam that zel kan duhsak in kan tawngtaina ah kan hrereng dawn nia. Kan member leh missionary Tv. HZ Siama leh Nl. P.C Lalchhanhimi te thawhna Seva Bharat Mission chuan 8 th.October.2009(Ningani) hian an office building thar hawn na nei dawn. Seva Bharat hian Silver Jubilee lawmna hmang chhunzawm dawn a India hmun hrang hrang a rawngbawltu leh mi pawimawh te Hyderabad ah he hun hmanpui tur hian lo kal dawn. Programme tluang tak a an hman theih nan duhsak na kan hlan e. 2nd.October.’09(Zirtawpni) 2:30 P.M khan YMCA, Narayanaguda-ah HMA DAY ah hman a ni. Programme hlimawm tak in hman a ni a House hrang hrang ten Debate, Solo leh Arm Wrestling ah te intihsiakna neih a ni. Special programme hmuhnawm tak tak te neih a ni a zanriah kil ho a ni nghal bawk. Tv.Malcolm Lalhmingliana (JNTU, Kukatpally) leh Nl.K.Lalhmingliani (Univ of Hyderabad) te hnenah HMA Best Student Award 2009 hlan an ni. Tin, HMA Annual Sports ’09 a lawman te sem nghal a ni.

Published & Edited by Lalzarzoa for and on behalf of Hyderabad Mizo Christian Fellowship

Create PDF with PDF4U. If you wish to remove this line, please click here to purchase the full version