Gilead 18 October 2009

Volume No. VIII Issue No. 18

Hyderabad

Dt. 18 -October - 2009 (Pathianni)

NUNNA TUI KRISTA

-Lalhmangaihzuali, Tripura Tin, Isuan a chhanga a hnenah ‘Tupawh he tui in apiang an tuihal leh ang. Tu pawh an hnena ka pek tur tui in apiang erawh chu, kum khuain an tuihal leh tawh lovang. Keiin an hnena tui ka pek tur erawh chu an kawchhungah tuihna a lo awm ang a, chatuana nun thlengin a chik chho vang’. Johana 4:13-14

Khawvel ropuina leh finna te a sang chho zel a, in leh lo tha leh motor chhuak thar ber berte nen tual kan leng a, kan duh leh chak zawng apiang ei leh in thei in kan awm a. Tun lai thil changkang ber ber nen nun ka chen a, sum leh pai duh anga hman tur lah kan ngah bawk nen, hlimna zawngin kan in tlansiak a. A nuama kan rin apiang kan ti a, khawvel mithmuhah chuan hei lo liam. Mahse, i nun khua a har a, I hlimna chuan rei a daih thei lo tiraw? I nun tuihalna tireh turin I neih ro thilte kha engmah a ni lo ti raw? Hlimna leh lungawina famkim thlamuanna famkim chan I duh em? I nun tuihalna tireh theitu a awm a sin!! I sum leh pai i hausakna te chuan a chang chuan ti hlim thin bawk che mahse, vanduaina in i chungah thla a rawn zar a, mihringte dan rual loh thihna meuh i tawh ni phei chuan, sum leh pai in awmzia a nei tam lo. I lungngaihna hnemtu a tling zo tawh lo. ‘Lal Isuan’ “He tui in apiang an tuihal leh ang” a tih angin, lei malsawmna kan dawn Krista tel lova kan lo hlimpui thinte chuan kan nun tui halna a tireh thei lo a ni. . Tuifinriat-a lawnga zinte hi engvang in nge tui hala an thih fo thin? Enga ti nge tui tam tak awm reng si a, tuihala an thih thin? Tam tak awm mahse Tuifinriat tui chu a al tlat a, han in thin mahse an tui halna a ti reh thei chuang lova. An tui halna a zual zel a, Tuifinriat tui al tak chu in chungin tui halin an thi thin a ni. Awle, nang leh kei pawh hian kan thlarau nun tuihalna tih reh tumin Krista tel lovin hlimna kan zawng a. Nun kan chen a, mahse, hlimna tak tak kan chhar thei si lo. Nun hahchawlhna, Nun hlimna leh kan thlarau nun tuihalna tireh theitu kan mamawh a ni. Chu nun chu Lal Isua hnenah a awm a, chu chu kan dam nan, kan hlim nan leh kan nun nan a tawk a ni. Fur lai chauha Tuihna put thin chu Thal a lo nihin a kang chat a, chawi tur a awm lo leh mai thin ang hian, he khawvel Tuikhur chawitu te hi Thal khawrovin min nan a, kan tuihna te a kang chah hma hian Lal Isua min kawhhmuh chatuan nun thlenga kang ve lo tui chawi turin I inbuatsaih ang u.

Krista tellova hlimna. Krista tellova hausakna, ro sum leh paite hi chu a ral leh mai dawn. Chuvangin Lal Isua hi i pan thuai ang u. Sum leh pai tam tak senga hah chawlhna i lo zawn thin te kha kal san la, Samari hmeichhia-in a tuibel kalsan a, Lal Isua a pan ang hian i nun tuihalna chhawk theitu Isua hi pan ve rawh le, Sum leh pai a ngai lo “Tuihal apiang lo kal rawh se, a duh apiangin nunna tui hi a thlawnin la rawh se” a ti. I awm ang ang khan i nihna ang ang khan Pan mai rawh. Tichuan a nin chatuan pawha kang ve lo tur Tuihna thar duhawm tak chu alo pe ang che. I thlarau nun tuihal leh phurrit chawlhna zawnga vak vel thin hi a chawlh theih nan, “Tu pawh a tuihal chuan ka hnenah lo kal sela, in rawh se” ti tu Lal Isua hi pan mai rawh. Tu pawh a mah pantu chu Lal Isuan a hnar ngai si lo. Tun thleng hian a hnen i pan hun ala nghak reng a ni. I chhandamtu hi i pan don em? “Ka awm ang ang hian, ka sualna te zawng zawng nen Lalpa ka rawn pan che” tiin Lalpa hnen pan la, tichuan a nin chatuan pawha kang lo tur tui nung ngei chuan a lo chawm ang che. Krista Isuaah chuan Nun hahchawlhna tak tak i hmuha i chan theih nan Lalpan malsawm che rawh se.

Source: www.youthim.com

HMCF INKHAWM PROGRAMME 25th October 2009, 3:30 P.M. Chairman: Pu P.C Lalnghinglova Fellowship Programme: Petera Group Programme pawh Petera Group ten an rawn duang ang.

Create PDF with PDF4U. If you wish to remove this line, please click here to purchase the full version

GILEAD-Volume No.VIII Issue No. 18 Hyderabad, Dt. 18- Oct- 2009 (Pathianni) P-2

Editorial: Ringtute tan tawngtai hi a hlu ngawt mai. Mi

pakhat pawn kum tluanin Pathian hnena a tawngtai a a dil leh thlen zawng zawng te a ziak chhuak vek thin a, a kum leh kumthar ni a han ennawn meuh chuan a tawngtaina zawng zawng deuh thaw chu chhan a lo ni reng tawh tih a hrechhuak e an ti a, hei thil tak tak a ni. Keini pawh hian Pathian hnen a kan tawngtai hian a chhanna kan nghakhlel fo thin a ni. Pathian in kan tawngtaina te chawp leh chilhin min chhang thin a, a changin nikhat hnu ah te, a changing chawlhkar te a vei a, kum khat te pawh a rial thin a ni. A chang te phei chuan kum tam te pawh a chhanna tur in a rial thin a ni. Tawngtai chhanna kan hmuh hi kan tana tha thei tur ang berin a hun leh hmun Pathian in min ruat sak thin zawk a lo ni an tih hi a pawmawm ngawt mai! GILEAD BIBLE PUZZLE (18TH-Oct-’09)

Chhangtu Hming:……………………………………… Phone/e-mail:…………………………………………… Lawman 1-na Rs.50/-(1 ai a tam an awm in thumvawr a ni ang), Puzzle chhanna hi hemi copy chehthlak emaw mahni a plain paper a ziak chhuak in(table ang thlap in) emaw e-mail([email protected]) in kan dawng thei e. Thehluh hun tawp: Dt.25.10.’09.(4pm) thleng. A hnuaia ah hian Pathian in Israel fate Aigupta atanga ahruai chhuah dawna hmanrua a hman 10 dah a ni a, thai chhuak rawh le.

A

I

T

E

K

H

A

U

A

K

C

R

H

T

H

I

S

E

N

H

H

V

O

H

K

E

L

T

E

A

U

A

I

N

H

R

E

N

A

W

N

I

A

R

A

N

H

R

I

T

G

H

R

A

W

T

H

A

K

H

U

M

A

W

I

H

I

N

G

I

R

I

A

L

H

R

U

A

I

M

A

T

H

E

L

H

M

A

N

A

L

E

V

A

I

P

U

A

N

G

4th October Puzzle Chhanna1. Lalnate 2.Vantirhkoh 3.Saruakna 4.Khandaih 5.Hreawmna 6.Sanna 7.Thihna, 8.Nunna 9.Thukna 10.Tam. Lawman dawngtu: Tv.James Varte

KAN CHHUNGKUA Tv.H.Lalhruaitluanga(Mahruaia), Ph.D(Scholar) Dept. of Plant Science, University of Hyderabad chuan CSIR-UGC NET June 2009 Exam ah Lectureship a in ziak tling. Mahruaia hian M.Sc(Biotech) a tangin CSIR-UGC NET exam paper hi a attempt a, a hlawhtlinna hi kan lawmpuiin kan chhuang em em a ni. Kar hmasa lam tawh khan Tv.K.Denver, Secunderabad chu apa Pu K.Amon(MPS) dam loh na avangin Mizoram ah haw chhuak a, Denver-a Pa damlo tan tawngtaipui thin ang u. A dam that zel kan duhsak em em a ni. Pu H.Lalhrilmawia, Khatla Aizawl chu kal thlak(Kidney Transplant) turin Mahavir Hospital, Masab Tank-ah Pathianni hmasa khan CMC, Vellore atanga lo chhovin admit a ni. Tunah hian amah enkawl tura lo kal a nupui leh fanau te pawh Masab Tank area-ah In luah in an awm mek. Tin, Pu Hrila kal donor tur pawh vawiin hian Hyderabad a lo thlen beisei a ni. Hlawhtling taka kidney transplant an tih theih ngei kan duhsak e. Kan tawngtaina ah kan hrereng dawn nia. HMCF NPS Leader Nl.V.Sawmveli(Nunu-i) pawh Unversity of Kashmir, Srinagar a Sociological Conference-ah Paper Present tura a kal chu dam takin tunkar Ningani khan Hyderabad khawpui a rawn thleng leh ta. Naupang Sunday School lam pawh kan changtlung leh ta sawt mai. HMCF in Gospel Retreat neih tur atan inbuatsaihna a kal zel, tunah hian kan zai hruaitu ten Retreat chhunga hlasak tur mawi tak tak te an dap khawm mek a, zaihruaitu tur lam pawh an tang khawp mai. Member tam takin kan retreat neih tur hi tel hman ngei tumin an inbuatsaih mek bawk. Zirlai hostel a awm ten retreat kan tel duh vanga Hostel/Institution hotute dilna siam sak kan ngai dawn a nih chuan HMCF Chairman emaw Secretary te hnenah a hma thei ang ber a hriattir thuai nise. HMCF Executive committee member Pu Lalhruaitluanga Pachuau, Golconda Fort, chuan ph no. thar nei 8019990967 ah biak pawh theih e, tin, an nu Pi Matluangi pawn no thar hmang - 9493103629 a ni e. Vawiin ah hian: 1.HMCF in thlatin Pathian hnena Thawhlawm Ip kan pek thin lakkhawm ni a ni. Thawhlawm Ip hi Pu Samuela hnenah lam theih. 2. HMA hruaitu thlan thar ten Inkhawm ban hian hruaitu hlui te nen charge in hlan dawn. ##JOIN HYDLANDER-->SMS TO-->09219592195##

Published & Edited by Lalzarzoa for and on behalf of Hyderabad Mizo Christian Fellowship

Create PDF with PDF4U. If you wish to remove this line, please click here to purchase the full version