30 August. 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XIX Issue No 35

TUALCHHUNG DAMLO : Pu Lalnunzira Bara bazar damlohna avanga Mumbai a awm pawh, 28 Aug (Zirtawpni) khan a inzaina thuina phelh a ni a, a hnar atanga thil a eina pawh hemi ni hian an phelh, Chemotheraphy an ti dawn lova Radiation erawh an ti ang. Tv Ramherliana, Vanapa Section Treasurer chu hritlang awmna leh khawsik avangin a pawn chhuak peih meuh lova, In lamah enkawl mek a ni. Pu Vanlalthlana Royte, Dawrpui West chu Pancrease natna avangin Care Hospital-ah enkawl mek a ni. Pu M Councilthanga, Dawrpui West pawh Zunthlum leh Thisensang avangin Care Hospital-ah enkawl mek a ni bawk. B ORAL : Pu Vanalhruaia (VLA) Kum - 46 s/o Sailothanga Sailo Jail veng chu, 23 August (Pathianni) zing dar 9:45 khan thin thalo in a boral, hemi ni vek tlailam dar 3:00 khan vuiliam a ni Pu V.Lalliana (MUP President) New Market tupa Lalthansanga s/o Hauthuama chu 27 August (Ningani) khan Delhi ah a boral, hemi ni vek hian vuiliam a ni. MEMBER ZIN : Kan member Tv. Nelson Lalthanpuia leh Nl. Vanlaldiki Sailo Leprosy Zaipawl memberte chu Zoram pawn K|P meet hmangin Shillong-ah an thang mek. HNATLANG : Khua ten min bumro loh chuan September thla chhung hian Thlanmual thar hnatlang neih leh tum a ni a, hetah hian YMA Member zawng zawngte lo inring lawk tura hriattir kan ni e.

Dawrpui News

Kartin Chhuak Pathianni August 30, 2009

BRANCH YMA EXECUTIVE COMMITTEE VAWI - 8 NA NEIH A NI August 27, 2009 (Ningani) khan Branch YMA Executive Committee neih a ni a, thurel hrang hrang zingah veng mipui ten kan hriattur tlangpuite kan han tarlang e. Kumin kan Branch Rising day vawi 21 na, October 4 hman dan tur rel a niin, Pathianni te a nih avang leh kum danga kan hmanloh dan angin, sumseng tamlo zawnga hman nise. Rising Day denchhen hian vengchhung thenfai hnatlang 3 October (Inrinni) zing dar 6:30 atanga tanin Section tinten mahni Section huamchhung atanga rawn tanin a tawp ah Bungkawnah in tawhkhawmna neih nise, heng bakah hian Aizawl Civil Hospital ah Thuthleng panga (5) pek nise, Property Sub Committee ten lo buaipui se tih a ni. YMA General Conference 20 - 22 October 2009 a Darlawn a neih turah kan Branch chu kalve ngei nise, hmunkhata thlenkhawm ni bawkse, hemi lo buaipui tur hian Pu Lalhlimpuia Khiangte leh Pu Vanlalchungnunga leh Branch Secretaries te ruat an ni Chhiatni Fund chungchang ennawn a ni a, kumin ah kan vengah chhiat tawk kum dang aia kan tam deuh avangin kumtira chhiatni fund kan khawn in a daih lova, cheng engemawzat chawibelh a ni tawha, chuvangin vengchhung in tinah chhiatni Fund Rs. 100/- khawn leh nise, 14 September ah Section hruaituten mahni Section theuh ah khawn in September ni 30 hmain Branch Treasurer hnenah thehluh nise tih rel a ni bawk. Kum tir lamah khan Chhiatni Fund hi Vengchhung In tinah Rs.100 zela khawn tawh a ni a, heta kan sum hmuh zawng zawng hi Rs.59,884/- a ni a, kumin kum tir a\anga vawiin ni thlenga Chhiat ni bika kan sum hman tawh zat chu Rs.78,293/- a ni der tawh a ni. Heti a lo nih tak avang hian Committee chuan ngun takin a ngaihtuah a, inthlahrung tak chungin khawn leh mai chu a lo rel thlu ta a ni. Vengchhung chhung tinte tlawmngaih chhuah a lo thawh leh hram turin kan inngen a ni e. Vengchhung Tlangau Mike chungchang rel a niin, kum tira Tlangau Mike i/c ruat belh leh a ni a. Heng ruat tharte leh ruatsa te hian hma lo la se tih a ni Ruatsa : 1. Pu Chhawnkima Pachuau O.B i/c 2. Pu Vanlalbika O.B i/c 3. Pu Lalchhanhima Secy T.Sect 4.Pu Lalnunmawia Secy Vanapa 5. Pu David Remruata Secy CH.Sect 6. Pu Zoramthanga 7. Tv Lalropuia (Dusty) 8. Pu Ziakkima Pachuau 9. Pu Kapchhunga Pachuau Ruatbelh :1. Pu R.Lalrinmawia (RMA) 2. Pu R.Zaichhawnthanga 3. Pu H.Lalramliana 4. Pu PC Lianhmingthanga 5. Pu Rothuamliana Khawharina kan zai hruaina Bass Guiter hi duhthu a sam tawh loh avangin Pu Rosangliana (Pu Bagha) Hriatrengna atan Pu Vanlalchungnunga leh Pu Rosangliana (P&Sons) ten athara min thlak sak tur thu Committee ah an thlen.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

Vengchung mi nih hlutna Tunlaia khua/veng hrang hrang kal dana thil \ha tak chu Chhiatni Fund kan khawn \hin hi a ni. Chhungkaw khatin Rs. 100/- kan thawh hian chhiat kan han tawk a, kan buaipui ngai liah loin Kuang \ha tak, Bus etc. YMA ten min buaipui vek a, a hahdam thlak em em a ni. Kuang hi siam sa lei dawn chuan a hniam berah pawh Rs 1,000/ - lai a ni a, chhiatni fund kan thawh liam liam a\angin zangkhai takin kan kal thei hlawm a ni. Chhiatni Fund pe leh pe lo hi khaw \henkhat chuan a ngaipawimawh hle a, chhungkaw \henkhat ten thihna an tawk a, “chhiatni fund an pe em,” an ti hmasa kher \hin. Chu chuan khawtlangah an inhman leh hman loh pawh a hril nghal a ni. Dawrpui veng ngei hian an awmna venga chhiatni fund an pek duh \hin loh avanga an thih hnua buaipui tak rikngawt kan nei tawh nghe nghe a ni. Chuvangin kumin a chhiat kan tawh ngun tak em avanga Chhiatni Fund khawn nawn alo ngai ta hi chhungkaw tinten ngaihpawimawh a \ha ngawt mai. Pe ngei tur pawhin i inbuatsaih ang u.

MUP HRIATTIRNA Pathian Ni zing kalta a Pi Thanzingi ral tur tih kha rokhawlhna avangin thulh a ni a. A hnuai hun leh hmun ruatah hian ral tur a ni e. A hun : Ni 30.8.2009 A hmun : Pu Haudalla (L) In. Chairman : Pu V Valliana, President. Thuchah : Upa P. Lalluaia.

Ngaihdan BAWLH BAWM : Kan veng hmun \henkhatah bawlhhlawh paihna Trailer hun a ni a, a \angkai viau laiin, a paihtute lam an che duhdah deuh niin a lang. Bawlhhlawh tenawi a mawng lama tla a rut fai tel duh lova, tunah chuan a trailer body chan ve a thleng tawh hlawm a, paih fai lohva a awm rei tawh avangin a bul vela khawsa te tan a rim chhe hle mai. A chunglang chauh an paih reng chuan awmzia a awm lo hle ang. Kan khawtlang hruaitute hian a paih \hin tute hi hrilh hre thei se a lawmawm ngawt ang.

Pathianni

August 30, 2009

KAN THEN TAK

VANLALHRUAIA SAILO (1963-2009)

Vanlalhruaia Sailo (VLA) hi Pu Sailothanga Sailo leh Pi Vanhnuaithangi (L) te fa upa ber niin September 22, 1963 khan Civil Hospital, Aizawl-ah a lo piang a, an unau hi panga an ni. Kum 1980 khan HSLC II Div. ah a pass. Pachhunga University College a\angin PU leh BA a zo leh a ni. March 6, 1987 khan PWD ah LDC hna thawkin, June 28, 1995 khan UDC ah kaisangin Tlabung Div. ah dah a ni a, hemi hnu hian Chief Engineer Office-ah hian sawn leh a ni a, he hna hi a thihni thleng hian a chelh a ni. May 12, 1995 khan Zonuntluangi D/o Chawngchhing (L), Mission Vengthlang nen inneiin fa 3 an nei. VLA hi a tleirawl chhuah hlim a\angin a phak ang tawk tawkah K|P leh Kohhran a mi \angkai tak a ni a, a mah hi zai lam ngaina mi tak a nih avangin hmun hrang hrangah zaia rawngbawlna te an nei \hin. Sunday School Zirtirtu pawh hun engemaw chen chu a lo ni ve tawh a ni. A nat dan : Mahni tawka hrisel \ha tak nia kan hriat laiin, kum 2007 January thla khan a pum lam felloh avangin Care Hospital-ah Admit a ni a, hun engemaw chen enkawl a nih hnuah mak tak maiin Pathian tihdamna a chang a, amah pawh a hlimin Pathianah lawmna nasa tak a nei a ni. Chumi hnuah a natna hian tlakbuak lehin Care Hospital-ah bawk admit leh a ni a, heta\ang hian \hat tak tak nei hlei thei lovin vawi tam tak Damdawi Inah dah luh a ni. Nikum 2008 October thla vel a\ang phei kha chuan pawn pawh chhuak peih meuh lovin In lamah nen theihtawpa enkawl a ni. Tuarchhel tak leh intih harh tum tlat mi a nih avangin a natna hi pachang takin ding chung pawhin a tuar hram hram thei zel a. Amaherawhchu a natna hi a nat em avangin kumin January thla a\ang khan thla tin Damdawi Inah admit a ni ta a, \hat chhuah lam pan hlei thei lovin In lamah enkawl tura lakchhuah a ni a, hun rei tak enkawl a nih hnuin tukin zing dar 9:45 khan min lo peih loh san ta a ni.

V.C. Hriatirna Family Ration Card thar buatsaih mek chu peih a ni dawn tawh a. Tunkar lo awm tur Nilaini/Ningani bawrah sem chhuah hman beisei a ni. Tlangau a\anga inhriattir leh a ni ang. Bawlhhlawh paihna Carbage Trailer-ah hian Bawlhhlawh pangngai bak paih phal a ni lova. Insakna bungrua , lungnawi etc. paihlui hriat leh man an nih chuan Village Council Court dan dinglai anga an chungah hremna lek a ni ang. Mipuite he thu hi ngaipawimawh ngei turin kan inngen e. Tin, vengchung in tinte mahni bawlhhlawh a paihna hmun dik taka paih \hin turin kan inngen nawn leh a, Trailer chhungah chauh paih tur a ni. Sd/ Secretary, Dawrpui VC

3

Dawrpui

News

Kartin chhuak

Pathianni

August 30, 2009

LAWMTHU

HRISELNA ALLERGY - Dr. Thangchungnunga Allergy (thil huat neih) hi mizo tawnga a tlukpui a awm loh avangin Allergy tih hi kan hmang mizo ta ni berin ka hria a. Chuvangin Allergy kan ti mai ang a. Thil ei leh in te, damdawi te huat ngah em em ho hi allergy nei an ni a, he allergy hi taksaa protine chikhatin a siam a ni a, kan genetic chain (inthlah chhawnna) -ah pawh hian a tel ve zel a,. Chuvangin allergy nei dinhmun hi hriat chian a tha. Allergy i nei a nih chuan heng damdawi sulfa, cillin, chi ho reng reng hi haw turah inngaih a tha. Tin, ruhseh an vei duh a, asthma te, sinus (sinusitis) te an vei hma bikin vei thei dinhmunah an ding reng tih hriat tur. Allergy hi phai lamah pawh test-na chu a awm a, mahse enge i huat ber tih hi test sen pawh a ni lo. Boruak a vaivut leng te, lazam te, boruak inthlak te, chawhmeh rimdang deuh te, sawisen a ni lo. Chuvangin fimkhur a chet thianghlim te, kuhva, vaihlo, sahdah etc te tihve loh a tha. A tihdamna tak tak a awm lo. Inthlah chhawn theih a nih vangin mahni inhriatchian a ngai a ni ber e.

THLANMUAL - Dr. Thangchungnunga

Kan fapa Vanlalhruaia (VLA) min boralsan chungchangah Dawrpui Khawtlang leh YMA, MHIP leh min hmangaihtu mi hrang hrangte chungah a hmasain lawmthu kan sawi a. Chubakah a damloh chhung zawng zawnga theihtawp chhuaha min buaipuitu Doctor, Nurse te leh \henrual \ha a taksa leh thlarau damna atana \hahnemngai taka min \awng\ai saktu Kohhran leh mimal chhungkuate chungah te, thilpek leh tha tam tak sengtute zawng zawng chungah kan lawm takzet a ni. Tin, a boral hnuah a \ul apianga kan mualpho hlauva min buaipui tute zawng zawng chungahte, a kuang mawi taka min cheisak tute, kan duhna lai taka a thlan hmun min petute chungah te, tun thlenga kan khawhar hauva min lenpui tute zawng zawng chungahte kan thinlung takin lawmthu kan sawi takzet a, in mi hmangaihna zawng zawng kan rul seng dawn lo che u a, Pathianin a let tam takin a rul ang che u tih kan beiseiin kan \awng\aina a ni. In khawngaihna dawngtu Sailothanga Sailo te chhung Dawrpui, Jail veng.

CHHIATNI FUND

Thlanmual Committee ten engtin nge an rel chu ka hre lo a, duhdan lo sawi ve mai mai hi tuten emaw an haw lo ang Kumin 2009 hian rin loh leh beisei loh takin chu maw. Thlanmual thar hman dan tur hi felfai taka ruahman vengchhungin chhiat kan tawk ngun ta hle mai a. Dawrpui lawk a kum 50 piahlam enzawn a plan tha in ka hre ve a, vengchhung mi, Dawrpui thlanmuala phum hi mi 26 vel duhthusam chuan zu zuar ru lo tur Gorkhali chhungkua bawng (hlamzuih telin) an awm a, ruangchhuak Kuang kan siam mi vulh chokidar ah dah thei ila, a hlawh chu thawhlawm khawn 5 vel an awm bawk. mai tur a ni a, englai pawhin thlan laihsa pathum tal awm reng Hetiang kan nih avang hian kumtira Chhiatni Fund in se la, a thuk lam pawh feet sawm tal ni se. Thlan pahnih tina kan khawn chuan min daih lo nasa ta hle mai a. inngheng hi chhungkaw khat tan riruat i la. feet sawma thuk ah Vengchhungah chhiat tawk kan awm hian kuang, Bus, chuan kuang pali chu tha takin kan chherchhuan thei dawn a. Sawhchiar leh a bawlhhlo leh \uldang zawng zawng hi Chhiatni Ka Nu a boral khan kan naupang ber thlan an lai nawn leh a a Fund a\anga sum hi hman a ni \hin. kung chungah kan zu dah leh mai a khawhar chhungte tan Hetiang hi kan dinmhmun a nih tak avangin Branch pawh a tha in ka hria a, rilru natna tur awm ka hre lo. Executive Committee chuan inthlahrung tak chungin “Chiatni Hman lai angin khau khurh te kan ti ta lo a,( khau khurh Fund” hi intinah Rs. 100/- (cheng za) khawn leh mai nise hman dan pawh hi hre lo kan awm tam ta hle in ka hria) kan hriat tiin a rel ta a ni. Chhung tinte kan dinhmun hrerengin Section ve phak 1968 atanga 1970 thleng kha chuan thlanmual ah chuan hruaituten an rawn khawn hunah phal taka lo pe \heuh turin kan la hmang a. Kuang tello a dap a an tuam pawh vawikhat kan inngen a ni. Tunah hian kuang tur thingphel engemaw zat chu ka hmu ve pha a. Thlan kan laih hian a thuk tawk kan laih chu lei kan ngai mek bawk a ni. hnu ah mithi ruang leng tawk ( kuang a nih chuan kuang leng tawk) ina bang kha kan kher khuar leh a, vui dawnah chuan a Sd/- Secretary, bang kil chhungah a awm deih a nih chu.Leivungin a chiah piah YMA Dawrpui Branch. loh nan thing tuai tam deuh an tlar phei a ( thalai thi ah chuan lungphek kan pu thin) lei kan vur pawhin a vungin ava chiahbuai ta lo a, hei hi khau khurh leh a hman dan chu a ni. DAWRPUI WEST WELFARE Tin, 1970 khan ka thianpa nen kum 40/50 vel ah chuan thingzai a vang awm si tiin km 1 a hla mi Pang kung kan va COMMITTEE HRIATTIRNA zawng chhuak a, tunah hian barrel tiah vel a ni tawh a kum 20 Hnatlang neih mai tura ruahman lawk tawh, te a kal leh chuan kuang tam fe daih tur chu a zai theih ngei venghhungin chhiat kan tawh avanga kan \hulh tak chu ang. Chuvangin Pang thing te hi ching hnem i la, evergreen September 5, 2009 (Inrinni) hian neih tur a ni a, Dawrpui deuh tur thang duh si lamkhuang te, zai tur char thing tiak te West huamchhunga chhung tin a\angin mi pakhat tal tel tura phun tam i la tha in ka ring a. YMA inthlan a la lai tho dawn hriattir kan ni e. anih erawh chuan thing hlim tha Rihnim te pawh phun tam i la Sd/a tha hle ang. Secretary, DWWC

4

Dawrpui

News

INFIAMNA

Kartin chhuak

August 30, 2009

Pathianni

- SKA

YOSSI BENAYOUN Position: Midfielder Date of Birth: 05/05/1980, Dimona, Israel International caps: 72 / goals: 19 Clubs: Hapoel Be’er Sheva, Maccabi Haifa, Racing Santander, West Ham United, Liverpool FC. Season liamta a Licverpool chakna thahrui pawimawh berte zinga chhiar hmaih theih hauh loh chu he Israeli footballer hi a ni. Striker hnunga duhtawka an tal hi chuan defendfer tam tak tan chuan a taksa tet ang aia zuam sual awl tak ani tih an hre chiang hle. English Premier league a Israeli player tlemte zinga langsar ber Yossi Benayoun hi an ram ah chuan a lar vet vet hle.Vanduaithlak takin an ram hi International Tourney ah la tlinpui lo mahse tunah hian captain mawhphurhna vuanin WC lo awmtur hi fans tam tak chuan an thlir nasa tawh hle. A football career chu an ram club Hapoel Be’er Sheva, an chenna atanga kilometre 30 ah tan in, Europe club zinga hnuhma nei lian tak Ajax chuan kum 15 mi chauh a nih laiin a talent thatzia hmuin Ajax Academy ah an lalut a mahse a lungleng lutukin season khat chiah Holland ah hian awmin an khaw club Hapoel a zawm leh nge nge a ni. A chevel a hmuhnawmin a ran em avanga ‘The Kid’ tih a koh hian kum 1997 khan Hapoel club senior team ah lut chhovin goal 15 ngawt a thun nghal. Mahse a khelhna club hi division hniam lamah a tla a, ani pawh club lian zawk Maccabi Haifa lam a pan ta ani. Foreign club tam tak ten an duhthu sawi mahse a club tan rinawm takin a khel a ni. kum 1999-2000 khan goal 19 thunin 2nd top scorer a ni pha hial. Kum 1998 November thla ah kum 18 anih in ram tana a khelh hmasakna ber ah Portugal a hmachhawn a ni. A taima in a bei ngawrh bawk a Israeli footballer zinga hriathlawh ber rawn ni chhovin Kum 2000-01 ah Maccabi Haifa chu kum 7 chhunga an title hmasaber lakpuiin hemi season vek hian League best player atan thlan ani zui nghe nghe.Season 4 a hman chhung hian vawi 130 khelin goal 55 a thun. Hemi hnu hian Spain ah kalin Racing Santander tan a khel.Spanish La Liga ah hian season 3 chhung awmin game 101 ah goal 21 a thun. 2005 Nipui lai khan £2.5million in Premier league club West Ham chuan an la lut a ni. Premier League a inbengbel tur hian hunrei a hmang lo, reilote hnuah right-sided midfielders thaber pawl ah a rawn invawrhchhuak a ni. 2005-06 ah khan coach Alan Pardew a hnuaiah goal 5 thunin league ah 9-na a nih pui ani. West Ham atang hian Liverpool ah insawnin a game hmasaber ah Toulouse (15 August 07) chu UCL ah a hmachhawn a ni. Reds tan hian player tangkai tak niin striker te hnungdawltu niin attacking football hmuhnawm tak phochhuak thin tu niin 2007 November ah khan Champions League group stages ah Besiktas lamah hat-trick a siam nghe nghe.Anfield ah hian a kum khatna ah goal 11 a thun. Season liamta kha a khel tha hle a team chakna thahrui pawimawh ber te zinga mi niin Reds Boss Rafa Benitez pawhin a ring hle match pawimawh ah phei chuan a tel loh a langsar hle.

PRESBYTERIAN Aug 30, 2009

PATHIANNI

|antu

Sunday School : Pi Hrangnghilhlovi, B - IV

|antu Thusawitu

Chhun Inkhawm : Tv. R. Lalsangliana, Missionary Trainee : Pi Runremsangi, Missionary Trainee

Thusawitu

Zan Inkhawm : Pu Vanlalzawma Khiangte, Missionary Trainee

K|P August 30, 2009 |awngtai Inkhawm A hmun : Fellowship Hall Hruaitu : Nl. R Lasangpuii, Uriela Gr. |antu : Nl. Lalrinchhani, Gabriela Group. Thusawi tawi : Nl. Zorinpuii, Committee Member Naktuk Aug 31, 2009 Thawh\anni zan hi Kohhran Ramthar Ni Programme a nih avangin KTP hunruat a ni lo. Dawrpui Kohran mi 20 vel chu Ramthar Ni denchhenin Bahadur Gram (Silchar bul)-ah Gospel Crusade nei turin nimin (Aug 29) khan an kal.Sept 1, 2009 (Thawhlehni) hian an lo kir leh ang.

SALVATION ARMY TAWNGTAI INKHAWM (29.08.09) Hruaitu Thusawitu

: Tv. Nelson Lalthanpuia : Pu K. Rothanga VS

THIANGHLIMNA INKHAWM SALVATION ARMY(30.08.09) Hruaitu Thusawitu

: Maj. Vanlalhuma CO : Maj. Sangchhunga DC

PUITLING SUNDAY BIBLE SCHOOL Hruaitu Zirlai

: Pi Lalhlupuii Hnamte : 26-na ‘ Chibai Bukna’ & 27-na ‘ Thlarau lam malsawmna’ CHHANDAMNA INKHAWM

Hruaitu Thusawitu

: Pi Laltanpuii CG : Pu Vanlaltluanga

SAY HUNRUATNA THAWHTAN ZAN INKHAWM (31.08.09) Hruaitu : Nl. G. Laldinthari Thusawitu : Lalhruaizela, MASACS Hemi zan hian ‘Correct Information on Sexuality’ chungchang zir a ni ang. Member ten ngaihpawimawh tur. Inkhawm vek tum tur a ni.

Published by Y.M.A., Dawrpui Branch, Printed at G.S. Offset Printers, Treasury Square