28, June

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XVIII Issue No 26

TUALCHHUNG B ORAL : June 25, 2009

(Ningani) zan dar 8:12 khan Pu C. Lalrinmawia (Valtea) s/o Mankunga (Upa) Zion Street chu Green Wood Hospital, Bawngkawnah Chuap TB avangin a boral a, a tukah ropui taka vui liam a ni. DAMLO : Pu J. Damhuala, Jail Veng (T. Sect.) chu a Kawngna avangin Gauhati lamah June 24, 2009 (Nilaini) khan in enkawl tura kalpui a ni. Pi Lalrinmawii (Ma-i) w/o Zoremmawia, Dawrpui South (Ch. Sect.) chu June 22, 2009 (Thawh\anni) khan Durtlang Hospital-ah zai a ni a, nimin khan an lo chhuak tura beisei an ni. Pi Zothanpuii w/o R. Zaichhawnthanga, New Market (V. Sect.) chu naktuk June 29, 2009 Thawh\anni hian Civil Hospital-ah zai a ni dawn. (Damlo ten Pathian zarah damna \ha tak an chan zel kan duhsak e.) PASS THAR : Tv. Lalrinawma (Lalrawma) s/o Dr. C. Zarzoliana, Zion Street (V. Sect.) chuan \ha takin BA a pass thar a, kan lawmpui e. Tv. Lalchhanchuaha s/o Lalfakawma, New Market (V. Sect.) pawhin Matrict \ha takin a pass thar bawk. Nl. Lalruatpuii d/o Varlungmuana, Dawrpui West (Ch. Sect.) pawhin \ha takin BA a pass thar bawk. INTHLANG : June 25, 2009 (Ningani) zan khan Dawrpui West Welfare Committee hruaitu thar tur Pu H. Dingluaia te inah thlan a ni a. Member 60 vel zet kalkhawmin mi 6 an thlang chhuak a, hengte hian chanvo an la insiam rem leh dawn a ni. DAWRPUI NILO : Tunkar chho a tualchhung chanchinbu \henkhata Charly-a inti in hnamdang Sumo Driver kut a thlak chungchang lo lang, Dawrpui Veng mi inchhal chu Police ten man tawhin amah hi Dinthar veng a ni, tih a inpuang a, chanchinbute pawh hian tih dikna an chhuah hlawm a, a lawmawm khawp mai.

Dawrpui News

Kartin Chhuak

Pathianni June 28, 2009

MAWHPHURHNA HRIATTHAR Pathian kaihruaina zarah kum 2009 a chanve kan lo thleng leh ta reng mai a! Dawrpui khawtlang pawhin hmasawnna chi hrang hrang nen hun kan hman laiin a leh lamah chhiatna in kum dang zawng aiin min bawm emaw tih mai turin khawtlangin chhiat kan tawk ngun ta malh malh hle mai. Hun kal tawh a kum khat chhunga mitthi 12 kan neih khan tam kan to \hin a, kumin kum chanve kan hman mek hian mi 16 vel zet kan lo vuiliam ta a ni. Kawng hrang hranga kan mawhphurhna te \ha takin kan hlen a, kawng \hen khatah infuih reng kan ngai bawk a. Engpawhnise, Pathian zarah kan khawtlang kawng tin rengah kan la tluang rih a, lawmawmah ngai ila. He kum chanve kan lo thlen hian hma kan sawn zel theih nan Branch Executive Committee-in mawhphurhna hrang hrang a siamte hi mahni \heuh inenlet in ilo bih nawn leh ila; kan mawhphurhna \heuh i hre thar leh ang u. KUANGSIAM i/c : Convener : Pu Lalrammuana ( Branch Finance Secretary ) Members : Pu Malthantluanga, Pu Lalkhumtira, Pu K.Rothanga,Pu Zaikhuma, Pu P.C Lalchhandama, Pu Roengliana, Pu Johana,Pu Ramsiama, PuL.B Mawia, PuLalrohlua, Pu K.L Zamvela, Pu H.Malsawma, Pu Vanlalhuala, Pu Rochungnunga, Pu Vanthangpuia, Pu Lalduhawma Zadeng, Pu R.Lianchhawna, Pu Thangthuama, Pu Zadingluaia, Pu Laldailova, Pu Chhawla MOTOR NGAIHTUAHTU TURT E TURTE Convener : Pu Chhawnkima Pachuau ( Branch President ) Members : Pu Rothuamliana, Pu Baby Zoengsanga, Pu Andrew Zothansanga, Pu Rinsanga (P&Sons), PuThansanga (Hauva&Sons), Pu Sangliankhuma, Pu R. Zachhawna, Pu H. Dingluaia, Pu Romuana, Pu Vanlalchungnunga, Pu Lalrammuana, Pu Rosangliana(Masanga ), Pu Malthantluanga, Pu P.C Thanhawla, Pu Lalhmingliana (Ell Zet ) ZAI HRUAITU ( LENGKHAWM ) Convener : Dr C.Zarzoliana ( Senior Adviser ) O.B i/c : Pu VR Hmachhuana ( Branch Asstt Secretary ) Pu R.S Thanga, Pu Kapchhunga Pachuau, Pu C.Pazawna, Pu H.Lalramliana, Pu P.C Lianhmingthanga (CH.Sec), Pu C.Lalbiakmawia, Pu P.C Zohmingthanga, Pu H.Thanmawia, Pu R. Zaichhawnthanga, Pu R.Lalbiakdika, Pu R.Zoliana, Pu Sailothanga Sailo, Tv F.Lalremruata, Pu R. Chhawnkima, Pu K.L Zamvela, Pu V.Lalawia MITTHI THING i/c O.B i/c : Pu Lalrammuana ( Branch Finance Secretary ) Taitesena Section :Pu H.Lalchhanhima Vanapa Section : Pu Lalnunmawia (Mawia) Chawngbawla Section : Pu David Remruata ZUALKO i/c : Pu Lalhlimpuia Khiangte,Pu Kapchhunga Pachuau, Pu MS Dawngliana (Nanoa), Pu Vanlalchungnunga, Pu Kapchhunga Pachuau, Pu Rochungnunga, Tv Lalrinsanga(Asanga), Pu Zoremmawia, Pu Ziakkima Pachuau, Tv Isaac Laldinthara THLANMUAL i/c : Convener : Pu H.Dingluaia ( Branch Branch Treasurer ) Members : Pu Malsawmdawngliana, Tv Zonunsanga, Pu V.Mankunga,Tv Lallungmuana,Pu Zorama,Pu H.Lalchhanhima, Pu C.Lalsawivela,Pu Lalremkima,Pu Romuana, Dika c/o P&Sons, Pu Vanlalchungnunga,Pu Lalhlimpuia Khiangte

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

ZONUN ZEMAWI Tun kum tangin YMA in kumpuan kan neih tak loh avangin Central YMA chuan Branch hrang hrangah zonun zemawi uar taka in zirtir turin min chaha zonun zemawi hi YMA huangchhunga mite hian nun zemawi kan lantir hmasak phawt angai niin alanga. YMA a chanvo leh mawhphurhna nei zawng zawngte phei chuan chu nun zemawi chu lantir ringawt pawh duhtawk lovin ti bawrhbang thei thil chu huaisen taka kan do tur niin alang bawk. Zonun zemawi lan chhuah thinna langsar zual pasarih te leh kan khawsak phunga kan hmuh hnaivaite deuh deuh te chu han tarlang ila. Chhiatni thatni ah, rikrum chhiattawhnaah, tlawmngaih tul hun hrang hrangah, taimak leh intodelh kawngah, mahni inthunun danah, sual huat kawngah leh induhsak leh inzah tawnna ah te leh heng bakah hian sawi tur tam tak a awm, kan sawi seng vek kher lovang, chuvangin Zonun zemawi hi vawngnung zel turin tan ila sauh sauh ang u

NGAIHDAN HUANG RATION CARD : Tunlaia RATION CARD siam thar tur buaipui mek hi fimkhur ava \ha em! Veng \henkhatah chuan Burma mi, awmnghet tawh Ration Card nei ten Burma mi, an duh duh an chhungkua member-ah an thun tel tih a awm a, kan vengah chuan i ti ve lo vang u. Fimkhura UI BAWK: Tunlai hian Jail Vengah Ui, ama tan leh a neitu tan pawha ninawm khawpa bauh \hin a awm a, ala bauh chhunzawm zel dawn a nih chuan... Chanchinbu-a “Ran khuahkhirh” hi ngaipawimawh tlang ila - Laltea |AN LA SE : Kan VC te hi an \ha em em ka tih laiin duhkhawp lohna ka la nei- Tui kan harsa em em reng mai hi hma han la teh se, Sorkara thuchhuak a, tui harsatna a awm mek lai hian veng \henkhatah chuan an haw huau huau \hin an ti. Tin, Gas hi tun aia felfai zawk leh zing zawka sem a nih - Pi Thani theih nan hma han la leh deuh teh se... TUI FAR: Bara Bazar pheia in chung atanga tui far tam lutuk hi kalkawnga kalte tan a hrehawmin veng a ti mawilo hle bawk chuvangin khawtlang hruaituten enfel ran a - Laltea va tha em....

ADVERTISEMENT Dawrpui News ah hian advertisement man chawiin vawi khat tihchhuahah Rs, 50/- zel chawiin a tih theih reng a, Dawrpui news hi zirtawp zan apiangin YMA information centre bazar bungkawnah chhut thin a ni, sumdawng leh mimal advertisement ti duh tan a chunga hmun tarlan ah hian pek thin tur a ni e

Pathianni

June 28, 2009

KAN THEN TAK

C. Lalrinmawia (Valtea) 1967 - 2009 Pu C. Lalrinmawia (Valtea) hi Upa Mankunga leh Pi Laithuami te fa upa ber dawttu a ni a, kum 1967, June ni 1 khan Aizawl Civil Hospital-ah a lo piang a.Pu C. Lalrinmawia hi mi zaidam, fiamthu thiam leh rualpawl thiam tak a ni. Mi khawngaihthei tak a ni a, an in chhunga lo leng lut, tute pawh tha taka lo dawngsawng \hin mi a ni. Mi thilphal tak a ni a, a neihchhun ngawih ngawih pawh a mamawh zawkte tana ui lova pe phal zel mi a ni bawk.Kum 2003, July 24 khan C. Lalnuntluangi d/o Pu Hranghrima (L), Republic Veng nen Dawrpui Presbyterian Kohhran Biak Inah inneiin fa pahnih an nei a ni. Kum 1973-ah R.B. School atanga kal tanin, Aizawl College atangin B.A a zo a ni.B.A a zawh hnu hian Republic High School-ah hun engemaw chen zirtirtu hna a thawk a. Kum 1993 khan Mizofed-ah Manager hna a zawm a, 1996-ah he hna hi a bansan a, Upper Bazar-ah hun rei vak lo damdawi dawr a enkawl leh a ni. A phak tawk ang angin Kohhran lamah pawh a inhmang ve thin a. Amah hi music lama tuimi leh thiam tak a ni a, musical instruments chi hrang hrang hi a khawih thiam deuh vek tih theih a ni. Mizoram Synod-in P.S. Chawngthu kaihhruaia violin zirna a buatsaihah khan zirchhuak hmasa berte zinga mi a ni bawk a ni. Soldier For Christ leh Raphaels Ministry rawngbawlnaah pawh thahnemngai takin a inhmang ve thin a. June 12, 2009 khan thawhah avangin Greenwood Hospital-ah dah luh a ni a. Doctor ten investigation an tih hnuah Chuap TB leh mitliam a nei tih hmuhchhuah a ni a. A natna hi tawngtaina nen chhel takin a tuar fan fan a, tha chhuak leh mai tura kan beisei laiin rin loh takin June 25, 2009 chawhnu lam atang khan a chau zual a, zan dar 8:12 khan, “Ka chawl hahdam tawh dawn”, tiin chatuan ram a lo pan ta a ni.

LAWMTHU SAWINA Kan pa Pu Vanlalruata (L) kum-57 in min boral san chungchangah vengchhung mipuiten min tawrhpuina leh min \awiawmna zawng zawngah thinlung takin lawmthu kan sawi a. Kawng engkima engmah kan ngaihtuah buai ve ngai lova min buaipuina te kha kan theihnghilh ngai lovang. Heng min khawngaihna leh min lainatna zawng zawng hi keini chhung chuan kan rulseng ngai dawn lo che u a, Pathianin a let tamtakin rul che u rawh se tih hi kan \awng\aina a ni e. In khawngaihna dawngtu, Lalripari w/o Vanlalruata (L) leh a chhungte, New Market

3

Dawrpui

News

Kartin chhuak

www.dawrpuiveng.com Dawrpui News a thuchhuah teinternet kaltlanga comment kan dawnte INCHEINA ( Vanhmingliana) Pezo : Tunlaia ka ngaimawh deuh mai chu - Inneih Inkhawma (a bikin Biak Inah) hmeichhe thenkhat incheina hi. Fashion show vela tel tur ang khawpa an rawn inkhawm mai thrin hi a zialo ka ti hle. Biak In pawn lam, khawi lai Club vela a Reception-a hak tur awm tak tak Biak Ina an rawn pho lang \hin hi ka vei ve riau... Orthodox deuh tlut teh ang. (LOL) Bja : A sentence tawp ber hi ka thlawp tlat 'Kan thawmhnaw tur dik tak kan inbel hian kan inhmeh ber!'....nia...nalh keng kung ang chu ooo!!! (ngaih kawih theih ve) Dik a lawm, incheina hi chu Fashion a nih loh chuan Dress a ni tlangpui, i sim tawh teh ang u. A_es : Thawhchhuah nei mang si lovina manto ber ber kan hakte hian, nalh tih aiin mite nuihzat kan hlawh duh mah zawk, a dik khop mai. Thawhchhuah nei lo lo hi a ngam huai2 chu an la ni ta deuh2 a. 'Kristian kan ni' kan intih si chuan inchei dan tawk chu kan thiam turah ka ngai. Inneihnaa Biak in chhunga hmeichhe thenkhat inchei uchuak deuhte hi chu an ngaimohawm khop ta mai. Mipa hi chu kan inchei ber chuan kawrchung hak bak a awm ltk lem lova, thenkhat uchuak deuh lo awm zeuh chu awm mahse. Nia adik alom...'Mitinin mahni duh dan dana inchei theihna right kan nei, mahse kan inhmeh vek lem lo. Sam phiar chungchang Bible-in a sawi tum poh kan lo hriat phah a, a lawmawm e Pu Taua. THLANMUAL THAR Pezo : Thlanmual in nei hla ve dawn hle mai. Keini pawh hian kan nei hla trauh trauh khawp mai... Mahse kan ram leilungin a daih tawh miau loh chuan a buaithlak duh hle. Tuna kan neih mek hi zo leh ta se, thlanmual dang kan ngaihtuah ang nge? Ruang inpaih (dispose) dan dan kan ngaihtuah chhuak tawh zawk ang aw? A ropui hle mai. Mizo nih chu a nuam thrin teh e. Mi inphalte Pathianin min pe zel hi a khawsak harsa zawkte tan malsawmna a ni. Tun ang huna hmun hnai tea ram lei tur in la hmu pawh hi in vannei kher mai. burgerstud2005 ::Nuai khat kum khat pung chu 10000 maw...ka ta lo puk ve se..Bank a dah ai chuan a la hlok te ti mai ila... Bja : Nia, nakin ah chuan 'Dawrpui Vengin Thlanmual thar Saiha bulah kan nei ta' kan ti ang tih hi a sawi theih loh. Ka rilru a awm mai mai chu chhungtin hian thlanmual ah hian hmun bik nei i la. Thuk tak Feet 20 vel hian lai i la, chuan chu thlan hmang tur chuan Chhungkaw member a in register te tan chauh a hman tur ni se, a chhawng hian inphum ta mai i la....te ka tia... A_es : Hetia thlanmual thar hmun tha tak vengin kan han nei ta mai hi a lawmawm hle a ni, hmalatu hruaitute leh sum leh pai thawhtu leh min puktirtute an fakawm e! MIT (Dr.Thangchungnunga) htta : Hriselna huang hi in ti thakhawp mai, chhiar a manhla hle mai. chhangte_II : Mit hi a pawimawh ve riau. A bik takin tunlai Mizote hian hmanlai anglo takin 'Sahriak/Tel' an hmang tam mah mahin ka hria. Vaiho mawl lai ang mai khan chhungkua pakhatin litre 2-te thlakhatah zu hmang theia - Vaiho lah hian an hmang tlem tawlh tawlh a. Eitam loh a tha, tin thlai-ah pawh a kha lampang hi eitam a thain ka hria. burgerstud2005 : Last para khi a tha hle..tlem te ei thang ila a tha..puar luah renga awm hi pum a nuam lo el ul duh. dada : hriselna huang hi update tha lehzual ula a van tangkai dawn tak em.. A_es : Dr. TC-a zarah man chawi ngai lova a thiamna leh hriatna te ui lova kan tana thu thra tak2 leh hriselna atana poimoh tak2 chhiar mai theihna a awm hi a lawmawm thin

Pathianni

HRISELNA

June 28, 2009 VIRUS - Dr. Thangchungnunga

Natna chi hrang hrang, bacteria, fungus te bakah virus hi thlur bing ta ila. Mawl takin sawi ila, hrileng tlanglawn tam ber hi virus vang a ni deuh vek a. Heng AIDS/ HIV te, hepatitis, influenza, khawsik, awmna, hritlang, polio, Japanese, encephalitis, bird flu leh tuna hri leng, Swine flu (vawk hri) te, ui hri te reng reng hi virus vang vek an ni a, a damdawi a awm lo vek. Chuvang chuan heng laka invenna awm chhun chu, ruih theih thil leh zuk leh hmuam a fihlima, fit \eng\awng nih a ngai a ni. Tunah phei chuan Swine flu (vawk hri) a leng mek a, lo hlauh vak pawh awmzia a awm lo. Mihring leh mihring inthawkkhuma inkaichhawn a ni a. Nikhatah hian natna hrik engemaw zat kan hip lut reng a ; TB hrikte pawh kan taksa hian a lo hmet hlum zel a, kan dam mai mai a ni ber. Bible in thianghlim tura min tih hi zawm ila, kan damtlang ang. Heng hri leng mai mai hlau lo tur hian rinna leh hriselna i nei tawk em? VIRUS DAMDAWI A AWM LO. Nakinah phei chuan pulh puk pukna virus hrik avang hian a lo la kal tam telh telh dawn. I hriat tur chu, hritlang hi virus vang a ni a, damdawi eiin enkawl la, ni sarihah a dam ang a, engmah pe lovin awm tir la karkhatah a dam ang. Hei hian a entir chu - HIV, Bird flu, Swine flu-te hi lo hlau viau suh, “I sirah sang an tlu anga, i ding lamah sing an tlu bawk ang, nimahsela nang chu a hnaih lovang che.......” I ring ngam ang em le?

MUP HRIATTIRNA A hnuaia hmun leh hun ruatah hian kan member pui Rev. H. Zalawma’n hun lo taka chatuan ram min pan san tak avangin, ral tur a ni a. Member ten ngaipawimawhin a tam thei ang ber kal i tum ang u. A hmun : Rev. H. Zalawma (L) In, A hun : June 29, 2009 (Pathianni) tlai dar 3:30 Chairman : Pu V. Lalliana, President Thusawi : Upa Rokamlova Sd/- Zadingluaia Secretary

LAWMTHU SAWINA Kan veng VC ten \angkai taka hman atan Branch YMA Silpouline min pe a, Tin, Pu PC Thanhawla, Taitesena Section chuan thlanmual a hman atan Branch YMA hruizen min pe bawk a, an chungah kan lawm hle em em a ni.. Secretary, Dawrpui Branch YMA ngot mai! Ziak zel tur pohin beisei ila, a remtihna kan la lemlo naa hetah poh lo chhuah chhawn zel kan tum dawn nia. Dr.TC-a kan lawm e. bja : Pumpui tih tet te an tia, kan cher dun bawk sia, ti te lo rih ang hmiang keini chu....kan thau tralh hunah kan ti te mai L-R : Branch Secretary, Pi Rinawmi W/O dawn lo'mi....lol PuLalrintluanga (L)

4

Dawrpui

News

INFIAMNA

Kartin chhuak

June 28, 2009

Pathianni

PRESBYTERIAN

S.K.A

JENSON BUTTON Teams : Williams, Bentton, BAR, BAR Honda & Brawn GP First race - 2000 Australian Grand Prix First win - 2006 Hungarian Grand Prix 2008 position - 18th (3 points) F-1 fans te chuan Ferrari leh Mc Laren car thatzia kan hre theuh ang, mahse tun season zet zawng a dang hle mai.Japanese Company Honda chu sum harsatana avangin an inhnukdawka, mahse English Engineer Ferrari engineer chhuantawlaw ni bawk thin Brawn chuan ngaingam lovin Brawn GP tih hming chawiin engmah lo atangin bul a tan tawp. Honda Driver Button pawhin a hlawh pangai pound maktaduai 27 atangin 70% ngawt tlakhniam huamin he team thar ah hian a tel, Brazilian veteran driver Barrichello nen team thar driver tura lakluh niin mipui beiseina erawh a sang lem lo. Sponsored tu an hmu mai lo hun tep ter lutuk tawh ah Sir Richard Branson chuan Melbourne tlankawnga Brawn GP car tlan an thlir vang vang a, a lungawi thawkhat a ni ang, a coampany Virgin hmingin a sponsored ta a, F-1 team zinga lakluh anni ve theih ta chauh. Mahse he team thar hian khawvel a barakhaih chiang hle! driver leh constructor championship a fal takin hma an hruai a, Ferrari leh Mc Laren te tan chuan umphak rual anni tawh lo. Driver championship ah Button hian points 30 chuangin hma hruaiin a hungah a team mate Barrichello leh Red Bull driver ‘next schumi’ an tih mai chu atana hnawksak pha teuh ber tur ani. Jenson Button hian tuna a hlawhtlinna hun tawng tur hian F1 khawvel ah kum 9 chhung ngawt a lo nghak tawh. Button a chanchin leh zinkawng hi a thuiin a hautak hle. Karting atanga bultanin formula ford ah tichuan formula 3 ah ni lehin chutah F1 ah a rawn lut ta a ni.

Simone Lyons leh Rallycross driver hlui John Button London , kum 1970s bawr vel a UK ra a Colorado beetle Volkswagen an tih thin te karah lo piangin,. Selwood Middle School ah a kal phawt a chuan Frome Community College ah a graduate. A pa hi Embassy/RAC-MSA British Rallycross leh TEAC/Lydden Rallycross championships 1976ah 2- na a ni. Jenson Button nu leh pa te hi inthenin unau hmeichhe 3 a nei a, Tania Katrina (1967), Samantha Chantal (1970) leh Natasha Michelle (1973) te anni.Karting : Tunlai thangthatr te chuan kan hre nual ang India ram khawpui deuh ah pawh mumal taka intihsiakna a awm ve tawh nghe nghe. Kum 8 mi anih in a pa hian a ma pual liau liau turin kart a leisak, Kum 1991 British Cadet Kart Championship ah races vawi - 34 chakin title.[4] pali ngawt a la nghe nghe (issue leh ah chhunzawmn ani ang )

June 28, 2009

PATHIANNI

Sunday Sikul

: Pu Dawiduma, Bial - VI Chawhnu Inkhawm Baptisma Leh Lalpa Zanriah Sacrament

|antu

Buatsaihtu

: Pastor R. Vanlalnghaka Zan Inkhawm

Thusawitu

: Pastor R. Vanlalnghaka

K. T. P. June 28, 2009 A hmun Hruaitu Tantu Thusawitu

Tawngtai Inkhawm

: Fellowship Hall : Nl Lalhlimpuii,Mikaela Gr. : Tv Lalmuanpuia, Uriela Gr. : Tv. Lalremruata, c/m

June 29, 2009

THAWHTAN ZAN

Hruaitu : Tv. Lalchhandama, C/m |antu : Nl Lalrinzuali, Uriela Gr. Thilpek : Nl. Rebek V.L. Ruatfeli, Mikaela Gr lakhawmtute : Nl. Remsangpuii, Mikaela Gr. Faith Promise hlantu : Nl. R. Laldinpuii, Uriela Group |awng\ai rual: rual Central K.|. P Programme

Half Yearly Meet Khun hawnna (Damlo Pual Thilpek bawm hun a ni ang)

SALVATION ARMY June 28, 2009 PATHIANNI Thianghlimna Inkhawm Hruaitu Thusawitu

: Pu K. Rothanga, VS : Upa S. Lalthanga, Bible Society Campaigner

Chawhnu Inkhawm Hruaitu Thusawitu

: Pu K. Zohmingthanga, Asst. Leader : Pu Lalnghakliana Chhandamna Inkhawm

Hruaitu Thusawitu

: Maj. Vanlalhuma, CO : Candidate K. Lalrammawia

June 29, 2009 THAWHTAN ZAN INKHAWM

Hruaitu Thusawitu

: Tv. Joseph V.L. Malsawma : Pu David C. Lalmuanpuia

Bible Chhiar Thilpeh hlantu

: Catherine Laltlanzami : Nl. Vanlalchampuii

Published by Y.M.A., Dawrpui Branch, Printed at G.S. Offset Printers, Treasury Square