23 August, 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XIX Issue No 34

TUALCHHUNG DAMLO : Pu VR Hmachhuana, Branch Asst. Secretary chu Aug 19, 2009 khan a dula bawk awm zai a ni a, In lamah enkawl mek a ni. Tv. R. Lalremruata, Vanapa Section chu Aug. 15, 2009 khan New Life-ah rilphir zai a ni a, Aug 18 khan lo chhuakin In lamah enkawl mek a ni bawk Pu A. Rothanga (Ex. President), Bazar Bungkawn chu Hrawk Cancer vangin Mumbaiah enkawl turin a thang mek. Pu F. Lalnunzira (Ex. VCP) Bara Bazar chu hlawhtling taka zai a a ni. Pi Zuimawii, Bazar Bungkawn chu Guwahati-ah check-up turin kal mek a ni. . DAMLO : Dr. Chawnglungmuana te chhung chuan Puan thahnem tak Branch YMA hnenah an pe. LO HAW : Nl. Asha Vanlalhruaii hun rei tak a zirna avanga awm bo pawh tluang takin alo haw leh ta. Pu H. Lalchhandama, Jail Veng chu phai lama an zirlaite hruaia hun rei tak zin bo pawh dam takin alo haw leh ta. WELFARE : New Market leh Zion Street Welfare din thuai tuma hmalak mek a ni. RATION THAR : Dawrpui Vengchhung Ration Card siam thar chu tunkar chho hian a lak theih dawn a. Vengchhung tlangau a\angin a hun leh hmun la inhriattir leh a ni ang. JOINT MEETING : Aug.21,2009 (Zirtawpni) zan khan VC Memberte leh YMA OB ten Meeting pawimawh tak an nei a, an thurelte kan hre hman ta lo.

Dawrpui News

Kartin Chhuak Pathianni August 23, 2009

PATHIAN THILTHLAWNPEK LIAU LIAUBORUAK THIANGHLIM - Vanhmingliana Khawvel mihring kan lo pung zel a, kan mamawh a tam tual tual a, finna pawh lo pungin, chu finna chuan kan lei boruakte pawh a tichhe tulh tulh a; A thar kan siam thiam si lova, engtin nge ni ta ang ? tih hi kan ngaihtuah tur tun atan chuan lo ni ta sela. “Tin, Lalpa Pathianin leia vaivutin mihring a siam a, a hnarah chuan nunna thaw a thawlut a. Tichuan mihring chu minung a lo ni ta a. (Gen. 2:7) “ Heta \ang chiah hian mihring a nunna chu a lo awm tan a, vawiin ni thlengin chu chu nungdama la awmte chuan kan la ring ta zel a ni. “Vaivut chu a awm angin leiah a chang leh a, Thlarau chu a petu Pathian hnenah a kir leh a ni (Thuhriltu 12:7)”. Hei hian kan thih hnua kan thlarau awm dan tur chu mawltein a sawifiah leh mai. Kan chungchang tur chu vana rawng min bawlsak mektu leh sawipuitu Krista kuta awm a ni a. Pa- Pathian nen an ngaihtuah zawh hunah Ama mite lam tura a lo kal hunah Kel leh Beramte chu a rawn thliar fel vek mai ang-.... “ Puithiam Lalber, vanah te khian Ropuibera Lalthutphah ding lama han thua Hmun Thianghlim leh biakbuk tak tak mihring sak ni lo, Lalpa sak zawka rawngbawltu chu kan nei tih hi (Hebrai 8:1-2)”. Engkim mai hi thlarau deuh ruai vek a ngaituahna hian kan rilru ngaituahna a tibuai thin, kan Pathian thu chuan fel nalh, tawite hian a sawi mai zawk a ni. Aw khaih a! ka sawi tum tak pawh ka kal pênsan dawn a lawm maw le, min lo hrethiam hram teh u! Kan sawi tak ang khan taksa tana pawimawh ber chu Boruak Thianghlim a ni, Nunna thu a nih pawh kan Bible chang rawn tarlante khan min hriattir tawh bawk. Boruak (Air ) ah hian Nitrogen 78%, Oxygen 21%, Carbon dioxide 0.03% a awm. A tawi zawngin, hengte hi mihring leh thlaite’n kan thawkluh leh thawkchhuah atangin kan insiam tawn thei bawk. Boruak Thianghlim tangkainate: 1. Taksa a tithianghlim. 2. Taksa a tichak thar a, hriatna thazam a châwm. 3. Chaw ei a titui. 4. Muttuina a thlen. Thildang zawng zawng aiin nun nana taksain boruak a mamawhna hi a nasa zawk. Mihring damchen

pangngaiah hian kan chuap hian vawi maktaduai 650 vel boruak a pump hman a ni. Boruak Thianghlim neih theih dan: 1. Zing hmun fianrialah emaw motor khu awm lohna- daiahte pawh kal a, theih tawp a boruak thianghlim hip luh. Vawi li tal hipluh zawnga chhiar hman tur; boruak hip luhsa chu theih hram chuan chuapa a luh theihna turin lem hram tur, chumi hnuah kâ in thawchhuak leh ang che. Nilenga kan boruak hip luh hi kan lung, thisen kal vel leh kan chuapin a kham loh avangin tam tak hip luh belh a ngai. 2. Din dan thut dan uluk tur. Din ngil a thut ngil bawk tur. Hnunglama i koki tipheiin tihniam leh la, hei hian pumpui leh chuap daidangtu duar (daiphram) thawl takin a chettir ang. (Courtesy: Dr. Mary Ann Mc Neilus ). 3. Ring taka lehkha chhiar hian a nih tur ang takin miin boruak a thawchhuak. Boruak Thianghlim Malsawmna: 1. A thlawna Pathian malsawmna kan dawn hi ren miahlo a hip luh tur. I damlohin boruak (Oxygen) man engzatnge i sen thin? I damchhung atana Lalpan a thlawna a buatsaihsak che avangin A hnenah lawmthu sawi fo thin rawh. 2. Boruak thianghlim kan sawi ruala hriatreng tur chu, boruak ngai leh ngai hip luh hlaawmzia hi a ni. Tukverh leh boruak tha luh theihna tura kawngka hawn thinte hi thil pawimawh, mut hlum mai theihna laka min chhanchhuak theitu a ni. Pathian thilthlawnpek boruak thianghlim hi kan hrisel leh damrei nan i hmang tangkai ang u. ........

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

Ruihhlo do YMA chuan Zoram pumah Ruihhlo Do a puang a, nasa takin awmzia a nei tih hmuhtu leh hretu chu kan zain kan ni e. Kan \halai tam tak Ruihhlo-in a thah mai turten vawiin hian zalenna an lo nei ta a ni. A va ropui em! Dawrpui Branch YMA chuan Kum 2010 hi Zoram pumah “Ruihhlo Do” kumah puan leh ni rawh se, tiin agenda thehluh a tum mek a. Khawtlang mipui ten hei hi kan mamawh leh kan tana \ha a nih avangin na taka kan \awiawm tur a ni ngei ang. YMA a inthlah dul veleh ruihhlo a hluar leh a, tunah hian kan Aizawl khawpui chu nasa takin ruihhloin a run leh mrk a ni. Chuvangin, he thu hi chhungkaw tin leh member tin ten lo zirchiang \heuh teh ang u.

Admission The Alpha Skills Institute of ICFAI University, Mizoram invites applications for Spoken English (3 months) and Computer Course (6 months). Application forms will be available at the office during office hours from 1st September, 2009. Monthly fees wil be Rs. 300/ - per month. No admission fee. Courses will be started on 16th September, 2009. For details Contact: The Alpha Skills Institute of ICFAI University, Mizoram Building. Chaltlang Dawrkawn, Aizawl, Mizoram. Phones: 9612166708, 9862575100, 9856836080, 9862133075, 9612163906

Ngaihdan Floria Glamour chung a\anga tui far reng mai hi a va ninawm ta ve, kan VC te hian hmalak dan an hria em? - Ngaimawhtu Vengchhung hmun \henkhata bawlhhlawh paihna Trailer an hun hi a paihtute hian an paih fai lo \hin em em a, an paih tuk zing hi chuan a rim chhe thei hle, a rimchhe chin chiah an hnutchhiah thin niin a lang, khawtlang hruaituten enfiah rang se. - Veng Pa

Pathianni

August 23, 2009

Lawmthu Sawina Kan Nu duhtak Thanzingi (81) chuan August ni 10, 2009 (Thawhtanni) zing dar 8.05-ah Chatuan Ram minlo pan san ta a. A damloh chhungin Kohhran leh mimal anga In lamah leh Damdawiinah min khawngaihtute hmel kan hmu reng thin kha kan lawm em em a; tawngtaisakna hmun hrang hrang atanga a dawng thinte kha kan thlamuanpui takzet a ni. A ruang zalhna tura hmun min ruahmansaktu Dawrpui YMA hruaitute, thlan min laihsaktu tlangval tlawmngaite, thingpui lumtu leh semtute, zaia min kaihruaitu khuangpute leh mawihnai taka a kuang cheitu MHIP-te, vuina program hmangtu Pastor leh Kohhran Committee hruaitute, vengchhung Nu leh Pa, thenrual tha leh lainate chungah thinlung takin LAWMTHU kan sawi e. Vawiin thlenga kan khawhar hnemtu Inleng kan la neite hi a ropui kan ti. In thatna leh ngilneihna zawng zawngah engkim ti thei Pathian chuan Malsawmna tamtakin a vur ngei ang che u. Chhungkaw aiawhin, Lalram Thanga Bazar Bungkawn

MUP HRIATTIRNA A hnuaia hun leh hmun ruatah hian kan Member pui Pi Thanzingi’n chatuan ram min lo pan san tak avangin ral tur a ni a, MUP Member atam thei ang ber kal tur a ni e. A hun : Aug. 23, 09 (Sunday) Tlai dar 3:30 A hmun : Pu Haudalla (L) Building, Dawrpui South Chairman : Pu Zadingluaia Thuchah : Pu V. Lalawia Sd/Secretary MUP Dawrpui Unit

Silai Kah Zirna Mizoram Rifle Association in “Catch Them Young” kalpui na tur in mipa leh hmeichhia naupang kum 13 - 19 inkar Air Rifle 10 metres silai kah zirna Kulikawn Indoor Stadium-ah a buatsaih dawn a. September 2009 a\angin Thaw\anni a\anga Inrinni tlai tin 3 : 00 - 5 : 00 P.M. inkarah training neih tur a ni. He Training Programme-ah hian mimal emaw School tel duh te chuan a hnuaia Association hruaitute hnenah tun thla August 2009 chhung hian inhriattir tur a ni e. 1.

Pu Peter Zohmangaiha, Secy, MRA - 9436143903 2. Pu K. Ramzauva, Secy., MRA - 9436154961 3. Tv. Lalremruata Hrahsel, Gen.Secy - 9436142883 (1 - 2) Sd/- Richard Zothankima Gen Secretary

3

Dawrpui

News

Kartin chhuak

HRISELNA

H 1N 1

- Dr. Thangchungnunga, MS (Ortho) Chhuak hmasaah khan kan sawi nual tawh a, mahse mi \henkhatin hriat duh an la nei nual a, kan sawi nawn leh mai a ni ang chu! Viral Fever (Hritlang reng reng hi) Aug. 9, 2009 Issue-a ka ziah ang khan, 80% hi chu kuta khawih a\anga kai a ni kan tih kha, a la danglam chuang lova. H1N1 ah pawh chu chu a hlauhawm ber a nih avangin kut sil ngun a ngai hle. Hmui tuam hi chu a vei leh a enkawltu ten tuam se a tawk. Tin, kawr leh puan velah hian natna hrik engemawzat chu a kai ve a, a hmul leh che reng a nih avang hian thawmhnaw pangngai mutbu a\ang hi chuan inkaichhawn tham awm lo tura ngaih a ni. Romol erawh chu inkhawih \awm loh tawp tur, a hlauhawm zinga mi a ni. Tin, hmui tuamna hi mi bulah hawn loh tur, paih emaw silfai theihnaah chauh hawn tur. Mi i be dawna i hawng a nih chuan hrik tam tawk inbarh ang a ni mai. Chuvangin hritlang vei mek khawih hnu thil mam leh taksa, a khawih zawh chiah a i khawih chuan i kai nghal a ni mai. (Entirnan : Fridge a hawn zawh chiahah va hawng ve la, i kai nghal a ni mai.) Hmai chhanah kan inzai khum chiam chiam a nih ngawt loh chuan kalpah leh thawk satliahah chuan inkaichhawn a har. Virus hrik hi boruakah darkar 2 a\anga darkar 4 a nung thei. Hritlang pangngai kai i hlau lo ang chiah hian H1N1 hi ngai mai rawh. Fimkhur la a tawk, kut fai leh thinlung thianghlim i neih chuan i kai lovang.

MIT (EYE) Mit hi taksa bung hrang hrang zingah chuan a pawimawh ber pawl a ni ve a. Mitdel nih hrehawm zia chu a delte chauhin an hria a, kan hriatpui ve lem lo. Chuvangin, mit hi duat em em tur a ni. Thil kan hmuh hi kan hmu tak tak lova, kan mit (Cornea) hi darthlalang pangngai ang deuha kum deuh a ni mai a, kan thil en hi a thla a lang a, a hnung lamah hian Nerve (Hriatna thazam) tam tak a awm a, chu chuan kan thluakah a thawn phei a, chal vel bawra thluakah hian Hard Disc pakhat a awm a, tah chuan thil a lo dah sa thlalak nen an han en mil a, a mil thei bera an hriat kha a final proof siam turin tukkhum lamah hian hard disc dang alo awm a, tah chuan an thawn phei leh a. He hard disc chhungah hian milem kan thil hmuh tawh zawng zawng mumal takin a lo dah \ha thlap a, i thil va en nen khan a mil tur an lo dah chhuak chat mai a. Thingkung a nih chuan thingkung ngei a ni tih an rawn tichiang a, an thawn let leh a thingkung a ni tih i hre ta chauh a ni. Hetiang a nih avang hian zu ngawl veiin thil an hmu sualte hi a mak lo. Withdrawal Syndrome kan tih mai zu an in loh veleh ramhuai te, rul te, thil mak tak tak an hmu \hin. A chhan chu, thisenah zu englai pawha a awm reng avangin thluakin paihchhuah ngaihna a hre tawh si lova, hman \angkai dan a zawng ta ringawt mai a ni. Entirnan, hrui feet 3 vela sei hi thluak computer-a a milpui chu 1+1=2 = Hrui ni ta se, zu ngawlveiah chuan 1 + Alcohol + 1 = 2 = Hrui a ni ta \hin a. Zu i lakbo thut chuan 1 + 1 = 4 ah a chhuah daih thei ta a, 4 chuan rul (Snake) member a lo ni ta si a, chuvangin thluakin a thawn let leh khan rul a ni e tiin a thawn let leh ta a, rul hmuhin an hmu ta mai a ni. Dawt an sawi bik lo, an hmuh ang chiah an sawi ve mai a ni. (Lehlamah zawm a ni)

Pathianni

August 23, 2009

(Lehlam zawmna) Kan thluak hi Computer lian pui a ni ber mai, tukkhuma invuak pawh a, arsi leng chuaih ang kan hmuh pawh hi a khawl a chet dawt vang mai a ni. Chuvangin mit a thil lutte bawlhhlawhte hi nuai nuai lovin tui thianghlimah men a khap vak vak tur. A \hat loh chuan Doctor pan mai tur a ni. Tlai thim dawn a i mit a fiah lo \hin a nih chuan (Mitmalh) Vitamin A i tlachham tihna a ni, naupangah a tam bik. I fate lo zawt ve teh, chutiang a nih chuan Vitamin A pek mai tur.

KAN THEN TAK

Tv. Chawngthanzama

Tv. Chawngthanzama hi Pu Lalhmingliana (L) leh Pi Lalthianghlimi (L) te fa 4-na niin Feb.10, 1979 khan a lo pianga, unau 7 an ni. Amah hi thian ngaina tak niin a hun tam zawk pawh thiante bulah a hmang kan ti thei ang. Kawng engkimah thiante ring tlat mi leh thiante duhsak thei tak mi a ni. Mi hawihhawm leh aia upa te zah thiam tak mi a ni bawk. Zirna lamah Cl-XII thleng a zir a, Trade & Commerce, Personal Branch-ah Secretary hna thawkin, he hna hi a boral ni thlengin a thawk a ni. Aug.14,2009 (Zirtawpni) khan Dawrpui Branch YMA, Vanapa Section te Picnic naah kal ve in, hlim taka tuia an chen ho laiin tlai lam dar 4:00 vel khan tuiah a chesual palh ta hlauh mai a, Member thenkhat ten a nunna chhan tuma theihtawp chhuaha an bawihsawm hnuah an chhan zo ta lo a ni. Hemi zan hi YMA Memberten tlaivar puiin a tuk chhun dar 12:00 khan Dawrpui thlanmualah vuiliam a ni ta a ni. (Tv. Chawngthanzama hi YMA pawhin kan ui takzet a, YMA thil tih kawng hrang hrangah chhungte aiawh zo tak, chhiatni ah pawh a kul ataia kan chhawr thin, mitthi tlaivar pui leh khawhar In riah ah pawh kan chhawr em em a ni a. Hetia hun lo taka vanduaina a tawk ta mai hi hun lo kan tiin, kan ui tak zet zet a ni)

Committee Kohna A hnuaia hun leh hmun tarlanah hian Dawrpui Branch YMA Executive Meeting pawimawh tak koh a ni a, Memberte ngaipawimawh tura hriattir kan ni e. A hun A hmun

: Aug.25, 2009 zan dar 7:30 : YMA Committee Room Dawrpui School Building Sd/Secretary Dawrpui YMA

4

Dawrpui

News

Kartin chhuak

August 23, 2009

Pathianni

LAWMTHU Kan pa Phillip Lalthianghlima (49) beisei loh leh rin loh taka Aug 8, 2009 a min boral san chungchangah khawtlang mipui zawng zawng chungah lawmthu sawi sen loh kan nei a. Mimal tin hnena kan sawi theih loh vangin hei hi kan lawmthu sawina a min lo pawmsak kan beisei. A boralhun hi zan dar 9:30 a nih a avangin kan in thlahrung hle a, a hre hmasa a piang lo kal khawmin tih tur \ul zawng zawng min tihsak a, min tlaivar pui avangte, Kuang mawi tak leh pangpar mawi taka min chei sak tute leh thlan \ha taka min laihsak tute, kan khawhar hlauva min riahpuitu tlangval tlawmngaite bakah YMA ten a \ul zawng zawng buaipui a min tihsakna te khan thla a timuang in, kan va lawm em! Kan khawhar hlauva min lenpuitute, khawtlang mipuite leh min tuarpuitu zawng zawngte hnenah Lalpan malsawmna a letin vur che u rawh se. In khawngaihna dawngtu, A nupui : A. Vanlalchhuangi leh a fate Dawrpui. Jail veng

LAWMTHU Kan chhungkaw chhiat tawh chungchangah Dawrpui veng mipuite hnenah lawmthu sawi tur tam tak kan nei a. Kan nau Chawngthanzama chetsualna hmunah hmangaih taka lo buaipui a lo bawihsawm tute chungah kan lawm tak meuh meuh a. In lama min tuarpuia min lenpuitute, kei nin a nachang kan hriat loh tihtur \ul zawng zawng min lo ngaihtuahpui a, kan mualpho loh nana theihtawp min chhuahpui tute chungah kan lawm em em a ni. YMA, Kohhran, khawtlang mipuite leh min hmangaihtu hmun hrang hrang a mite chungah kan chhungkua hian kan lawm zia kan sawi seng lova, kan tana in inpeknate kan rul seng lovang tih kan hria. In mi khawngaihna leh \anpuina zawng zawngah lawmthu kan sawi a, Pathianin malsawmna tam takin vur let che u sela, tih hi kan \awng\aina a ni e. In khawngaihna dawngtu, Dr. Chawnglungmuana te chhung Dawrpui. Zion Street Kan veng chhungah Taxi Stand nilova Taxi ding (A bikin zan lamah) an tam leh ta hle mai, kan khawtlang hruaitute hian bihchian a tha hle mai. Hetiang stand lova dingte hian vengchhung an ti tawpin, mi awmthaduhlo an ti pung nasain an hnawksak viau mai, a tlai hmaa chinfel a va duhawm ve! - Vei em em-a

PRESBYTERIAN Aug 23, 2009 |antu

Thusawitu

PATHIANNI Sunday School

: Pi Thanmawii, B-II Chhun Inkhawm Mizo Theological Association Silver Jubulee : Rev. Prof. Vanlalchhuanawma President, M.T.A. Zan Inkhawm

Thusawitu

: Rev. Dr. K. Thanzauva Founder President, M.T.A.

K|P August 23, 2009 |awngtai Inkhawm A hmun : Fellowship Hall Hruaitu : Nl. Lalhmangaihzuali, Gabriela Group |antu : Tv. Hmingthantluanga, Uriela Gr. August 24, 2009 Thawh\anni Zan Hruaitu : Pu David Lalrinchhana, C/M |antu : Nl. Ramdinmawii, Gabriela Gr. Thawhlawm : Nl. Lalbiakhlui, Mikaela Group. lakhawmtute Nl. Zohmangaihi Mikaela Group.. Thusawi : Tv. Lalthanhawla, Treasurer Faith Promise Hlantu : Nl. Lalrimawii, Mikaela Gr.

SALVATION SALVATIONARMY ARMY August 23,09

THIANGHLIMNA INKHAWM

Hruaitu Thusawitu

: Major Vanlalhmui : Pu John L.T. Sanga

PUITLING SUNDAY BIBLE SCHOOL Hruaitu Zirlai

: Pi Lalrinthangi HLSL : 25-na “Kan Rinna siamtu Krista” CHHANDAMNA INKHAWM

Hruaitu Thusawitu

: Pi Lalhlupuii Hnamte : Pu T.H. Vanlalreia

SAY August 24,09 Hruaitu

THAWHTAN ZAN INKHAWM

: Pu C. Lalthlamuana Fin.Secretary

( Sharing leh zaiho na hun hman a ni ang)

Published by Y.M.A., Dawrpui Branch, Printed at G.S. Offset Printers, Treasury Square