19 July, 2009

Gupshup zawm dan - JOIN DAWRPUIYMANews tihhi 567678 ah thawn tur

Visit us at www.dawrpuiveng.com

MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XIX Issue No 29

Dawrpui News

TUALCHHUNG BORAL : July 16, 2009 (Ningani) 4:30 PM khan Pu V.L Hmachhuana (Pi Thanglianchhungi w/o VL Rinmawia Dawrpui South pa) kum 80 Thakthing veng chu awmlai in boral. July 13, 2009 (Thawhtanni) 6:30 khan Benjamin Lalchhanchhuaha ni - 4 a upa Damparengpui chu a boral a, YMA ten buaipuiin kuang siam sakin puana tuam a ni a, Dawrpui thlanmualah thlah liam a ni. RUANGCHHUAK : July16, 2009 (Ningani) zan dar 6:30 vel khan Mawii kum 24 Dilzawl khua chu Malaria natna avangin Civil Hospital-ah a boral a. A Kuang hi Salvation Army, Bazar Corp ten tum sakin, kalna tur motor bialtu MLA Pu John Rotluangliana’n a tumsak bawk. Dawrpui YMA ten puana tuamin kan thlahliam. DAMLO : Pi Thanzingi w/o Haudalla (L) chu hunrei tak Grace Nurshing Home-ah enkawl a ni tawh a, \hat lam a pan zel kan beisei. Pi |huamkungi w/o Ch. Aikima , Bara Bazar pawh in lamah enkawl zui zel a ni a, hma a sawn chak lo hle. Pu F. Lalnunzira (Ex. VCP) Bara Bazar chu Mumbai lama Check-up turin vawiin Pathianni hian Mumbai lam pan an tum. INNEI : July 16, 2009 (Ningani) khan Rosangliana s/o Lalngaii, Jail Veng (T. Sect) leh Lalsangzeli, Ramhlun South-te chu an innei. July 17, 2009 (Zirtawpni) khan Lalnunthara s/o F. Lalhuapliana Thana tlang (T. Sect) leh Lalniengmawii, Saron Veng te an innei bawk. KEIMAHNI : Kar hmasa a Committee Minute kan chhuah zingah khan Rev. H. Lalzara, New Market chungchangah khan an chhungkaw chhehvel a Burma mi tam lutuk hi fimkhur tura tih nise, tih tur a ni. Tihsual palah ngaihdam kan dil el ZIN : Pu K.L. Zamvela, VC Secretary chu a eizawnna thil avangin Delhi lamah a zin mek.

Kartin Chhuak

Pathianni July 19, 2009

QUESTIONNAIRE

D

awrpui Branch YMA Executive Committee in a lo rel tawh angin, 5 July 2009 (Chawlhni) khan vengchhung chanchinbu Dawrpui News kaltlangin Questionnaire rawn zeh tel a niin, chhungtinte chhantura rawn ruahman a ni a. He questionnaire hi hemi ni vek hian section hruaitute’n an lakhawm nghal a. Kan questionnaire ngai pawimawh a, ngaihdan rawn tarlan tu zawng zawng chungah Branch chuan lawmthu a sawi tak meuh a ni. Tun \um questionnaire hi hlawm hniha then a ni a. Hlawm khatna chu Thlanlaih chungchang niin, hlawm hnihna chu Khawhar in riah chungchang a ni. He questionnaire hi a tlangpui chu chinfel a ni tawh a. Tun tum kan questionnaire hlawmhnih landan tlangpui chu hetiang a ni. 1. Questionnaire hi copy 600 siam a ni a. Dawrpui News latu chhungtin te hnena thleng tur a ruahman a nih angin Dawrpui News rual hian semdarh a ni a. Copy 361 a lo lut kir a. 2. Questionnaire hlawm khatna Thlanlaih chungchangah chuana) Tuna thlanlaih kan kalpui dan hi tha la ti 231 b) Tuna thlanlaih kan kalpui dan hi thlak ngaitawh 114 c) Ngaihdan nei lo 14

(64%) (32%) (4%)

3. Questionnaire hlawm hnihna Khawhar In riah chungchangah chuana) Tuna khawharin riah kalpui dan hi tha la ti 182 (50%) b) Tuna khawharin riah kalpui dan hi thlak ngaitawh 155 (43%) c) Ngaihdan nei lo 24 (7%) Hemi baka kan questionnaire a zawhna leh rawtna tha tak tak in rawn siam te pawh ngun zawk a la zir chian tura dah a ni bawk. A kimchang erawhchu hun remchangah rawn tih chhuah tum ila.

NU LEH PA TE MAWHPHURHNA Tunlai Chhiatni a kan veng dinhmun. Kan vengah mi tlawmngai leh thanemngai tak tak te, an inpekna a zarah kan veng ala mualpho lo thin a, anni vanga kan khawtlang a lo mawina leh a lo nawmna chungchangah hian an chungah Branch Executive Committee chuan lawmthu a sawi ani. Hetih rual hian kan hun neih dan a inan loh vang hian kan inpekna te, kan thawhna te a in khairual ta lo deuh niin a lang. Dawrpui khawtlangin chhiat kan tawk fo a, YMA din hma, Dawrpui Thalai kan nih lai pawhin vengchhung chhiat tawhahte tha takin kan insawngbawl thin a, hei hi thalai mai bakah nu leh pate nena khawtlang anga kan thawhhona rah tha tak a ni. Mi an thihin mitin ten kan tih theih ve tur anga lang kan han tih sang sang hian khawtlang mi nih a ti nuam em em a ni. Tuna kan nu kan pate pawh hi nangmahi hun lai theuh chuan khawtlang rawngbawlnaahte chhiat tawh chungchangahte a thawk rim leh hah hlei hlei in ni thin, a thente phei hi chu vawiin ni thlenga hah leh chhuanawm tak takte in la ni zel hi a lawmawm tak meuh a ni. Tunah chuan heng kan insawngbawl dante hi a rualkhai zawkin YMA in a kaihruai mai ani. Hun lo inthlak danglam zelah mitin mai kan buaiin kan tul tlang ta a. Kan nitin hnaah kan tulna bakah mahni in lamah tulna hrang hrang a lo awm a, kan changkan dan azirin tun ai hian kan la tul dawn chauh niin a chhut theih. Duh angin thenawm khawveng kan in tlawhchhuak thei lo chu sawi loh , chhiat kan tawh nikhua takngialah pawh kan inbuaipui hman lo ta lek lek mai hi ngun zawka kan inngaihtuah tlana thanharh thar a ngai ta khawp mai. Heng bakah hian sawi tur tam tak ala awm. Heng kan dinhmunte hi nu leh pa ten ngun takin ngaihtuah thar leh ila, kan fate YMA a inhmang rual an awm chuan a tirh chhuah lamah tal tan i la thar leh teh ang u hmiang.

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

Pathianni

ADVERTISEMENT MOBILE PHONE HMANGIN EIZAWNNA KAWNG INHAWNG Eizawnna tlinga Mobile-Phone repairing thiam duh tan Admission fee awmlo, zirna hmanraw changkang leh mithiam awmna kan ni. Mobile Phone eng chi ah pawh harsatna nei tan pan theih kan ni a, rang takin kan siam thei e.

Mizo Nun Kumin hian YMA chuan Mizo Nun zemawi Inzirtir tih thupui a nei a. A \ha ngawt mai. Mizo nun kha a chhe lo a, a \ha em em a, \hangthar lo piang zel leh khawvel nun lo changkang zel hian kan Mizo Nun zemawi tam tak a hnawtbo zo ta emaw tih mai tur a ni. Mizo te hi kan vanneihna em em pakhat chu Tlawmngaihna neitu kan nihna hi a ni. He tlawmngaihna hlu tak hmang hian Mizo nun hian zemawi a chhuah a, a par a, chu a par rimtui chu Zoram dungtluanah a leng vel \hin a ni. Vawiinah hian Mizo nun hre mang lo kan tam ta em em a, Mizorama pianga seilian ngei ngeite hian kan Mizo Nun zemawi hi kan hre ta lo hle a, \henkhat chu phailama lehkha zir/hnathawk kan awm a, chungte chuan hriat loh tur emaw kan ti ta mah mah niin a lang bawk. Chuvangin, Nu leh Pate hian mahni chhungkua \heuhah “Mizo nun zemawi hi in zirtir thar leh ang u”. Chuti a nih loh chuan chimral hlau Mizote hi nakin lawkah chuan ‘chimral’ kan nih mai a hlauhawm hle a ni.

PENSIONER’S ASSOCIATION HRIATTIRNA Rokhawlhna lian (Thihna) avangin, Pensioner’s Annual Get -Together a hnuaia hmun leh hun tarlan ang hian sawn (postponed) a ni a. Member-te kim taka kal tur a ni e. A hmun : Pi Lalbiaki In, Medical Qtr. A hun : July 24, 2009 (Zirtawpni) 1:30 PM Thawhlawm, mahni remchan ang ken \heuh tur a ni e. V.L.T. Muana Secretary Dawrpui Branch .... Coffee in hnem hian taksaa Calcium awm reng a tibo thei a ni. Entirnan : Coffee no 1 in hian 6mg calcium zunah taksain a hlauh a ni. .....Zing thawha hmai a mawm hlup hian hmai mawm chi tihna a ni. Hmai tihfai ngun a ngai a, hmai a bawl duh bik em em a ni. Astringent hnawih ngun a ngai bawk.

July 19, 2009

(2-2)

INFINITY MOBILE PHONE SALES & SERVICES AIZAWL WATCH HOUSE HNUAI DAWRPUI, AIZAWL. CONTACT - 9856287041

SPOKEN ENGLISH ADMISSION Sap\awng nal taka thiam duh tan Dawrpui Veng chhungah zirna hawn a ni a. Engtiklai pawhin Admission a tih theih reng e. (2-2)

Contact : 9862191639 / 9856837072

GLASS CORNER Home - Furniture Canteen Kual Imported Home Furniture, in chhung bungrua chi hrang hrang kan nei a. Centre Table design chi hrang hrang nei tam ber kan ni. Vengchhung mite duhsak bik an ni ang.

(2-4)

Prop : Kap\hianga Ralte Dawrpui. Jail Veng Phone - 9436374670

Dawrpui News a Advertisment hi englai pawhin Sumdawngte leh dawng lote pawhin tih theih reng a ni. A man hi a tlawm em em a, vawikhat chhuahah Rs.50/- chauh a ni a, Veng chhunga sumdawngte pawh rawn ti zel turin kan ngen a che u. A man hi a bat theih loh a, pek lawk a ngai tih erawh hre tlang ila. Tawite a Advertisment i rawn tih hian YMA i \anpui mai bakah i tana thil \angkai tak a ni pah bawk tih hria ang che. Tin, thu chhuah tur hrim hrim nei tan pawh kan inhawng reng e

3

Dawrpui

News

Kartin chhuak

Pathianni

COOK MAMAWH

HRISELNA

Dawrpui Model Primary School chuan Mid day meal (Chawchhun) siamtu tur cook duh a ni a, a duh chuan ziakin Headmistress Dawrpui Model Primary School hnenah July 22, 2009 (Nilaini) dar 1:00 PM thleng dilna thehluh theih a ni. Sd/Headmistress Dawrpui Primary School

KA VEI ZÂWNG/FAK SELNA Ka vei zâwng/Fak selna han tih chuan TV a local Channel lam thu leh hla rawn pau chhuahpui turah ilo ngai mai thei a, i channa khan lo lam kil atangin ka rawn pet goal ange aw! Dawrpui vengchhung hi Aizawl khawchhungah chuan veng lun ber leh mitinin an mamawh lamkhawmna hmun a ni a. Chumi vengchhunga cheng ka nih avang hian vannei ka inti a, mahse duh aiin faina lamah hmasawnna tur kan la ngah. Tin, kan trailer (bawlhhlawh paihna) hi a luang liam nasa lutuk a, trailer rawn thianfaitute hian a mawngah an dah bang ziah pawh hi ka vei khawp mai. Bazar Bungkawn (Pu Nano-a dawr bul)a vantlang zunin mawlh mai hi. Dawrpui News chhut zana thli beng hip fuh chuan manhla dan dang tak a ni. Millenium Centre building mawi em em maiin kan veng a cheimawi dan hi chu! mahse a bula trailer \awp lutuk thovin an vir hut hut thin han hmuh hian lawm a kim lo! Bazar chhung diak (fur lai) lutuk thin khu.. chawhmeh lam khawmna hmun ber a ni si a plus new market building thar bul bawlhhlawh bawm khu! Thotle inkhawmpui awm reng khu engtinnge ni dawn? Kan bazar pui ti\awptu pakhat a ni. Tun tum atan chuan a goal zing ta malh malh bawk a. Pet goal zui tawh lo mai ang. Ka vei eeem a ni.

THAWHAH -- Dr. Thangchungnunga

Thawhah deuh reng reng hi Asthma anga enkawl mai kan ching hle a, mahni nghaihdana Damdawi ei mai mai ching kan ni bawk, hei hi ngaihtuah chian a hun ta hle. Thawhah tam tak chu Lung lam \hat loh vang a ni \hin a, hei vang hian mipuite pawhin kan chhungte thawhah an awmin a Lung lam a buai \hin em tihte hriat pui a \ha. Thawk harsa reng reng Asthma anga kan ngai fo hian nunna pawh kan chan tam phah niin a lang deuh. Lung (Heart) hi a chak loh chuan taksa kham khawp Oxygen a pump chhuak zo lova, boruak tlachham angin an lo awm a, rin loh deuhin Heart Failure avanga boral thutte an awm \hin. Chuvangin i thawk a nawm loh fova, i awm vei lam leh dar bawr vel a na/nuamlo i nei \hin a nih chuan Doctor rawn vat a \ha. Kan ei a \ha a, kan fit si lo hian natna neih loh tur tur kan neih phah nite pawh hian a lang zo ta. Chaw te pawh pumpui puar luaha ei kher lovin ei tlem ve deuh a, ei zin zawk ni se. Ei tura dam nge i nih dam tura ei? He zawhna hi i ei leh in dan a\angin lo inchhut ve mai mai rawh. Lung hnathawh dan leh lung pawp te, a valve \halo te chu hun dangah kan la ziak dawn nia.

THLANMUAL THAR ENKAWLTU TUR DUH

INKAWM

Dawrpui thlanmual thar Mualpui a mi chu a chhunga huan thlai bo hlauh thuah a enkawl tu tur lak a hun tawh hle mai a, heta tan hian thlanmual a huan nei pah emaw bawngvulh etc paha mahni sumsenga chowkider dah thei tur duh a ni a, a duh chuan an duh dan chiang taka ziakin Branch YMA President Pu Chhawnkima Pachuau hnenah emaw Secretary Pu Vanlalbika hnenah emaw 27 July (Thawhtanni) thleng dilna thehluh theih a ni

July 17, 2009 (zirtawpni) zan khan Dawrpui Branch YMA Office Bearer-te leh Thakthing Joint YMA hruaitute chu Venghnuai YMA Hall ah inkawmhona an nei a, mi 22 lai an kal khawm. Hetah hian kan vengin Thlanmual thar kan neih tak kal pawhna kawng chungchang sawi ho a ni. Thakthing Joint YMA huamchhungah hian veng hrang hrang pathum a awm a, heng veng pathumte hian Thlanmual thar in\awm tur, kan veng Thlanmual thar bul chiahah hian an nei ve a. A kalna kawng in\awm tur kan nih avangin, hemi kawng laih zauh dan tur leh Black Toping dan turte an sawiho. Inlungrual takin thawhho \ha an ti hle.

Sd/Secretary Dawrpui Branch YMA

HNATLANG DAWN Branch Executive Committee-in a lo rel tawh angin kan thlanmual thar huam chhunga thlai puitling leh thing ding chhinchhiah hnatlang neih utra ruahman tawh chu Aug. 1, 2009 (Inrinni) khian neih tur a ni. He hnatlangah hian Executive Member zawng zawng bakah Section hrang hrang Committee Member-te leh Section tin a\angin mi tlawmngai tur sawm (10) \heuh thlanchhuahte an hnatlang phawt ang. Hmanrua Chempui, Tuboh a nei ten ken tur a ni. Chaw fun a ngai.

July 19, 2009

Beer in bang hi a saidawium chawpin choka-ah zankhat hung tawp la, zingah Chukchu a chhungah an lo tui \euh mai ang. ** Thosi mat, Good Night Mat ang chi hi a tih lumna thleng neih kher a ngai lo. Tube light Choke chungah emaw Stablilizer chungah emaw dah la, a rim a nam tho ang. *

4

Dawrpui

News

Kartin chhuak

July 19, 2009

Pathianni

NGAIHDAN HUANG Dawrpui News-a YMA in School Naupang Exam a hnaih tawh avanga bengchheng lo tura ngenna in siam a\ang khan Jail vengah chuan zanrei tak tak thlenga zai bengchheng (zai tui em em ni silo) an awm \hin a, zia lo khawp mai. YMA ngenna zawm tute i ni ang u. - Jail veng Pa Thlanmual thar kan nei ta a, a man kan pe tla ta bawk a. A lawmawm e. Mahse chhungkaw harsatna lian tak chu kan hmachhawn dawn a nih hmel hle mai, kan thawhchhuah phu loh leh kan dinhmun phu loin thawhlawm min tuk a, kan thawhlo ngam bawk silo. Kan rilru a buairu khawp mai... - Dawrpui Veng Pa Dawrpui Vengchhung New Market, Pu V. Lalliana kawt a\anga Bazar luh pheina kawng hi a chhe hle a, fur ruahtui in a hawrh mek lehnghal a. Pu Challeta kawt phei, Saron Veng road thleng hian a diak em em bawk a, mipui tan a harsat lian tak a ni. Kan khawtlang hruaitute hian mutmawh hnarmawha neih se, kan sorkar lamte hi han nawr teh se. - Puia Patea, New Market Dawrpui News enkawltute ka fak mawlh mawlh a che u, vengchhung tana mi \angkai in ni. Tunai hian han \ang leh deuh ula, tualchhung news-te hi han ngah deuh deuh te u. Tin, vengchung hmasawnna tur a nih chuan engpawh hi han ziak bawng bawng teh u... Mipuite hian tun aia hian Dawrpui News chhiar i uar leh zual ang u. - 9862399531 Bazar Bungkawna Traffic Point siam thar hian Saron veng lam a\anga motor lo kal chho hi a tai/nek nasa hle in a lang a. Hei aia kawng kawngpui tai/nek lo hian siam nise, a \ha ngawt ang. Kan VC-te hian enin, siam \hat ngaia an hriat chuan siam \hat tir leh se ava lawmawm dawn em! - Zorama Dawrpui vengchhungah hian ruihhlo zuar an hluarin an hmang tam leh ta hle mai a. Chubakah rukruk thil te pawh sawi atam leh ta hle a. Khawtlang neitu VC ten hma la in, khawtlang Duty te hi tih leh tawh nise a \ha lawm ni? - Ruihhlohuaa Dawrpui Vengin chhiat tawh nikhua hian kan nula ten puan an veng \hin hi vengdang ten min awh em em laiin, chhiattawk chhungkua leh laina ten kekawr an ha hi hak loh nise a lawmawm khawp ang. Vengdangah pawh kan nula te hian puan veng zel se a duhawm hle. - Dawrpui tlangval Millenium Centre sira Upa Pawl Building (Vantlang Chawlhbuk) pawh chawlh theihin hawn a ni leh ta, a lawmawm hle mai. - Jailveng PA Bazar, New Market Sa zawrhna Step chhukthla thim lutuk hi tih en dan awm thei se a duhawm hle mai. Suahsual rawngbawl \hinte tan hmun ralmuang a ni ringawt mai. - A bulhnai ami Vengchhung thu chhia, thu \ha kan inhriat pawhna ber chu tlangau hi a ni a, chuvangin veng mipuite Tlangau thupuan bengkhawn lehzual turin veng mipuite ka ngen a che u. -Tlangau PA

PRESBYTERIAN July 19, 2009

PATHIANNI

Sunday Sikul

|antu

: Pi Lalparlawmi, B - III

|antu Thusawitu

Chawhnu Inkhawm : Pi Lalthankimi, B - VI : Pu R. Zaichhawnthanga, B -VIII

Thusawitu

Zan Inkhawm : Dr. Robert S. Halliday, Chaltlang “ Social Front Pual ”

K|P |awng\ai Inkhawm

July 19, 2009 A hmun Hruaitu Tantu

: Fellowship Hall : Tv. R. Lalremruata, Gabriela Gr. : Tv. L. Zothanpuia, Mikaela Gr.

Thawh\an Zan

July 20, 2009

Hruaitu : Nl. Lalthlangliani, Com. Member |antu : Nl. Zosangliani, Uriela Gr. Thilpek : 1. Tv. Malsawmzuala, Gabriela Gr. lakhawmtute : 2. Tv. Vanlalhuma, Gabriela Gr. Half Yearly Meet atana Inbuatsaih nan hun hman a ni ang.

SALVATION ARMY Thianghlimna Inkhawm July 19, 2009 Hruaitu : Major Rochhungi Thusawitu : Major Vanlalhuma CO Chandamna Inkhawm Hruaitu Thusawitu

: Nl. Judy Lalfakzuali : Major Khaizadimga

July 20, 2009

SAY Thawh\an zan

Hruaitu Thusawitu Bible chhiar Thilpek hlantu

: Nl Nancy Lalramhluni : Tv S. Lalrengpuia : Nl Diana Chawngthanzami : Nl Rothangpuii

I in leh a vel midangte tana hnawksak lo tura i siam hian khua leh tui \ha i ni e.

Published by Y.M.A., Dawrpui Branch, Printed at G.S. Offset Printers, Treasury Square