12 July,2009

Visit us at www.dawrpuiveng.com

Gupshup zawm dan - JOIN DAWRPUIYMANews tihhi 567678 ah thawn tur MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

“YMA chu \anpui ngaite \anpuitu a ni” Vol : XIX Issue No 28

TUALCHHUNG RATION CARD : Vengchhung Ration Card siam thar turah VC ten YMA phungbawma sawmin July 11, 2009 (Inrinni) khan Dawrpui School-ah ennawn a ni. BRANCH AIAWH : July 3, 2009 (Zirtawpni) khan CYMA leh Sorkar \angkawp buatsaih “Education Seminar”buatsaihah kan Branch aiawhin Pu Lalrammuana, Fin. Secretary chu a tel a, hlawkthlak a ti hle. DAMLO : Pu F. Lalnunzira (Ex. VCP) Bara Bazar (Ch. Sect) chu Cancer natna avangin in lamah a inenkawl mek a, phai lam pan thuai an tum niin kan lo hria. FIMKHUR ANG U : Tunlai hian sulna a pung nasa a, zana rukruk mai a ni tawh lova, chhun engah ngei mi pawisa chhuhsak mai chingte, Mobile Phone hmanlai ngei ngei pawhthlak sak ngam khawpa sualna te, “khawimaw, ka pi, ka pu, i mobile chu” tih paha tlanbo zui mai duh an tam hle a, mitin fimnkhur ang u. THLANMUAL THAR : July 5, 2009 khan kan YMA OB leh mi \henkhat te chu kan Thlanmual thar ram enthlithlaiin an kal a, a hmunhma te an chian a, phur taka hmalak an tum hle. Electrict Connection a awm thuai theih nana hmalak pawh an tum mek. July 6, 2009 (Thawh\anni) khan Thlanmual Tharah MHIP Dawrpui Branch-te chuan Thingphun hnatlang an nei a, thing \iak thahnem tak an phun a, an hlim a, nuam an ti hle. A nung ngei hlawm ang chu. BENGCHHENG SU : School naupang Second Term Exam alo hnai chho leh ta a, naupang lehkha zir tana hnawksak thei leh ninawm thei BENGCHHENG siam lo harm hram turin chhungkaw tinte kan inngen leh a ni. Nang malsawmna ni ang che. BEAT POLICE : Hunrei tak atang tawh a kan khawtlang hruaitute lo sual tawh New Market Beat Police chu a chung a\angin Gound Floor-ah an insawn fel ta. Heti hi chuan mipui tan awlsamna a thlen tawh ngei ang.

Dawrpui News

Kartin Chhuak

Pathianni July 12, 2009

Branch Executive Committee Vawi 6-na

J

uly 7, 2009 (Thawhlehni) zan khan Branch Executive Committee Vawi 6-na neih a ni a. Member-te an kal \ha hle. Branch Secretary, Pu Vanlalbika’n hmalakna hrang hrang report a pe a, YMA Day hlim leh tluang taka hman a nih thu ngaihthlak a ni a. Tin, YMA Day hmandan hi thlirlet niin programme duan angte hlawhtling taka hman zawh a ni chu lawmawm a ti a. Sport Sub. Committee-te hmalakna leh inpekna zawng zawngah Branch Executive Committee chuan lawmthu a sawi a ni. Amaherawhchu, Committee-in kan duan leh rel ngeiah Execuitve memberte kan tel tam lo leh kan ngaipawimawh tawk lo chu pawi a ti a. Mahni \heuh inenlet a \ul hle in Committee chuan a hria a ni. YMA Day vuakvet senso zawng zawng Rs. 35,974/- (Singthum, sanga leh zakua sawmsarih pali) a ni Sport Sub. Committee a\anga report dawn danin hetiang hi Kum 2009 YMA Sport result a ni :1st : Chawngbawla Section 2nd : Taitesena Section 3rd : Vanapa Section

Ngun taka sawiho leh ngaihtuah a nih hnuah siam \hat ngaite siam \hain pawm a ni. Heng dante hi Branch Executive Committee -in \ul a tih chuan a tidanglam thei ang.

CYMA-in Chin lam mite chhiarpui a neih meka Vanapa Section ten an area-a membership an lakkhawm ennawnna ah Burma mi ni ngeia ngaih B. Thanseia, Rev. H. Lalzara te chhungkaw hnenah CYMA inkaihhruaina dan zulzuia lehkha pek nise. Pu T. Bualthanga te hnenah YMA membership fee lak tawh chu pekkir leh nise tih a ni.

Pu H. Dingluaia’n a dawr rawk a nih chungchang a J.C. Security Duty laka a lungawilohna Committee-a a thlen chungchang chu J.C. Security Duty hi tihtawp kan duh thu Dawrpui VC-te hnenah thlen nise, a rang lama Joint Committee ko tura ngen nghal nise tih a ni. Tin, Dawrpui Duty nia inchhal a, misual mi Mobile laksak ching chungchang sawiho a ni a. He thu pawh hi VC-te hnenah thlen ni bawk se.

Thlanmual thar rama thlai awm zat chhiar leh enfel hnatlang neih \ha tih a ni a. Office Bearer ten hun remchang lo ngaihtuah se tih a ni.

Rawpuichhip Branch YMA ten kan No (tea cup) hlui lei an rawn dilna chu Property Sub. Commitee ten lo enchiang sela, lo bawhzui se tih a ni.

Cultural Sub. Committee : Dawrpui Branch YMA Cultural Club inkaihhruaina dan siam \hat ngaite siam \ha tura Branch Executive Committee-in alo tih chu, Branch Asst. Secretary-in draft an siam nawn leh chu a pharh a.

CYMA leh I&PR Department \angkawp in YMA Chanchinbu |ha intihsiakna kum tina an buatsaih \hinah tel ve ngei nise, Editorial Board ten lo bawhzui se tih a ni.

MHIP DAY ROPUI TAKA HMAN A NI

6

th July (Thawh\anni) khan MHIP day chu Dawrpui Branch MHIP te chuan Dawrpui thlanmual thar Mualpui ah thingphun hnatlang neiin Deputy Speaker Pu John Rotluangliana hovin he hun hi an hmang a. Pu Lalchhandama Varte a hmun kan leina chuan kel a lo talh sakin, he hmun ah hian member ten thing engemaw zat phunin nilengin hun an hmanga, thingphun hawnna leh thlanmual thar hlanna hi Senior Adviser Pi Zaithanchhungi’n a neih zawhah thingphun hi \an a ni. He hun ah hian member 50 chuang thawk chhuakin Bus pakhat leh motor te engemaw zat an kala , hemi ni a tel puitu Pu V.Lalawia, Pu Mahlima te leh Tv. Sanga te chungah an lawm hle.Thlanmual thar hmun hi a \ha an tiin an hlim hle

2

Dawrpui News

Kartin chhuak

Editor Jt. Editor News Editors

: Vanlalbika 9856889073 : Lalhruaitluanga Ziakkima Pachuau : Kapchhunga Pachuau R. Lalremruata Isaac Laldinthara Ralte Members : Vanlaldiki Sailo Lalnunkungi Dr. Zothanpuia P.C. Zohmingthanga Columnists : Dr. Thangchungnunga Vanhmingliana Lalhlimpuia (SKA) Aldrin Lallawmzuala Correspondents: David Remruata Lalnunmawia H. Lalchhanhima 9862451420 9436384248 9862363630

FAINA BAWK Faina hi Pathian an teuhna ber a ni, kan ti \hin a. Dawrpui khawtlang mipuite hi kan duh chuan kan Fai thei a ni, tih hi kan hriat a \ha khawp mai. “ Mi zawng zawng fuankhawmna, zingah an lo kal a, tlaiah an bawlhhlawh an hawsan a, kan tan fai ngaihna a awm lo,” kan ti \hin. Dikna chen pawh a awm. Mahse ngun zawkin chhungkaw tinte inngaihtuah ila, kan bawlhhlawhte hi kan paih danah a felfai tawk em? VC leh thuneitu ten bawlhhlawh bawm (Carbage Trailer)-ah insakna hnawmhnawk thil eg : rawra leh brick nawi etc. paih loh nise a ti a. Chhungkaw tam tak chuan sem senga motor hire-a an paih laiin chhungkaw \henkhat chuan kan paih lui tlat \hin a. Bawlhhlawh paih Motor ten an lo paih duh silo a, a inhnawkkhawm zel a, harsatna lian tak alo thleng ta \hin a ni. Tin, mahni inbul kawrah kan bawlhhlawh kan paih ngawt zel a, \hal lai phei chuan tuikawr a hnawh khat tlat a, a rimchhia a, a hnawksak a, a rimchhia chuan hriselna a khawih pawi a, keimahni maiin kan tuar lova, kan thenawm ten an lo tuar ve ta \hin a ni. Hei hi thil pawi tak a ni. Hetih rual hian Septic Tank sah chingte hian a chunga kan sawi tho khi kan dinhmun a ni. Faina hi kan tlin a, kan ti thei a ni.

LAWMTHU SAWINA Kan fapa C.Lalrinmawia (Valtea) boral chungchangah lawmthu sawi tur tam tak kan nei a. Greenwood Hospital kan luh tirh atanga duat taka min enkawltute, min lainata min tlawhtute zawng zawng chungah lawmthu kan sawi a. A boral zana min tlaivarpuitute, a tuka a vuina programme min rawn hmanpuitu zawng zawng te, a \ul \ul min tihsak zung zungtu YMA te, kohhran, vengchhung leh veng pawn atanga lokal min lainattute puan leh pangpar min petute zawng zawng chungah leh MHIP ten kuang mawi taka min cheisak bawk avangin lawmthu kan sawi a. Kan khawhar hlau a min riahpuitute, a tir atanga vawiin ni thlenga min lenpuitu zawng zawng chungah lawmthu kan sawi bawk a. Mimal tin hnenah lawmthu kan sawi seng lova, hei hi kan lawmthu sawinaah min lo pawmsak theuh turin Pathian hmingin kan han ngen che u a ni. Kan rulh senloh tur, thatna leh khawngaihna kan chunga in lantir hi Lalpan a let tam takin rul theuh che u rawh se. In khawngaihna dawngtu, Upa Mankunga te chhung Zion Street, Dawrpui

Pathianni

July 12, 2009

ADVERTISEMENT MOBILE PHONE HMANGIN EIZAWNNA KAWNG INHAWNG Eizawnna tlinga Mobile-Phone repairing thiam duh tan Admission fee awmlo, zirna hmanraw changkang leh mithiam awmna kan ni. Mobile Phone eng chi ah pawh harsatna nei tan pan theih kan ni a, rang takin kan siam thei e.

(2-2)

INFINITY MOBILE PHONE SALES & SERVICES AIZAWL WATCH HOUSE HNUAI DAWRPUI, AIZAWL. CONTACT - 9856287041

SPOKEN ENGLISH ADMISSION Sap\awng nal taka thiam duh tan Dawrpui Veng chhungah zirna hawn a ni a. Engtiklai pawhin Admission a tih theih reng e. (2-2)

Contact : 9862191639 / 9856837072

GLASS CORNER Home - Furniture Canteen Kual Imported Home Furniture, in chhung bungrua chi hrang hrang kan nei a. Centre Table design chi hrang hrang nei tam ber kan ni. Vengchhung mite duhsak bik an ni ang. Prop : Kap\hianga Ralte Dawrpui. Jail Veng Phone - 9436374670

HRIATTIRNA Kan YMA trophy te kha a dawngtuten July, 2009 ni 15 hmain News room Bazar Bungkawn ah thehluh vek tur a ni e. Sd/Chairman Sports Sub Committee

3

Dawrpui

News

Kartin chhuak

Pathianni

July 12, 2009

Dawrpui West Welfare Thuthar

HRISELNA Thingpui Sen Hang - Dr. Thangchungnunga Thingpui in hi kum sang tam tak hma lama an lo chin tawh a ni a. Amah a thil awm, damdawi ti mai ila (Chemical) chi hrang hrang hi an test nasa in an check nasa tawh a. A \hat lohna aiin a \hatna lam hlir hmuh a ni ber a. Chuvangin, thingpui sen hang in hi uar em em tur a ni. Keimah ngeiin ka tawn hriatah pawh zing thawh a, pum alo no nghual a, a nuam lo a nih chuan thingpui sen hang in ila, lak ang hlauhin a reh ang. Thingpui thlum hi tuman kan ngeih vak lo. Thingpui hang hian pumpui na a tireh a, pumpui na tur a veng a, Cancer a veng bawk a, thisen bal a tifaiin thluakte a tifim a. Hengte avang hian thingpui sen hang in hi uar ila, a man a tlawm a. Tin, Gout nei leh zunkawng \ha lo ho tan phei chuan tuisik in chiam a har avangin thingpui sen hang in tam hi tum ila a \ha. Tunhma kha chuan thingpui thlum paw in kha milian/ hausa tih turah kan dah a, tunah chuan a ni ta lo. Kan \hianpa in, “ Thingtlangah officer-ho an lo kal a, harsa harsa in thingpui thlum paw kan ngaihtuah a, tunah duhtawka in tur kan nei ve ta cheng a, milian/hausa hovin ‘a sen hang kan duh’ an lo ti leh si, changkan dan pawh hi kan hrethiam lo,” a tih ang deuh a ni a. Tunah phei chuan puipunnaah reng reng a sen hang a tel ta vek mai a, a lawmawm hle. BP san vang leh Diabetis/Colesterol san vang maia a sen hang in lovin in ve hrim hrim a \ha. Nula leh tlangval tan hlei hlei, tisa a ti mawi/ mam bawk si. Heng hi USA-ah test-in an lo proved vek tawh a, in \euh \euh mai tur a nih chu! Mahse, thingpuife tui deuh te zawn ve a \ha. Mi exceptional- thingpui sen hang in thei miah lo chu a nuai telah chuan an awm ve leh zeuh \hin bawk.

Mizoram Chess Association Hriattirna Sports Minister hmalakna “Catch Them Young Programme” chu Mizoram Chess Association-in a bawh zui a. Aizawl khawpuichhungah MCA Chess Coaching Centre hmun ngaah siam a niin pakhat chu Electric Vengah dah a ni. He centre hian Chanmari, Dawrpui, Chhinga Veng, Electric Veng leh Ramthar Vengte a huam a; Naupang kum 14 hnuai lam tan, Venkatasan-a Grandmaster-te pawh lo chherchhuak tawh hnuaiah Coaching hi pek a ni ang. A ti \hate chu Mizoram aiawha tirhchhuah an ni ang. Registration Fee Rs. 20/- a ni a, chun thingpui leh Uniform tum sak an ni ang. Nu leh pate mahni fate chess thiam tir duh tan tun hi hun remchang a ni e. Hrechiang duh tan : Contact - Lalrempuia Ralte Member MCA Coaching Centre. Aizawl. Phone - 9856452727

Dawrpui West Welfare Committee hruaitu thar thlante chu : Chairman : Dr.R.Lalzauva (Upa) Vice Chairman : Pu R.S.Thanga Secretary : Pu Zadingluaia Asst. Secretary : Pu Johana Ralte Treasurer : Dr.R.Rualthansanga Fin. Secretary : Pu R.Lianchhawna Office Bearers hmasa ber ni 06.07.2009 (Mon) zan khan neih a ni, Charge inhlan na hun ni 07.07.2009 (Tues) neih a ni. Committee Member 14 (sawm pali) leh Adviser pathum ruat an ni a, Ex. Officio Member atan Dawrpui VCP ruat a ni bawk. Tunlai hian Dawrpui West Welfare Committee inthlan thar hnuin nasa takin hma an la mek a. Welfare Committee hmasa ber ni 10.07.2009 khan Upa Dr. R.Rualthansanga inah neih a ni. Welfare huam chhung thenfai leh \huthleng siam hnatlang neih thuai tum a ni. |huthleng sawmli (40) siam tum a ni a, siamna thing leina tur leh a siamna senso tur hi welfare chhung a chhung tin te hnenah tlemlua awm lovin vehbur khawn tum a ni. Mahni chhungte hriatrengna hmingchawia \huthleng hi donate theih a ni bawk. MHIP DAY A KALTE AN HLIM HLE MAI

THLANMUAL THARAH THINGPHUN AN NEI

Faina ngainat hi mahni tan hriselna a ni a. Midangte tan malsawmna nihna a ni. In leh a vel i vawngfai ang u.

4

Dawrpui

News

Kartin chhuak

July 12, 2009

Pathianni

PRESBYTERIAN

THLANMUAL THAR THAWHLAWM Thlanmual thar atana chhungtin te hnena thawhlawm khawn, tum khatna July 10, 2009 thlenga lut zat chu Rs. 2,96,970/- a ni . tun tuma lut hi a lut tha hle a, atamna chhan chu chhungkaw thenkhat in kum khat atana pe tla nghal an awm nuala, thenkhat thla engemaw zat pe lawk an awm bawk vang a ni He thlanmual thar thawhlawm phal taka thawhtu, Dawrpui chhungtinte hnenah lawmthu kan sawia, thahnem ngai taka lo tang zui zel turin kan ngen bawk a ni MHIP ten taima tak leh thahnem ngaitaka thawhlawm khawn an buaipui hi an fakawmin an chungah lawmthu kan sawia, thlathar tir ni 10 hma ngeia Treasurer, Fund Raising Committee hnena thehlut hman ngei tur a, tan la chhunzawm zel turin kan ngen bawk a ni. Sd/Secretary Thlanmual Thar Fund Raising Committeee

July 11, 2009

Sunday Sikul

|antu

: Pi Lalruali, B - IV

|antu Thusawitu

Chawhnu Inkhawm : Pi R. Lalngaihawmi, B - IV : Pu C. Lalbuanga, B - I

Thusawitu

Zan Inkhawm : Pastor H. Lalengliana “Bible Society Campaign”

K. K|P T. P. July 12, 2009 A hmun Hruaitu Tantu

Tawngtai Inkhawm : Fellowship Hall : Nl. Lalruathlui, Mikaela Gr. : Nl.Vanlalremruati , Uriela Gr.

July 13, 2009

THLANMUAL THAR ENKAWLTU TUR DUH Dawrpui thlanmual thar Mualpui a mi chu a chhunga huan thlai bo hlauh thuah a enkawltu tur lak a hun tawh hle mai a, heta tan hian thlanmual a huan nei pah emaw bawngvulh etc paha mahni sumsenga chowkider dah thei tur duh a ni a, a duh chuan an duh dan chiang taka ziakin Branch YMA President Pu Chhawnkima Pachuau hnenah emaw Secretary Pu Vanlalbika hnenah emaw 27 July (Thawhtanni) thleng dilna thehluh theih a ni Sd/Secretary Dawrpui Branch YMA

LAWMTHU SAWINA Dawrpui football club ten sumtuakna atana vengchhunga sangha kan zawrh min leisak zawng zawng tute chungah lawmthu kan sawi tak meuh meuh a, chubakah vengchhung pa Deputy Speaker Pu John Rotluangliana’n Football 3 leh PASSO dawr neitu Dr Rindiki ten football 2 min pe bawka, an chungah kan lawm tak zet zet bawk a ni. Sd/Secretary Dawrpui Football Club

PATHIANNI

Thawhtan Zan

Hruaitu : Tv. Lalrinsanga, Com. Member |antu : Nl. Lalliankimi, Gabriela Gr. Thilpek : 1. Nl. Zohmingliani, Miakela Gr. lakhawmtute : 2. Nl. Zonunsangzuali, Mikaela Gr. Hun hman dan : Bible Quiz (Group Intihsiakna) (Damlo Puam Thilpek bawn hun a ni ang)

NGAIHDAN HUANG Kan thlanmual ram tur leina chhungkaw tinte thawh tur kan intukna ah hian mawhphur tute hian chhungkaw dinhmun an zirchiang tawk loin ka hria. Rethei leh Hausa kar ava hla deuh ve... - Maik-a Nu Multipurpose Centre chungchang hi ava reh ta ve, mipui te hriatah hian kan thlen chin hi min han hrilh ve vat teh u... Sipai bo kan bang map mai a lawm. Demand Day-te kha kan siam leh dawn em? - Dawrpui Tlangval Pathianni hmasa a YMA ten mipui te hnena zawhna leh chhanna an rawn siam kha ka lo chhiar ve a, \ha ka ti hle a. Amaherawhchu, zinga chhuak a tlaia lam a thehluh leh mai tur a siam erawh kha chu ngaihtuahna fim kan hmang hman lova. Chuvangin, vantlang inkhawm a ngaihtuah nise chu a finthlak ber ka ring. A chhan chu Mizoram pum nghawng thil a ni a, chuvangin rilru fim taka ngaihtuah nise a lawmawm ngawt ang. Khawharin riah hi Mizo hnam nghawng a ni a, in leh lo in a zir vak loh avangin khawhar chhungte duh dana riahpui hi a finthlak hle ang. - Zorama (Zawhna leh chhana chungchang hi hunrei tak a\ang tawh a, kan harsatna a ni a, News-ah pawh kan chhuah \hin a, Ex. Committee-ah pawh rel a niin hmalakna hmasa atana hei hi ruahman a ni Ed.)

Published by Y.M.A., Dawrpui Branch, Printed at G.S. Offset Printers, Treasury Square