Issue : September 2009

2 Kum 21 Issue No.9 Missionary Tlângau September 2009 Editor

: HS.Lalhmingthanga

Asst. Editor

: H.Zadingliana

Cir.Manager Member

: K.Lalremsanga : Rev.F.Sangvela : L.H.Liandinga

Address

2325252 (R) 2342250 (O) 9436047557(M) 2342294 (R) 9436157190 (M) 9436370298 (M) 2342624 (R) 2342667 (O) 2342011 (R)

Baptist Church of Mizoram Office Serkawn, P.O. Zotlang - 796691 Lunglei, Mizoram Ph.Off - 2342250 Res - 2342551 A man kum khatah - Rs 40

Thuchhuah rêng rêng hi a ziaktu mawhphurhna a ni a, Editor leh BCM ngaihdân a ni vek kher lo. Sl.No Phêk 1. 2. 3. 4. 5. 6. 7. 8. 9. 10.

Editorial Hringei zinga rawngbawltu John Paton Ziro ka thleng ta Bangpur Work Camp Report Mendavari Lamah Vanram an kai chuan.... Lehkhathawn Missionary-te Ropuina ramah BCM Mission Field Chanchin Kan BKHP hruaitu Sita-i

3 4 7 10 15 18 23 27 30 32

3

Editorial

Tho la, tawngtai rawh Engati nge in muthilh ? Thlemnaa in luh loh nân tho ula, \awng\ai rawh u. Luka 22:46. Olive tlâng bul\hut Gethsemani huana Isua \awng\ai hi a hnungzuitu Kristiante tân chuan zirlai ropui a tling a. Helai hmuna \awng\ai hi Isua tih dân pangai a ni a; keini pawhin \awng\ai hi kan nunphung pangaia kan neihve a \ûl a ni. Setana thlemnain kan vêl a dap chhuah vek avângin, thlemnaa \hu lo tûra, \awng\aia kan intihchak fat fat a \ûl tak zet. Thlemnaa tlûk luh mai hi kan tân a hlauhawm a niang, thlemnaa an luh loh nâna \awng\ai tûrin Isuan a zirtîrte \um hnih lai a hrilh a ni. |awng\ai chungchânga Isuan a zirtîrte hmaa a hruai ang hian Kohhrana hruaitute pawhin kan memberte hma hruai a, \hing\hi a, \hahnemngai taka kan \awng\ai fo a pawimawh a ni. Kan \awng\aiin kan duhzâwng tihhlawhtlin tum mai lova, kohna thianghlima min kotu kan Lalpa duhzâwng leh a ropuina tûra a hnênah kan inpêk luh a, “…..Nangma thu thu ni zâwk rawh se,” (Luka 22:42) tia a hnêna engkim kan hlan vek a ngai a ni. Thlemna thlipui vângin \ahna ruamte pal tlangin, lungngai leh thlaphanga hui pap pap zânte tam mahse, Lalpan a fa duhtakten mittui nêna \hahnemngai taka kan ngenna chu a lo hre \hîn a. Min thlamuan a, min tiharh a, min tichak thar leh tûrin vân a\angin vântirhkohte a rawn thlawh thlâktîr vawn vawn mai \hîn a ni. Isuan thlemna hneh a, a zirtîrte muhil a va kai tho ang hian, keini \awng\ainaa Hnehna changtute hian kan unau sual vanga chau leh muhilte kai tho tûrin pen chhuak ila. |awng\aia \an lâk a \ûl lai taka muhilte hi lo tho chhuak a, rinnaa hnehna chang tûra \awng\ai tûrin i fuih harh ang u.

4

Hringei zinga rawngbawltu John Paton Biakthansanga Khiangte

John G Paton leh David Livingstone te hian in anna engemaw zat an nei. Scottish ve ve an ni a, an ram chhuahsanin Missionary-in an chhuak ve ve a. Nupuiah Mary an nei ve ve a, an nupui te chu an hnathawhna hmunah sûnin, an nupuite phumna tûr thlan an mahni in an lai ve ve a. An hnathawhnaah thih mai theihna dinhmunah vawi engemaw zat an ding dun bawk a. Pathian thu-a an innghahna chu Matthaia 28:22 a ni ve ve. Rev.Dr.John Gibson Paton chu May 24.1824-ah Braehead, Scotland-ah a piang a. James leh Janet James te fa 11 zînga upa ber a ni a, nau mipa 4 leh hmeichhia 6 a nei. A pa James hian mawza siamna a nei. John Paton chuan thui tak school a kal thei lo, kum 14 a tling chauh tihah a pa sumdawnna chu a pui a. A pa chu Pathian ringtlut mi, nikhatah vawi-3 \awng\ai ziah \hîn a ni a. A fate hnênah chhandamna thu uar takin a hrilh \hîn a. John Paton pawh a pa rawngbâwlna a\anga piangthar a ni. A tleirawl chhuak zawt tih chuan, “Tuipui rala mite hnênah ka hmangaihna thu hi va hriattîr rawh. Kei i hnênah ka awm zêl ang,” tiin Missionary tûra kohna a dawng a. Missionary tûra inbuat-saihna atân Glasgow khawpui a pan a. A mamawh zual leina bâk pawisa a neilo, mahse Isua leh Bible a neih avângin a lungawi êm êm tho a ni. Pathian thu bâkah a thawhna atân a la \angkai dâwn a hriat avângin hliam leh damlo satliah deuhte enkawl dân a zir a. Chumi hnu chuan School-ah te thawkin a hunawlah khawlaiah Pathian thu ziak a sem \hîn a. March 23.1858-ah Reformed Presbyterian Church-ah Pastor atân an nemnghet a, chuta \anga ni 10 pawh tlinglo-ah chuan Mary Ann Robson nên an innei a. Reformed Presbyterian Church of Scotland, chuan New Hebrides a Missionary Rev.John Inglis puitu tûr an zawng a. An beisei loh takin John Paton chuan a chhâng tlat mai a. Mitam ber ngaihdânah chuan hringei thliarkâr-a Missionary a kal tum John G.Paton chu a â let tawp a ni. Putar pakhat phei chuan, “Hringei ramah i kal dâwn maw? Hringei chaw i ni mai,” tiin a

5 kalna tûr hlauhawmzia a hrilh a. Paton chuan, “Pu Dixon, nang pawh i boral hunah chuan tlumpi ei ral mai mai tûr tho i ni a. Lalpa rawngbâwl avânga ka thi ta a nih pawhin, duh leh hringei leh tlumpi chuan min eiral vek mahse pawi ka tilo,” tiin Krista vang chuan thih pawh a hlauh lohzia a puang chhuak. Paton te nupa chuan November 5.1858-ah New Hebrides-a thliarkâr pakhat Tanna-ah an lût a. Port Resolution-ah awmhmun an khur a. Thliarkâr an thleng chauh tih chuan chu thliarkâr a cheng hringei, hnam kawlhsen pui pui chuan an hual tuau a. A hmei a pa chuan kawr ha lovin ruakin an awm a, mipa ho chu rawngin an inziak rang ruai a, an luah sava hmul an \awn ngoh hlawm a. Chulaia awm hote chu an indo fova, an mi thah te sa chu chhumin an ei mai \hîn. Paton chuan rawngbawl a \an a, mahse harsatna namen lo tâwkin thahah an vau a ni mai lova, vawi engemaw zat thihna a pumpelh. Pathianin chulaiah chuan a rawngbâwl tûrin a la duh vang chauhin a nunna chu a hum him \hîn a ni. Tanna mitten an huatna chhan chu Jehova an biak chuan an hnam tihdân phung kalsan a ngai dâwn a, chu chu an duhloh vang a ni. Vauna leh harsatna kârah rawngbâwlna an \an a. February 12.1859-ah fapa duhawm tak an nei a, a hmingah Petera a phuah a, fa an nei chu an hlim hle. Mahse Peter apian a\anga ni 19 lekah a nu chu khawsikin a na a, a boral zui ta mai a. |anpuitu dang awm heklo Paton chuan a nupui thlan tûr chu amahin a laia lungchhe takin a phum. A nupuiin thihsan mahse fapa a la neih avângin tlem chuan a la hlim deuh a, mahse a nu thih a\anga ni 36 lekah a fapa pawh chuan a boralsan ve leh a. Mihring taka thlir chuan beidawn mai a awl duhawm hle. Chumi a chhapah chulai khua a mite chuan thah tumin an bei fova, \umkhat phei chu tuipui kama an hualchep laiin Lawng a rawn kal hlauh maia, chuta chuang Missionary Mathieson te nupa chuan Aneityum khuaah an hruai ta ringawt a ni. Aneityum a\ang chuan an ramah a hawnga, a rilruah hringei ho an lianin nasa zâwk a hmalâk dân a ngaihtuah a. Building \ha zâwk saknân leh teivahna atân Lawng neih ngaiin a

6 hria a. Chuta tân chuan sum a tûak sauh sauh a. June 17, 1864-ah Margaret Whitecross nên Edinburgh, Scotland-ah an innei a. Kum 1864 August thlaah New Hebribes thliarkâr chu an nupain an pan leh a. Tanna bul Aniwa thliarkâr-ah awmhmun an bengbel a. An chenna tûr In bâkah fahrah enkawlna tûr pawh an sa a. Aniwa a mite chu Tanna a mite ang bawk hringei tho an ni a, an danglam lo hle. Chungho zîngah chuan rawngbâwl an \an a. Harsatna leh dodalna nasa tak kârah an thawk zêl a. Maggie pawh chuan nuho chu thil \hui dân te, lehkha chhiar te zai te a zirtîr a. Damlote enkawlin buai takin hun an hmang a. Beidawng lova thawh tak tlatah chuan kum engemaw zat a liam hnu chuan Aniwa mite chuan an tâna an \hatzia an lo hre ta a. Ringtu an nei ta mai a. Aniwa \awng an thiam hnu phei chuan Bible thu \henkhat Aniwa \awngin an let a. Ringthar te chu an mite zînga rawngbâwl tûrin an buatsaih a, an tîr chhuak zêl bawk a. Kum 1899-ah Aniwa \awng Thuthlungthar an ti chhuak a, chu mai a la ni lo New Hebrides-a thliarkâr 30 zînga 25-ah chuan a ram mi ngei Chanchin |ha hril tûrin an tîr chhuak a ni. John G Paton te hian fa 10 zet an nei a, 4 chu an nausen laiin an thi a, an fapa Frank Hume Lyal Paton chuan a pa hnung zuiin New Hebrides-ah Missionary in a thawk. Hna thawk thei lo khawpa an upat hnuin New Hebrides chu an chhuahsan a. Maggie Whitecross Paton chu kum 64 a upain May 16.1905-ah a boral a, chuta \anga kum hnih January 28.1907-ah Paton pawh chuan a nupui chu a zui ve leh a ni. …………………….

7

ZIRO ka thleng ta!! FP.Lal\hathanga Evangelist Hong, Ziro Valley, AWF

Pathian hian a duhzâwng kan duhpui ve tlat chuan min ti beidawng ngai lo a ni tih hi ka nunah hian chiang ve ta riau hian ka hria a, ka dai leh ka thlen chin phei chu tam lo mahse a duhzâwng duhpui ve theihna tûr tâwk erawh chuan a rinawmna hi ka chungah a lantîr ve hian ka hria a ni. Kum 2006 June thlaah Music Teacher tûrin Seppa ka thleng thla a, kum thum vêl nuam ti taka ka thawh hnuin, Hqrs. a\angin Evangelist lâk tûr thu advertisement a lo chhuak a, ka \awng\ai a, Pathian hnênah ka duhna leh ka rilrute ka share a, chu ka duhna chu amah ngei chuan min hriatpuiin min lo tih hlawhtlin sak leh ta a. Tichuan Hong khua Ziro Valley, Arunachal West Field a Evangelist hna thawk tûr chuan Rampâwn Mission Committee kal tlanga lâk ka lo ni ve leh ta a. Mi \awmkai lo leh tlin lohna ngah tak te pawh hian a duhzâwng kan duhpui ve tlat chuan Lalpa chhanna leh rinawmna hi kan lo hmu ve leh nge nge \hîn a lo ni. Ka thawhna tûr hmun thar Hong khua chu phur takin ka pan a, a khawchhûng ngeia awm theih kan beisei vak lo deuh hman kha a ni a. Amaherawhchu, ka duhthusam leh kan \awng\aina ang ngeiin Lalpa chuan In luah tûrte a khaw chhûngah ngei min lo buatsaihsak leh ta vek mai. Ka inluah tûr kan hmuhni a kan Field Director (Rev.Lal\anpuia Colney) in “|hate, Pathian hian hnathawh hi a tum tak tak a niin ka hria” a tih te leh Missipn Department a kan hotute pathum, AGS, Regional Director leh Field Director ten min rawn tlawh \uma ka In luah a kan AGS \awng\aina thu, “Lalpa, tûnah hian hêng mite hian duh loin do hle che mahsela, nakin lawkah chuan tûna an sakhaw vawn lai hi, ‘engtinnge kan lo duh zâwk \hîn le’, tiin an la curse ve dâwn a ni,” a tithe chuan tihtûr min chhawp sak \euh hian ka hria a, a lehlamah chuan min ti phurin Lalpa min auhtîr tam hle a ni.

8 Ziro ka thlen chawlhkâr khatna Inrinni (27.06) chuan Apatani Baptist Association Sunday School Committee-ah ka tel ve a, agenda 5 lek relnân dârkâr 4:30 zet hun kan hmang mai chu mak ka ti nghâl hle. Heta ka lawmna leh min challenge êm êm tu chu Sunday School training an hman dân report kohhran hrang hrang a\angin kan ngaithla a, Union Baptist Church a\anga report petu chuan, “Naupangte chu miropuite chanchin kan zirtîr a, Mother Teressa, William Carrey leh Bro. Awma (Pu Lalthlanawma, Music Teacher) te chanchin,” tiin report a pe a. Amah hrechiang tu leh kum 14 lai a lo thawh tawhna hmun amiten naupangte zirtîr chhawn tlâk a an ngaih BCM Missionary an la awm zêl a ni tih ka hria chu ka lawmin a hmai uan thlâk ve riauvin ka hria a, chutih rual erawhchuan “nang hi eng nge i an ve ang?” tih zawhna chuan min deng nawn awn awn fo mai. Sunday (28.07) Zîng inkhâwmah ka kal leh a, dâr 9-10 chhûngin naupangho Sunday School neihpui a ni a, dâr 10-11 inkârah hian pitar, putar leh \halai hote ziak leh chhiar leh English grammar zirtîr an ni leh a. Hei hi chu ziak leh chhiar thiam loh hrim hrim vang pawh a ni lo a, ringlo ten min la do dal leh kan Biak In neih ve pawh Biak In anga hman an phal loh avângin (Sunday School hall tia vuah a ni a) a ni. Thiam chan nân, ngei ngei a school anga hman chu kan ti lo thei lo a, thusawi tak chu dârkâr chanve chhûng chauh hun dah a ni thung. Heti chung pawh hian, “Biak In angin in hmang leh tho si a, chuvângin in \hiah a ngai ang, a nih loha Biak In pangngai in duh chuan hmun dangah a hmun tûr zawng rawh u”, min la ti zui a ni. A chhan chu, kan Biak In bulah hian an lo leh huanah te ransa (sial, bawng, kel etc) te a luhlohna tûra an inthawina hmana mi tawh a awm ve a, chuvâng chu a ni ber in kan hria. An inthawi hun lai chuan kawngpui laih pawh la ni lovin, khawkar kawng ang maia zim te a ni a, tûnah te chuan motor kawngpui pawh kal tlang vek tawhna a ni a, kha khân engmah awmzia a nei pha tawh lo, an chhuanlam mai mai a ni tiin kan Kohhran hruaitute chuan min hrilh a ni. Tichuan, Biak In hmun tûr te chu zawng nghâlin Lalpa zârah kan hmuve leh nghâl mai bawk a, chulai hmun a sa tûr chuan village committee-ah thlen niin June ni 30 hmaa min tih felsak hram tûra ngen an ni a. Mahse, vawiin thlengin chhanna ala awm

9 ta chuang lo a ni. Tûna kan Biak In hmanah hian khuang leh Guitar pawh hman min phalsak lo a, kan zai hang ve tlawng tlawng mai a la ni hrih, ‘Praise the Lord,’ tia kan au rin vei \hîn nên bengchheng siam loh tûr an tih avângin kan ‘Praise the Lord’ hlei thei lo bawk. Ringlotute hian min la tam hneh em avângin ringtute hi engkimtithei ringtu mahni ila kan la pawr hlei thei lo deuh a ni. Khuang nên \ing\ang nên zaia Lalpa kan fak ve theihna tûr leh zalên taka Pathian thu kan aupuia, hnehna puanchhuaha a awmve hun tûr nghâkhlel takin kan thlîr mêk a, \awng\ai nain \an min lâkpui zêl kan duh êm êm a ni. Tûna kan Biak In hmanlai hi tûn kum January thla a, kan Field Director-in a hawn a ni a, amawherawhchu, hman theih lohin ringlo hoin min kalh sak leh a, Biak In awm an duh loh avângin Sunday School Hall tia vuah tûra inremna nên hawn leh a ni. Hong khua hi Ziro valley-a thingtlâng khaw lian ber a ni a, ringlotu pawh an tamna ber a ni awm e. Mahse, Lalpa hian a ram zauh a duh tawh a, hna a thawk dâwn a ni tih hi ka ring tlat a, tûna ka awm hnu ringawt pawh hian Lalpa duhna neia rawn pantu mi pathum an awm thar tawh a ni. Lalpa chu fakin awm rawh se. Kohhran-hote bang lovin i \awng\ai zêl ang u. ……….

10

Bangpur Work Camp Report Michael LH Mawia Secretary, |KP Kanaan Unit, Lawngtlai

|KP Kanaan Unit, Lawngtlai AOC Vêng chuan Kum 2009 chhûng atân ‘Mission Field tlawh’ ‘Kum Project’-ah neiin Kohhran committee-in lawm takin min pawmpui a, a lawmawm tak zet a ni. A hun leh hmun tûr erawh tum lâwkna kan nei lo. Mission Field tlawh thei tûr hian theih tawpa hmalâkna kalpui char char a ni a, Pathian zârah |KP member-te thawhrimna leh inpêkna avâng liau liauin Field-hi kan tlawh thei chauh a ni, a va lawmawm tak êm! BKHP Kanaan Unit, President Pi A.Lalthanzami kal tlangin Pathianin Bangpur (Tripura Field) mi 27 (mipa-19) (hmeichhia- 8) te chuan Tripura Field (Bangpur) a Work Camp nei tûrin Lawngtlai kan chhuahsan a. Dt.29.4.2009 (Wenesday) zîng dâr 6:10Am-ah |huampui (Aizawl) kan thleng a. Aizâwl a\ang hian BCM Bus, Aizâwl hman a ni a, chawl khawmuang lovin kan thuamhnaw te kan load sang sang a, Aizâwl dâr 6:30Am-ah chhuahsanin dâr 10:00Am-ah Rawpuichhip kan thleng a. Zîng chaw kan ei a, kan eikham hnuin kan tlan leh char char a; Dâr 7:10Pm-ah Kumarghat kan thleng a. Diesel-te kan thun a, Kumarghat-ah hian hotel-ah chaw kan ei a. Pi Lalhruaisangi te In (Darchawi khua)-ah zân kan riak. Pi Sangi te chhûng hian min ngaihven êm êm a, kan vaiin min mikhual vek a, kan va lawm tak êm! Dt.30.4.2009 (Thursday) zîngah Pi Sangi te chhûng hian Breakfast tui tak min siam a, Pi Sangi theihai pickle siam tuizia kha theihai pickle siam dân zîr tûra Dârchawia kal leh kha ni châkawm! Dâr 7:35Am-ah Dârchawi chhuahsanin dâr 8:54Am-ah Manu kan thleng a. Heta \ang hian Sipai Escort-na hnuai kal tawh tûr kan nih avângin kan chawl hlek a, Manu a\ang hian dâr 9:30Am-ah escort-na hnuaiah kan chhuak leh a. Bangpur panin kan tlan leh ta char char a. Dâr 2:50Pm-ah Tuidu kan thleng a, kan Missionary-te chhûng Pu John-a te nupain min lo chang a, an thil

11 thawn kan phurhte kan pe a, tichuan kan tlan leh nghâl char char a. Dâr 2:30Pm-ah Ompinagar kan thleng a, Ompinagar-ah hian kan Missionary Pi RL.Thianghlimi thil thawn dahin reilo te kan ding leh zâwk a, dâr 3:20Pm-ah rin loh deuhin Bangphur kan thleng ta hlawl mai a. Nl.C.Lalremsiami leh Kristian nula pathum vêlin min lo hmuak a. Nl.Siampuii Quarter-ah lutin chibai te kan inbûk a. Theitui te kan in zawhin lawmthu sawi \awng\aina te kan nei a. Tichuan hna \an tûrin kan insiam ta sang sang hlawm a. Work Camp hawnna leh Pathian hnêna \awng\aina hun Missionary Nl.Siampui’n a nei a, tichuan hna \an nghâl a ni. Dâr 6:50Pm-ah kan bang thei hram a, nuam kan tiin kan va phur teh reng êm!! Zân dâr 7:00Pm-ah Nl.Siampui’n Special taka chwhlui min buatsaih sak chu tui ti takin kan ei a. Kan puar zia te kha!! chaw eikham hnu hian kan inbual fai a, inpawlhona Programme-te hmangin \awng\ai rualna te neiin Nl.Siampuii hnên a\angin a testimony leh rawngbâwlna report part-I te kan ngai thla a, kham lo takin dâr 10:00-ah kan bang a. Nl.Siampuii Quarter hi a tet deuh avângin kan leng vek lo va, In hnihah kan riak khâwm a, a thlen erawh chu Nl.Siampuii hian min thleng vek a ni. Bangphur khua hi Tripura South-a awm a ni a. Thing a tam êm êm a, phaizâwl ang reng a ni bawk nên, hmuh thui a har khawp mai. Khaw lian ve ang reng tak chu a ni awm e. Jamatia hnam an ni deuh ber a, an \awng hman ber chu Kok-Borok a ni. Udaipur Association hnuaiah, Amarpur Circle hnuaia awm a ni a. Bangphur khuaah hian Kristian an la tlem hle a. Bangphur Baptist Church hi kum 10 vêl chu a ding ve tawh awm e. Tûnah hian chhûngkua 56 awmin, member 250 vêl an awm a ni. Kumin 2009-ah hian Kohhran hian ‘Kum Project’ (4) an nei ve a, chungte chu:(1) Biak In sak chhunzawm zêl nise. (2) Bible Class (Sunday School) vawi-3 tal kal (3) Tualchhûng Kohhran danga rawngbâwlna neih (4) Ringthar 30 siam Tûnah hian ringlo mi, ringtu (Kristian) ah pali (4) an siam tawh a. 26 an la hmabâk a ni. Biak In hi tûnah hian an sa mêk a, Cement Concrete-a sak a ni a, a chung Rangva an hmang a, finishing an la bâk a ni. Tin, tûnah hian Bangphur khuaah hian Missionary Nl.C.Lalremsiami chiah kan nei a, Nl.Siampuii hi

12 1 .June 1990-ah Missionary hna thawk tûrin Tripura-ah hian a lût a, vawiin ni thleng hian lawm takin rinawm tak leh \hahnemngai takin Missionary hna hi a la thawk ve \ang \ang a ni. Nula mahni chauha ring lo te zînga huaisen taka Lalpa rawng hlim taka a la bâwl thei zêl hi a va fakawm tak êm! Dt.1.May. 2009 (Friday) khân zîng 5:00Am a\angin Lei kan lai leh a, dâr 10:30Am thleng kan lai a, nuam kan tiin, kan phur tlâng khawp mai. |halai mahni In-ah pawh hna hram thawk vak ngai lo an tam vei nên, \hahnemngai taka bianga thlantui far zawih zawih chunga hlim taka lei an lai han hmuh hi a va nuam teh reng êm! Dâr 10:40Am-ah Zîng chaw kan ei a, kan eikham hnuin Ni a sat em avângin chhun Ni sa tlan chhiatsanin Nl.Siampuii hovin Dulukma Field tlawh tûrin kan kal a. Dulukma Elim English Medium-te tlawhin, thawktu Quarter-te kan fang kual a, Video Camera-in kan Cover zêl a, Introduction-te pein, \awng\ai hona hun te kan hmang a, Missionary-te nên thalâkna te kan neih zawh hnuin kan haw leh ta a ni. Dulukma-ah hian Missionary (5) kan nei a, pakhat hi B.Ed Training-in a thang mêk a, Elim English School-ah hian Voluntary-a thawktu 9 kan nei a, Peon leh Cook-te nên 17 vêl Worker kan nei a ni. Kohhran member 140-150 vêl helai hmunah hian kan nei bawk. Dulukma a\anga kan haw hnu hian dâr 3:30Pm a\angin Lei lai chhunzawm lehin zân dâr 7:00Pm thleng hlim takin hun kan hmang a ni. Dt.2.May.2009 (Sat) hian nilênga ruah a sur deuh reng avângin hna kan thawk thei lo va. Amaherawh chu vânneih thlâk takin Kongrai lama kan Missionary-te Tv.B.Lal-tlanzauva leh Lianchungnunga an rawn lêng phei a. Tin, Hazemar-a (DebBurma) a kan Missionary Pu C.Lalthawmliana a lo phei ve bawk a. Nilêngin st

Inpâwlhona leh \awng\ai nain hun kan hmang a, a hlimawin a ropui danglam hle. Dt.3.May.2009 (Sun) zîngah Inkhâwmna Biak In-ah kan hmanpui leh a. Zaipâwlin hla kan rem leh a, Solo –Nl Puii hnên a\angin kan ngai thla bawk. Tin thuchah hi kan zîng a\angin Pu F.Hmingthanmawian min hrilh bawk. Kan |KP a\anga Mission Field-a Pathian thusawi hmasa ber record a ni. A ropui khawp mai.

13 Work Camp hi zo lova hawsan kan duh loh avângin JCB kan hmang (hire) a, dârkâr 2 ½ hmangin Rs 3000/-kan pe a, ti hian Quarter hi sak mai theih tûrin a hmun hi laih zawh a ni ta a ni!! Lalpa chu fakin awm rawh se. Ropui ve deuh mai chu Mission field-a Work Camp nei tawh zawng zawngah chuan JCB hmang awm chhun ‘record’ kan siam hi a ni. Zânah Bangpur Baptist Church-te hian chawhlui min siamsak a, Inkhâwm ban hnu dâr 9:00Pm-ah Zanriah hi kan ei a, a hlimawm khawp mai. Dt.4.May.2009 (Mon) zîng khân haw zai rêlin dâr 7:30Amah zîng chaw kan ei a. Chaw ei khamah \awng\aina hunte hmangin Nl.C.Lalremsiami hnênah Rs 1500/-a \ûl apianga a hman atân Unit |KP hmingin kan hlan a, thlalâkna te kan neih zawh hnuin, in ui tawn tak chungin kan in bye bye liam ta a ni. Tichuan, kan haw kawngah hian Agartala lam panin kan kal a, Missionary chawl ta Pu Darkama thawhna Makhuchora Bethlehem Baptist Church kan en thuak thuak a, Kongrai-ah kan lût phei leh a. St.James High School-te tlawhin, hostel leh thawktu quarter-te kan en a. Missionary-te nên thlalakna te neiin \awng\ai rualna hunte kan hmang a. Thingpuite kan in zawh hnuin Khumulung lam panin kan chhuak leh ta a ni. St.James High School Kongrai-ah hian 1KgClass X thleng awmin 2009 Session-ah hian zirlai 546 an awm a, thawktu 26 leh Missionary 3 an awm a, an vaiin 29 an awm mêk a ni. Dâr 12:45Pm-ah Khumulung kan thleng a, Khumulung Baptist Church hi member 300 vêl an awm bawk. Yakhili-ah thingpui in in kan chawl a, Introduction te neiin \awng\ai rualna kan hmang a. Yakhili Academy English School-ah hian Missionary-te nên thawktu 26 an awm mêk bawk. Yakhili lamah hian Zion Baptist Church a awm leh a, member hi 200 vêl an awm mêk bawk a ni. Yakhili Academy English School-ah hian 2009 Session-ah hian naupang 480 an nei bawk a ni. Tichuan dâr 2:40Pm-ah tluang takin Agartala kan thleng a. Field director Rev.L.Vanlalsanga te chhûngin kan vaiin min thleng a, kan lawm hle mai. Dt.5.May.2009 (Tue) zîng 8:00Am-ah Agartala chhuahsanin dâr 8:45Pm-ah Vairengte kan lût a, zanriah te eiin, kan tlan char char a, dâr 11:00Pm-ah Kolasib kan thleng a,

14 Kolasib-ah hian Bialtu Pastor Vanlalchhûnga’n kan riahna tûr min lo tih fel sak vek a, Kolasib Baptist Kohhran Sunday School Hallah kan riak a. Pastor Chhunga leh Kolosib Baptist Kohhran hruaitute chungah lawmthu kan sawi tak zet a ni. Dt.6.May.2009 (Wed) zîng dâr 5:30Am-ah Kolasib a\angin Aizâwl panin kan tlan leh char char a, harsatna leh buaina tâwk loin dâr 11:00Pm-ah Lawngtlai kan thleng ta hlawl mai a. Sunday School Hall-ah Kohhran hoten min lo hmuak a, thingpui te kan in a, \awng\ainain kan \in darh ta a ni. Lawmthu : A tawp ber atân chuan hêng zawng zawng titheia min siamtu leh hruaitu Pathian hnênah lawmthu awm sela, a dawt leh atân chuan phal taka |KP-te Rs 500/-lai min petu Tv.Joseph-a chungah te, vawikhat chaw ei man min tumsaktu Tv.Lalhriatpuia Asst.Secy, leh F.Hmingthan-mawia chungah te, Bus min hman tîrtu BCM Aizâwl E.S. Rev.H.Lianngaia leh a thawhpuite chungah te, Driver fel tak Pu Hmingtea chungah te, ei tûr tui tak tak min hluitu leh duat taka an In-a min thlengtu Pi Lalhruaisangi te chhûngkaw chungah te, Bangpur Baptist Kohhran chungah te, Tripura Field-a BCM Missionary zawng zawng chungahte, Nl.Siampuii (keini chuan warden kan ti) Bangpur-a kan Missionary chungah te, \hahnemngai taka min \awng\ai sak \hîntu mimal leh Kohhran chhûngkaw tin chungah te BCM Kanaan Kohhran chungah te Pathian hmingin lawmthu kan sawi mawlh mawlha, Lalpan a let tam takin malsâwm mawlh che u rawh se tih hi kan \awng\aina leh kan duh ber a ni e. Dam takin Mang\ha u Bangpur – Hambai!!

15

Mendavari Lamah R.Lalromawia Vice President, BMP Lunglawn Unit

BMP Lunglawn Unit kumthar (2009) Project siam chuan Bial pâwn fehchhuah/Work Camp ramchhûng hnai vai deuha kal a rêl a, khawilamah nge ni ang tia ngaihtuahna a sen lai mêkin kan Missionary Nl.F.Zoramthangi E.N. Mendabari, West Bengal sawmna kan dawng ta hlauh mai le! Sawmna lawmawm huphurhawm bawk si chu Committee chuan chhan loh ngam chi a ruat lovin kan Project sum lo dah tlem bawk si ngaihtuahin huphurh leh châk bawk si chuan Work Camp neih chu a rêl thlu ta a. Kan kalna tûrte a hlat avângin kan sum neih sa a tlem deuh si a, ngaihtuahna a buai nghâl map mai; mahse Lal Isuan, ‘Sangha leh chhangper tlemtein mipui sang nga a hrai a ni’ tih chu innghahna tlâk a ni tih hriain hmanhmawh takin sum tuak dân a ngaihtuah nghâl a, member \hahnemngai te leh kan khawtlâng VC ten inhlawhfâkna te min ngaihtuah sak ta zung zung a, Kohhran puiin Rs 6000/- zet min pe a, mimal \hahnemngai te thilpêk tlingkhâwm nên kalna tûr khawp sum Lalpan min pe ta der mai. Mahni intum chawp \hîn Lalpa chu fakin awm rawh se. Work Camp neihna tûr Mendabari Mt.Olive School Hostel sak hi School chawlh laia hmalâk \an tûrin hmanhmawh taka inbuatsaih a ni a. Sum sen tlem dân ngaihtuahin motor remchâng ang anga kal tûrin kan inbuatsaih ta a ni. Dt.6.7.09 zîngah member 11 kalchhuak tûr chu Kohhran member ten min thlah a, Rev.H.Rokhama, Kohhran Chairman a \awng\ai a, zîng dâr 7-ah MST Bus-in Aizâwl panin kan chhuak a, Aizâwl-ah hian chhûngkhat leh \hian \hate hnênah kan innghat hlawm a. Ni 7 tlaiah Night Bus-in Guwahati panin kan liam leh a. Ni 8 chawhnu dâr 2 vêlah Baptist House (Guwahati) tluang takin kan thleng a. Regional Director-te chhûngkua leh thawktu dang ten min lo dawng sawng a, Assam Bengal Field Director Rev.Joseph Vanlalruata a \awng\ai a. Kal zêl dân tûrte min ngaihtuah sak a. A tûk ni 9 zîngah motor-in Rail Station-ah min thlah a, train-ah pawh min thun fel a ni ber e. Alipurduar-ah Nl.Zoramthangi ten min lo

16 hmuak a, Taxi Van 2-in Work Camp kan neihna hmun tûr Mendabari chu chhun dâr 12 vêlah kan thleng a. Lawmthu sawi \awng\aina Nl.Zoram-thangin a nei a. Tichuan tûk\huante kan han ei sawk sawk a, a hmunhmate teh felin hna kan \an nghâl a. School Hostel thar tûr 50ftx17ft a zau ruahman a ni a, a faundation lai nghâlin kan thlen ni hian a ban zatve panga (5) cement ban siam sa 5”x5”x12ft chu kan phun nghâl a ni. Dt.10-14.7.09 chhûng chu zîng a\anga nitlâk thlengin chhunah dârkâr hnih khat kan chawl hlek a, kan thawk char char a ni ber e. Thil lawmawm êm êm pakhat chu khua a lum hlenain chawlh rawt aiin \an leh thuai duh hlir kan nih avângin a nuamin a hlimawm hle. Kan hnathawh lai hian Nl.H.Lalrinpuii (Teteii) Headmistress, Mt.Olive School Debitola leh a \hian ten min rawn tlawh a. Pu Siamkima E.T. Birpara leh a \hianten Birpara a\angin min rawn hmuhpui bawk a, kan lawm hle a ni. Dt.11.7.09 zân hian Mendabari Biak Inah \awng\ai inkhâwm kan nei a. Hetah hian Pu MS.Dawngliana kan Treasurer-in hun a hmang. Dt.12.7.09 Sunday zîngah Mendabari-ah in-khâwmna kan nei a. Pu PC.Lalhmingthanga kan President-in thuchah a sawi a. Mawi takin hla kan rem bawk. Inkhâwm banah Birpara Mission Compound-ah kalin \awng\ai hona leh Missionary thlan te kan tlawh a. Pu Siamkima leh a thawhpui dangte nên Quarter-ah \awng\ai hona leh thingpui in hona kan nei a, tlai lamah Mendabari-ah kan kir san leh ta a ni. Kan Missionary te, taksa lam han en a derdep tê tê Lalpa mi huaisen ni tlat si te hmêl han hmuh hian kan inpêkna tlemzia a va lang nasa êm!! I \awng\aipui \hîn ang u. Hemi zân hian Mendabari Biak In pakhatah inkhâwmna kan nei leh a. Rbt.Rinzualan thuchah a sawi a. Hla kan rem bawk a, kan zaitui hle mai. Work Camp chhûng hian Nl.Zoramthangi (Tei) nau, Pu F.Zokhuma te nupain Vawk 40 a lian min talh sak a. Kan ring tlut tlut mai a, kan tlai hle. Nl.Tei leh a school naupang ten eirawng min bawl sak a. Tv.Lal\anpuia (|P-a Headmaster i/c Mt.Olive School, Mendabari) in thil \ûl apiang min ngaihtuah sak a, rim takin a thawk a. School naupang rawn lût \antîr buaipuiin a \ûl hle bawk a. Zan lamah naupang zun zung hruai nên kan Missionary te hna hi a lo va zau êm! Work Camp neihchhung zawng hian zan

17 lamah \awng\ai hona leh sharing te neiin hun kan hmang \hîn a kan hlim tlâng hle a ni. Mt.Olive school Mendabari hi Nursery a\anga class V thleng hawn a ni a pâwl sang zâwk pawh hawn belh zêl tum a ni. Chuvângin hmachhawp leh umzui tûr a tam hle a. He rawngbâwlnaa tel ve tûr hian Lalpan a ko ve che êm? Lalpan i awl bîk a phal lovin ka ring. Thlaraubo chhanchhuak tûr chuan hmanhmawh leh tlan pahin kan thawk a ni mai thei, Lalpa ram a lo ngheh a, luangchhuak leh rahchhuak a, a Kohhran din tûr chuan insenso belh zêl rih a \ulna a va tam êm!! Dt.15.7.09 tlaiah Mendabari Kohhran hruaituten zanriah tui tak min buatsaih sak a. Zânah inkhâwmna neih zui nghâl a ni a. Kan Senior Advisor Upa K.Lalchamlianan thuchah a sawi a. Hla kan rem leh bawk a. Rabha Kohhrante hian zaia Lalpa fak hi an uarin an tih tûr a ni tih an hrechiang hle a, entawn tlâk tak an ni. Kan Work Camp kalna atâna min buaipuitu mimal, pâwl leh Kohhrante, min \awng\ai saktu zawng zawngte chungah lawmthu kan sawi a. Aizâwla \henrual \ha te leh kan Regional Director, Rev.F.Ram-dinmawia te chhûngkua leh Tv.Isaac leh a \hiante chungah Lalpa hmingin lawmthu kan sawi tak meuh meuh bawk. Kan Hostel sak hi thingzai awm remchan loh lai a nih avângin chhunzawm zêl a remchâng ta rih lova. A \ûlna hria apiang ten kan chhunzawm atân, a skirting thleng Brick remin kan tawp san ta rih a ni. Dt.16.7.09 zîngah kan Missionary ten Breakfast tuihnai tak min buatsaih sak a, Tv.|anpuia Headmaster-in \awng\aina a min thlah hnuin hna hmabâk tam tak awmte chu kan tlan liamsan ta a. Guwahati a\angin Night Bus-in kan tlan zawm zêl a. A tûk ni 17 chawhnu dârkhat leh a chanveah Aizâwl kan thleng a. Hemi ni vek chawhnu dâr 2-ah tlawmngai taka min lo nghâk ngar ngartu Sumoin zân dâr riat leh a chanveah Lunglei kan lo thleng leh a. Kan Senior Advisor, Upa C.Lalhluta leh member \henkhat ten Martar Room, BCM Lunglawn-ah thingpui nên min lo hmuak a, \awng\aihona kan neih zawh hnuin mahni in lam kan pan ta sang sang hlawm a ni. Kan zinna kawng tluana min hruaitu Lalpa chu fakin awm rawh se.

……….

18

VANRAM AN KAL CHUAN Kei pawh ka kal ve dawn em mai !! Krista Pasaltha Lalhmangaihzuala Renthlei

A mak ang reng khawp mai, kan thupui hman dân kher kher hi hriatthiam harsa ka ti viau a nia. Mihlim \awngkam chuan he thi hi a lo thleng ve miau si a, a lang ve tlat si a nih hi!! Engnge a awmzia i han zirho dâwn teh ang u hmiang. Ni 28.2.2008 zân khân Lunglei a\angin Sêrkâwn-ah ka chho va. Rev.C.Lalbiaksanga te Quarter-ah ka riak a. Hetih lai hi Lunglei Jail rawngbâwlna ka neih lai a ni a. Zânah chuan ka sermon ziak lai mêk ‘Kross hmêlma nun leh Krista Sipai rinawm nun’ tih chu ziak chhunzawm lehin room-ah ka inkhung tlat a, dâr 11:26-ah ka ziak zo thei hram a ni. Ni 1.1.2008 zîngah chuan Lalpa’n min kai thova, Pathian hnêna lawmthu sawina leh inhlan tharnate neiin he hla ril leh ropui, K.Vanlallawmi’n mawi taka a sak hi ka chham leh mial mial mai a: Lalpa, ka nun enfiah la, Zîng\ian khawvar êngmawia’n; Mumang ka chhuahsan laiin, Thinlung thar min siam rawh. tiin. He hla phuahtu Rev.Lalremsiama Ralte hi Dt. 1.3.2008 Zirtawp ni zîng \awng\ai inkhâwm ban veleh Pastor quarter BCM Gilgal Theiriat-ah kutsuih ngeiin, a live ngatin ka chibai a. He hla phuahtu a ni tih ka hriat tirh phat a\ang tawh khân kan Pastor hi hmuha chibai ka châk êm êm reng tawh a. Hemi \uma kan inchibai thei ta hi ka lawm a, vânnei ka inti êm êm a ni. A petu Pathian hnênah lawmthu awm sela, a va ropui êm, kum engemaw zat chu he hla hi zîng \awng\ainaah ka hmang ve ta. He hla thu hi a ropui a ni. A thunawn (Chorus) chu hei hi a ni: Nangmah ang tûrin ka nun hi Vûr angin vâr thiang se, Hlobeta daifim iangin, Eng se mitin zîngah

19 A va \ha êm êm ve aw!! He khawvêlah hian famkim lo taksa puin awm mah ila, ringtute chu Isua Kristaa nun nei tawh kan ni a, chuvângin nun Krista-in kan nungin, kan awmna apiangah kan nun Krista chu kan pholang zêl tûr a ni. ‘Tlângchhipa khaw awm chu thuhrûk theih a ni lo’ kan Lal Isua’n a tih kha, ‘Nun Krista’ neitute kan ni a, tlângchhipa khaw awma chu. Kan mihring hlui bawlhhlawh tak leh chhe zet te chu Kross-ah khenbehin a awm tawh a, nun thar Krista-in thlan a\angin Krista hnehna azârah thovin kan nung ve tawh a. Thihna pawhin a ngam loh Krista Kross hnehna ropui avângin, hlim tak leh huaisen takin : Hneh theih loh nun ka nei, Lal Isua’n min pêk chu; Hmangaih nun thianghlim, Hneh zêl tûr nunna chu. KHB No 400.tiin Setana chu kan zaikhum ve tawh a nih kha, Pathian fakin awm rawh se. Khawvêl mi (Piangthar lo) te nên kan inang thei tawh lo hrim hrim. An ni chu an lungngaih \hîn laiin, keini chu kan thlamuang tlat a, an lawm theih tlatloh lai pawhin keini chu Krista avângin hlimin kan zai reng a. An ni chu beidawnga an \ah ngawih ngawih lai pawhin keini zawng beiseina nung neiin hreawmna hnuaiah pawh hlimin kan nui reng zâwk si a. Lalpa neitute danglamna chu engkima lungawi zêl theihna hi a ni. Awle, ka zîng \awng\aina hla kha han sak chhunzawm zêl ila: Chang hnihnaah, Isu, ka entawn ni la, Nun chetze kawng tinrenga’n; Midangte zaichhawn thiaman, Annem nun min hmantîr rawh, Hrilhfiah ngai lovin a fiah nghâl vek awm e. Ringtu Kristian piangthar kohhran mi dik takte nun tûr a ni reng a. A taka nunpui chi a ni. Chang thumna sa leh nghâl law law ang. Chunglam ka thlîr fo \hin nân vawng la, Ka ngaihtuahna peng tûr; Thinlung i chenna tlâkah, Kaidumte silfai rawh. He lei pârmawina hian min hip nat ve em \hîn avâng hian, chunglam kan thlîr fo \hîn a \ûl. Paula pawhin, “Chunglam thil awmahte chuan in rilru nghat tlat rawh u,” a tih kha. Kan rinna

20 lawmman tûr ropui êm êm hi kan hriat chian fo hi a va pawimawh êm. Hebrai lehkhathawn ziaktu pawhin, “In rinna lawmman chu paih bo suh u, lawmman ropui tak a nei dâwn si a…” Heb 10:35 tiin a sawi a. Tin, fak hla siamtu pawhin, “Aw, Thlarau Thianghlim lo kal la, kan tha tichak ang che, Kan rinnain min hmuhtîr la, Chumi ram nuam tak chu,” tiin a phuah a, kan sa al al \hîn a nih hi. E khai, a châng tawpna ber sa tawh teh ang, kan zai tui hle mai, a hla thuin a zir a, a thlûk lah a fuhin, sak a nuam si a: I kiangah hmun min siam la, Mawi taka pâr ve tûrin; Thilsiam, i lungdum iangin, Chawi che ka nuam ve e. Ringtu nundân tûr leh kan nihphung tûr te; kan lanchhuah dân tûr leh kan rah chhuah dân tûr te hi a mai mai lo asin, Bible-in min zirtîr a, kan hre êm êm a ni, i ngaihtuah chiang ngai em? Mahni duh dân dâna kan nuam tih zâwng leh kan thu tihzâwng ringawta khawi hmunah pawh, englai pawhin, eng hunah pawh awma khawsa mai mai tûr leh nung mai mai tûr kan ni lo tih he hla a\ang ringawt pawh hian a va chiang tehlul êm. A phuahtu kan Pastor hian he hla ropui hi mihring ir âwm a\anga chhuak ni lovin, amaha nung Krista Thlarau ir âwm a\anga a phuah chhuah a nih a rinhlelhawm hauh loh. He hla thu hi a nungchang a \ha a, a mawi êm êm a ni. Thlarau khawvêla saka nunpui tûr ni lovin, hringnun khawvêlah ngei hian uar taka sain kan nunpui ngei tûr a ni. Tichuan kan nunah Isua hmêl a lo lang anga, Pathian chawimawiin a awm thei \hîn dâwn a ni. Chutia Sêrkâwna riak ve ta chu, vawikhat mah Sêrkâwn Biak In (BCM) ah ka la inkhâwm ve miah loh avângin zîng \awng\ai inkhâwm ka kal ve ta a. Exercise ka la \hîn a, ka insawizawi chu Biak In-ah chuan ka lût veta a ni. Hmun pui ber leh inpui changber a ni a, ka rilru in a hre rauh rauh reng \hîn si a, hemi \uma ka inkhâwm ve chu ka lawmkhawp mai. Mit thla in Sâp Upa leh Pu Buanga te hmêl pawh ka hmu thar chiai chiai asin.!!!!! Kan \awng\ai zo a, Biak In a\ang chuan kan chhuak sang sang a, kawtzêwlah chuan kan puithiam \henkhat te nên kan inchibai nak nak a, min la hmu lo leh min la hre lo an tam zâwk

21 daih, keipawhin chiangkuang a ka hriat chu pakhat chuah a ni. Bialtu Pastor a nih laiin a Quarter-ah ka thlen chilh tawh a. Jail rawngbâwlna ka neih laiin. Kum hnih emaw bâk a la liam lova, ka la hai hman em lo. Ani erawh chuan min hrelo emaw, min hai hmantawh emaw a ni thei, engpawhnisela chulamah chuan buai na tûr a awm lova chutia kutthing a kan in chibai lai chuan ka thinlungah chiang tak maiin thu a lo thleng ta tlat mai!!!! Bengawng tân pawha hriat loh theih loh, thinglung chhûngril a ri leh thleng a ni tlat Mitdel tân pawh a hmuhtheih ngei ang!! Chutiang khawpa chiangchu a ni tlat. Chu thu chu hei hi a ni: “VANRAM AN KAI CHUAN KEI PAWH KA KAI VE AWM EM MAI” tih thu hi zuk ni tlat a maw le!!

Mak ka ti a, a ngaihna ka hre lo; ka rilru a \awng\ai reng a, Pathian hnênah a awmzia ka zawt zêl a, tichuan Pathian Thu lo thleng hmasa ber chu ziak tûrin ka room-ah kan tlan lût a, ka ziak nghâl ta mawlh mawlh mai a ni. II Kor 3:2, ‘Nangni hi kan lehkha, kan thinlunga ziak, mi zawng zawng hriat leh chhiar chu in ni e’ tih thu hi. Tin, hla thu a rawn thleng leh nghâl a. ‘Miten min chhiar, min thlîr reng e, Ka awmdân zawng zawng min hai lo, Krista nunmawi leh Chanchin |ha Keimahah hian hmuh an châk \hîn’. Misual kan tih \hin, zu hmuna awmte, lehkha denna hmuna awm \hînte, Biak In thleng phâk ngai lo hoten kan Upa leh Pastor te, mihlim inti, inti thlarau chang sâng tak tak te, Kohhrana inhmang taima êm êm te leh, zaipâwl lama tel uluk ve êm êm \hîn te, inti sakhaw mi leh mahni ngaiha inti Kristian \ha êm êm mi tam tak te chu min han ral thlir \hîn a, kan pawnlam nun pawh an lo hmuh hmaih hauh lo asin! Ngaithla zeta rawngbâwlna huanga \an kan lo lâk ve mêk lai hian an ni lah chuan, “Saw mi saw, saw nu saw, saw pa saw vânram a kai phawt chuan ka kai ve awm em mai” tiin zu zuar hote pawhin zu bêl nên pawh vânram kai ngei theih an inring tlat asin!! Engvang nge? He \awngkam hi kei ngei pawhin ka lo hmang tawh \hîn a, tûn thleng hian mi \henkhat chuan an la hmang uar khawp mai. A mak hran lo, hmang lo thei lova hmantîrtu a awm tlat; chu chu sual Setana, bumhmang pa vang hi a nia sin. A

22 thangah an âwk tlat si a, he \awngkam hmanga min rawn teh tling lo \hîn tute hi an khawngaih thlâk awm êm êm a, bumin an awm a ni, hliam an tuar a ni Thuhriltu 7:16-17 kan chhiar chuan, “Kherkhiap lutuk suh la, inti fing lutuk hek suh, engahnge mahni leh mahni i intihchhiat ang, suaksual lutuk suh la, a hek suh, i hun lo takah engahnge i thih ang?” tiin kan hmu a. Hei hi an dinhmun chiah a ni e. Mi nun tehin an buai a, an mahni pawh an intichhe hial \hîn. Khawvêl mite chu eng ang pawhin inchei sela, eng ang pawhin \awng bawk mahse, he khawvêl hi an ram a ni a, an duh dân dâna an khawsak leh an nun an hman a thiang a ni. Keini chu vânkhua leh tui kan nih tawh avângin khawvêl mite nên kan danglam tawh. Rom 12-ah Paula’n, “He khawvêl dân ang hian awm suh ula, Pathian duhzâwng, a \ha leh lawm tlâk leh \hat famkim chu in hriatfiah theihna tûrin, in rilru a thara awmin lo danglam tawh zâwk rawh u,” tiin Kristaa nun thar neih dân min hrilh a ni. Tin, chung miten hetianga an rawn teh a te pawh sual buma awm leh, Kristian fimkhur tâwk lo, nun chhinchhiah nâna Kross vuan tlat reng lote kan ni thei a, bumin kan awm a, kan nunah Krista lang lovin sual hmanrua, mite mit tideltu, mite kawng daltu, Kohhran mi hnawksak, ‘Buhlem’ Lal Isuan a tih te kan ni tih ka sawi duh. Simna tel lo piantharna Krista tel lova Kristianna, Thlarau Thianghlim tel lo sakhaw mi, ringtu der an ni. Chutianga min titute chu an demawm lem love, kan nunah Krista an hmu lo a ni ve mai a! Ringtu nun hi mihringte duhtui leh duh thianghlim lam ni lovin, Pathian Thianghlim hian a duhtui a ni zâwk, “A kotu che u a thianghlim angin, nangni pawh in chetzia zawng zawngah lo thianghlim zâwk rawh u, nangni in thianghlim tûr a ni, kei ka thianghlim si a”. I Petera 1:15-16, tiin nun thianghlim nei tûra sâwmna kan hmu. Phil 1:27-ah, “Engpawh nisela, in awmdân chu Krista Chanchin |ha nên in mawi phawt rawh se,” tiin Paula’n a sawi a. Tin, II Tim 4:5-ah chuan, “Nang erawh chu engkimah fimkhur la…” tih thu bawkin fuihna kan hmu a ni. Rom 12-ah Kristaa nun thar leh Kristiante nundân tûr kan hmu a, Ephesi 4-ah ‘Nun hlui leh nun thar’ tih leh ‘Nun thar dân’ tih kan hmu. Ephesi bung 5-ah Kristian, ringtute nihna tûr hi a va namai lo êm! Jeremia 17:21-ah, “In nun hi fimkhurpui hle teh u…” tih kan hmu bawk. Tin, Hagaia 1:5,7-ah, “In kawng zawh laite kha chhut

23 ngun rawh u..” tih kan hmu bawk. Misualte’n kan nun an han en \hîn a, engatinge ‘Vânramah an kai chuan ka kai ve awm em mai’; tia an nunah an lungawi theih tlat loh le? “Lalpa mit chu hmuntinah a awm a, thil \halo leh \ha a en thla reng \hîn si a” Thuf 15:3. Chhungril lama takna duh tlat Pathian, inthawina aia thuawihna duh zâwk Pathian kan bia a ni tih kan inhriat fo a va \ûl êm. Awle, nang ringtu leh Lalpa rawngbâwltu chu Kohhran i ni a, i rawngbâwlna chanvo leh i ringtu nun chu eng anga ropui leh langsar pawh ni sela, mite’n (misual zâwk ten) i nun an chhiar a, “Saw mi saw vânram a kai phawt chuan kei pawh ka kai ve awm em mai” an tih theih tlat si chuan fel lo ru a awm a ni thei tlat asin! Pathian rawngbâwltu ni lova mit rawngbâwl, mihring rawngbâwltu ni zâwk pawh a awm theih, kan inenfiah fo a \ûl. II Kor 13:5-ah, “Rinnaah chuan in awm emaw nangmahni ngei inchhin \hîn ula, nangmahni ngei infiah \hîn rawh u,” min ti a. Sinai tlâng dân anga Lal rawngbâwl a \ha lo angin, ringtute chu Sinai tlâng dâna inchibai tûr kan ni lo, khawngaihna dânah a tling zo lo. ‘Vânramah ka kal loh phawt chuan tumah an kal bîk hauh lovang’ ti thei zâwk tûra Isua Krista kan rinna nunah kan chian a, mitten keimahni avânga Krista an rin ve a, Vânram kawng an zawh ve phah hial theih nân, ‘Kristian kal fimkhur rawh, hlauhawm a hnai’ ……………………..

LEHKHATHAWN To, Kristaa ka unau, rawngbâwlpui duhtak te From : Dr Zothansiami Ralte, Musekee, Thailand June 2009 In mi \awng\ai sakna avângin Pathian hnathawh ropui tak vawiin thlenga a thara kan dawn zêl avângin Lalpa chu fakin awm rawh se. Keini rawngbâwl dân hi tlema a danglam deuh avângin kan mamawh zawn tak min lo \awng\ai sak zêl theih nân kan

24 rawngbâwl dân kal phung leh kan hmachhawpte a tlângpui ka han tarlang ang e. Karen Tlângmi Tribal zînga rawngbâwl kan ni, Tlângmi Tribal hnam engemawzat zîngah Thai sorkâr chuan hnam 6 chauh hnamah a pawm a, chung hnamte chu Karen, Hmong, Lahu, Mien, Akha, Lisu te an ni. “People of the Golden Triangle by Paul & Eclaine Lewis 1984” Project Center a kan rawngbâwlna kum 20-a lo hnai ta mai a. Project Center kan din chhan leh din dân Tlângmi Tribal hote hi an mawlin an rethei hle a. Khawvêl sualna chhumpui chuan an retheihna leh mawlnate chu remchângah hmangin zu leh drugs te chu a lar \an ta, nula te chu nawhchizuar hmangin zu leh drugs te chu a lar \an ta, nula te chu nawhchizuar atân thlem chhuahin an awm ta a. Kan awmna hmun kilkhawr takte pawh chu a lo thleng \ep tawh ani tih ka han hriat chuan, ka thinlung a mangang a, Lalpa ka au ta a, Lalpan vision min pe ta tlat mai. Karen Baptist Schoolah ka pasal nêna thawk kan ni a, Lalpan chak zâwk leh \angkai zâwka sual ral lian do tûr chuan hmathar lâk tûr min kawhhmuh ta si a. Chu hmathar lâk tûr Lalpan min hriattîr angin hma kan la ta a. Sam 37:5 “I awm dân tûr chu Lalpa chungah nghat la amah chu ringla aman a ti vek ang” Lalpan kan dîlna a ngaithla a, a hun tak zêlah \anpuitu min pe a. |anpuina kan dawn hmasak ber chu 1989 khân Baptist Union of Sweden in Baht nuaihnih (Cheng nuaihnih hu vêl)a ni a. Tlângmi Tribal huam kim thei tûrin Project Center ‘Hill Tribes Resources and Development Center’ Musekee Karen khua-ah kan din ta a. Hman hmawh takin hostel leh Center enkawltute chenna tûr In kan siam ta a. Hostel a awm tûr, fahrah, rethei an chhûngten school an kal tîr theih loh hmeichhia tleirawl engemawzat kan la khâwm a. Keini nupa pawh kan hna school zirtîrtu bansanin center-ah kan lut ve nghâl a, enkawltu tûr mi inpe an lo lût nghâl bawk a. Lalpan thawhpui tûr mi tam zâwk America, Japan, U.K etc a\angin min pêk belh zêl a. Boys & Girls hostel kan nei thei a. Enkawltu tûr volunteer kan neih belh zêl bawk a. Lehkha zir tûr ni lo. Fahrah rethei, chanhai nu thihsan nausen te min pe bawk a. Lalpan a hmangaih te hi keini chuan hnar thei kan ni lo. Center din chhan leh ngaih pawimawh ber chu Center-a awm zawng zawngte Krista hnêna hruaia taksa leh thlarauva mi

25 puitling, mahni intodelh midangte Krista hnêna hruai thei tûra buatsaih a ni. Center an chhuahsan hnua anmahni kea ding thei tûra taksa leh thlaraua buatsaih a ni. Hêng tlâng mite retheihna leh mawlna hi an harsatna lian tak a ni. Bru School a zirtîrtu hna ka thawh laiin Bru nu pakhat chu – “Kristian i ni em”? Ka ti a, “ka pi ni e, mahse kan rethei em a, Kristian pawh ka ni thei tawh lo” a ti a. Ka rilru a khawih hle a ni. Henglai tlâng mite harsatna pawh hi an retheih leh mawlna hi a ni ngei ang. Lalpa chu Taksa leh Thlarau chhandamtu a ni si a. Taksa leh Thlarau lâk hran theih lohah hian Kristiante chu an mawlna avânga retheihnate chu chhan chhuahin an awm tûr a lo ni. Center hi Taksa leh Thlarau chhanchhuahna chhandamna changtute hi Thlarau leh Taksa mahni intodelh a hmasâwn zêl tûr leh midangte zirtîra, kawhhmuha, zirtîr thei tûra Training Center atân buatsaih a ni nghâl a ni. Center-a an awm chhûng pawh hian mi \hahnem ngaite pêkkhâwm, chawmhlawm ringawt nih tîr kan tum lova, an tih theih tâwk thil hrang hrang zir paha thawh chhuah a ni. Ram zau tak kan nei a, Lo (leilet) huan nghet leh thlai hmun, ran vulh, puantah, puan\hui, chhang siam, carpentry, cement block siam, dawrkai motor thil phurha inhlawh etc. Bible School kum 2 zir 2009 hian zirlai 9 an awm, mahni intodelh thei tûra huan leh ranvulh tîr an ni. Chiangmai-a kan Inah High School zirlaite pawh tui thianghlim siamna kan nei a- khawpuiah an intodelh theih nân an hralh \hîn a ni. Leilet-ah buh engemaw zat kan thar chhuak ve a, kawng danga kan thawh chhuahte nên kan khawsakna atân kan \angkaipui phâk a ni. Kum 2009 kum chanve kan lo thleng leh ta reng mai. Thailand tlâng mi Karen Baptist School-a English zirtîrtu-a thawk tûra ka thlen 21 January 1984 a\anga vawiin thlenga Lalpa min hruaina hi ropui ka ti. Lalpa hruainaa Project Center kan buatsaih dânte a ngaihna hre lova Lalpa kan rin ngamna Sam 121:1-2 “Khawilam ami nge mi \anpuina tûr lo thleng an mi \anpuina tûr chu Lalpa lei leh vân siam tu hnên ami alo thleng ang”. Kan Pathian hi rintlâk Pathian a lo ni. Center-a Boys & Girls hostel a\angte leh kan hostel enkawl hmun dang a\angin tûnah hian graduate 30 chuang kan nei a. Agriculture, Teacher College, Bible School chhuakte pawh kan nei. Tûnah engemaw zat zirlai School College hmun hrang hrang a zir engemaw zat kan nei. College zir chhuak kan Center leh Center

26 thara thawk an awm a. Center pâwna mahni Ina zirlai kan enkawl, nu puantah khaw hrang hrangah 200 chuang anmahni eizawnna tûra thawkte pawh an hlawhtling kan ti a. Hêng zawng zawng Lalpa hnathawh ropui tak Lalpan min hmuhtîr hi mi tlinglo takte pawh Lalpan min hmang duh a ni tih ka hriat hian ka va han lawm \hîn êm. Tûna kan hmalâk mêk te : 1. Karen chenna bial hi a zau viau a, tlâng mi zînga a tam ber an ni, hmun hrang hrangah Center 5 kan din ta. Hênga hruaitute hi Musekee a kan enkawl chhuah vek an ni. Musekee hi Headquarter-ah kan hmang ta a. School pakhat behchhanin hostel kan sa a, kan enkawl nghâl. 2. Karen culture leh \awng hi tihhmasâwna vawn \hat zêl kan tum a. Mipa leh hmeichhe kawrte hi a changkang viau a ni ang. Sunday Inkhâwmnaah pawh Kohhran hruaitu Pastor te pawhin an ha \hîn. Museum sak mêk a ni. 3. Khualzinte hipna (tourist attraction) atân – kham te, pûkte etc buatsaih mêk a ni. Hmachhawp : 1. Kan \hian nu Tytania Rose, Designer, USA chuan nawhchizuar chhanchhuahte-Anmahni inenkawlna tûr puan\hui zirtîrna khawpuiah nei ila min pui rawh a ti a. Kei chu hman lo mah ila kan naute graduate ho hna atân a \hat ka ringa, \anpui kan tum ta a. 2. School din : Lahu leh akha khua hian School an nei lo. Khawhming –Ban La, Mae Suai, Chiangrai Province. Kan Center fahrah êm êm lai a\anga min \anpuitu hlun Ajan Mike Prof.Olaf College North Field Minnesota USA Tribal Research Student tam tak hruaia min rawn chenchilh a, min \anpui fo \hîntu chuan Musekee bul hnaia village School te kan lo \an sak a, sorkâra school nêna \angruala school kan lo dinsak sante kha a hre ve vek si a, hetiang hian school dinpuiah min sâwm tlat mai a, hnial a zahthlâk si a, sorkâr dawrte a ngai dâwn si a kan \anpui dâwn ta a ni. Tûnah chuan kan awmna bial chu keini leh Missionary dangte rawngbâwlna avângin Taksa leh Thlarau-ah malsâwmna

27 nasa tak an dawng a. In leh lo a changkangin ram leilung hausakna, lo, leilet, huan \ha hma an sawn hle mai. Tûn hmachuan khawpuia mite chuan tlângrama awm an duh lova, tûnah chuan hmun lei tûr ngaihven an tam ta. Keini awmna pawh hi district tharah kan awm mai dâwn awm e, hmasâwnna-chak thut hian mihring nun a tikhawlo duh riauva-corruption a nasa duh an ti \hîn. Kristian nunah pawh \an lâk ngai tak thil kan hmachhawn \an leh ta. Hmathlir : Tûnah chuan South East Asia Myanmar, Thailand, S.China, Vietnam, Laos, Combodia hi Lalpan Mizo Kristiante hmalâk tûr Field a min pêk a ni. Lalpa min kohna hi i haider lovang u. Tawk rih phawt mai teh se, ka sawi sêng lo, ka unaute u bang lovin min \awng\ai sak rawh u. Kristaa in unaunu Siami ……………………..

MISSIONARY-TE

Ropuina Ramah Rev.B.Thangchina

Tv.Lalruatpuia Kum 25 S/o Laldingliana, Kikawn Lunglei, BCM Missionary duhawm tak, BBS Chawngte-a thawk chu a khawnghet Ropuina rama chawl tawh tûrin Kohhran hoten ui takin August 4, 2009 khân kan thlah liam ta. Ruatpuia hian a theihna zawng zawngin Lalpa rawng a bâwl a, kum 2-na tûr chauh a rawngbâwl hun hi nimahse, a thawhpuite, School naupangte leh Chakma hoten an ngainain an thlahlel êm êm a, hun rei deuh zâwk an zîngah awm thei se tih an duh tak meuh a ni. Lalpa rawngbâwl hnaa inpe zo, tlawmngai leh hlim thei, tuarchhel leh ngaihnatawm a nihzia a chanchin sawitute chuan an sawi zêl a, “Lalpa rawngbâwlin ka thi dâwn a ni”, a tih thu an sawi chuan rilru a hneh hle.

28 Pathian kohna hriaa, Krista hmangaihnain a tirh chhuah Missionary-te chuan Lalpa rawngbâwl hi an kham lo hle \hîn a, theih nise – an thawhna mite zînga awm hlen hial an duh \hîn. Sâp Upa (F.W.Savidge) pawh khân Mizorama luphum ngei a duh a, a rem tak ngang loh avângin Sêrkâwn lei tin khat, a thih huna a ruang chhilh nân a hawn hial a ni an ti \hîn. Pu J.S.Thanglura, Tripura Field-a BCM Pioneer Missionary, July 2009-a ropuina rama kal ta pawh khân Tripura-a kan thawhho laiin Mizoram-ah inenkawl dam deuh tûrin a hawng a, Silchar a\angin Agartala-ah lehkha min rawn thawn a, “Pu Chin, hei tum loh deuhin Silchar Hospital-ah ka pum a nat thut avângin min admit a, engtinnge ka awm zêl dâwn ka hre lo, ka dam deuh chuan Mizoram-ah ka chho ang a, ka \hat loh zêl chuan Tripura-ah ka lo chhuk ang”, tih ka’n chhiar chuan a ziak sual palh em ni aw? “Ka \hat loh zêl chuan Tripura-ah ka lo chhuk ang, tih tlat chu-\hat loh zêl chuan mahni ram, Mizoram-ah ka chho ang”, tih awm tak tia ka ngaihtuah hnu chuan ka han chhiar chhunzawm a, “Subroom-ah ka mite Noatia zîngah ka lu tal phum ka duh a ni”, tia a ziak chu ka theihnghilh thei tawh lo a ni. Tûkkhat chu Kristian Hospital Sêrkâwn-ah chawlhkâr khat lai engmah hre lo (unconscious) a awm, Nl.K.Lalrinkimi bulah keimah chauhin ka \hu a, a rawn harh \an a lo ni a, a rawn meng a, min han en a, “Ka pu, South Vanlaiphai-ah chuan min phum suh ang che u, Samuksuri-ah ka mite zîngah min phum ang che u”, a rawn ti a. Chakmahote a hmangaihzia leh a inpêkna thûkzia a chiang hlein ka hria. Tûnah hian Chakmaho Samuksuri-a mite chuan an nu ang leh an khaw hotu (Rorêltu) ber angin an ngai tlat a ni. Mi tam takin Missionary nihte hi an hreh viau mai a, mihring nihna a\ang chuan a huphurhawm viau bawk ang. Lunglei tlângdung khawthlang lam pan emaw Mizoram chhuahsan emaw a ngai tlat mai a. Nimahsela a kohna changte hi chuan Missionary rawngbâwl hna hi an thawk ning lo zawng a ni e. Vawikhat chu lehkhathawn hriat reng loh theih loh ka hmu bawk a, “Ka pu, nasa leh zualin min lo \awng\ai sak rawh u, U Dina hi a hrisel \ha thei tlat lo mai a, Lalpa rawngbâwl hi kan la duh ve si a, hriselna

29 \ha tak a neih theih nân min lo \awng\aipui reng ang che u”, tiin. Ka thinlunga châm reng \hîn chu, “Lalpa rawngbâwl hi kan la duh ve si a”, tih hi a ni. Pathian khawngaihnain (U Dina), Rev.F.Ramdinmawia chu a dam\ha zêl a, tûnah Regional Director niin Guwahati-ah an awm a, Pi C.Laldinpuii erawh chu July 13, 1994 khân Lalpa hnênah an fapa Theodore Lawmsangzuala May 20, 1993-a Ropuina rama kal hmasa nên an chawl ta a, Birpara-ah an nufaa thlan leh BCM Missionary \hahnemngai tak Pu K.Lalnuntluanga thlante nên Thawhlehna lawmawm tak nghâkin an awm tlar dal mai. Pi C.Laldinpuii leh Pu K.Lalnuntluanga hriatrengna lungphun pawh BCM Zotlâng leh BCM Sêrkâwn-in an Biak In bul ve ve-ah mawi takin an siam. AD 2009 hi kum lunglen thlâk tak niin ka hria. Ka han tarlan tawh Pu JS.Thanglura bâkah Ramchhûng Mission-a kan rawngbâwlpui duh takte Upa C.Malsawma te, Upa Raji-mohana leh Pu Lalhmangaiha Pensioner te’n an chatuan ram min lo pansan ta a, “Bawih \ha leh rinawm, i ti \ha e, tlemte chungah i rinawm a,…i pu lawmnaah lut rawh”, tiin Lalpan Ropuina ramah a lawm lût ta a ni. An nupui fanau kalsante Pathianin thlamuanin hruai zêl sela, Kohhran hote’n i \awng\ai sak reng ang u. Kan damchhûng nite hi engangin nge kan hman hlawm le? Kham lo taka Lalpa rawngbâwl nân hmang \heuh ila, a va lawmawm dâwn êm! Kan damchhûng nite hi a rei si lova. Kan thlah liam tak Tv.Lalruatpuia pa Pu Laldingliana’n, “Ka fapa Lalruatpuia avâng hian ka theihtawpin Pathian rawng-bâwl ka tum a, kan chhûngkua pawh hi Lal Isua Lalna atân ka hlan thar a ni”, tia a ruang chunga a sawi hi a ropui hle mai a. Pu Dinga chauh lo pawh \halai tam takin Ruatpuia kalsan Missionary hnathawk tûrin BBS Chawngte-ah leh hmun hrang hranga Krista hnêna mibote hruai tûrin Lal Isua kohna hi an la chhang ngei ang tih ka ring tlat a ni. …………..

30

BCM MISSION FIELD CHANCHIN 1. 2009-a Missionary lâk tharte : i) Rampâwn Mission : hian ringthar kan neih theih nân \awng\ai ang u. 3. Chinese Muslims luh chilh : China-a kan Missionary Dr.Remsangpuia te nupa chuan Nipui chawlh hmang zovin, an thawh \hinna chhuahsanin, Yinchuan khawpuia Beifang Ethnic University-Chinese Muslims Hui hnam an luh chilh ta. Hlawhtling taka rawng an bâwl theih nân i \awng\aipui ang u. 4. Australia-ah Training : Kan Missionary Pu Thangridema te chhûng chu Missionary Training nei tûrin Australia-ah an liam ta. 5. Bhutan ram a la thim : Bhutan ram hi Buddhist lal nei ram an ni a. Kristian chu 5000 vêl chauh an la awm. Thuneitute leh mipui mimirin Kristianna an ngaisâng lo hle. Bhutan ramah hian kan Missionary Pastor Rev.Zirsangliana Thlaraubo zawngtute Missionaries kaihhruai tûrin kan dah a, i \awng\aipui ang u. 6. Missionary zat : BCM Mission Department hnuaia thawktu awm zat (July 2009) chu hetiang hi a ni: (a) Ramchhûng Mission : Mizo Missionaries 127, Native Workers 39 Total = 166. (b) Rampâwn Mission : Mizo Missionaries 136; Native Workers 275. Total = 411 Grand Total (a+b) : Mizo Missionaries 263; Native Workers 314. An vaiin 577. Note : Hêng bâkah hian mimal/chhûngkua/pâwlho, etc. \hahnemngaite leh kan Mission Partner-te rawih thawktu engemawzat Mission field-ah an bung mêk bawk a ni. 7. Thlarau harhna kan ngai : Lalpan zawlnei Zakaria hmanga “Ka thlarau zâwkin le,” (Zakaria 4:6) a tih ang khân kan Kohhranin Lal Isua rawngbâwlna chhunzawmna kan Mission hna

31 hlawhtlin nân Thlarau Thianghlim Harhna kan mamawh tak zet a ni. A chhan langsar zualte lo sawi ila: i) Chanchin |ha hrilna atâna mite thinlung a inhawn theih nân Thlarau Thianghlimin hma a hruai a ngai. ii) Missionary/Evangelist-ten huai taka Pathian thurûk an puan chhuah theih nân Thlarau tihharhna leh luahkhahna an ngai. iii) Mite tidam tûra Lalpan a kuta phar a, Isua mamawhtuten taksa damna, thinlung thlamuanna leh thlarau nunna an neih theih nân Pathian Thlarauvin hna a thawh a ngai. iv) Ringtu leh an inpawlkhâwmna Kohhran rinnaah an \hanlen a, puitlin lam an pan theih nân. v) Missionary-te leh Kohhranhote an inhmangaih a, an inpumkhat a, thawhhona \ha an neih theih nân Thlarau Thianghlima Harhna an chan a \ûl. vi) Ringtharten thlaraubo veina an neih a, an hnampuite hnêna Chanchin |ha an hril a, an zîngah Pathian ram a lo zau zêl theih nân Thlarauva Harhna an mamawh. vii) Missionary-te tîr chhuaktu Kohhranten Pathian ram kan vei a, Lal Isua Mission chhunzawm zêl thei tûra kan \hahnemngaihna chhemalh thar zêl tûrin Thlarau Harhna kan ngai. Lal Isua min hrilh angin \hahnemngai takin Thlarau Thianghlim i dîl ang u. (Luka 11:13). ………………………

32

Kan BKHP hruaitu Sita-i Faktea, Ziro, Arunachal

Nu fel fak a ni. Aw ring fiak \hak, awmkhâwmnaah chuan \awng ring ber, zai honaah chuan zai ring ber lam\ang atâna \ha zet, a tih tawh loh lamah chuan tawh khirh zet mai hi a ni. a nuna zir tlâk tak tak han hrilh che ka duh a ni. Taima, zing tho hma : Nu taima, zîng tho hma tak a ni. Zîng dâr liah chuan ngei ngeiin a tho \hîn. Khawvar chian hmain a in su a, eirawng a bâwl a, khawvar hnuin puan a tah \hîn, chhunah dawr a nghâka, tlaiah a fate sikul bang tân eitûr a siam sak ang. Kohhran mi : In lamah hna chitin reng thawkin ran chitin, âr, ui, zawhte, kel, vawk an vulh a, chung chuan inkhâwm a \hulh tîr ngai lo reng reng a. Damlo \awng\ai tûr leh ring thar tlawh chângin kan hruai tam ber te zînga mi a ni. Kohhran hnatlâng chu an mahni hna kalsanin a rawn thawk hmiah zêl. Hnatlâng tûr leh inkhâwm taima tûra a BKHP member puite a fuih dân ka la hriat reng chu ‘kan damchhûngin hna hi kan thawk zo dâwn lova, kan dam rei leh kan thawk rei a ni mai. Pathian hna leh programme-ah chuan mahni hna \heuh kalsanin i kal vek ang u, kei pawh In-ah hna thawh sen loh ka nei, ka dam phawt chuan ka kal zêl ang’ tiin midang te a fuih phur \hîn. |awng\ai mi : |awng\ai a ringin a peih hle, thlatin chawnghei \awng\ai a pelh ngai lova, a châng chuan chaw nghei \awng\ai tûrin Arunachal khawpuiah a kal \hîn. Pasal vei, Mission rilru pu : A mah hi in hmang \ha hle mahse, a pasal hi ringtu a ni har hle. Zirtawp apiangin chaw ngheiin a pasal tân a \awng\ai tlauh tlauh \hîn. Kum 2007 January thla vêl a\angin a pasal hian inkhâwm duhna a rawn nei \ana. Thiam tâwk phâk tâwkin kan bei ve nasa hle. Vawi engemaw zat Baptisma chang tûrin kan nawr a, baptisma a rawn kal tlauh tlauh hnuah kan han interview a, ‘Tûnah chuan ka la chang hrih lo mai ang e’ tiin min han chhâng chiah chu, a nupui Sitai a in sum zo lo, ‘Lalpa, kei chauh vânramah i hnênah ka lo kal ang e, ka pasal hi a lo kal ve

33 lovang maw’ tiin a \ap vawng vawng mai. Pathianin a \awng\aina a chhâng a ni ang, hemi kum 2007 chhûng hian a pasal chuan baptistma a chang ve ta a, an chhûngin an inkhâwm zat zat ta. Kristian chhûngkua an ni ta. Hmasawn zêl duh mi : 2007 chhûng khân kan Kohhran Nenchalia Kohhran tân Missionary ten, thawh khâwmin hla bu kan siam saka, an lawm hle. Mahse Sita-i hian ziak leh chhiar a lo thiam lo tih ka lo hre hauh lo. Vawi khat pawh Kohhran hrang hrang debate-ah Sita-i hi kan BKHP aiawha chhuak tûrin ka thlang a, mahse chhiar a lo thiam loh avângin midang kan ruat leh a. Ziak leh chhiar thiam loh vanga debate tel thei lo, hla bu thar en thiam lo nih kha tlawm pa êk senah a la niin ka hria, tution a kal ta a, zân khat kan inkhâwm bâng chu Sita-i chuan, ‘sir, tution ka kal asin’ a tia, ‘enge in zir a’ tiin ka zâwt a, ani chuan zak leh timna nei hauh lo hian ‘A for apple, B for Ball tih kan zir’ a ti a, nuih a za ru duh hle. Tûnah chuan a thiam ta hle, Sunday zîngah English Bible a rawn keng ziah a, inkhâwm \antuah huai takin a \ang thei tawh a ni. 2008 khân BK Secretary a ni a, 2009 hian Asst.Secretary a ni nghe nghe. Thilphal : Mi thil phal tak a ni. Kohhran tân an Kêl a pe a. Krismas Speaker hi thilpêk tûr an a ngai tawp. An Inah kan fellowship chângin chaw kan ei deuh ziah. Awle, BKHP member zawng zawng te, Sita-i chanchin tawite ka han ziak a\ang hian kan rawngbâwlnaah leh kan nitin nun kawngah hmasâwnna kan chan \heuh ka beisei. Vawi hnih khat tal Sita-i tân pawh hian, sâwt taka rawng a bâwl zêl theih nân lo \awng\ai tûrin ka ngen a che u. Lalpan malsâwm che u rawh se.