Issue : 12th July 2009

BAPTIST TODAY

Estd. 2001

Postal Regd. No. N.E. - 385 (MZ) 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456

V o l u m e I X.

I s s u e N o . 26.

BCM Weekly News

July 12 - 18, 2009.

P h ê k Khatn a

KALVARI TLANG CRUSADE THU Isua Krista, kan Lalpa leh Chhandamtu hian a tisa put lai nite khân hmun hrang hrangah mi chi hrang hrang hnênah, kawng hrang hrangin mipuite hnênah te, mimal leh chhûngkuaah te thu a sawi \hîn a. Tlâng chunga sermon hi thusawi vawi khatah chuan a sei pâwl tak a ni a, thu hlâwm hrang hrang leh kawh hrang hrang neite an ni. A thusawi \henkhat chu tehkhin thute leh thufingte an ni a, \henkhat chu zawhna chi hrang hrang a chhânnate an ni a. Hêng thute a\ang hian Pathian fapa a nihzia chiang takin a lang a ni. Vawiin hian Kalvari tlâng karwsa a awm laia Isua thusawite chu kan sawi dâwn a, Kalvari sermon emaw Kraws sermon emaw tih theih a ni. |henkhat chuan Good Friday sermon-a ziak âwm tak, a hun nên a inmil lo ve, tia ngaitute pawh kan awm mai thei. Tlanna famkim a lo thlen hnu hi chuan Pathian inpuanna apiang hi miin a lo dawnsawn dân azir zêlin a hun lai a ni zêl mai. Chutiang hnuaiah chuan kan awm a, chuvângin tûn hun atâna Pathian thupuan chu a ni e. 1. Ka pa, anni hi ngaidam rawh. He thu hi kan Lal Isuan amah khêngbettute tâna a \awng\aisakna a ni. Chûngte chu Juda mipuite leh sakhaw hruaitute leh rorêltute an ni a, an hun lai ngaihtuahin midang bel theih a ni lo. A dik êm êm a, ngaihdam ngai lo khawpa tidik êm êmah an inngai a, mahse Pathian lam a\anga thlîr chuan ngaihdam ngai an ni. Tûn thlengin ngaihdam an la ngai zêl. Keini pawh Isua khêngbettute zîngah leh anmahni tlukin thil sual kan ti a, mahse tidik hleah kan inngai tlat si. Sim tûr nei lo, ngaihdam pawh ngai lo Kristian kan va tam êm! Mahse ngaihdam kan nih theih nân lei leh vân Lalber chu mihringte tân a \awng\ai a, a ngaihdam theih tûrin Isua hnên i pan \heuh ang u. Isua kan tân a la \awng\ai reng asin. 2. Hmeichhia en teh i fapa kha, en teh i nu kha. Pathian leh mihring kan inlaichinna thûk ber chu hrin kan nihna hi a ni. Adama pa chu Pathian a ni. Isua pa pawh Pathian bawk a ni.Mihring inthlahchhâwn zêlna chu hmeichhia hmangin a ni. Buma awm pawh Adama ni lovin Evi a ni. Mahse bawhchhiatna mawh chu mipain a phur tlat si. Krawsa Isua sermon hnukpui ber chu Kristian chhûngkua a ni. Chu chu tûnah hian uar thar tûrin min duh a ni. Nu leh fate inkâr chhia, nupa inkâr him lo hi a va râpthlâk em. Hei hian chhûngkaw \ha lo, khawtlâng nun \ha lo, sawrkâr \ha lo a siam a, chu chuan Kohhran nun thleng a khawih a, mihring thinlungah hian a inphan phiar \uak mai a ni. Kraws sermon thurûk ril êm êm kan

ngaihthah tlat si chu Kristian chhûngkua hi a ni. 3. Vawiin hian ka hnênah Paradis-ah i awm ang. He thu ropui tak hi Isua leh mimal, kraws thleng phâk nun leh Isua leh Pathian inlaichînna thûk tak chu a ni. A aia thûk leh ril zâwk a awm thei lo. Kan hnukchah laia kan bula awm atâna \ha ber chu Isua a ni. Ani hian min hmangaih ber a, mihringte leh thlarau kalkawng a hria. Amaha kal loh chuan tumah Pa hnên an thleng ngai lo. Isua tân chuan vawiin hi a ni reng. Isua a inpeih reng, a hnênah lo kal ula, Isua rawn bel teh, i dinhmun lam ngaihtuah suh, tûnah Isua pan nghâl rawh. Krawsa a thusawi hmang hian i hnênah a sawi thar leh asin. Isua a danglam ve ngai lo. 4. Ka tui a hâl e. He thu tawi te, awmze thûk tak nei hi ka piantharna thu a ni a, ka thinlungah hian a ri reng \hîn a. Isua tuihâlna tireh tûrin tui mal far khatah tal hian ka \angkai mahna ka ti a, chutiang atân chuan he thu pawh hi ka ziak a ni. Isua keimahni avângin tuihâlin a au ruai ruai a ni. Khawvêl hian an hre lovang tih hi a hlau a ni. Isua tuihâlna tireh tûrin mihring lo chu a tâwk lo. A tisa put lai niah khân Sukar khaw kiangah tuinung Isua a tuihâl tawh a, Samari hmeichhia leh a thusawi avângin Isua mi tam takin an ring a, kan hriat phâk loh chaw leh tui pêk a ni ta. Nangmahah, in chhûngkuaah, kan ramah Isua a tuihâl a, tui mal far khatah tal i \ang ve thei dâwn em? Thlarau pakhat tal rawn hruai ta che. 5. Ka Pathian ka Pathian engah nge mi kalsan. He thu hi Bible-ah hian mihring thin ti\hâwngtu a tling hial ang. Sâm 22:1 ami hi Davida fakna hla, Zîng Vâr\ian Zukla thlûka sak tûr a ni. Vâr\ian chu boruak reh ruih lai hun a ni a, Isua chu Davida fapa tih a ni a, a pa hla phuah chu kraws ram rehah hian Isuan vâr\ian hun chu a lo tawng ve ta a. Vântlâng hriat loh \awng thûlkhung hmangin a lo au chhuak ta a. |henkhat chuan, “Elija a ko a ni, a ruang la tûr hian a lo kal emaw i en ang u” te an ti mai mai a. He lai boruak hi, “Isuan khawvêl sual zawng zawng a phurhna a hlenchhuahna hun a nih avângin a pa Pathian pawhin a en ngam bîk lo va, a kalsan a, kraws chhîp zum lai tak chu a ni e, an ti. Tuman kan hnial lovang. Hei hian tlanna leh chhandamna kawng buatsaih a ropuizia nasa takin a târlang a ni. Kei leh nang avângin Pathianin a kalsan tawh a, engah nge i kalsan ve leh zêl dâwn! 6. A kin ta. Isua Krista chuan a Pa Pathianin mihringte chhandam nân a tih zawng zawng a ruatsak chu a ti zo ta tih a hria a, chuvângin he thu ropui tak, tawi si, kim si hi (phêk 3-naah chhunzawm)

1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456

V o l u m e I X.

I s s u e N o . 26.

BCM Weekly News

July 12 - 18, 2009.

Phêk Hnihna

CHHUNGKAW THU HLA Website www.mizobaptist.org Telephone 0372-2342678 0372-2342161 0372-2342157 Email [email protected] [email protected]

Circulation Manager: H. Lianchhûngi 2322297 (R) Address: Baptist Today Sêrkâwn, Lunglei P.O.Zotlâng- 796691, Mizoram A man Thla khatah Rs. 5/Kum khatah Rs.60/-

Thusawi Ropuite Thlarau lama harsatna hi eng hunah pawh, eng kawng pawhin a thleng thei reng – chuvângin i nun kha vêng ngun la fîmkhur rawh. Zirtîrna dik lo hi mi fel tak a\angin a chhuak thei – bumin awm suh u. Thil tih dik lovin pawi sawi lo pawh a tina thei – luhlul suh u. Khawngaihna thuin mi chak lote a fuih thei – muang suh. Isua chu kan nuna lal a ni – chuvângin kan nunin a rawng i bâwl ang u. Anon Thlarau bo pakhat chhan chhuah hi khawvêla thil ropui leh mak thleng zawng zawng chhinchhiah aiin a pawimawh zâwk e. C.S. Lewis Edited by Rev. B. Lalramhluna and Published by Communications Department, BCM; Printed at BPP, Sêrkâwn,Lunglei. 8050/c

CALENDAR I tawngtai ang u

BBC Office

BCM Office Retreat

Bru Baptist Church chu function tawhin office an luah ta. July 1, Nilaini khân BBC Office Hlanna neih a ni. Rev. Lalzuiluanga’n inkhâwm a kaihruai a, Rev. Dr. C.L. Hminga’n Pathian hnêna hlanna a nei a, Rev. Dr. K. Thanzauva’n thuchah a sawi. Office hi BCM Head Office, Sêrkâwn attach building tharah buatsaih a ni a. Hei hi hun engemaw ti chhûng atân a ni. Nakina an Head Office chu Dâmparêngpuiah a ni ang. Bru Baptist Church tân i \awng\ai \hîn ang u.

July 17 – 19, 2009 hmang khian BCM Officea thawktute Retreat buatsaih a ni dâwn a. Department hrang hrang leh Executive Secretary Office, Aizâwl leh Lawngtlai ami te pawh an lo kalkhâwm ang. A hmun tûr chu Sâpupa & Pu Buanga Hall, Sêrkâwn a ni. Speaker tûrte chu Rev. T.C. Laltlâwmlova, BCM President leh Rev. C. Ro\huama, President Elect te an ni a, thupui atân “Hetah Hian Enge I Tih” tih thlan a ni.

BBC Assembly

Issue hmasaa târlan tawh ang khân ABC huapa tualchhûng Kohhran zaipâwl intihsiakna chu zawh fel tawh a ni a, BCM huapa tel tûrte pawh an inbuatsah mêk a ni. ABC huapa ti\hate chuan August 28 – 30, 2009 hmang hian BCM Ramthar, Lunglei ah intihsiakna an nei leh ang. He progamme atâna thupui chu “Nîtin Lalpa Ka Fak Ang” tih a ni.

Zaipâwl Intihsiak July 2 – 5 khân BBC Nghalimlui I ah Bru Baptist Church Special Assembly neih a ni a. Speaker atân Rev. Dr. K. Lalrinthanga hman a ni a, thupui “Puitlin Lam I Pan Ang U” tih hman a ni. Pathian ni zîng inkhâwmah Pastor Induction Service neih a ni a, Presiding Minister Rev. C.Lalbiakzâma a ni a, Pathian ni chawhnuah Lalpa Zanriah Sacrament neih a ni a, Rev. Lalzuitluanga’n a buatsaih. Tin, Zirtâwpni chawhnu-ah Seminar neih a ni a, Pu C. Zairemthanga’n Economic Development paper a present bawk a ni.

Mission Convention July 10 – 12 hmang hian Aizâwl East Pastor Bial chuan Mission Convnetion, BCM Shalom-ah a buatsah a. Speaker atan Rev. Dr. K. Lalrinthanga hman a ni.

HATIM Programme Higher And Technical Institute of Mizoram chuan July 14 – 16 hmang hian thawktute leh zirlaite tân Spiritual Nurturing Programme a buatsaih dâwn a. Speaker atân Rev. V. Laldingliana hman a ni ang.

Website BCM Website chu hun engemaw chen mumal lova a awm hnuah tûnah chuan \ha taka enkawl a ni leh tawh e. Tv. R. Lalhlimpuia chu Bangalore-ah website chungchâng kum khat dâwn lai training a neih hnuah tûnah a lo haw leh tawhin mumal takin a enkawl chho ta a ni. Baptist Today pawh he website-ah hian chhiar theihin a awm a, tin, BCM chanchin bu dangte pawh dah tum mêk a ni bawk. www.mizobaptist.org ah a en theih reng e. Comment pêk theih a ni reng bawk e.

RPM Committee July 28

RCM Committee July 29

|KP Day July 30

Grace Society July 10, Zirtâwpni khân Grace Society Board chuan Drop In Centre a thawktute leh Chhawmdâwlna In a thawktute pualin rawngbâwlna kawnga intuaithar nân Seminar, Chhawmdâwlna In Chapel-ah a buatsaih a. Resource person te chu Upa. Remmawii leh Pi B. Nongheli leh Pi H. Lalkimi te an ni.

AICS News Pathian hruainain AICS chu tluang takin a kal zêl a. Main Building thar pawh luah fel a ni tawh a, Faculty member zawng zawngin office hran an nei \heuh tawh a, office dang pawh a changtlung zêl bawk. Tin, Dinning Hall pawh chak taka sak kal zêl a ni. Kumin session thawktu thar neihte chu Pu Moses Lalrohlua Sailo: Zirtirtu, Music; Tv. C. Lalhmachhuana, Zirtîrtu, Communications Department; Nl. Lalremruati, Zirtîrtu, English subject. Tv. Vânlalpêka: Account section; Tv. R. Lalnghâkliana, Library. Tin, Rev. R. Zolâwma (Theology) leh Rev. Vânlalchhâwna Khiangte (New Testament) te chu Doctoral studies bei zovin an lo haw tawh a, an thawk leh tawh bawk. Kumina zirlai neih dân chu – B.D. I – 22, B.D. II – 24, B.D. III – 20. M.Div. I – 7, M.Div II – 3, M.Div III – 3. Tin, Probationary Pastor Ministerial Training bei mêk 6 an awm bawk.

Christian Education Committee July 30

Thlai Thar Hlan Nî August 2

Kohhran Upa Exam Nî August 7

1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456

V o l u m e I X.

I s s u e N o . 26.

BCM Weekly News

July 12 - 18, 2009.

PhêkThumna

Tuinnge Muhîlte Chu Kaiharh Ang?

S UNNA Kan rawngbâwlpui, Pu J. S. Thanglûra (Missionary, Pensioner) chu a rawng a bâwlsak \hin Lalpa hnênah a châwl ta. Pu J.S. Thanglûra rawngbâwlna hi kan ngaihlu a, amah hi kan ui êm êm a ni. A kalsan tâk a chhûngte Lalpan a thlamuanin a awmpui tlat zêl kan beisei. General Secretary & Staff Baptist Church Office.

ADVERTISEMENT Baptist Higher Secondary School Sêrkâwnah Mizo Subject Teacher, Temporary post mamawh a ni a. Pathian rawngbâwlnaa ngaia dîl duh tân dîl theih a ni e. Hriat tûr pawimawhte:1. M.A. in Mizo tân dîl theih a ni. 2. HSLC chin chunglam Marksheet attested copies dîlnaah chilh tel tûr. 3. Mahni lawina Kohhran lehkha. 4. July 30, 2009 thleng dîlna pêk luh theih a ni. 5. Interview hun leh \ûl dangte dîltute hriattîr a ni ang. Rev. H. Sangchema AGS i/c Education. Baptist Church of Mizoram.

(Kalvari tlâng crusade thu) a lo sawi chhuak ta a. Pathian lamah chuan chhandamna chu thawh zawh a ni ta. Tih leh chuan tûr dang a awm tawh lo. I tân leh ka tân leh mi zawng zawng tân a kim ta. Haleluia. 7. Ka pa, i kutah ka thlarau ka kawltîr e. Pathianah chuan mihringte thlarau chu a kutah a awm vek a. Isua biak phâk leh koh theihah a awm vek a ni. Thlarau chu a petu hnênah a kîr leh a ni. “Lazar, lo chhuak rawh, tiin a au a, puana zem chung chuan a lo chhuak a ni”. “Chemte tho rawh” a ti a, a ko va, tin, a thlarau chu a lo kîr leh a, a tho ta nghâl a, tin, englo ei tûr pêk thu a pe a. Mihring thi ta te thlarau kal chhuak ta te chu Isua koh phâkah a Pa Pathian hnênah a awm ngei a ni tih kan Bible chhiar a\angte hian a lang a ni. Kan thlarau hi chan tumin setana hian a chuh mêk a ni. Huangtau zet a ni. A duhâm bawk si. Hruaitu ropui Mosia thih chungchângah a ruang kha a chuh ngam a, Vântirhkoh ropu Michaela meuh pawhin \awngkam chhiain a hau duh lo va, “Pathianin hau zâwk che rawh se” a ti hmiah mai a, chumi hun chuan a hau na viau ang. Nova lawng tuk laia lawng tuk ve duh lo ho tâwpna kan hria a, tuia tlâk hlum mai a ni. Khatiang luhlulna thlarau hun kan thleng mêk a ni. Mi tam tak thlarau chu setanan tân inah a khung tawh a, a la khung mêk zêl a ni. Chhiartu duh tak, i thlarau Pathian hnênah kawltîr ve rawh. Midang thlarau pawh kawltîr ve tûrin hrilh rawh. Kraws sermon a ropui e. Amen. Upa C.L. Bîka

Kan ram mawi tak, a tuamtu boruak thiang tak, kum tluana khaw lum leh vâwt hrehawm lutuk awm lohna, Lalpan special taka a duanna hmuna chêngte hian kan nihlawhna kan hre lo i ti ve \hîn em? Chumai bâkah a hnam pum maia Thlarau Thianghlimin harhna thlifîma a chhêm harh tawh, Lalpa zawn chhuah kan nihna te hi lâwmna tham a ni. Kan ramah hian kum sawm thum zet liam ta a\angin sualna tinrêngin bu an rawn khuar \an a. Tûnah phei chuan a sawi pawh zahthlâk khawpin kan lo awm ta. Politician te, Sakhaw hnâr kaitute, tlawmngai pâwl te, Evangelist group hrang hrang te, zirtîrtute, ram veitu – ram chhûng leh pâwna mite, kan inhrilh tawn sup sup a. Ram veitu inti si, anmahni vei awm tak tak te pawh an lo awm ta hial mai. Chûng kan khawtlâng min tuamtu sual, Kohhrante min ti\huanawptute chu – eirûkna te, thamna te, hurna te, tualthahna te, thatchhiatna te, duhâmna te leh sawi mai sên loh sual tesep dangte an ni. Hêng sualna te hian in tinah, Kohhranah, officeah leh sumdâwnnaah seat \ha an luah a. Setana chuan kan ram hi lâk lêt leh a tum nasa êm êm a, kan sihhnipna lai dapin nasa takin min bei mêk a ni. Hei tak mai hi Krista chakna hmanga beih lêt nachâng kan hre \hîn si lo. Tui lianin a kam vêla thing leh maute a hnâwl \hîn angin kan \halaite chu sualna tuilianin a lên bo mêk a ni si a. Lal Isuan khawvêl a fan laiin tehkhin thu awmze nei tak min hrilh kha i hre thar leh teh ang u. Chaw ei tûra sâwm ten an phatsan tâkah chuan a sâwmtu chuan a bawih hnênah, “Chhuak la, kawtthlêrah te, kawmkârah te kal thuai thuai la, pachhia te, piangsual te, mitdel te, kebai te hetah rawn hruai rawh” a ti a, tih sawi a ni. Paula pawh Rom mite hnênah Lalpa lo kal a hnai a, mangang takin muhîlte thawhharh a hun takzet a ti a nih kha. Hawh u, Lalpan inpeih lo, inthlahdah te leh muhîl te kaiharh tûrin min tîr a, i thawk chhuak nghâl teh ang u. Tirh tûr dang a neih chuan loh laiin keini meuh pawh kan lo inthlahdah ve ta hial si. Kristian zawng zawngte, eng Kohhrana awm nge kan nih a pawimawh ber lo. Zawn chhuah ngai zawng chhuak a, kaiharh ngai kaiharh tûrin mawh i inphurh teh ang u. Pastor pakhat chuan, “Muhîl dik takte chu kaihthawh an har lo, muhîl derte erawhchu kaihthawh an har” a tih angin kan tûn lai kawng bote hi chu hre zul si, camp fo si, zawm tum lote an ni a. Sâwm tûr nge, vau tûr nge, bum chhuah tûr tih hi ngaihtuah fe a \ûl ta. Kaihthawh an har, an man a tam lehzual ta. Lalpa hnên ata finna dîl chung zêlin i thawk ang aw. Zâwlnei Ezekiela hnênah Lalpan, “Ram chu ka tihchhiat loh nân, an zîng ata dai theu tûr leh ram chhana ka hmaa ding tûr mi ka zawng a, ka hmu si lo” a tih khumte zîngah khân kan tel ve ngei ang tih ka ring \hîn. Chhuanlam siam lovin, ram chhan tûr leh dai theu tûrin inbuatsaih a hun ta a ni. Kan zawn chhuah tûrte lah chu hmun laili lam aiin, hmun biru lam thlang \hîn an ni si a. An hnên kan thleng peih dâwn em? Anmahni hmangaih chungin Kristian tinin mengin i ngaihven ang u. Kristian tho ru, mu rei suh u, |ap kan chawlhsan dâwn em ni? Lalpan thu min pêk lai hian, Kan \hu mai mai dâwn em ni? Kal la thawk rawh thawk \an rawh, Kal la zawng la hloh tawhte; Sual thim hrehawm zîng ata, Ruai theh turin han hruai rawh. Amen. P. Liandingi

1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456 1234567890123456789012345678901212345678901234567890123456789012123456789012345678901234567890121234567890123456789012345678901212345678901234567890123456789012123456

V o l u m e I X.

I s s u e N o . 26.

BCM Weekly News

July 12 - 18, 2009.

P h ê k Lina

Missionary Hna Ruak Dîl Theih Mizoram Baptist Kohhran hnuaia thawk tûrin a hnuaia târlan ang hian Missionary hna a ruak a. Mi piangthar, Pathian rawngbâwl tûra kohna hria, ruih theih thil, zûk leh hmuama fihlîm tân dîl theih a ni. Dîlnaah chuan Tualchhûng Kohhran lehkha, HSLC chin chunglam Educational Certificate & Mark sheet (Xerox copy) leh Medical Fitness Certificate thil tel tûr a ni a, dîlnaah particulars chiang taka târlangin July 27, 2009, dâr 10:00 Am thleng a hnuaia hming ziak hnênah hian theh luh theih a ni. General English, Mathematics (for Maths teachers), leh Scripture ah te Written test neih tûr a ni a. Music teacher dîlte erawh chuan Scripture chauh an test ang. Sl. No. Name & Nature of Post Qualifications Place of Post Scale of Pay 1. Evangelist; Substantive B.A/B.D/Equivalent Nepal B.D - 5000-150-7700; B.A. - 4750-125-7000 2. Evangelist; Substantive B.A/B.D/Equivalent SIM nena thawhona/ B.D. - 5000-150-7700 foreign B.A. - 4750-125-7000 3. Evan Teacher; Substantive B.A/B.Sc/Equivalent Yakhily Academy, 4750-125-7000 (Mathematics thiam) Tripura 4. Evan Teacher; Temporary B.A/B.D/Equivalent Mt. Olive, Mendavari B.D - 5000-150-7700 B.A - 4750-125-7000 5. Music Teacher; Contract HSLC chin chunglam Tripura 2600/- PM fixed 6. Music Teacher; Contract HSLC chin chunglam Namsai, AP East 2600/- PM fixed Written Test : 27 July, 2009, Monday; 10:30 Am. Interview : 28 July, 2009, Tuesday; 11:00 Am A Hmun : BCM Committee Hall, Sêrkâwn. Rev. F. Sângvêla AGS i/c Mission & Evangelism Baptist Church of Mizoram.

Kum 2009 Kohhran Upa Thlan Thar Report te BCM Calendar-a kan hmuh angin Kohhran Upa Exam hun chu August 7, Zirtâwpni a ni. Pastor bial a\angin Kohhran Upa thlan thar, exam tûr kan hmuh kan han târlang a, mahni bial kan chuan leh chuan loh lo inen ila a \ha ang. Sl. No. Pastor Bial Report Zât 1. Phuaibuang Bial 2 2. West Phailêng Bial 5 3. Kolasib Bial 7 4. Phûldungsei Bial 4 5. Aizâwl East Bial 2 6. Zâwlnuam Bial 3 7. Khawruhlian Bial 5 8. Zemabâwk Bial 3 9. Phairuang Bial 1 10. Electric Bial 3 11. Serte Bial 3 12. Bûnghmun Bial 1 13. Bazâr Bial 2 14. Lunglâwn Bial 1 15. Rahsivêng Bial 5 16. Chanmari Bial 3 17. Bûngtlâng North Bial 1 18. Thingsai Bial 1 19. Hrângchalkâwn Bial 4 20. Zotlâng (Lunglei) Bial 10 21. Buarpui Bial 2 22. Chawngte Bial 1 23. Theiriat Bial 2 24. Cherhlun Bial 3 25. Hnahthial North Bial 1

Homiletics Lehkhabu Pathian Thusawi Zirna, Homiletics, by Rev. C. Lalbiaksânga chu lei theihin a awm ta e. Communications Department, BCM Office, Sêrkâwn leh Aizâwl leh Lawngtlai Executive Secretary Office ah te leh BLS Bookroom hrang hrangah te a awm e. A man Rs. 25.00 a ni. H. Lalkimi Literature Reader.

Baptist Today Man Baptist Today tlâwmngai taka min semsaktu, agent zawng zawngte hnênah lâwmthu kan sawi e. Agen \henkhat ten a man an theh luh \hat viau laiin \henkhat chu \an lâk ngai deuh kan la awm tlat mai. Chuvângin agent te a man khawn leh theh luh chungchângah tlawmngaih chhuaha \an la thar leh tûrin kan insâwm a ni. Tin, kan chanchinbu tlâwmngai taka min phurhsak \hîntu Bus (Private bus leh MST) leh Maxi cab te chungah lâwmthu kan sawi tak meuh a ni. H. Lianchhungi Circulation Manager.

26. 27. 28. 29. 30. 31. 32. 33. 34. 35. 36.

Tlabung Bial Zobâwk Bial Lawngtlai East Bial Bungtlâng South Bial Thingfâl Bial Phâwngpui South Bial Phâwngpui North Bial Lawngtlai North Bial Saiha Bial Dîltlâng Bial Lawngtlai South Bial Total

3 3 1 1 2 3 1 1 5 1 2 98.