Ccc Thanglawi (june 2009)

CCC

THANGLAWI Established 2004

Vol. 5.

No. 4. (A Living Sacrifice: Rom. 12:1)

June, 2009

Siang Uk Aanka 2009-10 ca cawnkum thawk kho dingin lam a kan hruaitu Pathian kan thangthat. CCC cu Laihlum mino tambik i tonnak asi bangin sianginn khar chungah hmundang ah aa thial mi le ramdang ah a kal mi an um bangin chungkhar thar a dirh i zeitik semmawng pom lai aa ngaih mi zong an um. Cucaah June thla sianginn kan hun than tikah hawidawt cheukhat cu an kai kho ti lo. Sihmanhselaw CCC chungkhar ah kan ruah zungzal ko hna lai. Cun siangngakchia thar le siangcachim thar tete zong lunglawm thanuam tein kan in don hna. Donnak laksawng can ah thil pahnih chim ka duh. Pakhatnak ah CCC cu miphun dang sin i kutdawh hal chom ding bochan in a nungmi a si lo. Vawlei kili um Laimi thazaang in a nungmi a si. CCC a dirhtu le a ngeitu cu CACC a si. A cawmtu cu pakhatnak ah Pathian a si i, pahnihnak ah CACC le CACC chungkhar tiah auh khawh mi ramchung ramleng hawinau nan si. Pahnihnak ah CCC nih vawlei cung Laimi dihlak huap in khua a ruat zungzal. CCC ah a kai mi siangngakchia chungin hmailei ah ram hruaitu president le prime minister tiang chuak kho hna seh ti hi kan thlacamnak a si. Laimi kan tuanbia ah kan sining pakhat cu elekrik mei a um hlan pi-in, mei inn a um hlan pi in, meifar he ca a zoh i thiamhlei in a awng kho mi kan si. Nihin CCC ah zung rian ah siseh, cawnnak ah siseh, Pathian biaknak ah siseh, zei thil hmanh sontarh ding a um lo. Awthannak seh le tingtang tel loin Pathian thangthat khawh a si, biak khawh a si. Pathian nih a hohmanhnih an khar khawh lomi innka pakhat a hun cang (Biathlam 3:7). Cucaah Tho usi law sa u si. Fimnak kan kawl ti lai. Thiamnak kan cawng ti lai. Dinnak thingkung kan phun ti lai. 2009-2010 Cawnkum Riantuantu 1. Principal : H. Siang Kung 2. Vice Principal : Tin Hmung 3. Academic Dean : Za Mang 4. Registrar cum Female Warden : Siang Zi 5. Dean of Students : Ngun Hei 6. Chaplain : Tluang Ceu 7. Male Warden : Bawi Tawng 8. Treasurer : Ceu Cin 9. Lecturers a. Thlia Caan b. Lian Do Kham c. Hrang Awi

d. William Khen Chum Bik e. Hta Cin Sung f. Tial Peng 10. Librarian : Cung Lian Thawng 11. Assistant Librarian a. Thawng Cung Nung b. Lian Kim 12. Cook: a. Thang Lian b. De De 13. Accountant : Ngun Tha Par 14. Clerk (LDC) : Bawi Tum Sung 15. General Worker : Ngun Bik 16. Janitor : Duh Tum Peng 17. Driver : Tluang Hlei Cin Part time siangcachim: 1. G. Biak Nawl 2. Harvey Van Bik 3. Hla Aung Bia Nihchuak A. Khrihfa cheukhat cu Pathian bia an chimtuk nakah nunpi caan an ngei lo. B. Biaknak bu cheukhat cu zulhding phungphai an suai nakah caan a liam i an phungphai zong an zul manh lo. An suaimi an zulh manh hlan ah phungthar an suai lengmang. C. CACC le CCC an i dannak cu CCC ah "A" a um lo. D. Dikari vialte lakah dawtnak dikari a sangbik. E. 2% thawhvo hman tein a pemi Khrihfabu cu milunglawm an si. "Zeicahtiah lihcawnnakbu" sinak in an luat lai. Ngaihchiatnak CCC Siangcachim Ceu Cin i a fapa Tial Hei Lian (Pa Lung), a kum 32, nih June 6, 2009 ni ah vawlei pumsa in a kan liamtak caah kaltak mi chungkhar cu kan ngaihchiatpi hna. FORTE Journal Zomi Baptist Convention chungtel associations nih dirhmi Baibal sianginn vialte hawikomhnak (Fellowship for Theological Education - FORTE) cu June 7, 1990 kum ah thawk a rak si. Hruainak ah kan i then zong ah Pathian kong cawnnak ah i naih u sih ti hi saduhthah a si. FORTE ah chungtel sianginn, dirh kum le an umnak cu: 1. Zomi Theological College, ZTC, Falam, 1953. A ngeitu: Zomi Baptist Convention. 2. Union Theological College, UTC, Matupi, 1984. 3. Bethel Theological Seminary, BTS, Tahan, 1989.A ngeitu: Lairawn Baptist Association. 4. Chin Christian College, CCC, Hakha,1990. A ngeitu: Chin Association for Christian Communication (CACC). 5. Christian Theological Seminary, CTS, Tamu, 2000. A ngeitu: KTBA 6. All Nations Theological Seminary, ANTS, Yangon, 2001. A ngeitu: Yangoon Sinyin Baptist Church. 7. Zo Christian College, ZCC, Kalemyo, 2002. A ngeitu: Zo Baptist Association.

Partners: 1. Tahan Theological College, TTC, Tahan, 1987; 2. Tedim Theological College, TTC, Tedim, 1986. FORTE nih tukum 2009 ah Mirang in Journal (FORTE Journal One) a chuah khawh. Uk khat ah Ks. 500 in cawk khawh a si. Main building Cacawnnak, zung le pumhnak tiin a phunphun hman khawh hngami innpi cu estimation an kan tuah piak cang. Kan ram tangka in Ks. 307,500,000 (Sing thong thum le sawm sarih nga) dih ding a si. Mini Hydro CCC in mengkhat le cheu hrawng a hlatnak tiva ah midi hydro electric tuah ding saduh thah kan ngei i a dih ding le tuah ningcang tuaktaan lio a si. Lai Par En Hlaphel 1982 kum ah dirhmi Lai Par En Music Group kum 25 tlinnak hlaphel VCD pahnih Sayama Bawi Cin hruainak in a chuak cang. Hakha, Thantlang, le Zenkung ah June 13, 2009 ni in an zuar lai. Hlasatu lakah CCC siangnagkchia hlun chung in Bil Sung, Zung Iang, Ram Tha Hmung, Thla Meng, le Bawi Cin an i tel. Cun Kawlram lawng siloin vawlei cung huap in hlasak thiam minthang kan fanu Sung Tin Par nih Lainu dirhmun cawisannak hla mak taktak a sak. Ram Tha Hmung nih pawngkam zohkhenhnak hla linsa taktak in a sak. Lai Par En cu Laimi caah Beatles an si ve ko. [email protected] [email protected]