Ccc Thanglawi (july 2007)

CCC Thanglawi “A Living Sacrifice” Rom 12:1 Vol. 4

No. 4

July 2007

Principal Cabuai In CCC Thanglawi reltu vialte nan kut kan tlaih hna. CCC a cawisangtu Pathian thluachuahnak nan cungah tlung ko seh. 2007-2008 cawnkum kan thawk kaah siangngakchia 290 an si. July thla kan hung phak tikah 287 ah an tang. Sayate 13 le zung riantuantu 9 kan si. Kum 17 lawng a si rihmi CCC nih awnnak tlamtling a hmumi siangngakchia 633 a hrin cang hna. BAE a awngmi chungin ramdang ah MA (English) a kaimi an um. Biaknak lei degree a hmumi chung in Doctorate a awngcangmi le a kai liomi an um. Bawipa cu a tha hringhran ko. CCC a ngeitu cu CACC ramchung Khrihfabu dihlak kan si. Baptist ta lawng a si lo. Tukum siangngakchia cu Khrihfabu (denominations) 7 in a rami an si. Baptist a si lomi Khrihfabu hna nih CCC caah thazaang nan chuah deuh ve nakhnga kan in sawm hna. Laimi le Lairam caah CCC nih tavuan nganpi kan ngei ti cu a thuhnak bik kan nunnak ah a um zungzal. Hmailei ah cun Chin Christian University ah a cang te lai. Atu te hin timhtuahnak ngeih khawhnak ding caah kan dihlak tanti kan hau. CCC a ngeitu le a dawtu ramchung ramleng ummi nan dihlak cungah lunglawmhnak le upatnak kan ngei.

Siangngakchia Thazaang Program Dip.Th. B.Th. B.A.E. B.R.E. Dihlak

Pa 14 87 69 3 173

Nu 14 35 68 7 114

Dihlak 28 122 127 10 287

Kan Lawmhpi CCC siangcachim Saya Tial Peng cu July 13, 2007 ni ah CCC in B.Th a awngmi Sayama Dawt Zi Sung he an i um. CCC nih kan lawmhpi. Furpi a si nain nikhua zong a tha. Rawleinak mandat cu Hakha khua thitumnak puai vialte ah a ngan bik a si an ti. Tluangdang Ah Saya Tial Peng cu the Divinity School of Chung Chi College, Hong Kong ah M.Th. kai dingin August 2007 ah a kal lai. Principal Dr. Henry Siang Kung cu Zurop ram lei ah 2007 kum August thla chungah kal dingin timhtuahnak a ngei. Thla hnih hrawng a rau lai.

2 Kan Don Hna Cacawnnak in a rak tlungmi Rev. Bil Hmung (M.Th., Taiwan), Rev. Za Mang (M.Th., Hong Kong) le Sayama Ngun Cer Chin (M.Th., MIT) hna cu lunglawmte in kan don hna. Mr. Cung Lian Thawng zong Assistant Librarian dirhmun in kan sin a ra phan. CCC ah luhlinh in rian an tuan. Tukum Ah Kan Tuah Khawhmi Kan telifawn hri a kalnak a that lo caah mei nih a kangh tawn. Sihmanhsehlaw Pathian a dawtu le tuanvo ngeitu upa bawmhnak in a tung le a kalnak lam kan thlen cang. Bawmtu upa cungah kan i lawm. Rev. Thawng Hmung bawmhnak in CCC tihna kan tharchuah. License zong kan tuah cang. Bawmtu dihlak cungah kan i lawm. Malaysia um CCF bawmhnak in library caah meiseh kan cawk. Nu hostel le Pa hostel (Van Hre hostel) partition le ceiling kan tuah. Tuan Lio Mi CCC rawlchuanak le rawleinak inn dothnih cu kan lim deng cang. Sithuh lawng a taang. Hmuhmi ah CACC ram chung Khrihfabu le pumpak nih nan rak thawh ciomi a dihlak ah Ks. 8,370,036 (sing sawmriat le sing thum, thong sawm sarih le fang sawmthum fang ruk) a si. Australia um Perh khua Laim sin in Krs 200,000 (Sing hnih) le Henry Siang Kung i a saya Rev. Dr. James Rimbach sin in Ks. 1,000,000 (Sing hra) kan hmuh fawn. CACC EC biachahnak bangin kan ram chungah fund kawl ding ti a si. Kan hmuhmi belte a tlawm deuh vak. Inn saknak a daih deuh lo. Atu zong ah dining hall caah hlut khawh a si. Fund kawl rih kan hau. Tukum Chungah Tuah Hnga Mi CCF lei chuahnak kotka kha tha tein an kna khar piak tawn lo caah caw le rang zong an lut tawn. Cu caah thir kotka tuahding timhlamh lio a si. Kan Ngaihchiatpi CCC Board of Trustees member Pu Thang Ceu nih March 12, 2007 ah mawtaw khawndennak in a kan liam tak. CCC kengruhpi a kiak tiah kan ruah. Kaltakmi chungkhar an ngaihchiatnak ah kan i hrawm ve. Pu Thang Ceu nih a nun lio ah “Kan chungkhar nih CCC caah satellite TV receiver set khat cawkpiak ding ah thlacamnak kan ngei,” tiah a rak chim. Cucu a dawtmi a nupi nih philh lo tein Pu Thawng Ceu a liam hnuah CCC caah satellite TV receiver set khat a kan cawkpiak. An cungah CCC nih lunglawmhnak le upatnak kan ngei. Phaisa Kong CACC ram chungin 2007-2008 kum caah 2% contribution a pe cangmi hna cu: CBA nih Ks. 800,000 (sing riat) le HBA nih 1,100,000 (sing hlei khat) an si. Pathian dawtnak thawng in CCC ah riantuantu minung kan tam bangin thlakhat i a dihmi zong a tam ve. Thlahlawh lawnglawng ah thla khat ah sing 16 renglo kan dih. Cucaah cawlcanghnak le riantuannak ahhin tlam a tlin nakhnga thawhvo a pe rihlomi

3 Association, Local Church le pumpak hna nih tuan deuh ah teimak nan vun chuah nakhnga kan in nawl hna. CCC Ah A Tanglei Scholarship An Um 1. Myanmar Mission Scholarships 2. Friends of Myanmar Governing Board Scholarships 3. Choi Scholarships 4. David Za Hre Lian Scholarships 5. David Van Bik Scholarships 6. CEBC (Indiana) Scholarships 7. LBC Nu Bu (DC Area) Scholarships 8. ATEM Scholarships 9. CCC Scholarhips M.Div. le Computer Course CCC ah M.Div program cu 2010 kum in thawk a si lai. M.Div. program Komiti ser hnu ah a tha bik in timhtuahnak ngei ding kan si. BAE final year ah basic computer course cawn a si cang. Hmailei ahcun certificate pe kho tiangin cawnnak ngeih dingah saduhthahnak kan ngei. Thawngpang dangdang Motorcar le motorbike mawngh ningcang le phunglam he pehtlai in Hakha khua i Road Transportation Admisnistration (RTA) riantuantu hna nih Julh 24, 2007 ni ah CCC chapel ah cawnpiaknak le theihternak an tuah. CCC counseling group ningin thingkung cin a si i a nun nakhnga mah le group cio nih zohkhenh ding a si. CCC compound dihlak thiangte in a um khawh nakhnga caah ram riamnak brush cutter kan cawk cang. Dum dihlak thiangte in tuah a si lai. Theology Biasawng Tlawrh CCC journalist: Sualnak hi zeidah a si ? Evangelical theologian : Pathian nawl ngaih lo. Liberal theologian: Dawtnak ngeih lo. Liberation theologian: Duhfah le haakkauhnak Feminist theologian: Pathian kha “Kan Pa” tiah kan auhmi CCC journalist: Nan uar bik mi tah? Evangelical theologian: Paul theology Liberal theologian: Jesuh cawnpiaknak Pentecostal theologian: Holhtheih loin holh Liberation theologian: Jesuh nunning Feminist theologian: Nu ordination pek CCC journalist: Bawnbok le mantat nan si ko.

4 Cahmai 6 Sawmnak CCC campus ah siangngakchia 80 hrawng an um. Eiman thawhvo hi kum khat caah singkhat lawng a si. Cu nihcun buh lawng a zaat khan khi a si. Cu caah, nupi thit tikah siseh, chuahcam lawmhnak ti bantuk puai nan tuah tikah siseh, CCC siangngakchia caah nan hlut chih ahcun thil duhnung ngai a si lai. Pumpak zong in hlut khawh a si. Bawmtu nubu hna sinah kan i lawm. Cun 2% thawhvo a taangmi tete zong a rannak in nan kan kuat nak lai kan in nawl hna. Mission Box Students Council general meeting biachahnak bantukin CCC sayate le siangngakchia dihlak nih mission rian kan tuan ve awk a si ti lungput he mission box tuah a si cang. Pumh caan paoh ah luhnak pawngah chiah a si. A Hrutmi, a Thiammi, le a Fimmi • A hrutmi nih mi pakhat a rumnak zoh in bia a khiah. Zeicahtiah lenglei thil lawng a hmuh khawh. • A thiammi (clever) nih mi pakhat a nunnak/thlarau zoh in bia a khiah. Zeicahtiah nunnak thingthling kha a hmuh khawh. • A fimmi nih mi pakhat nutling patling (mature) a sinak zoh in bia a khiah. Zeicahtiah nunnak man taktak kha a hngalh. • Mihrut nih hlawhtlinnak kha a hngah. • Mithiam nih hlawhtlinnak kha a ruahchan. • Mifim nih hlawhtlinnak caah a tuan. CCC Bia Roling o Cachimtu (teachers) paoh hi fimchimtu (educators) an si lo. o Siangngakchia paoh hi cawntu (learner) an si lo. Telephone: 070-21339 Email: [email protected]