Ccc Thanglawi (february 2009)

CCC THANGLAWI Vol. 5, No. 2.

February 2009

Principal Cabuai In May 1, 2004 in CCC ah rian t uan hram ka thawk i kum nga a tling luklak cang. Kan u le kan pa le nih a hram fek tein an bunh i ningcang tein an chiah ciami sianginn a si pinah CACC ramchung, vawlei kili um hawinau hna nih nan dawt cio caah riant uan tikah tha a nuam zungzal. Nehhnu vun cuanh tikah Pathian kan thangthat ko. Tutan ahhin CCC inn le lo umtuning langhter ka duh. 1. Van Bik Building. Tlakrawh (pucca) dot hnih. A cungah minung 60 hrawng, a tang ah minung 60 hrawng a tlum. A tang cu plywood in kan t hen. Tangli sianginn cacawn a lo. Khan khat le khan khat aw i theih dih a si. 2. Inn pi tiah rak auhmi pucca tlakrawh inn dot hnih. A tang dot ah minung 25 hrawng zalong tein a tlummi cawnnak khan pa li a um. A cung dot cu office ah kan hman. Sianguk chim lo a dang cu khan ngan bik an i hrawm. Cucaah cawnnak khan ah hmantlak taktakmi a dihlak inn khan 6 lawng kan ngei. Cawnnak khan kan herh rih. 3. Caruuk. (CBC, Dallas thazaang in sakmi). Kan inn dawh bik tlakrawh inn dot thum a si. Pumhnak hmun kan ngeih lo caah a cungbik ah kan i pum. A tangbik cu class ah kan hman caah siangngakchia cazohnak tlam a tling lo ngai. Pumhnak hmun kan herh. 4. Van Hre Building. Tlakrawh tenh dot thum a si. A cung dot hnih ah pa siangngakchia an um. A tangbik ah rawlchuang chungkhar pahnih an um. Rawlchuang inn kan herh. 5. Nu Hostel. Tlakrawh tenh dot hnih a si. A cung ah nu siangngakchia an um. A tang cu cawnnak ah kan hman. A chel ahcun a tang dot cu plywood in kan dan i cawnnak khan pahnih ah kan hman. Hostel um mi caah tlam a tling lo ngai.

2 6. Staff Quarters. Thing inn pathum, le sak liomi tlakrawh tenh inn khat (CCFDK thazaang in sakmi) a si. 7. Coka. (CACC chungtel Khrihafbu thazaang in sakmi). Rawlchuannak le einak tlakrawh tenh inn dot hnih. A tang ah chuannak le einak a si. A cung dot cu Mirang ca cawnnak khan (audio visual room) ah kan hman. Audio visual room kan herh. 8. Eidin dawr. Thing inn pahnih (LBC, DC area le CCC Nubu thazaang in sakmi) an si i a tlam a tling ngai. CCC inn le lo cu a cunglei vial hi si hna kaw hehchet tiah nan bawmh ko bu ah kan sining taktak phuan ahcun ca cawnnak le Pathian biaknak hmun kan ngei lo ti tluk a si. Cucaah kum tam nawnte timhtuahnak kan ngeihmi cu INN PI (multipurpose building) a si. Architect Ms. Hlawn Tin Cuai nih a muisam a suai cang. Pu T ha Peng (AE) nih a dih hngami a tuak lio. Tlakrawh inn 40ft x 80ft (RCC dot li) a si. CCC cu Chin Christian University ah a cang te lai ti saduhthah le 2010 ah M Div program thawk dingah hmasabik ah vawlei kili um Laimi vialte i bawm in INN PI kan sak a hau. CCC ah a tanglei bawmhnak a um Bawmhnak (Scholarships) 1. CEBC (Indianapolis) 2. LBC (DC Area) Nubu 3. CBC (Dallas) Nubu 4. CMBC (DC Area) 5. Chin Immanuel Church (Denmark) 6. CBFA 7. ESP/ MCC 8. Friends of Myanmar 9. David Za Hre Lian 10. David Van Bik 11. Asia Pacific Myanmar Christian Fellowship 12. CCC

3 CCC riantuantu caah bawmhtu hna 1. CEBC (Indianapolis) 2. CBFA 3. CBMC (DC ) Cawmtu (Sponsors) 1. ECCF (Australia) 2. Froland CCF (Norway) 3. CBC (Dallas) Nubu 4. CEBC (Dallas) 5. CCF Nubu (Korea) 6. CEBC (Indianapolis) 7. Daw Si T ial chungkhar Note: Sianginn nih theihpimi sponsor lawng kan langhter. Laksawng (Awards) 1. David Van Bik 2. Hrangzel Kim 3. CCC 4. CACC 5. HBA Zung caah bawmtu hna. 1. LCF (Singapore) 2. CEBC (Indianapolis) 3. Steven Hung (Denmark) 4.Indiana Chin Baptist Church nih 2% thawhvo. Ngaihchiatnak CCC ah Saya a rak t uan i Malaysia Laimi le CCC pehtlaitu (Contact person) Rev. Lal Pek Lian i hringtu a nu nih Feb. 4, 2009 ah pumsa in a kan liamtak. Chungkhar ngaichiatnak ah kan i hrawm ve.

4 Camipuai Kum donghnak a kai liomi siangakchia cu camipuai an tuahlio a si. Feb. 5-19, 2009 tiang an tuah lai. Thang Chin Lian he tonnak TL : Zaangfahnak tein na kong na kan chim kho hnga maw? TCL : Ka min cu Thang Chin Lian a si nain ka ID card le tanghra awnnak certificate ahcun Thein Min Htay ti a si. Pu Kan Mang (Zokhua, Siakhel chung) le Pi Dar Hliang (Hlamphei khua chuak) i an fapa pa hnihnak ka si. A tu hi CCC ah B.Th.IV ka kai lio. TL : Khoi ka khua ah dah nan um? TCL : Gangaw in meng 11 a hlami Mauklang khua ah. TL : Nan khua kong theih kan duh ko. TCL : Inn 400 tluk kan um. Laimi inn 50 kan si i cu chungah Khrihfa inn 23 kan si. TL : Laimi pawl Lai holh an thiam maw? TCL : An pemnak a sau tuk cang caah an thiam ti lo. Minung 9 hrawng lawng nih Zokhua holh le Tinam holh an thiam. TL : Nan i pumh tikah zei holh dah nan hman? TCL : Kawl holh kan hmang. Hla belte CACC chuahmi Khrihfa hlabu kan hman. TL : Nan chungkhar ah tah? TCL : Kawl holh kan rak hmang. Nain CCC ka kai hnu kum 4 chung cu Lai holh hman kan thawk. Unau pa li kan si i ka u cu Lai holh a thiam ti lo. Ka nau le cu an theih pah ko. TL : Na nau ah sibawi a kai lio mi a um maw? TCL : A si. Min Oo (Cung Bawi Lian) a si i Hakha Sanpiah Boarding Class in tang hra 4D in a awng i a tu hi Magwe ah kum khatnak a kai lio. TL : Sibawi sianginn a kai cu bawmchantu an um maw? TCL : CACC zohkhenhnak thawngin a kai. Kei zong CEBC (Indianapolis) nih ka cawm hna hlah sehlaw, CCC ah kai hlah ninglaw, Lai tlau ka si ve ko hnga.

TL TCL TL TCL

TL TCL TL TCL TL

5 : CCC na kainak ah a har bikmi. : Lai holh ka thiam hlan khi a har bik. Hawikom nih Lai ah an ka ruat lo. : CCC na hmuhning. : A t ha tuk. Gangaw lei in a rami caah a t ha khun. Gangaw Baptist Association ram chung pastorate hi CCC chuak lawngte an si. Cun CACC nih Lai ca chimtu an thlah tawn caah Lai holh sullam kan theih dih lo zongah kan rel khawh. : Tukum zong B.Th III pawl April thla chungah GBA ah internship program in kal an i tim ko khah. : Kan i lawm tuk hringhran. : Bia siaherh chim na duhmi? : A ka cawmtu CEBC (Indianapolis); ka nau a cawmtu CACC le sianginn ka kainak CCC cungah lawmhnak bia chim ka duh ko. : Lungsau tein na kan leh caah kan i lawm.

Thawng Tha Chimtu March 8, 2009 ah tuah hngami catang awnnak certificate peknak pumhpi ah Thawng T ha chimtu cu Rev. Dennis Ngun Thawng Mang a si lai. Tilak A tu kan dinmi tihna cu a fat deuh caah nawlngeitu upa zawnruahnak in ti hna thar pakhat kan tuah lio a si. CACC Triennial Kum thum voikhat tuahmi CACC pumhpi cu April 15-17, 2009 tiang Salem Baptist Church, Tahan ah tuah a si lai. Cu dih in ZBC meeting a kal hngami cu lanh beh a si lai. Kan herh ngaingai ko Pumhnak hmun kan ngei lo. Cawnnak le zung kan i za lo. A phunphun ah hman khawhmi INN PI kan herh. Mei a rat hmanh ah a tha a tlawm tuk. TRANSFORMER kan herh. Cun nanmah he chonhnak ah INTERNET.

6

February thla le khuasik 2009 kum February ni hnih le ni thum cu khua a sik ngaingai. Hakha ah hawrha a tla. 2008-2009 cawnkum thawhvo umtuning A dihlak a pemi (January 2009 tiang) 1. Lautu Association of Bapt. Churches 2. Chin Baptist Association 3. Yangon Lai Baptist Church 4. Lai Baptist Church (Mandalay) 5. Lai Baptist Church (Yangon) A cheuchum a pe cangmi HBA, TABC, ZPBA, le a pe rih lomi Khrihafbu le association zong nih tuan deuh ah (audit tuah hlan ah) an kan kuat zau lai tiah ruahchannak kan ngei. Cu lo ahcun March thla lahkhah zong har ngai dawh kan si. Bia Nihchuak Salai Pu

: Na meh a tha ngai : Meh cu a t ha ti a si lo, a thaw ti a si. CCC ah Lai holh cawn na hau. Salai : A hman ko. Na meh a tha ngai. Pu : Zei meh dah a tha na ti? Salai : Lu Meh. Na lu meh a tha ngai. Pu : E Law! Na ka kem. Asinain lu-meh a si lo sammeh ti a si. Salai : Lu-meh ???? Sam-meh ???? Pu : Meh ah buai hlah. CCC cu sam mehnak zong an ngei lo, lu mehnak zong an ngei lo. An sam a cik naleh, a tan naleh an si. Eimi meh hawihna cu sa-meh um bal hlah kaw aa-lu lawng meh ah an ruah cang.