Bma Aw: 5th August 2007

Editor: Lalrothara Jt. Editor: James Lalrintluanga A-PDF MERGER DEMO Cir. Managers: Lalnipuii & Ruby Lalremruati Vol XII Issue No. 31

BMA AW

E-mail: [email protected] Phone: 9986266079/9916352621 Website: www.bangaloremizo.info A Man: Rs. 15/- per month An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007 Bangalore Mizo Association Pathianni Tin Chhuak Chanchinbu

KA MITTUI A TLA A (a short story) - Thara Tlau Vawikhat chu Champhaiah then leh rual te tlawhin leh tihtur pawimawh avangin ka va zin a. Zanah chuan ka thlenin te inpui (common room) ah ka riak a. Zan laiah chuan kawngkhar chu a rawn in kik ri det det a. Sana ka’n en a, dar 1.00 a lo ri tawh a. Kawng chu ka va hawng a, nu rai lian tak leh hmeichhe naupang hi kawngkharah an lo ding a. “Ka pu zanin chauh kan lo riak thei ang em?” chu nu chuan a ti a. Kei chuan in neitu ka nih loh thu ka hrilh a. In neitupa chu ka va kaitho a. Pu Sawma chu a rawn tho va. “Eng nge ni ta zanlai laiah?” a rawn ti a. Chu nu chuan a thawthu tawi te chu a sawi ta a. Nimin tuk khan ka fanu chaw ka pek laiin kan veng thalai ho kan inah an rawn lut a. “E, nangni kha engnge in la tih hmanhmawhin in thawmthaw in duh duh kha tel ula Burma a haw turin rawn chhuak vat ru, motor-in a nghak che u a nia” an ti ta mai a. Kei chuan, “Pute u, zahngai ula, kan pa Civil Hospital-ah malaria a nain a awm a, chu chu kan enkawl dam veleh kan haw ve ang” ka ti a. Mahse anni chuan engah mah ka thu sawi chu an ngai duh lova, hmanhmawh em em hian kan bed sheet-in kan bungraw thenkhat min tel tir a min pawt chhuak ta a. Chutih lai chuan kan in neitunu Pi Sangi chu a rawn tlan chhuk a, “Zahngai zahngai, nu nau lakah tal chuan zahngai ta che cu. An pa pawh hospital-ah a awm a tuin nge enkawl ta ang?” a rawn ti a. Anni chuan vin zet hian “Pi Sang ngawi mai mai rawh Burma ho in i luah tir thin a, veng mit i ti kham khawp a nia” an ti a. Tichuan, truck ah hian tawt em emin Champhai lam panin kan rawn tlan vang vang a. Motor atanga ka thu hriat dan chuan Burma pa pakhat hian hmeichhe naupang a pawngsual a, Burma mi chu a nawlpui hian YMA leh VC tangkawpin min lo hnawtchhuak niin. An sawi zel dan phei chuan Champhaiah pawh nikhat aia rei cham min phal lova. Chuan, Champhai tawntirh ah sawn kan motor a chhe ta hlauh a, kein kan rawn phei hlawm a. Thenkhat chuan khaw tawntirh ah sawn bawkte an khawh a an riak mai a, mahse ka nau hi a ril a tam em a khuaah lut ila chaw barkhat eina tur leh zankhat riah lailawk na tur chu kan hmu mahna tiin ka rawn phei a. Name plate hi ka rawn chhiar phei den den a, Upa Lalsawma Khiangte tih hi ka rawn hmu a. “E, hei chu ka chipui a ni tlat mai, min khawngaih duh mahna”tiin kawng ka rawn kik tawp mai a ni. In neitupa chuan an nu chu ei tur siam sak vat turin a ti a, hmeh thing chu a lum sawk sawk a. Pu Sawma chu a inngaihtuah vung vung a. “Anih leh i Lusei pui te pawn i thlavang an hauh ngam lova maw?” a ti a. Chu nu chuan, “Ka pu Lusei leh Lusei lo an sawi lo Burma rim nam tawh phawt chu an vaihma vek mai”a ti a. Pu Sawma vek chuan,”A nih leh tihian in nufa in awm ve hrih ula, kha i rai lian tawh em em lehnghal a. Kan inah nau tha takin i nei anga chuan thil dang chu kan ngaihtuah zel dawn nia”a ti a. Chu nu chuan chaw bar pah chuan, “Ka pu ka duh lo. Mizoram hi chhuahsan vat ka duh. Naktukah a rualin Tiau lui kan kan dawn a. Lo chambang ta ila, Champhaiah pawh eng nge thleng ang a sawi theih hleih nem” a ti a. In neitupa chuan a’n thlem thin a mah se a duh ngang lova. “A nih leh Burma-ah khawnge in pan ang?” a’n ti a. Chu nu chuan, “Zohmunah kan pa nu hi tar kum 72 mi vel a la dam a, kan va fin ve rawih mai ang” a ti a. An mutna tur chu in neitunu chuan chhuatlaiah chuan a phah sak a kan mu ta hlawm a. A tuk zingah chuan, Pu Lalsawma nen chuan border thlengin kan va thlah a. Cheng zanga hi a hum tir a. Kei pawh chuan ka wallet ka phawrh a cheng za hnih ka hum tir ve a. Chu nu chuan mittui far det det chung hian, “Ka pu kan pa kha min lo va ngaihven sak hram hram ru aw?” hi a ti a. Tichuan, an nufa chuan bed sheet a an thil fun nen chuan mi dang thenkhat nen an in zui phei ta hnak hnak a. Tah tak chuan kei pakhauh ve angreng tak pawh chu ka mittui a far ve fak fak a. Ngaihtuahna chu a kal thui duh khawp mai. Pu Sawma chuan ka darah min beng thauh a, “Thara, tirawh Aizawlah i phei vat ang. A sawi ang khan an pa chu kan va ngaihsak loh chuan” a ti a. In kan thleng a kan insiam ta sawk sawk a, Aizawl lam pan chuan kan phei ta a. Thil pakhat ka theihnghilh theih loh chu Pu Sawma’n border atanga in kan pana min zawh kha a ni, “Thar, Mizo te hi eng sakhaw bia nge kan nih tak?”a tih kha. Ka chhang ta lo reng a.

Date: 5th August 2007

RESULTS (Chhunzawm zel na… ) BANGALORE UNIVERSITY

1) Agnes Ngurdingpuii Ralte, M.Sc (Microbiology) - 78% 2) Margaret Lalramchhani, M.Sc (Microbiology) - 78% 3) Angela Vanlalhruaii, BA (Final) – st 1 Division 4) Saithanzuali, BA (Final) – 1st Division MYSORE UNIVERSITY

1) Lalrammawia, BE (Civil) - 85% JSS LAW MYSORE

COLLEGE

(Autonomous),

1) Z D Lalnunsanga (Manuna) LLB 1st Class 2) Malsawmdawngliana (MSa) LLB - 1st Class _________________________________ LAWRKHAWM ** PRISM chuan August ni 3 zan khan MUP nen tangdunin Tlangnuam community hall ah lo neitute hnena tangka sem chung chang ah social audit an nei a, mipui tangka tur engemawzat a chingpen ni a an hriat avangin ACB ah FIR thehluh an tum. ** Naupang kum tlinglo pawngsualtua puh Lalremsiama, Dinthar veng chu Pu Chhungtinthanga ADM (J) chuan a chungthu rel sakin kum 7 tang tura tih a ni. Kum 2005 February ni 10 khan Lalremsiama, kum 19, Lalremtluanga, Dinthar veng fapa chu naupang kum 5 mi a lo khawih avangin man a ni a. Man anih atang hian taninah dah a ni a, a chungthu hi August ni 3 khan ngun taka ngaihtuah anih hnuah ADM (J) PU Chhungtinthanga chuan kum 7 tang turin a rem fel sak ta a ni. ** Biakthianghlima s/o Tlangthanzama, Kanhmun khua chuan thla hmasa khan varung a kap thla a. Chu a varung kahthlak thialah chuan lunghlu a lo awm a. Chu lunghlu chu kar kalta khan Rs 300,000 in a hralh. ** Nimin khan Afghanistan a Taliban ten an man South Korean zinga an thah hnuhnun zawk vuina hun Seoul khawpuiah neih a ni a, hetih lai hian Afghanistan President leh South Korea sawrkar aiawh te chuan an mi hrente chhuah turin Taliban te chu an dawr mek.

BMA Office Bearers: President General Secretary Treasurer Sports Secretary

Vol XII Issue No. 31

: Pu K Lalrokima : Pu K Laltlankima : Nl. Blessy Sailo : Tv. Joar Panzela

Vice President Assistant Secretary Assistant Treasurer Cultural Secretary

: Pu PC Lalduhawma : Tv. Madawnga Hauhnar : Nl. Thaarie Hnamte : Tv. Obeda Lalhuliana

Bangalore Mizo Association Pathianni Tin Chhuak Chanchinbu

Editorial: Kumin chu kan zirlaiten an ti tha hlawm a, an result hriat a nuam hle a ni. Kum tin hian hetiang result emaw a aia tha nei thei ziah ilang chuan duhthusam chu a ni chiang. Ama’rawhchu, hman zana ka ngaihtuahnaa lo lang chu Pu Ch. Chhunga thusawi pakhat (a chiah chiah chuan ka sawi thei ta lova) “Mizo te hi arpui tuilai hmeh tuk ang chuan kan hlim reng thei dawn lo” a tih kha. Kum that kum a awm a, that vak loh kum pawh a awm ngei tur a ni. Chuvang chuan eng pawh lo thleng se, lawm a tul chuan lawm a; ngui deuh ruih a lo ngai ta a nih pawha kan insiam rem thiam a ngai khawp a ni. Nikum kan tluk lo em mai ti a chhe ta viau a inngaihna thinlung hi business and revenue, profit and growth vel tehkhawng atan a tha. Mahse society ah chuan nikum kha intehna tur a ni lova, inennawnna hmanraw pakhat ve mai a ni zawk tur a ni.

4. BMA Football Tournament a tel tur zat team 10. A tirah knockout a khelh phawt tur a ni a. Team 5 la dam ten league system in an khel ang. Team 5 atanga point hmu sang pahnih ten final an khel ang. Football khel tur team list a tel te tan membership form thehluh hun chu 12 August a ni.

a) b) c) d) e)

Football team intum tur te: FC Sandepaa’s (Ejipura) Vs AECS FC Laizom FC Vs Sherwood Home Benson Town FC Vs Shalom FC FC Kan Veng (YWAM) Vs UVCE FC Shanthinagar Vs Dr. AIT

* First match ah Shalom FC Vs Benson Town FC an khel ang a. A ni vek a match dang khel tur te chu a hmunah pawh (draw) chawp a ni ang.

th

** Chaw ei ve ula; Madawng nang chu la awm rawh aw – Mami Khawlhring of BMA committee member (fair lo thei bik e… ) ** Tunah hian eng nge a tih ang aw? Inleng a nei ang em aw? tih vel ngaihtuah a ngai tawh lova, ka fit tawh lo riau. Inkhelh chu ka chak ve reng, mahse ka weight hi… ” – K Laltlankima, GS of BMA (Mission road pana UTC atanga kal vang vang a ngai ta lo atin ni… i weight chuan san lam a la pan zel awm roh sia… ) ** KR Puram hi a lo nuam ber mai a. Ti teh u i pem khawm ang u hmiang – Notea (college kal hla thei rapz an ti… ) ** BMA tournament chu fit ang chu aw… zing dar 2 ah exer lak pahin nau ka awi thin a – Pu PC-a (Mr. Vice President). BMCF INKHAWM PROGRAMME

An tia lawm… :-) KEIMAHNI

Date: 5th August 2007

** Ka scooter lei thar (Activa a dum ngat!) hi duhthusam a ni, a backseat a chhawm nghal a… ka drive thiam veleh biak in kawtah kan rawn inphur lut nghal a ni mai Amos-a (kan nghak reng che kan lal ber… )

BMA Executive Committee Meeting, 4 August (Inrinni) thurel thenkhat te: 1. Fresher Social chu 18 August (Saturday) hian Goodwill High School, near Coles Park ah neih tur a ni. Programme dar 2.30 pm a tan tur a ni. Lunch ei hmasak a ni ang. Lunch coupon puitling tan Rs. 50, naupang tan Rs. 25. 2. Chhinlung Editorial Board 2007 – 2008 atana ruat te a) Convener – Rev. Lalhmingchhuanga Zawngte b) Member te – Obeda Lalhuliana, Lalrothara, Madawnga Hauhnar c) Ex-Officio – BMA President, General Secretary leh Treasurer.

** Ka u Pc, BMA a awm em??? – F Lalhriatpuii of khawvel danga awm (BMA chu awm reng e, eng atan nge i tih deuh thut a?)

3. BMA Membership Form thehluh hun 19 August thlenga pawh sei a ni.

** By Popular Demand-in hei ka rawn lang ve ta – Zikpuii of Pi Rita-i hostel

** B’lore-a 10 years awm tawh chin ho hi chu BMA membership fee hi min free thei tawh mai lawm ni tirawh Isaac?”– Pawsa Lava ** Kan president U RK-a hian a naupan laiin satel pahnih a chhaih hlum an ti – [email protected]

August 05, 2007 Hruaitu : Dr. Lalrinawmi Ralte Tantu : Tv. John Sailo Thilpek Hlan : Tawngtairual Spl. Number : Tv. RJ & Andrew Thusawitu : Pu K Lalrokima August 12, 2007 Hruaitu : Pu Bobby DK Vaiphei Tantu : Nl. Mary Lalhriatzuali Thilpek Hlantu : Pu Khualpu Spl. Number : Nl. Sarah Lalngaihawmi Thusawitu : Pi Lalbiakliani Pautu

FRIENDSHIP DAY QUOTE “When I'm lost in the rain, In your eyes I know I'll find the light To light my way. And when I'm scared, And losing ground, When my world is going crazy, You can turn it all around. And when I'm down you're there - pushing me to the top. You're always there, Giving me all you've got.” - Christina Aguilera (I Turn to You)

Editor: Lalrothara Jt. Editor: James Lalrintluanga Cir. Managers: Lalnipuii & Ruby Lalremruati Vol XII Issue No. 32

BMA AW

E-mail: [email protected] Phone: 9986266079/9916352621 Website: www.bangaloremizo.info A Man: Rs. 15/- per month An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007 Bangalore Mizo Association Pathianni Tin Chhuak Chanchinbu

FRESHERS’SOCIAL PROGRAMME 2007

KEIMAHNI

A Hun : 18 August, 2007. Dar 1:30 PM A Hmun : Goodwill Girls High School, Coles Park.

** HVLT Mawia leh Lalhluna Sailo Memorial Trophy Football Tournament Opening Ceremony a thingpui inna turin Dr. Lalrinawmi Ralte in BMA hnenah Rs. 1000 min pe a, a chungah BMA kan lawm hle.

Chairman

: Pu K. Lalrokima, President BMA Zaihona : Ro Min Rel Sak Ang Che Hunserh : Pi Chhawnkimi Constitution Ammendment : Chairman in a kaihruai ang Report : Tv. Madawnga Hauhnar Comperes: Yet to be finalised Solo : Nl. Mimi Renthlei Fresher Inhmelhriattirna Thawh Khatna Special Item : BMMP Fresher Inhmelhriattirna Thawh Hnihna Special Item : BMA Naupangte Fresher Inhmelhriattirna Thawh Thumna Special Item : Wisdom Home Freshers Lawmna: Pu Lalrokhuma Pachuau Special Item : Freshers aiawhin Nl. Lalhmingpuii leh Nl. Veronica Lalenkawli Thusawina : Freshers Aiawhin Tv. Lalhmachhuana Solo : Nl. Sarah Lalngaihawmi Freshy King leh Freshy Queen Thlanna Lawmthu Sawina : Tv. Obeda Lalhuliana, Secretary i/c Culture Ban Hla : BMA HLA Tawngtaina : Rev. Vanlaldika. Mawhphurhna Hrang Hrang Changtu Turte: ¦ Sound: Grace Home Boys ¦ Seat Arrangement: Mary Jones Hostel ¦ Decoration: Nl. Blessy, Tv. Obeda leh KR Puram tlangvalte ¦ Zai Hruaitu: Tv. C Lalhriatpuia, Nl. BC Lalremmawii, Nl. Sawmtei ¦ Refreshment: Mapuii Hostel/Grace Home Girls/UTC Working Girls Hostel ¦ Judges: Rev. Lalhmingchhuanga Zongte, Rev. H. Lalnunzira, Pi Lalnunmawii, Pi Lalmuankimi NB: Lunch coupon puitling tan Rs. 50, naupang tan Rs. 25.

BMA WEBSITE BMA website www.bangaloremizo.info chu memberte ngenna angin tih changtlun lehzual a ni ta. Tunah chuan website tlawhtuten member anga in register-in, articles te leh comments te an pe thei ta. Website a article thawh duh tan pawh awlsam taka "Submit Content" page hmanga articles thawh theih a ni bawk. BMA member te'n hman tangkai i tum theuh ang u. - Admin.

** BMA chuan sum tuakna atan lucky coupon a rawn zuar thuai tawh dawn a, member-te thahnem ngai taka lei turin kan insawm a, kan rilru pawh lo in kau lawk turin kan in ngen bawk e. Prize pawh zahpuiawm lo tak ni turah beisei ang u. ** Nl. Cindy Rotluangpuii, Kamanahalli pawh Thawhlehni khan Sathya Hospital-ah a khawsik a reh theih loh avangin admit a ni a. Kidney lam a lo nih avangin Nilaithawhtan khan Victoria Hospital ah sawn phei a ni. Tawngtaina ah i hria ang u. ** Rev. Vanlalthlana, BMCF Secretary thin pawh Durtlang Hospital-ah enkawl chhunzawm a ni a. Nimin phei kha chuan a chau hle tih thu kan lo dawng. Oxygen an pe reng a. I tawngtaipui ang u.

Date: 12th August 2007

LAWRKHAWM ** August ni 7 zan khan Phunchawng a hmeichhe naupang kum 3 mi chu a chhungte muthilh hlain mi tu tih hriatlohin an pawngsual a, he naupang khawih chungchangah hian thu zawhfiah turin mi pahnih police ten August ni 8 khan an man nghal. Ni 7 zan dar 9 vel khan Phunchawng khaw pawn lam Sairang hnaih a cheng chungkaw pakhat an pi hova awm chu an mut hnu zan dar 9 velah misual an inah lutin kawngkhar hnaih bera mu hmeichhe naupang chu pawngsual nia hriata ni a. He naupang hi August ni 8 chawhma khan Civil damdawiin ah hruai a ni. ** Kum 2002 a Excise ten Heroin nena an man Bualmang chu August 8 khan Pu Saikunga, Special Court ND & PS Judge chuan kum 7 hah taka tang tur leh Rs. 50000 chawi turin a chungthu a rel fel sak. Kum 2002 September 25 khan Excise Inspector Lalramzauava chuan Chaltlang leh Chanmari inrina laiah Bualmang, Khawtinling fapa, Bualzawl Myanmar lam mi chu a kuta Heroin grams 204.500 nen a man a ni. ** Taliban thupuangtu chuan South Korean missionary an man 21 te zinga nula pahnih chu an damloh avanga chhuah an tum thu Inrinni khan a puang. A dangte chanchin erawh engmah a sawi lo.

English Premier League Fixture ** Inkhawm banah BMA Tournament Organising Committee leh team tin captain te meeting tur a ni e. ** BMA Tournament 15 August a tan hun tur kha zing dar 10.00 a ni e. Vawiin August ni 12 thlenga BMA membership form thehlut lo te chu khelh phal an ni lovang. A hmunah membership form a thehluh chawp theih tawh dawn loh. Tin, Tournament hi Pu R Lal Rinawma IRS in a hawng ang a, Exhibition Match BMMP te leh BMA nulaten an khel ang. BMCF INKHAWM PROGRAMME August 12, 2007 Hruaitu : Pu Bobby DK Vaiphei Tantu : Nl. Mary Lalhriatzuali Thilpek Hlantu : Pu Khualpu Spl. Number : Nl. Sarah Lalngaihawmi Thusawitu : Pu K. Lalrokima August 19, 2007 Hruaitu : Pi V Chhawnkimi Tantu : Tv. Robert Vanlalruata Thilpek Hlantu : Dr. John Laldingliana Spl. Number : Tv. Thanghmingliana Thusawitu : Pu PC Lalduhawma

¦ Sunday, August 12, 2007 Arsenal v Fulham, 1630 IST Chelsea v Birmingham, 1800 IST Man Utd v Reading, 2030 IST ¦ Tuesday, August 14, 2007 Tottenham v Everton, 0030 IST ¦ Wednesday, August 15, 2007 Birmingham v Sunderland, 0015 IST Fulham v Bolton, 0015 IST Man City v Derby, 0015 IST Portsmouth v Man Utd, 0015 IST Reading v Chelsea, 0030 IST Wigan v Middlesbrough, 0030 IST ¦ Saturday, August 18, 2007 Birmingham v West Ham, 1930 IST Fulham v Middlesbrough, 1930 IST Newcastle v Aston Villa, 2145 IST Portsmouth v Bolton, 1715 IST Reading v Everton, 1930 IST Tottenham v Derby, 1930 IST Wigan v Sunderland, 1930 IST

QUOTE OF THE DAY

Hmeichhiain thu awih tlatin ngawi rengin zir rawh se. Amaherawhchu hmeichhiain zirtir zawng ka phal lo, mipa chunga thu neih ka phal hek lo, ngawi rengin awm zawk rawh se. - Tirkoh Paula (1 Tim 2:11-12)

BMA Office Bearers: President General Secretary Treasurer Sports Secretary

Vol XII Issue No. 32

: Pu K Lalrokima : Pu K Laltlankima : Nl. Blessy Sailo : Tv. Joar Panzela

Vice President Assistant Secretary Assistant Treasurer Cultural Secretary

Bangalore Mizo Association Pathianni Tin Chhuak Chanchinbu

I ZIRNA INSTITUTION ‘RATING’I HRIA EM? - R Lal Rinawma IRS Karnataka state chhunga College/Insititution zawm tura i lokalin i zawm tur institution that dan (rating) i hre reng em? Nge seat i hmuhna apiang i bawh ringawt thin? National Assessment and Accreditation Council (NAAC) hi i hre tawh ngai em? NAAC hi University Grants Commission peng pakhat, autonomy nei a thawk, zirna in, college leh institution hrang hrangte an standard that leh that loh tehtu, mithiam rual awmkhawm an ni. Institution hrang hrangte hi tehfung hmangin an thlithlai reng a, chumi hnuah RATING an pe thin. Chumi atana an tehfung (criteria) te chu: ? Curricula aspects ? Teaching-learning & evaluation ? Research, Consultancy and Extension ? Infrastructure and Learning Resources ? Student Support and Progression ? Governance and Leadership ? Innovative Practice Rating Dan Tichuan, an thlirna leh tehfung hrang hrang hmanga an rating pek dan chu hetiang hi a ni a: Rating Hlui Grade A 5 Star A 4 Star A 3 Star A 2 Star A 1 Star

Inst. Score Above 75 70-75 65-70 60-65 55-60 Rating Dan Thar

Grade A++ A+ A B++ B+ B C++ C+ C

Inst. Score 95-100 90-95 85-90 80-85 75-80 70-75 65-70 60-65 55-60

Hetiang tehfung hmanga institution hrang hrangte an tehna chu a khat tawkin an ennawn reng bawk a. Rating dan hlui leh thar a inkal thelh nuk a, a chhan pawh kan hrethiam turah ngai ila. Keini Karnataka chhunga chengte chuan kan belhbul deuh institution te rating kan hre chak ngei ang a. University Rating (accredited status) Bangalore University Five Star Mysore University A+ (Mysore University upa zawk a ni bawk a, ratingah Bangalore university aiin a sang reng thin) Cont. on next column…

: Pu PC Lalduhawma : Tv. Madawnga Hauhnar : Nl. Thaarie Hnamte : Tv. Obeda Lalhuliana

Date: 12th August 2007

Colleges etc. Karnataka State chhunga college 468 te hi accredited an ni bawk a. Kan hriat chak zual turte chauh lo tarlang ila: 1) 2) 3) 4) 5) 6) 7) 8) 9) 10) 11) 12) 13) 14) 15) 16) 17) 18) 19) 20) 21)

22)

Acharya Pathsala College of Arts & Science = B+ Alliance Business Academy, Bangalore = A Al-ameen Arts, Commerce & Science College, Bangalore = B+ Besant Women College = B++ Bishop Cotton Women Christian College = A Christ College = A+ Garden City College of Science & Management Studies = B++ Jyoti Niwas College, Bangalore = A Maharajas College, Mysore = Four Star Maharani’s Science College, Bangalore = B+ Maharani’s Arts College, Bangalore = A Monfort College, Bangalore = B++ Mount Carmel College, Bangalore = A+ (accredit hmasaah Five Star) Smt.. V H D Central Inst of Home Science, Bangalore = B+ St. Joseph College of Commerce, Bangalore = A St. Joseph College, Bangalore = A St. Joseph Evening College =Three Star St. Philomenas College, Mysore = A+ T.John College, Bangalore = B+ Teresian College, Mysore = B++ Vijaya Degree College, Bangalore = B++ Yuvaraj College, Mysore = Four Star

Mizoram ve thung 1) 2) 3) 4) 5) 6) 7) 8)

Aizawl West College, Dawrpui Vengthar = C+ Govt. Kolasib College = C++ Govt. Saiha College = C++ Govt. Aizawl College, Sikulpuikawn = B+ Govt. Champhai College =B Hrangbana College = B++ J. Thankima College, Bawngkawn = B++ Lunglei Govt. College = B 9) T. Romana College = C++

Note: Mizoram University hi la accredit loh a ni. Khawvel zauzawk (hriat zau nan) World University ranking thar ber 200 (Indian Express 7.8.2007) thlannaah chuan Harvard University-in hma ala hruai zel a, chu chu Cambridge leh Oxford University ten an zui a. Indian Institute of Technology (IITs) chu 57-na a ni ve a, Indian Institute of Management (IIM) te chuan rank 68 an chang a, Jawaharlal Nehru University (JNU) chu 183-na a ni pha bawk. Tin, khawvela Science zirna University tha lawr 100 thlan chhuah zingah IITs te hi 33-na an ni a, Top Technology Univesity thlannaah thung chuan heng IIT te hian 3-na an hauh pha. Pakhatna leh pahnihna chu Massachusetts Institute of Technology (MIT) leh University of California, Bekerley ten an hui. Tin, Arts & Humanities University tha lawr thlannaah chuan Delhi University hian rank 75-na a luah a, Social Sciences University category-ah rank 86-na a hauh laiin JNU chuan rank 57 leh IIM ten rank 26 an chang bawk. Hetiang hian zirna tha leh hmingthanga kalte hian vantlang ngaihsan an hlawh thin a. Hna zawn leh higher studies dil kawngah pawh remchanna an nei chawk thin. (IISc, Bangalore ranks first among Indian universities (and South Asian universities) in the "academic ranking of world universities" conducted by the SJTU, China – Ed.)

BMA AW

Vol XII Issue No. 33 - Bangalore Mizo Association Pathianni Tin Chhuak Chanchinbu - Date: 19th August 2007

BMA FRESHER SOCIAL REPORT BMA fresher social 2007 chu nimin August 18 khan Goodwills High Schoolah hlim taka hman ho ani a, kal pawh kan thahnem hle. Kan President Pu K. Lalrokima’n chair lain hun min kaihruai a, “Ro min rel sak ang che” tih hla kan sa hova, Pi V. Chhawnkimi’n hunserh min hman sak a. Gen. Secy. Pu K. Laltlankima leh Tresurer Nl. Blessy Sailo hnen atangin report kimchang tak ngaithlak ani a, uluk takin Constitution amend na neih zui ani. Nl. Miriam Zorinmawii leh Tv. Rosangliana Chhangte te kaihruaina hnuaiah kham lo takin kan social second session kan hmang hova. Special items min neihsaktu BMA naupangte leh kan zaithiam Nl. Sarah Lalngaihawmi, Nl. Mimi Renthlei, leh fresher aiawh Nl.Veronica Lalenkawli ten zai in min awi tlei hle. Kan Vice President Pu P.C. Lalduhawma leh kan Asst. Secy. Tv. Madawnga Hauhnar ten inhmelhriattirna chiang tawk taka min hmanpui hnuah, Tv. C. Lalhmachhuana pawhin fresherte aiawh in a thusawi a vaivung hle. Freshie King & Queen atan Tv. C. Lalhmachhuana leh Nl. Chuauzikpuii te chu hneh taka thlan tlin an ni. Kan patron Pu Lalrokhuma Pachuau IPS hnen atangin freshers te lawmna leh fuihna thu hlu tak tak kan dawng a manhla hle. Cultural Secy. Obeda Lalhuliana’n lawmthu sawia min neihsaka, ban hla atan “BMA Hla” sak ho ani. Kan programme te tluang taka kan hman theih avanga lawmthu sawiin Rev. C. Vanlaldika’n tawngtaina in kan hun tawp min khar sak. Kan fresher social tluang tak leh hlawhtling taka kan hman theih nana tha leh zung sengtu: Grace Home Boys (Sound incharge), Mary Jones Hostel (Seat arrangement), KR Puram nula leh tlangvalte (Hall decoration), UVCE zirlaite (Refreshment), Tv. John Sailo (Still camera), Nl. Blessy Sailio (Video camera), C. Lalhriatpuia, Nl. Lalrinpuii & Nl. Zorini (Zai hruiatu). Rev. Lalhmingchuanga Zongte, Rev. Lalnunzira, Pi Lalnunmawii & Pi Lalmuankimi (Judges) leh Tv. Joshua Laldinmawia, Tv. Zothanmawia, Tv. James Lalrintluanga, Nl. Lalnipuii & Nl. F. Lalhriatpuii (Ushers) te inpekna a fakawm hle. Kan fresher social tihlawhtlingtu member rawn kalte chungah BMA aiawhin lawmthu kan sawi tak meuh ani.

Rev. Dr. Vanlalthlana kan chan ta : Rev.Dr.Vanlalthlana hi BMCF ah Secretary term 2 zet, chuan nimin18.8.’07 tlai dar 7 khan chatuan ram min pan san ta. Vellore Hospital ah hun rei tak enkawl a nih hnu in, nimin a boral thleng khan Presbyterian Hospital Durtlang ah enkawla ni a.

KEIMAHNI ** BMA huaihawt HVLT Mawia leh Lalhluna Sailo Memorial Football Tournament chu CAR South Police Ground, Koramangala ah ropui takin Independence Day 15 Aug. 2007 khan tan ani a. He tournament hiBMA Advisor ni mek Pu Ramdinsanga Saiawi chuan a hawng ani. Exhibition Match ropui tak BMMP te leh BMA nulaten an khel a, BMMP te chu 4-1 in an chak ta ani. He inkhelh ropui takah hian BMA Advisor Pu R Lalrinawma nupui Pi Lalnunmawii chuan goal thum chhuih lutin Hat Trick a siam ani. TOURNAMENT RESULT

Benson FC 1-2 Shalome Laizom FC 1-2 Sherwood Home Sandeepa’s FC 2-3 AECS FC FC Kan Veng 5-4 UVCE (Penalty Shootout) ** Kan Editor pawh tihtur pawimawh neiin Tamil Nadu-ah Zirtawp zan khan a zin a, Thawhtan tuk hian a lo kir leh ang.

Editorial: Kan editor Tv. Thara an zin bo takah chuan hei le, chhuah ve ngei ngai si a. Ani pui hi Pu Gandhi-a anga mi fel leh taima (ruhkawl ngah) ani roh a. ‘’Hei ka chhu zo tep a,a awlah hian thil thar ilo zep mai dawn nia’’ tiin min thlah ve ngei a. Thiam zawng zawng bakah thenawm Tv. Lalrotluanga leh Tv. Joshua ring chungin kan han thairang ve chu ania. A Chhiartute mit a tlun lohna laiah te hriatthiamna ka han ngen nghal bawk e. -Jt. Ed. THUTHAR **August ni 18 chawhma dar 11:20 vel khan Edenthar venga Lalsangliana petrol Pump bul ah Lalrotluanga Chanmari West chu Laltlansanga bawngkawn inti chuan a vit a, Laltlansanga bawngkawn leh mi pakhat an insual chu thelh a tum na lam ah Laltlansanga hian a thinhnun bul ah Kaihthleh chem te in a lo vit ta mai a ni. **LEMZIAK NGAINATUTE TAN WEB THAR :-Mizo milem ziah thiam leh ngaina, painting leh graphic lam panga tui mite tana siam, arts lama mahni kutchhuakte share-na website. http://www.othersyde-inc.com/forum **India hmarchhak pum puia IIT leh University zawng zawng in Guwahati a Debate a inelna an neih ah Mark V.Vanlalrema Mizoram University chuan lawmman pakhatna a dawng. Mark V.Vanlalrema hi Mizoram University dept Of English (I Semester) a zirlai a ni.

TLANG CHUNGA THUSAWI - Zonunmawii Ralte Gospel writer pakhat Philip Yancey lehkhabu ziah ‘The Jesus I Never Knew’ tih bu ah hian Isuan tlang chunga a thu sawi te kha a hrilh fiah tha hle a, kei ni Christian te tan chuan chhiar ngei a tha ni in a lang. Tlang chunga thusawi te hi chhiar a har kan tih tlan ngei ka ring. “In hmelma te hmangaih u la” tih te phei hi chu mihring te tan a zawm theih rual lo ni in a lang. Tin “Sawi sel suh u, sawisel a in awm loh nan” tih te pawh hi zawm har tak a ni. Amaherawhchu Isuan kan zawm tur leh kan tih tur a a sawi ni ngei in an lang si. Engatinge Isua khan ideal sang tak, zawm harsa tak min hnutchhiah le? tih zawhna hi Yancey hian a chhang tha hle a ni. Yancey chuan ti hian a ziak a - “Isua khan tlang chunga a thu sawi te kha, kei mahni famkim-lohna a lunghnura kan kun nan a sawi lo a, Pathian felfamkimna min hriat thiam tir tur leh chu felfamkimna chu um a bei tang tang tur kan ni tih min hriat thiam tir tur te, amah erawh chu tu te mah hi keimahni chuan kan fel famkim dawn chuang lo a ni tih min hriat thiam tir nan te a sawi a ni zawk. Tlang chungah thu sawi te hian Pathian leh mihring in kar hlat zia an ti lang chiang a, hnialruallohin, Pathian hma ah chuan mihringte hi angkhat vek kan nih zia a rawn ti fiah a ni Tualthat, mithinchhia, uire, mihur, rukru leh itsik ching te thleng hian Pathian hma ah chuan angkhat vek kan ni. Kan zavai hian Pathian famkimna a teh chuan kan tling zo lo vek a, kan zavai hian ama zahngaihna (grace) mamawhtu te vek kan ni” ti in. Mihring chi hrang hrang kan awm a, thenkhat te chu, sual bik riau a in hria te, felhlel deuh te kan ni. Tin, a then te chu, fel bik riau a in hria te, mi aia fel deuh te kan ni. Amaherawhchu, heng, tlang chung a thusawi te hi tehna a hman chuan tu te hi nge tling zo le? kan tling lo tlang hle tih Isuan a hmuh chian zia te leh a zahngaihna kan mamawh tlan zia te, Yancey hian a phawk chuak tha hle a ni. Chuvang chuan Pathian zahngaihna changtute kan nih chuan tute mah hi in kiltawih tur kan awm lo a, tute mah hi in chhuang thei tur kan awm chuang lo a ni. Courtesy: ‘The Jesus I Never Knew’ by Philip Yancey. (Pi Zonunmawii Ralte hi Pu Ramdinsanga Saiawi, BMA advisor ni mek nupui a ni – Ed.)

www.taknimo-taklonimo.com # “Pu.Pc… zanlai a nau awm tlei dan kha one day seminar ang te in i conduct thei lo maw ??”… .. Pu.Tlana G.S of inring toh (confiiii thei nia.) # “Independence Day chu BMA inkhelhna a kallo in Lalbagh ah Flower Show en in kan kal a lawm le”..Mahriata of Grace Home (kalpui a nei em awww?????????) # “Zorem eng quata in nge UVCE ah I khelh theih bik a?”R.k-a Lalhohoia of Shalom F.C.(a chhan kan hriat veleh kan hrilh ngei ngei ang che ) # “Chass te nen len dun chu uau nuam dawn em”… NO Mans land K.R.Puram with spl. ref. to Tluanga & Notea ( kan Amen pui thlap e ) # “Tute maw an awm loh hi chuan hun vawn @lungleng.com (nia nimin poh kha I rawn tlai kan ti reng a)

dik

a

har

a

niii”… .

Madawnga

# “Anita-i hi a class buai chuanlamin BMA inkhelhnaah hruai lo mai ang”… Pi.Mawia inpuanna (Hat trick siam tura inbuatsaih ve tak chu ani )

Editor: Lalrothara Jt. Editor: James Lalrintluanga Cir. Managers: Lalnipuii & Ruby Lalremruati Vol XII Issue No. 34

BMA AW

E-mail: [email protected] Phone: 9986266079/9916352621 Website: www.bangaloremizo.info A Man: Rs. 15/- per month An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007 Date: 26th August 2007

Bangalore Mizo Association Pathianni Tin Chhuak Chanchinbu

KEIMAHNI

LAWRKHAWM

** HVLT Mawia leh Lalhluna Sailo Memorial Trophy Football Tournament fixture: Shanthinagar FC Vs Dr. AIT. A dang chu a hmunah pawh chawp a ni leh dawn a ni. A hun tur chu team captain te hnenah hriattir a ni ang. Tin, inkhawm banah team captain te leh sport committee te thu pawimawh sawiho tur a awm avangin inhmuhkhawm lawk tur a ni e.

** Nimin tlai khan Hyderabad-ah hmun pahnih ah bomb chak tak tak a puak a mi 30 velin nunna an chan a, mi 60 vel an hliam bawk. Tlai 7.50 vel khan Kothi veng a Gokul Chat Shop ah bomb a puak a mi 24 an thi nghal a. Tin, hemi hma lawk hian Lumbini Amusement Park auditorium ah a puak bawk a, mi 6 a hmunah an thi bawk.

** Dt. 18-21 Aug. 2007 inkar khan Bangalore a Kanterava Indoor Stadiumah FAMA ASIAN MUAYTHAI CHAMPIONSHIP khelh a ni a. He championsip-ah hian ram pakua atangin infiam mi an fuankhawm a. Chung ramte chu India, Iran, Sri Lanka, Hong Kong, Philippines, Japan, Iraq, Nepal leh Thailand te an ni. He championship a India aiawh tur mi 20 thlanchhuah te zingah hian Mizo panga an tel a, an che tha hle nghe nghe a ni. ? Johnny - Gold medal in 83 category ? Lalawmpuia - Gold medal in 48 category ? Vanlalduati - Silver medal in 45 category ? Vanlalengmawia - Silver medal in kg category ? Zosangliana - Broze medal in 63 category

kg kg kg 60 kg

** BMA Lucky Coupon pawh a lei theih reng e. A man Rs. 10/-. st 1 Prize – Grinder/Mixer nd 2 Prize – Pressure Cooker (10 litres) rd 3 Prize – Electric Iron nd ? Drawing date 2 October 2007. ** BMA Freshers’ Social thalak kha inkhawm banah Tv. Ramthanpuia hnenah a order theih e. Copy khatah Rs. 10/-. ** Kan Assistant Treasurer Thaarie Hnamte pawh Aizawl atangin Nilaithawhtan khan Bangalore a lo thleng thla leh ta.

QUOTE OF THE DAY Keep your eyes wide open before marriage, and half-shut afterwards. - Benjamin Franklin

** Mozambique rama Namacura village ah chuan chhungkaw pakhata naupang paruk te chu landmine (bomb rahpuah chi) thlawhlaia an chhara an infiam chu a puah tak avangin an thi vek tiin Mozambique Interior Ministry chuan Inrinni khan a puang. ** August ni 25 khan Chanmari YMA hall ah E&F huaihawt in Mizoram “super model” rualte chuan intawhkhawmna hun an nei. Nula nalh leh talent nei tha tak tak te intawhkhawmna hun ah hian kan ram thing leh mau nungchate humhalh a pawimawhzia inzirtirna hun hman a nih bak ah ramngaw siam leh humhalh pawimawhna te an inzirtir a ni. – www.buannel.com (“Super model” tih term hi kan hmang ui lo mah mah a ni lo maw? Mizo super model kan tih te couterpart te chu Kate Moss te, Naomi Campbell te leh Cyndi Crawford te an ni daih a nia aw!!! – Ed.) ** LPS Vision in Mizorama Kohhran hrang hrang thalai te tana a buatsaih LPS Vision Quiz 2007 chu second round khelh zawh a ni ta a. Sept ni 3 atangin third round khelh tan tura ruahman a ni a. Hetihlai hian naupang kum 8 atanga kum 12 chin te tana Spelling Bee intihsiak LPS vision in a buatsaih chu August ni 27 atang hian tan tura ruahman a ni bawk. ** Pu Lallianbula kum 40 Chawngte P, V C vice president chu August ni 22 tlailam dar 5 vel khan Sodon Kumar alias Pujahana chuan a sat hlum a, Sodon Kumar alias Pujahana hi an man hnu ah kham ah a zuang thla a, a boral bawk a ni. ** “Naupang Venhim Kawnga Zirtirtute Mawhphurhna” tih lehkhabu, V Vanlalruati ziak chu August ni 24 khan Education Minister Dr. R. Lalthangliana’n Directorate of School Education District Conference Centre ah a tlangzarh.

Entertainment Updates Top 5 Box Office (US) Box Office Estimates Aug. 17-19

Superbad (R) $31.2 Million Rush Hour 3 (PG-13) 2. $21.8 Million The Bourne Ultimatum (PG-13) 3. $19.0 Million The Simpsons Movie (PG-13) 4. $6.7 Million The Invasion (PG-13) 5. $6.0 Million

1.

EPL FIXTURE Sunday, August 26, 2007 Man Utd v Tottenham, 2030 IST Middlesbrough v Newcastle, 1800 IST Saturday, September 1, 2007 Bolton v Everton, 1930 IST Fulham v Tottenham, 1930 IST Liverpool v Derby, 1930 IST Man Utd v Sunderland, 1930 IST Middlesbrough v Birmingham, 1930 IST Newcastle v Wigan, 1930 IST Reading v West Ham, 1930 IST Sunday, September 2, 2007 Arsenal v Portsmouth, 1800 IST Aston Villa v Chelsea, 2030 IST Blackburn v Man City, 1930 IST LAWMTHU Bangalore Mizo te Muaythai Championship a tawiawm tura lo kal a moral support min rawn petu zawng zawng te chungah Mizo players te hmingin lawmthu ka sawi duh a. In rawn kal man senso te chu kan rul thei lo che u a, mahse kan thinlungah in lal ber a ni tih ka sawi duh a. Mizo nih nawmzia kan hrechhuak thar leh ngawih ngawih a ni. BMA dam reng rawh se - Samuel Lalrozama. BMCF INKHAWM PROGRAMME August 26, 2007

Hruaitu

: Tv. Gilbert Lalinpuia & Tv. Tony Lalnunzira Fellowship Sharing Fellowship September 2, 2007 Hruaitu : Pu H Laltlankima Tantu : Nl. Mary Lalrinchhungi Thilpek Hlan : Tawngtai rual Spl. Number : SAIACS Thusawitu : Pu PS Chhuasa

BMA Office Bearers: President General Secretary Treasurer Sports Secretary

Vol XII Issue No. 34

: Pu K Lalrokima : Pu K Laltlankima : Nl. Blessy Sailo : Tv. Joar Panzela

Vice President Assistant Secretary Assistant Treasurer Cultural Secretary

: Pu PC Lalduhawma : Tv. Madawnga Hauhnar : Nl. Thaarie Hnamte : Tv. Obeda Lalhuliana

Bangalore Mizo Association Pathianni Tin Chhuak Chanchinbu

Editorial (Tuntum chu Mizo huang bik ni lovin India ram pumpui huap, India ram kum 60 tlin denchhenin)

India ramin zallenna a hmuh atanga kum 60 champha chu a ram pumin ropui takin kan hmang a. Zalenna sualtute kan rilru ah an lo lar thar leh a. Chanchinbua article tam tak chuan Pu Nehru-a te, Pu Gandhi-a te, Pu Sardar Patel-a leh mi dang tam tak tihtih leh tawngkam te a tar tial kiau kuau a. Magazine leh newspaper tam tak te chuan India ramin zalenna a hmuh atanga kum 60 chhunga mi lar leh mi ropui thlan bik te an tar lang hlawm bawk a ni. Mahse, ka bih ka bih ve khan hmaih pakhat pawimawh lutuk India ram chanchinbu te hian an neiin ka hria. Muslim hruaitu ropui tak Pu Sheikh Abdullah kha a ni a. Chawimawi tlak tak mah se hai der luih deuh tlat a niin ka hria. “Unsung hero” kan ti hial teh ang. A nun leh a thiltih te kha India ram tan a neu lo em em a ni. India in zalenna a hmuh lai vel bawr khan Kashmir ram lal chu Hindu a ni a. Khatia rambung tin te Pakistan nge India ram zawm an duh tih duhthlanna an pek khan Muslim lal thenkhat tena India zawm an thlan lai khan Kashmir ram lal Hari Singh chuan India ram zawm lova independent a awm a thlang tlat thung a. Hetih laia India-a Kashmir a beh nana bei fan fan tu chu Muslim mi Pu Sheikh Abdullah kha a ni. Khatia India independent hnu lawka Pakistan-in Kashmir lak a tum a a beih vak khan loh theih lovin Kashmir lal chuan India zawm a tiam ta a tichuan India sipai te khan Pakistan sipai te kha an hnawt kiang ta a ni a. A hnu a Pu Abdullah Kashmir Prime Minister (tunah chuan Chief Minister tih a ni tawh) a lo nih a Delhi a press tena an kawmna a a chhanna pakhat kha ropui ka ti hle. “Engti kawng mahin ka phatsan che u ring suh ang che u. Nangnin min phatsan a nih pawhin ka inban anga India rama miretheite hamthat nan nasa takin ka thawk ang” a ti a ni. Pa tumruh a thutiam sut let ngai lo mi a ni. A chanchin tawi ni dangah a remchang a nih chuan kan la tarlang dawn nia.

Date: 26th August 2007

HAWH U, I DIN LEH ANG U - James Lalrintluanga Engtinnge kan kohhran liante (sumdawnna pawh neilo) khian kan state budget chho ngam ther ther khawp budget an siam ngam? An chiang tlat, mirethei te chanai (ram sum) eiru thin member an ngah tih. Kawng tha theilo khi maw? A siamna tur kha kan hruaitu ten an chen ral tawh. Pastor quarter te lah chu, mi tam zawk chenna in aia phuisui leh tha zawk a ni, kan rilru a na. Pathian thu kan hak, tirluih vanga gospel camping-a lutte lah chuan INHLAN leh DAK kan addict zui zel nen. Engvanga inhlan nge kan nih? A loh theihloh tirawh? Loh theihloh nain min nanga, speaker ten MEIDIL MEISI in min dep a, VAN KAWNGKA zawnah min nawr alawm. Mahse chu MEISI (hlauhna) an rem chiah chu kan da. Da leh chuang tur pawh kan awm lo. Mihlim da leh chu buhpho veng atan pawh an tlak tawh lo tih kha kan chang zo ta. Thlarauva min hringtu ten an “khuang leh lam” philosophy min barh a, khawvel ram mi in ni lo an ti. Kan nih zia lah chu “a zual zel thin nitinin”. An philosophy chuan kan nunkawng – hmangaihna, inngaihzawnna, hna zawnna te (a tam mai) a lo huap zo reng reng lo mai a. Thlarauva piang hlamzuiha thi kan lo ni ta. Bible thu chang thlanga in sermon khum vak ai chuan he khawvel inher danglama Kristianna kan vawn nun theih dan tur te hi sawi a hun tawh zawk lo ami? Tiin kan in zawt. Khawtlang nun kan thlir – hmanlai chuan khawtlanga awm mawilo te an inzilhin “ramhuaiin a til a pensak” an ti thin. Chu tihdan chu vawng nungin kan tlawmngai pawl YMA ten tlawmngaihna a ngaiin, ramhuai pen peih loh tur chen chen an ngamzawngte an pensaka. Kan MZP te lah chuan “zirlaite hmasawnna” aiin “ramri humhalh”chu dinchhanah an lo thlang lehzel bawk nen. Kan diklo ta vek em ni? Kan tihngaihna hre lovin ram hruaitute kah sawisel a, a lo nuam phian. A sawisel tute lah Zoram kawtthler tinah truck zawn zo tur hial kan awm ta. Amaherawhchu a han siam dan tur (practical solution) nei leh mi inpe an tlem viau lawi si. Ram hruaitu sawisel tute hi lo inzawt ta ila – vote kan thlak em? Mitha kan vote em? Vote kan thlak loh chuan ram hmangaih lote rorelnan hun (chance) kan pe a ni. Vote thlak te hi ‘a politics’, a Kristian lo kan lo ti palh ang e. Keini mi vannei, Pathian malsawmna dawnga Bangalore-a thiam zir theia awmte hian Bible-a zawhna – Lal nihna i lo chan hi hetih hun atan ngei hian a ni dawn lawm ni? (Estheri 4:14) tiin mahni theuh i in cho thar leh teh ang. Kan hmangaihna hmasa (DIKNA) kha bansan lovin, kan Assembly House (seat 40 lek), sorkar office liante leh kohhran dinhmun pawimawh te chu keini mi tha te hian DIKNA leh RINAWMNA hmachhawn chungin kan luah ngei dawn lawm ni? Hawh u, sawichhiat kan nih tawh loh nan i din leh ang u.

An tia lawm… :-) ** Tlana, kei takngial pawn ka phone gallery i en ka phal lo ta a nia hmana ka’n phal thin nen… - Zorini, UTC (chutichuan Nl. Zorini inpuanna Chawlhni lehah kan beisei ta a… ) ** Hi! Bengaloorians, in tan nilovin ka tan hmun siamin ka han kal a, lam ang ka lo let leh ta e – Thaarie Hnamte (nangmaha i lo let leh thei chu a lawmawm viau e!!!) ** LPS-a Michael Jackson-a lamdana han inthehparh leh ka va chak em – Blessy Sailo (BMA hminga pub pawh lut ngam ngat a ni asin… ) ** BMA hian Brigade Road-ah thil engnge maw tih tur neih ziah ila, chutilo chuan zan lenna chance ka nei ve bawk si lova – Pu Lewis Lalsiamliana (ni e, nupui te khuahkhirhna ata tal chhuah hi a har an ti chawk a ni).