Bma Aw: 5th October 2008

BMA ÂW An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol. XIII Issue No. 39

Bangalore Mizo Association

*Ball Pen, chêng 10/- man leh Lucky Ticket chêng 20/- man zawrh mêk a la nî a, member-te’n tlâwmngaih chhuaha min lo leisak zêl tûrin kan ngên a che u. Lucky Ticket hi BMA Silver Jubilee sumtuakna a nî a, a vâwr nî sawn hlat a nih avângin lei tûr thahnem tâwk tak a la awm e. *Kan member Nl. Saizâmpuii sailo chu natna avângin CMC Hospital Vellore-ah enkawl mêk a ni a, i tawngtapui ang u. *Kan member zosiamliana putêa, Laltansânga chu Malaria leh Jaundice natna avângin Lawngtlai Christian Hospital-ah a awm a, tawngtainaah i hre reng ang u.

*Kan member thahnem tak chuan naktuk atang khian exam an bei dâwn a, tha taka exam an zawh theih nân i tawngtaipui bawk ang u. * BMCF zaipâwl chu tukin zîng dâr 9 khân Wesley Church Annual Thanks Giving Sevice-ah an zai a, Nilaithawhtan lo awm tûrah khian Karnataka Shubhasamachara Mandali, Silver Jubili and Thanks Giving Service-ah hun hmang tûra sâwmna an dawng leh bawk. BMCF Inkhâwm Programme

12 October, 2008 Hruaitû: Dr. Lalrinawmi Râltê Tantû: Rosângliana Chhangtê Thawhlâwm hlântû: Pi H. Khûmi Special No. Gilbert Lalrohlûa Thusawitû: Rev. A. Laldinpuia

Pathianni chhuak chanchinbû Date: 5th Oct. 2008 Vângpui Kût 2008

Bangalore mizo Kût ropui Vângpui Kût chu Tagore Hall, UTCah 2 October khân hman a ni a. Zîng lam dâr 10-a hun tanin pâwn lam inelna chi hrang hrang neih a ni a, Joshua-te leh pu Josiah-te ang, taksa lama mi hausâte inhrosakna lam deuh a nî tî ila a sual tampui lo vang chu. Puar leh fân takin chawchhûn kan kîl ho a, mak deuh mai chu hetiang chaw eikhâwmnaah rêng rêng hian chaw heh leh heh lo inthîkna hi zu awm miah lo va! Tichuan chawhnu lamah hlimawm takin hunpui kan hmang a. Hê hunpuiah hian kan President Rev. PC Lalduhawma chu chairman a ni a, Kût Pâ Pu B. Kâpthuama’n dârkhuang a vuak rûm vung vung hnûah felfai takin kût nihphung a sawi a, ngaithlâte hlâwkna a ni mawlh ang. Pi Lalpianmawi’n hunserh a hmang a, chumi hnû chuan nula thâri’n zei leh hnehsawh takin hun a kaihruai chho ta mawlh mawlh mai a, amah nulâ bawk, a tawngkam felfai bawk, khatiang bâk bâka hruaitu thâ. Debate, malzai, leh lêngkhâwm Zai-a kan intihsiakna chu a hlimawm lama thlîrin kan hlimpui a, a hlâwk lama chhûtin kan hlâwkpui bawk. Tawngthei satliah mai ni lo, mi hnial lama pasalthâ tak takte’n remhre taka thû an han inchuh vêl hmuhnawm zia te, zoram ngai ber nih tum âwm fahrana inawchhuah mawi siak fan nat zia te, upa lam tih mî deuhva kan lo ngaih thin lêngkhâwm zai leh thalai âw lo inchhawih sî zia han hriatchhuahte khâ man nei lo man tam an lo ni. Pangkham leh kemû ilo chhêm kiang tûrin Mimi Rênthlei âw a rawn zâm chiai chiai a, hê âw hian tum hnih ngawt min tuam avângin kan paw chiai a ni ber e. Ambedkar lam lemchan khân hmuihmai a siam danglam a, biang a pawt sawi nasa hlê bawk. Engineer zirlai tih takah a foundation an rawn din tha hlê a, ngheh pawh a nghet rei ang. A intihmuipuipû deuh ber B-a sâwn mi rêl ai chuan ropui rêl a thiam zâwk e an ti a, lehpekah hmathar lo la leh ngei sê tih chu mipui thutlûkna a ni mai thei. Lâwmman chi hrang hrang sem zawh a nih hnûah Sport Secretary Tv. R. Lalremruata’n lâwmthû a sawi a, tichuan Kût Pâ Pu B. Kâpthuama’n tawngtainain Vângpui Kût 2008 chu a khâr tâ a ni. nd

Thubelh: Kût zawhah khân chai a awm a, Pu PC-a, Pi nûtei, Pu Josiah, hmachhuana, thârie, etc, etc-te’n Thanglunghnêmi Zai zâwmin laichhuat an chhir phut dup mai tak kha mâw!

Vol. XIII Issue No. 39

Bangalore Mizo Association Pathianni chhuak chanchinbû

Date: 5th Oct. 2008

Ngaihthlâk leh chhiara hriat tûr pawimawh Editor Obeda Lalhuliana Joint Editor Pu Levis K. Lalsiamliana Cir. Managers Blessy Sailo Thârie Hnamtê E-mail: [email protected] Website: www.bangaloremizo.info

Thlakhat lâk man: Thlathum lâk man: Thlaruk lâk man: Kumkhat lâk man:

Rs. 20/Rs. 50/Rs. 90/Rs. 180/-

Editor Bathlâr Mizovin “upatna hi chuan tîtî a keng ve hrim hrim e” an lo tih kha enkawltu hmasa lam khân an nemnghet fiah hlein ka hria. U hmachhuanate’n duhtâwka an lo enkawl tawh han chhunzawm leh chu Isua thih hnû lawka a zirtîrte rilrû kha ka(n) inchan ber âwm e. BMA ÂW nêna thla thum ngawt kan han in pûtû leh tûr hi ka lo lungngai sâ pang a, ka kawngkam vangvat kai vê mai mai zia hi hrereng mah ila hruaitûte’n an tih miau chuan saphûngah pawh kan kui mai tûr ka ti ve deuh tlat bawk nên, thlaphâng chung chungin damlai roluah dâwng awm suh ka ti a, ka ramchang pawm ta ngawt mai a ni. Khua a vawt chho deuh deuh ang a, Bethlehem pâr-te a parh leh ngai chuan lunglêng leh lunglêng inhnêm tawnin, tai tâta tang mawlhin rusum kan thlâk zâ leh dâwn nia.

Ziah, sawi leh ngaihthlâk pawh ni sê kan tawngkamah hian tehkhinna thû emaw tawngkam tuaivir emaw hi a tam hlê a, kan hriatthiam loh chuan communication tha leh dik kan pumpelh nasa dâwn a, Tirhkoh Paula’n “Bâng lovin tawngtai rawh u” a tih angte kha hriatthiam loh chuan kalsualna tham a ni thei hial a ni. Tlêm azâwng i han sawi dâwn teh ang. Metaphor: Fing tak leh awmze nei taka thil pakhat, a hmanna pângngai ni lova thildang sawifiah nâna kan hman, inhmeh leh dik sî hi a ni. Eve Merriam-i chuan zîngkâr chu “engmah la ziah lohna lehkhapuan” tiin metaphor nalh tak a siam a ni. Bible-ah hian a tam hlê mai a, Metaphor lâr tak pakhat chu Isuan “kei berâm vêngtu thâ ka ni.” (john 10:11) a tih kha a ni. Simile: He tehkhinna thû hi mizo tawngah a lâr hlê, a bîk takin hla thû-ah. “Tui ang dam”, “puan ang chul”, “hai ang tar”, etc. tihte hi a ni. “My love is like a red, red rose” tih kha simile sawi hlawh tak pakhat a ni. Metonymy: Aiawh sawinâna kan hman a ni. “Milian an ni” kan tih chuan taksâa an len lam kan sawina ni lovin mi hausa an nih thû kan sawina zâwk a ni. Oxymoron: Thil intu lo lutuk pahnih sawi kawpna tawngkam a ni. Thil sawifiah nân a tha hlê. “Romeo and Juliet”-ah khân hetiang tawngkam hi a tam hlê. Biblea “Ropui râptlâka inthuamin” tih ang chî hi a ni. Parable: Thudang daih (thawnthû a ni tlângpui) hmanga thuchah dang entîr tum hi Parable chu a ni. Isua khân Parable hi a hmang nasa êm êm a, chûng zînga lâr deuh ber chu “Samari mitha tehkhin thû” kha a ni. Fable :Fable hi parable nên a inhnaih hlê a, nimahsela fable-ah chuan ramsa hman a ni bîk. Aesopa thawnthû leh Animal Farm kha Fable lâr ber an ni. Fable leh Parable hi Apologue vê vê an ni. Allegory: Kan va sawi tum sawi lang sî lova, thil dang daih hmanga sawi hi a ni. “kristian vânram kawng zawh” bû chhiar tawhte chuan a changtupa khualzinna khâ khawvêl suala kristian hringnun a nih dân te, a hnunga phurrit a phurh chu sual a nih zia te, kawhhmuhtu phêk a ken chu bible a sawina a nih ziate in hria ang. Dante-a Divine Comedy, Spencer-a Faerie Queene leh naupang thawnthû nia kan hriat Gulliver’s Travels-te kha Allegory lâr tak an ni. Personification: Mihring ni sî lo, mihring ang maia sawina a ni. Hlaphuah mîte chuan thilsiam dang pawh hi mihring ang maia nunna nei vê ang maiin an be mawlh mawlh thîn. Cowley-a hlâ-a “The moon and stars drink up the sun” tih hi entîrna pakhat a ni. C. Durthanga hlâ-ah chuan, “Huiva lênthiam ka tîr ang che, va kal tâ la ka dî lênna famkhawpui rûnah, a ngaia ka tahkhua tiseitû hrilhin va hlân ang che” tiin vahui chu mihring ang maiin a ngai tih kan hmû. Bible-ah pawh Personification hi hmun tam takah hmuh tûr a awm a, chûng zînga pakhat chu “Vârparh arsîte an zaikhâwm a” tih hi a ni. Irony: Tiel taka a ni lo zâwnga sawi hlauh hi a ni. Hmêlchhe tak hi “angel ang mai i ni” han ti lâ, chu chu Irony a ni. Hyperbole : Uar taka tawngkam hman hi a ni. Mi rilru chawh tho nâna hman a ni ber. Hla thûa “Ka nunna hi Lalpa châkin a tuihâl a” tih thû hi Hyperbole a ni. Symbolism: Thil aiawh sawinâna kan hman, hmehbel theih tûr khawpa inrem hi a ni. William Blake-an “O Rose, thou art sick!” a tih khân Rose pangpâr a be lo va, hmangaihna zâwk a bia a ni. Simile, metaphor leh symbolism hi ngaihfin theih an nih avângin ti hian i han sawi dâwn teh ang. “Ka hmangaihna chu pangpâr ang a ni” kan tih chuan simile a ni. “Ka hmangaihna chu pangpâr a ni” kan tih chuan metaphor a ni. “Ka pangpâr” kan tih erawh chuan (kan hmangaihte sawinân kan hmang ta a) symbolism a ni.

Vol. XIII Issue No. 39

Bangalore Mizo Association

Vângpui Kût-a inelna hrang hrang result

Pathianni chhuak chanchinbû

Date: 5th Oct. 2008

Mizo incheia inchei tam ber House Pakhatna: Chawngbawla House Pahnihna: Taitesena House Inbânelh Pakhatna: Alan Lalhriatpuia (Khuangchêra House) Pathumna: Vanapa House Pahnihna: Pu Josiah L. Râltê (Vânapa House) House inchhiar Pathumna: Michael Lalrinawma (Taitesena House) Pakhatna: Taitesena House Pahnihna: Chawngbawla Insuknawr Pakhatna: K. Lalêngzuala (Taitesena House) Pathumna: Pahnihna: Pu Josiah L. Râltê (Vânapa House) Pathumna:Joshua LR Dinmawia (Chawngbawla House) Naupang Infiamna Inârpasual Senior Spoon Race Pakhatna: Terence Lalthlamuana (Khuangchêra House ) Pakhatna: Junia Vânlalthanzâmi (Chawngbawla House) Pahnihna: Samuel Lalrozâma (Chawngbawla House) Pahnihna: Ivanna Lalsângzuali (Taitesena House) Pathumna: Pu Rinchâmliana (Khuangchêra House) Pathumna: Joidamah Lalromawii (Taitesena House) Inkawibah Junior Spoon Race Pakhatna: Pi Lalrinpuii (Chawngbawla House) Pakhatna: Kaylee Vânlalhruaii (Taitesena House) Pahnihna: Dr. Lalrinawmi Râltê (Taitesena House) Pahnihna: Lalremsângi (Vânapa House) Pathumna: Lalhunthari (Khuangchêra House) Pathumna: David Lalrinhlûa (Chawngbawla House) Lungden 50 m Race Pakhatna: Lalfakzuala (Chawngbawla House) Pakhatna: Junia Vânlalthanzâmi (Chawngbawla House) Pahnihna: Joshua LR Dinmawia (Chawngbawla) Pahnihna: Ivanna Lalsângzuali (Taitesena House) Pathumna: Pu Josiah L. Râltê (Vânapa House) Pathumna: Joidamah Lalromawii (Taitesena House) Essay inziahsiak 20 m Race Pakhatna: B. Kâpthuama (Chawngbawla House) Pakhatna: Paul Kailalsânga (Vânapa House) Pahnihna: Samuel Lalrozâma (Chawngbawla House) Pahnihna: Crystal Lalruatdiki (Vânapa House) Pathumna: H. Lalnufela (Khuangchêra House) Pathumna: David (Chawngbawla House) Hla inphuahsiak Senior Musical Chair Pakhatna: Aris Vânneihtluanga (Vânapa House) Pakhatna: Malsâwmdawngliani (Taitesena House) Pahnihna: Lalmuansângi Hnamtê (Chawngbawla House) Pahnihna: Ivana Lalsângzuali (Taitesena House) Pathumna: Thârie Hnamtê (Taitesena House) Pathumna: Lalremkimi (Chawngbawla House) Debate Junior Musical Chair Pakhatna: Lalhmachhuana (Taitesena House) Pakhatna: Jeffrey Ramthanmawia (Taitesena House) Pahnihna: H. Lalnunfela (Khuangchêra House) Pahnihna: Crystal Lalruatdiki (Vânapa House) Pathumna: Samuel Lalbuatsaiha (Khuangchêra) Pathumna: Betsy K. Lalruatfeli (Vânapa House) Hmeichhe inzaisiak Pakhatna: BC Lalremmawii (Taitesena House) Lâwmthû Pahnihna: J. Lalthanmawii (Khuangchêra House) Vângpui Kût intihsiaknaa tel zawng zawng te, kan Pathumna: Lalduhawmi (Chawngbawla House) intihsiakna min endik saktû te, kan sâwmna Mipa inzaisiak ngaipawimawha Chêraw rawn kântû te, lemchan Pakhatna: Francis Lallâwmawma (Taitesena House) hmuhnawm tak min thlîr tîrtû te, zaia min awitû te, Pahnihna: Terence Lalthlamuana (Khuangchêra House) Sound Incharge, Hall decoration, Ushers, banner leh Pathumna: Gilbert Lalrohlua (Vânapa House) refreshment lama tlâwmngaih chhuahtûte leh kan Lêngkhâwm zai chaw buatsaih min rawn kîl puia mahni hun hlu tak Pakhatna: Taitesena House sênga kan hun min rawn hmanpuitûte zawng zawng Pahnihna: Vânapa House chungah leh sum thahnem taka min sponsor-tû Pi Pathumna: Khuangchêra House Sâwmpuiite chungah lâwmthû kan sawi e.

Vol. XIII Issue No. 39

Bangalore Mizo Association

Pathianni chhuak chanchinbû Date: 5th Oct. 2008

* Sister Alphonso of Kottayam, Kerela, kum 62 kal tâa kum 36 mi ni-a boral chu October ni 12 lo awm tûrah khian Vatican-in Mithianghlim (Saint) nihna a pe dâwn. Hê nû hi India-a Catholic kohran hmeichhe zîngah Mithianghlim hmasa ber tûr a ni. Gonsalo Garcia, 1597 kuma Nagasaki-a an khenbeh tâk, 1862 kuma Mithianghlim nihna an pêk chu India mî Mithianghlima puan hmasa ber leh la awmchhun a ni. India-in Mithianghlim ni mai tûr a la neihte chu Fr Kuriakose Elias Chavara, Sr Teresa Chiramel, Fr Joseph Vaz, Fr Angel, leh Anastasius Hartmann-te an ni. Hêng bâkah hian Ram dang mî, India ram nên nghet taka inkungkaih sî, India pawhin mahni mî leh sâ ang maia kan chhuan Mithianghlim kan neihte chu Isua Zirtir Thomas leh Bartholomew, St Francis Xavier leh John de Britto-te an ni. Mother Teresa pawh Mithianghlim nihna nei thuai tûra beisei a ni bawk. Catholic kohhran hian khawvêl pum huapin Mithianghlim nihna hi mi sîngkhat chuang hnênah a lo pe tawh a, hêng zîngah hian Mithianghlim nihna an hlihsak leh pawh an awm.

leh India ram state thenkhata Kristiante tihduhdah an nih duh loh lantîrna Remna Kawngzawh chu Zoram pumah hman

* Mizo Journalist lâr leh Politician lâr Ellis Saidênga chu ni 29 tlai dâr 5:30 khân kum 68 mî nîin Aizâwl Civil Hospital-ah Cancer natna avângin a boral.

*CM Pu Zorama hmui bo in zawn pawh kha keimah hian ka kawl. – u hmachhuana bawk. * Junior-te hi eng engah emaw hian kaihruai peih ila min ngaina thuai mai. – B-a aka ambk. seniormost * Lâm hi hrisêlna a ni. – Pu PC-a aka The President * Vângpui Kût hi ni reng sê, chhûngkima kan tel ve theihna awmchhun a nia. – Joshua (Chhûngkaw pâ ber) *Ambedkar ho lemchan kha chuan ka mamawh ber min hriattîr chiang a lâwm. – Zualtea ( vâl single) * Zaithiam ti lovin inkhêl vê thîn kha min ti zêl a. - Francis (zaithiam bawk inkhelh thiam bawk) * HT Mâdawnga min ti tawh zâwk dâwn nia. - Mâdawnga

* CYMA leh Zonet Cable tangkawpin YMA zaipâwl Intihsiakna an buatsaih chu thla hmasâ ni 27 khân a zo. Hê intihsiaknaah hian Ramhlun South YMA zaipâwl chu pakhatna nîin Bûngkâwn Nursery YMA zaipâwl chu pahnihna an nî a, Dâwrpui vêngthar YMA zaipâwl chu pathumna an ni. Best Conductor-ah Zothangzuala, Chanmari West chu thlan a ni.

a ni.

* September ni 30, Thawhlehni khân MPSC chuan Law & Judicial Department hnuaia Civil Judge (Mizoram Judicial Service) post 12 luah khat tûr lâkna a kalpui chu September 30 khân interview neia zawh fel a ni. Civil Judge atâna tling mi 12 zîngah Julie Lalrinzâmi d/o Dr K. Rokhâwla, Durtlâng North chu pakhatna a ni. Pâwtnadâwt Tâwtawrâwt * Puak thei thil an khap lai hian puak theih thil thar ka nei. A hming pawh Joana L. Khawlhring. – Pu Dika * Keyboardist turû lutuk ni tûrin ka in puahchah mêk e. – Pâtea * Tlahrâng hi mimala hmuh ka inpeih tawh e. – Ghost Hunter Sammy (bon awm vei ) * Mizo incheia inchei nalh ber in thlang leh dâwn emaw tih nâk alaiin… inchei thlâwn ber ka lo ni. -- Nu Rini (nalh ber tho a lâwm le) * Chai zet kha chu ka thiam ve zâwng a lâwm. -U hmachhuana(a pheikhawkin a tuar hlê, a siam tîr vêl)

BMA fawng vauntu lawk (Office Bearers 2008-2009) President : Rev. PC Lalduhawma General Secretary : Mâdawnga Hauhnâr Treasurer : Rebecca Lalmalsâwmi Secretary i/c Sports : R. Lalremruata Secretary i/c Academic & Human Resources

Vice President Asst. General Secretary Asst. Treasurer Secretary i/c Culturer : Lalrothara Tlau

: Pu Josiah L. Râltê : Lalêngzuala : Blessy Sailo : Terence Lalthlamuana