Bma Aw: 23rd August 2009

BMA AW An Official Organ of The Bangalore Mizo Association

Registered Under Societies Act of Karnataka No.BLU-S188-2007-08 Date 7 May 2007

Vol. XV Issue No. 21

s

Bangalore Mizo Association Pathianni Tin Chhuak Chanchinbu

KEIMAHNI:  Membership-form chungchâng: August ni 30 thlenga form thehlut member te chu Directoryah an hming a lang anga, hemi hnu lama thehlûtte chu Directory-ah an hming a lang dâwn lo a ni. membership Chuvangin, form i thehlut vat vat ang u.  Vangpui Kût ’09 chu Goodwill Girls High th School-ah 19 September 2009 hian hman tur a ni a. Zing dar 11:00-ah programme tan a ni anga, chhun dar 1:30 ah lunch tui tak ei a ni ang. Hemi ni hian BMA Section hrang hrangte - Debate, Solo, Lengkhawm zai leh Chheihlamah te an inel dâwn a ni. Member te a tam thei ang ber kal tur. Mahni awmna section te pawh ngaihven rân theuh tur a ni.  Scholarship form sem chhuah mêk zel a ni a. Zirlaiten lei theuh ila, a thehluh hun dik takah theh lût hman turin form te fill up tur a ni.  Silver Jubilee kan lawm mêk reng a, he Jubilee tân hian sum leh pai a donate theih a ni. 2nd October ah ropui takin a kharna neih a ni ang. Hemi zân vêk hian Variety Programme (Ârkaiden zân) ropui taka hman tur a nih bawk kha hre reng ila.

Date: Aug 23, 2009

SAMÂRI NUTHLAWI HMÊLTHA – Lalramthlîrliana Chinzah (Valtea) Hmun te kan chang ve ngai a nih a, thu ka sawi ve dâwn a nih chuan ka lâwm e. Mahse, dang âwk mi leh leilî tha lo, keini ang tâna buh chi han theh tum chu âium rim a nam zo ve ang em le aw?? Ngaihmelh hi sual a nih chuan ngaihmelh lo tu pawh an thiam bîk chuang em ni? Zâwngin a thian te ngum khâk a nuih ang vêl chauh a ni mai lo maw? Evi chhûl atanga piang mihring te chauh chhandam ngai kan nih avangin Krista nen lo chuan i nung loa; mihring chauh i ni e. Hawh u, Israel sih tlânin chutah chuan va inbualfai ang u. He’ng hi hria ila, kan mihring nihphung hi a Siamtu anpuiin a chhia leh a tha hriain sual lamah lo thangharh lo sê’ng chuan, mihring kan ni mai tur thil a pawi zo ta, Johana’n tapin nuai thli a nûl phah hial a; leilung pian laia talh tawh Beram no thisen avang chauhin tahlai bângin a chhîngmittui a hul thei hrâm a nih kha. Hmangaihna mak atak chu a ni!! Israela tuichhunchhuaha lo kal fo thin-i pawh kha chutiang bawka tlan ngai chu a ni. Nazaret tlangval hmêltha khân a tui chawina hmun ngei maiah chuan a lo thlen khalh a, Bible chuan, “A thu châwl a,” tiin a ziak. Nazaret tlangvâl hmeltha leh Samarai nuthlawi hmeltha kha an inngaizâwng tih rêng Bible chuan a ziak lonâin, Isua khân a hmangaih avangin tui in tur a a dil tih i dâwn ve ngai em le?? A zirtir te khuaah eitur lama a thangbo hlân a ni leh nghâl vei nên; Isua khan a lo hmangaih hlê a ni thei ang a? Hmêltha-i chanchin kha a hre ê mai. A hmêlthatna a hman thiam loh luata mipa pangâ lâiin an bum tawh hnu, a pawm lai ngei pawh a pasal tak a nih loh thu thlenga a hrilhfiah mai theihna chhan kha nuthlawii tân chuan a hrilhhai lohna tur chhan a awm lo. Nazaret tlangvâl hmêlthatna êngah chuan a sual zêp rûk chu chiang taka tihlanin a lo awm ta!! Samâri mi te leh Judâte chu bialchiala intawn a rem lo tih a hretu ve ve nimahse, se se thu D’ an sâm lo thei lo; Isua’n a hmangihna avangin hmelthai hnênah in tur a dîl ta!!? A vâng leh a chhan tunge sawi thei awm vân hnuai khua vêlah hian?? Kei dangâwk hian ka han hrilh ang che u; Isua khân a hmangaih luat vâng mawle. Isua’n in tur a dil rualin a in sûm zo lo, a luangliam nghâl; tui nung, a hnâr pawh Kalvari atanga lo luang chhhuak tur chu pêk a tiam nghet bur… a insûm zo lo ka ti.. A hmangaih thlâwt a ni. Samâri nuthlawi hmêltha khân Gerazim tlâng leh Jerusalem chauh Pâ chibai bûkna hun tur emaw a ti a; Isua’n Pathian chibai bûk dân tur a lo hrilhfiah a. “Khawi hmun leh hunah pawh hrawk chin chunglam chauh ni loin, a lang thei chin piah deuh hretah, ram ri lui kânin thlarau maichâm i siam anga, thlarau leh tihtakzetin i damchhung nî te chu Amah biak nân hmang ang che,” tia a han hrilh chuan thlamuannain a lo khat ta. Ka unau, Jakoba tui chhuah bulah Isuan a nghâk reng a che. A lo tiam tawh angâ a hnêna nghâwngkawl bât i lo nih a, a hnêna zir i lo nih hun chuan a sawi apiang chu i thlarau tân chawlhna leh lâwmawn a lo ni tawh anga, “Tûnah ka châwl ta Kristaah” tiin i chhuahsan ngei ang Eden bu zâwl. (A ziaktu hi Bangalore a Pathian thu zir tura rawn awm thar a ni a, rimawi khawvela mikhaul lo tak mai, Pathian fakna hlâte pawh lo sa a, album siam tawh hial a ni. Article tha tak min rawn ziah sak avangin kan lâwm tak zet a ni. Nunna tui min pe tura nghâk reng tu kan neihzia thu min rawn hriat nawn tîr leh avangin a lâwmawm. A album te lei duh chuan a ngaihven theih reng e. Editor)

Vol. XV Issue No. 21

Bangalore Mizo Association Pathianni Tin Chhuak Chanchinbu

Editor: Samuel Lalrozâma Hmar - (Mb) 9886447684 Jt.Editors: Josiah L. Râlte - (Mb) 9845020992 Thaarie Hnamte - (Mb) 9886145877 Cir.Managers: C Lalnipuii, Laldinmâwia Hnamte & Lalhruaitluanga Contributors: Paul Chhanhima & Rev. James Chuaukailiana. Email: [email protected] www.bangaloremizo.info

EDITOR KAM CHHUAK Tun tum chu hmangaihnain kan chanchinphêk min hawn sak a, hmangaihna lamtluâng zawh turin kan thinlung te siam thar nawn leh ila. Tin, vawiin hi ‘International Day for the Remembrance of the Slave Trade and its Abolition (designated by UNESCO)’ a ni a, sala sumdâwnna tihtawp hun hriat reng nân hman a ni. Keini pawh hi sal tânna kan lo nei ve reng a ni thei e. Sual ho tê tê, chi hrang hrang bawihah kan awm a ni thei; vawiinni hi tâlchhhuah tum niah thlang ila, keimahnia mize thalo leh chîndân tha lo awm zawng zawng te chu hneh i tum nawn leh teh ang u khai. BMA LEAGUE 2009: “HVLT MAWIA & LALHLUNA SAILO MEMORIAL TROPHY,” report – Sports Secy. BMA League 2009 chu khelh chhoh zel a ni a. Matchday 3 hian match 3 khelh a ni a,Kristu Jayanti College Ground -ah khelh a ni. A hmaa khelh na hmun tura ruahman, ground, kha tui a tlin tam lutuk avangin Kristu Jayanti College- ah khelh a ni. Teams te chungah thupha kan chawi rualin vui loa tha taka inkhelh in inhuam leh avângin lâwmthu pawh kan sawi e. 1st match hi 1:30 ah tan a ni.Match Report te chu: 1. Kolodyne FC 3 - 0 FC Kan Veng MoM: Joseph Remlalruata,Kolodyne FC 2. Sinlung FC 1 – 0 Kristu Jayanti College MoM: Nelson, Sinlung FC 3.Grace Home FC 2 - 2 DR.AIT FC Mom:Hmingthantluanga, Grace Home FC Matchday 4 (5th Sept) fixture: A hmun chu Austin Town Ground (Nandan Ground), Austin Town a ni. Opening day a khelhna

Date: Aug 23, 2009

hmun tho kha a ni.1st match khel tur te hi 9:30am a kim turin hriattir in ni bawk e: 1. FC JOSEPHITES vs GENESIS FC (C) 2. KOLODYNE FC vs CHUKCHUZ (A) 3. DR.AIT vs FC SINLUNG (B) 4. GRACE HOME FC vs KJC (B) 5. PAPA’s FC vs UTC (C) 6. UVCE vs FC KAN VENG (A)

10:00 AM 11:15 AM 12:30 PM 01:45 PM 03:00 PM 04:15 PM

STANDINGS POOL ‘A’ Sl TEAM PD WON LOST DRAW No 1. KOLODYNE 2 2 0 0

GF GA GD PTS 5

0

+5 6

2. CHUKCHUZ 2

2

0

0

7

1

+6 6

3. U.V.C.E

2

0

2

0

1

4

-3 0

4. KAN VENG 2

0

2

0

0

8

-8 0

POOL ‘B’ Sl TEAM PD WON LOST DRAW GF GA GD PTS No 1. SINLUNG 2 2 0 0 3 1 +2 6 2.

2

0

1

1

3

4

-1

1

3.

GRACE HOME KJC

2

0

2

0

1

3

-2

0

4.

DR.AIT

2

1

0

1

4

3

+1 4

POOL ‘C’ Sl TEAM No 1. UTC

PD WON LOST DRAW

GF GA GD PTS

2

0

2

0

3

6

-3

2

2

0

0

7

3

+4 6

3. JOSEPHITES 2

1

1

0

2

2

0

3

4. PAPA’s

1

1

0

2

3

-1

3

2. GENESIS

2

BMA Gen. Secy. hnen atangin: Mizoram atanga zirna tur zawnga rawn chhuk te, kan lo lâwm che u a; zirna hmun leh zir tur ngaihtuah leh zawn chungchangah fimkhur takin ti ula. Heta lo awmsa leh chinchâng lo hre tawh zâwk te râwn hmasak hi a finthlak leh zual ang.

0

Vol. XV Issue No. 21

Bangalore Mizo Association Pathianni Tin Chhuak Chanchinbu

Special Report: ST. STEPHEN’S CHURCH-AH KAN VA KAL A – Jt. Editor (Mipa) Tahrik ni 20, Thitin thla, AD 2009 khan, Jalahalli a kohhran pakhat, an sawi St. Stephen’s Church-ah kan va kal ve a. Mahni phur phur a va inkhawm ve ngawt phei erawh kan ni lo. He biakin hi CSI hnuaia kohhran pakhat a ni ve mai a, an kohhran hi kum 37 a upa a ni. He an kum 37-na cham lawm nân ngei hian a ni, keini BMCF hmatheh 20 rual vêl chu kan va tel ve ni! Thla hmasa lam atang tawh khân an kohhran hruaitute’n kan BMCF hruaitute an kohhran piancham lawmpui tur leh rawngbawlna nei turin an lo sâwm daih tawh a. An mi sâwmna hi tihlawhtling ngei turin BMCF chuan hmâ a la ta a ni. Hmâ lo la turin Pi Lalrinpuii ngei mai leh Pu Josiah ruat an ni a, anni hian zaipâwl te ko khâwmin, team rinawm the thaw, mi inpe, zaithiam bawk si, hmeltha bawk si te chu reiloteah an siam ta mai a, rawngbawlna ropui tak an va nei ta a ni. Min sawmna hi, an revival meeting neihpui tura sâwm kan ni a. Mimal ngaih dân te han sawi ta vel mai mai ila, ‘Thlarau Thianghlim’ chu an han mawmawh veleh chhâwng te hian ka’n hre mai mai a. Kut ben pawh an phal lo! Tin, Reverend hi an ngaisâng êm êm mai a, ngaisang tak an ni! Rev. Dr. Hrângkhûma te nupa in min uap hneh hlea, Pu a, Pu hle Khumahian hian Khûma ‘Youcan can ‘You becomebecome better’tih tih better’ thuchahthuchah hmangin hmangin sermonropui ropui sermon tak a tak a hlap hlap bawk.Tin,Tin, bawk. Reverend Reverend (ngat)dang dang (ngat) pahnihinmin min pahnihin rawn ho thei rawn ho thei a, kan BMCF Vice President ngei mai, amah Rev. C.

Date: Aug 23, 2009

BMCF Zaipâwl te St.Stephen’s Church-a an zai lai

Lalmuankima leh SAIACS pa chhuantawlawl, Rev. H. Lalthlamuana te’n min ti phuisui hle a ni. Hemi zân hian kawng kan bo hrep a, darkar khat dâwn laiin kan va tlai nghe nghe; hla an lo sa, an lo sa ringawt mai niawm tak a ni. Zaipawl te’n hla tha tak duhlian tawng leh tuipuirâl tawngin pahnih lai kan rem a. Kan zâipâwlte han zai thiam em em dân lah kha! An sound system kha, kan ta nêna khaikhin chuan an han khawngaihthlak ve leh chhawng khawp a, zaipâwl kan han zai tak tak mai kha chu, Hminga tingtang pawh a ri che che a ni. A tha thlan chhuah thiau tih tâkah, an minu pastor meuh pawh khân a rilruin a kut a lo bêng thak thak in ka hria. Mipa solo, zaithiam leh zei zet mai, Tv. Samuel Vârte in a’n sa leh ar ar mai phei kha chu ropui danglam tak a ni. Zai lama a tâwp tlip nân kan nula chhuanvâwr Nl. Debbie a’n che leh tak tak a! An rilru in standing ovation chu an pe ngeiin ka hria. Kan hla pakhat “Inpeih thuai rawh u” tih kan sak hmaa han sawi hawn nân leh hun hnawhkhahna ni pah fawm deuh reuhin Pu Josiah’n Isua lo kal leh hmaa inrin a pawimawhzia te, Isua hmangaih hi a pawimawhzia te, a der maia ringtu nih hlauhawm ziate a hrilh zek bawk a ni. Zaipawl member te an hming hmerha han sawi vek a, han fak hluak hluak a châkawm hle nachungin, hmun ren thu hlaah hun remchang zawkah kan khêk khal rih ang. Hemi nî a rawngbawlna nei tur hian inpuahchahna pawh a nasa hle a, hla hi vawithum ngawt kan zir a ni. A tawpna ber phei chu hotu nih tling zet mai, Pi Rinpuii te rûn chhûngah ngei, rawtuai chhum leh ar buhchiar, hâk thelhin kan va zir ta a nih kha! A lawmawm hle a ni! A hmun kal nân hian Mizoram lam lung min len ve reng rengah tiin Swaraj Mazda kher kan hire a. Tin, lawmthu sawina Rs. 3000 kan dawng bawk. Ni e, BMCF te rawngbawlin kan chhuak ve ta zeuh zeuh a, a kal a te hi chuan zawngchhang tlak kan ti hle thin mai a, remchang awm lehah chuan tun tum aia tam kal i tum tawh teh ang khai! Mite tana malsawmna nih i tum fan teh ang u! (BMCF te Pathianin Amah fak theihna hun tha tak min pe thin a, a lawmawm khawp mai; he’ng hun chhuanawm te hi benga hretu mai niloin mita hmutu ni ve ngei turin member te’n hma la thar leh ila, rawngbawlnaa vahchhuah nikhua te hian kan theihtawk chhuah ve theuh i tum zêl ang u. – Editor.)

Vol. XV Issue No. 21

Bangalore Mizo Association Pathianni Tin Chhuak Chanchinbu

Date: Aug 23, 2009

ZOFÂTE KHAWVÊL  Chief Minister Lalthanhâwla chuan rêl kawng hi Bairabi to Sairang chauh ni loin chhim lama Lawngtlai thleng a kal tir tum anih thu kâr kalta khan a sawi. Tin, Mizoram chu tuialhthei (Oil and natural gas) chungah a lâng mêk a. Rêl kawng hi he’ng leilung hausakna hai chhuah leh phurh kual nân hian a pawimawh dawn tih a sawi bawk. Tunah hian company 8, foreign firms 2 telin, oil zawn hna hi an thawk mek a ni.  Tv Frankie Lalrinnunga, kum 25 chu 21st Aug, zing dâr 8 khan Pune-ah Swine Flu (H1N1) vângin a boral. A ruang hi electric-a hâl a nih hnuah Pune Seventh day thlanmualah vui liam a ni. Tv. Frankie hi a unaute nên Pune-a awm an ni.  Cybercrime Investigation Cell pawh Mizoramah din tumin hma lâk mêk a ni a, tunah hian central sorkarah cyber-lab dinna turin dilna thlen mêk a ni bawk. Hei hi Home Minister, R.Lalzirliana sawi dan a ni (Aug 21st khan).  Aizawl SP hnuaia DSB chuan Aug 19th khan pawisa lem, cheng 1000 note, 92 an man a, a neitu Zonunsanga (Zotea) (30) c/o K.Thangzuala, electric veng chu man nghal a ni.  Prof. C.Nunthara chu William Carey University, Shillong-ah Vice Chancellor atan ruat thar a ni. Mizo zingah chuan a hmasa ber.

 Bangalore Mizo Association Silver Jubilee lawm nân Zofâte khawvel hmuntina awm te huap in Essay (maximum 1500 words- Zofate hmasâwnna zinga langsar zualte), inziahsiakna leh Hla inphuahsiakna (chang 3 leh thunawn a ni thei - Zofate hmasawnna lam hawi” chi reng reng) buatsaih a ni a. Lâwmman: Essay leh Hlaphuah atân Cash prize : 1st prize Rs. 2000/-, 2nd Prize Rs. 1500/-, 3rd prize Rs. 1000/-. Thehluh hun leh hmun: last date-31st Aug, 2009. Pi. Lalrinpuii, H.no.90, 17th B-Main Road, 5th Block, Koramangala,Bangalore-560095. ( [email protected] ) ------------------------------------------------------------------CULTURAL ITEMS – Editor/Cultural Secy. Tûn tumah chuan tehfung lam te han thlir ila: Hriat Zâuna: 1935 – Mizo Zirlai Pâwl din kum 1939 – Cottage Insustry hmasa ber din kum Mizo ran leh ramsa teh dân thenkhat te: Ke pali nei chu Sûm-in an the thin, bâkahBâwng leh Sazuk – Kutzungpui tih char telin an teh. A nghâwngah an teh bawk thin. Siâl – A ki len zawng atangin. Thi tawh chu a vun hlâi zawng atangin. Vawk leh Sanghal – A zakah, sûm dân pângngaiin, an teh thin. Pic. of the week

TUALCHHÛNG  August ni 17 khan pu Vânhela Pachuau in kan Patron, Pu R.L.Rinawma ziah “Thalai te hmasawn nan career leh zirna, Vol.2” tih a release. Thalai te tâna tangkai tak a ni. A ngaihven chi ang.  “Upa Chalhnûna, Mizo nun leh kohhran” tih, lehkhabu ngaihnawm tak mai, ram leh hnam tana rotling tur, kan senior advisor Dr.Lalrinawmi Râlte ziah chu peih fe a ni ta. Chhiar a manhla dâwn hle a; duh apiangin ngaihven theih reng a ni e,  Kan member, Vanlalpeka, AIMS, Mandya a MBBS zirlai pawhin 2nd year that akin a pass a, kan lawmpui hle.

BMA football team bon ber Tûn thla chângvawn:

I Thessolonika 5:16 “Lâwm fo ula.”

BMCF INKHAWM PROGRAMME DATE: 30.08.2009 Hruaitu : Rev.H.Lalthlamuana Tantu : Tv.Benjamin Vanlalruata. Thawhlawm hlântu : Pi H.S.Malsawmi. Thusawitu : Rev.J.Lalduhawma. Special Number : Mt.Carmel