Bma Aw: 9th August 2009

BMA AW An Official Organ of The Bangalore Mizo Association

Registered Under Societies Act of Karnataka No.BLU-S188-2007-08 Date 7 May 2007

Vol. XV Issue No. 19

Bangalore Mizo Association Pathianni Tin Chhuak Chanchinbu

KEIMAHNI:

 Vangpui Kût 2009 hmandan tur pawh inbuatsaih chhoh mêk zel a ni a. A hun chu 19th September a ni dâwn ani tih kha hre reng ila tel theuh I tum ang u. Chutah chuan chhuah tawh ang khan, Solo (Mipa - ‘Zonunmawi’ tih hla Zirsangzela Hnamte phuah leh a sak & Minu ‘Zoram lungphang suh aw’ tih hla, Rualthankhûma Chhakchhuak phuah, Dâduhi sak), Debate (‘Zofate Hmasawn dân hi a tha tawk a ni’), Lêngkhawm zai leh Chheihlâma inelna te buatsaih a ni ang. Tin, BMA Section 4 – Lalsangzuali Sailo Section, Rokûnga Section, Vânkhama Section leh PS Chawngthu Section te kan in el dawn ani.  Article, hla, poem, essay etc., Souvenir a chhuah tur, thehlut duh chuan kan Senior advisor, Dr.Lalrinawmi (riniralte@gmail. com) hnenah Aug ni 15 thleng a thehluh theih e.  Pen (Rs.10/-), Jubilee mug (Rs.150/-), lucky ticket (Rs.20/-) Oct ni hniha vâwr tur leh Directory (Rs.50/- ) lei tur a la awm reng e. Hêng te hi kan treasurer Blessy Sailo (9844467685) hnenah a ngaihven theih e. Inkhawm banah dah chhuah thin a ni bawk ang.  Nimin khan BMCF excommittee member te leh kan lawina Wesley English Church te chuan Joint meeting pawimawh tak an nei a, hetah hian kan Biak In maintenance chungchang te an sawiho a ni.  Pu Âthang leh Pi Toni te fapa Theodus (Nemo–a) chu damlohna in a tlakbuak a, tawngtaipui ang u.

Date: Aug 09, 2009

YMA V/s Kohhran - Lalhruaitluanga (Vâla) A chunga kan thupui hmuh avâng khian YMA leh Kohhran kan indo tir dawn tihna a ni lo tih lo hre hmasa phawt ila a \ha awm e. A huho rawngbawlna lian tak ve ve ni si, kalphung inang chiahlo an ni mai a. Mi tamtak, YMA leh Kohhran thliarhran tum an awm \hin a, hei hi a \halo hle ani. YMA chu kan hriat \heuh angin, tlawmngai pawl lian ber tia hriatlar a ni a, a dintu te pawh Kristianna rawn paw lûttu kan Zosap Missionary te tho kha an ni a, an din \an tirhtê a\angin Kristianna nena inmil takin, rin dan leh tihdan hrang neih avanga Kohhran anga rawngbawlho theilo te’n tlawmngaihna nena midangte an \anpui theihna tura pâwl din a ni a, a thupui (Motto) atâna an thlanchhuahte pawh thil \ha tak tak vek a ni tih chu hrilh nawn kher ngai lova hresa vek turah ka ruat che u. Tichuan, Kohhran pawh chu Kristian tena kan biak ber ‘Pathian’ tana thawktu, amaherawhchu, tihdan hrang hrang nei leh kalphung hrang hrang nei, tum thuhmun vek si kan ni leh mai a. A bik takin he Kohhran huangchhûngah hi chuan Thlarau bo chhanchhuah hna thawh hi kan \ulpui ber ani. Hetiang hi thil awmzia a lo nih tâkah chuan YMA leh Kohhran hi thliarhran theih anih lohna chhan chu : Motto 1: ‘Hunâwl Hman\hat’ tih chu K|P innghahna “Thil \ha ti atan a siama awmin, chu thil \ha tih chu kan awmna turin a lo buatsaih lawk a ni – Ephesi 2:10” tih nên hian a inmil em em a. Motto 2: ‘|anpui ngaite \anpui’ tih pawh hi SAY te innghahna “Thi tura hruaite chu chhanchhuak thuai la, thah mai turte chu chhanchhuak rawh – Thufingte ” tih nên hian a inmil hle bawk a. Motto 3: ‘Mizo nundan \ha ngaihsan’ tih hian a khaikhawm leh vek a, kan pi leh pute hun a\anga vawiin thleng hian kan Mizo Society- a thil \halo te bansanin, a \ha laite chhawm nun zel hi YMA tihtur niin a lang. Khitiang zel khian heng YMA Motto hrang hrangte nena inmil tur zawng hian Kohhran hrang hrang \halaite hian innghahna Bible chang kan lo nei vek mai hi a lo ni a. Khingte khi ka hriatchian zualte an nih avangin ka han tarlang mai a ni e. Chuvangin, YMA leh Kohhran hi engti kawng zawnga tih hran chi leh thliar hran chi a ni lova, thliar theih pawh a ni bawk loang. Mahse, Kohhran a lenglo zawng zawng hi YMA huangchhungah a leng bik chuanglo tih erawh kan hriat a pawimawh hle. A tâwp berah chuan, YMA Motto leh thupui te hi ngun taka ngaihtuah chuan Kristian \ha tak tan lo chuan YMA Member \ha tak nih a har tih hi kan hriat a ngai a ni. Chhiartute, enge in ngaih ve dân? (Article tha tak min rawn ziahsak tu, Vala ([email protected]) chungah kan lawm hle a, hetianga ngaihdan tha tak mai min rawn phawrh sak avang hian kan khawthlîr a \hat phah sawt pawh a beisiawm. Tunah hian ICFAI college, Mizoramah system administrator hna a chelh mêk a ni.)

Vol. XV Issue No. 19

Bangalore Mizo Association Pathianni Tin Chhuak Chanchinbu

Editor: Samuel Lalrozâma Hmar - (Mb) 9886447684 Jt.Editors: Josiah L. Râlte - (Mb) 9845020992 Thaarie Hnamte - (Mb) 9886145877 Cir.Managers: C Lalnipuii, Laldinmâwia Hnamte & Lalhruaitluanga Contributors: Paul Chhanhima & Rev. James Chuaukailiana. Email: [email protected] www.bangaloremizo.info

EDITOR KAM CHHUAK Member te zingah result tha tak tak leh hna hmu thar chhuanawm tak tak thawm kan hre leh ta a, a va han lâwmawm tak em. Mizo te hming a tha leh ta sawt mai. He’ng zir chhuak te hi duhsakna kan hlan duh a, an tha leh zung te pawh hi sum hailuhna mai atang hmang loin, Zoram hmasawn nana an hman ngei theih kan beisei a kan ngen a ni. Lo zir thartur te pawh duhsakna kan hlan che u a, kal hmasa te aia Mizo hming in rawn tih that zual ngei kan beisei. Pathianin min awmpui zel anga, Bangalore khawpui ah hian Mizo te hming hi titha zelin tisa leh thlarauah thang zel turin infuih tawn fo ang u. BMA Thuchhuah Bangalore Mizo Association Silver Jubilee lawm nân Zofâte khawvel hmuntina awm te huap in Essay (maximum 1500 wordsZofate hmasâwnna zinga langsar zualte), inziahsiakna leh Hla inphuahsiakna (chang 3 leh thunawn a ni thei Zofate hmasawnna lam hawi” chi reng reng) buatsaih a ni a. Lâwmman:Essay leh Hlaphuah atân Cash prize : 1st prize Rs. 2000/-, 2nd Prize Rs. 1500/-, 3rd prize Rs. 1000/-. Thehluh hun leh hmun: Last date-31st Aug, 2009. Pi. Lalrinpuii, H.no.90, 17th B-Main Road,5th Block, Koramangala,Bangalore560095. ( [email protected] ) TUALCHHÛNG: BMA football tournament 2009 HVLT Mawia & Lalhluna Sailo Memorial Trophy prize te:

Date: Aug 09, 2009

1st Prize: HVLT Mawia Trophy and Rs. 3000 2nd Prize: Lalhnuna Sailo Trophy and Rs. 1500 3rd Prize: Rs. 800 (Sponsored by Pu Jima, Bangalore) Fairplay: Rs. 600 (Sponsored by Pu L. Murray) Individual Prizes (Sponsored by Blessy te unau): Best Player: Rs 300,Best Goal Keeper: Rs 300, Top Scorer: Rs 300 

Ni 14th August (fri) zing dar 10.00 AM ah BMA football tournament ( HVLT Mawia leh Lalhluna Sailo memorial trophy ) kum nga na chu ropui takin opening ceremony neih tur a ni a, football khelhna hmun tur hi NANDA PLAY GROUND AUSTIN TOWN-ah a ni, hemi ni match nga (5) khelh hman tura ruahman a ni. Chuvangin a hun taka tan a nih theih nan Club tin te hma taka kal theuh turin kan inbeisei bawk a ni, He tournament hi Dr.HT.Sangliana’n min hawnsak dâwn a ni. Bangalore Nu vs Blore Pa te exhibition match khelh a ni bawk ang. BMA League 2009 ah hian team 12 te an tel a, Pool 3 a then an ni. Pool winner leh Pool zawng zawnga Best Runner's Up in Semi-Final an lut ang.Austin Town Ground chu Austin Town Bus Stand atangin metre 50 vel a hnai a ni.Bus kal te chu 145A,145E leh 146 te ani.Match tinah Man of the Match award a awm dawn a,Rs 50/- a keng tel zel bawk ang. 

Kan Patron leh SJCC Chairman Pu.RL Rinawma chu Mizoram sorkar hnuaiah Secretary atan deputation in a kal dawn, ni 12.08.09 ( wed ) hian a hnathar zawm turin a nupui Pi.Lalnunmawii nen min pemsan dawn ta a, BMA te chuan contribution tam tak a siam tawh naah a chungah lawmthu kan sawi tak meuh meuh a, a hnathar zawm tur hi pawimawh tak a ni a, kan lawmpui takzet a ni, amaherawh chu a tel lova BMA kal tur chu kan khingbai hle dawnin kan hria a kan ui tak tak meuh meuh a ni. A thawh zel na tur atan kan duhsakna sang ber kan hlan a ni.



BMCF zaipawl te chuan pawn lama rawngbawl tura sawmna hrang an dawng a, a remchang ang zel a tihhlawhtlin tumin hla an zir tlauh tlauh a ni.

ÂRKAIDEN ZAN - BMA SILVER JUBILEE denchhena Jubilee Night Variety Programme hlimawm leh nuam tak neih tur pawh inpuahchahna a kal chho mek zel a, eng ang takin nge Jubilee Night Committee te hian programme an duan tih chu tunlai Bangalore Mizo mipui te thil hriat chak ber pakhat ani a, thu lêng vel kan hriat dan chuan hemi zana programme tur hi 21st Century chhunga BMA Programme hlimawm ber leh nuam ber tura beisei leh rin ani. October 2 2009 ( Pu Gandhi-a piancham) lo thleng tur hi nghakhlel takin i thlîr phawt mai teh ang u. Free Entry a ni anga, Programme zawng zawng hi misual.com kal tlangin internet-ah LIVE Video in khawvel ram tina awm ten an en thei dawn a, thla eng tak hnuaia’n hun hlimawm tak neih kan beisei. Programme zawng zawng hlawlhtlin na erawh chunglam kutah a awm tih hria in tawngtaina ah mitin ten i theihnghilh lo ang u.

Vol. XV Issue No. 19

Bangalore Mizo Association Pathianni Tin Chhuak Chanchinbu

ZOFÂTE KHAWVÊL  Anthurium Festival ni 1-na chu nimin khân Tourism Minister S. Hiato chuan Tourist Resort, Reiêk-ah a hawng. Indial Idol 2009 Sourabhee Debharma pawh he hunah hian telin mipui hmaah a hla lârte a sa a ni. Mizoram Chief Minister Lalthanhâwla chu khuallian a ni. Kumin Anthurium Festival hi a tum 4-na a ni a, a hawn inkhawmah hian Parliamentary Secretary H. Zothangliana leh bialtu MLA Lalrobiaka pawh an tel. (Courtesy The Zozam Times)

 Sawrkar laipuia Health & Family Welfare Ministry tirhin ICRA Management Consulting Services Ltd., Gurgaon chuan Aizawl Civil Hospital chu ISO-9000 Certification pêk tlâk a nih leh nih loh enfiahin, July 2009 atang khan an rawn zir chiang mêk. (Courtesy Vanglaini)  Shanghai-ah World Cup archery an khel mek a, heta India team-te hi Mizo thalkâpthiam C. Lalremsanga’n a hruai - Jayanta Talukdar, Rahul Banerjee leh Mangal Singh Champia-te an ni hlawm a; nimin lam khan hmeichhiain intihsiakna an tan ve thung a, hmeichhe team hi Rimil Buriuly, Dola Banerjee leh Pratima Boro-te an ni. (Courtesy Vanglaini) Jubilee

Thingphun :

1

sd

Aug 2009

I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

Date: Aug 09, 2009

‘TLANGVÂL VÂNDUAI-VÂNNEIA’ “Keichu!! Chhas nei thei dinhmunah pawh ka la ding lo, neih pawh duh viâu mah ila, kan dinhmunin a la phâk ve lo. Thawhchhuah pawh ka la nei si loa, ka chhungte thawhchhuah hian ka pocket-money tûr pawh a daih meuh lo a niâ, pawisa dîl hlek chuan inhauh tan a ni zêl a, chuta kâra chhass lo neih ve khanglân chuan inhauhna tûr a tam lutuk dawn asin. Tûnah hi chuân ka chhiatloh ang ang hian ka awm mâwl tawp mai (haha), star neih teuh hi ka chan tâwk a ni hrih a. Star te han phone a, chhuâk tûra sâwm te pawh a châkawm ve thei khawp mai. Han phone ve thin mah ila sawi tûr a vâng thin khawp mai; sum chu han awm se chuan ‘naktûkah i hman chuan chhuak dûn ila,’ ti mai tûr kha ka nia, hmêl leh pian a en chuân zei nih te pawh kan hlawh ve mahna!  Mahse sum a awm si loâ, engmah sawi tur hre lem loa in mangtha leh tawp hi ngai thin a, a zia lo thei khawp mai” a ti a. Mahse chu tlangvâl vek chuan “Kan zirlai leh kan thiltih apiangah rinawm leh rim taka Pathian bêl chunga kan thawh chuan, tuna kan star te hi changin chang lo mah ila, an aia hmeltha leh no tak tak lo chawr chhuak mêk te zinga mi pakhat hi chu kan tâ tur a ni si a” a ti leh a. {He tlangval hi ka hmelhriat tha tak a ni a, a hming chu tarlang kher lo ila, in lo hre ve nuâl maithei si a (a bîk takin nula hoin); a thusawi ho tê hi in lo hriat ve atân ka han târ lang duh ani. Hlimna hi za-a-sâwm chu kan chunga thil thleng vâng ani a, za-a-sawmkua erawh, chû thilthleng chu kan dawnsawn dân azir ani. Kan nun hi duhthlannain a khat a, thlahtu bul Evi leh Adama atang tawh khân duhthlanna hian he khawvel hi a ti danglamin a her kawi ani. Rilru hah laia thil ho tê tê, mahni inngaihsânna ang chi te, ngaihtuah te hi hlimna ho tê min pe theitu a ni fo thin, mahse chu chuan kan ngaihtuahna awh khat reng lo se. Suângtuahna khawvêla chên châng nî te awm ve zeuh zeuh a tha e, suangtuahna tel lo chuan ram ropui pawh a thlen theih loh ani, te pawh an ti hial thin; ahse chû khawvêlah chuan mi tam tak an boral thin si a... Chuvângchuan he tlangvâl vânduai (emaw in ti) - (inla) vânneia ang hian nang pawh, i dinhmun in en chiang la, hring channa khawvêla hniak-hnung tha tak neia Pialrâl thleng ngei thei turin insiam la, duhthlanna tha chu han siam ve vat teh le ka unau. – Editor.} BMA FOOTBALL TOURNAMENT a TEAM tel tur te – KOLODYNE FC , GENESIS FC, PAPA’ S FC, CHUKCHUZ FC, DR. AIT, FC JOSEPHITES, UVCE, FC KAN VENG, UTC, GRACE HOME FC, SINLUNG FC, KRISTU JAYANTI COLLEGE FC..

Vol. XV Issue No. 19

Bangalore Mizo Association Pathianni Tin Chhuak Chanchinbu

LÂWRKHÂWM  Sorkar laipui chuan Ningani khan ramchhunga state 27-ah state chhunga hman turin RTI Act hnuaiah Information Commission din a ni tih a sawi a, Jammu and Kashmir chu an tel ve lo a ni. UT-te erawh chu Central Information Commission hnuaiah dah an ni a ti. Sorkar laipui bultumin "Strengthening, Capacity Building and Awareness Generation for Effective Implementation of the RTI Act" scheme kalpui a ni bawk a, hei hian State Information Commision-te chu an hmalakna atan sum a pe dawn a ni. (Courtesy Vanglaini)  Pathianni khan Anatolia news agency chuan Turkey chhimlamah kum 8,000-a upa mite rin ruhro hmuhchhuah a nih thu a sawi. He ruhro hi Mersin province-a Yumuktepe Hoy-uk-a Neolithic hunlaia thlan an hmuhchhuah chhungah hmuh a ni a, a hmuhchhuaktute hi Italian Lecce University leh Turkish Mirnar Sinan Fine Arts University-a archeoldgist rualte an nih thu report chuan a sawi. Ruhro bakah hian thleng kum pathum, wheat chhungmu leh olive chi to an hmuchhuak tel bawk a ni.Italian Lecce.Kar kalta khan Italy khawpui, Rome chhimlarna tuipui kamah kum 4,500-a upa ruhro hmuhchhuah a ni bawk. Italy police-te chuan ruhro an hmuhchhuah hi a tirah chuan Rom sipai ruhro nia an hriat thu an sawi a, mahse mithiamten an zirchian hnuah BC 3 hunlai amt a ni till an finfiah ta a ni. (Courtesy Vanglaini) Cultural items – Editor/Cultural Secy. Tûn tumah chuan heng thilte hi i han bih chiang teh ang u, bih peih lo chuan lo chhiar ula: Hriat zâuna.: Thang thenkhat te: 1894 – ‘A, AW, B’ Sava (leia tla chi) zir tan kum awhna – Beai, Sahdal, 1958 – Aijal Mangkhawng College din kum; Kawlper/Perpui fal, Night College a ni Vathu fal. Vaki leh pît rual thin. A hnuah Pachhunga awhna – Kilên Savawm/sa lian deuh Memorial College tia thlâk ani. awhna - Vawmtlâk Ran hrâm dân Van boruaka lêng vel thenkhat hming thenkhat te: te: Venus – Tihdikna: issue Chawngmawii hmasaah khân spelling Mars – Siaia kan lo tidik lo palh a Jupiter & Saturn – arpui a tui(trui) loa, a Hrângchhuana tuk (truk) thin zawk e Orion - Chhohreivung

Date: Aug 09, 2009

CHANCHIN LAWMAWM Dr. AIT Final yr result – Elizabeth Zoremmawii ( Dist ) , Lalliankimi Pachuau ( 1st) , K. Lalmuankima (1st) , Lalremsanga Tlau (2nd ) , R. Lalnunpuia (1st), Lalhruaizela (1st), H. Lalnunfela(1st) , MC Lalruatfela (Dist). UVCE final yr result – Alan 77% , C-a 75%, Zualtea 73%, C. Lalremsangi 73%, K.Vanlalruata 71%, Johnson 74%, Dennis 71%, Ameline, 82%, Lalbiaknungi 86%, Laltleipuii 79 %. Kan lawmpui takzet a che u !

Thu dang daih:  BMA TOURNAMENT inpuahchahna thunawi INHLIAMNA TURU : UTC Football team Practice na a inhliam te – Rev Johana – Ke bilh. Rev. Zohmaa – Kezungpui tin lut. Rev. Mathana – Ruahsura inkhelh vanga khawsik. Rev. Hmingmawia – Kawngna. Pu Chamtea – Chau tawngkhawng. Rev. Dika – Khabe sawh, chaw bar thei lo. ” Blessy, Ei tur tui tak tak ho kha chu keini sum ngah team ten kan rawn lei sak dawn che u nia” – Tv. Ela ( kan hriat dan in an team hian sum an inti ngah em em a, players man to tak tak 3 an lei tawh tih thu kan dawng)… tin jersey poh a hma puar chi an order tawh tih thu kan dawng bawk.  Tv. Madawnga of “ FC Kan Veng ” striker tura an hual mek erawh tunlai hian ran ngo a zawn mek avangin a rilru football ah a pe hlei thei lo, Vengnuam Sheriff ( Pu Josiah) pawh a mangang ru hle, Tv. Madawnga hian nupui tura a duhzawng a sawi dan chuan Bengaluru mi ngei, Jasmine par vuah deuh chhak, Sari nawinawk rawng leh blouse pawl ha ngei, ha var tak leh tlema ke khi deuh a duh thu BMA Editor te a hrilh… Pic. of the week (Celebrrity huang)

Tûn thla chângvawn: I Thessolonika 5:16 “Lâwm fo ula.” BMCF INKHAWM PROGRAMME DATE: 16.08.2009 Hruaitu : Pu PS Chhuasa. Tantu : Michael Lalhriatpuia. Thawhlawm : Tawngtai rual. Thusawitu : Rev. Johana Special Number : UTC Female Voice