Bma Aw: 5th April 2009

BMA AW An Official Organ of The Bangalore Mizo Association

Registered Under Societies Act of Karnataka No.BLU-S188-2007-08 Date 7 May 2007

Vol. XV Issue No. 1

Bangalore Mizo Association Pathianni Tin Chhuak Chanchinbu

Date: 5th

April 2009

CHHUNGKUA Thu hma hruai chu le: Mite kamchhe tleuhna leh fiamthu thawh nan taka hman ni thin mah ila! A hman nazawngin sawi tur hriat loh remchanga hmanga zahzelah “pasal nei tawh rawh” min tih zen lai leh ‘duhsakna der ni maia mawia “tihpui tur che tha deuh ka hria”(a tak tak chu a thleng ngai hlei law tiraw VL hehe!) min han tih sar sar hian senior rilru chiai tawh hi in zahzel tawngkam hian a belhchhah a. Hnunglam atanga min fiamthu khumna te leh kan hmuh phak loha min sawisak(fiamna) te hre thei veka mawia ka lo senior tak tak hnu hian, nula senior nih hi a nawmna a lo tam hle mai a! Chung zinga pakhat chu, duh duh, rilru a awmte hlauh leh zah vak neilo a kan han sawi pap pap ngamna hi a lo ni a!! Tleirawl zawkte leh naupang zawkte sawi ngam loh hi kumin a lo chaldelh tawh avanga kan sawi ngam tlatna hi a nuam lai tak chu ani. Sawi chhuah chak ngawih ngawih sawi ngamloh leh, rilrua vei leh ngaidan kan neih ve te pawh aia senior zawkte zah avanga kan sawi ngam loh thin kha, senior nih takah chuan kan sawi fak fak ngam a, kan sawi sak sak ngam a, tunah pawh hian kan sawi pap pap ang e aww!! A lungawi thlak: Kum thar kan han chuang kai a, hruaitu thlan runpui kan zo ta a. kan hruaitu thlan tharte BMCF, BMA, MSA kan en vang vang hian, kei, senior hi ka lungawi ngawt mai. Zirlai te tana ding, Mizo zirlai te hi kan hnufual bik ang tih hlau a, Hnam rilru pu a, zirlai te engtiklai pawha puih huama ding, harsatna chi hrang hrang hmachhawn chunga zir mekte leh zir thar turte’n zirna hmuntha an chan theih nana puih inpeih renga ding MSA hruaitu thlan thar Tv.Emmanuel Lawmkima leh a thawhpui te hian Bangalore a Mizo zirlai te min va thlamuan em!! Zirtur leh tihtur ngah ve em em chunga Hnam rilru pua in inpekna hi sawiseltu an lo awm palh hlauh anih pawhin chakna thahruiah hmang hlauh ula, Pathian leh Mizo hnam avangin huai tak leh rinawm taka dinga, kal zel turin duhsakna ka hlan a che u. Bangalore Mizo zirlai awm zawng2 te hruaitu in nih avang hian in pawimawh a, inhlu a, kan chhuang tak zet che u ani. Hruaina hna in thawhna kawngah te, Hnam in hmangaihna kawngah te in hruai Mizo zirlai te entawn tlak leh hruaitu ni awm renga nunga, MAWI tak leh FIMKHUR taka ke in pen theih nan Pathianin hruai zel che u rawh se. Senior hi chuan pangte hi a kham hma a! Ka ring kan her hret a, Mizo hnam, CULTURE leh SOCIETY vawng nung reng leh inpumkhata, thangthar awm mek leh lo la awm zel turte hnena Mizo nihphunga chiang telh2 tura duh leh thahnem ngai em2 hmelpu in BMA hruaitu thlan tharte Pi Lalrinpuii leh a thawhpuite ka han hmu leh tham2 a!! Hmmmm!!! A lungawi thlakin ka hria. Hruaitu nih hi a hautaka, a luhai thlak. Dawhtheih te, huaisen te, thawhrim te, hrisel te, tawrhchhel te, zaidam te a ngai. Hratkhawkheng nih te hi a ngai thin. Mi sawiselna lo dawhtheih te a ngai a. Member te kan mut diai2 laiin chauh, hah, nawmsamloh pawh sawi hman lo leh broke sawi hman miah lo a hma hruaia phet vat2 a ngai thin. Hna

HREAWM ani. Bangalore ah hian hruaitu hna chelh ringawt turin tumah in lo kal bik lo chunga, tlawmngaia in inpekna hi a va ropui em! Kan Mizo mipa tam takin he hna, tlawmngaih chhuah tak meuha hruai ngai ani tih an hriat chian avanga pha tam tak karah “MINU” hruaina hnuaia BMA a lo awm dawn ta hi RAHBI thar niin chona(mipa tan, a mupuiin ka han kap che u anih hi, inhliam te kha lo awm nual ula..haha!) ropui tak ani. Tichuan, Nu Rini (hmel en chuan ka nu rual ni mawlh lo chunga thalai zawng2 Nu Rini a nih vanga Nu Rin ti ve mai ka nia haha!) leh a thawhpui te ka duhsakna zawng2 hlan chung che u in, in hruai Bangalore Mizo te hian kan hnam culture leh society pawimawhna leh hlutna hi kan hrethiam vek lo tih hria in dawhthei takin min hruai ula. Sawiseltu che u sawiselna chu hmasawnna rahbi ah hmang ula, engahmah che chhuak peihlo leh tihpeih neilo, a sawisel ngawta ram tang thin te hi thawhpuiah hmang thiam ula, Bangalore chhungah BMCF, BMA, MSA, BMMP an awm ani tih pawh hre manglo Mizo thalai te chu kutke atan chher hmiah2 thiam tura finna in neih theih nan finna petu PATHIAN hnenah tawngtaipui che u in, in kaihza kan lo veng e. Huis!! Ka kut a kham, ka’n chawl tih pahin ka hawi chhuak a. Hnam anga Christian a chhal ngam, Pathian zawn chhuah, Christian tamna ram, khawi ramah pawh ( Phek 2-na ah chhunzawm ani) BMA SILVER JUBILEE INAUGURATION & SEMINAR ROPUI TAKA NEIH A NI TA www.misual.Com kal tlangin khawvel hmun tina mi ten he Progammme Live Blog an thlir.

( Phek hnihna ah Jubilee Lawm dan Report chhiar rawh le…)

Vol. XV Issue No. 1

Bangalore Mizo Association Pathianni Tin Chhuak Chanchinbu

Editorial

Date: 5th

April 2009

A HLIMAWM, A LUNGAWI THLAK E

Tunlai chu Silver Jubilee boruak in Bangalore Mizote min chiah hneh hle a, kan ti ti pawh helam hawi deuh hi a ni vek mai. Nimin lam ah hun hlimawm leh changkang, hlawkthlak bawk si kan han hmang kha a ropui hle mai.Khatiang hun tha min pe tu Pathian hnenah lawmthu I sawi theuh ang u. Bangalore Mizo te hmasawnna pawh nimina kan programme atangin kan hmu theuh.Tanrualna tha kan nei kha a ropuina pakhat ani.Jubilee lawmna programme hrang hrang a la awm zel dawn, kan tanrual zel a pawimawh hle ang. Mi tin te inpekna leh thawh hahna kha Programme hlawhtlinna ani.Tin, hei Nl.Azaiin article tha zet mai Bangalore Mizote tana a bik liau liaua a ziah kan han chhuah thei hi Editorial Board chuan lawmawm ati hle ani. BMA AW man khawn alo hun leh ta, member te’n i ngai pawimawh ang u!

R.L.Rinawma,Chairman, Silver Jubilee Celebrations (Special Report)

(Chhungkua article chhunzawmna)

MI NGAIHLUTAWM LEH NGAIHSAN TLAKTE April ni 4 a kan Inauguration leh seminar kan hman zawh zet chuan a thil a kal fel tawk loh hlauhna leh enghelhna lo inthun muk chu herh chhuah a ni ta a. A nuamin a thawven thlak ta ngei mai. Memberte tawiawmna- thawktu pawl hrang tam takte avangin thil a kal fel tha a. Nu leh pate, kan senior thahnem tawk takin min tawiawm a, Seminar hial te min telpui kha a ropui kan ti a. Thenkhatte phei chu nuamsam lote an ni vei nen. Kan member tam zawk exam an neih avanga lokal theilo an awm a, kan ui hle mai. Tin, Pu Thangzamuan a kan Senior Adviser ( 1994-95- 1998-99 ) pawh Mumbai atang meuhva lo thawk thlain an chhungkuain an lo tel hram te hi a ngaihhlutawm a ni. He hun rawn ngai pawimawhtute member te leh rual ute hi mi entawn tlak, ‘civilised culture’ neitute tih loh rual an ni lo. Hmanlai BMA tradition kha a ni. Tin, seminar uluk taka buatsaih rawn hlutsaktu zawng zawng kan memberte a bik takin fak tlak an ni bawk. Zawhna fing leh tha tak zawttu an kat nuk leh nghal nen. Bangalore Mizo in chawimawi a ni. Bangalore Mizo zirlaite zingah substance nei fe an awm tih a hriat.

phak ang tawka Pathian kuta inhlan hmasa ziah thin hnam kan ni. He Bangalore ngeiah pawh ringlo mite’n Pathian an lo hriat a, Christian kan nih anga Pathian biak leh chawimawi hi ringtute tih tur ani tih hria a, lo ding BMCF hruaitute Pu K.Sapthanga leh a thawhpui te an lo ding leh thap mai. A va thlamuan thlak em!! B’lore Mizo te hi kan va vannei em! Sakhaw puithiam engnge maw zatin min thutchilh a, min hruai mek a nih hi. Heti zozai Mizo awm ta chu nuam tawl ngawt atchilh pawl te, awm chhan hre lem lo a tei ve mai2 te, Mizorama sakhaw mi chhungkua ni si Bangalore a Pathian a awm tih hreawm pawha lang lo te, Pathian ni a biak in a kal chu sawi loh Pathian mamawh loh hmel tak te, tawngtai ngai reng2 lo te, mi rel leh sawisel peih viau mai pawh kan kat ve nuk ngei ang. Khawvel a la ni miau si a! Mahse chung ang mize hrang2 te tana hruaina hna chelh ngamtute, min hruai tura Pathian min pekte hian kan TAN, kan THLARAU chhandam anih theih nan min tawngtaisak thin a sin (ring ila..??) Mizoram pawnah zirna chhunzawm tur leh THAWK tura an lo kal chung pawhin Pathian in a serh hran zia hre rengin, I tan leh ka tan, min tawngtaisak zel ang. Taksa leh thlarauah Pathian lama min hruai englai pawha in peihin kan tan an ding anih hi!! Thu hnuhnung chu le: Tichuan.. Mizorama Kohhran pawl hrang2 kan nihna te dah tha in, Mizo hnahthlak hian huangkhatah min khungkhawmin BMCF hi Pa ber niin, BMA hi Nu ber a lo nia, MSA hi Fa mal a lo ni reng a lawm. Pa chuan a nupui leh fanau te a hmangaih a, kawngtin rengah a chhawmdawl thin. Nu pawhin pasal zah chungin pasal leh fa tan a theihna zawng2 a pe a, a in SAWRFU thin. Fa pawhin nu leh pa chawimawiin theih tawpin zirna kawngah te, rualkawm danah te, chetziaah te nu leh pa ti hahdamtu nih a tum tlat thin. Nu leh Pa leh Fa chu CHHUNGKUA kan lo ni. MSA member chu BMA member a lo ni a, BMCF ah member kan ni ho leh vek anih hi! Kan Pathian a vang chuan MSA, BMA, BMCF ah chuan CHHUNGKUA ah min siamin Lalpa pakhat, Rinna hmun khatah mize hrang2 te min chhungkhawm a lo ni. Chhungkua chu a then school ah an kal a, a then collage an kal a, a then in hna an thawk a, a then in lamah ei rawngbawlin an buai a, a thenin nau te kan awm anih tak hlawm hi, tunge insawisel tur chuang awm a, tunge han in la hrang a, in ngeihlo tur awm le!! CHHUNGKUA kan ni si a!! (Bangalore Mizo te tana article tha tak rawn ziaktu hi Nl.Zaithanmawii (Azaii) ani. Kan lawm thin hle mai.)

Tunkar Changvawn: “Hosanna! Lalpa hminga lo kal chu fakin awm rawh se” – Marka 11:9

Silver Jubilee lawm dan tur hi nikum October thla atang tawh khan kan er tan a. Uluk leh quality tha thei ang bera thil ruahman kan duh avangin hun sen kan inhuam a, hah deuh pawh kan inphal a ni. Kum 2009 tir lam atangin ngawrh takin kan bei tan a. Committee pawh vawi 6 vel lai kan nei a. Thil hmanhmawh lo enfel thei tura thuneihna pek, Coordination Committee phei chu email, telephone leh sms hmangin nikhat ah vawi tam kan committee a ni ber mai.

ZAIPAWL Zaipawl zai mawlh mai khan mi zawng zawng a hneh a, ka lyrics leh a thluk a tha dun a, a satuten an thiam bawk a, tumahin kan ngaithla ning lo. A thunawn han hin chhawn chho te kha, a phuahtu Vanneihtluanga hian a va rem thiam em ka ti. A tawi zawngin sawi ila, he hla an sak hian ‘min awm veng veng a ni ber mai’. Aw BMA Zoram khawvel mawi a’n, I tum ri ta maw Silver Jubilee dar chu, Hei lo liama zofate thawm rimawi, Tum rawh u, tum mawlh mawlh rawh u…Amen. KAN MI SAWMTEN MIN CHAWIMAWI Kan Khuallian pahnih, Dr. John M. Ralte ( Founder President ) leh Pu Lalrochuanga Pachuau ( Founder Secretary ) te Mizoram atanga sum leh hun tam tak senga lokalte hi an ngaihsanawm rualin an zahawm ngawt mai. Pu John-an hmanlai BMA dinchhoh dan chanchin a sawite kha a hlu khawp mai, a ngaihnawm si. Pu Lalrochuana keynote address kha a forceful tha in a thupaite kha a ropui a ni. Lawmthu kan sawi tam tawk lovang tih ka hlau deuh. Tin, kan resource person pahnih, Malsawmdawngliana Lailung leh H. Vanlalhruaia te Hyderabad atanga lokala paper min han buatsaih saktute hi an hun hlu tak kan tana an sen hi ngaihhlutawm tak a ni. Malsawma phei chu ama chanpual bak midang lokalthei ta lo chanpual kan hmehbel leh nghal a. A chanpual hi a hnawk ta khawp a. A thil rawn present leh han zam kual dan kha a sang fer fer khawp a, kha kha international level a mite tih dan a ni. Tin, Hruaia thil rawn phawrh kha a bik takin zirlaiten in lo chik a tha khawp ang. An ni pahnih hi tunlai thangtharte zingah

Vol. XV Issue No. 1

Bangalore Mizo Association Pathianni Tin Chhuak Chanchinbu

chuan kan miril, mithiam neih an ni. Bangalore amiten Hyderabad a mi kan chahthlak hial pawh hi a awm viau tlat a ni. Hemi rual hian kan resource person dang, Pu Zohminga Powerpoint rawn present kha a content bakah a style leh graphic arrangement te kha zirlaiten lo entawn ngei bawk se. SILVER JUBILEE TEAM He hun ropui lo thleng ta lawmna ngai pawimawhin BMA hotute a zawng zain an fakawm vek mai. An tang teng teng khawp mai. A then langsar deuhva thawk an awm laiin langsar vak lova thawkrim tak an awm teuh bawk a. Tin, chubakah he Silver Jubilee lawmna tura thawktu hran deuhva ruat ho Celebrations Committee memberte ( ka chhuang bawk a, kan Team ka ti hial dawn ) an fak awm ka ti. Hetiang thil zahawm leh belhchian dawl tak huaihawt hi thil harsa tak, thawhrim ngai a ni. In ti tha ngei mai. Hei hi a zawhna a la ni lova, October ni 2 programme lian buru tak kan la nei a, tun aia chet ngai tamna zawk hi. Tin, chumi karh programme dang pawh kan la zep teuh mai. Kan la chawl hman rih lo, insang mar zel ang aw. People may not believe what you say, but they will believe what you do… we are doing what is needed to do.

Nizan khan BMA Silver Jubilee Committee leh BMA Exec.member te chuan Jubilee mikhual duhawm tak tak te pualin dinner tui tak Lifestyle ah a buatsaih a. Mi 21 lai he hun ah hian an tel.

Ø April 2, chawhma dar 11.30 vel khan All India

Congress Committee general secretary leh member of parliament ni lai Rahul Gandhi chuan Mizoram a rawn tlawh a, Aizawl Sipai Lammual-ah amah hmuaktu mipui pungkhawm hmaah thu a sawi a, "Mizoram leilung hi te hle mahse kan rilru leh thinlung a luah zat erawh state dang ang thoin a lian a ni," tiin Rahul Gandhi chuan a sawi.Beisei aia tlem mipui an pungkhawm a, Lammual-a thutna tur thutthleng an dah lawk luahkhattu an awm lo a, Rahul Gandhi hian Aizawl hi hun chep tak karah a rawn tlawh hram hram a, Congress lam hian Rahul-a rawn kal tur thu hi an puangzarh nep hle a, "publicity an pe lo," tia sawi theih hial a ni. Tun tum hi Gandhi chhungkua Mizorama an lo kal tuma hmuaktu an neih tlem leh thawm zawih ber tum niin a ngaih theih.

LAWRKHAWM ü

§

Member thahnem tak Summer chawlh hmangin Zoram lam ah an haw mek.

§

Vawiin chhun dar 11:30 khan Grace Home Boys ah Jubilee Resource person te’n Hostel naupang te nen in kawmkhawmna hun tha tak an hmang.

§

SJCC Chairman Pu RL Rinawma leh a thiannu Pi Nunmawii te pawh tukin zing dar 9 vel khan dam takin Mysore an thleng leh ta.

§

Good Friday inkhawm ban ah BMA Hruaitu hlui leh thar te’n Rev.Dr.K.Sapthanga in ah charge inhlanna hun an hmang dawn.

§

Zirtawp tlai dar 4 khan UVCE zirlai Ameline-i chu a pa, Pu Albina in damlohna avangin a boral san.Tin, Pi Elim, Viveknagar pawh a pa Pu Chalmawia’n Zirtawp zan khan lungphuchawl in a boralsan. Khawhar chhungte Pathianin vengin thlamuan rawh se.

§

Jubillee Seminar Resource person te – Tv.Malsawmdawngliana Lailung leh Tv.H.Vanlalhruaia te pawh zanin hian Volvo Bus in Hyderabad an pan ang.

§

§

Silver Jubilee Chief quest Dr.John M Ralte chu Nilaini hian Mizoram lam pan in a haw chho ang, Guest of honour Pu Lalrochuanga Pachuau erawh naktuk zing hian Aizawl lam panin a haw chho tawh dawn bawk. th

Karleh Sunday – 12 April hian MSA Exec.Committee chu MSA Asst.Treaurer Nl.Muansangi te in Vasanthnagar ah neih tur ani. Vawiin April 5, 2009 atangin Summer alo thlen tak avangin Sunday Inkhawm hun tih danglam ani a, tlai dar 4 ah tan thin ani tawh ang.

April 2009

MIZORAM NEWS Ø Zoram Research Foundation (ZORF) huaihawtin ATC committee room-ah March 28 khan mithiamte’n "Kohhran leh Politics" tih thupui hmangin sawihona an nei a, sawihonaa kalte’n Mizorama Kohhranin politics-a hnuhma a neih dante leh a inrawlh dante an sawi a, heta sawitu thenkhat chuan Mizoramah hian Kohhran leh Politics hi a "infuihtawn" (Complementary) thei a ni tih sawiin, chu chu Mizo society-in a hlawkpui ngei an rin thu an sawi bakah Kohhran hi sawrkarah a inrawlh mah mah em? tih lam hawi zawngin sawi a tam hle a, MLTP Act chungchang pawhin khel a hlawh.

TUALCHHUNG NEWS §

Date: 5th

Music thiam vanga Oscar hial dawng A.R. Rahman chu Cell phone company lian Motorola chuan an ambassador thar atan an lalut. Ani hian Motorola-in ambassador-a an hmang mek football star lar David Beckham chu a thlak dawn a ni.He contract thar chungchang hi sawiin a hretu chuan,"Tuna an inbiakremnaah hian Rahman hian Rs. 28 crore a dawng a ni. Hei vang hian Indian celebrity zingah thilsiam faktu hlawh hnem ber a nih phah. Abhishek Bachchan chu India rama Motorola faktu a ni a, hei vang hian film tam tak kaltlangin he phone hi a lar phah hle. Tunah hian Rahman hian India ram-ah pawh Abhishek hi a nekchhuak tel mai ang em tih chu a la chiang lo a, an pahnih hian he Cell phone brand tan hian an thawkdun thei bawk," a ti.

ü

Air Force One chu April 1 khan a hmasa ber atan President Pratibha Patil phurin a thlawk chhuak a, Assam leh arunachal Pradesh a pan.IAF Business Boeing Jet pathumte hi US President Air Force One ang ema lian chu an ni lo va, chubakah nautival mile 3000 chauh a tui thun nawn lovin a thlawk thei a ni. US president thlawhna erawh chu, khawvel pum hel chhuak dawn se kawng chanve a thlen hma chuan a tui thun nawn a ngai lo a ni.Hei bakah hian US president thlawhna angin India President thlawhnaah chuan President Oval Office a awm lo bawk. US president thlawhna hi chu hruaikawi (hijack) a nih palh pawha him taka president a insaseng theihna tura ruahman a ni.India President thlawhna pathumte hi Rajdhoot, Rajhans leh Rajkamal tia vuah an ni a, heng thlawhna pathumte hmang hian India President leh Prime Minister te chu him tak leh hahdam takin an zinchhuak thin tawh dawn a ni.

ü

Slumdog Millionaire star, Freida Pinto chu a elpui te lakah pawh a invawrhsang chho zel a, report hnuhnungberah chuan he lemchanthiam hi Bollywood hmeichhe zinga hlawh hnem ber a ni. Hetihlai hian Hollywood hmeichhe zinga sexy an thlanna hnuhnungberah pawh top 5 zingah a tel pha.Slumdog in hlawhtlinna a hmu a, Oscar pawh pariat ngawt dawngin box office atanga a sum lakluh pawh US dollar 270 million zet ni tawhin chhut a ni. Model ni thin, lemchan lama inlet ta hian he film vang hian

Vol. XV Issue No. 1

Bangalore Mizo Association Pathianni Tin Chhuak Chanchinbu

director tam tak mit a la hle a, chung zingah chuan director hlawhtling Woody Allen leh Julian Schnabel te pawh an tel. ü

China ramah hmunpui nei computer network pakhat chuan khawvel hmun hrang hrang sorkar leh pawl dang office hrang hrangte a rukin a lo en sak thei niin Canandian researcher-te chuan an sawi.Researcher-te chuan he computer network hian ram hrang hrang103-ah computer 1295-a thil awmte a lo en tawh niin an sawi. Hetianga an lo en zingah hian Tibet puithiam Dalai Lama nena inkaihhnawih thil foreign ministry leh embassy-a mite a pawh a tel niin an sawi bawk.He thilah hian China sorkar a inrawlh leh rawlh loh chiang takin sawi theih a la ni lo va, China sorkar chuan a inrawlh lo niin a sawi.

ü

Zohnahthlak inunauna ngaihtuah mi pakhat chuan tun tum Lok Sabha MP thlanna neih tur hi tlang hrang atangin a thlir a, chu a thlirna tlang atang chuan inthlan lo awm tur a hmuah dan hi a hahdam hle thung. "Mizoram atang chuan Mizo MP kan nei dawn chiang a, Bangalore Central-ah Congress ticket chu HT Sangliana’n a chang a, Outer Manipur-ah Congress ticket changtu chu Thangso Baite a ni a, ani bakah hian NCP candidate chu LB Sona a ni bawk a, anni hi Outer Manipur biala tlin beiseiawm an ni a, an tlin vaih chuan Zofaten India ram rorelna sangah MP pathum kan nei thei," tiin a sawi. He a ngaihdan hi kan tawmpui emaw, tawmpui loh ngawt chi pawh niin a lang hek lo, Zohnahthlak tan MP pathum neih theihna ‘chance’ a awm a, chu chu thil thleng zen zen lah a ni hek lo. Kum 2004 khan Bangalore North bial atangin Mizo pa ngei mai chu MP atan rawn thlan tlin nawlh a ni a, HT Sangliana khan a khingpui Congress veteran C.K. Jaffer Sharief chu BJP ticket hmangin a paihthla a, Lok Sabha-ah Zohnahthlak MP pahnih an awm phah.Kum 2008 July thlaa Indo-US nuclear deal a thlawp avanga BJP lamin an ensan tak HT Sangliana chuan Bangalore Central, vote maktaduai 1.9 lai awmna chu Congress ticket hmangin a chang leh thei ta cheu."Pathianin min pui ang a, Pathian miten min vote ang , chumi avanga hnehna ka neih chu zaah zain ka ring," tiin a sawi nghe nghe. Kum 36 chhung ngawt police officer hna lo chelh tawh hian a bial tharah hian Janata Dal(Secular) B.Z. Zameer Ahmed Khan leh BJP candidate buk rit tak tur P.C. Mohan a khing dawn. Bangalore bial chu nasa taka sawi danglam a ni a, Bangalore Central hi bial thar a ni, kum 2008 MLA inthlanah khan he bial MLA 28 awm theihnaah hian BJP chuan seat 17 ngawt an hauh thei, chu chu ‘majority’ a ni. HT Sangliana hian a huphurh lo hle thung, Congress ticket a chan theihna chhan chu UPA lama trust vote a pek vang a nih loh thu a sawi nghe nghe.India ram rorelna sang Lok Sabha-ah hian member hi 543 an awm a, chung zingah chuan tihfuh chuan Zohnahthlak pathum chu tel ve thei dinhmunah a ding tihna a nih tak chu. (Courtesy Evening Post)

Date: 5th April 2009

Hriselna Huang HAHCHAWLHNA (Rest): Isaia 28:12 na chuan, Hei hi a ni, chawlhna chu ni, hahte chu chawlhtir rawh u," a lo ti a. Hahchawlhna pawimawh ber chu muthilh tam tawk hi a ni. Puitling tan zantin darker 8 vel hi mut ngei ngei a tha a ni. Scientist ho hian muthilh hi chhawng li 4 stages a awm an ti. Chhawng lina REM Sleep (Rapid Eye Movement) stage hi a pawimawh ber a. REM Sleep chhung hian kan thluak hian hriatna tharte a lo vawngkhawl a, kan thil hriatreng theihna leh zirtheihna leh thil tam tak a lo thawk a ni. He REM sleep hi a cycle-in a kal a, minit 70-90 dan velin a kual a ni. Zana darkar tlemte kan mut chuan he kan thluak hnathawhna hun pawimawh tak hi kan nei thei dawn lo ni. Naupang thanglai thluak insiam lai tan a pawimawh zual bik a. Chuvangin naupang chu puitling aiin, an kum a zirin an mu tam tur a ni. (Source : Women’s Ministry)

Vawiin hi Palm Sunday ani a, khawvel hmun tinah urhsun taka hman ani. Tin, Zirtawpni lo awm tur hi Good Friday ani. Inkhawm Programme kan han tarlang e –

10th April 2009 – Good Friday Hruaitu Tantu Thawhlawm Hlantu Special Number Thuhriltu

: Rev.Dr. K.Sapthanga : Pu Paul Lalchhanhima : Tv.Johnson D.Thianga : Nl.Bethseba Zocungnungi : Pu P.S.Chhuasa

J Silver Jubilee Ti ti Ngaihnawm J Silver Jubilee hi a nuam riau mai, Golden Jubilee Committee hi kan din leh nghal law law mai dawn emawni le! – Pu Josiah (Mr.Special Dinner) Lifestyle Top Floor ah sawn chaw tui deuh, free vek in a awm – R-a (Only 5 Plates) Jubilee hawnna programme lam kan zo ta bawk a, Matei Nu pawh chhungkua lamin kan chang ve ta e – Pu Sapa Seminar mawlh mai kha aw…hun tam deuh han neih a, han ching chauh ka va chak tak em ! – Pu Dika of Seminar Hero ( Seminar Nuam ti em em) BMA hla kher kher hi chu solo ah na na na chuan No.1 ka ni – Pi Nutei Camera control tih vel hi chu invawrhvir pahin ka ti vel mai mai thin – Sammy of Kungfu Jubilee thawhkhatna kan han zo chu lung a muang huai e, tennis thlamuang takin ka khel thei leh ta – Pu Rinawma (Chairman – SJCC) BMA nge nge, Silver Jubilee kan lawm dan hi a changkang hleee mai – Nl.Azaii ( Forever Young) Balloon ham na na na ah hi chuan master degree ka nei -Nl.Nini ( Hall pawn cheina tur atan Friday khan Balloon 200 a ham zo an ti J

QUOTE OF THE WEEK I disapprove of what you say, but I will defend to the death your right to say it. - Voltaire Editor: Thaarie Hnamte – (Mb) 9886145877 Jt.Editor - Madawnga Hauhnar Cir.Managers – R.Lalremruata, Amos Lalremtluanga, Blessy Sailo & Sawmtei Khawlhring Email:[email protected] / www.bangaloremizo.info I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

BMCF INKHAWM PROGRAMME DATE: 12.04.2009 (Easter Sunday) Hruaitu : Dr.Lalrinawmi Ralte Tantu : Nl.B.Lalthakimi Thawhlawm hlan : Pi Jenny Lalrinmawii Thusawitu : Rev.C.Lalrochama Special Number : Tv.Andrew C.Lalruatfela