Bma Aw: 30th August 2009

BMA AW An Official Organ of The Bangalore Mizo Association

Registered Under Societies Act of Karnataka No.BLU-S188-2007-08 Date 7 May 2007

Vol. XV Issue No. 22

Bangalore Mizo Association Pathianni Tin Chhuak Chanchinbu

KEIMAHNI:  Nimin tlai dâr 03:45 khân BMA Executive Committee meeting vawi 5-na chu Pu Josiah L. Ralte inah neih a ni a. Silver Jubilee Celebration Committee pawh telin joint meeting neih a ni, thu tam tak rel a ni.  Vawiin hi BMA Directory atâna hming ziah luh hun hnuhnung a lo ni ta a, mahse membership form hi engtiklai pawhin a lâk theihin, a thehluh theih reng a ni. Inziaklut \heuh ila a \ha ang. Membership form duh chuan hruaitute hnenah hriattir mai tur a ni.  BMA Directory chu October ni 2ah release tura peihfel hman tur a ni a. Copy tam lo tê siam tum a nih avangin chanloh palh awm thei a ni dâwn. Amaherawhchu a \ûl dân a zira print belh thura ruahman a ni.  Vangpui Kût’09 chu September 19th hian Goodwill Girls High School-ah hman tur a ni. Chawhma dâr 11-ah \an a ni anga. Chhûn dâr 1:30-ah lunch tui tak ei tur a ni ang. Vangpui Kut-ah hian section hrang pali te he’ngah te hian an inel dawn : 1.Debate, 2.Solo (Mipa leh Minu), 3.Lêngkhawm zâi, 4.Chheihlam. Debate thupui tur chu “Zofate hmasawn dan hi a tha tawk a ni.” tih a ni ang. Section hruatute’n mahni section a\anga chanvo nei tur te lo siam fel vat se a duhawm hle.  BMA Section hrang hrang te hian rawng an nei vek a, chumi rawng ang chuan section tâ tur t-shirt siam a ni a, member te’n mahni section rawng ngei in lo ngaihven dâwn nia.

Date: Aug 30, 2009

PATHIAN MIN TIHDAMNA – Thaarie Hnamte (Jt.Editor) Chunglam thiltihtheihna hi i beisei ve tawh \hin em? Hê khawvelah beidawnna leh manganna a lo thlenin ringtu te’na kan beisei fo \hin chu Pathian chauh a ni. “Pathian hi awm ta lo se, Lal Isua hmangaihna hi hre lo ila chu....ka boral daih tawh tur…” tih thu hi Ringtu tam tak te’n kan sawi fo \hin a ni! Hei hian taksaa damna mai niloin, rilru leh thlarau damna Lal Isuaah hian a awm a ni tih min ti chiang a, boral han tih hian taksa thihna chauh nilo, thlarau lam leh rilru-a thihna pawh a huap tel a ni. Taksa a ka damna chu ka thlarau leh rilru tân damna leh hlâwkna hlang a lo ni a, chutiang bawkin thlarau damna chu taksa leh rilru tân damna a ni. LALPA, I DUH CHUAN MIN TIDAM THEI TIH KA HRIA E Hmânni deuh khan FGAG Church, Indiranagar-ah tihdam rawngbâwlna inkhâwm chhîmin kan va inkhâwm ve a, chutah chuan chawp leh chilhin Pathian tihdamna mi tam takin an chang a, Pathian thilmak tih tam tak te, a takin kan va hmuin kan va hria a. Chutah chuan Anointed oil (Thlarau thianghlim sahriak) chu min sem \heuh bawk a, na neih hunin \awngtaia hnawih tur a ni. Tlâi khat ka office bâng hi thil ka ei lai chuan ka khabe ruh veilam hi a rawn na vak mai a, ka thil \hial lai chu \hial ngam tawh loh khawpin a rawn na a, ka thil eilai chu ka chhak a, ka kâ pawh ka âng \ha thei ta der lo mai, tih chet hlek hrim hrim khân a na êm êm mai. Ka mang a ang khawp mai a, engvângnge ni thei ang, zai a ngai mai anga tihte thleng chuan ka ngaihtuah a. Chulaia a na lai chu, hun rei tak a\ang khân, engemaw châng hian a rawn na ve zawk zawk \hin a, ka hâm (yawn ) \ha thei lo a, ka ka hi zau taka ân te ka harsat \hin a, ka ân zau chuan ka khabe ruh hi a inpelh sawlh a nih loh paw’n , a na vawng vawng \hin. Doctor pawh ka pan tawh nghe nghe, mahse eng vakah an ngai lêm lo a, keipawhin na lutuk anih loh avangin eng teh ualah ka lo ngai ngai lêm lo. Mahse tun anga na hi chu ka la tuar ngai hauh lo thung. A nat em avang chuan ka bing deuh mup mup a, ka thaw te a rawn hah tel a, rilru mangang taka ka awm lai chuan ka rilru in ka \awngtai a, “Lalpa, i duh chuan min tidam thei tih ka hria e” ka ti a. Anointed oil chu a na laiah chuan ka hnawih a, ka \awngtai ta a, ka \awngtai zo chu a na a ziaawm khawp a, amaherawhchu a dam nghal lêm lo. He natna hi TMJS (Temporomandibular Joint disorder) a ni a, enkawlna pawh a hautak an ti. Mahse Pathian kutah engkim ka hlan tawh a, min tihdamna ka beisei tlat. Chumi zana ka mut lai chuan thil mak tak mai a lo thleng ta a. Mumang a ni si lo, ka muhil lai chu kut hian chiang êm êm mai hian ka khabe na lai chu vawihnih a rawn hmet a. Hmêl reng reng ka hmu loa, mahse kutin ka khabe a hmehna chu chiang takin ka feel a, ka hre tlat si. Engmah mumang chhunzawm ka nei loa. Mahse chu min lo hmeh chu ka dampui tur ani tih erawh chiang takin ka rilruah chuan hriattirna a lo lut nghal a. Zing ka tho chu ka dam chiang hle mai! Na reng reng a awm tawh lo. Kum engmaw chen ka ham apianga âng \ha ngam lo leh na awm \hin chu Pathianin min tihdam sak ta! (chhunzawm a ni…)

Vol. XV Issue No. 22

Bangalore Mizo Association Pathianni Tin Chhuak Chanchinbu

Editor: Samuel Lalrozâma Hmar -(Mb) 9886447684 Jt.Editors: Josiah L. Râlte - (Mb) 9845020992 Thaarie Hnamte - (Mb) 9886145877 Cir.Managers: C Lalnipuii, Laldinmâwia Hnamte & Lalhruaitluanga Contributors: Paul Chhanhima & Rev. James Chuaukailiana. Email: [email protected] Web.: www.bangaloremizo.info

EDITOR KAM CHHUAK Tun tum chu Kristianna tih thupuiah kan rawn thlang deuh a, kan chanchin phêk kam keu tu thu ziak a\angin Pathian thu in kan kawh chhuak a, ‘Kristianna’ tih thupui in min tuam leh nghal bawk a ni. Chhiartu te hi Kristian kan nih vek ka ring a, mahse kan nunah hian kan sakhua chu a lang em tih hi kan inenfiah fo a ngai. Kristian ni tur chuan taimak, dawhtheih, remna siamtu nih, mahni inthunun theih, thjn chhiat loh leh \awng\ai uar mi nih a ngai tih te hi i hre nawn leh the ang u. Tin, vawiin ni hi ‘International Day of the Disappeared’ a ni a, chhungte hriat loh leh dân kaihza ven hnuai loa tânnin tâng te leh hrehawm chungchuanga lungin tâng te hriat reng nî a ni. Chutiang hman chhan em em chu nei ve lêm lo mah ila, kan nun chhungril hi in en \heuh ila, kan ze mawi, naupan zawk deuh laia kan chîn \hin te kha hriatchhuahna hunah hmang ila, tûnhma nun \ha zawk kan neih te chhui lêtin kohkîrna niah hmang ve teh ang u. (phêk hmaa mi chhunzawmna….) |AWNG|AI THILTIHTHEIHNA Pathian hmangaihna a lang fo thin.

-

July thla khân sangha ruh them te tak tê hi ka hrawkah a tâng a, chil lem pawh harsa ve tak a ni. Chaw ka han bar lui vak vak a, a tla thei chuang lo; balhla a \ha e an ti, ka ei; sawhthing a \ha an ti, ka ei leh, engmah a ang thei lo. Damdawiin kan pan a, doctor chuan engmah a hmu si lo, a ruhin a ât pilh mai mai aniang a ti a, mahse pilh ringawt chu a niin ka hre si lo. Vawi thum vel uluk taka an en hnu paw’n engmah an hmu thei si lo. Doctor chuan a a tai pilh anih loh chuan a ruh tâng hi a te viau a ni ang, Xray pawh ti ila, a lang kher ka ring lo a, nikhat hnuah a damloh chuan Operation

Date: Aug 30, 2009

Theatre-ah i khabe ruh kan thlawn anga, kan en ang, a ti a. Chumi zân tak chuan Rev. Sairengpuia lo zin kha dinner ei turin kan sâwm a, inkhawmna hun te kan nei a, Pu Rêngpuia \awngtainaah chuan ka harsatna chu Pathian hnenah thlen tel a ni a. A \awngtaina chu ka ring khawp mai a, dam thut mai turah te ka in ngai rum rum a, a \awngtai lai chuan ka chil te kan lem a, a lo la dam si lo! Tichuan, chaw kan ei ta a, kan ei mawlh mawlh lai chuan ka hrawk na chu a reh ta hmiah mai le. Kha sangha ruh kha doctor te pawhina an hmuh zawh loh khawpa tê a ni a, chaw ei laia lemthlâk tel theih chu ni se a hmaa ka chawei leh thil dang ka ei zawng zawng khân lemthlâk tel mai awm tak, mahse ka lem thla zo lo a nih kha! Sangha ruh kha lo tang miahlo a, a ruh thai pilh mai mai chu ni ta se, hrawk pilh te chu vawilehkhata chaw ei-ina a tihdam theih a ni bawk si lo. Mahse a dam chiang em em mai lehnghal! Pathian tihdamna, \awngtai chhânna ngei a ni tiin Pathian hnenah lâwmthu ka sawi ta a ni! TIDAMTU LAL ISUA Kan natna te, kan harsatna te hi a tê emaw a lian emaw Lal Isua hian tihdam theih loh a nei lo. Ka han tarlan tâk harsatna ka chunga lo thleng, Pathian min tihdam sak tak te hi thil ho tê angin a lang a ni mai thei, mahse Pathian hian engkimah \anpui min tiam, min tihdam a inpeih reng a, Amah rin mai hi kan tih tur chu a lo ni. Engkim Pathian a ni si a! Damna dilin i \awngtai a, mahse chawplehchilhin Pathian chhânna a lo thleng lo a ni thei e, tlai ngai lo Pathian kan nei, a hun takah kan chunga roreltu chuan damna a pe ang che! Pathian malsawmna kan dawn zawng zawng te avanga lâwmthu sawi chungin, beidawng loin Lalpa au zêl tur kan ni. (He thu hi ziah tulna keimahah a len em avangin thiam lo tak chungin Pathian ropui nan ka han ziak ve rawih mai ani! Chhiartute Lalpan’n malsawm theuh che u rawh se!) (Tlipna nei ve leh lawk teh ang ; ani teh tak e! Kawngkhâr tam tak a in hawng \hin kan hmâah, lampui tam tak zawh tur a awm fo bawk; damna kim hi chu chan a har, rilru a nat loh leh taksa a nâ, khawnge min thlamuantu chu? He article ziaktu in a hun taka, rinnaa dîlna chhâng \hintu kan neihzia, a nunkawng chhukchhoa a tawn ngei a\angin, min rawn hriat nawn tîr leh avangin a chungah kan lâwm hle. Amah hi chu kan hre deuh vek anga, a chanchin chu sawi lo mai ila. - Editor) Hriattirna: Jubilee closing day celebration (2nd Oct’09) pawh a kal mêk zêl a, hruaitu te pawh an buai hle. Mizoram Chief Minister khuallian tura beisei a ni. Variety prog. (a zânah), ‘Jubilee Ârkaiden zân’ hman bawk tur a nih kha, mitin tel ngei tura mahni hun insiam rem a \ha ang. Tin, \anpuina (donation) te pawh la pe lo te leh pêk belh duh te tân, khawtlâng rangbawlna a ni tih hriain, kawng a la inhawng reng a ni tih hre nawn leh ila.

Vol. XV Issue No. 22

Bangalore Mizo Association Pathianni Tin Chhuak Chanchinbu

TUALCHHÛNG:  BMA Football tournament kal mêkah hetiang hian next match fixture tur chu her danglam hret a ni: Matchday 4 (5th Sept) fixture: A hmun chu Austin Town Ground (Nandan Ground), Austin Town a ni. Opening day a khelhna hmun tho kha a ni.1st match khel tur te hi 9:30am a kim turin hriattir in ni bawk e: 1. JOSEPHITES vs GENESIS (C) 10:00 AM 2. KOLODYNE vs CHUKCHUZ (A) 11:15 AM 3. DR.AIT vs SINLUNG (B) 12:30 PM 4. PAPA’s vs UTC (C) 01:45 PM 5. UVCE vs FC KAN VENG (A) 03:00 PM GRACE HOME vs KRISTU JAYANTI COLLEGE hi tun kâra khêlh tur a ni a, a khelh hun tur tak hriattir leh an ni ang. Tin, Semi- final hi 12th Sept.-ah khelh tur a ni a, final chu 21st Sept.-ah khelh tura ruahman a ni e.  Issue hmasa a kan rawn chhuah tawh angin kan patron Pu Lalrinawma, IRS chu Mizoram sorkar hnuaiah Commissioner / Secretary hna a chelh ta a. Department pawimawh tak tak Industries Department, Revenue & Settlement Deaprtment leh Geology & Mining te a chang a ni.  Bangalore Mizo Association official website (www.bangaloremizo.info) pawh siam \hat leh a ni a. Advertisement a tih theih a, thlakhat atân Rs.100/- chauh a ni ang. Banner size erawh chu a hmun awmdân a zir zelin a ni thung ang. I lo bengvar lehzual nan sms ‘JOIN BloreMizo’ type la, 567678ah thawn rawh le.

Date: Aug 30, 2009

KRISTIANNA – Lalhruaitluânga Hmar (Vâla) ‘Kristianna’ han tih chuan mi tam zawkte ngaihdânah chuan ‘Krista zuitute’ tih hi a lo lang nghal mai awm e. Ni e, a dik a ni, Krista zuitute chu Kristian kan ni rêng a ni, kan sakhaw hming pawh ‘Kristian’ tih a nih hi. Mahse, heti zâwng hian ka’n sawi teh ang, sawi an awm tawh leh tawh loh chu ka hre loa, keimaha a lo lan dân a ni miau hek. Ka rilruah chuan hetiang hian tehkhinna nên a rawn lang a. Entirnân: India rama awm te chu ‘Indian’ kan ti a, chutiang zêlin Australia rama awm te chu ‘Australian’ kan ti bawk. Chutiang bawk chuan Kristaa awmte chu ‘Kristian’ an ni. Chuvangin, Kristian nih dâwn chuan Krista a awm a ngai a nih chu. ‘Indian’ tih chu India rama awm te ni satliah mai lo, India khua leh tui nihna neite tâna, hming pakhat an put tlân a ni. Chutiang bawk chuan, ‘Kristian’ tih pawh chu Krista a awm zawng zawng te tâna hming pakhat (ropui tak) kan put tlân a ni a. A ropui hle mai! Mahse, India khua leh tui te chu thil tih ngei ngei tur mawhphurna pêk vek an ni tlat. Chû mawhphurna chu engnge ni ta le? E le, an ram ‘India’ ropuina tur leh \hatna turin an theihtawp an chhuah tur a ni. Hei hi chu an duh emaw duh lo emaw, a tuk a tuk an ni tlat, hnial theih a ni tlat lo. Hetiang deuh bawk hian, Kristian kan nih chuan ‘Kristian’ tih hming put ve satliah mai hi a ni loa, kan awmna, kan hming put chhan, ‘Krista’ tâna kan theihtawp chhuah hi kan tih tur mâkmawh a ni. Chuvangin, Kristian chhungkua a\anga pianga, seilian ka nih avang maiin Kristian ni tan ka ni loa, Gospel Camping a\anga ka chhuah ni a\anga Kristian ni ta lah ka ni hek lo. Kristian ka nih \anna zâwk chu, kan pian hmain a ni tlat. Engtin maw? Mihringte’n anmahni theihna hmanga Pâ lung an tih awi zawh tawh loh avangin, Krista chuan hrehawm tam tak tuarin, kawng bum boh tak tak zawh chhuakin, keini ho min tlan chhuahna tur leh Pâ lungawina tur chu Kalvari tlângah Kraws lêrah a lo hlen chhuak a. Tichuan, a hnuah chuan Amah zuitute chu ‘Antiokei’ khuaah khân ‘Kristian’ tia koh tan an lo ni ta a ni. Khata\ang khân vawiin ni thleng hian ‘Kristian’ tih hming chu kan lo pu hlen ta a ni. A tawp ber atan chuan, hei hi i hre tlang \heuh ang u. Kan hming put chhan ‘Krista’ hi a ropui êm avang hian Ama duhzâwng anga awm turin englai pawhin i \awngtai \hin ang u. Tin, in \awngtaipui te hi thil \angkai tak a ni asin. ‘Kristian’ kan nih theihna chhan chu Amaha kan awm chauhin a ni. Krista a awmte chu thil tha ti tur atân a siam kan ni si a. “Thil \ha ti atan Krista Isuaah chuan siama awmin ama kut chhuak kan ni si a; chu thil \ha tih chu kan awmna turin Pathianin a buatsaih lawk a ni.” - Phillipi 2:10. Thil lo tisual tawh pawh kan ni mai thei e. Mahse, inchhirna tak tak nêna a hnên lam kan pan leh chuan Anin min lo la ngaidam duh a ni. Amaherawhchu, hei hi hria ila, Pathian hi khawngaihnaa khat a nih rualin, A pawi sawi erawh chuan mihring tawrh zawh chi a ni lo reng reng. “Hawh u, sawichhiat kan nih tawh loh nân, I DIN THAR LEH ANG U.” (A ziaktu hian thu vawi khat min rawn ziah sak tawh a; ICFAI College, Mizoram,-ah System Administrator hna a chelh mêk a, Computer dâwr a nei bawk. Article \ha tak mai min rawn ziah sak a, ngaihdan hlu tak min rawn phawrh sak avangin kan lâwm hle a ni. A sawi ang hian keini pawh Kristaa awm kan ni tih hi hre rengin thil \ha tih hi kan dam chhan a ni tih hi theihnghilh lo bawk ila; chutianga thil\ta titute chu malsâwmna chang fo tu tur an ni, tih kan Pâ vâna mi hian a hai si lo. - Editor)

Vol. XV Issue No. 22

Bangalore Mizo Association Pathianni Tin Chhuak Chanchinbu

ZOFÂTE KHAWVÊL  Josephine Lalramêngi (Jojo-i) debut album ‘I Belh Pawn’ tih chu zirtâwpni tlai khan Vanapa Hall-ah Mining Engineer, Lalhriatrenga Chhangte, Guwahati-in a tlangzarh.  Mizoram chuan Bamboo Industry puitling 10 dâwn lai leh industry puitling chho mek 8 a lo nei ve ta a; Bamboo Charcoal and Vinegar Industry 15 bâkah bamboo industry lama hma lâk chhoh tum, provisional registration nei mi 300 dawn lai an awm tawh a ni. Environment & Forest Minister H.Rohluna chuan Mizoram-in mau hmun a neih 7091.66 square KM a\angin kum khata a thar theih zât chu metric ton maktaduai 5 lai a ni tih a sawi a, metric ton khat zel hi Rs.1000/- chauh pawhin hralh chhuak se Mizoramin kum tin a sum lâkluh theih zat tur chu vaibelchhe 2500 zet a ni dawn, a ti.  Aizawl New Market-a zirtawp zân a\anga inrinni thlenga mahni thlai thar zuartu te tân Trade and Commerce Department chuan \hutna tur hmun a siam thar sak a, tun zirtawp zân a\ang khân tun hma lama an \hutna chung chiaha Police Beat Office awmna building thar tual zawlah an \hut phalsak an ni tawh a ni.  India ramah swine flu vanga thi chu 89 an ni ta a, Chutih lain Falkâwn Referal Hospital-a Swine Flu vei enkawl 2-te chu, anmahni enkawltu, Dr. L.C.Liana hnen a\anga thu dawn dânin, an dam leh tawh avangin chhuah an ni ta..  Lal\anpuia, Mumbai a diploma in fine arts zir zo chuan Mizoramah fine arts school hmasa ber a din/hawng.  Thawhlehni chawhma khân Lunglei Bazar vêng area-ah Mizorama SBI ATM 12-na Pu R.Lalramnghâka, Addl.DC chuan a hawng Notice: BMA AW lâk chhunzawm zêl duh tân leh kan \hiante la duh awm te finchhuah duh tân hetiang hi a lâk man a ni tih kha kan han târ lang leh duh a ni: Thla 01 - Rs.20/Thla 06 - Rs.90/ Thla 03 - Rs.50/Thla 12 - Rs.180/Tin, Advertisement man hetiang hi a ni bawk: 4” x 2½” – Rs.50/4” x 5” - Rs.100/(Bangalore citizen kan nih chhung chuan lâk ngei a \ha hle, kan inpawhna khawg pakhat a ni ve a)

Date: Aug 30, 2009

HRIAT VE MAI MAI ATÂN:

 Pawisa hi lehkha (paper) a siam niloin, lâ (cotton) a\anga siam a ni.  ‘i’ chunga chhut (dot) hi ‘tittle’ tih a ni.  Varak hrâm (quack) ri hi a khâwk (echo) ve thei lo. A chhan tuman an hre loa, theih chuan han chhui chhuak teh.  Chocolate hian ui (dog) thin leh thazâm a khawih buai thei, ui tê deuh phei chuan an thihpui thei hial. I lo duat sual ve palh ange, fimkhur rawh.  Leonardo Da Vinci khân a kut lehlama a duh ang tak a ziah rualin a kut khingkhatin thil a chei (paint) thei. Tum ve chhin teh, thluak sawizawina \ha tak a ni.  ------------------------------------------------------------------CULTURAL ITEMS – Editor/Cultural Secy. Tûn \um chu Kohhran leh Kristianna lam han thlîr ila: Hriat Zâuna: 1986 – Sande Sikul hmasa ber \an kum (Aizawl) 1899 – Mizo Kristian te zinga Baptisma chang hmasa berte baptisma chan kum (Khûma leh Khâra) 1959 – Mizo \awnga Pathian lehkhabu, a kima neih Kum. Mizorama kohhran \henkhat te din kum leh din tu te: Presbyterian (Rev. D.E.Jones & Edwin Rowlands.) – 1898. Baptist (JH Lorrain & FW Savidge)– 1903. Salvation Army (Kâwlkhûma leh a \hiante)– 1917. Roman Catholic (Pu Thangphunga hoin) – 1952. UPC (Zakâmloa hoin)– 1949 7th Day (Lianzuala Silo leh a \hiante)-1946 Jehovah’s Witnes– 1961 Pâwllo Pâwl (Pastor Chhawnluaia)– 1976. Pic. of the week

BMA Football fans leh cheer-leaders te Tûn thla chângvawn:

I Thessolonika 5:16 “Lâwm fo ula.”