Bma Aw: 3rd May 2008

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol. XV Issue No. 5

Bangalore Mizo Association Pathianni Tin Chhuak Chanchinbu

Ka Nu, Ka Lei Angel - Malsawmdawngliana Lailung “Ka lawm lai leh hlim lai hian he hming zahawm hi ka lam fo a, ka mangan chang leh ka lungngaih changin ka lam ngun zawk bawk thin! Mi nute ai a chung chuanna han sawi chiam tur ka hrelo hle mai. Zonu naran ve tak mai a ni a, amaherawhchu a bul a awm erawh a nuam khawp mai. Rilru tawt tak te hian awm ila a bula phawrh chhuah a nuam a, a bulah hian ka chawl ni berin ka hria. Kum riat mi lek ka nih lai hian hunlo takin Ka pa hian chatuan ram min pansan a, kan chhungkua kan hawihai hle. Kan chhungkua eizawngtu ber a awm talo a, engkim ka nu kutah a tla ta, lusun khawhar nen eizawnna dap a lo ngai a, a rilru khatih lai khan a hah ve thin ngawtin ka ring. A hnem tur ber keilah chu naupang mai ka la ni si a. Mahse ka nu hi mahni inringtawk ve tak mai a ni a, a hma chona lian tak chu chheltak a hmachhawn a tum ve hram hram a. Ka pa kha a ngai thin khawp mai a thiante lo len chang hian, "Nupa tang then chu dar sah thlak ang mai in a na an tia, chu ai chuan a na zawk mahin ka hria" ti in. Kan chhungkua vanduaina avang chuan a phun lai ka hrengai miahlo a, "Pathian hian minlo hmangaih em, a hnena nasa lehzual a in tulut turin min duh a nih hi" a ti mai thin. Tichuan, bei nge sei run dung Lunglei kan awmna atang chuan ka putea Aizawl a awm bel turin kan phei thawr mai a. Ani hian sorkar hnuaiah Engineer hna a thawk ve a, rei kanla awmho lo tih chuan missionary turin a inpe leh mauh mai a. Ani pawh hian min kalsan chu harsa a ti ve khawp mai, mahse a kotu chu keini ai in a thuzawkin a zahawm zawk si a, kal lo thei a nilo. Kan awmna quarter kan chhuahsan a ngai a, awmna tur dap a ngai hmasa ta phawt a ni. Mahse Pathian hi a lo tha a ni ang chheltakin ka nu chu a awm tir zel a. "Aw Lalpa thatzia hi temchhin tehreng u" tih kha a thupui a la ni ta fan a. Kei chuan, "Em em a hetiang dinhmun a awmlai pawh a hetiang sawifo chu" kalo ti rilru ve thin. Mahse ka nu chuan rinna in a hmalam chu a dai ve thawr mai a, ka putea missionary a min kalsan hnu chuan hman hman a kan dil hna hmu tawh pawh a kan in ngaihloh chu Pathianin ka nu thawh atan a rawn pe tawp mai a ni. He thu lawmawm kan dawnlai hian lawm vangin lung a chhe duh khawp mai. Ka nu hi a sipai ka ti thin khawp mut hun thawh hun a bi a siam a, sipai takin kan mut hma leh thawh hma chu min tur mai thin. Chhungkaw hlim taka awm duh chuan a thuzawm mai kha a finthlak zawk. Thil a tih reng reng hi a hmanhmawh em em a. Exam nei dawn pawh ni ila a school hawn hma hma hian min tir liam a. Fiamthu in nang hi chu vanramah pawh pawh i awmna tur an sawi hma hma in tlar hma lamah i va kal hmasa ngei ngei ang kan ti thin. A tawngtai hi a bei uluk thei khawp bawk a, Pathian hi

Date: 3rd May 2009

thian ang mai hian a be mawlh mawlh ni berin ka hria. Pawn lamah chhel viau mahse a tawngtai tawh hi chuan a rilru hi a no riau hian ka hria a tap hma thei em em mai hi a chhan chu a ni. Mi hi a han ngaihtuah khawp a tlangval kan nih hnu thleng hian ka len haw har deuhin thiante a lo phone kual vek hman thin a, zahthlak duh khawp mai kan inkhap nasa thin hle. A bulah hian subject leng lo reng reng a awmlo a ka research atanga ngaihzawng leh ka duhthusam thlengin ka sawipui thei thin. Fiamthu duh tak a ni a zanah te hian kan ti ti tui thei khawp a, a chang phei chuan kan tlaivar lek lek fo mai. Ka naupanlai khan mi dil chhut tak ka ni a, a sawi a piang chu zawhna hlir hian kalo chhawn thin. A ninawm duh ngawtin ka ring mahse min vin awm leh min ngaihsakloh awm ka hre miahlo! Zirna avangin hla tak a ka awm chhuah a ngai thin a, ka ngai khawp thin mai a ni pawhin min ngaih thu a sawi ve fo. Ani ka nu chanchin hi nuam ti takin sawi mahila mite tan a lo ninawm hlauh dah ang e, duh tawk dawn ang. A tlangkawmnan ka nu ang em a min hmangaihtu hi khawvelah hian kala hmungailo a. Pathian hian, "khawvelah hian i duh ber ka pe ang che min dil rawh" ti se. Rangtakin "Ka nu" ti in ka chhang ang. Ka lei Angel dik tak a ni a, ka hmangaih a ni.”

( Tv.Malsawmdawngliana Lailung hi Hyderabad ah Ph.D bei lai mek ani a, Bangalore Mizote zingah chuan a mikhual tawh lo hle, hmani lawka Silver Jubilee Seminar a kan resource person 3 te zinga mi kha ani a, a nu chawimawina thu hetianga a han ziak thei hi fakawm kan ti takzet a, Mother’s Day lo thleng mai tur denchhenin BMA Aw ah kan han tarlang ani e.)

Bangalore Mizo nu leh pa thenkhat te – Biakin kawtah – Rev.Dr. Zaihmingthanga hovin thla an la - An hlim hle!

Tunkar Changvawn:

“Krista Isuaah chuan in zain pumkhat in ni si a.” - Galatia 3:28

Vol. XV Issue No. 5

Bangalore Mizo Association Pathianni Tin Chhuak Chanchinbu

Editorial Khawvel kan damchhung ni hi tawi hle thin mah se, nitinin nasa taka kan thawh a ngai a, nitin inchhung khawsak ngaihtuahin leh engtin nge tun ai hian hma ka sawn ang tiin mitin te kan hmanhlel a, zilai te pawn an zirlai ah nasa takin an bei a, hnathawk tu leh inchhungkhur enkawl tu pawn thahnem ngai takin kum za tam dam tur angin he khawvel intlansiakna kawng hi kan lo in zawh fo thin a. Heng buai nuaih nuaih kar ah hian hlimna – midang te’na min hriat pui ve theih loh, hlimna dik takmai chu keimahni tana in vur mai lova, midang te ngaihtuahna, kan mihring pui te kan theih anga kan tanpui hi ani.Kan neih chu a tlem emaw a tam emaw midang te tana nun pekna hian hlimna mak tak mai chhungril ah hian min neihtir a, hlimna thuruk chu a lo ni. Mi tanpui hi hlimna ani tih hi i hrethar le hang u!

MIZORAM NEWS §

§

TUALCHHUNG NEWS v

v

v

v

v

v

v

v

v

BMA silver Jubillee Committee chu Thawhlehni kalta khan Dr. Rini Ralte te in, UTC ah tluang taka neih ani.Chairman Pu. R.L. Rinawma pawh Mysore atangin a rawn phei. BMA Cultural Secretary Tv.Samuel Larozama (Sammy) pawh Devanahalli lam atangin Veng nuam lam , Kamanahalli ah tunkar kal ta khan a insawn. Pi Hlimpuii w/o Pu Adina, Cooke Town chuan naute phir – hmeichhia leh mipa duhawm dun tak karhmasa khan a nei a, May 1 khan damdawiin atangin an chhuak.Kan lawmpui em em ani. Tv.Chhantea C/o Nl.Azaii, Spinal Cord lam thatlohna avanga na pawh a nu leh pa te hnen lamah in enkawl chhunzawm turin naktuk hian Aizawl panin a haw chho ang. BMA GS hlui Pu K.Laltlankima pawh Manipur lam atangin Bangalore ah alo kal mek ani tih thu kan dawng bawk. April 30 zan khan Pi. K. Lalhmachhuani, Chhinga Veng ruang chu Vellore atangin Bangalore ah rawn phurh phei ani a, member thahnem tawk takin a ruang hi lo hmuakin St. John’s Hospital ah BMCF kaihhruaina in amah thlahna hun hman ani.A tuk May 1 khan Aizawl ah phurh chhoh niin, May 2 chhun dar 12 khan Chhinga Veng thlanmual ah vuiliam ani. Pi Chhuani hi kan member Tv. Isaac ( Patea nu u chiah ani.Khawhar chhungte Pathianin thlamuan rawh se. BMA Treasurer Nl.Blessy Sailo pawh tunkar kal ta khan chhungkaw thil pawimawh avangin Aizawl lam ah a haw chho . Kan member Tv. Jonathan Ramropuia , Ejipura pawh tun thawhlehni kal ta khan a beng zai ani a, in lam ah enkawl zui mek ani. I tawngtaipui ang u. Zirtawpni zan khan Tv. Tetea S/o Rev. C.Vanlaldika UTC chu vanduaithlak takin a thianpa Tv.Hruaia nen bike a an chuang lai chu an chesual palh a, Tv. Tetea hi Hosmat Hospital ah a ban ruh leh khabe ruh zai nghal niin, ICU ah enkawl mek ani. Tv. Hruaia erawh vanneihthlak takin a insawh na lo hlauh. Member te’n kan tawngtaina ah i hrereng ang u.

Date: 3rd May 2009

§

§

April 29 khan Lammual khat tlat inkhel entu mipui hmaah Mizoram XI-in second half-ah Lalrochama goal khat thun hmangin Nokia Nigeria team chu sikhat faiin an hneh a, naktuk hian phaituala Mizo footballer chhuak-darh chahkhawm Mizoram All Star team-in African mihangho hi an hmachhawn ve leh ang.Nigerian player-te hi an ruakhau zawk a, an chak a, an che a rang bawk a, an passing leh movement pawh a pangngai deuh zawk, mahse, Mizo footballer-te hian home advantage hre reng chungin mihang khansang zawkte hi ngam takin an hmachhawn a, an hlau bik lo a, an tumpuite kha team hrang hrang atanga attacking player pawhkhawm ni mah se Mizoram team hian an lama goal lut tur an hum tluan thei. Bus chuan zak ve lo ; Dr LUKE ten thalai leh naupang an vei.An guitarist Mamuana te In, Leitan lamah hla an zir thin a, veng hranga awm an ni a, demand channel-a an lan ngun deuh avangin mahni puala lirthei neih ve nghal an tum ngawt lo. Leitan lam panin city bus-ah an chuang chho vawk vawk thin a, an zak lem lo. ‘Bus chuan hi kan zak ve lo," an ti. DrLUKE hian Pathian rawng bawla ke an pen ve theihna kawngah child evangelism lam an ngaipawimawh hle tih an sawi a, "tleirawl rual inkhawmnaah te chanvo kan nei ve nual tawh a, nuam kan ti thin hle," tiin hahipin an sawi a! Naupang leh tleirawlte bula ‘A chanchintha’ puan zel chu an duhthusam a ni. World Cup Women Hockey lo awm tura India team-a tel tura thlan Mizo nula Lalremruati, Saitual chu chhan tha tawk awm lova squad atanga paih a nih hnuah dahluh leh a ni.Hemi chungchangah hian Mizoram sports minister Zodintluanga chuan Union sports minister Dr. MS Gill leh Indian Women Hockey Federation president Vidya Stokes te hnenah Lalremruati hi chhan tha tawk awm lova thlauhthlak tumna a awm nia a hriat thu thlenin hemi chungchangah hian inrawlh turin ngenna a lo thlen tawh a, kar hmasa khan Lalremruati hi squad-ah hian telh leh a nih thu dawn a ni. Chief minister Lal Thanhawla chuan chiang takin Mizoram Liqour Total Prohition Act hi hlih a duh tih sawi lo mah se a tawngka atang chuan he zu khap burna dan hi a hlawhtling lo va, tha pawh a ti lo niin a ngaih theih.Zirtawpni kal ta a thuthar lakhawmtute a kawmnaah chief minister chuan zu khap burna dan chungchangah hian ngaihtuahna tak tak an la seng lo niin thuthar lakhawmtute zawhna a chhang a. Mahse, "Min nawrtute pawh hian a hlawhtlin tak tak an ringin ka ring chuang lo va, Kristian ram nih avanga tum ve hrim hrim hi a ni mai," tiin zu khap burna dan chungchang hi a sawi. Hmun dangah pawh zu khap burna dan hi a hlawhtlin ngai loh thute a sawi bawk.Hetih rual hian chief minister chuan he dan hlih leh hlih loh chungchangah chuan a nawrtu kohhran te bakah tlawmngai pawl lamte pawh rawn an nih tur thu a sawi.Chief minister chuan zu khap burna dan hman avang hian zu in mite an dam rei ta lo niin a sawi a, "Puam pawh an puam hman tawh lo," tiin, tun hma chuan zu in mite chu an hmai a puam a, an mawng a dep a, chumi hnuah an thi thin tih a sawi. Tunlaiah erawh chuan Rangvamual atangin an zu in haw lam accident-in emaw zu chhe in avangin an thi tawh zawk a ni, a ti.Zu khap burna dan hian misualte tan kawng a hawng, tiin chief minister chuan a sawi a. Ramdang miten zu zawrh eizawn nan an rawn hmang nasa niin a sawi bawk.Miretheite’n zu khap burna dan chu an tuar nasa ber niin Lal Thanhawla chuan a sawi a, mi hausa leh awm theite chuan an tuar lo thung niin a sawi. "An tuar thlawt lo a ni," a ti.

Vol. XV Issue No. 5

§

§

§

Bangalore Mizo Association Pathianni Tin Chhuak Chanchinbu

Chief minister Lalthanhawla chuan Rev Chanchinmawia thih dan CBI chhui tir turin hma an la mek niin a sawi a. Hemi chungchangah hian chief secretary chu CBI director be turin an ti a, ani hian biak pawh a be tawh nghe nghe niin a sawi. CBI hian an lo chhui tawh chhui nawn chu an hreh deuh a, chief secretary-in a lo dawr zui turin an dah niin a sawi. CBI hian an chhui duh ta lo a nih pawhin chhui that leh dan chu ngaihtuah tho tur nia a ngaih thu chief minister chuan a sawi bawk. Advocate senior SL Thansanga chuan Exodus chang pakhat Mizo tawng Bible lehlin thara an thu hman dan chu a dik lo nia a hriat avangin, hemi duhloh lantir nan hian tukin khan he thu inziahna Exodus bung 20, chang 7-na zawn chu a hal. Mihring rilru a chhe lam zawnga hruaisual thei, mipat hmeichhiatna hman khawlohna film hrang hrang, dan loha zawrh te chu police ten an man zel a, hetihlai hian mobile phone sex video thehdarh anih chungchangah man an la awm rih lo.

§

Lelte Awards 2009 Result puan ani ta -

1. Singer of the Year (Female) : Josephine Lalramengi 2. Singer of the Year (Male) : C.Vanlalsanga (C.Sanga) 3. Gospel Singer of the Year (Male) : Valalsailova 4. Gospel Singer of the Year (Female) : Bethsy Lalrinsangi 5. Song Composer of the Year : Biakdika (L) 6. Lifetime Achievement Award 2009 : H.Lalchawimawii 7. Album of the Year : ‘Zaia Chawi Ka Nuam E’ -Remkimi Cherput 8. Album of the Year (Gospel) : ‘Amen ! Silfai Ka Ni’ -Lalremruata 9. Music Video of the Year : ‘Tlanglam Zai’ -Ramhlun North Branch YMA Zaipawl. 10. Music Video of the Year (Gospel) : ‘Finna Rohlu Krista’ -Durtlang YMA Zaipawl 11. Choir of the Year : Ramhlun North Branch YMA Zaipawl 12. Band of the Year : Dr Luke 13. Traditional Singer of the Year : Lalsiamthara 14. Musician of the Year : Nghilhlova (Drums) 15. Entertainer of the Year : K.Lalngaizuala 16. Album Cover Design of the Year : Zoramchhani (Aw Khawngaihtu Pathianin) 17. New Artiste of the Year : Josephine Lalramengi 18. New Artiste of the Year (Gospel) : Lianzuali 19. Song of the Year : ‘Amen ! Silfai Ka Ni’ Sang & Composed by Lalremruata 20. Music Promoter of the Year : M/S RC Khuma VIP Tailors Jeffrey Khara - Saiha 21. Writer of the Year : K.L Liana 22. Best Article of the Year : ‘Saron Parmawi A Vul !’ by KL Liana 23. Special Award : 1.F.Lalengkima, Conductor, Ramhlun ‘N’ Br YMA Zaipawl 2. Rosangliana (Zo-Rock) - Shillong 3. Kristian Lalmuanpuia 24. Most Promising Artiste : Zonunsangi Hnamte (Kuri), Mamit 25. Chibil Award : Hmar : Lalnunsang Zote (Haflong) Thahdo (Kuki) : Ngaineilhing (CCPur) Mara : S.Siamkungi (Saiha) Paite : Vungthiankim (CCPur) Lai : K.Lalthanpuii

LAWRKHAWM Ø

Nagaland sawrkar-a addl. chief secretary hna chelhtu Lalthara, IAS, chu April 30 khan Nagaland chief secretarya lakluh a ni a. Chief secretary kal chhuak ta Lalhuma IAS, a thlak a ni. Lalthara hi 1975 IAS-ah lutin Nagaland cadre a ni a, IAS a nih a\angin Nagaland-ah ngar ngar a la awm a. Kohima Mizo Kohhran-ah kawng hrang hranga hmalatu niin, 2007 Presbytery Shillong-a neih tum khan Presbytery

Ø

Ø

Date: 3rd May 2009

Member (Kohhran Upa)-ah nemngheh a ni. (Courtesy Evening Post) Hmeichhiain phone an hmang nasa tih chu thuthar a ni lo va, zirchianna pakhat chuan hmeichhe pakhat hian a damchhung hian kum li vel chu phone-a mi biak nan an hmang niin a sawi.UK-a zirchianna neih chuan hmeichhe pakhat hian a dam chhungin phone vawi 288,000 vel dawng angin a chawhrual theih a, chu chu darkar 42,000 vel hu niin kum 4.75 vel ang a ni.Mipa hi chuan chuti lutukin phone hi an hmang nasa lo zawk a, an damchhunga phone an dawn chawhrual hi 277,000 vel niin darkar 28,500 vel a ni a, kum 3.25 ang vel a ni.Zirchianna hi phonepiggybank.com tana neih niin Britain-ah rau rau pawh hian London hmeichhiate chuan phone hi an hmang uar leh a, chawlhkar khat chhungin darkar 14 leh minute 16 vel an hmang a ni. Hmangaihna hi chu rimah pawh a ni.Perfume lam pawh a ni ber lo. Mihringah hian ‘love hormone’ an tih hi a awm a, chu chu oxytocin tiin an sawi thin. Nuin a fa a hmangaihna leh nupa inkara hmangaihnate pawh hi chuta tang chuan a rawn intan a, hmel hriat ngai loh ngainatnate pawh a lo chhuak thin niin mithiamte chuan an sawi.Miin oxytocin rim a hriat zuai hian hmelhriat ngai lohte an ngainat phah thin niin mithiamte chuan an sawi a. Chu oxytocin chu thisena a kal hian hmelhriat ngai loh pawh a tha zawngin kan hmu thin, tiin Angeliki Theodoridou, psychologist, University of Bristol, UK chuan a sawi. Ani hi oxytocin chungchang zirchiannaa a khaipa ber a ni nghe nghe.Zirchiangtute hian mipa leh hmeichhia 96 an zirchiang a, he zirchianna atana an hman zinga oxytocin rim hre fuhte chuan a rin neitute chu an ngainain an ring bik thin tih an hmuchhuak.Oxytocin hian vantlangin mi an hmuh dan chungchanga nghawng a neih dan erawh chu zirchiangtute hian an zir tel ve lo va. Mahse, Theodoridou chuan oxytocin hian mi nel lohna lo chhuah laia thluaka che vel nasa ber amygdala an tih chu a dang bet thin nia a rin thu a sawi.Theodoridou leh a thawhpuiten an zirchiannaah chuan oxytocin hna thawh dan hi mipa leh hmeichhiaah a danglam lo va, mahse, hmangaihna chungchangah thutawp siam tak tak dawn chuan mipa leh hmeichhia chu an danglam hreta a rin thu Jennifer Bartz, psychologist, Mount Sinai Medical School, New York chuan a sawi.

Lawmthu Sawina Kan nu duhtak K.Lalhmachhuani’n April 29 , 2009 a CMC , Vellore-a min boralsan tak hnua Bangalore lam atanga kan rawn hawpui tak chungchang ah ; Bangalore Mizo Mipui te thatna leh khawngaihna kan chungah a lang nasa hle a, kan beisei leh rin phak bak Bangalore Mizo te in lo kalkhawm a, zan rei leh hmun hla sawi lovin khati zat mipui lo kalkhawm kha phulo kan intih rualin kan lawm takzet ani. Kuang mawi tak mai, kan duhthusam ngei min lo buatsaih sak te kha kan lawmna tizualtu ani. In thatna leh min tawngtaipuina te keini chuan kan rul seng dawnlo, mahse Pathianin a let tam takin a rul ang che u tih hi kan tawngtaina leh duhber ani e. Inkhawngaihna dawngtu Lalawmpuii te unau Chhinga Veng, Aizawl.

Vol. XV Issue No. 5

Bangalore Mizo Association Pathianni Tin Chhuak Chanchinbu

BANGALORE-A AWM TUMTE TANA HRIATTUR Bangalore-ah hian zirna kawngah leh sawrkâr leh company hrang hrang-ah te, eizawnna kawng chi hrang hrang te a in hawng zau zel a. Hetianga eizawnna leh zirna sâng zawk hi mimal leh chhungkua mai nilo, kan ram hmasawn zelna atan pawh thil pawimawh tak a ni a. Mahse, chutiang chu a nih laiin, thil fello tam tak a awm thin mai bakah, buaina tawk tam tak an awm thin tak avangin hna zawngte leh zirna sâng zawk umtuten kan hriatchian tûr thil tam tak a awmin kan hria a. Chuvangin, Bangalore-a zirna leh hna zawng tuten buaina leh harsatna kan tawh loh nân Bangalore Mizo Association chuan heng a hnuaia hriattur pawimawhte hi kan târlang a ni. 1.

Mizoram State pâwna zirna zawngte tân Mizoram State pâwn atangin Mizoramah Zirna college/institution puitlinglo thenkhat ten brochure lem te hmangin Mizo zirna zawngte an bum thin a. Zirna hmun an thlenin an sawi ang leh an hrilh ang alo nilo leh thin a, Mizo zirlai thenkhat ten buaina an tawk thin. Chuvângin, heng laka kan fihlim theih nân, heng a hnuaia kan târlan te hi hriat ngei a tha: 1.1 Zirna institution chu eng ang affiliation nei nge a nih tih hriat chian tûr. 1.2 Institution address-te chiang taka hriat tûr ani. 1.3 Institution chuan eng subject nge on offer a, eng subject combination nge an neih. 1.4 Institution chuan hostel tha leh him a neih leh neih loh hriat hmasak. 1.5 Institution tak tak awm lo, handout leh brochure siam chawp hmanga mi bum thin an awm tih hriat a tha. 1.6 Bangalore Mizo Association hotute thurâwn lak ngei a tha. (Bangalore Mizo Association website ‘www.bangaloremizo.info’ ah zirna hmun thate pawh tarlan a ni a, zawhna zawh theih a ni e.) 2.

State pâwna hna zawngte tân Mizoram pâwn atangin company thenkhat chuan Mizoramah AGENT te neiin, hnathawh tur an zuar a. Mizo thalai thenkhat thil chinchang hre chiang vak lote leh fimkhur dan hrelo zawkte an bum ta nual mai. An thawh tur an tiam ang lo ni leh tak tak si lote, hna tha tak anga in kawhhmuh si; himlo tak tak te pawh a awm thei a ni.Mizorama hna zuar te, Admission Agent te ngampa taka lokal thinte hi uluk deuh zawk a lo finfiah ngei tur ani. Tunlaiin Human Trafficking lamah mi an huaisar em em avâng leh mi tam tak inbumna a awm thin avangin, mipui leh khawtlâng hruaitute pawhin hetiang lamah hian beng kan chhit deuh pawh a ngai hle a ni. Hetiang inbumna hrang hrang awm thei lakah hian Mizo mipuite fimkhur turin kan ngen a che u. 3.

Inluah Chungchâng Zirna leh hnathawka Zoram pawna lokal nula leh tlangval inluaha khawsa an thahnem viau mai a. Heng zingah hian nupa pawh ni silo, inngaizawnga inluaha awmdun an awm nual ta mai te pawh hi a fel lo khawp mai a, hetiang lamah hian Nu leh Pa ten kan fate awmdan leh chanchin kan ngaihtuah zui a kan thlithlai zui thin ngei a ngai a ni. Bangalore-ah hian hnamdang, sakhaw dang bia, conservative society kara awm kan ni bawk nen, hetianga khawsa te hian Mizo hming an tichhe thei a ni. A hmunah kan tlawh theilo a nih pawhin midangte kaltlang talin an khawsak dan chiang taka hriat a tha a ni. Chutiang ti ngei tur chuan nu leh pate kan beisei nghal bawk a ni.

Date: 3rd May 2009

( Hriselna Huang ) World Health Organisation (WHO) chuan Mexico atanga intan hri leng sawi nan vawk hri (swine flu) tih an hmang tawh dawn lo.Vawk hri ti lovin “influenza A H1N1 flu” tiin an sawi tawh dawn niin WHO thupuangtu Dick Thompson chuan nimin khan a sawi.Khawvel ram hrang hrang leh ransa buaipuitu pawl hrang hrangten vawk hri tia sawi an sawisel avangin WHO chuan vawk hri tih hi an hmang tawh dawn lo niin Dick Thompson chuan a sawi.World Organisation for Animal Health chuan hri leng hi vawk natna bik a ni lo va, mihring, arva leh vawk natna inchawh-pawlh a ni, tiin a natna hmingah pawh North American influenza tih a rawt a ni. Hei hi hri leng hming atana a lo chhuahna hman a nih thin vang a ni. Spanish flu, 1918-1919, AsiaN FLU 1957-1958 leh Hong Kong flu 1967-1968 te pawh hetiang zawng hian a hming vuah a ni.India pawhin vawk hri tihtur nge Mexican flu ti tih tur a ngaihtuah mek.H1N1 hi Spanish flu nen a inang hle a, chuvangin mithenkhat chuan kum 90 chhunga hri leng hlauhawm ber a nih theih hial an ring a ni. Spanish flu avang hian mi maktaduai 50 vel 1918-1919 khan an thi a, hemi hnua hri hlauhawm ber a nih an ring a ni.Tunah hian 13-ah H1N1 hi a awm tawh nia sawi a ni. Europe khawmualpuiah ram parukah he natna hi hmuh ni tawhin Netherlands a parukna a ni. Hri leng hi a darh chak em avangin WHO chuan ram hrang hrangte chu inbuatsaih lawk turin a chah mawlh mawlh a ni.India ram pawh hri leng hian rawn thleng tawh nia sawi a ni a. Hri leng hmuhna Texas-a awm India mi pakhat, a chhungte nena rawn haw chu hri leng kai nia rinhlelh niin test result nghah mek a ni a. Sorkar lam chuan H1N1 kai a nih an rin loh thu uar takin an sawi. Hriattirna Silver Jubilee ESSAY ZIAK LEH HLA PHUAH IN ELNA : Essay thupui -“ Zofate hmasawnna zinga langsar zualte” tih a ni a, Hla inphuahsiak thupui atan “Zofate hmasawnna lam hawi” chi reng reng a ni thung. Essay sei zawng hi thumal (words) 1500 aia sei lo ni tur a ni. Hla (poem) sei dan hi chang 3 leh thunawn a ni thei ang.Essay leh Hlaphuah atan lawmman a hran ve vein: Cash prize : 1st prize Rs. 2000/- Second Prize Rs. 1500/- third prize Rs. 1000/- a ni ang. July 15, 2009 hmain . Pi. Lalrinpuii, H.no. 90, 17th B-main road. 5th block. Koramangala, Bangalore-560 095. Kanataka ah emaw a soft copy thawn duh tan [email protected] thawn theih a ni.

QUOTE OF THE WEEK Give the world the best you have, and it may never be enough, Give your best anyway. For you see in the end, it is between you and God, it never was between you and them anyway. - Mother Teresa

☺ Hahaha ☺

(He thu ngai vek hi Zofate’n an lo hriat zau zawk nan BMA chuan Media hrnag hrang kaltlangin a theh darh mek a, keini Bangalore-a awm mek te tan pawh thil hriat ngei tur anih avangin kan han tarlang ani e.)

Editor: Thaarie Hnamte – (Mb) 9886145877 Jt.Editor - Madawnga Hauhnar Cir.Managers – R.Lalremruata, Amos Lalremtluanga & Sawmtei Khawlhring Email:[email protected] / www.bangaloremizo.info I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

BMCF INKHAWM PROGRAMME DATE: 10.05.2009 Hruaitu : Pi Saibuangi Tantu : Tv.Amos Lalremtluanga Thawhlawm hlan : Nl.V.L.Chhuani Thusawitu : Rev.P.C. Lalduhawma Special Number : Nl.Gospel Lalhmingmawii