Bma Aw: 4th May 2008

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 17 Bangalore Mizo Association Pathianni Tin Chhuak Chanchinbu Date: 4th May 2008 Phek Khatna

BMA Sum tuakna Ball Pen man tlawm tak takin lei theih a ni e. Member-ten i lei chur chur ang u le. Kan tana tangkai, BMA sum hmuhna tur ni bawkah hian thahnem i ngai tlang ang u khai. % BMA Membership Form kum 2008 – 2009 chhung atan lakchhuah theih reng ani a. Form hi August ni 31 hma a thehlut leh chhin ho chauh BMA directory thar ah an lang dawn ani. Member ten ngai pawimawh teuh ila, lo kal thar kan thiante leh naute pawh i han in hrilh hre zung zung teh ang u. % Kan hmalawk a inthlan lo awm tur avang hian Bangalore University hnuaia College thenkhat te chuan thlakhat chhung vel chawlh an nei dawn a, hemi avang hian zirlai thenkhatte chu Mizoram lamah an ho chho hlawm a, kan editor pawh tunah Aizawl lamah a ho chho ve a, May thaltawp lamah alo chhuk thla leh dawn ani. % Zirna kum thar a intan chho mek a. Mizoram lam atang pawhin zirlaite an rawn chhuk thla mek zel a. Zirlai rawn kal tharte kan lo lawm che u a. Bangalore Mizo Association thil tihnaah leh Mizo khawtlang tana mi tangkai tak in nih kan lo beisei reng a ni. Member lo awm nghet tawhte pawhin member lo kal tharte lo chiau au thiam ila, kan theih ang tawkin lo tih tlangnel i tum theuh ang u. BMCF Inkhawm Programme 11 May 2008 Mother’s Day

Hruaitu: Pi F. Lalrotluangi Tantu : Nl. Zonunmawii Colney Thawhlawm hlanna: Pi. Laltanpuii Special Number: Tv. Thanghmingliana Thusawitu: Pu R.L. Rinawma

Thalaite leh tunlai Khawvel Hun leh kumte an lo inher liam zel a, hlimni leh lawmni te pawh zamual an liam ni chuan, kan va ngai dawn em kan that lai hun hi tichunga ngaihtuahna ka sen malh malh laiin kei leh ka thalai puite hian tunlai khawvel tuifawn ah hian a eng hawi zawngin nge kan fawn tihchuan ka ngaihtuahna alo la peng vat a. Zirlai thenkhat ten theihtawp chhuaha an beih laia, thenkhat ve thung hmahun dawn lek lova mahni nuam tihzawng um a tlan te, thawhzawh hmanloh hlau reng reng a a chhun a zana phe buaite leh ram leh hnam chhan nana hun leh ngaihtuahna seng te tuifawn anga min len dual dual naah hian kan dinhmun theuh hi kan in enfiah a tul tak meuh meuh ani. Khawvel alo changkang zel a, thiamna leh finna in ro a relna khawvel ah hian thalaite nun khawih danglam thei thil tam tak alo chhuak zel a, thatpui leh hmingthan pui theihna tur thil tam tak a awm rualin chhiatpui leh riralna khura min hruai thei thil tam tak a chhuak zel bawk. Hetiang anih avang hian thalaite hian kan nitin hun hman danah uluk zawk leh awmze nei zawka hun hman dan kan ngaihtuah fo a tul ta ani. Mihring kan in anglo ang bawk in thiamzawng leh nuam tihzawngte a inang lo a, khawilam hi nge tha a khawilam hi nge thalo tih han pawng sawi ngawt theih lah ani hek alo. Amaherawhchu kan thiante tihdan anga tih ve ringot te, kan thiante zir ang zir ve rigot te hian kan hmahun a khuanu in rem minlo ruat sak kha kan bawhpelh thei tih hria in, mahni thiamzawng leh tuina lam kan ngaihtuah a chumi phena taihmakna lo awm kha chharchhuaka hlawhtlinpui tur a nasa taka beih hi keimahni mai bakah, kan chhungkua, kan ram leh hnam dinchhuahna bulpui tur anih tih I hria ang u. Tunlai ah thalaite ngaihtuahna leh rilru sukthlek khawihthei thil zingah heng in elna thianghlim tak zaia in elna chi hrang hrang kan media lam ten an buatsaih thinte hi a tha e. Amaherawhchu, zirlai hmasawn zel tum tan erawh chhuan kan tihve loh tur zingah telh ila, nu leh pate pawn hetiang kawnga mahni fate inzirtir hi uar ta deuh deuh ila a duhawm hle. Tin, infiamna lamah pawh zirlai kan nih chuan tihchin nei ila, mahni ei zawn na tak tak atana hman kan tumte anih loh chuan hun leh tha khawral na mai anih tih hi I pawm tlang ang u. Hnathawk a awmte tan pawh mahni thawhchhuah mila khawsak thiam hi mite min ngaihsan na tur leh keimahni pawhin a puitlin lamtlaung zawhna ani tih hria in, it zawng leh tha tihzawng ringawt te um lo ila, kan thiante kan thawhpuite hak ang leh tih angte ti velo ngam ila, tichuan kan ram kan hnam hi mite mit hmuh a mawi leh zahawm ah kan siam ve thei dawn ani. A tawp berah chuan khawi hmunah pawh awmin eng hmunah pawh thawk/zir ila, rinawmna leh tlawmngaihna hi vawng nung zel ila, kan nitin nunna hmasawn zel hi thiamna (education) in a ken tel ani tih I hre thar leh theuh ang u.

Vol XIII Issue No. 16

Bangalore Mizo Association

Editor Lalengzuala Ph- 9972 235 314 Joint Editor C. Lalrinfela Ph- 9844 783 282 Circulation Staffs: Ruby Lalremruati R. Laltleipuii

E-mail: [email protected] Website: www.bangaloremizo.info A man (thla thum) : Rs. 60/Editorial Mi bulah kan awmin Mi tupawh mai hi mahni a kan awm chuan hun a reia, khua a har zual. Chuvang chuan mi in kan bulah awm nuam tise kan tih chuan mi bula awmdan kan uluk ve a ngai ani. Mi bulah I awmin mi thusawi ngaichang ve thin la, mahni hriat zawng zawng leh rindan zawng zawng phawrh vek kher hi kan bul ami te tana hnawksak nihmai theina awlsam tak ani tih hrait a tha. Tin, midang thusawi laklawh lai a lo inrawlh ve chhen te, a hun leh hmun ngaihtuah lek lova fiamthu ringawt sawi ching mite hian mi ngaihnep an hlawh hma hle. Tin inkawm khawm na hmunah midang thusawi ngaihthlak ve thin a, an tuizawng leh hriat zawngte sawi pui tum hi mi nelawm zia ani a. I hmelhriat loh bulah I awm in biak hmasak chin hi mi vengva tih dan ani a, aia upate hawih hawm taka biak hi mi puitling zia ani. Contd… Ka pa, tunah chuan ruihhlo khawvel ka chhuahsanna pawh kum 6 a lo tling ve ta a, hna te pawh ka phak tawk ka hmu ve tawh a; tin, kohhran leh khawtlangah pawh ka theih tawkin tha ka thawh ve thin a, ka hlim ve thin asin. He khawvel hausakna hi engmah neih ka nei chuang lova, harsatna leh buainain min kiansan hek lo, mahse keimah leh ka thlarau hi a hahdam em em mai a ni, chu chu khawvela sum zawng zawng hian ka thleng phal lo asin. Ka pa, he lehkha ka ziah lai a ka rilrua lo awm ta chu, huat loh tur zawk, nangmah ka lo hua che kha ka lo ti dik lo hle a ni. Nangmah ni lovin ruihhlo kha haw tur ka lo ni. Pa, khawngaih takin min ngaidam ang che aw. Pa, You are my Father, my HERO.

Pathianni Tin Chhuak Chanchinbu

Date: 4th May 2008

Phek Hnihna

MY FATHER MY HERO Sebastian (LENGZEM.INFO) Ka pa, vawiin chu maw inkhel tura min hruai thin lai te kha ka ngaihtuah a, nangmah anga inkhelh thiam ve tura min duh êm avangin, ka peih lo chung chung zing hma tak takah te min kai thovin, in practice-naah te min hruai thin a nih kha. Tournament-ah te in han inkhel a, tang lutukin ka lo au ve vak vak thin a, chutah in inkhel zo a, in han chak ngei a, i koki-ah min hlang kai a, in lawmman (Cup) lâk min kentir a, min lâmpui thin a nih kha. Tum khat pawh Best Goal Keeper lawmman i dawng a, min awrhtir nghal a, a zanah pawh ka phelh phal lova, ka mutpui nghe nghe a nih kha. I la hria tiraw, pa? Khatih lai khan ka va chhuang che in, ka va ngaisang thin tak che em! Engkima ka HERO chu i va han ni chiang thin em. Ka pa, khatia ka chhuan thin em em lai che leh ka ngaihsan thin em em lai che khan ka van hlim thin em, mahse engtik emaw lai atang khan Zu in i ching tan ta a. Ka va han lungawi lo tak em, kei chuan ka HERO zu ruia a awm kha ka haw em em mai a ni. Khawi hmunah pawh inzui thin kha, i ruala chhuah ka duh ta ngai lo va, kan inbe ngai ta mang lo a nih kha. Tin, kan School pumpuia pakhatna ka nih tuma, lawm avanga i mittui tla zawih zawih kha ka hmu ru reng asin, mahse ka hnaih duh chuang lo che a nih kha. Subject zawng zawnga ti tha ber leh Best Student ka nih kha ka lawm lo a ni lo, nangmahah khan ka lawm tlat lo a ni. Khami tûk mai khan Promotion i hmu a nih kha, tunah chuan Officer i ni ta, ka va hlim si em, Uniform i hâk chhuah hmasak ni ber pawhin hun rei tak, ka tih tawh ngai loh i bana kai chungin kan chhuak dun a nih kha tiraw. Ka pa, Officer i nih takah kha chuan hmana ka HERO kha a lo lêt leh ta-ah ka lo ngai a, mahse zu khan i nunah hmun ala chan tlat avang khan ka thin i va han tirim tak em! Ka haw ta em em mai che a nih kha. Tichuan, hostel-a ka luh dawna, “Lo in chibai ve ila” i tih bâk kha kan inbe leh ta lo a nih kha. Hostel-a ka luh hnu rei vak lovah kan Guardian in damdawi ina i awm thu min rawn hrilh a, a zan a zanin, in lam panin kan tlan haw nghal a nih kha. Mahse maw ka pa, ”Pa, ka lo haw a sin” ka han tih khan min chhang tur i awm ta si lo, a va na em! Ka pa, i thianten i uniform an haktir lai che hmuh hrehawm ka tihzia kha, keima hriat tawk lekin “Pa, Get Up. You’re an Officer” ka ti a nih kha. I thiante, i inkhelhpui thinte ho an lo kal a, mipui lo kal khawmte an reh thap a, zah takin salute an pe thak thak che kha thil ngaihthlak nuam leh hmuh nuam a va han ni lo tak em. Ka pa, khatia min kalsan ta mai kha i duh vang renga min kalsanah ka ngai a, ka thin i tirim a, ka haw ngawih ngawih thin che a ni. Chutichuan ka rilru dam nan, ka ti pawh a ni mai thei, eng vang chiah nge ka hre ta lo, zu ka in ve tan ta a, mahse ka khawharna erawh a hnem chuang lo. Zu mai chu duh tawk lovin, ruihhlo dangah ka lût ta thuai a, rei lo te-ah mi zawng zawng hmuhsit addict ka lo ni ta der mai! Ka pa, i fapa a lehkha thiam theih vanga i chhuan thin em em kha, zir zawm thei lovin a insiam ta a nih chu! Thiam ve tura i duh em em Inkhelh ai chuan in khelh ka lo thiam ta zawk a, a khelh a khelh chu sawi loh a en tura kal pawh ka peih ta lo, pa, i fapa hi hmu ve la chuan i lainat ve ka ring thin asin. Mahse maw ka pa, khatia hrehawm taka ka awm lai khan mi pakhat ka tawng fuh hlauh mai a, ani chuan ka hrehawmna ata chu min chhanchhuak ta asin. Ani chuan mite angin min hmusit ve ngai lova, ka hrehawmnate min tawmpui vek a, engtik lai mahin min kalsan ve ngai lo. Tuna he lehkha ka ziah lai pawh hian ka mittui tla, kut tel lovin min hrûk hulsak asin. Contd…

Vol XIII Issue No. 14

Bangalore Mizo Association

Bangalore Chanchin % Vawiin ah alum lai berin 36oC a ni anga, a vawh lai berin 23oC ani dawn ani. Karleh lam hi chuan boruak lumlam in zia awm lam apan tur a rin ani. % Sonia leh PM lo zin dawn. Kan hmalawka inthlan lo awm tur chuan ram hruaitu te meuh a sawr chhuak ta. Sonia Gandhi leh Prime Minister Manmohan Singh te chuan Campaigne hna thawk turin karleh hian Bangalore ah an lo zin dawn ani. % II PU Result chhuak. May 2 zirtawpni chawhnu lama tihchhuah II PU result chuan kum dang a phalo hle a, pass percentage chu 41.31 chauh a ni a, arts lamah 36.21 niin commerce ah 54.79 ani a, science ah erawh 41.26 ani thung. Zirlai pass percentage tlak hniam chhan chu exam pattern thlak vang niin PU Commissioner S.G.Hedge chuan a sawi. Class X (SSLC) result pawh vawiin tlailam hian internet ah entheih tura ruahman ani. Mizoram Chanchin % Tui metre chungchangah sorkar khing turin Consumers' Union inpeih. Mizoram Consumers' Union (MCU) chuan tui metre vuah leh a kaihhnawiha mipuite'n harsatna an tawh chungchanga sorkar an lo dawr tawhnain awmzia a la nei lo tih sawiin court-a sorkar khing turin an inpeih tih zirtawpni khan Aizawl Press Club-ah thuthar lakhawmtute an hrilh. Hemi chungchangah hian MCU hruaitute chuan Mizoram sorkarin tui connection-ah metre vuah a tum tih an hriat veleh kaltlangpui lo turin thuneitute an ngen nghal tih an sawi a, 1998-a ngenna an thehluh bakah 1999 pawh khan an thehlut leh niin an sawi. MCU hruaitute chuan Standard of Weights & Measures Act leh Rules te'n a sawi angin tui connection-ah metre vuah a nih dawn chuan engtik lai pawhin pipeah hian tui a khatin a awm reng tur a ni, an ti bawk.ZAWLBUK.NET %Zirtirtu nawrh vangin sikul kai lo.

Pathianni Tin Chhuak Chanchinbu

Mizoram Secondary School Teachers Association (MISSTA) chuan Mizoram sorkar laka an thil ngiat tihhlawhtlin a nih theih nana April ni 28 atanga sikul an kal loh avangin zirtawpni thleng khan Mizoram puma sorkar sikula lut high school zirlai naupangte chuan school an la chawl. Nikum lam atanga MISSTA-in an lo nawr tawh post siam thar chungchang leh an thiamna mila hlawh pek chungchangah sorkarin a lo tiam tawh leh, education deptt. pawhin tihfel tul ang ang a tihfel tawh chu tun thlengin an la hmu thei lo niin an sawi MISSTA hruaitute chuan an sawi. Mizoram sorkar hian April ni 15, 2008 thleng nghak tura a tih hnuah pawh a la tihpuiltin loh avangin sikul chawlh hian an nawr zui ta niin thudawn a ni. "Nawr phawt loh chuan an kal thei si lova," tiin MISSTA hruaitu pakhat chuan a sawi a ni.ZAWLBUK.NET %Mamte-ah ruang chhar. Zirtawpni zing dar 4:30 vel khan Hrangvunga (36) h/o Lalramthangi, Mamte chu ramhnuaiah thia chhar a ni a, a bekah silaia kahna hnuhma a awm. Hrangvunga hi a thianpa Laltlawmlova nena ramhnuaia hnathawka riak an ni a; Laltlawmlova sawi dan chuan April 30 khan zanah ramvaka chhuakin an kal hrang a, Hrangvunga hi a haw ta lo a ni. Hrangvunga hi May ni 1 khan zawn nghal niin thudawnna chuan a sawi a, ruang chhar a nih veleh thil awm dan chhui zui turin Lunglei police te chu a hmunah an kal nghal niin a sawi bawk. He thilah hian rinhlelh man an la awm lo.ZAWLBUK.NET % Durtlang Damdawi In bual inah naute chhar ani. April 29 han Durtlang Damdawi In Casualty bualin ah naute pianghlim chhar ani a, nurse duty te’n naute tap ri an hriat chu inthiar tur a kal nurse pakhat chuan bualin ah pawnchhe huha lo inkhuh naute chu a chhar ta ani. He naute hi an chhar hlim chuan tunge a nu tih hriat a ni lo a, casualty a duty te chuan naute nu awm an zawn hnu ah a hma lawka pum nat vanga casualty rawn pan kum 16 Class-X zirlai, Aizawl tlak

Date: 4th May 2008

Phek Thumna

lam hostel pakhata awm Durtlang tleirawl ani tih hriat chhuah ani. He zirlai hi a rai tirh atangin mi hriat hlauin a inthup a, a dul te pawh langlo thei ang ber turin a lo hreng thin a, mahse thla 8 ngawt a pai hnu a a pum a lo nat tak avangin April 29th khan Durtlang Damdawi In ah hruai ani a. Casualty a duty nurse te chuan pum na satliaha ngaiin nachhawkna an lo pe a, hemi hnu lawkah naute nu chuan bualin a inthiar tura lutin a fa hi a hring ta ani. He naute nu hian a fa hi a hrin hlimin mi hriat hlau takin a lai hrui te chu amaha pawtchatin a hlamek te pawh commode ah a lo flush vek niin thu kan dawng.BUANNEL.COM %Mizoramah mit thlak theih dawn. Nilaini khan Health Directorate Conference Hall-ah Half Yearly review meeting on Blindness neih a ni a, Mizoramah mit thlak theih tep a nih thu sawi a ni. He hun hi Dr.N.Pallai, Director of Health Services in kaihruaiin, State Blindness Control Society hmalak mek leh hlawhtlinna te a sawi a, health minister hmalaknain Civil Hospital, Aizawlah Eye Bank (Mit vawn thatna) room siam a nih tawh thu leh a hmanrua pawh lei tur a inbuatsaih mek a nih thu sawiin, "Tun atanga rei lo teah Mizoramah ngei mit kan thlak ve thei tawh dawn a," a ti.ZAWLBUK.NET % Karnataka-ah Manipur hel pawl hruaitu lu 6 man an ni. Manipur hel pawl, People's United Liberation Front senior member paruk, an hotu ber, M I Khan telin Karnataka-ah man an ni tih Official te chuan Imphal-ah Thawhtanni khan an sawi.Manipur Police te chuan heng hel pawl te hian North Eastern states-a an chêt dan tur duang turin Mysore Hotel pakhatah hian meeting neih an tum niin Report an dawng a, hemi hnu hian Karnataka Police tanpuina an dil nghal a, tichuan, Imphal East District Superintendent of Police, Th. Radheshyam kaihhruai Police Team te chuan Karnataka Police te puihna-in heng hel pawl te hi Mysore khawpui-a hotel pakhat atangin an man ta a ni.KHAMPAT.COM

Vol XIII Issue No. 14

Bangalore Mizo Association Pathianni Tin Chhuak Chanchinbu

Khawvel % Tunlai hian China ramah natna thar Enterovirus 71 an tih chu a hluar hle a, he natna hi naupang vei chi niin China khawchhak lam Anhui ah phei chuan naupang 22 in an thih phah tawh a. He natna hi China ramah ringawt naupang 3321 in kai tawh a report niin, 978 te chu damdawiin ah enkawl an ni a, chung zinga 48 te chu an dinhmun a thalo hle ni a report ani bawk. % Dalai Lama chuan Tibet buaina sawifel tur leh a tul anga hma la turin nimin khan China a tlawh. A chamchhunga an thu relte chu Dalai lama in China ram a chhuahsan hma chuan media in an puanzar khap ani. % Tun kar liamta khan Austria ramah chuan khawvel barakhaih tak thil a thleng a, Josef Fritzl kum 73 a upa chuan a fanu Elisabeth Fritzl kum 42 chu vawi sarih ngawt mai alo rai tawh tih Austria Police te chhuan an hmuchhuak. He thil hi Elizabeth Fritzl-i fapa pakhat damlohna atanga chhuaichhuah niin, tunah hian Elizabeth leh a fate ho hi uluk taka enkawl mek an ni. Josef hian Elizabeth hi a kum 18 mi a nih lai atangin an inhnuaiah a kalh khum a, kum 24 hnuah Elizabeth hian khawvel eng alo hmu ve leh ta ani. An fate thenkhat phei chhuan pian tirh atanga khawvel eng la hmulo an nih avangin Police tan an zuk chhanchhuah hnua pawna an hruai chuan mak an ti hle a, mihring tawng pawh nilo hian maksak tak tak in an hram ani. % Myanmar khawpui pakhat Yangon ah chuan nimin tlai khat cyclone a tleh a, in leh lo te a tiche nasa hle a, hetih lai hian tuilian vangin motor te pawh an kal kual theilo nia report ani. Yagon International Airport pawh hethil thleng avang hian khar ani. He cyclone hi Yangon atangin Thailand lam pana tlehchho tura rin ani. % London Mayor tur thlanna neih zawh tak ah chuan nimin khan Boris Johnson chuan Ken Livingstone kum 8 chhung he hna lo chelh tawh chu vote 139,772 a khumin mayor thar hna hi a chelh dawn ani. % May 2 atang khan Cuba ramah Personal Computer chu mipui lei ve atan sawrkar in phalna a chhuah ve ta. Cuba ramah hian a Computer hi zawrh leh lei khap tlat ani a, mahse The Island Communist sorkar chuan tun hnai khan he phalna hi pe in PC pakhat hi Dollar 780 man ani dawn ani(a configuration kan source ah a in ziah loh avangin aman nen hian an PC zawrh hi a inphu leh phu loh kan sawi tel theilo). % Philipp Freiherr von Boeselager chu kum 90 mi niin May 2, nilaithawhtan zan kan a boral. Philipp hi 1944 a Hitler-a bomb hmanga that tumtu te zinga mi kha niin a thihchhan hi lungphu chawl nia report ani.

On this day
1494 : Christopher khawmualpui a rah ni.

Date: 4th May 2008 Phek Lina

Columbus

in

Jamaica


1799 : Tippu Sultan chu British Sipai ten an thah ni.
1677 : Isaac Burrow, English Mathematician thihni.
1904 : Khawvel Enggineer te hnathawh tawh a la ropui ber a sawi Panama Canal(leihnuai tui kalkawng) Pacific Ocean leh Atlantic Ocean zawmtu siam tan ni.
1904 : German Football Club FC Schalke 04 dinni.
1987 : Cesc Fabrigas pianni. Infiamna % Nizan inkhel result: Manchester United 4–1 West Ham Aston Villa 0-2 Wigan Blackburn 3–1 Derby Middlesbrough 2–0 Portsmouth Reading 0–1 Tottenham Fulham 2–0 Birmingham Bolton 2–0 Sunderland Zanin inkhel turte: 7:00pm Arsenal - Everton 9:30pm Liverpool - Manchester City Monday zan: 9:30pm Newcastle - Chelsea % Spanish League(zanin inkhel tur): 11:30pm Barcelona – Valencia 01:30am Osasuna - R.Madrid % Manchester United Winger Cristiano Ronaldo chu tunkar liamta khan PFA (Professional Footballers’ Association) chuan Player of the Year ah an thlang a. Tin, FWA (Football Writers’ Association) pawhin Ronaldo hi Player of the Year ah an lo thlang ve bawk ani. Fing-tometer (i mawl nge i fing?): 1. Alphabet ah hian letter engzat nge awm? 2. Ke pakhat in ka kal a, ke pathum in ka ding? 3. Mosia leh superman inan na? 4. I lei lai a dum, I hman lai a sen, I hman zawh hnua var?

Verse of the day: Thawkrimtu chu a ei tlem emaw, a ei tam emaw, a mut a tui thin a, mi hausa chuan a ngahna chu a muthilh loh phah zawk ang. Thuhriltu 5:12

BMA Office Bearers 2008-2009: President : Rev PC Lalduhawma Vice President : Pu Josiah L Ralte General Secretary : Mâdawnga Hauhnâr Asst.Gen. Secretary : Lalengzuala Treasurer : Rebecca Lalmalsawmi Assistant Treasurer : Blessy Sailo Secretary i/c Sports : R. Lalremruata Secretary i/c Cultural: Terence Lalthlamuana Secretary i/c Academic & Human Resources : Lalrothara Tlau