Bma Aw: 11th May 2008

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 17 Bangalore Mizo Association Pathianni Tin Chhuak Chanchinbu Date: 11th May 2008 Phek Khatna

% Kan Vice President Pu Josiah L Ralte chu seminar nei turin vawiin Pathianni zing khan Shillong a pan a. He seminar ah hian paper present tur a kal ani. % Kan hmalawka Silver Jubilee lawmna kan neih tur denchhen a sum tuakna atana Lucky ticket zawrh chu member tin ten lei theuh tum ila, he lucky ticket hi Vangpui Kut closing day Oct 2 ah vawr tura tih ani. % Kan member Nl. C. Lalmuanpuii chuan MSC Mathematics Christ College atangin Distinction ah a pass a ni. % Tv Remsiama, Tv Thazuala leh Tv Sangtea te chu Vellore damlo Kidney Transplant tur chu thisen pe turin an kal. % Kan member hlun tak Tv. Zoramthanga chuan May 22 hian Aizawl Baptist Church ah nupui a nei dawn a, Editorial Board te chuan kan lawmpui hle a, an hun lo kal zel atan duhsakna sangber kan hlan ani. % Vawiin hi Aizawl lamah chuan Penticos ni atan hman ani a, Kohhran thenkhat ten programme bik duangin hun hman an tum ani. % Kan General Secretary Tv. Madawnga pawh tul eng eng emaw buaipuia Delhi lamah a han zin hnuin Bangalore lam alo thlang thla ve leh ta. Karleh lam hian liam chhoh leh a tum ani. BMCF INKHAWM PROGRAMME 18 MAY 2008 Hruaitu: Tv. Madawnga Hauhnar Tantu : Nl. Judy Lalbiakfeli Thawhlawm Hlanna Tawngtairual Special Number: Mapuii Hostel Thusawitu: Rev Athang Leivon

Mi Pangai nih tum tawh mai ang H. Lalnunfela (Dr.AIT) Ka ngaihtuah chian poh leh ka chiang lo telh telh ta tlat mai. Engtin nge ka hmalam hun hi ka hman chhoh ve ang le? Hmalam hun atana inbuatsaih reng rengin ka tun hun hi buai takin ka hmang chho ve zel chu a ni a. Eng emaw châng chuan a harsa zawng kher hian ka hmang thinte hian ka hria, ka duh ang leh châk zawng anga ka hman theih loh vang pawh a ni ange . Damchhung Kum sawmthum vel chu abâk kum sawmthum vel (chakna avangin a aia tam pawh a ni thei) nuam taka hman theih nana hreawm taka han hman mai chu enge maw a ropui viauna ni ang? Nuam deuh hleka hmang leh thei si lote zingah tel leh tlat si ila lungchhiatna ti tamtu mai ala nih te pawh ka ring. Hetiang zawnga ka ngaihtuah tlat vang hi nge ni tun thlenga ‘Mi Ropui’ ka la nih loh. Mi ropui leh lar tak nih hi kum zât chuan a hril ber lo amaherawhchu mahni kum han chhûtchian chuan mi ropui leh lâr nih chu sawi loh ‘Mi Pangngai’ nih mai pawh hi ‘Vanneih chuan’ tiha a innghat thui ta viau mai. Khai le, ka chiang ta hle mai, hei ngei hi a ni ka hriatchhuah theih loh thin chu, Mi Pangngai nih hi ka tum ber tur chu a ni. Engin nge chu dinhmunah chuan min thlen ang ? Engte nge tih tul? Engte nge tih loh tul? Ka va buai tan leh tawh ve , hei tal hi chu sualchhuak ve tawh teh ang. Sipaia han tante, Driver-a han tan mai te kha a hunlai a zirin mi pangngai nihna alo ni a.Tunlai hian la ni ta se ka va tal buai dawn em. Indonaa ngaihtuah thui avanga thi ve lo pawl nih loh pawhin Indonaa kal ve tlak lo eirawng lo bawltu velah kan tang pha ve mai ang chu.Zan tam tak Motor hi a Gear thlak ngai kher lovin lo siam ta zawkse tia duh thu lo sâm thin tan chuan Driver nih chu a har ang. Tunah chuan zirna hi a bul ka lo tan ve tawh bawka atawp thlengin nawr liam ve hrim hrim ang, a thiam berte zinga mi nih kher loh pawhin ‘Zirlai’ han nih mai pawh hi Mi pangngai nih tum chuan a tha tawk hrih tho e. Kum tam vak lo liam ta khan Mizoramah chuan Damdawi ruih (Drugs Addiction) kha an lâr em em khawpa, a ti ve lo nih aiin ti ve nih kha Mi pangngai nihna emaw tih hial tur a ni. Amaherawhchu a nghawng an lan tan tak tak kha chuan Damdawi ti ve lo nih mai kha Mi pangngai nihna a lo ni, thil dang ropui leh tha tak va tih belh kha a ngai lem lo. Enge Mi pangngaite awm dan tur dang ni leh ang aw? Ka ngaihtuah chhuak ve leh hram e. Hei chu a pawimawh dan a dang ta hle mai Damchhung tawp lam thleng a hawlh pha tlat. . Thalaite chuan kan tum vek a nih ka ring, chu chu Chhungkaw pangngai tak din hi a ni. Chu chuan Chhungkaw Pa ber innghahna tlak a mamawh dawna, Nu ber engkim enkawltu tur a ngai ngei ngei dawn bawk. Chutah fate kan han nei anga chhungkaw pangngai tak chu kan ni thei mai dawn e. Innghahna tlak ni turin ka dinhmun ka lo sawhngheh a tul anga, Nu ber tur pawh a hmuh mai theih dawn e. Amaherawhchu Kan khawtlang nun zalen tawh takah hian thlan fuh ava ngai dawn ve.

Vol XIII Issue No. 16

Bangalore Mizo Association

Editor Lalengzuala Ph- 9972 235 314 Joint Editor C. Lalrinfela Ph- 9844 783 282 Circulation Staffs: Ruby Lalremruati R. Laltleipuii

E-mail: [email protected] Website: www.bangaloremizo.info A man (thla thum) : Rs. 60/-

Pathianni Tin Chhuak Chanchinbu

Date: 11th May 2008

Phek Hnihna

Thalai tan chuan mipat hmeichhiatna hi engtianga kal chhohpui tur nge tih hi a buai ve theih hle mai. Nupa a insiam hmaa lo tem lâwk ngawt hian inneih leh lohte a awm thei dawna, thil tha lo tak ni mai lovin tu tan ve ve pawh buaina tam zawk thlentu a ni thei dawn tlat, mi hriat loha thil inthup tlem tawh karah hian. Nupa ah insiam thei ta pawh ni ila, ka duh duh anga thu delhkilh awm miah lo pawha ka lo chêtpui theih lakah chuan nakin zelah in rintawnna a va tlahniam duh dawn ve, thil ho tê ah pawh. Inrintawk lohna kara seilian tur fanaute nun kawng chu a ngaihtuah awm chho tan dawn tlat. Chubakah kan rila rah ngei fate nghak hlel taka lo thlir dân tur thlengin a tibuai thei dawn tlat mai, Ka duat em em, ka fa hmasa ber ke pên hmasa ber a hlut dân han tihniam rawih theitu chu Nupaa insiam hmaah hian a lo innghat zawk a ni . Hmangaihna hi a tha lam vek chu a nih hmel sia. Ngaihzâwng neih lah sual a ni lo tih a chian theih hle mai. Chuti anih chuan heng nghawng tha lo nei thei tur thil hi chu ‘Hmangaihna’ leh ‘Ngaihzawng neih’ han tih mai huang chhunga dah tel theih chi a ni lovang. Kan hmâ kan inngaihtawnsak tak tak a nih ngai chuan.

Editorial Mother’s Day Vawiin hi kan hriat theuh angin Mother’s Day ani a. He hun hi nute chawimawi ni emaw nute ropui na ni kan ti thei awm e. Khawvel hmun hrang hrang ah Mother’s Day hman ni hi a in ang lo a, mahse vawiin hi ram tam zawk tena kan hman ni ani.

Hei bâk enge la awm ang? A lo tam hle mai , Inngaihtlawmnate, engkim a hun leh hmun hriatte hi ka nih tum ni phâk tur chuan a va hlu dawn em. A hu hova thil tihna ang chia a mawi tawka tel ve te hi Mi pangngai tak nihna a va ni tak em. Ka lu a hai ta, ka duh aiin ka ngaihtuah chhuak hnem tlat. Ka tum thlak leh hial ka duh rum rum ta mai. Amaherawhchu Mi Ropui ka nih theih hmel si lova hei bâk chu ka tawlh sawn tawh tur a ni lo.

Kan nu leh pate beiseina Kum khata vawikhat hmanthin Mother’s Day ah hian nute hlutzia hi hriat chhuah thar tum ila, kan tana an inpek nasat zia te, kan thatna tura tha leh zung an sen zozai te hi theihnghilh lo ila, kan tihve theihtawk kan hmangaihna lantir hi uar taka tihlan theuh I tum ang u. Mizote hi a hnam ang chuan ngaihzawngte bak “ka hmangaih che” ti ngai vaklo kan ni a, he tawngkam thlum tak leh ngaihtlak nuam tak hi ngaihzawngte mai bakah midang hnena sawi te hi uar ve telh telh ila a duhawm hle. Tin, pate ho pawhin vawiin na nana hi chu “pa kani alawm” tilo in, “Nang zawk hi ilo ni e” ti thei theuh ila, kan nupa inkar boruak a nuam sawt loh pawhin a chhiat phah lo ngei ang. A tawp berah chuan nu kan nei tawhlo anih pawhin he hun hi lawm taka hman tum ila, kan rilru theuhah kan nute kha lo thar leh se, tawngtaina nen thlarau lamah “Ka Nu, Ka hmangaih Che” kan ti tawh mai dawn nia. Happy Mother’s Day

Hmangaihna avangin khawvel eng kan lo hmu ve a, he khawvel eng kan lo hmuh ve ni atang hian kan nu leh pate hian kan chungah beiseina leh innghahna lian tak an nei theuh a. Rethei emaw hausa emaw, fing deuh leh finglo deuhte pawh an ni thei e, heng an nihna te hi inanglo mahse fate chunga beiseina an neih chu a thaber leh zahawm ber te ani fo. Tichuan beiseina lian tak nei chungin, theihtawp leh neih sum sengin min enkawl seilian chho a, mi te rual kan pawl loh leh mite neih ang kan neih ve loh hlau in an tha leh zung te an seng thin. Hun leh kumte alo in her liam zel a, kan nu leh paten kan chunga beiseina an neih pawh a danglam ve zel a, amaherawhchu min hmangaihna leh theihtawp chhuaha min enkawl seilen nate avang hian beisei leh duh an nei ve thin a, chu an beisei na chu keini an fate hian kan hrelo fo thin. Nu leh pa thenkhat chuan fate chunga an beiseina chu a thaber, mite thawhphak loh leh midangte thiam ve loh thilte pawh ani thei e. Amaherawhchu kan nu leh kan pate hian an duh ber erawhchu mipuitling taka kan chhuah hi ani. Beiseina nei liantak chungin phai lamah te thiamna sang zawk kan neihtheih nan min thawn liam a, hnasang leh zahawm, hlawh tha tak te chu kan thawh ve te pawh an beisei ve thin, amaherawhchu kan nun kan hlauh hi an hlauh ber ani awm e. Eng anga hnasang leh tha pawh thawk ila, mite hmuhsit leh mite nuihzat a kan awm hi kan nu leh pate hian an hlauh ber a, tin hetianga kan lo awmta anih pawhin a rilru na ber tur chu kan nu leh kan pate tho hi an ni. Chuvang chuan kan zirna lamah kan lo hlawhtlinglo ani emaw, hlawhtling ta viau anih pawh in kan nun theuh hi uluk ila, vantlang leh mite rawntlak ni lemlo mah ila, kan nu leh pate beiseina hi tih hlawhtlin sak theuh I tum ang u.

Vol XIII Issue No. 14

Bangalore Mizo Association

Bangalore Chanchin % Vawiin ah boruak alum lai berin 34oC a ni anga, a vawh lai berin 22oC ani dawn ani. Karleh lam hi chuan boruak lumlam in zia awm lam apan tur a rin ani. % A thawhkhat na atan nimin khan Karnataka inthlanpui chu neih ani a, harsatna leh buaina liantham em em a awm hriat ani lova. Ni 16 ah a thawhhnihna neih ani leh anga, ni 22 ah a tawpna neih ani ang. Nimin inthlan neih takah 30% voters velin vote an thlak ani. Mizoram Chanchin %Nupui(then hnu) Vit Hlum. Lalthawmmawia S/o Sapzinga Baktawng chuan nilai zan khan a nupui (then tawh) Remlalthangi D/o Chawnghlira Chhingchhip chu a chenna in Aibawk ah avit hlum. Thawma hian an in then hnu pawhin an nu hi in ah luhkhung in a sawisa fo thin a, chumi chu ning in an nu chuan police hnen ah a report a, man ani in tan in ah dah reng ani a. Nilai khan tanin atang in chhuah anih hnu ah tlai lam ah taxi hmang in Aibawk a pan a, an nu hlui te in ah lut in ava vit hlum tawp mai ani. Remlalthangi hi Lab.Technician in Aibawk damdawi in ah a thawk a, a thiannu Health Worker nen Quater ah an khawsa dun ani.MISUAL.COM %Home Missions School zirtirtute hlawh lak-ah Rs. 500 note lem tel. McDonald Hill-a Home Missions School zirtirtute hlawh lakah cheng 500 note lem a awm avangin School thuneitute'n an lâk chhuahna Bank atangin thleng lêt leh an tum a, Home Missions School thuneitute sawi danin, zirtirtute hian Millennium Centre-a Punjab National Bank atangin an hlawh hi an la thin a, Nilaithawhtannia zirtirtu-ten hlawh an la zo, Bank danga an hlawh lâk dah an tum chu Bank thuneitute chuan Rs. 500 note lem an hmu tih an sawi a, hemi a nih avang hian Nilaithawhtannia-a hlawh la-te chuan nimin khan an School-ah an hlawh lâk-te chu an kir leh nual a, heng pawisa-te hi Punjab National Bank-ah hian thleng lêt leh an dil dawn a, Bank

Pathianni Tin Chhuak Chanchinbu

thuneitute'n an phal lo a nih chuan Police-ah FIR thehluh an tum tih an sawi. School thuneitute chuan tûna an hriat chin-ah chuan mi 6 hlawh lak atangin cheng 500 note lem 12 an hmu tih an sawi a, heng note lemte hi pawisa tak kârah a hrang theuh-a dah a ni a, zirtirtu dangin an hlawh lakte chu in lama an la dah avangin pawisa lem engzât nge awm tih pawh an la hriat chian loh thu leh nimin inrinni khan complaint thehluh an tum tih an sawi bawk a ni.KHAMPAT.COM %Mizoram Baptist Kohhranin tam tanpui nan buhfai an sem chhuak leh. Mizoram Baptist Kohhran Tam Relief Committee chuan zirtawpni zing khan Edenthar kawngpui kama an kohhranin tam tuarte puala buhfai an chhêkna, Upa Zokima in atangin Mautam tam tuarte chhawmdawlna tur buhfai thahnem tawk tak a thawn chhuak. Mizoram hmun hrang hrang pan tur buhfai phur motor 6 thlahna hun serh hi zirtawpni zing dar 7 khan, BCM Mautam Tam Relief Secretary Rev R.Lalrintluanga kaihhruainain Mizoram Baptist kohhran chuan a buatsaih a. Buhfai Kg 50 awmna ip, ip 220 thawn chhuah a ni a, an thlenpuina tur khuate chu Phuldungsei, West Phaileng, Vairengte, Sakawrdai, Phuaibuang leh Kolasib khuate a ni phawt ang a, heng khua atang hian a chhehvel khaw dangah kohhran leh khawtlang hruaitute nena inrawnin, pawl leh sakhua thliar bik nei lovin, tam tuar nasa bik thlan chhuahte hnenah sem darh leh nghal turin ruahman a ni.KHAMPAT.COM %Hnahthial-ah MAP 400 chuang an lut. Hnahthial District thar ngiata chaw ngheia sorkar nawrna kal mek kaihhnawihah, boruak duhawm lo thleng thei veng turin Lunglei atangin 2nd Bn. MAP 400 chuang, Hnahthial-ah tirh luh an ni. Hnahthial District Demand Thalai Pawl chuan thuchhuah siamin Hnahthial-a MAP inkulh hian hmeichhia leh naupang a tiralti hle niin an sawi a, hel bei tur ang hrima ralpui phiara phiar an ni chu

Date: 11th May 2008

Phek Thumna

democracy kalphung pela mipui rah behnaah an ngaih thu sawiin, naktuk, May 6 hma ngeia heng Police te hi Hnahthial chhuahsantir turin Mizoram sawrkar an phut a ni.ZONET.IN % Chief Minister Pu Zoramthanga kaihhruaia Cabinet Meeting, zirtawpni a neihah chuan Mizoram High Court hran din leh School Education Directorate, pahniha then remtih a ni. Sorkar thuchhuah tarlan danin, School Education Directorate hi Directorate of School Education leh Directorate of State Council for Educational Research and Training (SCERT) ah then a ni ang. Hemi bakah hian Private School hrang hrang 209 Adhoc Recurring Grant-in-Aid System-a hlankai remtih a ni a, High School Headmaster hna thar 18 siam rawtna pawh Cabinet Meeting chuan a pawm a ni. Industries Deptt-a bet thin, Information Technology and Electronics Wing chu Department hranga siam remtih a ni a, a hming atan "Department of Information & Communication Technology" tih vuah a ni dawn a ni.ZONET.IN % Mizoram Presbyterian Kohhran Synod chuan Mautam tam tuar mek, Mizoram chhunga khaw engemaw zatah Synod Social Front kaltlangin tanpuina buhfai a sem mek a. Ningani khan Mamit Dist-a tam tuar khaw pariat (8) ah buhfai quintal 43 sem a ni a. Synod Executive Secretary, Rev.Zosangliana Colney leh Social Front Coordinator, Dr.Robert. S. Halliday ten a hmunah kalin tam tuarte hnenah buahfai hi an sem a ni.ZONET.IN % Champhai khawpui chawm tura tui lakna lui, Tuipui chu Nilaini khan misual, tu tih hriat lohvin Turin a hrai. Champhai Police atanga thu dawn danin, he lui an hraina hi tui lakna mawng lamah a nih avangin Champhai Tui Pump tibawlhhlawh phak lovah ngaih a ni a, sangha leh luia nungcha thi thahnem tak hmuh a ni. A titu hi Police ten an zawng mek a, rinhlelh thil-ah Champhai Kanan veng mi 1, thu zawh fiah atan an man tawh a ni.ZONET.IN

Vol XIII Issue No. 14

Bangalore Mizo Association Pathianni Tin Chhuak Chanchinbu

Khawvel % Tunhnai a Burma rama Cyclone tleh avanga thi zat report hnuhnung ber chu 23,335 niin, thi hi an la pun belh a rin ani a. Hetih lai hian Burma ram sorkar chuan ram dang hnen atanga tanpuina lak ah harsatna a insiam nasa hle a, thlawhna a tanpuina pek chiah an duh thu an ram hruaitu te chuan an sawi ani. Hemi chungchang ah hian UN leh khawvel ram hruaitu dang te chuan Burma ram hruaitu te chu an rilru puthmang thlak vat tur leh mi tuarte tanpui hna nasa zawka thawk vat turin an nawr reng bawk. BBC report-a alan dan pheichuan tunah hian hri thalo a leng tan tawh nge nge ani. % US President George Bush a fanu upa ber Jenna Bush chu nimin khan Virginia-a Republican fapa Henry Hager nen an innei ani. He inneihna ah hian sawm bik hnai vai tak takte bak lo chu kal phal ani lo a, media lam pawhin an inneih chanchin ziah bak tih theih vak an la neilo. He chanchin ziah lai pawh hian an inneih thlalak hi khawi website ah mah hmuh tur ala awm lo ani. % Nimin inrinni khan US khaw pakhat Oklahoma ah chuan thlipui chikhat Tornado chu a tlehchiam a, mi 11 in nunna an chan tawh ani. He thlipui avang hian Picher khua a inleh lo te chu a chhe nasa zual hle. Tukin zing lam khan National Guard Troops lam pawhin tanpui leh chhanchhuah hna ngawrh takin an thawk ani. % America Presidential election a Democratic Candidate tur a nominee pahnih Hillary Clinton leh Barack Obama te chu an dinhmun a inthat hleih ta hle a, Obama hian thlawptu(delegates) 275 a neih laiin Hillary Clinton chuan 271 chauh a nei thung ani. % Tunkar liamta khan Mexico ramah chuan an officer lian 3 ngawt mai misual in an kahlum sak ani. May 8 nilaithawhtan khan National Police Operations against Drug Traffickers a Director nilai Edgar Millan Gomez chu kahhlum ani a, ni 9 khan Mexico Anti-Kidnap Unit a an hotu Esteban Robles chu kahhlum leh niin nimin khan Mexiacan Policeman zinga record nei thaber a sawi Juan Antonio Roman Garcia chu kahhlum leh ani a. An pathum hian an chenna in kawtah theuh kahhlum vek an ni. Mexico President Calderon chuan he thil thleng hi pawi a ti hle a, anti-drug trafficking tih rem nana hma alakna chu heng thil tleng vangte a athuanawp loh tur thu sipai thi ta te thlahna hun hman naah a sawi ani. On this day
1949: Thailand in a hming a put ni. (Hemi ni hma hi chuan tuna Thailand hi Siam tiha hriat ani)

Date: 11th May 2008 Phek


1949: Israel in United Nations a zawm ni.
1960: Contraceptive (Birth Control) Pills chu mipui lei theih tura zawrh hmasak ber ni.
1981: Jamaican zaithiam Bob Marley thihni.
1987: Heart-Lung transplant tih hmasak ber ni Infiamna % Zanin inkhel turte: Birmingham Blackburn Chelsea Bolton Derby Reading Everton Newcastle Middlesbrough ManCity Portsmouth Fulham Sunderland Arsenal Tottenham Liverpool West Ham Aston Villa Wigan Man Utd Zanin inkhel hi EPL last match ani tawh dawn a, Man Utd hi an chakchuan Champion no mawi an chawi anga, chutih rualin an point hmuh zat hmuve Chelsea pawh an chak ve a, Man Utd lam an chaklo anih chuan Chelsea hi an Champion thung dawn ani. Religation zone ah Reading(pts33), Fulham(pts33), Birmingham(pts32) leh Derby(pts11) an awm a, Derby hi religate chiangsa an ni a, abak ho hi chu zanin match result in season leha an dinhmun tur a hril dawn ani. % Italian League(Serie A) pawh in um a nasa tual tual a, leader Inter Milan(pts81) leh Roma(pts 78) te chuan tan an khawh nasa dun hle. Spanish League (Primera Liga) ah Real Madrid(pts81) in an lead a, Villarreal(pts71) in dawt in Barcelona(pts 64) pathumna an ni. Tun season a Barcelona an chet that loh avang leh boruak neuh neuh avangin an Coach hmanlai Frank Rijkaard chu banin Barcelona leh Spain Captain lo ni tawh thin Josep Guardiola chu Coach thar atan season thar atangin an hmang dawn ani. Verse of the Day: I pa, a hringtu che thu pawm la, I nu chu a lo tarin hmusit suh.

Thufingte 20:22

PG ACCOMODATION AVAILABLE PG Accomodation available in Lingarajapuram, Bangalore-84 with good facility and food. Contact: PC-a Phone: +91 99804 74918 Rocky: +91 98861 23354

BMA Office Bearers 2008-2009: President : Rev PC Lalduhawma Vice President : Pu Josiah L Ralte General Secretary : Mâdawnga Hauhnâr Asst.Gen. Secretary : Lalengzuala Treasurer : Rebecca Lalmalsawmi Assistant Treasurer : Blessy Sailo Secretary i/c Sports : R. Lalremruata Secretary i/c Cultural: Terence Lalthlamuana Secretary i/c Academic & Human Resources : Lalrothara Tlau