Bma Aw: 3rd February 2008

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 5 Bangalore Mizo Associ ation Pathianni Tin Chhuak Chanchinbu

KEIMAHNI && BMA magazine, Chhinlung pawh buaipuina a kal mek zel a. Tunah hian peihfel tep niin, vawiin tlai lam hian press lama dah theih mai tura peihfel a buaipuitu lam ten an tum. && Member tam tak an haw lai a ni. Engineer thenkhat pawhin an exam an zo veleh hlawm a, Mizoram lamah te chawlh hmangin an haw hlawm a ni. && Asst. Gen Secretary, James Lalrintluanga pawh January ni 31 (Ningani) khan Mizoram lam atangin a lo chhuk ve leh ta. Chawlh a han hmang nuam hle tih thu kan dawng. && BMA Directory 2007-2008. Bu khat Rs. 50 chauhin a lei theih. Directory ah hian Bangalore Mizo Association member te hming, phone number, address, zirlai leh hnathawhte dah a ni a. Tin, thil hriattur dang tam tak pawh dah a ni. Inhriat tawn nan te, chhiatni thatni atan te a tangkai hle. A copy a tam loh avangin chanloh palh awm thei a ni. **Article han thawh zel rawh u khai. A leng tam a nia. BMCF INKHAWM PROGRAMME

Pathianni (10th Feb. 2008, 3:00pm)

Hruaitu : Pu Bobby DK Vaiphei Tantu : Tv Allen Lalhnehchunga Thawhlawm : Pi Laldingliani Special No. : Tv Thanghmingliana Thusawitu : Pu K. Lalrokima Changvawn : Thufingte 1:7 ‘Lalpa tih chu finna bul a ni’ Vawiin Bangalore:

Boruak a lum tan deuh. Temperature a san lai berin 30.5 deg C a ni a, a hniam lai berin 20.4 deg C. Vawiin tlai 6:21pm ah Ni a tla ang a, naktuk zing 6:46am ah Ni a chhuak ang.

Date: 3rd February 2008

Phek Khatna

Article:

Descamisado - Thara Tlau Orkut-ah chuan ka hming tawpah “descam i sado” ka dah a. Thian thenkhatten a awmzia mi rawn zawt fo mai a. Thenkhat chu fumfe takin a “historical significance” nen lama hrilhfiah pahin ka chhang a, thenkhat erawh chu a awmzia chiangkuang vak lovin ka hrilh satliah mai a. Descamisado hi Spanish tawng thumal a ni a, Mizo tawng chuan kawr ha lo emaw kawr ruak (shirtless) tihna a ni mai a. Amaherawhchu, kawr ha lo han tih mai ai hian a thu awmzia hi a ril a. Argentina politics sawinghing khawpa thawm lo nei na tawh a ni nghe nghe a. Eva Peron, Argentina rama hmeichhe piang tawh azawnga lar ber, hmeltha em em, a ram mipuitena ngaina taka “Evita” tia an koh kha kan hre hlawm awm e. A hming hmasa chu Eva Duarte a ni a. Juan Domingo Peron-a nena an inneih atang khan Eva Peron tia a hming thlakin, nupui satliah mai ni lovin a pasal tan “adviser” tha ber leh rinawm ber a ni nghe nghe a. An inneih hnu kum reilote 1946 a Juan Peron-a Argentina President atana thlantlin a nihna pawh kha tamtakah chuan Evita-i vang a ni a. Eva Peron-i kan hriat awlsam zawk theihna tur pakhat chu kum 1996/97 a musical lar tak “Evita” tih Madonna-i channa atang khan a ni awm e. Kha musical kha Eva Peron-i chanchin behchhana siam a ni a. A la en ve lo emaw hre lo te paw’n MTV a Madonna-in thiam taka “Don’t cry for me Argentina” tih a sak kha chu kan hre theuhin a rinawm. Eva Peron-i pasal Juan Peron-a kha Argentina sorkara Labour Minister a nih laiin diklo taka man (arrest) niin tan inah khung a ni a. A chhan leh vang ber chu, a thiante Fraser leh Navarro tawngkam takin, President ni lo mah sela “the most powerful man in the Argentine government” a nih vang leh mi hnuaihnung ho zinga a tlak nat em avanga President a hliahkhuh mai dawna an hriat vang a ni. Chutia an man atanga ni ruknaah chuan mi nuai thum (3 lakhs) chuang zet chu Casa Rosada (Argentine Presidential Palace) kawtah an pung khawm a, Juan Peron-a chhuah tur chuan President chu an nawr a. Heta mipui pungkhawm te hian nisa hnuaiah chuan an kawr an phelh a, an lungawilohna an lantir a. Hei hi “kawr ha lo” descamisado lo intanna chu a ni. Chu an dilna chu President pawh chuan pawmpuiin zan dar 11.00 ah Juan Peron-a chu tan in atanga chhuah a ni a. Argentina rama kut hnathawk, mi hnuaihnung zawk te, a bik takin Juan Peron-a support tu te chu Descamisados tih an lo ni ta a ni. Kum 1945-a Juan Peron-a leh a nupui Eva Peron-i ten Presidential election campaign a Argentina ram dung leh vang an fanna rel (train) pawh kha a hmingah El Descamisado an sa nghe nghe a ni.

Vol XIII

Issue No. 5

Bangalore Mizo Associ ation Pathianni Tin Chhuak Chanchinbu

Editor C. Lalhmachhuana, UTC, Ph- 98453 30822 Joint Editor Mâdawnga Hauhnâr Ph. 98865 27194 Circulation Staffs: KC Lalramchuani R. Lalpanliani Mary Lalhriatzuali Lalrindiki Hnamte E-mail: [email protected] Website: www.bangaloremizo.info A Man: Thla Thum atan Rs. 45/-

Editorial Mizo te hi pawl din uar hnam kan ni mai lo maw! Thingtlang khua, chenna in mai pawh nilo mihring pawh tlem te awmnaah, kohhran hrang hrang, pawl hrang hrang hruaitu hrang hrang hmuh tur an awm nuk zel. Engatinge hetiang ang hi kan dinhmun a nih tlat mai le. ‘Rote kawla sepa ang’ kan tih hi Mizo hnam zingah hian kan tam bik nge ni dawn ni. Hruaitu nih duh vangte, engemaw nih duh vangte a pawl din hi Mizote tanrualna min daltu lian tak a ni chiang mai. Pawl lian tha tak a awm a, chu chuan a hna leh tihtur tam tak a nei thei a ni. Mizo tena kan hriatloh pakhat chu, pawlin kan duh ang leh tise kan tih ang te finchhuah lo a, a hranpaa ti tura pawl kan din deih thin hi a ni. Engatinge tise kan tih chu kan hrilh mai thin loh le? Mizote hi i tangrual ang u. Tute emaw mi pahnih khat intih theihloh avangte, awmdan duhloh avangte ringawt a, mi fuihpawrh theih nih te hi a ropuilo lutuk. Mi chhem len, mi boruak chevel ringawta thlawk kawi thlawk kawi lovin, i nghet ang u. Inthendarh zel lovin, tangrual ila, kan chak ang chu. (Jt.Ed)

Date: 3rd February 2008

Phek Hnihna

ZONET Award 2007, 10th December 2007-a Vanapa Hall-a an sem dawngtute chanchin 5-na

C. Kamlova India rama mahni tawng ni lo, tawng danga lehkhabu ziak tha zual thlan chhuah zinga tel, Bhasha-Bharati Samman chawimawina dawngtu C. Kamlova, Salem Veng hian Nepali tawnga a lehkhabu ziah, “Anubhav Kaa Duiphaant” avangin he chawimawina hi a dawng a. He lehkhabu hi hla leh essay chi hrang hrang dahkhawm a ni. He lehkhabu ziaktu hi Kristian a nih avangin Nepali tawnga a lehkhabu ziahah pawh hian Pathian hmangaihna leh a zahngaihna chungchangte a zep hram hram a. Nepali hnam mite huaisenna leh an rinawmna, hnam dangten an hriat dante pawh a tarlang bawk. A chanchin ziaktute pawhin Nepali tawng a thiamzia leh an hnam chanchin kilkhawr leh an tawng upate thlenga a hriat hneh zia an hrilhfak a ni. Hei chauh hi C.Kamlova kutchhuak a ni lova, thumal sing hnih chuang awmna, Hindi-Mizo Dictionary pawh a siam a, vawi 3 lai chhut a ni tawh nghe nghe. Pawl 7 zirlai Hindi te, Hindi Grammer te leh thil dangte a ziak a. Mizo thawnthu lar, Ropuiliani leh Khuangchera leh Hawilopari te pawh Hindi-in a let a. Hindi-in ramngaih hla leh fakna hla tam tak a phuah ani. C. Kamlova hi kum 1963 August thla khan sipai boy an tih ang hian a lut a, 1964 October thlaah sipai puitlingah hlan kai a ni a, mahse 1972 June thlaah chhungkaw harsatna avangin sipai hna chu a bansan ta a ni. Harsa taka lehkha zir chhunzawmin, PU, BA leh MA te chu Class vawi khatmah kal lovin a pass vek a, Hindi training leh B.Ed leh M.Ed a zirna zawng zawngah, vai mi thiam rual zingah pawh tuma tluk rual loh, 1-na a ni fai vek a ni. C. Kamlova hian Nepali leh Hindi bakah Bengali, Assamese, Bhojpuri, Awadhi, Urdu leh Sanskrit te pawh a thiam hle a; hetiang taka zirna lama m i chhuanawm, a thawhrimna leh taihmakna avanga chawimawina sang dawng thei khawpa hnam dang tawnga lehkhabu ziak thei hi mi chhuanawm leh chawimawi tlakah ZONET chuan a ngai a, ZONET Award, 2007 a hlan a ni. (source : vanglaini) % Kar hmasa Nilaini khan, Alexandria bul lawk, Meditarenian tuipui hnuaia, internet cable lian leh tangkai tak mai, India leh Europe khawthlang lam thlunzawmtu chu lawngin a tichhe hlauh mai pek a. Engemaw ti takin internet pawh hman a ti hrehawm a nih kha. Khawvel Cyberworld-a kan company hriat lar em em leh a dintu mi turu tak takte chanchin tawi em em: Microsoft – Bill Gates leh Paul Allen ten kum 1975 in an din a. Headquarter chu Redmond, Washington a ni. Net income chu $14.06 billion a ni. Hnathawk mi 79,000 an nei. Yahoo – Jerry Yang leh David Filo ten kum 1995 khan an ti tan a. An headquarter chu Sunnyvale, California a ni. An net income chu $660 million a ni. He hmuna hnathawk chu mi 13,600 an ni. Google – Kum 1998 khan Larry Page leh Sergey Brin ten an ti tan a. An headquarter chu Mountain View, California a ni. Net income chu $4.2 billion a ni. An hna thawkte chu mi 16,805 an ni. Hengte hi international networking khawvelah chuan an ropui hle mai a. A tangkai pawh an tangkai hle a ni.

Vol XIII Issue No. 5

Bangalore Mizo Association

LAWRKHAWM English Alphabet – F ‘F’ hi English hawrawp leh European \awng \henkhatah chuan hawrawp parukna a ni a. Greek hawrawp ‘digamma’ an tih a\anga lo chhuak a ni a. A tirah tak chuan, a pianhmang hi Egyptian hieroglyphic symbol ang deuhin, thil bahna hook ang deuha chhinchhiahna an siam a\anga lo piang ni a ngaih a ni bawk. Hawrawp ai mah chuan thil lem ni a ngaih a ni. Kum BC 1000 bawr vel lai khan Phoenician ho chuan an hawrawp angin chu thil kawm lem chu an hmang \an a. Greek ho pawhin hun engemaw ti chhung chu an hmang ve bawk a. Tuna ‘F’ ang hian ziah a ni a, mahse, an lam dan chu ‘W’ ri ang hian a ni thung. Kum zabi 5-na lai vel khan Greek ho chuan an hmang ta lo a ni. Hetianga Greek in an hman loh hnu hian Roman chuan an la lut ve thung a. An ni hian tuna kan lam rik ang hian an lam ri thung ta a ni. Roman ho hian hawrawp te leh liana ziahna an nei hrang lo a. Mahse, an ziahdan tlangpui chu ‘f’ ang hian a ni thung a ni. ‘F’ chu English thumal hman uar ber 15 na a ni. Nu pakhat duhthusam:

Pathianni Tin Chhuak Chanchinbu

Phek Thumna

BANGALORE CHANCHIN

MIZORAM CHANCHINTHAR

$$ Tun lai chu traffic jammed a nasa leh zual hle mai. Chutih laiin kawng tam tak chu siam\hat niin, a mam zuih hlawm mai. Khua a lum lam hret hret zel. Thawmhnaw man hmun tam takah chuan an tihniam hlawm.

## Mizoram sawrkar chuan thingtlang lama buhfai pekte, khawpui lam ah phur letin, a man to zawkin hralh ani tih an hria a, a phur lettute man chhuah an tum. Hemi chungchang hi Champhai a\anga buhfai lo let chu Dawrpui VC te chuan ration buhfai ani tih an lo hria a, hemi thu hi Supply Department lam te chuan an lo hre ta a ni. Champhai atanga buhfai an phurh let hi Kg.65 vel lai a ni. Sawrkar chuan hetiang lama mipuite lo fimkhur tur leh thil diklo taka ti tu te man chhuahna kawngah sawrkar \anpui turin an ngen bawk a ni.

$$ Bangalore ah hian motor tam tak leh, a bikin autorickshaw te hian gas an hmang nasa hle a. LPG man hetiang hian a danglam. December 2006 khan LPG litre 1 cheng 24.98 a ni a, December 2007 khan litre 1 cheng 31.71 a ni a. Kumin 2008, January ah litre 1 cheng 35.38 a ni. $$ Hetianga gas man a san avang hian auto union te chuan auto chuan man tihsan an ngen a. Ngaihtuah a nih hnuin hetiang hian tih danglam a ni. Km.2 (minimum cheng 12 ni thin kha) chu cheng 14 a ni tawh anga, km.3 ah chuan cheng 21 a ni ang. Km.1 zelah cheng 7 a nih chu. Auto chuan man hi LPG litre1 cheng 45 a nih hma chu hman tura tih a ni. Auto chuan man thar hi February ni 1 a\ang khan hman \an a ni a. Auto driver te pawh March 31 hmain an meter te tifel vek turin ngen an ni bawk a ni. Mipuiten auto kan hman dawnin digital meter hmang ngei hman tum ila, kal chin a hriat bakah, a dik duh bik a ni. $$ Tun laiin cholera natna a tam a, mipuite fimkhur a ngai hle. Khawlai a eitur siam te, tui thianghlim lo te inlo hram hram ang u.

Ambidexterity Ambidexterity awmzia chu, kut dinglam leh kut veilam te, awlsam dan inang chiaha hman theih hi a ni.

Date: 3rd February 2008

$$ Lok Ayu kta te chuan Police officer 10 lai mai an endik a, diklo taka neih, in leh lo thil, cheng vaibelchhe 28 man lai mai an dapchhuak a ni. Lok Ayukta Justice N. Santosh Hegde chuan, an thil neih man te hi chhut mek zel a ni a, 25% lai chu la chhut chhuahloh a ni a ti.

## Mizoramah sawhthing an hralhna man chu pawisa 25-in tih pun a ni. Sawhthing Kg.1 cheng 8.25 in hralh a ni \hin a, tunah chuan Kg.1 chu cheng 8.50 a lo ni ta a ni. Mizoram kut hnathawk tute tharchhuah sawhthing lei hna hi Engineers Indian Research Institute (EIRI) te chuan an thawk a. A man hi tih to zel theih a nih an ring bawk. Sawhthing an leina hmun hi Vairengte ah a ni. Vairengte vela sawhthing leisa an dahna pawh a khat chak hle a, a hmundang an ngaihtuah a ngai hial a ni. ## Tun laiin Mizoram hmun hrang hrang chu a vawt hle a, ruah a sur \hin bawk a ni. Hmun \henkhatah phei chuan temperature a tla hniam hle a, 6 degree celcius te a thleng niin an sawi. Mizoram vawh ber \um chuan 5 degree celcius ni a chhinchhiah a ni a, kumin pawh hian a thleng teuh hle niin an sawi. ## Zirtawpni zing dar 11 vel bawr khan, New Serchhip a Khawtetlang a mi, in pakhat a kang ral vek. A neitupa hi chanhinbu sem a ni a. Bungrua engmah an chuh hman lo.

Vol XIII

Issue No. 5

Bangalore Mi zo Association

Pathi anni Tin Chhuak Chanchinbu

ADVERTISEMENT Room Available For Working Women In Cox Town This apartment has well-furnished double and single bed-rooms with attached bathrooms. It has common living room, kitchen and dinning room. For Sharing room Rent For Single room Rent -

Rs.3000 + Rs.250

Advance – Rs.9000 (Refundable without deposite) Contact: Phone: 080-25483203 080-25485403 / 25805760

Club Manchester United Arsenal Chelsea Everton Aston Villa Manchester City Liverpool Blackburn Portsmouth West Ham United

ni 2, English Premiere Arsenal Manchester United Bolton Wanderers Chelsea West Ham United Derby County Everton Sunderland

Played 24 24 24 24 24 24 23 24 24 23

GD 37 32 21 17 12 6 20 1 9 8

$$ Zanin Pathianni, February ni 3-a English Premiere League inkhel turte. 07:00pm - Newcastl e United vs Middlesbrough 09:30pm – Fulham vs Aston Villa

EPL January Transfer window: Blackburn Rovers OUT: Robbie Savage (Derby County, £1.5million) , Peter Enckelman (Cardiff City, loan)

Chelsea IN: Nicolas Anelka (Bolton Wanderers, £15million), Branislav Ivanovic (Lokomotiv Moscow, £9million)

English Premiere League point dinhmun: (as on 1st February) Position 1 2 3 4 5 6 7 8 9 10

Phek Li na

Bolton Wanderers IN: Tamir Cohen (Maccabi Netanya, undisclosed), Gretar Steinsson (AZ Alkmaar, £3.5million), Matthew Taylor (Portsmouth, undisclosed) OUT: Gary Speed (Sheffield United, loan); Nicolas Anelka (Chelsea, £15million), Gerald Cid (Nice, undisclosed)

Rs.6000

INFIAMNA $$ Nizan Inrinni, February League inkhel result. Manchester City 1-4 Tottenham Hotspur 1-1 Reading 0-2 Portsmouth 1-1 Wigan Athletic 1-0 Birmingham City 1-1 Blackburn Rovers 0-0 Liverpool 3-0

Date: 3rd February 2008

Derby County IN: Danny Mills (Manchester City, loan), Emanuel Villa (UAG Tecos, £2million), Laurent Robert (unattached, free transfer), Robbie Savage (Blackburn Rovers £1.5million), Hossam Ghaly (Tottenham Hotspur, loan), Mile Sterjovski (Genclerbirligi OFTAS, undisclosed), OUT: Steve Howard (Leicester City, undisclosed), Mo Camara (Norwich City, loan), Andy Griffin (Stoke City, £300,000), Matt Oakley (Leicester City, £500,000) (… Next Issue-ah kan chhunzawm zel ang)

Point 57 57 53 43 41 41 40 38 37 36

Infiamna Dang… [%] Ka rawn thl eng thla veleh tawh e. Inkhawmpui hmangin ka han zinkual char char a ni deuh mai. Nuam reuh khawp mai.. – James (Shantinagar) [%] Tunah chuan ka secretary pawh lo chhuk veleh tawh e. Sitting pawh kan neih thuai ka beisei. - VCP (Zanlawn) [%] Ke 2 chauh hi chuan a tih tak tak theih loh, ke 4 hi nei h a ngai ve tawh a ni. – Pu Pca

‘The Crown and Glory of life is Character’

BMA Office Bearers: President : Pu K. Lalrokima Vice President General Secretary : Tv. Mâdawnga Hauhnâr Asst.Gen. Secretary Treasurer : Nl. Blessy Sailo Assistant Treasurer Secretary i/c Sports : Tv. Joar Panzela Secretary i/c Cultural Secretary i/c Academic & Human Resources : Tv. Lalrothara Tlau

: Rev. PC Lalduhawma : Tv. James Lalrintluanga : Nl. Thaarie Hnamte : Tv. Obeda Lalhuliana